BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ក្រសួងសុខាភិបាលជំរុញឱ្យបង្កើនការប្រុងប្រយ័ត្នចំពោះការរីករាលដាលនៃវីរុសបម្លែងថ្មី ក្រោយរកឃើញមនុស្ស៣នាក់ឆ្លងវីរុសនេះ

ភ្នំពេញ៖ ក្រសួងសុខាភិបាលកម្ពុជា បានបង្ហាញក្ដីបារម្ភរបស់ខ្លួន និងជំរុញឱ្យបង្កើនការប្រុងប្រយ័ត្នចំពោះការឆ្លងរីករាលដាលនៃវីរុសបម្លែងថ្មី បន្ទាប់ពីបានរកឃើញវីរុសប្រភេទថ្មីនេះនៅថ្ងៃនេះ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបានបញ្ជាក់ថា វីរុសកូរ៉ូណាបម្លែងថ្មីប្រភេទ B.1.617 ត្រូវបានរកឃើញលើស្ត្រី ២នាក់ និងបុរស ១នាក់ ដែលជាពលករទើបវិលត្រឡប់មកពីប្រទេសថៃនាពេលថ្មីៗនេះ។បើតាមក្រសួងសុខាភិបាល វីរុសបម្លែងថ្មីប្រភេទនេះ ត្រូវបានរកឃើញលើស្ត្រី ២នាក់ ម្នាក់អាយុ ២៧ឆ្នាំ និងម្នាក់ទៀតអាយុ ៤៣ឆ្នាំ និងបុរសម្នាក់អាយុ ៤៦ឆ្នាំ។ក្រសួងសុខាភិបាលបានឱ្យដឹងបន្ថែមថា ស្ត្រីវ័យ ២៧ឆ្នាំ ត្រូវបានដាក់ឱ្យសម្រាកព្យាបាលនៅឯមន្ទីរពេទ្យខេត្តឧត្ដរមានជ័យ ហើយស្ត្រីម្នាក់ទៀតអាយុ ៤៣ឆ្នាំ ត្រូវបានដាក់ឱ្យសម្រាកព្យាបាលនៅមន្ទីរពេទ្យមោងឫស្សី ក្នុងខេត្តបាត់ដំបង ខណៈដែលបុរសអាយុ ៤៦ឆ្នាំវិញ កំពុងស្ថិតក្រោមការព្យាបាលនៅឯមន្ទីរពេទ្យឯកភ្នំ ក្នុងខេត្តបាត់ដំបងផងដែរ។ក្រសួងសុខភិបាលបញ្ជាក់បែបនេះ បន្ទាប់ពីលទ្ធផលនៃការធ្វើតេស្តសំណាកលើមនុស្សទាំង ៣នាក់នេះ ចេញដោយវិទ្យាស្ថានប៉ាស្ទ័រកម្ពុជា។បើតាមក្រសួងសុខាភិបាល ពិភពលោកកំពុងតែព្រួយបារម្ភចំពោះការឆ្លងរីករាលដាលនៃវីរុសបម្លែងថ្មីនេះ ដែលត្រូវបានរកឃើញនៅក្នុងប្រទេសចំនួន៧ហើយនៅតំបន់អាស៊ីអាគ្នេយ៍ មានឥណ្ឌូនេស៊ី ម៉ាឡេស៊ី ហ្វីលីពីន សិង្ហបុរី ថៃ វៀតណាម និងកម្ពុជា។ ក្រសួងអះអាងថា បានណែនាំទៅមន្ទីរសុខាភិបាលខេត្តទាំងអស់ ឱ្យបង្កើនការយកចិត្តទុកដាក់ ដើម្បីទប់ស្កាត់ការឆ្លងរីករាលដាលនៃវីរុសបម្លែងថ្មីនេះ៕អត្ថបទ ៖ សុធី

ជប៉ុន ប្រគល់អំណោយរថយន្តគិលានសង្រ្គោះចំនួន៣០បន្ថែមទៀត ជូនកម្ពុជា ដើម្បីឆ្លើយតបការរាតត្បាតជំងឺកូវីដ-១៩

