BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

អំពើហិង្សានៅសហភាពមីយ៉ាន់ម៉ាកើនឡើងបង្កើតមហន្តរាយសិទ្ធិមនុស្ស

មីយ៉ាន់ម៉ា៖ ប្រធានអង្គការសហប្រជាជាតិបាននិយាយថា អំពើហិង្សាកំពុងរាលដាលទូទាំងសហភាពមីយ៉ាន់ម៉ា ដោយព្រមានថា សហភាពនេះបានធ្លាក់ចូលក្នុងមហន្តរាយសិទ្ធិមនុស្ស ចាប់តាំងពីមានរដ្ឋប្រហារថ្ងៃទី១ ខែកុម្ភៈ។ដោយបញ្ជាក់អំពីការកសាងកម្លាំងយោធានៅក្នុងតំបន់ជាច្រើន ឧត្ដមស្នងការសិទ្ធិមនុស្ស អង្គការសហប្រជាជាតិ លោកស្រី Michelle Bachelet អំពាវនាវឱ្យបញ្ឈប់នូវអំពើហិង្សាដែលកំពុងកើតមានរួចទៅ និងដើម្បីបញ្ចៀសការបាត់បង់ជីវិត និងដោះស្រាយភាពបន្ទាន់ផ្នែកមនុស្សធម៌។ ក្នុងរយៈពេលតែជាង ៤ខែប៉ុណ្ណោះ សហភាពមីយ៉ាន់ម៉ាបានចេញពីលទ្ធិប្រជាធិបតេយ្យផុយស្រួយ ទៅជាមហន្តរាយសិទ្ធិមនុស្ស។ លោកស្រីបាននិយាយនៅក្នុងសេចក្ដីថ្លែងការណ៍ថា មេដឹកនាំយោធាត្រូវមានការទទួលខុសត្រូវចំពោះវិបត្តិនេះ។ ការិយាល័យសិទ្ធិមនុស្សរបស់អង្គការសហប្រជាជាតិ បានបញ្ជាក់កាលពីថ្ងៃសុក្រចំពោះរបាយការណ៍ ដែលអាចជឿទុកចិត្តបានដែលបង្ហាញថា យ៉ាងហោចណាស់ជនស៊ីវិល ៨៦០នាក់ត្រូវបានសម្លាប់ នៅក្នុងការបង្ក្រាបដ៏ឃោរឃៅ ដោយកម្លាំងសន្តិសុខនៅលើការតវ៉ាស្ទើរតែរាល់ថ្ងៃ ប្រឆាំងនឹងរដ្ឋប្រហារ។លោកស្រីនិយាយថា ការប្រយុទ្ធបានផ្ទុះឡើងនៅក្នុងសហគមន៍ជាច្រើន ជាពិសេសនៅតាមទីប្រជុំជនដែលមានចំនួនអ្នកស្លាប់ច្រើន ដោយសារស្នាដៃនគរបាល ហើយអ្នកស្រុកមួយចំនួនបានបង្កើតជាកម្លាំងការពារ។ កម្លាំងសន្តិសុខរដ្ឋបានបន្តប្រើប្រាស់អាវុធធុនធ្ងន់ រួមមានទាំងការវាយប្រហារតាមអាកាសទៅលើក្រុមប្រដាប់អាវុធ និងក្រុមជនស៊ីវិល រួមទាំងព្រះវិហារគ្រិស្ត។ ប្រធានសិទ្ធិមនុស្សអង្គការសហប្រជាជាតិ បាននិយាយក្នុងរបាយការណ៍ដែលអាចជឿទុកចិត្តបានថា កម្លាំងសន្តិសុខបានប្រើប្រាស់ជនស៊ីវិលជាខែល បាញ់ផ្លោងចូលផ្ទះជនស៊ីវិល និងព្រះវិហារ និងបានរារាំងដំណើរការចូលរបស់អង្គការមនុស្សធម៌ ព្រមទាំងបានវាយប្រហារលើបុគ្គលិកផ្តល់ជំនួយ។ លោកស្រីបាននិយាយថា មនុស្សជាង ១០៨,០០០នាក់បានភៀសខ្លួនចេញពីផ្ទះរបស់ពួកគេនៅក្នុងរដ្ឋ Kayah ក្នុងរយៈពេល ៣សប្តាហ៍ចុងក្រោយនេះ ហើយមនុស្សជាច្រើនទៀតបានភៀសខ្លួន ចូលទៅក្នុងតំបន់ព្រៃដោយខ្វះអាហារ ទឹក អនាម័យ ឬការថែទាំសុខភាព។លោកស្រីបានអំពាវនាវឱ្យមានកងកម្លាំងការពារប្រជាជន និងក្រុមប្រដាប់អាវុធដទៃទៀតចាត់វិធានការ ដែលអាចធ្វើបានទាំងអស់ដើម្បីការពារជនស៊ីវិល។ លោកស្រី Bachelet បានរិះគន់ការចាប់ខ្លួនជាបន្ដបន្ទាប់នូវសកម្មជន អ្នកសារព័ត៌មាន និងអ្នកប្រឆាំងរបបយោធា ខណៈប្រភពដែលអាចជឿទុកចិត្តបាននិយាយថា យ៉ាងហោចណាស់មនុស្ស ៤.៨០៤នាក់កំពុងស្ថិតនៅក្នុងការឃុំឃាំងដោយខុសច្បាប់៕អត្ថបទ៖ ប៊ុនថន

