BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

ម៉ាឡេស៊ីកត់ត្រាករណីស្លាប់ប្រចាំថ្ងៃដោយសារជំងឺ COVID-19 ខ្ពស់បំផុត ១៩៩នាក់ ខណៈករណីឆ្លងធ្លាក់ចុះ

ម៉ាឡេស៊ី៖ យោងតាមអគ្គនាយកចាត់ការទូទៅផ្នែកសុខភាព លោកវេជ្ជបណ្ឌិត Noor Hisham Abdullah ករណីឆ្លងថ្មីនៃជំងឺ Covid-19 របស់ប្រទេសម៉ាឡេស៊ីបានធ្លាក់ចុះបន្តិចមកត្រឹម ១១.៩៨៥នាក់ពីចំនួន ១២.៣៦៦នាក់កាលពីម្សិលមិញ ខណៈដែលមានអ្នកស្លាប់ប្រចាំថ្ងៃខ្ពស់បំផុតដល់ទៅ ១៩៩នាក់។មានការកើនឡើងចំនួន ៩៥១,៨៨៤ករណីត្រូវបានគេរកឃើញនៅក្នុងប្រទេសនេះ ចាប់តាំងពីជំងឺរាតត្បាតសកលចាប់ផ្ដើមផ្ទុះ។ រដ្ឋ Selangor នៅតែជារដ្ឋឆមានចំនួនអ្នកឆ្លងខ្ពស់បំផុតនៅថ្ងៃនេះគឺ ៥.៥៥០នាក់ ដែលនាំឱ្យករណីឆ្លងសរុបនៅក្នុងរដ្ឋកើនឡើងដល់ទៅ ៣៣៧.៨៩៧នាក់ដែលស្មើនឹង ៣៥.៥% នៃករណីឆ្លងសរុបនៅក្នុងប្រទេសម៉ាឡេស៊ី។ ទីក្រុងកូឡាឡាំពួរ ក៏បានរាយការណ៍ពីករណីឆ្លងថ្មីនៃវីរុស Covid-19 ចំនួនបួនខ្ទង់ផងដែរដោយមានចំនួន ១,១៧៤នាក់ ដែលនាំឱ្យការឆ្លងសរុបនៅក្នុងទីក្រុងនេះហក់ឡើងដល់ ១០១.៩២៦ករណី។ចំនែកនៅរដ្ឋ Kedah មានករណីឆ្លងថ្មីចំនួន ៨០០នាក់ បន្ទាប់មករដ្ឋ Negeri Sembilan ចំនួន ៧៤៥នាក់, រដ្ឋ Johor ចំនួន ៦៤៤នាក់, រដ្ឋ Pahang ចំនួន ៦០៣នាក់, រដ្ឋ Sabah ចំនួន ៤៧៤នាក់, រដ្ឋ Melaka ចំនួន ៤៥៣នាក់, រដ្ឋ Kelantan ចំនួន ៣៨៦នាក់, រដ្ឋ Penang ចំនួន ៣៦២នាក់, រដ្ឋ Perak ចំនួន ២៧៤នាក់, រដ្ឋ Sarawak ចំនួន ២៦១នាក់ និងរដ្ឋ Terengganu មានចំនួន ១៧១នាក់។ គិតត្រឹមព្រឹកថ្ងៃព្រហស្បតិ៍នេះ ប្រទេសម៉ាឡេស៊ីមានករណីឆ្លងវីរុស Covid-19 សរុបចំនួន ៩៥១,៨៨៤នាក់ និងស្លាប់ចំនួន ៧,៤៤០នាក់៕អត្ថបទ៖ សុខមាន

WHO៖ វីរុស COVID-19 បម្លែងខ្លួនថ្មី Delta នឹងមានឥទ្ធិពលចម្លងខ្លាំងក្នុងប៉ុន្មានខែខាងមុខទៀត