ភ្នំពេញ ៖ ឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល រួមជាមួយឯកឧត្តម Mikami Masahiro ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសជប៉ុន ប្រចាំព្រះរាជាណាចក្រកម្ពុជា បានអញ្ជើញធ្វើពិធីប្រគល់-ទទួល រថយន្តគិលានសង្រ្គោះចំនួន៣០គ្រឿង បន្ថែមទៀត ជាជំនួយរបស់រដ្ឋាភិបាល និងប្រជាជនជប៉ុន ក្រោមគម្រោងកម្មវិធីអភិវឌ្ឍសេដ្ឋកិច្ច និងសង្គមរបស់ប្រទេសជប៉ុន ជូនរាជរដ្ឋាភិបាល និងប្រជាជន នៃព្រះរាជាណាចក្រកម្ពុជា។ឯកឧត្តម សាស្រ្តាចារ្យ ម៉ម ប៊ុនហេង បានថ្លែងថា ជប៉ុន គឺជាប្រទេសមួយដែលបានផ្តល់ជំនួយច្រើនជាងគេក្នុងចំណោមដៃគូទាំងអស់ ទាំងជំនួយបច្ចេកទេស ទាំងថវិកា ក្នុងការអភិវឌ្ឍន៍ហេដ្ឋារចនាសម្ព័ន្ធសុខាភិបាល និងធនធានមនុស្ស។ ជាពិសេសចាប់តាំងពីការរាតត្បាតនៃជំងឺកូវីដ-១៩ ប្រទេសជប៉ុន បាននិងកំពុងផ្តល់ជំនួយជាច្រើនរួមមាន៖ ជំនួយបឋមនាខែកុម្ភះ ឆ្នាំ២០២០ រួមមាន៖ កញ្ចប់តេស្តរហ័សចំនួន១០០០, សម្លៀកបំពាក់សុវតិ្ថភាពសម្រាប់មន្រី្តសុខាភិបាល ចំនួន១០០០០កំផ្លេ និងកញ្ចប់ឧបករណ៍ពិសោធន៍ចំនួន១០០០កញ្ចប់ និងម៉ាស់។ តាមរយៈកម្មវិធីអភិវឌ្ឍន៍សេដ្ឋកិច្ច និងសង្គម រដ្ឋាភិបាលជប៉ុន បានផ្តល់ជំនួយឥតសំណងជូនដល់រាជរដ្ឋាភិបាលកម្ពុជា សរុបជាថវិកាចំនួន២០០០លានយេន (ប្រមាណជា១៨.៥លានដុល្លារអាមេរិក) ដែលអនុវត្តដោយ Japan International Cooperation System រួមមាន៖ រថយន្តគិលានសង្រ្គោះចំនួន១០០គ្រឿង, Ultrasound Scanner ចំនួន១គ្រឿង, Thermographic Camera ចំនួន១០គ្រឿង, Portable X-Ray ចំនួន១០គ្រឿង, Mobile Ultrasound Scanner ចំនួន២៥គ្រឿង, Oxygen Concentrator ចំនួន១០០គ្រឿង, ឧបករណ៍វាស់សម្ពាធឈាម ចំនួន១០០គ្រឿង, ម៉ាស៊ីនភ្លើងចំនួន១០០គ្រឿង, គ្រែសម្រាប់ផ្នែក ICU ចំនួន១០០គ្រែ និងការពង្រីកផ្នែកសង្រ្គោះបន្ទាន់សម្រាប់ជំងឺកូវីដ-១៩ រួមទាំងការបំពាក់ឧបករណ៍វេជ្ជសាស្រ្តទៅក្នុងគម្រោងធ្វើឲ្យប្រសើរឡើងមនី្ទរពេទ្យបង្អែកខេត្តសៀមរាប។ ទន្ទឹមនឹងនោះរដ្ឋាភិបាលជប៉ុន ផ្តល់ជំនួយឥតសំណងជូនដល់រាជរដ្ឋាភិបាលកម្ពុជា តាមរយៈកម្មវីធីជំនួយបន្ទាន់នូវថវិកាចំនួន៦.៣លានដុល្លារអាមេរិក ដែលនឹងអនុវត្តដោយ UNOPS ដែលបាននឹងកំពុងរៀបចំគម្រោងអនុវត្ត។ឯកឧត្តម រដ្ឋមន្រី្ត បានបញ្ជាក់ទៀតថា ថ្ងៃនេះក្រសួងសុខាភិបាល បានទទួលរថយន្តគិលានសង្រ្គោះចំនួន៣០គ្រឿង (សរុប៧០គ្រឿង) នៃរថយន្តគិលានសង្រ្គោះទាំងអស់ចំនួន១០០គ្រឿង ដែលភាគីជប៉ុនគ្រោងនឹងផ្តល់ឲ្យ ហើយរថយន្តគិលានសង្រ្គោះទាំង៣០គ្រឿង បានបែងចែកទៅឲ្យអង្គភាពប្រតិបតិ្តនៅ ថ្នាក់កណ្តាល និងមនី្ទរសុខាភិបាលដែលមានហានិភ័យខ្ពស់នៃការរាតត្បាតជំងឺកូវីដ-១៩។ ចំណែករថយន្តគិលានសង្រ្គោះ ដែលនៅសល់៣០គ្រឿងទៀត នឹងមកដល់នៅពេលឆាប់ៗខាងមុខ ហើយក្រសួងនឹងបែងចែកទៅឲ្យអង្គភាពប្រតិបតិ្ត និងមនី្ទរសុខាភិបាលជាបន្តទៀត។ឆ្លៀតក្នុងឱកាសនោះ ឯកឧត្តម សាស្រ្តាចារ្យ ម៉ម ប៊ុនហេង បានសម្តែងអំណរគុណយ៉ាងជ្រាលជ្រៅជូនចំពោះរដ្ឋាភិបាល និងប្រជាជនជប៉ុន ជាពិសេស ឯកឧត្តម Mikami Masahiro ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសជប៉ុន ប្រចាំព្រះរាជាណាចក្រកម្ពុជា តែងតែសម្របសម្រួលក្នុងការផ្តល់ជំនួយជូនរាជរដ្ឋាភិបាលកម្ពុជា ជាពិសេសវិស័យសុខាភិបាល ហើយសង្ឃឹមថា នឹងមានគម្រោងថ្មីៗបន្តទៀត៕អត្ថបទ ៖ រដ្ឋា