ឥណ្ឌារាយការណ៍ករណីស្លាប់ជាង ៦ពាន់នាក់ក្នុងពេលតែមួយថ្ងៃដោយសារជំងឺ COVID-19

ឥណ្ឌា៖ ខណៈដែលមានការកែតួលេខ និងកំណត់ចំនួនអ្នកស្លាប់សរុបដោយសារជំងឺ COVID-19 នៅក្នុងរដ្ឋប៊ីហាដល់ចំនួន ៩,៤២៩នាក់ ប្រទេសឥណ្ឌាបានរាយការណ៍ករណីស្លាប់ខ្ពស់បំផុត ក្នុងរយៈពេលតែមួយថ្ងៃដល់ទៅ ៦,១៤៨នាក់ ខណៈមានករណីឆ្លងថ្មីចំនួន ៩៤,០៥២នាក់ ដែលនាំឲ្យអ្នកឆ្លងសរុបក្នុងប្រទេសនេះឡើងដល់ ២៩,២៧៣,៣៣៨នាក់ នេះបើយោងតាមទិន្នន័យរបស់ក្រសួងសុខាភិបាលសហព័ន្ធ ដែលត្រូវបានកែសម្រួលថ្មីកាលពីថ្ងៃព្រហស្បតិ៍។ក្រសួងខាងលើនិយាយថា ករណីឆ្លងសកម្មបានធ្លាក់ចុះដល់ត្រឹម ១,១៦៧,៩៥២នាក់ស្មើ ៤%នៃចំនួនការឆ្លងសរុប ខណៈដែលអត្រាអ្នកជាសះស្បើយទូទាំងប្រទេស បានកើនឡើងដល់ ៩៤.៧៧%។ ទិន្នន័យវិវឌ្ឍន៍ដែលបានបង្ហាញកាលពីម៉ោង ៨ព្រឹកថ្ងៃព្រហស្បតិ៍ ករណីឆ្លងធ្លាក់ចុះមកនៅត្រឹមចំនួន ៦៣,៤៦៣នាក់ត្រូវបានកត់ត្រាចូលទៅក្នុងចំនួនករណីឆ្លងសរុបនៃជំងឺ COVID-19 ក្នុងរយៈពេល ២៤ម៉ោង។ ក្រសួងសុខាភិបាលនិយាយថា ការធ្វើតេស្តមនុស្សចំនួន ២,០០៤,៦៩០នាក់ក៏ត្រូវបានធ្វើផងដែរកាលពីថ្ងៃពុធ ដែលនាំឲ្យការធ្វើតេស្តសរុបរកវីរុស Covid-19 នៅក្នុងប្រទេសនេះឡើងដល់ ៣,៧២១,១៩៨,២៥៣នាក់ ខណៈអត្រាវិជ្ជមានប្រចាំថ្ងៃត្រូវបានកត់ត្រាចំនួន ៤.៦៩%។ចំនួននេះមានតិចជាង ១០% ក្នុងរយៈពេល ១៧ថ្ងៃជាប់ៗគ្នា។ អត្រាវិជ្ជមានប្រចាំសប្ដាហ៍ត្រូវបានកត់ត្រាចំនួន ៥.៤៣%។ ចំនួនអ្នកជំងឺជាសះស្បើយបន្តកើនឡើងខ្ពស់ ជាងករណីឆ្លងប្រចាំថ្ងៃរយៈពេល ២៨ថ្ងៃជាប់ៗគ្នា៕អត្ថបទ៖ សុខមាន

រដ្ឋាភិបាលស៊ីរីវាយប្រហារដោយកាំភ្លើងធំលើតំបន់ហ៊ុមព័ទ្ធរបស់ក្រុមឧទ្ទាមសម្លាប់មនុស្ស ១១នាក់