WHO៖ អង្គការសុខភាពពិភពលោក (WHO) បាននិយាយកាលពីថ្ងៃពុធថា វីរុស COVID-19 បម្លែងខ្លួនថ្មី Delta ដែលមានការរីករាលដាលខ្លាំងត្រូវបានគេរំពឹងថា នឹងក្លាយជាវីរុសដែលមានឥទ្ធិពលចម្លងខ្លាំងក្នុងប៉ុន្មានខែខាងមុខទៀតនេះ។អង្គការសុខភាពពិភពលោកបាននិយាយថា វីរុសបម្លែងខ្លួនថ្មី Delta ដែលត្រូវបានរកឃើញដំបូងបង្អស់នៅក្នុងប្រទេសឥណ្ឌា ឥឡូវនេះត្រូវបានគេកត់ត្រានៅក្នុងដែនដីចំនួន ១២៤ ដែលបានកើនឡើង ១៣ប្រទេសលើសកាលពីសប្ដាហ៍មុន។ ចំនួននេះច្រើនជាងបីភាគបួននៃគំរូជាបន្តបន្ទាប់នៅក្នុងប្រទេសធំៗជាច្រើន។ ទីភ្នាក់ងារសុខភាពអង្គការសុខភាពពិភពលោក បាននិយាយនៅក្នុងការធ្វើបច្ចុប្បន្នភាពស្ដីពីវីរុសប្រចាំសប្ដាហ៍របស់ខ្លួនថា គេរំពឹងថាវីរុសនេះនឹងប្រកួតប្រជែងជាមួយវីរុសបម្លែងខ្លួនថ្មីដទៃទៀតយ៉ាងឆាប់រហ័ស និងក្លាយជាខ្សែស្រឡាយដែលកំពុងរីករាលដាលខ្លាំងនៅក្នុងប៉ុន្មានខែខាងមុខនេះ។ក្នុងចំណោមការព្រួយបារម្ភ ទាក់ទងនឹងវីរុសផ្លូវដង្ហើមកូរ៉ូណាបម្លែងខ្លួនថ្មីចំនួន ៣ផ្សេងទៀតគឺ Alpha ដែលត្រូវបានគេរកឃើញដំបូងនៅក្នុងចក្រភពអង់គ្លេស ត្រូវបានគេរាយការណ៍កំពុងឆ្លងរាលដាលនៅក្នុងដែនដីចំនួន ១៨០ កើនឡើងចំនួន ៦ប្រទេសលើសពីសប្ដាហ៍មុន។ វីរុសបម្លែងខ្លួនថ្មី Beta ដែលត្រូវបានរកឃើញដំបូងនៅអាហ្វ្រិកខាងត្បូង ត្រូវបានគេរាយការណ៍នៅក្នុងដែនដីចំនួន ១៣០ កើនឡើង ៧ប្រទេស និងដែនដី រីឯវីរុសបម្លែងខ្លួនថ្មី Gamma ដែលត្រូវបានរកឃើញដំបូងនៅក្នុងប្រេស៊ីល កំពុងឆ្លងរាលដាលនៅក្នុងប្រទេស និងដែនដីចំនួន ៧៨ កើនឡើង ៣ប្រទេស៕អត្ថបទ៖ សុខមាន

ករណីឆ្លងវីរុស COVID-19 នៅឥណ្ឌូនេស៊ីធ្លាក់ចុះ ខណៈវិធានការរឹតត្បិតនានានឹងត្រូវបន្ធូរបន្ថយនៅថ្ងៃទី២៦ ខែនេះ ប្រសិនបើទំនោរនេះនៅតែបន្ត

