BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

កម្ពុជាបន្តរកឃើញមនុស្ស៨៨៩នាក់ទៀតឆ្លងកូវីដ-១៩ ខណៈអ្នកជំងឺ ២៧នាក់ទៀតបានស្លាប់ដោយសារជំងឺនេះ

ភ្នំពេញ៖ កម្ពុជាបានប្រកាសនៅថ្ងៃនេះពីការរកឃើញមនុស្សរហូតដល់ទៅ ៨៨៩នាក់បន្ថែមទៀត បានឆ្លងមេរោគកូវីដ-១៩ ហើយមនុស្ស ២៧នាក់ទៀត បានស្លាប់ដោយសារមេរោគផ្លូវដង្ហើមនេះផងដែរ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ករណីឆ្លងថ្មីដែលប្រកាសនៅថ្ងៃនេះ ត្រូវបានរកឃើញលើមនុស្ស ៦៨២នាក់ដែលពាក់ព័ន្ធនឹងព្រឹត្តិការណ៍ឆ្លងក្នុងសហគមន៍ ២០កុម្ភៈ ហើយករណីឆ្លងលើមនុស្ស ២០៧នាក់ផ្សេងទៀត គឺជាករណីនាំចូលពីក្រៅប្រទេស។បើតាមក្រសួងសុខាភិបាល ករណីឆ្លងកូវីដ-១៩សរុបនៅក្នុងប្រទេសកម្ពុជា ត្រូវបានរកឃើញលើមនុស្សរហូតដល់ ៦៥ ៥០០នាក់ហើយគិតត្រឹមថ្ងៃនេះ។ក្រសួងសុខាភិបាល ក៏បានឱ្យដឹងផងដែរថា មនុស្ស ២៧នាក់ទៀត បានស្លាប់ដោយសារជំងឺកូវីដ-១៩ ដែលនាំតួលេខអ្នកស្លាប់កើនឡើងដល់ទៅ ១ ០៥២នាក់ហើយ នៅក្នុងរយៈពេលត្រឹមតែជាង ៤ខែប៉ុណ្ណោះ គិតចាប់តាំងពីពេលដែលកម្ពុជាប្រកាសករណីស្លាប់ដោយសារជំងឺកូវីដ-១៩ជាលើកដំបូងកាលពីថ្ងៃទី១១ ខែមីនាកន្លងមក។ប៉ុន្តែ តួលេខកត់ត្រាដោយក្រសួងសុខាភិបាល បានឱ្យដឹងទៀតថា អ្នកជំងឺកូវីដ-១៩សរុបដល់ទៅ ៥៧ ០២៧នាក់ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មីចំនួន ៨៤៩នាក់ទៀត ដែលក្រសួងទើបប្រកាសនៅថ្ងៃនេះផងដែរ៕

ឥណ្ឌូនេស៊ីត្រៀមសម្រាប់សេណារីយ៉ូករណីឆ្លងខ្លាំងបំផុត ខណៈវិបត្តិវីរុសកូរ៉ូណាកាន់តែធ្ងន់ធ្ងរ