ស៊ីរី៖ ក្រុមសកម្មជន និងក្រុមអ្នកសង្គ្រោះនិយាយថា កាលពីថ្ងៃព្រហស្បតិ៍កងកម្លាំងរដ្ឋាភិបាលស៊ីរីបានវាយប្រហារ ដោយគ្រាប់កាំភ្លើងធំទៅលើភូមិមួយចំនួន ក្នុងតំបន់គ្រប់គ្រងរបស់ក្រុមឧទ្ទាមចុងក្រោយនៅភាគឦសានរបស់ប្រទេសនេះ ដោយបានសម្លាប់មនុស្សយ៉ាងហោចណាស់ ១១នាក់ និងបណ្ដាលឲ្យមនុស្សរាប់រយនាក់រត់ភៀសខ្លួន។ការបាញ់ផ្លោងកាំភ្លើងធំនេះបានប៉ះលើតំបន់ពលរដ្ឋក្នុងតំបន់ Ablin ដែលជាភូមិមួយស្ថិតក្នុងខេត្ត Idlib ជាទីដែលក្រុមយុទ្ធជនប្រឆាំងនឹងរដ្ឋាភិបាលលោក អាសាត និងក្រុមសកម្មប្រយុទ្ធនៅតែកាន់កាប់ដែនដីនោះនៅឡើយ។ ក្រុមបុគ្គលិកសង្គ្រោះត្រូវគេស្គាល់ថាជាក្រុមមួក ស ដែលបានធ្វើប្រតិបត្តិការនៅក្នុងតំបន់នានា ប្រឆាំងនឹងរដ្ឋាភិបាលបាននិយាយថា ម្ដាយ និងកូនស្រីរបស់គាត់ និងយ៉ាងហោចណាស់ជនស៊ីវិល ៥នាក់ផ្សេងទៀតស្ថិតក្នុងចំណោមអ្នកស្លាប់ក្នុងភូមិនេះ ជាទីដែលគ្រាប់កាំភ្លើងធំយ៉ាងតិច ១០គ្រាប់បានធ្លាក់ចំ។សេចក្ដីថ្លែងការណ៍មួយពីក្រុមមួក ស បាននិយាយថា យ៉ាងហោចណាស់មនុស្ស ៦នាក់ផ្សេងទៀតបានរងរបួសនៅក្នុងភូមិខាងលើនោះ ខណៈដែលគ្រាប់កាំភ្លើងធំជិត ៤០គ្រាប់បានធ្លាក់នៅភូមិក្បែរៗនោះ។ លោក Mohammed Halaj បុគ្គលិកផ្ដល់ជំនួយដែលធ្វើការសម្របស្រួល រវាងក្រុមក្នុងតំបន់ និងការឆ្លើយតបបន្ទាន់របស់អង្គការសហប្រជាជាតិ បាននិយាយថា យ៉ាងហោចណាស់មានមនុស្សចំនួន ១១០គ្រួសារ ដែលមានសមាជិកជាង ៦០០នាក់បានរត់ភៀសខ្លួនពីការបាញ់ផ្លោងគ្រាប់កាំភ្លើងធំនេះ៕អត្ថបទ៖ សុខមាន

មេដឹកនាំ G7 នឹងបរិច្ចាគវ៉ាក់សាំងបង្ការជំងឺ COVID-19 ចំនួន ១ពាន់លានដូសដល់ប្រទេសក្រីក្រ

អង់គ្លេស៖ នាយករដ្ឋមន្ត្រីអង់គ្លេស លោក Boris Johnson រំពឹងថា ក្រុមប្រទេសដែលមានឧស្សាហកម្មលូតលាស់ទាំង ៧ ឬ G7 នឹងយល់ព្រមបរិច្ចាគវ៉ាក់សាំងចំនួន ១ពាន់លានដូសដល់បណ្ដាប្រទេសក្រីក្រ ក្នុងអំឡុងកិច្ចប្រជុំកំពូលរបស់ខ្លួនដែលចាប់ផ្ដើមនៅថ្ងៃសុក្រ ទី១១ ខែមិថុនា និងជួយដល់ពិភពលោកនៅចុងឆ្នាំក្រោយ។ប៉ុន្មានម៉ោងបន្ទាប់ពីប្រធានាធិបតីអាមេរិក លោក Joe Biden បានប្ដេជ្ញាបង្កើនការប្រយុទ្ធប្រឆាំងនឹងវីរុសនេះជាមួយនឹងការបរិច្ចាគ ៥០០លានដូសនៃវ៉ាក់សាំងក្រុមហ៊ុន Pfizer លោក Johnson បាននិយាយថា ចក្រភពអង់គ្លេសនឹងផ្តល់វ៉ាក់សាំងសល់ពីតម្រូវការក្នុងប្រទេសរបស់ខ្លួន យ៉ាងហោចណាស់ជាង ១០០លានដូសដល់ប្រទេសក្រីក្របំផុត។ លោក Johnson បានអំពាវនាវដល់មេដឹកនាំ G7 រួចហើយក្នុងការប្ដេជ្ញាចាក់វ៉ាក់សាំងលើពិភពលោកទាំងមូលនៅចុងឆ្នាំ២០២២ ហើយក្រុមនេះត្រូវបានគេរំពឹងថា នឹងសន្យាផ្តល់វ៉ាក់សាំងចំនួន ១ពាន់លានដូសក្នុងអំឡុងពេលកិច្ចប្រជុំកំពូលរយៈពេល ៣ថ្ងៃរបស់ខ្លួននៅឯរមណីយដ្ឋានមាត់ឆ្នេរសមុទ្រ Carbis Bay របស់អង់គ្លេស។ក្រុមយុទ្ធនាការមួយចំនួនបានថ្កោលទោសចំពោះផែនការនេះ ដែលប្រៀបដូចជាទម្លាក់ចូលក្នុងមហាសមុទ្រដោយអង្គការ Oxfam បានប៉ាន់ប្រមាណថា មនុស្សជិត ៤ពាន់លាននាក់នឹងពឹងផ្អែកលើគម្រោងចែកចាយវ៉ាក់សាំងសកល COVAX ដែលជាកម្មវិធីចែកចាយវ៉ាក់សាំងបង្ការជំងឺ COVID-19 ដល់ប្រទេសដែលមានប្រាក់ចំណូលទាប និងមធ្យម៕អត្ថបទ៖ សុខមាន