ឥណ្ឌូនេស៊ី៖ ប្រធានាធិបតីឥណ្ឌូនេស៊ី លោក Joko Widodo បាននិយាយកាលពីថ្ងៃអង្គារថា ករណីឆ្លងជំងឺ COVID-19 របស់ប្រទេសនេះបានធ្លាក់ចុះ ហើយប្រសិនបើការធ្លាក់ចុះនៅតែបន្ត ការរឹតត្បិតនាពេលបច្ចុប្បន្ននឹងត្រូវដកចេញជាបណ្ដើរៗចាប់ពីថ្ងៃទី២៦ ខែកក្កដានេះ។ប្រទេសឥណ្ឌូនេស៊ីបានអនុវត្តវិធានការរឹតត្បិត ទប់ស្កាត់ការឆ្លងរាលដាលជំងឺ COVID-19 កាលពីថ្ងៃទី៣ ខែកក្កដាសម្រាប់កោះជ្វា និងកោះបាលី ដែលរួមទាំងការបញ្ឈប់ការធ្វើដំណើរ និងការបិទផ្សារទំនើបជាដើម។ ចលនារបស់ប្រជាជនត្រូវបានកំណត់តាមផ្នែកជំនាញដែលពួកគេធ្វើការ ហើយមានតែនិយោជិកនៅក្នុងវិស័យសំខាន់ដូចជាថាមពល និងសុខភាពប៉ុណ្ណោះដែលត្រូវបានអនុញ្ញាតឲ្យត្រឡប់ទៅកន្លែងធ្វើការវិញ។ បន្ទាប់ពីវិធានការនានាត្រូវបានដាក់ឲ្យអនុវត្តអត្រានៃករណីឆ្លងជំងឺ COVID-19 និងតម្រូវការគ្រែពេទ្យបានធ្លាក់ចុះ។ប្រធានាធិបតីដែលត្រូវបានគេស្គាល់ជាទូទៅថា លោក Jokowi បាននិយាយថា ទីផ្សារបែបប្រពៃណីដែលលក់របស់របរសំខាន់ៗប្រើប្រាស់ប្រចាំថ្ងៃ អាចដំណើរការបានរហូតដល់ម៉ោង ៨យប់ដែលមានសមត្ថភាពអតិបរមា ៥០% និងស្ថិតក្រោមវិធានសុខភាពតឹងរ៉ឹង ខណៈទីផ្សារប្រពៃណីផ្សេងទៀត អាចត្រូវបានអនុញ្ញាតឱ្យដំណើរការរហូតដល់ម៉ោង ៣រសៀល។ ប្រទេសឥណ្ឌូនេស៊ីមានករណីឆ្លង COVID-19 សរុបចំនួន ២,៩៥០,០៥៨នាក់បន្ទាប់ពីមានករណីឆ្លងថ្មីចំនួន ៣៨,៣២៥នាក់ និងស្លាប់ចំនួន ៧៦,២០០នាក់បន្ទាប់ពីមានមនុស្សស្លាប់ថ្មី ១,២៨០នាក់បន្ថែមទៀត៕អត្ថបទ៖ សុខមាន

មនុស្សរាប់ពាន់នាក់ត្រូវជម្លៀស ខណៈមនុស្ស ១២នាក់ស្លាប់ក្នុងទឹកជំនន់នៅចិន

ចិន៖ ភ្លៀងធ្លាក់ខ្លាំងបានបណ្ដាលឱ្យមានទឹកជំនន់យ៉ាងធ្ងន់ធ្ងរ នៅផ្នែកខ្លះនៃភាគកណ្ដាលប្រទេសចិនដែលបង្ខំឱ្យប្រជាពលរដ្ឋជម្លៀសចេញពីផ្ទះសម្បែង និងចាកចេញពីស្ថានីយវារីអគ្គិសនី និងផ្លូវថ្នល់ជាច្រើនខ្សែត្រូវបានទឹកជន់លិច។ប្រជាជនជាង ១ម៉ឺននាក់នៅខេត្ត Henan ត្រូវបានជម្លៀសទៅកាន់ជម្រកបណ្ដោះអាសន្ន បន្ទាប់ពីមានភ្លៀងធ្លាក់ខ្លាំង។ អាជ្ញាធរនៅទីនោះបានបញ្ជាក់ថា យ៉ាងហោចណាស់មានមនុស្ស ១២នាក់បានស្លាប់នៅក្នុងទីក្រុង Zhengzhou ចាប់តាំងពីទឹកជំនន់បានចាប់ផ្ដើម។ ទីក្រុងជាង ១០ បានរងផលប៉ះពាល់ដោយបង្ខំឲ្យបិទផ្លូវសំខាន់ៗ និងជើងហោះហើរជាច្រើនត្រូវលុបចោល។ ខេត្ត Henan ដែលមានប្រជាជនប្រមាណ ៩៤លាននាក់បានប្រកាសអាសន្នការព្រមានពីកម្រិតអាកាសធាតុខ្ពស់បំផុត បន្ទាប់ពីមានភ្លៀងធ្លាក់ខ្លាំងខុសពីធម្មតា។ មានកត្តាជាច្រើនរួមចំណែកបង្កឲ្យមានទឹកជំនន់ ប៉ុន្តែបរិយាកាសក្តៅដែលបណ្ដាលមកពីការប្រែប្រួលអាកាសធាតុ ទំនងធ្វើឲ្យមានភ្លៀងធ្លាក់ខ្លាំង៕ អត្ថបទ៖ សុខមាន