ឥណ្ឌូនេស៊ី៖ រដ្ឋមន្ត្រីជាន់ខ្ពស់មួយរូបបាននិយាយកាលពីថ្ងៃព្រហស្បតិ៍ថា ប្រទេសឥណ្ឌូណេស៊ីឥឡូវនេះកំពុងប្រយុទ្ធប្រឆាំងនឹងសេណារីយ៉ូ ការឆ្លងរាលដាលនៃករណីឆ្លងដ៏ធ្ងន់ធ្ងរបំផុត។ ដោយបានបន្ថែមថា រដ្ឋាភិបាលកំពុងត្រៀមសម្រាប់ការកើនឡើងករណីឆ្លងវីរុសកូរ៉ូណា ខណៈដែលវីរុសបម្លែងខ្លួនថ្មី Delta បានរាលដាលកាន់តែខ្លាំងឡើងៗ។ប្រទេសដែលមានប្រជាជនច្រើនជាងគេទី៤ នៅលើពិភពលោកកំពុងពុះពារដើម្បីបន្ថយការឆ្លង COVID-19 សូម្បីតែបន្ទាប់ពីបានដាក់បម្រាមតឹងរ៉ឹងបំផុតក៏ដោយ ខណៈអត្រានៃការចាក់វ៉ាក់សាំងបង្ការវីរុសមានកម្រិតទាបដែលទើបតែមាន ៥,៨% នៃប្រជាជនចំនួន ២៧០លាននាក់ដែលបានចាក់វ៉ាក់សាំងគ្រប់ដូស។ ប្រទេសឥណ្ឌូនេស៊ីបានកត់ត្រាករណីថ្មីចំនួន ៥៦,៧៥៧នាក់កាលពីថ្ងៃព្រហស្បតិ៍ ដែលលើសចំនួនសរុបនៃការឆ្លងប្រចាំថ្ងៃរបស់ប្រទេសឥណ្ឌា ដែលបានហក់ឡើងដល់កម្រិតខ្ពស់បំផុតកាលពីខែឧសភា មានករណីឆ្លងប្រចាំថ្ងៃជាង ៤០ម៉ឺននាក់។គិតត្រឹមព្រឹកថ្ងៃសុក្រនេះ ប្រទេសឥណ្ឌូនេស៊ីមានករណីឆ្លងវីរុសកូរ៉ូណាចំនួន ២,៧២៦,៨០៣នាក់ និងស្លាប់ចំនួន ៧០,១៩២នាក់។ លោក Dicky Budiman អ្នកជំនាញផ្នែកជំងឺរាតត្បាតនៅសាកលវិទ្យាល័យ Griffith University របស់ប្រទេសអូស្ត្រាលីបាននិយាយថា វាជាការត្រឹមត្រូវណាស់ដែលនិយាយថា ប្រទេសឥណ្ឌូនេស៊ីគឺជាចំណុចកណ្ដាលនៃការឆ្លងវីរុសរាតត្បាតសកលនៅទ្វីបអាស៊ី៕អត្ថបទ៖ សុខមាន

WHO ជំរុញចិនឲ្យធ្វើសហប្រតិបត្តិការកាន់តែស៊ីជម្រៅក្នុងការស៊ើបអង្កេតប្រភពដើមវីរុសកូរ៉ូណា

WHO៖ ប្រមុខអង្គការសុខភាពពិភពលោក (WHO) បានជំរុញឱ្យប្រទេសចិនធ្វើកិច្ចសហប្រតិបត្តិការឱ្យកាន់តែស៊ីជម្រៅថែមទៀត ជាមួយអង្គការសុខភាពពិភពលោកដំណាក់កាលទី២ នៃការស៊ើបអង្កេតទៅលើប្រភពដើមនៃវីរុស Covid-19។លោកវេជ្ជបណ្ឌិត Tedros Adhanom Ghebreyesus បានអំពាវនាវឱ្យមានការការគិតគូរ និងតម្លាភាពបន្ថែមទៀត។ ដំណាក់កាលដំបូងនៃការស៊ើបអង្កេត របស់អង្គការសុខភាពពិភពលោកបានបញ្ចប់កាលពីខែកុម្ភៈ។ ដំណាក់កាលនោះបានសន្និដ្ឋានថា វាមិនទំនងសមហេតុផលណាស់ណាទេ ដែលថាវីរុសនេះបានលេចធ្លាយចេញពីមន្ទីរពិសោធន៍នៅទីក្រុងអ៊ូហានប្រទេសចិន ហើយប្រហែលជាវាមានប្រភពដើមចេញពីសត្វប្រចៀវ។ថ្លែងនៅក្នុងទីក្រុងហ្សឺណែវកាលពីថ្ងៃព្រហស្បតិ៍ លោកវេជ្ជបណ្ឌិត Tedros បាននិយាយថា អង្គការសុខភាពពិភពលោកត្រូវការការចូលមើលទិន្នន័យ អ្នកជំងឺដ៏កម្រកាលពីកន្លងទៅពីមុន និងការចាប់ផ្ដើមនៃជំងឺរាតត្បាតនៅពេលនេះ។ លោកបានបន្ថែមថា ប្រទេសចិនពុំបានចែករំលែកទិន្នន័យនេះ ជាមួយក្រុមការងាររបស់អង្គការសុខភាពពិភពលោកទេ អំឡុងការស៊ើបអង្កេតដំបូង៕អត្ថបទ៖ សុខមាន