WHO៖ វីរុស COVID-19 បម្លែងខ្លួនថ្មី Delta កំពុងឆ្លងរាលដាលនៅក្នុងប្រទេស និងដែនដីចំនួន៧៤

WHO៖ អង្គការសុខភាពពិភពលោកនិយាយថា វីរុសកូរ៉ូណាបម្លែងខ្លួនថ្មីដែលគេស្គាល់ឈ្មោះថា Delta ដែលត្រូវបានបញ្ជាក់ដំបូងនៅក្នុងប្រទេសឥណ្ឌា ពេលនេះត្រូវបានរកឃើញនៅក្នុងប្រទេស និងដែនដីចំនួន៧៤។អង្គការសុខភាពពិភពលោកបានបញ្ចេញព័ត៌មាន វិវឌ្ឍន៍ចុងក្រោយប្រចាំថ្ងៃរបស់ខ្លួនស្ដីពីជំងឺ COVID-19 កាលពីថ្ងៃអង្គារ។ សេចក្ដីរាយការណ៍ខាងលើនិយាយថា គិតត្រឹមថ្ងៃអង្គារចំនួនប្រទេស និងដែនដី និងតំបន់កំពុងរាយការណ៍ករណីឆ្លង ពាក់ព័ន្ធនឹងវីរុសបម្លែងខ្លួនថ្មី Delta ជាងកើនឡើងចំនួន ១២ប្រទេសលើសចំនួនសរុបកាលពីមួយសប្ដាហ៍មុន។ កាលពីខែមុនអង្គការសុខភាពពិភពលោកបានចាប់ផ្ដើម កំណត់ឈ្មោះវីរុសកូរ៉ូណាបម្លែងខ្លួនថ្មីតាមអក្សរក្រិក ដើម្បីទប់ស្កាត់ការរើសអើងប្រឆាំងនឹងប្រទេសនានា ដែលត្រូវបានឆ្លងវីរុសប្រភេទនេះដំបូង។អង្គការនេះក៏បាននិយាយផងដែរថា ចំនួនប្រទេស និងដែនដីកំពុងរាយការណ៍ករណីឆ្លងវីរុសបម្លែងខ្លួនថ្មីឈ្មោះ Alpha ដែលបានរកឃើញដំបូងនៅអង់គ្លេសកើនឡើង ១ប្រទេសកាលពីមួយសប្ដាហ៍មុន ដែលឆ្លងរាលដាលដល់ ១៦១ប្រទេស។ ចំនួនករណីឆ្លងពាក់ព័ន្ធនឹងវីរុសបម្លែងខ្លួនថ្មី Beta ដែលត្រូវបានរកឃើញដំបូងនៅអាហ្វ្រិកខាងត្បូងកើនឡើង ២ប្រទេសទៀត រហូតដល់ ១១៥ប្រទេស៕អត្ថបទ៖ សុខមាន

មនុស្ស ៩នាក់ស្លាប់ ខណៈអគារដួលរំលំលើរថយន្តក្រុងក្នុងទីក្រុងក្វាងជូប្រទេសកូរ៉េខាងត្បូង

កូរ៉េខាងត្បូង៖ សារព័ត៌មានក្នុងស្រុកបាននិយាយថា មនុស្សយ៉ាងហោចណាស់ ៩នាក់បានស្លាប់បន្ទាប់ពីអគារកម្ពស់ ៥ជាន់មួយខ្នងកំពុងត្រូវបានកម្ទេចចោល ក្នុងប្រទេសកូរ៉េខាងត្បូងបានដួលរំលំដោយខ្ទាតបំណែកលើរថយន្តក្រុងមួយគ្រឿង។មនុស្ស ៨នាក់បានរងរបួសក្នុងហេតុការណ៍ផ្ដួលរំលំអគារ ដែលបានកើតឡើងនៅក្នុងភាគខាងត្បូងទីក្រុងក្វាងជូ (Gwangju)។ ទីភ្នាក់ងារពន្លត់អគ្គិភ័យជាតិបាននិយាយថា រថយន្តក្រុងដឹកមនុស្ស ១៧នាក់ និងបានឈប់ចតនៅលើផ្លូវក្បែរអគារនោះ។ គេពុំទាន់បានដឹងច្បាស់នៅឡើយទេពីមូលហេតុនៃការដួលរំលំនេះ ហើយកិច្ចខិតខំប្រឹងប្រែងស្វែងរកនៅកំពុងបន្តធ្វើ ដើម្បីរុករកអ្នកនៅមានជីវិតដែលបានជាប់ក្រោមកម្ទេចថ្ម។ទីភ្នាក់ងារសារព័ត៌មាន Yonhap បាននិយាយថា ទីភ្នាក់ងារពន្លត់អគ្គិភ័យមិនបាននិយាយទេថា តើមនុស្ស ៨នាក់ដែលរងរបួសនោះនៅក្នុងរថយន្តក្រុង ឬនៅក្នុងអគារ។ គេមិនបានដឹងភ្លាមៗទេថា តើមានមនុស្សនៅខាងក្នុងអគារ ឬអត់នៅពេលដែលបាក់រលំនោះ៕អត្ថបទ៖ សុខមាន