អឺរ៉ុបបានក្លាយជាតំបន់ទី១ ដែលមានករណីឆ្លងវីរុស COVID-19 កើនឡើងដល់ជាង ៥០លាននាក់

អឺរ៉ុប៖ តាមរបាយការណ៍របស់ទីភ្នាក់ងារសារព័ត៌មាន Reuters បានឱ្យដឹងថា សហភាពអឺរ៉ុបបានក្លាយជាតំបន់ដំបូងគេនៅទូទាំងពិភពលោក ដែលមានករណីឆ្លងវីរុសកូរ៉ូណាដល់ទៅជាង ៥០លាននាក់កាលពីថ្ងៃចន្ទ ទី១៩ ខែកក្កដា ខណៈវីរុសបម្លែងខ្លួនថ្មី Delta បានហក់ឡើងខ្ពស់បំផុតក្នុងអត្រាឆ្លងថ្មីប្រចាំថ្ងៃ។ តំបន់នេះត្រូវបានគេមើលឃើញថា មានការឆ្លងថ្មីរាប់លាននាក់រៀងរាល់ ៨ថ្ងៃ ហើយបានរាយការណ៍ថា មានមនុស្សជិត ១លាន ៣សែននាក់បានស្លាប់ចាប់តាំងពីចាប់ផ្ដើមផ្ទុះវីរុសរាតត្បាតសកលនេះ។ វីរុសបម្លែងខ្លួនថ្មី Delta ដែលបានមានសមត្ថភាពឆ្លងខ្លាំងជាងវីរុសដំបូង COVID-19 ត្រូវបានរកឃើញក្នុងប្រទេសប្រហែល ១០០ ហើយបច្ចុប្បន្នវីរុសបម្លែងខ្លួនថ្មីនេះកំពុងឆ្លងខ្លាំងនៅទូទាំងពិភពលោក។ ទីផ្សារអឺរ៉ុបបានប្រឈមនឹងភាពរំជើបរំជួលមួយកាលពីថ្ងៃចន្ទ ខណៈភាគហ៊ុនបានធ្លាក់ចុះជាង ២% ដែលជាវគ្គជួញដូរដ៏អាក្រក់បំផុតក្នុងរយៈពេល ៩ខែ ដោយមានការព្រួយបារម្ភថា វីរុសបម្លែងខ្លួនថ្មី Delta ដែលកំពុងឆ្លងរាលដាលយ៉ាងលឿន អាចធ្វើឲ្យរាំងស្ទះដល់ការងើបឡើងវិញនៃសេដ្ឋកិច្ចសកល៕អត្ថបទ៖ សុខមាន

បារាំងរាយការណ៍ករណីឆ្លងថ្មីនៃវីរុស COVID-19 ជាង ១ម៉ឺននាក់នៅថ្ងៃទី៣

បារាំង៖ ប្រទេសបារាំងរាយការណ៍ករណីឆ្លងថ្មីនៃវីរុសកូរ៉ូណាជាង ១២.៥០០នាក់កាលពីថ្ងៃអាទិត្យ ជាថ្ងៃទី៣ ដែលមានជាង ១ម៉ឺននាក់ ខណៈការរាតត្បាតកាន់តែខ្លាំងនៃវីរុស COVID-19 បម្លែងខ្លួនថ្មី Delta បានជំរុញឲ្យមានការឆ្លងរាលដាលខ្លាំងថ្មីទៀត។ទោះយ៉ាងណា ក្រសួងសុខាភិបាលបាននិយាយថា ករណីឆ្លងថ្មីចំនួន ១២.៥៣២នាក់ត្រូវបានរាយការណ៍កាលពីថ្ងៃអាទិត្យ ដែលនាំឲ្យករណីឆ្លងសរុបហក់ឡើងដល់ ៥លាន ៨៧ម៉ឺននាក់ រួមទាំងទិន្នន័យដែលមិនត្រូវបានផ្សព្វផ្សាយកាលពីថ្ងៃមុន។ នៅក្នុងរបាយការណ៍មួយដែលត្រូវបានចុះផ្សាយលើគេហទំព័ររបស់ខ្លួនបាននិយាយថា "តួលេខប្រចាំថ្ងៃដែលត្រូវបានចេញផ្សាយនៅថ្ងៃនេះមាន ១២.៥៣២នាក់ មិនគួរត្រូវបានបកស្រាយថា ជាការកើនឡើងនូវចំនួនករណីឆ្លងប្រចាំថ្ងៃឡើយនៅក្នុងបរិបទដែលមានករណីឆ្លងខ្ពស់៕អត្ថបទ៖ សុខមាន

