BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

WHO៖ ប្រទេសមួយចំនួនមិនគួរបញ្ជាទិញវ៉ាក់សាំង COVID-19 ដូសបន្ថែមទេ ខណៈប្រទេសដទៃទៀតនៅត្រូវការវ៉ាក់សាំងនៅឡើយ

WHO៖ អង្គការសុខភាពពិភពលោកបាននិយាយកាលពីថ្ងៃចន្ទថា បណ្ដាប្រទេសអ្នកមានមិនគួរបញ្ជាទិញដូសបន្ថែមនូវវ៉ាក់សាំងបង្ការជំងឺ COVID-19 សម្រាប់ចាក់ជូនប្រជាជនដែលបានចាក់វ៉ាក់សាំងរួចទៅហើយនោះទេ ខណៈដែលប្រទេសផ្សេងទៀតមិនទាន់ទទួលបានវ៉ាក់សាំងបង្ការវីរុស COVID-19 នៅឡើយ។លោក Tedros Adhanom Ghebreyesus ប្រមុខអង្គការសុខភាពពិភពលោកបាននិយាយថា ការស្លាប់ត្រូវបានកើនឡើងជាថ្មីម្តងទៀតពីជំងឺរាតត្បាតសកល COVID-19 វីរុសបម្លែងខ្លួនថ្មី Delta ដែលកំពុងឆ្លងរាតត្បាតខ្លាំង និងប្រទេសជាច្រើនដែលនៅមិនទាន់ទទួលបានវ៉ាក់សាំងគ្រប់គ្រាន់ ដើម្បីការពារបុគ្គលិកសុខភាពរបស់ពួកគេនៅឡើយ។ លោក Tedros បានប្រាប់សន្និសីទសារព័ត៌មានថា វីរុសបម្លែងខ្លួនថ្មី Delta កំពុងឆ្លងរាតត្បាតទូទាំងពិភពលោកក្នុងចំនួនដ៏ច្រើន ដែលជំរុញឲ្យការឆ្លង និងស្លាប់ដោយសារជំងឺ COVID-19 កើនឡើងខ្ពស់ថ្មីទៀត ដោយគូសបញ្ជាក់ថា ការឆ្លងខ្លាំងនៃវីរុសបម្លែងខ្លួនថ្មីដែលត្រូវបានរកឃើញដំបូងនៅប្រទេសឥណ្ឌា ពេលនេះបានរាលដាលទៅដល់ ១០៤ប្រទេស និងដែនដី។លោក Tedros បាននិយាយថា គម្លាតជាសកលក្នុងការផ្គត់ផ្គង់វ៉ាក់សាំងបង្ការជំងឺ COVID-19 គឺមិនមានភាពស្មើគ្នា និងគ្មានសមធម៌។ ប្រទេស និងដែនដីមួយចំនួនពិតជាកំពុងបញ្ជាទិញដូសវ៉ាក់សាំងបន្ថែមរាប់លានដូស មុនពេលដែលប្រទេសផ្សេងទៀតបានផ្គត់ផ្គង់វ៉ាក់សាំង ដល់បុគ្គលិកសុខាភិបាល និងអ្នកងាយរងគ្រោះបំផុត៕អត្ថបទ៖ សុខមាន

មនុស្ស ៨នាក់ស្លាប់ក្នុងហេតុការណ៍បាក់រលំសណ្ឋាគារនៅក្នុងទីក្រុងស៊ូចូវ ប្រទេសចិន

ចិន៖ ក្រុមអាជ្ញាធរបាននិយាយនៅថ្ងៃអង្គារនេះថា មនុស្ស ៨នាក់បានស្លាប់ និង ៩នាក់បាត់ខ្លួននៅក្នុងការបាក់រលំអគារសណ្ឋាគារ នៅក្នុងទីក្រុងស៊ូចូវភាគខាងកើតប្រទេសចិន។រដ្ឋាភិបាលក្រុងស៊ូចូវបាននិយាយថា សណ្ឋាគារ Siji Kaiyuan បានបាក់រលំកាលពីរៀលថ្ងៃចន្ទ។ មនុស្សភាគច្រើននៅក្នុងអគារនៅពេលនោះគឺជាភ្ញៀវ។ មនុស្ស ២៣នាក់ត្រូវបានជាប់ និង ៦នាក់ត្រូវបានជួយសង្គ្រោះ។ មនុស្សជាង ៦០០នាក់ រួមទាំងក្រុមជួយសង្គ្រោះការរញ្ជួយដី និងរថយន្តចំនួន ១២០គ្រឿងត្រូវបានបញ្ជូនទៅកាន់កន្លែងកើតហេតុ ដើម្បីធ្វើប្រតិបត្តិការ។ ក្រុមសង្គ្រោះបានប្រើដងសន្ទូចស្ទូច ជណ្ដើរ កន្ត្រៃកាត់លោហៈ និងសុនខស្រង់ក្លិនដើម្បីស្វែងរកអ្នកនៅមានជីវិត៕អត្ថបទ៖ សុខមាន

