BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

UN ព្រមានពីការស្លាប់ជនស៊ីវិលអាហ្វហ្គានីស្ថានដែលមិនធ្លាប់មានពីការវាយលុករបស់ពួកតាលីបង់

អាហ្វហ្គានីស្ថាន៖ អង្គការសហប្រជាជាតិបានព្រមានកាលពីថ្ងៃចន្ទ ទី២៦ ខែកក្កដាថា ប្រទេសអាហ្វហ្គានីស្ថានអាចមើលឃើញពីចំនួនជនស៊ីវិលស្លាប់ ខ្ពស់បំផុតក្នុងរយៈពេលជាងមួយទសវត្សរ៍ ប្រសិនបើការវាយលុករបស់ក្រុមតាលីបង់នៅទូទាំងប្រទេស មិនត្រូវបានបញ្ឈប់ទេនោះ។អំពើហិង្សាបានកើនឡើងចាប់តាំងពីដើមខែឧសភា នៅពេលក្រុមបះបោរបានបើកប្រតិបត្តិការ ស្របពេលនឹងការដកទ័ពចុងក្រោយរបស់កងកម្លាំងបរទេស ដឹកនាំដោយសហរដ្ឋអាមេរិក។ នៅក្នុងរបាយការណ៍មួយដែលបានចេញផ្សាយកាលពីថ្ងៃចន្ទ ស្តីពីការស្លាប់ជនស៊ីវិលសម្រាប់ឆមាសទី១ នៃឆ្នាំ២០២១ បេសកកម្មជំនួយរបស់អង្គការសហប្រជាជាតិនៅអាហ្វហ្គានីស្ថាន (UNAMA) បាននិយាយថា ខ្លួនរំពឹងថា តួលេខនេះនឹងដល់កម្រិតខ្ពស់បំផុតក្នុងរយៈពេល ១ឆ្នាំរបស់ពួកគេ ចាប់តាំងពីបេសកកម្មបានចាប់ផ្ដើមរាយការណ៍ អស់រយៈពេលជាង ១ទសវត្សរ៍កន្លងមក។ ប្រមុខបេសកកម្មជំនួយរបស់អង្គការសហប្រជាជាតិនៅអាហ្វហ្គានីស្ថាន លោកស្រី Deborah Lyons បាននិយាយនៅក្នុងសេចក្ដីថ្លែងការអមជាមួយរបាយការណ៍ថា ចំនួនជនស៊ីវិលអាហ្វហ្គានីស្ថានដ៏ច្រើនមិនធ្លាប់មាននឹងត្រូវបាត់បង់ ហើយនឹងនៅតែបន្តនៅឆ្នាំនេះប្រសិនបើអំពើហិង្សា ដែលចេះតែកើនឡើងមិនត្រូវបានទប់ស្កាត់ទេនោះ។ខ្ញុំសូមអង្វរដល់មេដឹកនាំតាលីបង់ និងអាហ្វហ្គានីស្ថានឲ្យយកចិត្តទុកដាក់លើភាពធ្ងន់ធ្ងរក្នុងជម្លោះ និងការប៉ះទង្គិចដ៏សាហាវ និងការបង្កមហន្តរាយដល់ជនស៊ីវិល។ របាយការណ៍របស់ UNAMA បាននិយាយថា ក្នុងឆមាសទី១ នៃឆ្នាំ២០២១ ជនស៊ីវិលប្រមាណ ១.៦៥៩នាក់បានស្លាប់ និង ៣.២៥៤នាក់ទៀតរងរបួស កើនឡើង ៤៧% បើធៀបនឹងរយៈពេលដូចគ្នាកាលពីឆ្នាំមុន៕អត្ថបទ៖ សុខមាន

បណ្ដាមេដឹកនាំអឺរ៉ុបគំរាមអនុវត្តន៍វិធានការបិទខ្ទប់ ខណៈដំណើរការចាក់វ៉ាក់សាំងយឺតយ៉ាវ