ទឹកជំនន់សម្លាប់មនុស្ស ៧០នាក់នៅប្រទេសអាល្លឺម៉ង់ និងបែលហ្ស៊ិក

អាល្លឺម៉ង់៖ មនុស្សយ៉ាងហោចណាស់ ៧០នាក់បានស្លាប់នៅប្រទេសអាល្លឺម៉ង់ និងបែលហ្ស៊ិក បន្ទាប់ពីមានភ្លៀងធ្លាក់ខ្លាំងបង្កឲ្យទឹកទន្លេនានាហក់ឡើងខ្ពស់ប្រៀបច្រាំង។ភាគច្រើននៃជនរងគ្រោះនៅក្នុងប្រទេសអាល្លឺម៉ង់ ប៉ុន្តែយ៉ាងហោចណាស់ ១១នាក់បានស្លាប់នៅក្នុងប្រទេសបែលហ្ស៊ិក ដោយមានរបាយការណ៍ថានៅមានមនុស្សជាច្រើននាក់ទៀតបានបាត់ខ្លួន។ រដ្ឋរបស់ប្រទេសអាល្លឺម៉ង់ដូចជារដ្ឋ Rhineland-Palatinate និង រដ្ឋ North Rhine-Westphalia រងការប៉ះពាល់ខ្លាំងជាងគេ ប៉ុន្តែប្រទេសហូឡង់ក៏រងផលប៉ះពាល់យ៉ាងធ្ងន់ធ្ងរផងដែរ។ភ្លៀងធ្លាក់ខ្លាំងត្រូវបានគេព្យាករណ៍នៅទូទាំងតំបន់នៅថ្ងៃសុក្រនេះ ខណៈដែលមន្ត្រីមូលដ្ឋានបានដាក់ការស្តីបន្ទោសលើការបម្រែបម្រួលអាកាសធាតុ។ សមាជិកប្រមាណ ១៥.០០០នាក់មកពីអង្គភាពផ្ដល់សេវាសង្គ្រោះបន្ទាន់អាល្លឺម៉ង់ នគរបាល និងកងទ័ពបានប្រចាំការនៅក្នុងតំបន់ដែលរងគ្រោះខ្លាំងជាងគេ៕អត្ថបទ៖ សុខមាន

ក្ដីបារម្ភកាន់តែខ្លាំងក្នុងតំបន់ជាច្រើនរបស់ឥណ្ឌូនេស៊ី ខណៈវីរុស Delta ឆ្លងរាតត្បាតពេញកោះជ្វា

ឥណ្ឌូនេស៊ី៖ យោងតាមរដ្ឋមន្ត្រីក្រសួងសុខាភិបាលបានឲ្យដឹងថា ការព្រួយបារម្ភកំពុងកើនឡើងនៅក្នុងប្រទេសឥណ្ឌូនេស៊ីជុំវិញសមត្ថភាពនៃតំបន់របស់ខ្លួន ក្នុងការទប់ទល់នឹងករណីឆ្លងវីរុសកូរ៉ូណាដែលកំពុងហក់ឡើងខ្ពស់ ខណៈការឆ្លងដ៏ឆាប់រហ័សនៃវីរុសបម្លែងខ្លួនថ្មី Delta រាតត្បាតយ៉ាងលឿននៅទូទាំងប្រជុំកោះធំបំផុតក្នុងពិភពលោក។ប្រទេសឥណ្ឌូនេស៊ីកំពុងព្យាយាមកាត់បន្ថយល្បឿននៃការឆ្លងវីរុស COVID-19 ដែលមានការឆ្លងប្រចាំថ្ងៃកើនឡើងខ្ពស់បំផុតដល់ទៅ ៥៤,៥១៧នាក់កាលពីថ្ងៃពុធ ដែលនាំឲ្យករណីឆ្លងសរុបមានជាង ២លាន ៦៧ម៉ឺននាក់។ ដោយមានករណីឆ្លងខ្ពស់បំផុតជាលើកដំបូងកាលពីថ្ងៃពុធ បានធ្វើឲ្យប្រទេសឥណ្ឌូនេស៊ីក្លាយជាតំបន់ឆ្លងវីរុសនេះ ខ្លាំងបំផុតនៅអាស៊ីអាគ្នេយ៍។ ទិន្នន័យពីក្រុមការងារពិសេសទទួលបន្ទុកប្រឆាំងជំងឺ COVID-19 បានបង្ហាញថា មានអ្នកស្លាប់ថ្មីចំនួន ៩៩១នាក់ ដែលនាំឲ្យចំនួនអ្នកស្លាប់សរុបឡើងដល់ ៦៩,២១០នាក់។ ប្រទេសឥណ្ឌូនេស៊ីមានករណីឆ្លង និងស្លាប់ដោយសារវីរុសកូរ៉ូណាខ្ពស់បំផុត នៅក្នុងតំបន់អាស៊ីអាគ្នេយ៍។រដ្ឋមន្ត្រីក្រសួងសុខាភិបាល លោក Budi Gunadi Sadikin បាននិយាយថា វីរុសបម្លែងខ្លួនថ្មី Delta ដែលត្រូវបានគេរកឃើញដំបូងនៅក្នុងប្រទេសឥណ្ឌា ត្រូវបានគេរកឃើញនៅក្នុងតំបន់ចំនួន ១១ នៅខាងក្រៅកោះជ្វាដែលមានចំនួនប្រជាជនច្រើនបំផុត របស់ប្រទេសឥណ្ឌូនេស៊ី៕អត្ថបទ៖ សុខមាន