មនុស្សមួយចំនួនដែលជាប់ពាក់ព័ន្ធផែនការធ្វើឃាតប្រធានាធិបតីហៃទី សុទ្ធតែជាអ្នកធ្លាប់ផ្ដល់ព័ត៌មានដល់មន្ត្រីអនុវត្តច្បាប់អាមេរិក

ហៃទី៖ យោងតាមមនុស្សមួយចំនួនដែលបានដឹងពីបញ្ហានេះ បុរសមួយចំនួនដែលបានចូលរួមក្នុងប្រតិបត្តិការដែលបានសម្លាប់ប្រធានាធិបតីហៃទី ធ្លាប់ធ្វើការជាអ្នកផ្តល់ព័ត៌មានដល់មន្ត្រីអនុវត្តច្បាប់របស់សហរដ្ឋអាមេរិក ខណៈក្រុមអ្នកស៊ើបអង្កេតអាមេរិកព្យាយាមស្វែងរក ចំនួនអ្នកជាប់ពាក់ព័ន្ធកាន់តែច្រើនក្នុងរដ្ឋ Florida ទៅនឹងក្រុមដែលរងការចោទប្រកាន់។រដ្ឋបាលអនុវត្តន៍ច្បាប់ប្រឆាំងគ្រឿងញៀនសហរដ្ឋអាមេរិក បាននិយាយនៅក្នុងសេចក្ដីថ្លែងការណ៍ឆ្លើយតបនឹងសារព័ត៌មាន CNN ថា យ៉ាងហោចណាស់មនុស្សម្នាក់ក្នុងចំណោមបុរសដែលត្រូវបានចាប់ខ្លួនដោយអាជ្ញាធរហៃទី បានធ្វើការជាអ្នកផ្តល់ព័ត៌មានដល់រដ្ឋបាលអនុវត្តច្បាប់ប្រឆាំងគ្រឿងញៀនអាមេរិក។ រដ្ឋបាលអនុវត្តច្បាប់ប្រឆាំងគ្រឿងញៀនអាមេរិកបាននិយាយថា បន្ទាប់ពីការធ្វើឃាតប្រធានាធិបតី Moïse ជនសង្ស័យនោះបានទាក់ទងទៅកាន់រដ្ឋបាលអនុវត្តច្បាប់ប្រឆាំងគ្រឿងញៀនអាមេរិក។ មន្ត្រីមួយរូបរបស់រដ្ឋបាលនេះ ដែលត្រូវបានចាត់តាំងទទួលបន្ទុកបញ្ហានៅក្នុងប្រទេសហៃទី បានជំរុញឱ្យជនសង្ស័យប្រគល់ខ្លួនឱ្យអាជ្ញាធរមូលដ្ឋាន ហើយរួមជាមួយមន្ត្រីក្រសួងការបរទេសសហរដ្ឋអាមេរិក បានផ្តល់ព័ត៌មានដល់រដ្ឋាភិបាលហៃទីដែលបានជួយក្នុងការប្រគល់ខ្លួន និងចាប់ខ្លួនជនសង្ស័យ និងបុគ្គលម្នាក់ទៀត៕អត្ថបទ៖ សុខមាន

មនុស្ស ៥២នាក់ស្លាប់ និង ២២នាក់រងរបួសក្នុងហេតុការណ៍អគ្គិភ័យឆេះមន្ទីរពេទ្យព្យាបាលអ្នកជំងឺ COVID-19 នៅអ៊ីរ៉ាក់