អឺរ៉ុប៖ ខណៈល្បឿននៃការចាក់វ៉ាក់សាំងបង្ការវីរុស Covid-19 នៅសហភាពអឺរ៉ុបបង្ហាញពីសញ្ញានៃការធ្លាក់ចុះ បណ្ដាមេដឹកនាំកំពុងប្រជែងគ្នាដើម្បីស្វែងរកចម្លើយ ចំពោះភាពលំបាកនៃដំណាក់កាលចាក់វ៉ាក់សាំង បន្ទាប់អំពីវិធីសាស្ត្របញ្ចុះបញ្ចូលពលរដ្ឋដែលមានការស្ទាក់ស្ទើរ ក្នុងការទទួលយកវ៉ាក់សាំង។ឥលូវនេះ ខណៈដែលវីរុសបម្លែងខ្លួនថ្មី Delta បានរាលដាលពាសពេញទ្វីបនេះដោយគំរាមកំហែង ធ្វើឱ្យមានការអនុវត្តន៍វិធានការបិទខ្ទប់ម្តងទៀត នៅរដូវក្តៅជាពេលមានការឆ្លងខ្លាំង បណ្ដាមេដឹកនាំខ្លះកំពុងព្យាយាមចាកចេញពីការបិទខ្ទប់នេះ។ កាលពីព្រឹកថ្ងៃចន្ទ សភាបារាំងអនុម័តច្បាប់ដែលតម្រូវឲ្យមាន “កាតសុខភាព” ដែលបង្ហាញពីភស្តុតាងនៃការចាក់វ៉ាក់សាំង ឬការធ្វើតេស្ត PCR អវិជ្ជមានដើម្បីចូលភោជនីយដ្ឋាន បារ និងសម្រាប់ការធ្វើដំណើរតាមរថភ្លើង និងយន្តហោះផ្លូវឆ្ងាយដោយចាប់ផ្ដើមពីខែសីហា។ ប្រធានាធិបតីបារាំង លោក Emmanel Macron បានពន្យល់កាលពីពាក់កណ្ដាលខែកក្កដា នៅពេលដែលលោកបានប្រកាសច្បាប់នេះថា “យើងនឹងបន្ថែមពេលវេលាតម្រូវឲ្យមានកាតសុខភាពឱ្យបានច្រើនតាមដែលអាចធ្វើទៅបាន ដើម្បីជំរុញឱ្យមនុស្សជាច្រើនអាចទៅទទួលវ៉ាក់សាំង។ លោកក៏បាននិយាយផងដែរថា ការចាក់វ៉ាក់សាំងនឹងត្រូវការចាំបាច់ សម្រាប់បុគ្គលិកសុខាភិបាលចាប់ពីថ្ងៃទី១៥ ខែកញ្ញា ហើយបានណែនាំអំពីលទ្ធភាពនៃការចាក់វ៉ាក់សាំងបង្ការសម្រាប់មនុស្សគ្រប់គ្នា ប្រសិនបើការរីករាលដាលកាន់តែធ្ងន់ធ្ងរ។ប្រទេសក្រិកដែលកំពុងប្រឈមនឹងការឆ្លងខ្ពស់ ដែលកំពុងគំរាមកំហែងដល់ការរីកលូតលាស់ នៃឧស្សាហកម្មទេសចរណ៍ដ៏សំខាន់របស់ខ្លួន បានឈានមួយជំហានហួសប្រទេសបារាំង នៅពាក់កណ្ដាលខែកក្កដាមនុស្សដែលមិនបានចាក់វ៉ាក់សាំង មិនឲ្យចូលក្នុងភោជនីយដ្ឋាន បារ ហាងកាហ្វេ និងរោងភាពយន្ត។ ប្រទេសនេះក៏បានបញ្ជាឱ្យចាក់វ៉ាក់សាំងចាំបាច់ សម្រាប់បុគ្គលិកសុខាភិបាលផងដែរ។ ប្រទេសអ៊ីតាលីដែលបានចាក់វ៉ាក់សាំងការពារបុគ្គលិកសុខាភិបាល និងឱសថការីកាលពីខែមេសាបានប្រកាសកាលពីថ្ងៃព្រហស្បតិ៍ថា ខ្លួនក៏នឹងដាក់ការរឹតត្បិតស្រដៀងគ្នានៅក្នុងតំបន់ សម្រាប់ប្រជាជនរបស់ខ្លួនផងដែរ។ សារដែលក្នុងនាមជារដ្ឋាភិបាលគឺយើងចង់ឲ្យប្រជាជនទៅចាក់វ៉ាក់សាំង! ចាក់វ៉ាក់សាំង! ចាក់វ៉ាក់សាំង! នេះបើតាមការឲ្យដឹងពីរដ្ឋមន្ត្រីក្រសួងសុខាភិបាលរបស់ប្រទេសនេះ៕អត្ថបទ៖ សុខមាន