ករណីឆ្លងជំងឺ COVID-19 ប្រចាំថ្ងៃនៅឥណ្ឌាធ្លាក់ចុះក្រោម ១០ម៉ឺននាក់លើកដំបូងក្នុងពេល ២ខែមកនេះ

ឥណ្ឌា៖ ករណីឆ្លងជំងឺ COVID-19 ឬវីរុសកូរ៉ូណាប្រចាំថ្ងៃនៅប្រទេសឥណ្ឌា បានធ្លាក់ចុះក្រោម ១០ម៉ឺននាក់ជាលើកដំបូងក្នុងរយៈពេល ២ខែ ខណៈដែលការធ្លាក់ចុះនេះបានជំរុញឲ្យរដ្ឋខ្លះបន្ធូរបន្ថយវិធានការរឹតត្បិត។ករណីឆ្លងថ្មីចំនួន ៨៦,៤៩៨នាក់ក្នុងរយៈពេល ២៤ម៉ោង បាននាំឲ្យករណីឆ្លងសរុបនៅឥណ្ឌាឡើងជាង ២៩លាននាក់កាលពីថ្ងៃអង្គារនៅលំដាប់ទី២ បន្ទាប់ពីសហរដ្ឋអាមេរិកដែលមានករណីឆ្លងជាង ៣៤លាននាក់។ ក្រសួងសុខាភិបាលក៏បានរាយការណ៍ផងដែរ ពីករណីស្លាប់ថ្មីចំនួន ២,១២៣នាក់ក្នុងរយៈពេល ២៤ម៉ោង ដែលនាំឲ្យអ្នកស្លាប់សរុបក្នុងប្រទេសនេះហក់ឡើងដល់ ៣៥១,៣០៩នាក់។ ប្រទេសឥណ្ឌាធ្លាប់មានករណីឆ្លងជាង ៤សែននាក់ក្នុងមួយថ្ងៃកាលពីខែឧសភា ប៉ុន្តែការឆ្លង និងស្លាប់ថ្មីបានធ្លាក់ចុះនៅទូទាំងប្រទេសចាប់តាំងពីពេលនោះមក៕ អត្ថបទ៖ សុខមាន

ក្រុមប្រឹក្សាសន្តិសុខ UN អនុម័តឲ្យលោកអគ្គលេខាធិការ Guterres បន្តកាន់អាណត្តិទី២

UN៖ កាលពីថ្ងៃអង្គារ ក្រុមប្រឹក្សាសន្តិសុខអង្គការសហប្រជាជាតិ បានសម្រេចទទួលយកលោកអគ្គលេខាធិការ Antonio Guterres កាន់អាណត្តិទី២ មានរយៈពេល ៥ឆ្នាំបន្តទៀត។ ឯកអគ្គរដ្ឋទូតអេស្តូនី លោក Sven Jurgenson របស់អង្គការសហប្រជាជាតិ ក្នុងនាមជាប្រធានក្រុមប្រឹក្សាសន្តិសុខសម្រាប់ខែមិថុនា បានប្រកាសយល់ព្រមបន្ទាប់ពីកិច្ចប្រជុំសម្ងាត់មួយរបស់ក្រុមប្រឹក្សានេះ។លោកបាននិយាយថា នៅក្នុងកិច្ចប្រជុំសម្ងាត់របស់ខ្លួន ក្រុមប្រឹក្សាសន្តិសុខបានអនុម័តសេចក្ដីសម្រេចមួយ ដោយការលើកសរសើរអគ្គលេខាធិការរូបនេះ។ ក្រុមប្រឹក្សាសន្តិសុខដែលបានពិចារណា លើបញ្ហាផ្ដល់អនុសាសន៍សម្រាប់ការតែងតាំងអគ្គលេខាធិការអង្គការសហប្រជាជាតិ បានផ្តល់អនុសាសន៍ដល់មហាសន្និបាតថា លោក Antonio Guterres ត្រូវបានតែងតាំងជាអគ្គលេខាធិការអង្គការសហប្រជាជាតិ សម្រាប់អាណត្តិទី២ ចាប់ពីថ្ងៃទី ១ ខែមករា ឆ្នាំ២០២២ ដល់ថ្ងៃទី៣១ ខែធ្នូ ឆ្នាំ២០២៦ ដោយអានសេចក្តីសម្រេចលេខ ២៥៨០។លោក Jurgenson បាននិយាយថា លោក Guterres គឺជាបេក្ខជនផ្លូវការតែមួយគត់ ខណៈដែលគ្មានរដ្ឋណាមួយបានតែងតាំងបេក្ខភាពរូបណាផ្សេងឡើយ។ លោកបន្ថែមថា លោក Guterres បានបង្ហាញពីភាពសក្ដិសមនៃតំណែងជាអគ្គលេខាធិការ ជាមួយនឹងការបំពេញការងាររបស់លោកក្នុងរយៈពេលជិត ៥ឆ្នាំនៅក្នុងតំណែង៕អត្ថបទ៖ សុខមាន