អ៊ីរ៉ាក់៖ មន្ត្រីសុខាភិបាល និងនគរបាលបាននិយាយកាលពីថ្ងៃចន្ទថា មនុស្សយ៉ាងហោចណាស់ ៥២នាក់បានស្លាប់ និង ២២នាក់បានរងរបួសនៅក្នុងអគ្គិភ័យ ដែលទំនងជាបណ្ដាលមកពីការផ្ទុះធុងអុកស៊ីសែននៅមន្ទីរពេទ្យព្យាបាលវីរុសកូរ៉ូណា ក្នុងទីក្រុង Nassiriya ភាគខាងត្បូងរបស់ប្រទេសអ៊ីរ៉ាក់។ការិយាល័យនាយករដ្ឋមន្ត្រីបាននិយាយនៅក្នុងសេចក្ដីថ្លែងការណ៍មួយថា ខណៈក្រុមអ្នកជួយសង្គ្រោះបានចូលទៅក្នុងអគារដែលគ្របដណ្ដប់ដោយផ្សែង ដើម្បីស្វែងរកសាកសពបន្ថែមទៀតនោះ លោកនាយករដ្ឋមន្ត្រី Mustafa al-Kadhimi បានជួបប្រជុំជាបន្ទាន់ជាមួយរដ្ឋមន្ត្រីជាន់ខ្ពស់ និងបានបញ្ជាឲ្យផ្អាក និងចាប់ខ្លួនអ្នកគ្រប់គ្រងមន្ទីរពេទ្យ និងការពារស៊ីវិលនៅក្នុងទីក្រុង Nassiriya។ដោយត្រូវបានបំផ្លាញរួចទៅហើយដោយសារសង្គ្រាម និងទណ្ឌកម្ម ប្រព័ន្ធសុខាភិបាលនៅអ៊ីរ៉ាក់បានតស៊ូដើម្បីដោះស្រាយវិបត្តិវីរុសកូរ៉ូណា ដែលបានសម្លាប់មនុស្សចំនួន ១៧.៥៩២នាក់ និងឆ្លងជាង ១លាន ៤សែននាក់។ អ្នកយកសារព័ត៌មាន Reuters បាននិយាយថា ក្រុមសាច់ញាតិដែលពោរពេញដោយកំហឹង បានប្រមូលផ្ដុំគ្នានៅខាងមុខមន្ទីរពេទ្យ និងប៉ះទង្គិចជាមួយនគរបាល ដោយបានដុតបំផ្លាញរថយន្តនគរបាលចំនួន ២គ្រឿង៕ អត្ថបទ៖ សុខមាន

ជប៉ុនផ្ដល់ជំនួយវ៉ាក់សាំងបង្ការជំងឺកូវីដ-១៩ប្រភេទ AstraZeneca ចំនួន ១លានដូសដល់កម្ពុជា

ភ្នំពេញ៖ អគ្គរាជទូតជប៉ុនប្រចាំកម្ពុជា លោក មិកាមិ ម៉ាសាហ៊ីរ៉ូ បានបញ្ជាក់ថា រដ្ឋាភិបាលជប៉ុនបានសម្រេចផ្ដល់ជំនួយវ៉ាក់សាំងបង្ការជំងឺកូវីដ-១៩ចំនួន ១លានដូសមកដល់កម្ពុជាដោយផ្អែកលើស្ថានភាពកូវីដ-១៩នាពេលបច្ចុប្បន្ន។អគ្គរាជទូតជប៉ុនរូបនេះ បានបញ្ជាក់បែបនេះនៅក្នុងសេចក្ដីប្រកាសព័ត៌មានចេញនៅថ្ងៃនេះដោយស្ថានទូតជប៉ុនប្រចាំនៅកម្ពុជា។ក្នុងសេចក្ដីប្រកាសព័ត៌មានដដែល ស្ថានទូតជប៉ុនបញ្ជាក់ថា វ៉ាក់សាំងដែលជប៉ុនសម្រេចផ្ដល់ជាជំនួយមកកម្ពុជានេះ គឺជាវ៉ាក់សាំង AstraZeneca ដែលនឹងផ្ដល់មកកម្ពុជាតាមរយៈមជ្ឈមណ្ឌលសម្របសម្រួលការបែងចែកវ៉ាក់សាំងរបស់អង្គការសុខភាពពិភពលោក។លោក មិកាមិ ម៉ាស៊ីហ៊ីរ៉ូ និយាយនៅក្នុងសេចក្ដីប្រកាសព័ត៌មានថា៖ «ខ្ញុំសង្ឃឹមថា ជំនួយនេះនឹងជួយគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងកូវីដ-១៩ ក៏ដូចជាកាត់បន្ថយការព្រួយបារម្ភមួយចំនួនរបស់ប្រជាជនកម្ពុជា»។ស្ថានទូតជប៉ុនបញ្ជាក់ផងដែរថា ជប៉ុនបានផ្ដល់ជំនួយផ្សេងៗមានតម្លៃជាង ៥០លានដុល្លារមកដល់កម្ពុជារួចហើយ ដូចជាការបរិក្ខាពេទ្យ ការកែលម្អមន្ទីរពេទ្យ ការគាំទ្រដល់គម្រោងរបស់អង្គការនានាសម្រាប់ទប់ស្កាត់ការចម្លងជំងឺតាមព្រំដែន និងបរិក្ខាសម្រាប់ដឹកជញ្ជូន និងរក្សាទុកវ៉ាក់សាំង។ស្ថានទូតជប៉ុន បានឱ្យដឹងទៀតថា ជប៉ុនក៏បានផ្ដល់កម្ចីទំហំ ២២៧លានដុល្លារដល់កម្ពុជាផងដែរសម្រាប់ប្រើប្រាស់ក្នុងកម្មវិធីឧបត្ថម្ភសាច់ប្រាក់ដល់ប្រជាជនរងផលប៉ះពាល់ដោយសារកូវីដ-១៩ និងសម្រាប់ពង្រឹងប្រព័ន្ធសុខាភិបាល៕