អ្នកស្លាប់ដោយសារទឹកជំនន់ និងបំណាក់ដីបង្កពីភ្លៀងរដូវមូសុងនៅឥណ្ឌាឡើងដល់ ១៩៨នាក់

ឥណ្ឌា៖ ក្រុមអ្នកជួយសង្គ្រោះបានដើរកាត់ល្បាប់ជម្រៅត្រឹមចង្កេះ នៅភាគខាងលិចប្រទេសឥណ្ឌាកាលពីថ្ងៃចន្ទ ទី២៦ ខែកក្កដាដើម្បីទៅដល់ប្រជាជនដែលរងរបួស និងចាប់ផ្ដើមសម្អាត ខណៈចំនួនអ្នកស្លាប់ដោយសារបំណាក់ដីបង្កឡើងដោយភ្លៀងរដូវមូសុង និងទឹកជំនន់ឡើងដល់ ១៩៨នាក់។នៅក្នុងរដ្ឋដែលរងគ្រោះខ្លាំងជាងគេគឺរដ្ឋ Maharashtra ក្រុមអ្នកជួយសង្គ្រោះបានបញ្ឈប់ប្រតិបត្តិការស្វែងរកនៅក្នុងភូមិភ្នំ Taliye ភាគអាគ្នេយ៍នៃទីក្រុង Mumbai ដែលមានសាកសព ៥៣នាក់ត្រូវបានរកឃើញ។ ក្រុមអាជ្ញាធរមូលដ្ឋានបាននិយាយថា កិច្ចប្រឹងប្រែងដើម្បីរកសាកសពមនុស្ស ៣១នាក់ផ្សេងទៀតដែលកំពុងបាត់ខ្លួន បន្ទាប់ពីបំណាក់ដីដ៏ធំមួយបានបំផ្លាញផ្ទះរាប់សិបខ្នងកាលពីថ្ងៃព្រហស្បតិ៍នឹងត្រូវបញ្ចប់ បន្ទាប់ពីគ្រប់ឈ្មោះរបស់ពួកគេត្រូវបានរាប់ក្នុងចំណោមអ្នកស្លាប់។ឆ្នេរសមុទ្រភាគខាងលិចរបស់ប្រទេសឥណ្ឌា ត្រូវបានវាយប្រហារដោយព្យុះភ្លៀងយ៉ាងខ្លាំងក្នុងរយៈពេលជាច្រើនថ្ងៃ ដោយប្រជាជនរាប់សែននាក់ត្រូវបានជម្លៀសចេញពីផ្ទះរបស់ពួកគេ នៅក្នុងរដ្ឋចំនួន ៣ និងមានការដាច់ចរន្តអគ្គិសនីនៅទូទាំងតំបន់ធំៗ៕អត្ថបទ៖ សុខមាន

ប្រទេសម៉ាឡេស៊ីមានករណីឆ្លងវីរុស COVID-19 ជាង ១លាននាក់

ម៉ាឡេស៊ី៖ ករណីឆ្លងវីរុស COVID-19 សរុបនៅក្នុងប្រទេសម៉ាឡេស៊ីបានហក់ឡើងជាង ១លាននាក់កាលពីថ្ងៃអាទិត្យ បន្ទាប់ពីក្រសួងសុខាភិបាលរបស់ប្រទេសនេះបានរាយការណ៍ថា មានករណីឆ្លងថ្មីចំនួន ១៧,០៤៥នាក់បន្ថែមទៀត។គិតត្រឹមថ្ងៃចន្ទនេះ យោងតាមប្រភពពីគេហទំព័រ Worldometer ចំនួនអ្នកឆ្លងសរុបនៅក្នុងប្រទេសនេះមាន ១,០១៣,៤៣៨នាក់ ស្លាប់ចំនួន ៧,៩៩៤នាក់ និងអ្នកជាសះស្បើយចំនួន ៨៤៤,៥៤១នាក់។ ករណីឆ្លងថ្មីបានហក់ឡើងដល់ទៅ ១៥,៩០២នាក់កាលពីថ្ងៃសៅរ៍ ដែលជាចំនួនករណីឆ្លងខ្ពស់បំផុតប្រចាំថ្ងៃ ចាប់តាំងពីវីរុសរាតត្បាតសកលនេះបានចាប់ផ្ដើម។ តំបន់ Klang Valley បានកើនឡើងជាថ្មី ដែលមានចំនួនច្រើនជាងពាក់កណ្តាលនៃការឆ្លងថ្មីដែលមាន ៨.៥០០នាក់នៅក្នុងរដ្ឋ Selangor និង ២,០៤៥នាក់នៅរដ្ឋធានី Kuala Lumpur។ ហើយក៏មានករណីឆ្លងថ្មីចំនួន ១,២១៦នាក់នៅក្នុងរដ្ឋ Kedah និងករណីឆ្លងថ្មីចំនួន ៩៥០នាក់នៅក្នុងរដ្ឋ Johor ផងដែរ។ ប្រទេសម៉ាឡេស៊ីក៏មានករណីឆ្លងនៃវីរុស COVID-19 នាំចូលចំនួន ៦នាក់ផងដែរកាលពីថ្ងៃអាទិត្យ៕អត្ថបទ៖ សុខមាន