WHO ព្រមានពីហានីភ័យដ៏មហន្តរាយនៃការកើនឡើងករណីឆ្លងវីរុស COVID-19 នៅមជ្ឈិមបូព៌ា

WHO៖ អង្គការសុខភាពពិភពលោកបាននិយាយកាលពីថ្ងៃពុធថា ការកើនឡើងករណីឆ្លងវីរុសកូរ៉ូណានៅក្នុងប្រទេសជាច្រើននៅមជ្ឈិមបូព៌ា អាចមានផលវិបាកកាន់តែធ្ងន់ធ្ងរដោយសារការឆ្លងរាលដាលនៃវីរុសបម្លែងខ្លួនថ្មី Delta និងការចាក់វ៉ាក់សាំងនៅមានកម្រិតទាប។បន្ទាប់ពីមានការធ្លាក់ចុះករណីឆ្លង និងការស្លាប់នៅក្នុងតំបន់សមុទ្រមេឌីទែរ៉ាណេខាងកើត របស់អង្គការសុខភាពពិភពលោកអស់រយៈពេល ៨សប្ដាហ៍ ទីភ្នាក់ងារនេះបាននិយាយថា មានការកើនឡើងគួរឱ្យកត់សម្គាល់ នៅក្នុងករណីឆ្លងនៅប្រទេសលីប៊ី អ៊ីរ៉ង់ អ៊ីរ៉ាក់ និងទុយនីស៊ី ដោយមានការកើនឡើងយ៉ាងខ្លាំង ដែលត្រូវបានគេរំពឹងទុកការឡើងខ្ពស់នេះក៏នឹងមាននៅប្រទេសលីបង់ និងម៉ារ៉ុកផងដែរ។នៅសប្ដាហ៍ក្រោយបណ្ដាប្រទេសនៅទូទាំងតំបន់នឹងប្រារព្ធពិធីឈប់សម្រាក Eid al-Adha របស់អ៊ីស្លាមសាសនិក ដែលជាប្រពៃណីរួមបញ្ចូលទាំងការជួបជុំគ្នាខាងសាសនា និងសង្គមជាទីដែលការឆ្លងអាចរីករាលដាលបាន។ អង្គការសុខភាពពិភពលោកបាននិយាយថា កង្វះការប្រកាន់ខ្ជាប់នូវវិធានការសុខភាពសាធារណៈ និងសង្គម និងការសប្បាយភ្លេចខ្លួនរបស់សហគមន៍ ក៏ដូចជាអត្រាចាក់វ៉ាក់សាំងទាប និងការឆ្លងរាលដាលនៃវីរុសបម្លែងខ្លួនថ្មី៕ អត្ថបទ៖ សុខមាន

ជនស៊ីវិល ៤នាក់ស្លាប់ក្នុងការវាយប្រហារដោយគ្រាប់បែកក្នុងទីក្រុងកាប៊ុល

អាហ្វហ្គានីស្ថាន៖ មន្ត្រីនគរបាលម្នាក់បាននិយាយកាលពីថ្ងៃអង្គារថា គ្រាប់បែកមួយបានផ្ទុះនៅរដ្ឋធានីកាប៊ុលរបស់ប្រទេសអាហ្វហ្គានីស្ថាន ដោយបានសម្លាប់មនុស្សយ៉ាងហោចណាស់ ៤នាក់ និង ១១នាក់ផ្សេងទៀតរងរបួស។ ការវាយប្រហារនេះបានកើតឡើងនៅពេលរសៀលក្នុងតំបន់ Jadayi Maiwand នៃទីក្រុងនេះ។គ្មាននរណាម្នាក់អះអាងទទួលខុសត្រូវភ្លាមៗ ចំពោះការវាយប្រហារនៅទីក្រុងកាប៊ុលទេ ប៉ុន្តែអ្នកនាំពាក្យនគរបាលក្រុងកាប៊ុល បានស្តីបន្ទោសពួកតាលីបង់ចំពោះការវាយប្រហារនេះ។ ថ្មីៗនេះការវាយប្រហារភាគច្រើននៅក្នុងទីក្រុងកាប៊ុល ត្រូវបានអះអាងដោយពួកសម្ព័ន្ធមិត្តរដ្ឋអ៊ីស្លាម ដែលកំពុងប្រតិបត្តិការនៅអាហ្វហ្គានីស្ថាន។ អ្នកនាំពាក្យនគរបាលរូបនេះបាននិយាយថា នគរបាលបានបើកការស៊ើបអង្កេត ចំពោះការវាយប្រហារនេះហើយ។ ក្នុងប៉ុន្មានសប្ដាហ៍ថ្មីៗនេះ ពួកតាលីបង់បានបង្កើនការវាយប្រហាររបស់ពួកគេ ប្រឆាំងនឹងស្រុកសំខាន់ និងបានកាន់កាប់ស្រុកយុទ្ធសាស្ត្រជាច្រើន ជាពិសេសនៅតាមព្រំដែនជាមួយអ៊ីរ៉ង់ អូបេគីស្ថាន និងតាហ្ស៊ីគីស្ថាន៕អត្ថបទ៖ សុខមាន