វីរុស COVID-19 បម្លែងខ្លួនថ្មី Delta រាតត្បាតពាសពេញទ្វីបអឺរ៉ុប ខណៈបន្ធូរបន្ថយវិធានការទប់ស្កាត់

អឺរ៉ុប៖ រលកមួយផ្សេងទៀតនៃការឆ្លងជំងឺ COVID-19 ដែលភាគច្រើនត្រូវបានបង្កឡើងដោយវីរុស COVID-19 បម្លែងខ្លួនថ្មី Delta ត្រូវបានឆ្លងរាតត្បាតទូទាំងទ្វីបអឺរ៉ុប បន្ទាប់ពីការបន្ធូរបន្ថយវិធានការរឹតត្បិត និងការបន្តដំណើរឆ្លងកាត់ព្រំដែន។ស្របពេលដែលប្រទេសមួយចំនួនដែលមិនមានសញ្ញាគួរឱ្យព្រួយបារម្ភ បានសម្រេចចិត្តបន្ធូរបន្ថយវិធានការរឹតត្បិតបន្ថែមទៀត ប្រទេសជាច្រើនបានរឹតបន្តឹងវិធានការអនាម័យ ចំពោះការខកចិត្តរបស់ហ្វូងមនុស្សដែលដើរកម្សាន្តនៅថ្ងៃឈប់សម្រាក ខណៈក្រុមអាជ្ញាធរមិនមានដំណោះស្រាយអ្វីផ្សេងទៀត ទោះបីជាពួកគេពឹងផ្អែកយ៉ាងខ្លាំងលើវិស័យទេសចរណ៍ក៏ដោយ។ ដោយត្រូវបានធានាដោយការចាក់វ៉ាក់សាំងច្រើន មានអ្នកជំងឺចូលសម្រាកព្យាបាលក្នុងបន្ទប់សង្គ្រោះបន្ទាន់កាន់តែតិចជាងមុន និងចំនួនអ្នកស្លាប់ថយចុះចាប់តាំងពីចុងនិទាឃរដូវថ្មីៗនេះ បណ្ដាប្រទេសនៅអឺរ៉ុបជាច្រើនបានប្រកាសបន្ធូរបន្ថយការរឹតត្បិត ដែលត្រូវបានណែនាំដើម្បីបន្ថយការឆ្លងរាលដាលនៃជំងឺ COVID-19។ការសម្រេចចិត្តបែបនេះត្រូវបានអបអរសាទរ ដោយឧស្សាហកម្មទេសចរណ៍ និងបដិសណ្ឋារកិច្ចដែលបានបង្កើតយុទ្ធនាការមួយដែលមានឈ្មោះថា #OpenUpToEurope ខណៈរដូវក្តៅបានចាប់ផ្ដើម។ លោកវេជ្ជបណ្ឌិត Hans Kluge នាយកប្រចាំតំបន់អឺរ៉ុបរបស់អង្គការសុខភាពពិភពលោក បាននិយាយនៅក្នុងសេចក្ដីថ្លែងការណ៍កាលពីថ្ងៃព្រហស្បតិ៍ថា កាលពីសប្ដាហ៍មុនចំនួនករណីឆ្លងបានកើនឡើង ១០% ដោយសារការកើនឡើងនៃការលាយបញ្ចូលគ្នា ការធ្វើដំណើរ ការជួបជុំ និងការបន្ធូរបន្ថយការរឹតត្បិតសង្គម៕អត្ថបទ៖ សុខមាន

ឥណ្ឌូនេស៊ីប្រឈមវិបត្តិកង្វះអុកស៊ីសែន និងអំពាវនាវរកជំនួយបរទេស ខណៈអ្នកស្លាប់ និងឆ្លង COVID-19 ឡើងខ្ពស់