UN៖ ការវាយប្រយុទ្ធគ្នាថ្មីនៅមីយ៉ាន់ម៉ាភាគខាងកើតបង្កឲ្យមនុស្សរាប់ម៉ឺននាក់រត់ភៀសខ្លួន

មីយ៉ាន់ម៉ា៖ អង្គការសហប្រជាជាតិបាននិយាយកាលពីថ្ងៃអង្គារថា មនុស្សប្រមាណ ១សែននាក់ត្រូវបានបង្ខំភៀសខ្លួន ដោយសារការវាយប្រយុទ្ធគ្នានាពេលថ្មីៗរវាងយោធាមីយ៉ាន់ម៉ា និងក្រុមឧទ្ទាមនៅក្នុងភាគខាងកើតប្រទេស ដែលត្រូវបានរួបរឹតដោយរដ្ឋប្រហារមួយនេះ។សហភាពមីយ៉ាន់ម៉ាបានធ្លាក់ចូលក្នុងភាពវឹកវរ ហើយបានប៉ះពាល់ធ្ងន់ធ្ងរដល់សេដ្ឋកិច្ចរបស់ខ្លួន ចាប់តាំងពីក្រុមឧត្ដមសេនីយ៍បានធ្វើរដ្ឋប្រហារ ទម្លាក់រដ្ឋាភិបាលរបស់លោកស្រី Aung San Suu Kyi កាលពីខែកុម្ភៈ ដោយចោទប្រកាន់រដ្ឋាភិបាលនេះពីបទលួចបន្លំសន្លឹកឆ្នោត អំឡុងការបោះឆ្នោតឆ្នាំ២០២០។ ការវាយប្រយុទ្ធគ្នាបានរីកកាន់តែខ្លាំងនៅក្នុងសហគមន៍មួយចំនួន ជាពិសេសនៅក្នុងទីប្រជុំជនមួយចំនួន ដែលបានមើលឃើញមនុស្សស្លាប់ដោយសារស្នាដៃនគរបាលកើនឡើង ហើយតំបន់មួយចំនួនបានបង្កើតជាកងកម្លាំងការពារ ដើម្បីប្រឆាំងនឹងរបបសឹកវិញ។ ការិយាល័យអង្គការសហប្រជាជាតិ ប្រចាំនៅមីយ៉ាន់ម៉ាបាននិយាយកាលពីថ្ងៃអង្គារថា ការប៉ះទង្គិចគ្នា និងការវាយប្រហារដោយមិនរើសមុខនាពេលថ្មីៗ ដោយកងកម្លាំងសន្តិសុខប្រឆាំងនឹងតំបន់ជនស៊ីវិល បានបង្ខំឲ្យមនុស្សប្រមាណ ១សែននាក់រត់គេចចេញពីលំនៅឋានក្នុងភាគខាងកើតរដ្ឋកាយ៉ា (Kayah state) ជិតព្រំដែនរបស់ប្រទេសថៃ។អង្គការនេះបាននិយាយថា នៅក្នុងតំបន់ដែលរងការវាយប្រហារដោយការប្រយុទ្ធគ្នា គឺត្រូវការស្បៀងអាហារ ទឹក ទីជម្រក និងការថែទាំសុខភាពជាបន្ទាន់ ដោយបន្ថែមថា ការរឹតត្បិតការធ្វើដំណើរកំណត់ដោយកងកម្លាំងសន្តិសុខ កំពុងតែពន្យាពេលក្នុងការផ្ដល់ជំនួយចាំបាច់បំផុត។ អ្នកស្រុកក្នុងរដ្ឋកាយ៉ាបានចោទប្រកាន់យោធា ពីបទប្រើកាំភ្លើងធំដែលបានបាញ់ទម្លាក់ចូលនៅក្នុងភូមិជាច្រើន៕អត្ថបទ៖ សុខមាន

WHO ជំរុញក្រុមហ៊ុនផលិតវ៉ាក់សាំងបង្ការជំងឺ COVID-19 ផ្ដល់ដូសវ៉ាក់សាំង ៥០% ឲ្យទៅគម្រោង Covax