មនុស្ស ២៣នាក់ស្លាប់ក្នុងបំណាក់ដី និងបាក់ជញ្ជាំងក្នុងភ្លៀងរដូវមូសុងនៅទីក្រុងមុមបៃ ប្រទេសឥណ្ឌា

ឥណ្ឌា៖ ក្រុមអាជ្ញាធរបាននិយាយកាលពីថ្ងៃអាទិត្យថា យ៉ាងហោចណាស់មានមនុស្សចំនួន ២៣នាក់បានស្លាប់ បន្ទាប់ពីផ្ទះជាច្រើនខ្នងត្រូវបានរលំដោយជញ្ជាំងបាក់ និងបំណាក់ដីបង្កឡើងដោយភ្លៀងមូសុងធ្លាក់ខ្លាំង នៅក្នុងរដ្ឋធានីហិរញ្ញវត្ថុមុមបៃរបស់ប្រទេសឥណ្ឌា។ក្រុមអាជ្ញាធរពលរដ្ឋបាននិយាយថា ទឹកភ្លៀងក៏បានជន់លិចទីតាំងក្រុមហ៊ុនបន្សុទ្ធទឹកមួយ ដែលរំខានដល់ការផ្គត់ផ្គង់នៅតំបន់ភាគច្រើននៃទីក្រុងមុមបៃ សម្រាប់មនុស្សប្រមាណ ២០លាននាក់។ កម្លាំងឆ្លើយតបគ្រោះមហន្តរាយជាតិ (NDRF) បាននិយាយថា ដើមឈើមួយដើមបានដួលរលំបំផ្លាញរបងមួយនៅជាយក្រុង Chembur ភាគខាងកើត អំឡុងពេលព្រឹកថ្ងៃអាទិត្យដោយកប់ប្រជាជននៅក្បែរនោះ។ កម្លាំងឆ្លើយតបគ្រោះមហន្តរាយជាតិបានបន្ថែមថា សាកសពមនុស្សចំនួន ១៧នាក់ត្រូវបានទាញចេញពីកម្ទេចកម្ទី ខណៈដែលប្រតិបត្តិការសង្គ្រោះកំពុងបន្តនៅឡើយ៕អត្ថបទ៖ សុខមាន

ផ្ទុះឆេះរថយន្តស៊ីទែងដឹកប្រេងឥន្ធនៈសម្លាប់មនុស្ស ១៣នាក់នៅប្រទេសកេនយ៉ា

កេនយ៉ា៖ មនុស្សយ៉ាងហោចណាស់ ១៣នាក់បានស្លាប់នៅពេលរថយន្តដឹកប្រេងឥន្ធនៈមួយគ្រឿងបានក្រឡាប់ឆេះ នៅក្នុងភាគខាងលិចប្រទេសកេនយ៉ាកាលពីថ្ងៃចុងសប្ដាហ៍នេះ។ រថយន្តដឹកប្រេងឥន្ធនៈនេះបានបុកជាមួយរថយន្តមួយគ្រឿងទៀត នៅលើផ្លូវល្បឿនលឿនរវាងទីក្រុង Kisumu និងទីក្រុង Busia កាលពីល្ងាចថ្ងៃសៅរ៍។ស្នងការនគរបាលក្នុងតំបន់ម្នាក់បាននិយាយថា មនុស្ស ២៤នាក់កំពុងស្ថិតក្នុងមន្ទីរពេទ្យដោយមានការរលាកធ្ងន់ធ្ងរ និងបាននិយាយថា កុមារមួយចំនួនស្ថិតក្នុងចំណោមអ្នករងរបួសដែរ។ ក្រុមអ្នកស៊ើបអង្កេតកំពុងស្វែងរកនៅកន្លែងកើតហេតុ និងបានព្រមានថា ចំនួនអ្នកស្លាប់អាចកើនឡើង។ ស្នងការនគរបាល លោក Charles Chacha បាននិយាយថា យើងនឹងតម្រូវឲ្យមានការត្រួតពិនិត្យហ្មត់ចត់ដើម្បីកំណត់ថា តើមានមនុស្សត្រូវភ្លើងឆេះទាំងស្រុងនៅកន្លែងកើតហេតុឬអត់ ជាទីដែលឆ្អឹងមួយចំនួនត្រូវបានរកឃើញ។ រថយន្តដឹកទឹកដោះគោមួយគ្រឿងដែលបានបើកបរក្នុងទិសដៅផ្ទុយគ្នា បានបុកជាមួយរថយន្តដឹកស៊ីទែនប្រេងឥន្ធនៈ៕អត្ថបទ៖ សុខមាន