ឥណ្ឌូនេស៊ី៖ ឥណ្ឌូនេស៊ីដែលជាប្រទេសមានប្រជាជនច្រើនជាងគេលំដាប់ទី៤ នៅលើពិភពលោក បច្ចុប្បន្នកំពុងកង្វះការផ្គត់ផ្គង់អុកស៊ីសែនយ៉ាងធ្ងន់ធ្ងរ ក្នុងការព្យាបាលអ្នកជំងឺ Covid-19 ដែលមានស្ថានភាពធ្ងន់ធ្ងរ។នេះគឺជាស្ថានភាពប្រែប្រួលខ្លាំងដូចកាលពី ២ខែមុនក្នុងខែឧសភា ប្រទេសឥណ្ឌូនេស៊ីបានផ្តល់ការផ្គត់ផ្គង់អុកស៊ីសែនដល់ប្រទេសឥណ្ឌា នៅពេលដែលប្រទេសនេះរងការវាយប្រហារយ៉ាងខ្លាំង ពីជំងឺរាតត្បាតសកលរលកទី២។ ប្រទេសឥណ្ឌូនេស៊ីបានផ្គត់ផ្គង់ស៊ីឡាំងអុកស៊ីសែនប្រមាណ ៣.៤០០ស៊ីឡាំង និងម៉ាស៊ីនផលិតអុកស៊ីសែនទៅប្រទេសឥណ្ឌា។ មន្ត្រីមន្ទីរពេទ្យមួយរូបបាននិយាយកាលពីថ្ងៃអាទិត្យថា អ្នកជំងឺវីរុសកូរ៉ូណាចំនួន ៣៣នាក់បានស្លាប់បន្ទាប់ពីមន្ទីរពេទ្យរដ្ឋមួយនៅលើកោះជ្វាដ៏សំខាន់ របស់ប្រទេសឥណ្ឌូនេស៊ីបានអស់អុកស៊ីសែនរាវ ស្របពេលករណីឆ្លង COVID-19 ហក់ឡើងខ្ពស់ទូទាំងប្រទេស។រដ្ឋាភិបាលឥណ្ឌូនេស៊ីបានស្នើដល់បណ្ដាប្រទេសជាច្រើន រួមមានប្រទេសចិន សិង្ហបូរី អូស្ត្រាលី ដើម្បីជួយដោះស្រាយកង្វះអុកស៊ីសែន។ ការដឹកជញ្ជូនស៊ីឡាំងអុកស៊ីសែនជាង ១.០០០ស៊ីឡាំង ម៉ាស៊ីនផលិតអុកស៊ីសែន និងឧបករណ៍សុខភាពផ្សេងទៀត បានទៅដល់ពីប្រទេសសិង្ហបុរីកាលពីថ្ងៃសុក្រ បន្ទាប់មកទៀតមានម៉ាស៊ីនជំនួយខ្យល់ដកដង្ហើមចំនួន ១.០០០គ្រឿងផ្សេងទៀតមកពីប្រទេសអូស្ត្រាលី។ គិតត្រឹមព្រឹកថ្ងៃចន្ទនេះ ប្រទេសឥណ្ឌូនេស៊ីមានករណីឆ្លងវីរុសកូរ៉ូណាចំនួន ២,៥២៧,២០៣នាក់ និងស្លាប់ ៦៦,៤៦៤នាក់៕អត្ថបទ៖ សុខមាន

ការស្វែងរកក្នុងអគារខុនដូបាក់រលំនៅរដ្ឋ Florida នឹងប្រើពេលច្រើនសប្ដាហ៍ទៀត ខណៈអ្នកស្លាប់កើនដល់ ៩០នាក់