ពួកតាលីបង់ប្រហារជីវិតកងកុម្ម៉ង់ដូអាហ្វហ្គានីស្ថាន ២២នាក់ក្រោយព្យាយាមចុះចូល

អាហ្វហ្គានីស្ថាន៖ យោងតាមរបាយការណ៍របស់ទូរទស្សន៍ CNN អ្នកប្រយុទ្ធតាលីបង់បានសម្លាប់កងកុម្ម៉ង់ដូអាហ្វហ្គានីស្ថានចំនួន ២២នាក់។ មានវីដេអូជាច្រើនដែលទំនងជាឧបទ្ទវហេតុនេះបានលេចធ្លាយ។នៅក្នុងវីដេអូច្បាស់មួយ ប៉ុន្តែមិនមានការបញ្ជាក់គ្រប់គ្រងនោះ កងកុម្ម៉ង់ដូជាច្រើនអ្នកនៃអង្គភាពកងកម្លាំងពិសេសអាហ្វហ្គានីស្ថាន អាចត្រូវបានគេមើលឃើញថាបានសុំឱ្យចុះចូល មុនពេលពួកគេត្រូវបានបាញ់សម្លាប់ ស្របពេលដែលមានការស្រែកយំប្រើពាក្យថា 'Allahu Akbar'។ ការសម្លាប់នេះត្រូវបានធ្វើឡើងកាលថ្ងៃទី១៦ ខែមិថុនានៅទីប្រជុំជន Dawlat Abad ខេត្ត Faryab ដែលនៅជិតព្រំដែនអាហ្វហ្គានីស្ថានជាមួយប្រទេសទួគមិននីស្ថាន។ របាយការណ៍របស់ CNN បាននិយាយថា ខ្លួនបានទទួល និងផ្ទៀងផ្ទាត់វីដេអូមួយចំនួននៃឧបទ្ទវហេតុនេះ ហើយក៏បាននិយាយជាមួយសាក្សីឃើញហេតុការណ៍នេះផងដែរ។កាកបាទក្រហមក៏បានបញ្ជាក់ដែរថា សាកសពកងកុម្ម៉ង់ដូចំនួន ២២នាក់ត្រូវបានគេរកឃើញ។ សាក្សីបាននិយាយថា កងកុម្ម៉ង់ដូត្រូវបានបង្ខំឱ្យចុះចូលនៅពេលពួកគេអស់អាវុធ បន្ទាប់ពីត្រូវបានឡោមព័ទ្ធដោយយុទ្ធជនតាលីបង់ នៅក្នុងការប្រយុទ្ធដ៏ខ្លាំងក្លាមួយដើម្បីកាន់កាប់ទីប្រជុំជននេះ៕អត្ថបទ៖ សុខមាន