វ៉ាក់សាំងជាង ២ពាន់លានដូសត្រូវបានចាក់ជូនប្រជាពលរដ្ឋទូទាំងពិភពលោក

ពិភពលោក៖ យោងតាមសារព័ត៌មាន AFP កាលពីថ្ងៃព្រហស្បតិ៍ទទួលបានប្រភពផ្លូវការនានា វ៉ាក់សាំងបង្ការជំងឺ COVID-19 ជាង ២ពាន់លានដូសត្រូវបានចាក់ជូនប្រជាពលរដ្ឋរបស់ប្រទេសនីមួយៗនៅទូទាំងពិភពលោក។ ចំនួនដ៏ច្រើននេះមានក្នុងរយៈពេល ៦ខែបន្ទាប់ពីយុទ្ធនាការចាក់វ៉ាក់សាំងដំបូងប្រឆាំងជំងឺ COVID-19 បានចាប់ផ្ដើម។យោងតាមចំនួនទទួលបានពីសារព័ត៌មាន AFP ដែលបានចេញផ្សាយនៅម៉ោង ៩:១៥នាទីព្រឹកម៉ោងសកលកាលពីថ្ងៃព្រហស្បតិ៍ វ៉ាក់សាំងយ៉ាងហោចណាស់ ២,១០៩,៦៩៦,០២២ដូសត្រូវបានចាក់ដល់ពលរដ្ឋនៅក្នុងប្រទេស និងដែនដីចំនួន ២១៥។ អ៊ីស្រាអែលដែលបានដឹកនាំការប្រណាំងប្រជែងតាំងពីដំបូងមក នៅតែមិនទាន់បញ្ចប់នៅឡើយដោយមានមនុស្សត្រឹមតែ ៦នាក់ក្នុងចំណោម ១០នាក់ទទួលបានការចាក់វ៉ាក់សាំងគ្រប់ដូស។ ប្រទេសនេះត្រូវបានឈរនៅបន្ទាប់ពីប្រទេសកាណាដា ដែលមានប្រជាជនចំនួន ៥៩% ទទួលបានវ៉ាក់សាំងយ៉ាងហោចណាស់ ១ដូស, ចក្រភពអង់គ្លេសមានចំនួនពលរដ្ឋទទួលបានវ៉ាក់សាំងចំនួន ៥៨.៣%, ឈីលីមាន ៥៦.៦% និងសហរដ្ឋអាមេរិកមាន ៥១%។ការចាក់ដល់មនុស្សចំនួន ៦នាក់ក្នុងចំណោម ១០នាក់នៅក្នុងប្រទេសដែលមានប្រជាជនច្រើនជាងគេបំផុតចំនួន ៣ គឺប្រទេសចិនមានចំនួន ៧០៤.៨លានដូស, សហរដ្ឋអាមេរិកមាន ២៩៦.៩លានដូស និងឥណ្ឌាមានចំនួន ២២១លានដូស។ ខណៈមនុស្ស ៤នាក់ក្នុងចំណោម ១០នាក់នៅសហភាពអឺរ៉ុបទទួលបានវ៉ាក់សាំងយ៉ាងហោចណាស់ ១ដូស ប្រទេសអាល្លឺម៉ង់បាននាំមុខចំនួន ៤៣.៦% បន្ទាប់មកអ៊ីតាលីមាន ៤០%, បារាំង និងអេស្ប៉ាញចំនួន ៣៩.៤%។ មានតែប្រទេសចំនួន ៦ប៉ុណ្ណោះដែលមិនទាន់ចាប់ផ្ដើមយុទ្ធនាការចាក់វ៉ាក់សាំង ដូចជាកូរ៉េខាងជើង, ហៃទី, តង់ហ្សានី, ឆាត, ប្រ៊ុយណេ និងអេរីទ្រី៕អត្ថបទ៖ សុខមាន