ភ្លើងឆេះព្រៃដ៏ធំបំផុតនៅរដ្ឋ California បានឆេះបំផ្លាញលំនៅឋានជាច្រើនខ្នង

អាមេរិក៖ ភ្លើងឆេះព្រៃដ៏ធំបំផុតនៅរដ្ឋ California បានរួមបញ្ចូលគ្នាជាមួយអណ្តាតភ្លើងតូចៗ និងបានបំផ្លាញផ្ទះសម្បែងជាច្រើនខ្នងនៅតំបន់ដាច់ស្រយាល ដែលមានការកំណត់ចំនួនចូលសម្រាប់អ្នកពន្លត់អគ្គិភ័យ ខណៈភ្លើងជាច្រើនបានកើនកម្លាំង និងគំរាមកំហែងដល់ទ្រព្យសម្បត្តិនៅទូទាំងភាគខាងលិចសហរដ្ឋអាមេរិក។ភ្លើងឆេះព្រៃដែលមានឈ្មោះថា Dixie Fire ដ៏ធំដែលបានចាប់ផ្តើមកាលពីថ្ងៃទី១៤ ខែកក្កដា បានឆេះបំផ្លាញផ្ទះ និងសំណង់ផ្សេងៗរាប់សិបកន្លែងរួចទៅហើយ នៅពេលរួមបញ្ចូលគ្នាជាមួយភ្លើងឆេះព្រៃដែលមានឈ្មោះថា Fly Fire និងឆេះរាលដាលតាមសហគមន៍តូច Indian Falls ភាគខាងជើងរដ្ឋ California បន្ទាប់ពីមេឃចាប់ផ្ដើមងងឹតកាលពីថ្ងៃសៅរ៍។ ការប៉ាន់ប្រមាណពីការខូចខាតមិនទាន់អាចធ្វើទៅបានទេកាលពីថ្ងៃអាទិត្យ ទោះបីជាមន្ត្រីពន្លត់អគ្គិភ័យបាននិយាយថា អគ្គិភ័យបានឆាបឆេះព្រៃឈើ និងគុម្ពោតព្រៃជិត ៧៧២គីឡូម៉ែត្រក្រឡានៅក្នុងតំបន់ Plumas និង Butte យ៉ាងណាក្ដី។ អាជ្ញាធរទើបតែពន្លត់បានប្រមាណ ២១% ប៉ុណ្ណោះ។អ្នកនាំពាក្យនាយកដ្ឋានព្រៃឈើ និងការពារអគ្គិភ័យ លោក Rick Carhart បាននិយាយថា ក្រុមអ្នកពន្លត់អគ្គិភ័យដែលកំពុងកាន់ឧបករណ៍ប្រើដោយដៃ ត្រូវបានបង្ខំឱ្យឡើងភ្នំទៅកាន់កន្លែងដែលគ្រឿងម៉ាស៊ីនមិនអាចទៅបាន៕អត្ថបទ៖ សុខមាន

មនុស្ស ១៥៩នាក់ស្លាប់ក្នុងបំណាក់ដី និងទឹកជំនន់រដូវមូសុងនៅប្រទេសឥណ្ឌាភាគខាងលិច

ឥណ្ឌា៖ ក្រុមមន្ត្រីបាននិយាយកាលពីថ្ងៃអាទិត្យថា បំណាក់ដី និងទឹកជំនន់បង្កឡើងដោយជំនន់ទឹកភ្លៀងរដូវមូសុងនៅរដ្ឋ Maharashtra ប្រទេសឥណ្ឌាភាគខាងលិចបានសម្លាប់មនុស្សយ៉ាងហោចណាស់ ១៥៩នាក់ និងរងរបួស ៥០នាក់ ខណៈក្រុមជួយសង្គ្រោះបានប្រញាប់ប្រញាល់ស្វែងរកមនុស្សបាត់ខ្លួនយ៉ាងតិច ១០០នាក់។អ្នកនាំពាក្យរដ្ឋាភិបាល លោក Sandhya Garware បាននិយាយថា មនុស្សជាង ១៣ម៉ឺននាក់ត្រូវបានជួយសង្គ្រោះពីភូមិដែលរងផលប៉ះពាល់ជិត ៩០០ភូមិនៅទូទាំងរដ្ឋ។ មនុស្សជាច្រើនបានជាប់នៅលើដំបូលផ្ទះ ឬលើដំបូលរថយន្តក្រុងនៅលើផ្លូវហាយវេនានា។ កងទ័ពជើងទឹកឥណ្ឌាក៏បាននិយាយផងដែរថា ខ្លួនបានពង្រាយឧទ្ធម្ភាគចក្រដើម្បីជម្លៀសប្រជាជនដែលជាប់គាំង ហើយបានបញ្ជូនក្រុមជួយសង្គ្រោះរួមជាមួយទូកទៅកាន់តំបន់នោះ។ក្រុមមន្ត្រីបាននិយាយថា ភូមិមួយក្នុងចំណោមភូមិជាច្រើនដែលរងគ្រោះខ្លាំងជាងគេគឺភូមិ Talai ចម្ងាយ ២៧០គីឡូម៉ែត្រខាងត្បូងក្រុង Mumbai ដែលជារដ្ឋធានីរបស់រដ្ឋ Maharashtra និងជាមជ្ឈមណ្ឌលហិរញ្ញវត្ថុ និងកម្សាន្តរបស់ឥណ្ឌាផងដែរ។ មន្ត្រីក្នុងរដ្ឋ លោក Sagar Pathak បាននិយាយថា លំនៅឋានចំនួន ៥៩ខ្នងក្នុងភូមិនោះត្រូវបានកប់ដោយសារបំណាក់ដីដ៏ធំកាលពីថ្ងៃព្រហស្បតិ៍៕អត្ថបទ៖ សុខមាន