ស្វីស៖ កាលពីថ្ងៃចន្ទ អង្គការសុខភាពពិភពលោកបានអំពាវនាវ ដល់បណ្ដាក្រុមហ៊ុនផលិតវ៉ាក់សាំងបង្ការជំងឺ COVID-19 ផ្ដល់ដូសវ៉ាក់សាំងថ្មីៗដល់គម្រោងចែកចាយវ៉ាក់សាំងសកល Covax ដែលដំបូងឡើយបានបដិសេធ ឬផ្តល់ចំនួនពាក់កណ្ដាលនៃបរិមាណរបស់ពួកគេ ទៅក្នុងគម្រោងសមធម៌វ៉ាក់សាំងសកល។ប្រមុខអង្គការសុខភាពពិភពលោកគឺលោក Tedros Adhanom Ghebreyesus បាននិយាយថា ក្រុមហ៊ុនផលិតវ៉ាក់សាំងនានា គួរតែបង្វែរការយកចិត្តទុកដាក់របស់ខ្លួនទៅកាន់គម្រោង Covax ដែលបានប្រឹងប្រែងប្រមូលការបរិច្ចាគវ៉ាក់សាំង សម្រាប់បណ្ដាប្រទេសក្រីក្រ។ លោក Tedros បានសម្ដែងការខកចិត្តរបស់លោកដែលថា ប្រទេសក្រីក្រជាច្រើនមិនអាចទទួលបានវ៉ាក់សាំងបង្ការដល់បុគ្គលិកសុខភាព មនុស្សចាស់ និងប្រជាជនដទៃទៀតដែលងាយរងគ្រោះបំផុតដោយសារជំងឺ COVID-19 ធ្ងន់ធ្ងរ។លោកថា នៅពេលបច្ចុប្បន្ននេះប្រទេសអ្នកមានមួយចំនួន បានទិញការផ្គត់ផ្គង់វ៉ាក់សាំងហើយកំពុងត្រៀមរៀបចំ ដើម្បីចាប់ផ្ដើមចាក់វ៉ាក់សាំងដល់កុមារទៀតផង។ លោកថា គម្រោងនេះត្រូវការវ៉ាក់សាំងចំនួន ២៥០លានដូសបន្ថែមទៀតនៅត្រឹមខែកញ្ញា ខណៈដែលគ្រាន់តែខែមិថុនា និងខែកក្កដាមានតម្រូវការវ៉ាក់សាំងចំនួន ១០០លានដូស៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

UN៖ ករណីឆ្លងជំងឺអេបូឡានៅកុងហ្គោ កើនឡើងជាង ១.៥៦០នាក់ ស្របពេលវិបត្តិជម្លៀសខ្លួនកាន់តែអាក្រក់

នាវាដឹកប្រេង ២គ្រឿងរងការវាយប្រហារនៅច្រកសមុទ្រ Hormuz ខណៈមនុស្សរាប់លាននាក់កាន់ទុក្ខលោក Khamenei

រយៈពេល ១ពាន់ថ្ងៃនៃអំពើប្រល័យពូជសាសន៍អ៊ីស្រាអែលនៅតំបន់ហ្កាហ្សា

ការតម្រង់ជួរយ៉ាងវែងនៅតាមស្ថានីយប្រេងក្នុងទីក្រុង Omsk ក្រោយអ៊ុយក្រែនវាយប្រហាររោងចក្រចម្រាញ់ប្រេងធំបំផុតរបស់រុស្ស៊ី

អាមេរិក និងអង្គការណាតូ ប្រកាសកិច្ចព្រមព្រៀងការពារជាតិក្នុងកិច្ចប្រជុំកំពូលនៅទីក្រុង Ankara

ពលរដ្ឋអ៊ីរ៉ង់កាន់បដាគំរាមលោក Trumpនៅពិធីបុណ្យសពអតីតមេដឹកនាំ Khamenei

វិមានក្រឹមឡាំងសង្ឃឹមថា កិច្ចខិតខំសន្តិភាពរបស់អាមេរិកនៅអ៊ុយក្រែន នឹងជោគជ័យ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

ពលរដ្ឋហ្កាហ្សាសង្ឃឹមថា ការរំសាយស្ថាប័នក្រុមហាម៉ាស នឹងជំរុញឲ្យមានកសាងតំបន់ឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អំពើហិង្សានៅសហភាពមីយ៉ាន់ម៉ាកើនឡើងបង្កើតមហន្តរាយសិទ្ធិមនុស្ស

ឥណ្ឌារាយការណ៍ករណីស្លាប់ជាង ៦ពាន់នាក់ក្នុងពេលតែមួយថ្ងៃដោយសារជំងឺ COVID-19

រដ្ឋាភិបាលស៊ីរីវាយប្រហារដោយកាំភ្លើងធំលើតំបន់ហ៊ុមព័ទ្ធរបស់ក្រុមឧទ្ទាមសម្លាប់មនុស្ស ១១នាក់