ចិនការពារទំនាក់ទំនងកម្ពុជា បន្ទាប់ពីសហរដ្ឋអាមេរិកសម្ដែងក្តីព្រួយបារម្ភ

ចិន៖ ប្រទេសចិនបានអះអាងថា ទំនាក់ទំនងរបស់ប្រទេសចិនជាមួយប្រទេសកម្ពុជា បានរួមចំណែកជាវិជ្ជមានចំពោះសន្តិភាព និងស្ថិរភាពក្នុងតំបន់។ ការអះអាងរបស់ចិនធ្វើឡើង បន្ទាប់ពីសហរដ្ឋអាមេរិកសម្ដែងក្តីបារម្ភអំពីវត្តមានរបស់យោធាចិន នៅក្នុងប្រទេសអាស៊ីអាគ្នេយ៍មួយនេះ។នៅក្នុងជំនួបជាមួយសម្ដេចតេជោ ហ៊ុន សែន នាយករដ្ឋមន្ត្រី អនុរដ្ឋមន្ត្រីការបរទេសសហរដ្ឋអាមេរិក លោកស្រី Wendy Sherman បាននិយាយផ្តោតលើការសាងសង់សំណង់ថ្មីៗ របស់ប្រទេសចិននៅមូលដ្ឋានកងទ័ពជើងទឹករាម។ លោកស្រីបានបញ្ជាក់ច្បាស់អំពីការរុះរើអគារ ដែលផ្តល់មូលនិធិដោយសហរដ្ឋអាមេរិកចំនួន២ នៅមូលដ្ឋានរាមដោយគ្មានការជូនដំណឹង ឬការពន្យល់ ហើយបានកត់សំគាល់ថា មូលដ្ឋានយោធាចិនក្នុងប្រទេសកម្ពុជា នឹងធ្វើឲ្យអន្តរាយដល់អធិបតេយ្យភាព គំរាមដល់សន្តិសុខតំបន់ និងមានផលប៉ះពាល់ដោយអវិជ្ជមានចំពោះទំនាក់ទំនងកម្ពុជា-សហរដ្ឋអាមេរិក។ ក្នុងសន្និសីទសារព័ត៌មាននៅក្នុងទីក្រុងប៉េកាំង អ្នកនាំពាក្យក្រសួងការបរទេស លោក Wang Wenbin បាននិយាយថា ប្រទេសចិន និងកម្ពុជាមានមិត្តភាពជាប្រពៃណី និងជាដៃគូកិច្ចសហប្រតិបត្តិការ និងយុទ្ធសាស្ត្រគ្រប់ជ្រុងជ្រោយ។ លោក Wang និយាយថា ភាគីទាំងពីរបានអនុវត្តន៍កិច្ចសហប្រតិបត្តិការ ប្រកបដោយផ្លែផ្កាក្នុងវិស័យជាច្រើន ដែលនាំមកនូវផលប្រយោជន៍ជាក់ស្ដែង ដល់ប្រជាជននៃប្រទេសទាំងពីរ និងមានការរួមចំណែកជាវិជ្ជមានដល់សន្តិភាព និងស្ថិរភាពក្នុងតំបន់។ក្រសួងការបរទេសសហរដ្ឋអាមេរិកនិយាយថា លោកស្រី Sherman បានជំរុញឲ្យមេដឹកនាំប្រទេសកម្ពុជា រក្សាគោលនយោបាយការបរទេសដោយតុល្យភាព និងឯករាជ្យ ក្នុងផលប្រយោជន៏ល្អបំផុតរបស់ប្រជា ជនកម្ពុជា។ លោកស្រី Sherman បានលើកបញ្ហានេះជាថ្មីម្តងទៀត អំឡុងដំណើរទស្សនកិច្ចទៅកាន់ប្រទេសថៃកាលពីថ្ងៃពុធ ដោយនិយាយថា លោកស្រីបានជួបសន្ទនាដោយស្មោះត្រង់ជាមួយសម្ដេចតេជោ ហ៊ុន សែន អំពីទិសដៅដែលប្រទេសកំពុងធ្វើ រួមទាំងវត្តមានរបស់ចិននៅមូលដ្ឋានរាម។ ទាក់ទងនឹងការលើកឡើងរបស់អាមេរិកជុំវិញបញ្ហាសមុទ្ររាមនេះ កាលពីថ្ងៃទី៣ ខែមិថុនា ឆ្នាំ២០២១ កម្ពុជាបានសម្រេចអនុញ្ញាតឲ្យអនុព័ន្ធយោធារបស់អាមេរិក អាចទៅពិនិត្យមើលមូលដ្ឋានកងទ័ពជើងទឹកសមុទ្ររាមជាក់ស្ដែងតែម្តង។ សម្ដេចពិជ័យសេនា ទៀ បាញ់ រដ្ឋមន្ត្រីក្រសួងការពារជាតិកម្ពុជាបានថ្លែងថា ការអនុញ្ញាតឲ្យមន្ត្រីអាមេរិកទៅពិនិត្យមើលផ្ទាល់នេះ ដើម្បីឲ្យអាមេរិកជ្រះមន្ទិល និងកុំឲ្យសង្ស័យ ឬចោទប្រកាន់កម្ពុជាដោយគ្មានមូលដ្ឋានតទៅ ទៀត៕អត្ថបទ៖ ប៊ុនថន