កីឡាអូឡាំពិកក្រុងតូក្យូ២០២០ ដែលពន្យារពេលបើកជាផ្លូវការ

អូឡាំពិក៖ កីឡាអូឡាំពិកឆ្នាំ២០២០ ដែលបានពន្យារពេលកាលពីឆ្នាំមុន បានបើកជាផ្លូវការហើយកាលពីថ្ងៃសុក្រ ដោយមានការបាញ់កាំជ្រួចបង្ហាញប្រវត្តិសាស្ត្រ និងវប្បធម៌របស់ប្រទេសជប៉ុន និងការបង្ហាញយន្តហោះដ្រូនដ៏គួរឲ្យចាប់អារម្មណ៍ នៅលើអាកាសពេលយប់ក្នុងទីក្រុងតូក្យូ។ជាការពិតគ្មានអ្នកគាំទ្រនៅទីនោះត្រូវបានអនុញ្ញាតឲ្យចូលទស្សនាឡើយ។ ព្រឹត្តិការណ៍ដែលត្រូវបានធ្វើឡើង ប្រឆាំងនឹងឆន្ទៈរបស់មនុស្សជាច្រើននៅក្នុងប្រទេសជប៉ុន និងហានិភ័យនៃការឆ្លងវីរុសសម្រាប់អ្នកដែលពាក់ព័ន្ធ។ អត្តពលិកបានដើរក្បួនចូលក្នុងពហុកីឡដ្ឋានជាតិទីក្រុងតូក្យូនៅយប់ថ្ងៃសុក្រ ដោយទទួលបានការអបអរសាទរពីអ្នកប្រកួតប្រជែង ឬអ្នកសំដែងដែលកំពុងឈរតម្រង់ជួរ។ កាំជ្រួចបានបាញ់ឡើងនៅលើដំបូលវេទិកា ហើយតន្ត្រីបានបន្លឺឡើងក្នុងការស្វាគមន៍អត្តពលិក និងក្រុមអ្នកចូលរួម៕អត្ថបទ៖ ប៊ុនថន

WHO៖ ព្រមានពីផលប៉ះពាល់រយៈពេលវែងមកលើសុខភាពខួរក្បាលពីការឆ្លងវីរុស COVID-19

WHO៖ អង្គការសុខភាពពិភពលោកបាននិយាយកាលពីថ្ងៃព្រហស្បតិ៍ថា ផលប៉ះពាល់សុខភាពខួរក្បាលនៃជំងឺរាតត្បាតសកលនឹងមានរយៈពេលវែង និងយូរអង្វែង ខណៈក្រុមអ្នកជំនាញ និងមេដឹកនាំអំពាវនាវឲ្យចាត់វិធានការលើការថប់បារម្ភ និងភាពតានតឹង ឬស្ត្រេសដែលទាក់ទងនឹងជំងឺរាតត្បាតសកលមួយនេះ។អង្គការសុខភាពពិភពលោកបាននិយាយនៅក្នុងសេចក្ដីថ្លែងការណ៍មួយ នៅឯការចាប់ផ្ដើមកិច្ចប្រជុំរយៈពេល ២ថ្ងៃនៅទីក្រុងអាតែនប្រទេសក្រិក ជាមួយនឹងរដ្ឋមន្ត្រីសុខាភិបាលមកពីប្រទេសនានារាប់សិបនាក់ថា មនុស្សគ្រប់គ្នារងផលប៉ះពាល់តាមរបៀបតែមួយ ឬរបៀបមួយផ្សេងទៀត។ អង្គការនេះបាននិយាយថា ការថប់បារម្ភជុំវិញការឆ្លងវីរុស ផលប៉ះពាល់ខួរក្បាល ឬផ្លូវចិត្តដោយសារតែវិធានការបិទខ្ទប់ និងការដាក់ខ្លួនឯងឲ្យនៅដាច់ដោយឡែក បានរួមចំណែកដល់វិបត្តិសុខភាពផ្លូវចិត្ត រួមជាមួយភាពតានតឹង ឬស្ត្រេស ដែលជាប់ទាក់ទងនឹងភាពអត់ការងារធ្វើ ការព្រួយបារម្ភផ្នែកហិរញ្ញវត្ថុ និងការបែកបាក់សង្គម។នាយកប្រចាំតំបន់របស់អង្គការសុខភាពពិភពលោកប្រចាំទ្វីបអឺរ៉ុប លោក Hans Kluge បាននិយាយថា សុខភាពផ្លូវចិត្តគួរតែត្រូវបានគេចាត់ទុកថាជា “សិទ្ធិជាមូលដ្ឋានរបស់មនុស្ស” ដោយសង្កត់ធ្ងន់ទៅលើរបៀបដែលវីរុសនេះ បានបំផ្លិចបំផ្លាញជីវិតមនុស្ស។ អង្គការសុខភាពពិភពលោកបានអំពាវនាវ ឱ្យមានការពង្រឹងសេវាសុខភាពផ្លូវចិត្តជាទូទៅ និងការកែលម្អលទ្ធភាពទទួលបានការថែទាំតាមរយៈបច្ចេកវិទ្យា៕អត្ថបទ៖ សុខមាន