មេដឹកនាំ G7 នឹងបរិច្ចាគវ៉ាក់សាំងបង្ការជំងឺ COVID-19 ចំនួន ១ពាន់លានដូសដល់ប្រទេសក្រីក្រ

WHO៖ វីរុស COVID-19 បម្លែងខ្លួនថ្មី Delta កំពុងឆ្លងរាលដាលនៅក្នុងប្រទេស និងដែនដីចំនួន៧៤

មនុស្ស ៩នាក់ស្លាប់ ខណៈអគារដួលរំលំលើរថយន្តក្រុងក្នុងទីក្រុងក្វាងជូប្រទេសកូរ៉េខាងត្បូង

ករណីឆ្លងជំងឺ COVID-19 ប្រចាំថ្ងៃនៅឥណ្ឌាធ្លាក់ចុះក្រោម ១០ម៉ឺននាក់លើកដំបូងក្នុងពេល ២ខែមកនេះ

ក្រុមប្រឹក្សាសន្តិសុខ UN អនុម័តឲ្យលោកអគ្គលេខាធិការ Guterres បន្តកាន់អាណត្តិទី២

UN៖ ការវាយប្រយុទ្ធគ្នាថ្មីនៅមីយ៉ាន់ម៉ាភាគខាងកើតបង្កឲ្យមនុស្សរាប់ម៉ឺននាក់រត់ភៀសខ្លួន

WHO ជំរុញក្រុមហ៊ុនផលិតវ៉ាក់សាំងបង្ការជំងឺ COVID-19 ផ្ដល់ដូសវ៉ាក់សាំង ៥០% ឲ្យទៅគម្រោង Covax

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អំពើ​ហិង្សា​នៅ​សហភាព​មី​យ៉ាន់​ម៉ា​កើន​ឡើង​បង្កើត​មហន្តរាយ​សិទ្ធិមនុស្ស​

ឥណ្ឌា​រាយការណ៍​ករណី​ស្លាប់​ជាង ​៦​ពាន់​នាក់​ក្នុង​ពេល​តែ​មួយ​ថ្ងៃ​ដោយសារ​ជំងឺ COVID-19

មេដឹកនាំ G7 នឹង​បរិច្ចាគ​វ៉ាក់សាំង​បង្ការ​ជំងឺ COVID-19 ចំនួន​ ១​ពាន់​លាន​ដូ​ស​ដល់​ប្រទេស​ក្រីក្រ​

WHO៖​ វីរុស COVID-19 ប​ម្លែ​ង​ខ្លួន​ថ្មី Delta កំពុង​ឆ្លង​រាលដាល​នៅ​ក្នុង​ប្រទេស និង​ដែនដី​ចំនួន​៧៤

មនុស្ស ​៩​នាក់​ស្លាប់​ ខណៈ​អគារ​ដួល​រំលំ​លើ​រថយន្តក្រុង​ក្នុង​ទីក្រុង​ក្វាង​ជូ​ប្រទេស​កូរ៉េខាងត្បូង​

ក្រុម​ប្រឹក្សា​សន្តិសុខ UN អនុម័ត​ឲ្យ​លោកអគ្គលេខាធិការ Guterres បន្ត​កាន់​អាណត្តិ​ទី​២

WHO ​ជំរុញ​ក្រុម​ហ៊ុន​ផលិត​វ៉ាក់សាំង​បង្ការ​ជំងឺ COVID-19 ផ្ដល់​ដូ​ស​វ៉ាក់សាំង​ ៥០%​ ឲ្យ​ទៅ​គម្រោង Covax

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អំពើហិង្សានៅសហភាពមីយ៉ាន់ម៉ាកើនឡើងបង្កើតមហន្តរាយសិទ្ធិមនុស្ស

ឥណ្ឌារាយការណ៍ករណីស្លាប់ជាង ៦ពាន់នាក់ក្នុងពេលតែមួយថ្ងៃដោយសារជំងឺ COVID-19

មេដឹកនាំ G7 នឹងបរិច្ចាគវ៉ាក់សាំងបង្ការជំងឺ COVID-19 ចំនួន ១ពាន់លានដូសដល់ប្រទេសក្រីក្រ

WHO៖ វីរុស COVID-19 បម្លែងខ្លួនថ្មី Delta កំពុងឆ្លងរាលដាលនៅក្នុងប្រទេស និងដែនដីចំនួន៧៤

មនុស្ស ៩នាក់ស្លាប់ ខណៈអគារដួលរំលំលើរថយន្តក្រុងក្នុងទីក្រុងក្វាងជូប្រទេសកូរ៉េខាងត្បូង

ក្រុមប្រឹក្សាសន្តិសុខ UN អនុម័តឲ្យលោកអគ្គលេខាធិការ Guterres បន្តកាន់អាណត្តិទី២

WHO ជំរុញក្រុមហ៊ុនផលិតវ៉ាក់សាំងបង្ការជំងឺ COVID-19 ផ្ដល់ដូសវ៉ាក់សាំង ៥០% ឲ្យទៅគម្រោង Covax