អាមេរិក៖ ក្រុមអាជ្ញាធរដែលកំពុងស្វែងរកជនរងគ្រោះ ពីការដួលរលំដ៏សោកនាដកម្មនៅក្នុងរដ្ឋ Florida បាននិយាយកាលពីថ្ងៃអាទិត្យថា ពួកគេសង្ឃឹមថានឹងបញ្ចប់ការងារយ៉ាងយកចិត្តទុកដាក់របស់ពួកគេ នៅប៉ុន្មានសប្ដាហ៍ខាងមុខនេះ ស្របពេលក្រុមឆ្លើយតបដំបូងមកពីអ៊ីស្រាអែលបានចាកចេញពីកន្លែងកើតហេតុ។អភិបាលក្រុង លោកស្រី Daniella Levine Cava បាននិយាយថា ចំនួនអ្នកស្លាប់ ៩០នាក់ឥឡូវត្រូវបានបញ្ជាក់នៅក្នុងការបាក់រលំអគារ Champlain Towers South កម្ពស់ ១២ជាន់កាលពីខែមុនបានកើនឡើងពី ៨៦នាក់មួយថ្ងៃមុន។ ក្នុងនោះមានសាកសពចំនួន ៧១នាក់ត្រូវបានគេស្គាល់អត្តសញ្ញាណ ហើយគ្រួសាររបស់ពួកគេត្រូវបានគេជូនដំណឹង។ មនុស្សប្រហែល ៣១នាក់នៅតែបន្តចុះបញ្ជីជាអ្នកបាត់ខ្លួន។ ស្នងការនគរបាលតំបន់មៃអាមីនិយាយថា កុមារចំនួន ៣នាក់ស្ថិតក្នុងចំណោមអ្នកដែលត្រូវបានគេកំណត់អត្តសញ្ញាណទាំងនោះ។លោកស្រីបាននិយាយថា ក្រុមអ្នកសង្គ្រោះនៅតែបន្តស្វែងរកក្នុងគំនរថ្ម តាមស្រទាប់ជាន់នីមួយៗដើម្បីស្វែងរកសាកសព។ ការស្វែងរកទាំងគ្មានសង្ឃឹមថានឹងរកឃើញអ្នកនៅមានជីវិត បានជីកកាយគំនរកម្ទេចបេតុង និងកម្ទេចកំទីផ្សេងៗជាង ៦លាន ៤សែនគីឡូក្រាម៕អត្ថបទ៖ សុខមាន

រុស្ស៊ីមានកំណត់ត្រាករណីឆ្លងជំងឺ COVID-19 ខ្ពស់បំផុតប្រចាំថ្ងៃមួយផ្សេងទៀត

រុស្ស៊ី៖ ចំនួនអ្នកស្លាប់ដោយសារវីរុសកូរ៉ូណានៅក្នុងប្រទេសរុស្ស៊ី បានឈានដល់កំណត់ត្រាប្រចាំថ្ងៃមួយផ្សេងទៀត ខណៈដែលក្រុមអាជ្ញាធរបានរាយការណ៍ថា មានអ្នកស្លាប់ចំនួន ៧៥២នាក់ ស្របពេលករណីឆ្លងនៅតែបន្តហក់ឡើងខ្ពស់។ក្រុមការងារពិសេសទទួលបន្ទុកការប្រយុទ្ធប្រឆាំងវីរុសកូរ៉ូណា របស់ប្រទេសរុស្ស៊ីកាលពីថ្ងៃសៅរ៍បានរាយការណ៍ករណីឆ្លងថ្មីនៃវីរុសកូរ៉ូណាចំនួន ២៥,០៨២នាក់ ចំនួនសរុបនៃការឆ្លងវីរុសដែលបានបញ្ជាក់បានកើនឡើងពីប្រហែល ៩.០០០នាក់នៅដើមខែមិថុនាដល់ជាង ២៣.០០០នាក់នៅដើមខែកក្កដានេះ។ ក្រុមមន្ត្រីបានសន្មតថា មានការកើនឡើងជាលំដាប់នៃការឆ្លង និងការកើនឡើងនៃមរណភាព គឺដោយសារតែការរីករាលដាលនៃវីរុសបម្លែងខ្លួនថ្មី Delta។ ទោះបីជាមានការកើនឡើងក៏ដោយ ក៏វិមានក្រឹមឡាំងបាននិយាយថា មិនមានផែនការអនុវត្តន៍វិធានការបិទខ្ទប់ផ្សេងទៀតទេ។ប្រទេសរុស្ស៊ីធ្លាប់បានបិទខ្ទប់ទូទាំងប្រទេសកាលពីនិទាឃរដូវឆ្នាំ២០២០ ដែលមានរយៈពេល ៦សប្តាហ៍ ហើយរដ្ឋាភិបាលបានប្រឆាំងនឹងវិធានការបិទខ្ទប់មួយផ្សេងទៀត ដើម្បីចៀសវាងការប៉ះពាល់សេដ្ឋកិច្ច។ ក្រុមការងារពិសេសទទួលបន្ទុកការប្រយុទ្ធប្រឆាំងវីរុសកូរ៉ូណា របស់ប្រទេសរុស្ស៊ីបានរាយការណ៍ថា មានអ្នកឆ្លងវីរុសនេះជាង ៥លាន ៧សែននាក់ ហើយមានអ្នកស្លាប់សរុបចំនួន ១៤២.២៥៣នាក់ដោយសារជំងឺរាតត្បាតសកលនេះ៕អត្ថបទ៖ សុខមាន