ប្រទេសឥណ្ឌាមានករណីឆ្លងជំងឺ COVID-19 សរុបចំនួន ២៨.៤៤១.៩៨៦នាក់

ឥណ្ឌា៖ ក្រសួងសុខាភិបាលសហព័ន្ធបាននិយាយថា ចំនួនករណីឆ្លងជំងឺ COVID-19 សរុបនៅប្រទេសឥណ្ឌាបានកើនឡើងដល់ ២៨,៤៤១,៩៨៦នាក់នៅថ្ងៃព្រហស្បតិ៍នេះ បន្ទាប់ពីមានករណីឆ្លងថ្មីចំនួន ១៣៤,១៥៤នាក់ត្រូវបានកត់ត្រាក្នុងរយៈពេល ២៤ម៉ោង។ក្រៅពីនេះមនុស្សចំនួន ២,៨៨៧នាក់ត្រូវបានគេរាយការណ៍ថាបានស្លាប់កាលពីព្រឹកថ្ងៃពុធ ដែលនាំឲ្យអ្នកស្លាប់សរុបហក់ឡើងដល់ ៣៣៧,៩៨៩នាក់។ នៅតែមានករណីឆ្លងសកម្មចំនួន ១,៧១៣,៤១៣នាក់នៅក្នុងប្រទេសនេះ ក្នុងនោះបានធ្លាក់ចុះចំនួន ៨០,២៣២នាក់ក្នុងរយៈពេល ២៤ម៉ោងកន្លងទៅ។ ចំនួនករណីឆ្លងសកម្មប្រចាំថ្ងៃ បានធ្លាក់ចុះរយៈពេលប៉ុន្មានថ្ងៃមកនេះ បន្ទាប់ពីករណីឆ្លងបន្តហក់ឡើង ចាប់តាំងពីពាក់កណ្ដាលខែមេសាកន្លងមក។ យោងតាមទិន្នន័យចុងក្រោយ ចេញដោយក្រសួងសុខាភិបាលសហព័ន្ធឲ្យដឹងថា មនុស្សសរុបចំនួន ២៦,៣៩០,៥៨៤នាក់ត្រូវបានទទួលការព្យាបាល និងអនុញ្ញាតឲ្យចាកចេញពីមន្ទីរពេទ្យទូទាំងប្រទេស។ឥណ្ឌាបានចាប់ផ្ដើមយុទ្ធនាការចាក់វ៉ាក់សាំងទូទាំងប្រទេសកាលពីខែមករា ហើយរហូតមកដល់ពេលនេះប្រទេសឥណ្ឌាបានចាក់វ៉ាក់សាំង ឲ្យប្រជាពលរដ្ឋជាង ២២១លានដូសនៅទូទាំងប្រទេស ហើយវ៉ាក់សាំងចំនួន ២,៤២៦,២៦៥ដូសត្រូវបានចាក់ជូនពលរដ្ឋរបស់ខ្លួនតែថ្ងៃពុធមួយថ្ងៃប៉ុណ្ណោះ៕អត្ថបទ៖ សុខមាន