ករណីឆ្លងជំងឺ COVID-19 នៅសហរដ្ឋអាមេរិកហក់ឡើងខ្ពស់ជាថ្មី

អាមេរិក៖ ខ្សែកោងជំងឺ COVID-19 នៅសហរដ្ឋអាមេរិកកំពុងហក់ឡើងជាថ្មី បន្ទាប់ពីការធ្លាក់ចុះជាច្រើនខែដោយចំនួនករណីឆ្លងថ្មី ក្នុងមួយថ្ងៃកើនឡើងទ្វេដងក្នុងរយៈពេលជាង ៣សប្តាហ៍កន្លងមកបង្កឡើងដោយវីរុសបម្លែងខ្លួនថ្មី ដែលកំពុងឆ្លងរាលដាលយ៉ាងឆាប់រហ័ស អត្រាការចាក់វ៉ាក់សាំងយឺតយ៉ាវ និងការប្រមូលផ្តុំអំឡុងព្រឹត្តិការណ៍ថ្ងៃទី៤ ខែកក្កដា។យោងតាមទិន្នន័យរបស់សាកលវិទ្យាល័យ Johns Hopkins បានឱ្យដឹងថា ការឆ្លងដែលបានបញ្ជាក់បានកើនឡើងជាមធ្យមប្រហែល ២៣.៦០០ក្នុងមួយថ្ងៃកាលពីថ្ងៃចន្ទ (១២ កកក្កដា) កើនឡើងពីចំនួន ១១.៣០០កាលពីថ្ងៃទី២៣ ខែមិថុនាកន្លងទៅ។ ហើយការកើនឡើងនេះមាននៅគ្រប់រដ្ឋទាំងអស់ លើកលែងតែរដ្ឋពីរប៉ុណ្ណោះគឺរដ្ឋ Maine និង South Dakota ដែលបានរាយការណ៍ថា ចំនួនករណីឆ្លងបានកើនឡើងក្នុងរយៈពេល ២សប្ដាហ៍កន្លងមកនេះ។នៅទូទាំងប្រទេស ៥៥,៦% នៃជនជាតិអាមេរិកទាំងអស់បានទទួលវ៉ាក់សាំងបង្ការជំងឺ COVID-19 យ៉ាងហោចណាស់មួយដូស នេះបើយោងតាមមជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក។ រដ្ឋចំនួន ៥ ដែលមានករណីឆ្លងកើនឡើងខ្ពស់បំផុតក្នុងរយៈពេល ២សប្តាហ៍សុទ្ធតែជារដ្ឋមានអត្រាចាក់វ៉ាក់សាំងទាប ដូចជារដ្ឋ Missouri ៤៥,៩%, រដ្ឋ Arkansas ៤៣%, រដ្ឋ Nevada ៥០,៩%, រដ្ឋ Louisiana មាន ៣៩,២% និង រដ្ឋ Utah មាន ៤៩,៥%៕អត្ថបទ៖ សុខមាន

WHO៖ ប្រទេសមួយចំនួនមិនគួរបញ្ជាទិញវ៉ាក់សាំង COVID-19 ដូសបន្ថែមទេ ខណៈប្រទេសដទៃទៀតនៅត្រូវការវ៉ាក់សាំងនៅឡើយ

WHO៖ អង្គការសុខភាពពិភពលោកបាននិយាយកាលពីថ្ងៃចន្ទថា បណ្ដាប្រទេសអ្នកមានមិនគួរបញ្ជាទិញដូសបន្ថែមនូវវ៉ាក់សាំងបង្ការជំងឺ COVID-19 សម្រាប់ចាក់ជូនប្រជាជនដែលបានចាក់វ៉ាក់សាំងរួចទៅហើយនោះទេ ខណៈដែលប្រទេសផ្សេងទៀតមិនទាន់ទទួលបានវ៉ាក់សាំងបង្ការវីរុស COVID-19 នៅឡើយ។លោក Tedros Adhanom Ghebreyesus ប្រមុខអង្គការសុខភាពពិភពលោកបាននិយាយថា ការស្លាប់ត្រូវបានកើនឡើងជាថ្មីម្តងទៀតពីជំងឺរាតត្បាតសកល COVID-19 វីរុសបម្លែងខ្លួនថ្មី Delta ដែលកំពុងឆ្លងរាតត្បាតខ្លាំង និងប្រទេសជាច្រើនដែលនៅមិនទាន់ទទួលបានវ៉ាក់សាំងគ្រប់គ្រាន់ ដើម្បីការពារបុគ្គលិកសុខភាពរបស់ពួកគេនៅឡើយ។ លោក Tedros បានប្រាប់សន្និសីទសារព័ត៌មានថា វីរុសបម្លែងខ្លួនថ្មី Delta កំពុងឆ្លងរាតត្បាតទូទាំងពិភពលោកក្នុងចំនួនដ៏ច្រើន ដែលជំរុញឲ្យការឆ្លង និងស្លាប់ដោយសារជំងឺ COVID-19 កើនឡើងខ្ពស់ថ្មីទៀត ដោយគូសបញ្ជាក់ថា ការឆ្លងខ្លាំងនៃវីរុសបម្លែងខ្លួនថ្មីដែលត្រូវបានរកឃើញដំបូងនៅប្រទេសឥណ្ឌា ពេលនេះបានរាលដាលទៅដល់ ១០៤ប្រទេស និងដែនដី។លោក Tedros បាននិយាយថា គម្លាតជាសកលក្នុងការផ្គត់ផ្គង់វ៉ាក់សាំងបង្ការជំងឺ COVID-19 គឺមិនមានភាពស្មើគ្នា និងគ្មានសមធម៌។ ប្រទេស និងដែនដីមួយចំនួនពិតជាកំពុងបញ្ជាទិញដូសវ៉ាក់សាំងបន្ថែមរាប់លានដូស មុនពេលដែលប្រទេសផ្សេងទៀតបានផ្គត់ផ្គង់វ៉ាក់សាំង ដល់បុគ្គលិកសុខាភិបាល និងអ្នកងាយរងគ្រោះបំផុត៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កម្ពុជា និង EuroCham ពិភាក្សាលើការធ្វើឱ្យប្រសើរឡើងនៃការដឹកជញ្ជូន និងវិស័យភស្តុភារកម្មជាតិ