អ្នកស្លាប់ក្នុងហេតុការណ៍បាក់រលំអគារខុនដូនៅរដ្ឋ Florida ឡើងដល់ ៨៦នាក់

អាមេរិក៖ ចំនួនអ្នកស្លាប់នៅក្នុងការដួលរលំអគារខុនដូមួយ នៅតំបន់ម៉ៃអាមីបានកើនឡើងដល់ ៨៦នាក់កាលពីថ្ងៃសុក្រ បន្ទាប់ពីបុគ្គលិកសង្គ្រោះបានទាញយកសាកសពចំនួន ១៤នាក់បន្ថែមទៀតពីកម្ទេចអគារបែកបាក់ ហើយបាននិយាយថា ពួកគេបានកាយគំនរកម្ទេចកំទីស្ទើររាបដល់ដី។ អភិបាលក្រុងលោកស្រី Daniella Levine Cava បានប្រាប់សន្និសីទសារព័ត៌មានថា មនុស្ស ៦១នាក់នៅតែបាត់ខ្លួន និងត្រូវគេបារម្ភថាស្លាប់នៅក្នុងគំនរបាក់បែកបេតុង និងដែកថែបនៃអគារជាប់មាត់សមុទ្រកម្ពស់ ១២ជាន់នៅតំបន់ Surfside។ ក្រុមអ្នកសង្គ្រោះកំពុងធ្វើការប្រហែលម៉ោង ១៦ថ្ងៃដែលបានកាត់បន្ថយទំហំគំនរបាក់បែកពី ៤ ទៅ ៥ជាន់ជិតដល់ជាន់ផ្ទាល់ដី។ ក្រុមអ្នកស៊ើបអង្កេតពុំទាន់អាចកំណត់បាននៅឡើយទេ ពីមូលហេតុនាំឲ្យអគារ Champlain Towers South បាក់រលំដោយគ្មានការព្រមានជាមុន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អគ្គលេខាធិការអាជ្ញាធរជាតិប្រយុទ្ធនឹងជំងឺអេដស៍អំពាវនាវដល់គ្រប់តួអង្គពាក់ព័ន្ធបន្តឆន្ទៈ និងការប្តេជ្ញារួមគ្នា ដើម្បីបញ្ចប់អេដស៍នៅកម្ពុជា

ឯកឧត្តម ទេសរដ្ឋមន្រ្តី គន់ គីម អញ្ជើញចុះសួរសុខទុក្ខពលរដ្ឋភៀសសឹក និងពិនិត្យទីតាំងសាងសង់ផ្ទះបណ្តោះអាសន្នបន្ថែម ក្នុងខេត្តឧត្តរមានជ័យ

ប្រធានាធិបតីទួរគី លោក Erdogan ស្វាគមន៍លោក Trump នៅទីក្រុង Ankara

វិមានក្រឹមឡាំង បញ្ជាក់ថា រុស្ស៊ី «តាមដានយ៉ាងដិតដល់» ចំពោះកិច្ចប្រជុំកំពូលរបស់ណាតូ

បំណាក់ដី នៅភាគពាយ័ព្យចិន បណ្តាលឱ្យមនុស្ស ៥នាក់ស្លាប់ និង ១២នាក់ទៀតនៅតែជាប់ខ្លួន

អ៊ីស្រាអែល និងលីបង់ នឹងធ្វើកិច្ចចរចា នៅអ៊ីតាលី នាពាក់កណ្តាលខែកក្កដា

WHO៖ អឺរ៉ុបអាចប្រឈមនឹង «សប្តាហ៍មានអ្នកស្លាប់បន្ថែម» ខណៈរលកកំដៅថ្មីកាន់តែក្ដៅខ្លាំងឡើងៗ

ទិន្នន័យ បង្ហាញថា អ៊ុយក្រែនកំពុងពិបាកស្ទាក់ចាប់មីស៊ីលបាលីស្ទិករបស់រុស្ស៊ី

អាជ្ញាធរជាន់ខ្ពស់៖ ការត្រៀមរបស់តៃវ៉ាន់ ដើម្បីប្រឈមនឹងការវាយក្រសោបរបស់ចិន មិនមែនជាការបង្កហេតុទេ

ទីភ្នាក់ងារ៖ សហរដ្ឋអាមេរិកកំពុងពិភាក្សាជាមួយសម្ព័ន្ធមិត្តអឺរ៉ុបអំពីការផលិតមីស៊ីលរួមគ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