ការតវ៉ាគាំទ្រ និងប្រឆាំងលោក Netanyahu ផ្ទុះឡើងនៅអ៊ីស្រាអែល ខណៈកិច្ចព្រមព្រៀងត្រូវបានប្រកាស

អ៊ីស្រាអែល៖ ភាពតានតឹងបានកើនឡើងខ្លាំង រវាងក្រុមអ្នកគាំទ្រលោកនាយករដ្ឋមន្ត្រីអ៊ីស្រាអែល Benjamin Netanyahu និងគូប្រជែងរបស់លោកកាលពីល្ងាចថ្ងៃពុធ បន្ទាប់ពីគូប្រជែងរបស់លោកបានប្រកាសថា ពួកគេបានឈានដល់កិច្ចព្រមព្រៀងដើម្បីបង្កើតរដ្ឋាភិបាលចម្រុះថ្មីមួយ ដែលត្រួសត្រាយផ្លូវសម្រាប់ការទម្លាក់មេដឹកនាំអ៊ីស្រាអែល កាន់តំណែងរយៈពេលជាច្រើនឆ្នាំមកនេះ។ក្រុមអ្នកតវ៉ាមកពីក្រុមគាំទ្របក្សទាំង២ បានប្រមូលផ្តុំគ្នានៅខាងក្រៅសណ្ឋាគារមួយក្នុងតំបន់ Kfar Maccabiah នៅភាគកណ្ដាលអ៊ីស្រាអែល ជាកន្លែងដែលមេដឹកនាំប្រឆាំងលោក Yair Lapid និងដៃគូចម្រុះសំខាន់របស់គាត់គឺលោក Naftali Bennett បានជួបជាមួយគូប្រជែង ផ្សេងទៀតរបស់លោក Netanyahu ដើម្បីបង្កើតកិច្ចព្រមព្រៀងសម្ព័ន្ធភាពនេះ។ សេចក្ដីប្រកាសនេះមានឡើងមិនយូរប៉ុន្មាន មុនពេលវេលាផុតកំណត់យប់រំលងអធ្រាត្រ និងបានទប់មិនឲ្យប្រទេសនេះធ្លាក់ចូលក្នុងអ្វីដែលជាការបោះឆ្នោតលើកទី៥ ជាប់គ្នាក្នុងរយៈពេលត្រឹមតែជាង ២ឆ្នាំ។ អ្នកតវ៉ាប្រឆាំងប្រឆាំងលោក Netanyahu បាននិយាយថា យើងបានឈ្នះការតតាំងនេះហើយ។ យើងបានឈ្នះការបោះឆ្នោតនេះហើយ។ ទីបំផុតយើងមានរដ្ឋាភិបាលហើយ។ស្ត្រីរូបនេះត្រូវបានពើបប្រទះជាមួយក្រុមអ្នកគាំទ្ររបស់លោក Netanyahu ដែលកំពុងស្រែកពាក្យថា ខ្មាសគេណាស់ៗ ខណៈដែលនគរបាលព្យាយាមបំបែកក្រុមទាំង ២ នេះចៀសវាងការប៉ះទង្គិចគ្នា។ ជាមួយគ្នានោះដែរ អ្នកគាំទ្រលោកនាយករដ្ឋមន្ត្រីអ៊ីស្រាអែលមកពីតំបន់ Ramat Gan ភាគកណ្ដាលប្រទេសអ៊ីស្រាអែលបាននិយាយថា នឹងពុំមានរដ្ឋាភិបាលណាមួយទៀតឡើយនៅសប្ដាហ៍ក្រោយ ឬពាក់កណ្ដាលសប្ដាហ៍ទៀតនេះ។ ពួកនឹងតតាំង ហើយនឹងមិនមានរដ្ឋាភិបាលណាក្រៅពីរដ្ឋាភិបាលរបស់លោក Netanyahu នោះទេ៕អត្ថបទ៖ សុខមាន

ព្យុះត្រូពិកសម្លាប់មនុស្ស ៣នាក់ និងបង្ខំឲ្យមនុស្សរាប់រយនាក់ជម្លៀសចេញពីលំនៅឋាននៅហ្វីលីពីន