ទីផ្សារផលិតផលខ្មែរ កំពុងរីកចម្រើន ដោយមានការគាំទ្រកាន់តែច្រើនពីអ្នកប្រើប្រាស់

យុទ្ធនាការជំរឿនមន្ត្រីនៅទីស្តីការគណៈរដ្ឋមន្ត្រីចាប់ផ្តើមព្រឹកនេះ ដោយមានឧបនាយករដ្ឋមន្ត្រី ទេសរដ្ឋមន្ត្រី ថ្នាក់ដឹកនាំ និងមន្ត្រីគ្រប់ជាន់ថ្នាក់ កំពុងធ្វើជីវមាត្រដោយផ្ទាល់

អភិបាលខេត្តកំពង់ស្ពឺ ក្រើនរំឭកដល់ពលរដ្ឋឱ្យបង្កើនការការពារជំងឺគ្រុនឈាម ខណៈជាង ៧ខែ ខេត្តកំពង់ស្ពឺមានអ្នកឆ្លងដល់ជិត ១ពាន់ករណី

តេជោលីគ លើកទី៣ បង្ហាញភាពពិតប្រាកដ នៃសម្រស់បាល់ទះកម្ពុជា ខណៈបញ្ជាការដ្ឋានអង្គរក្ស ឈ្នះពានដាច់

អាជ្ញាធរជាតិព្រះវិហារ ប្រារព្ធខួប១៨ឆ្នាំនៃការដាក់ប្រាសាទព្រះវិហារ ក្នុងបញ្ជីបេតិកភណ្ឌពិភពលោក

ត្រឹមឆមាសទី១ ឆ្នាំនេះ រោងចក្រជាងមួយពាន់កន្លែងក្នុងខេត្តស្វាយរៀង ផ្ដល់ការងារជាង១៦ម៉ឺននាក់

ក្រុមអាមេរិកមិនសម្រាកបុណ្យឯករាជ្រឡើយ ខណៈត្រៀមជួបប៊ែលហ្ស៊ិកវគ្គ ១៦ ក្រុម

ព្រឹទ្ធសភាហ្វីលីពីនបើកសវនាការចោទប្រកាន់ទម្លាក់តំណែងអនុប្រធានាធិបតី លោកស្រី Sara Duterte

តុលាការបារ៉ែនបើកសវនាការកាត់ទោសមនុស្ស ១៩នាក់ ដែលត្រូវបានចោទប្រកាន់ពីបទគាំទ្រអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កម្ពុជាបន្តរកឃើញមនុស្ស៨៨៩នាក់ទៀតឆ្លងកូវីដ-១៩ ខណៈអ្នកជំងឺ ២៧នាក់ទៀតបានស្លាប់ដោយសារជំងឺនេះ

ឥណ្ឌូនេស៊ីត្រៀមសម្រាប់សេណារីយ៉ូករណីឆ្លងខ្លាំងបំផុត ខណៈវិបត្តិវីរុសកូរ៉ូណាកាន់តែធ្ងន់ធ្ងរ

WHO ជំរុញចិនឲ្យធ្វើសហប្រតិបត្តិការកាន់តែស៊ីជម្រៅក្នុងការស៊ើបអង្កេតប្រភពដើមវីរុសកូរ៉ូណា

ទឹកជំនន់សម្លាប់មនុស្ស ៧០នាក់នៅប្រទេសអាល្លឺម៉ង់ និងបែលហ្ស៊ិក

ក្ដីបារម្ភកាន់តែខ្លាំងក្នុងតំបន់ជាច្រើនរបស់ឥណ្ឌូនេស៊ី ខណៈវីរុស Delta ឆ្លងរាតត្បាតពេញកោះជ្វា