ប្រជាពលរដ្ឋពេញវ័យក្រុងប៉េកាំងជាង ៩០% បានចាក់វ៉ាក់សាំងប្រឆាំងជំងឺ COVID-19 គ្រប់ដូស

ចិន៖ ទិន្នន័យរបស់រដ្ឋាភិបាលក្រុងប៉េកាំងបានបង្ហាញថា ទីក្រុងប៉េកាំងរបស់ប្រទេសចិនបានចាក់វ៉ាក់សាំងគ្រប់ដូសជិត ៩១% នៃប្រជាជនពេញវ័យរបស់ខ្លួនប្រឆាំងនឹងជំងឺ COVID-19 ខណៈដែលប្រទេសចិនពង្រីកកិច្ចខិតខំប្រឹងប្រែង ចាក់វ៉ាក់សាំងទូទាំងប្រទេសរបស់ខ្លួន។ក្រុមអាជ្ញាធរក្រុងបាននិយាយកាលពីថ្ងៃព្រហស្បតិ៍ ទី២២ ខែកក្កដា តាមបណ្ដាញសង្គមថា មនុស្សប្រហែល ១៧លាន ៧សែននាក់ ឬ ៩០,៨% នៃប្រជាជនពេញវ័យនៅក្នុងទីក្រុងប៉េកាំង ត្រូវបានទទួលវ៉ាក់សាំងរួចរាល់គិតត្រឹមថ្ងៃទី២១ ខែកក្កដា។ ចំនួននេះប្រហែល ៨០,៨% នៃប្រជាជនសរុបរបស់ខ្លួនក្នុងរដ្ឋធានីនេះដែលមានចំនួន ២១លាន ៩សែននាក់។ ក្រុមអាជ្ញាធរមូលដ្ឋានបាននិយាយថា ការចាក់វ៉ាក់សាំងបង្ការវីរុសគ្រប់ដូសរបស់មនុស្សពេញវ័យ នៅក្នុងទីក្រុងធំៗផ្សេងទៀតរបស់ប្រទេសចិនក៏មានសន្ទុះកើនឡើងផងដែរ ក្នុងនោះទីក្រុងស៊ាងហៃ និងអ៊ូហានបានលើសអត្រា ៨០% និង ៧៧% រៀងៗខ្លួន។ប្រទេសចិនបាននិយាយកាលពីថ្ងៃព្រហស្បតិ៍ថា ខ្លួនបានប្រើប្រាស់វ៉ាក់សាំងបង្ការជំងឺ COVID-19 ចំនួន ១,៤៩ពាន់លានដូសគិតត្រឹមថ្ងៃទី២១ ខែកក្កដា ប៉ុន្តែមិនបានបង្ហាញពីទិន្នន័យទូទាំងប្រទេសអំពីចំនួនមនុស្សប៉ុន្មាន ដែលបានចាក់វ៉ាក់សាំងពេញលេញ ឬបានគ្រប់ដូសនោះទេ៕អត្ថបទ៖ សុខមាន