ប្រមុខរាជរដ្ឋាភិបាលសម្ដេចតេជោ ហ៊ុន សែន សម្រេចផ្ដល់វ៉ាក់សាំងដល់កុមារ និងយុវវ័យអាយុចន្លោះ១២ទៅ១៧ឆ្នាំ

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានប្រកាសថា កម្ពុជានឹងចាក់វ៉ាក់សាំងដល់ក្រុមមនុស្សមានអាយុចន្លោះពី ១២ ដល់ទៅ ១៧ឆ្នាំ ដែលជាផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាលដើម្បីបង្កើតភាពស៊ាំដល់ប្រជាជនសម្រាប់បង្ការជំងឺកូវីដ-១៩។សម្ដេចតេជោ ហ៊ុន សែន បានប្រកាសបែបនេះនៅក្នុងសំឡេងសំឡេងពិសេសរបស់សម្ដេចដែលត្រូវបានផ្សព្វផ្សាយនៅព្រឹកថ្ងៃនេះ។សម្ដេចតេជោ ហ៊ុន សែន ថ្លែងថា៖ «យើងមានការចាំបាច់ដើម្បីចាក់ជូនកុមារ និងយុវវ័យអាយុ ១២ឆ្នាំ ដល់អាយុ ១៧ឆ្នាំបន្តទៀត បន្ទាប់ពីដំណើរការចាក់វ៉ាក់សាំងសម្រាប់អ្នកដែលមានអាយុពី ១៨ឆ្នាំឡើងទៅ ដែលមកដល់ពេលនេះ យើងចាក់បានប្រមាណជា ៥លាន ៤សែននាក់រួចស្រេចទៅហើយ»។ប្រមុខរាជរដ្ឋាភិបាលកម្ពុជា បានបញ្ជាក់ថា នេះគឺជាការគិតគូររបស់រាជរដ្ឋាភិបាលទៅដល់អនាគតរបស់កុមារ និងយុវជន ជាពិសេសសុខមាលភាពរបស់ពួកគេសម្រាប់បើកដំណើរការសាលារៀនឡើងវិញ។សម្ដេចតេជោ ហ៊ុន សែន បានថ្លែងឱ្យដឹងផងដែរថា កុមារ និងយុវវ័យអាយុចន្លោះពី ១២ ទៅ ១៧ឆ្នាំ មានចំនួនខ្ទង់ ២លាននាក់នៅទូទាំងប្រទេស ហើយត្រូវការវ៉ាក់សាំងជាង ៤លានដូសដើម្បីចាក់ជូនពួកគេ។កម្ពុជាបានចាប់ផ្ដើមយុទ្ធនាការចាក់វ៉ាក់សាំងជូនប្រជាពលរដ្ឋរបស់ខ្លួនចាប់តាំងពីថ្ងៃទី១០ ខែកុម្ភៈក្នុងឆ្នាំនេះ ហើយរហូតមកដល់ថ្ងៃនេះ ប្រជាជនកម្ពុជាជាង ៥លាន ៤សែននាក់ បានទទួលវ៉ាក់សាំងបង្ការជំងឺកូវីដ-១៩ ក្នុងនោះពលរដ្ឋជាង ៤លាននាក់ហើយ បានទទួលវ៉ាក់សាំងទាំងពីរដូសរួចរាល់៕