WHO ព្រមានពីហានីភ័យដ៏មហន្តរាយនៃការកើនឡើងករណីឆ្លងវីរុស COVID-19 នៅមជ្ឈិមបូព៌ា

ជនស៊ីវិល ៤នាក់ស្លាប់ក្នុងការវាយប្រហារដោយគ្រាប់បែកក្នុងទីក្រុងកាប៊ុល

ពួកតាលីបង់ប្រហារជីវិតកងកុម្ម៉ង់ដូអាហ្វហ្គានីស្ថាន ២២នាក់ក្រោយព្យាយាមចុះចូល

ករណីឆ្លងជំងឺ COVID-19 នៅសហរដ្ឋអាមេរិកហក់ឡើងខ្ពស់ជាថ្មី

WHO៖ ប្រទេសមួយចំនួនមិនគួរបញ្ជាទិញវ៉ាក់សាំង COVID-19 ដូសបន្ថែមទេ ខណៈប្រទេសដទៃទៀតនៅត្រូវការវ៉ាក់សាំងនៅឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

WHO ជំរុញ​ចិន​ឲ្យ​ធ្វើ​សហប្រតិបត្តិការ​កាន់តែ​ស៊ីជម្រៅ​ក្នុង​ការ​ស៊ើបអង្កេត​ប្រភព​ដើម​វីរុស​កូ​រ៉ូ​ណា​

ទឹកជំនន់​សម្លាប់​មនុស្ស​ ៧០​នាក់​នៅ​ប្រទេស​អាល្លឺម៉ង់ និង​បែលហ្ស៊ិក​

ក្ដី​បារម្ភ​កាន់​តែ​ខ្លាំង​ក្នុង​តំបន់​ជាច្រើន​របស់​ឥណ្ឌូនេស៊ី ខណៈ​វីរុស Delta ឆ្លង​រាតត្បាត​ពេញ​កោះ​ជ្វា

WHO ​ព្រមាន​ពី​ហា​នី​ភ័យ​ដ៏​មហន្តរាយ​នៃ​ការ​កើន​ឡើង​ករណី​ឆ្លង​វីរុស COVID-19 នៅ​មជ្ឈិមបូព៌ា​

ជន​ស៊ីវិល ​៤​នាក់​ស្លាប់​ក្នុង​ការ​វាយប្រហារ​ដោយ​គ្រាប់បែក​ក្នុង​ទីក្រុង​កា​ប៊ុល​

ពួក​តា​លី​បង់​ប្រហារ​ជីវិត​កង​កុម្ម៉ង់ដូ​អា​ហ្វ​ហ្គា​នី​ស្ថាន​ ២២​នាក់​ក្រោយ​ព្យាយាម​ចុះចូល​

ករណី​ឆ្លង​ជំងឺ COVID-19 នៅ​សហរដ្ឋអាមេរិក​ហក់​ឡើង​ខ្ពស់​ជាថ្មី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

WHO ជំរុញចិនឲ្យធ្វើសហប្រតិបត្តិការកាន់តែស៊ីជម្រៅក្នុងការស៊ើបអង្កេតប្រភពដើមវីរុសកូរ៉ូណា

ទឹកជំនន់សម្លាប់មនុស្ស ៧០នាក់នៅប្រទេសអាល្លឺម៉ង់ និងបែលហ្ស៊ិក

ក្ដីបារម្ភកាន់តែខ្លាំងក្នុងតំបន់ជាច្រើនរបស់ឥណ្ឌូនេស៊ី ខណៈវីរុស Delta ឆ្លងរាតត្បាតពេញកោះជ្វា

WHO ព្រមានពីហានីភ័យដ៏មហន្តរាយនៃការកើនឡើងករណីឆ្លងវីរុស COVID-19 នៅមជ្ឈិមបូព៌ា

ជនស៊ីវិល ៤នាក់ស្លាប់ក្នុងការវាយប្រហារដោយគ្រាប់បែកក្នុងទីក្រុងកាប៊ុល

ពួកតាលីបង់ប្រហារជីវិតកងកុម្ម៉ង់ដូអាហ្វហ្គានីស្ថាន ២២នាក់ក្រោយព្យាយាមចុះចូល

ករណីឆ្លងជំងឺ COVID-19 នៅសហរដ្ឋអាមេរិកហក់ឡើងខ្ពស់ជាថ្មី