WHO៖ ប្រទេសមួយចំនួនមិនគួរបញ្ជាទិញវ៉ាក់សាំង COVID-19 ដូសបន្ថែមទេ ខណៈប្រទេសដទៃទៀតនៅត្រូវការវ៉ាក់សាំងនៅឡើយ

មនុស្ស ៨នាក់ស្លាប់ក្នុងហេតុការណ៍បាក់រលំសណ្ឋាគារនៅក្នុងទីក្រុងស៊ូចូវ ប្រទេសចិន

មនុស្ស ៥២នាក់ស្លាប់ និង ២២នាក់រងរបួសក្នុងហេតុការណ៍អគ្គិភ័យឆេះមន្ទីរពេទ្យព្យាបាលអ្នកជំងឺ COVID-19 នៅអ៊ីរ៉ាក់

ជប៉ុនផ្ដល់ជំនួយវ៉ាក់សាំងបង្ការជំងឺកូវីដ-១៩ប្រភេទ AstraZeneca ចំនួន ១លានដូសដល់កម្ពុជា

វីរុស COVID-19 បម្លែងខ្លួនថ្មី Delta រាតត្បាតពាសពេញទ្វីបអឺរ៉ុប ខណៈបន្ធូរបន្ថយវិធានការទប់ស្កាត់

ឥណ្ឌូនេស៊ីប្រឈមវិបត្តិកង្វះអុកស៊ីសែន និងអំពាវនាវរកជំនួយបរទេស ខណៈអ្នកស្លាប់ និងឆ្លង COVID-19 ឡើងខ្ពស់

ការស្វែងរកក្នុងអគារខុនដូបាក់រលំនៅរដ្ឋ Florida នឹងប្រើពេលច្រើនសប្ដាហ៍ទៀត ខណៈអ្នកស្លាប់កើនដល់ ៩០នាក់

រុស្ស៊ីមានកំណត់ត្រាករណីឆ្លងជំងឺ COVID-19 ខ្ពស់បំផុតប្រចាំថ្ងៃមួយផ្សេងទៀត

អ្នកស្លាប់ក្នុងហេតុការណ៍បាក់រលំអគារខុនដូនៅរដ្ឋ Florida ឡើងដល់ ៨៦នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​ ៨​នាក់​ស្លាប់​ក្នុងហេតុ​ការណ៍​បាក់​រលំ​សណ្ឋាគារ​នៅ​ក្នុង​ទីក្រុង​ស៊ូ​ចូ​វ ប្រទេស​ចិន​

ជប៉ុន​ផ្ដល់​ជំនួយ​វ៉ាក់សាំង​បង្ការ​ជំងឺ​កូវីដ-១៩​ប្រភេទ​​ AstraZeneca ចំនួន ១​លាន​ដូស​ដល់​កម្ពុជា​

វីរុស COVID-19 ប​ម្លែ​ង​ខ្លួន​ថ្មី Delta រាតត្បាត​ពាសពេញ​ទ្វីប​អឺរ៉ុប ​ខណៈ​បន្ធូរបន្ថយ​វិធានការ​ទប់ស្កាត់​

រុស្ស៊ី​មាន​កំណត់​ត្រា​ករណី​ឆ្លង​ជំងឺ COVID-19 ខ្ពស់​បំផុត​ប្រចាំ​ថ្ងៃ​មួយ​ផ្សេង​ទៀត​

អ្នក​ស្លាប់​ក្នុង​ហេតុការណ៍​បាក់​រលំ​អគារ​ខុន​ដូ​នៅ​រដ្ឋ Florida ឡើង​ដល់​ ៨៦​នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ៨នាក់ស្លាប់ក្នុងហេតុការណ៍បាក់រលំសណ្ឋាគារនៅក្នុងទីក្រុងស៊ូចូវ ប្រទេសចិន

ជប៉ុនផ្ដល់ជំនួយវ៉ាក់សាំងបង្ការជំងឺកូវីដ-១៩ប្រភេទ AstraZeneca ចំនួន ១លានដូសដល់កម្ពុជា

វីរុស COVID-19 បម្លែងខ្លួនថ្មី Delta រាតត្បាតពាសពេញទ្វីបអឺរ៉ុប ខណៈបន្ធូរបន្ថយវិធានការទប់ស្កាត់

រុស្ស៊ីមានកំណត់ត្រាករណីឆ្លងជំងឺ COVID-19 ខ្ពស់បំផុតប្រចាំថ្ងៃមួយផ្សេងទៀត

អ្នកស្លាប់ក្នុងហេតុការណ៍បាក់រលំអគារខុនដូនៅរដ្ឋ Florida ឡើងដល់ ៨៦នាក់