រកឃើញករណីវិជ្ជមានកូវីត១៩ដំបូង ក្នុងមន្ទីរពេទ្យកុមារអង្គរ ខេត្តសៀមរាប

មន្ទីរពេទ្យកុមារអង្គរ នៅខេត្តសៀមរាប បានប្រកាសរកឃើញករណីវិជ្ជមានដំបូងក្នុងមន្ទីរពេទ្យ។ ការរកឃើញករណីវិជ្ជមានជំងឺកូវីត១៩ ជាលើកដំបូងនៅក្នុងមន្ទីរពេទ្យនេះ ធ្វើឲ្យគណៈគ្រប់គ្រងមន្ទីរពេទ្យកុមារអង្គរ មានការព្រួយបារម្ភយ៉ាងខ្លាំងចំពោះសុខភាព និងសុវត្ថិភាព នៃអ្នកជំងឺ និងក្រុមគ្រួសារអ្នកជំងឺ រួមទាំងបុគ្គលិកមន្ទីរពេទ្យ។ ចំពោះមុខនេះមន្ទីរពេទ្យកំពុងជួបបញ្ហាខ្វះឧបករណ៍ធ្វើតេស្តរហ័សរកជំងឺកូវីត១៩ សម្រាប់អ្នកជំងឺ ក្រុមគ្រួសារអ្នកជំងឺទាំងអស់ ដែលមកកាន់មន្ទីរពេទ្យកុមារអង្គរ រួមទាំងឯកសណ្ឋានពាក់ការពារពិសេសសម្រាប់បុគ្គលិកពេទ្យ និងការរៀបចំបន្ទប់ដែលបំពាក់ដោយសម្ភារៈឧបករណ៍គ្រប់គ្រាន់សម្រាប់ព្យាបាលអ្នកជំងឺកូវីត១៩ (COVID-19 Ward) ដាច់ដោយឡែក។ ជាមួយគ្នានេះមន្ទីរពេេទ្យក៏បានអំពាវនាវដល់សប្បុរសជនជួយឧបត្ថម្ភនូវការខ្វះខាតខាងលើនេះតាមសទ្ធាផងដែរ៕

បណ្ដាញសង្គម

ព័ត៌មានថ្មីៗ

Unai Simón៖ Ronaldo នៅតែគ្រោះថ្នាក់ ទោះមិនស្ថិតក្នុងចំណុចកំពូលនៃអាជីព មុនអេស្ប៉ាញជួបព័រទុយហ្គាល់

សមត្ថកិច្ចរាជធានីភ្នំពេញ បន្តប្រតិបត្តិការបង្ក្រាប Online Scams នៅខណ្ឌដង្កោ ឃាត់ជនបរទេស ៨នាក់

លោក Carlos Queiroz លាលែងពីតំណែងគ្រូបង្វឹកហ្គាណា ក្រោយធ្លាក់ចេញពី World Cup

ទូតជប៉ុន សរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងលើវិស័យបរិស្ថានកម្ពុជាធ្វើឱ្យប្រទេសក្លាយជា «ផ្ទះដ៏ស្អាត និងមានបរិស្ថានល្អ» សម្រាប់ពលរដ្ឋ

ក្រសួងបរិស្ថាន រកឃើញវត្តមានភេទសត្វព្រៃកម្រកំពុងរងគ្រោះថ្នាក់ជិតផុតពូជចំនួន ១៤ប្រភេទ នៅខេត្តក្រចេះ និងខេត្តមណ្ឌលគិរី

ប៉ាគីស្ថាន ទំនងជានឹងធ្វើជាម្ចាស់ផ្ទះជុំបន្ទាប់នៃកិច្ចពិភាក្សាបច្ចេកទេសរវាងអាមេរិក និងអ៊ីរ៉ង់

កម្ពុជា បន្តប្រាប់អង្គទូត និងអង្គការអន្តរជាតិអំពីទង្វើរំលោភបទឈប់បាញ់ និងបន្តធ្វើសកម្មភាពខុសច្បាប់របស់ថៃ

ប្រទេសអូស្ត្រាលី និងហ្វីជី ចុះហត្ថលេខាបង្កើតសម្ព័ន្ធភាពការពារជាតិថ្មី

បេសកជនអ៊ីរ៉ង់ប្រចាំប្រទេសចិន សន្យាប្រព្រឹត្តយ៉ាងពិសេសចំពោះប្រទេសជាមិត្តនៅច្រកសមុទ្រ Hormuz

ក្រុមឧទ្ទាមហ៊ូទី សម្លាប់កងទ័ពរដ្ឋាភិបាលយេម៉ែន១៦នាក់ក្នុងការប៉ះទង្គិចគ្នាដ៏បង្ហូរឈាមបំផុត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ម៉ាឡេស៊ីកត់ត្រាករណីស្លាប់ប្រចាំថ្ងៃដោយសារជំងឺ COVID-19 ខ្ពស់បំផុត ១៩៩នាក់ ខណៈករណីឆ្លងធ្លាក់ចុះ