ហ្វីលីពីន៖ ក្រុមមន្ត្រីបាននិយាយកាលពីថ្ងៃពុធ ទី២ ខែមិថុនាថា ព្យុះតំបន់ត្រូពិកបានឆក់យកជីវិតមនុស្ស ៣នាក់ និងបង្ខំឲ្យអ្នកភូមិរាប់រយនាក់ ជម្លៀសចេញពីលំនៅឋាននៅក្នុងភាគខាងត្បូង និងកណ្ដាលរបស់ប្រទេសហ្វីលីពីន ជាទីដែលព្យុះនេះបានបង្កឲ្យមានទឹកជំនន់ និងបំណាក់ដី។ក្រុមអ្នកព្យាករណ៍បាននិយាយថា ព្យុះ Choi-wan ស្ថិតនៅភាគនិរតីនៃខេត្ត Masbate ភាគកណ្ដាលកាលពីព្រឹកថ្ងៃពុធ ដែលនាំមកជាមួយនូវកម្លាំងខ្យល់ ៦៥គីឡូម៉ែត្រក្នុងមួយម៉ោង និងល្បឿនខ្យល់បក់រហូតដល់ ៩០គីឡូម៉ែត្រក្នុងមួយម៉ោង។ ពួកគេបាននិយាយថា ព្យុះនេះកំពុងបោះពួយទៅភាគពាយព្យ និងអាចចុះខ្សោយកម្លាំងនៅពេលបក់បោកឆ្ពោះ ទៅសមុទ្រចិនខាងត្បូងនៅថ្ងៃព្រហស្បតិ៍នេះ។ មានមនុស្សយ៉ាងហោចណាស់ ៣នាក់បានស្លាប់រួមទាំងអ្នកភូមិអាយុ ១៤ឆ្នាំម្នាក់ ដែលបានព្យាយាមហែលជាមួយឪពុករបស់នាង ទៅកាន់ច្រាំងទន្លេដើម្បីជួយសង្គ្រោះសត្វ ក្នុងកសិដ្ឋានរបស់ពួកគេនៅពេលមានភ្លៀងធ្លាក់ខ្លាំង ប៉ុន្តែត្រូវបានទឹកដែលកំពុងហូរខ្លាំងកួចចូលក្នុងទឹកទន្លេនៅទីក្រុង Norala ក្នុងខេត្ត Cotabato ភាគខាងត្បូង។ ការិយាល័យការពារជនស៊ីវិលបាននិយាយថា ឪពុករបស់នាងនៅតែបាត់ខ្លួននៅឡើយ។ប្រជាជនជាង ២.៦០០នាក់ត្រូវបានជម្លៀសចេញពីលំនៅឋាន ភាគច្រើនដោយសារតែទឹកជំនន់នៅក្នុងភូមិចំនួន ១៨ នៅភាគខាងត្បូងប្រទេស ក្នុងនោះមានអ្នកភូមិប្រមាណ ៦០០នាក់ដែលបានជម្លៀសទៅស្នាក់នៅបណ្ដោះអាសន្ន នៅមជ្ឈមណ្ឌលជម្លៀស។ ក្រុមមន្ត្រីបាននិយាយថា ត្រូវការកន្លែងទំនេរបន្ថែមទៀតដើម្បីផ្ដល់ជម្រកដល់អ្នកជម្លៀស ជាវិធានការទប់ស្កាត់ការឆ្លងវីរុសកូរ៉ូណា៕អត្ថបទ៖ សុខមាន

WHO សូមស្វាគមន៍ការវិនិយោគទឹកប្រាក់ ៥០ពាន់លានដុល្លារអាមេរិកប្រយុទ្ធប្រឆាំង COVID-19