ប្រទេសឥណ្ឌាកត់ត្រាករណីឆ្លងជំងឺផ្សិតខ្មៅជាង ៤៥.០០០នាក់

ឥណ្ឌា៖ ក្រសួងសុខាភិបាលបាននិយាយថា ប្រទេសឥណ្ឌាបានកត់ត្រាករណីឆ្លងជំងឺផ្សិតខ្មៅដ៏សាហាវជាង ៤៥.០០០នាក់ក្នុងរយៈពេលពីរខែចុងក្រោយនេះ ខណៈដែលការផ្ទុះរាលដាលនៅទូទាំងប្រទេសបានរាតត្បាតដល់អ្នកជំងឺ COVID-19។រដ្ឋមន្ត្រីជាន់ខ្ពស់នៃក្រសួងសុខាភិបាលឥណ្ឌា លោក Bharati Pravin Pawar បានប្រាប់សភាកាលពីថ្ងៃអង្គារ ទី២០ ខែកក្កដាថា មនុស្សជាង ៤.២០០នាក់បានស្លាប់ដោយសារជំងឺផ្សិត នេះ ដែលមានឈ្មោះតាមវិទ្យាសាស្ត្រថា មូសខុមមីកូស៊ីស (mucormycosis.)។ កាលពីកន្លងទៅការឆ្លងនេះត្រូវបានគេចាត់ទុកថា ជាករណីកម្រមានណាស់ ប៉ុន្តែករណីនេះបានផ្ទុះឡើងក្នុងកំឡុងពេលជំងឺរាតត្បាតសកលជាធម្មតា វាយប្រហារលើអ្នកជំងឺបន្ទាប់ពីការជាសះស្បើយពីជំងឺ COVID-19។ វាគឺជាជំងឺដ៏កាចសាហាវ ហើយត្រូវបង្ខំឲ្យវះកាត់យកភ្នែក ច្រមុះ និងថ្គាមចេញពីអ្នកជំងឺ ដើម្បីកុំឲ្យរាលដាលចូលទៅដល់ខួរក្បាល។ ហើយអត្រាស្លាប់នៃជំងឺនេះមានជាង ៥០%៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ្នកគាំទ្ររាប់ពាន់នាក់ស្វាគមន៍ក្រុមជម្រើសជាតិកាបវែរ ក្រោយបញ្ចប់ដំណើរប្រវត្តិសាស្ត្រនៅ World Cup

វិទ្យាស្ថាន NPIC ទទួលបានជ័យលាភីលេខ១ និងលេខ២ នៅក្នុងកម្មវិធីប្រកួតរ៉ូបូតថ្នាក់ជាតិលើកទី១៣ ឆ្នាំ២០២៦

សហព័ន្ធខ្មែរអត្តពលកម្មស្ម័គ្រចិត្តស្វែងរកធនធានតាមបណ្តាខេត្តមានទេពកោសល្យអាយុចន្លោះពី ៦ឆ្នាំ ដល់ ១៨ឆ្នាំ

ក្នុងឆមាសទី១ ឆ្នាំ២០២៦, រាជរដ្ឋាភិបាលប្រមូលចំណូលសួយសារពីវិស័យរ៉ែបានជិត ៩៣ លានដុល្លារ

និស្សិតសាលា NPIC ជាប់ជ័យលាភីប្រកួតរ៉ូបូតថ្នាក់ជាតិ និងត្រូវត្រៀមខ្លួនចូលរួមប្រកួតបន្តនៅហុងកុង

ម៉ិកស៊ិកក្លាយជាម្ចាស់ផ្ទះទីពីរធ្លាក់ចេញពី World Cup 2026 ក្រោយចាញ់អង់គ្លេសនៅវគ្គ ១៦ ក្រុម

Haaland រកបាន ២ គ្រាប់ ជួយន័រវែសទម្លាក់ប្រេស៊ីល ឡើងវគ្គ ៨ ក្រុមចុងក្រោយ World Cup លើកដំបូងក្នុងប្រវត្តិសាស្រ្ត

តៃវ៉ាន់និយាយថាខ្លួនកំពុងតាមដាន ទំនោរកើនឡើង ក្នុងសកម្មភាពកងទ័ពជើងទឹករបស់ចិន

FIFA ផ្អាកការអនុវត្តពិន័យ Balogun អនុញ្ញាតឱ្យចូលលេងពេលជួបបែលហ្ស៊ិកក្រោយមានការអន្តរាគមន៍ពីលោក Donald Trump

មនុស្សជាង១០០នាក់ត្រូវបានឃុំខ្លួន ខណៈក្រុមឆ្វេងនិយមធ្វើបាតុកម្មប្រឆាំងNATO នៅទួរគី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

UN ព្រមានពីការស្លាប់ជនស៊ីវិលអាហ្វហ្គានីស្ថានដែលមិនធ្លាប់មានពីការវាយលុករបស់ពួកតាលីបង់

បណ្ដាមេដឹកនាំអឺរ៉ុបគំរាមអនុវត្តន៍វិធានការបិទខ្ទប់ ខណៈដំណើរការចាក់វ៉ាក់សាំងយឺតយ៉ាវ