WHO៖ វីរុស COVID-19 បម្លែងខ្លួនថ្មី Delta នឹងមានឥទ្ធិពលចម្លងខ្លាំងក្នុងប៉ុន្មានខែខាងមុខទៀត

មនុស្សរាប់ពាន់នាក់ត្រូវជម្លៀស ខណៈមនុស្ស ១២នាក់ស្លាប់ក្នុងទឹកជំនន់នៅចិន

អឺរ៉ុបបានក្លាយជាតំបន់ទី១ ដែលមានករណីឆ្លងវីរុស COVID-19 កើនឡើងដល់ជាង ៥០លាននាក់

បារាំងរាយការណ៍ករណីឆ្លងថ្មីនៃវីរុស COVID-19 ជាង ១ម៉ឺននាក់នៅថ្ងៃទី៣

មនុស្ស ២៣នាក់ស្លាប់ក្នុងបំណាក់ដី និងបាក់ជញ្ជាំងក្នុងភ្លៀងរដូវមូសុងនៅទីក្រុងមុមបៃ ប្រទេសឥណ្ឌា

ផ្ទុះឆេះរថយន្តស៊ីទែងដឹកប្រេងឥន្ធនៈសម្លាប់មនុស្ស ១៣នាក់នៅប្រទេសកេនយ៉ា

ប្រមុខរាជរដ្ឋាភិបាលសម្ដេចតេជោ ហ៊ុន សែន សម្រេចផ្ដល់វ៉ាក់សាំងដល់កុមារ និងយុវវ័យអាយុចន្លោះ១២ទៅ១៧ឆ្នាំ

រកឃើញករណីវិជ្ជមានកូវីត១៩ដំបូង ក្នុងមន្ទីរពេទ្យកុមារអង្គរ ខេត្តសៀមរាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

WHO៖​ វីរុស COVID-19 ប​ម្លែ​ង​ខ្លួន​ថ្មី Delta នឹង​មាន​ឥទ្ធិពល​ចម្លង​ខ្លាំង​ក្នុង​ប៉ុន្មាន​ខែ​ខាងមុខ​ទៀត​

មនុស្ស​រាប់​ពាន់​នាក់​ត្រូវ​ជម្លៀស ខណៈ​មនុស្ស​ ១២​នាក់​ស្លាប់​ក្នុង​ទឹក​ជំនន់​នៅ​ចិន​

អឺរ៉ុប​បាន​ក្លាយ​ជា​តំបន់​ទី​១ ដែល​មាន​ករណី​ឆ្លង​វីរុស ​COVID-19 កើន​ឡើង​ដល់​ជាង​ ៥០​លាន​នាក់​

បារាំង​រាយការណ៍​ករណី​ឆ្លង​ថ្មី​នៃ​វីរុស COVID-19 ជាង ​១​ម៉ឺន​នាក់​នៅ​ថ្ងៃ​ទី​៣

ផ្ទុះ​ឆេះ​រថយន្ត​ស៊ី​ទែង​ដឹក​ប្រេងឥន្ធនៈ​សម្លាប់​មនុស្ស​ ១៣​នាក់​នៅ​ប្រទេស​កេ​ន​យ៉ា​

រកឃើញករណីវិជ្ជមានកូវីត១៩ដំបូង ក្នុងមន្ទីរពេទ្យកុមារអង្គរ ខេត្តសៀមរាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

WHO៖ វីរុស COVID-19 បម្លែងខ្លួនថ្មី Delta នឹងមានឥទ្ធិពលចម្លងខ្លាំងក្នុងប៉ុន្មានខែខាងមុខទៀត

មនុស្សរាប់ពាន់នាក់ត្រូវជម្លៀស ខណៈមនុស្ស ១២នាក់ស្លាប់ក្នុងទឹកជំនន់នៅចិន

អឺរ៉ុបបានក្លាយជាតំបន់ទី១ ដែលមានករណីឆ្លងវីរុស COVID-19 កើនឡើងដល់ជាង ៥០លាននាក់

បារាំងរាយការណ៍ករណីឆ្លងថ្មីនៃវីរុស COVID-19 ជាង ១ម៉ឺននាក់នៅថ្ងៃទី៣

ផ្ទុះឆេះរថយន្តស៊ីទែងដឹកប្រេងឥន្ធនៈសម្លាប់មនុស្ស ១៣នាក់នៅប្រទេសកេនយ៉ា