អ្នកស្លាប់ដោយសារទឹកជំនន់ និងបំណាក់ដីបង្កពីភ្លៀងរដូវមូសុងនៅឥណ្ឌាឡើងដល់ ១៩៨នាក់

ប្រទេសម៉ាឡេស៊ីមានករណីឆ្លងវីរុស COVID-19 ជាង ១លាននាក់

ភ្លើងឆេះព្រៃដ៏ធំបំផុតនៅរដ្ឋ California បានឆេះបំផ្លាញលំនៅឋានជាច្រើនខ្នង

មនុស្ស ១៥៩នាក់ស្លាប់ក្នុងបំណាក់ដី និងទឹកជំនន់រដូវមូសុងនៅប្រទេសឥណ្ឌាភាគខាងលិច

កីឡាអូឡាំពិកក្រុងតូក្យូ២០២០ ដែលពន្យារពេលបើកជាផ្លូវការ

WHO៖ ព្រមានពីផលប៉ះពាល់រយៈពេលវែងមកលើសុខភាពខួរក្បាលពីការឆ្លងវីរុស COVID-19

ប្រជាពលរដ្ឋពេញវ័យក្រុងប៉េកាំងជាង ៩០% បានចាក់វ៉ាក់សាំងប្រឆាំងជំងឺ COVID-19 គ្រប់ដូស

ប្រទេសឥណ្ឌាកត់ត្រាករណីឆ្លងជំងឺផ្សិតខ្មៅជាង ៤៥.០០០នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

បណ្ដា​មេដឹកនាំ​អឺរ៉ុប​គំរាម​អនុវត្តន៍​វិធាន​ការ​បិទ​ខ្ទប់​ ខណៈ​ដំណើរ​ការ​ចាក់​វ៉ាក់សាំង​យឺតយ៉ាវ​

អ្នក​ស្លាប់​ដោយសារ​ទឹកជំនន់ និង​បំណាក់​ដី​បង្ក​ពី​ភ្លៀង​រដូវ​មូសុង​នៅ​ឥណ្ឌា​ឡើង​ដល់ ​១៩៨​នាក់​

ប្រទេស​ម៉ាឡេស៊ី​មាន​ករណី​ឆ្លង​វីរុស COVID-19 ជាង ​១​លាន​នាក់

ភ្លើង​ឆេះ​ព្រៃ​ដ៏​ធំ​បំផុត​នៅ​រដ្ឋ California បាន​ឆេះ​បំផ្លាញ​លំនៅឋាន​ជាច្រើន​ខ្នង​

មនុស្ស​ ១៥៩​នាក់​ស្លាប់​ក្នុង​បំណាក់​ដី​ និង​ទឹក​ជំនន់​រដូវ​មូសុង​នៅ​ប្រទេស​ឥណ្ឌា​ភាគ​ខាងលិច​

កីឡា​អូឡាំពិក​ក្រុង​តូ​ក្យូ​២០២០​ ដែល​ពន្យារពេលបើក​ជា​ផ្លូវការ​

WHO៖ ព្រមាន​ពី​ផល​ប៉ះ​ពាល់​រយៈពេល​វែង​មក​លើ​សុខភាព​ខួរក្បាល​ពី​ការ​ឆ្លង​វីរុស COVID-19

ប្រជាពលរដ្ឋ​ពេញវ័យ​ក្រុង​ប៉េកាំង​ជាង ៩០% បាន​ចាក់​វ៉ាក់សាំង​ប្រឆាំង​ជំងឺ COVID-19 គ្រប់​ដូ​ស​

ប្រទេស​ឥណ្ឌា​កត់ត្រា​ករណី​ឆ្លង​ជំងឺ​ផ្សិត​ខ្មៅ​ជាង ៤៥.០០០​នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បណ្ដាមេដឹកនាំអឺរ៉ុបគំរាមអនុវត្តន៍វិធានការបិទខ្ទប់ ខណៈដំណើរការចាក់វ៉ាក់សាំងយឺតយ៉ាវ

អ្នកស្លាប់ដោយសារទឹកជំនន់ និងបំណាក់ដីបង្កពីភ្លៀងរដូវមូសុងនៅឥណ្ឌាឡើងដល់ ១៩៨នាក់

ប្រទេសម៉ាឡេស៊ីមានករណីឆ្លងវីរុស COVID-19 ជាង ១លាននាក់

ភ្លើងឆេះព្រៃដ៏ធំបំផុតនៅរដ្ឋ California បានឆេះបំផ្លាញលំនៅឋានជាច្រើនខ្នង

មនុស្ស ១៥៩នាក់ស្លាប់ក្នុងបំណាក់ដី និងទឹកជំនន់រដូវមូសុងនៅប្រទេសឥណ្ឌាភាគខាងលិច

កីឡាអូឡាំពិកក្រុងតូក្យូ២០២០ ដែលពន្យារពេលបើកជាផ្លូវការ

WHO៖ ព្រមានពីផលប៉ះពាល់រយៈពេលវែងមកលើសុខភាពខួរក្បាលពីការឆ្លងវីរុស COVID-19

ប្រជាពលរដ្ឋពេញវ័យក្រុងប៉េកាំងជាង ៩០% បានចាក់វ៉ាក់សាំងប្រឆាំងជំងឺ COVID-19 គ្រប់ដូស

ប្រទេសឥណ្ឌាកត់ត្រាករណីឆ្លងជំងឺផ្សិតខ្មៅជាង ៤៥.០០០នាក់