ស្វីស៖ អង្គការសុខភាពពិភពលោក (WHO) សូមស្វាគមន៍ចំពោះការវិនិយោគលើទឹកប្រាក់ចំនួន ៥០ពាន់លានដុល្លារសហរដ្ឋអាមេរិក ដើម្បីប្រយុទ្ធប្រឆាំងនឹងជំងឺរាតត្បាត COVID-19។មេដឹកនាំមូលនិធិរូបិយវត្ថុអន្តរជាតិ ក្រុមធនាគារពិភពលោក អង្គការសុខភាពពិភពលោក និងអង្គការពាណិជ្ជកម្មពិភពលោក បាននិយាយនៅក្នុងសេចក្ដីថ្លែងការណ៍រួមមួយថា រដ្ឋាភិបាលទាំងអស់ត្រូវតែធ្វើសកម្មភាព ដោយគ្មានការពន្យារពេលបន្ថែមទៀត បើមិនដូច្នេះពួកគេនឹងប្រឈមមុខនឹងហានិភ័យនៃរលកបន្ត និងការផ្ទុះឡើងនៃវីរុស COVID-19 ជាច្រើនទៀត ព្រមទាំងវីរុសបំប្លែងខ្លួនថ្មីដែលងាយចម្លង បានធ្វើឱ្យអន្តរាយដល់ការងើបឡើងវិញនៃពិភពលោក។មេដឹកនាំទាំងអស់បានជំរុញឱ្យមេដឹកនាំរដ្ឋាភិបាល ផ្ដល់ហិរញ្ញប្បទានជាបន្ទាន់ជាផែនទីបង្ហាញផ្លូវថ្មីនូវចំនួនទឹកប្រាក់តម្លៃ ៥០ពាន់លានដុល្លារ ដើម្បីពន្លឿនការចែកចាយឧបករណ៍សុខាភិបាលប្រកបដោយសមធម៌ ដើម្បីជួយបញ្ចប់ជំងឺរាតត្បាតដែលបានបំផ្លាញអាយុជីវិតមនុស្ស និងជីវភាពរស់នៅអស់រយៈពេល ១៨ខែ និងកំណត់មូលដ្ឋានគ្រឹះសម្រាប់ការងើបឡើងវិញជាសកល៕អត្ថបទ៖ ប៊ុនថន

ប្រមុខរាជរដ្ឋាភិបាលកំណត់យកថ្ងៃអាទិត្យ ទី០៥ មិថុនា ឆ្នាំក្រោយនេះ ជាកាលបរិច្ឆេទបោះឆ្នោតឃុំសង្កាត់

ភ្នំពេញ៖ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានកំណត់យកថ្ងៃទី០៥ ខែមិថុនាឆ្នាំក្រោយនេះ ជាកាលបរិច្ឆេទនៃការបោះឆ្នោតជ្រើសរើសក្រុមប្រឹក្សាឃុំសង្កាត់។ការកំណត់កាលបរិច្ឆេទជាក់លាក់នេះ ត្រូវបានប្រកាសឱ្យដឹងនៅក្នុងសេចក្ដីសម្រេចរបស់រាជរដ្ឋាភិបាលចេញកាលពីថ្ងៃម្សិលមិញនេះ។ក្នុងសេចក្ដីសម្រេចនោះ សម្ដេចតេជោ ហ៊ុន សែន បានថា ការបោះឆ្នោតជ្រើសរើសសមាជិកក្រុមប្រឹក្សាឃុំសង្កាត់នៅទូទាំងប្រទេសសម្រាប់អាណត្តិថ្មី ត្រូវកំណត់ធ្វើឡើងនៅថ្ងៃអាទិត្យ ទី០៥ ខែមុថិនា ឆ្នាំ២០២២៕

ប្រទេសជប៉ុនផ្តល់ជំនួយបន្ថែមចំនួន ៨០០លានដុល្លារអាមេរិកដល់ស្ថាប័ន COVAX

ជប៉ុន៖ សារព័ត៌មាន Mainichi បានរាយការណ៍នៅថ្ងៃពុធនេះថា នាយករដ្ឋមន្ត្រីជប៉ុន លោក Yoshihide Suga មានផែនការបន្ថែមជំនួយចំនួន ៨០០លានដុល្លារសហរដ្ឋអាមេរិកទៅកាន់កម្មវិធីមជ្ឈមណ្ឌល COVAX របស់អង្គការសហប្រជាជាតិ ដែលផ្តល់វ៉ាក់សាំង COVI-19 ទៅដល់បណ្ដាប្រទេសនានាក្នុងតម្រូវការ។ប្រទេសជប៉ុនបានសន្យារួចហើយនូវទឹកប្រាក់ចំនួន ២០០លានដុល្លារសហរដ្ឋអាមេរិកដល់មជ្ឈមណ្ឌល COVAX ហើយប្រទេសនេះត្រូវបានគេរំពឹងថា ប្រកាសការផ្តល់ជំនួយនៃដូសវ៉ាក់សាំងទៅកម្មវិធីនេះ។ លោក Suga ធ្វើជាប្រធាននៃកិច្ចប្រជុំកំពូលរបស់មជ្ឈមណ្ឌល COVAX តាមប្រព័ន្ធអ៊ីនធឺណិត ដែលចូលរួមដោយអនុប្រធានាធិបតីសហរដ្ឋអាមេរិក លោកស្រី Kamala Harris, អ្នកផ្តល់ជំនួយមនុស្សធម៌លោក Bill Gates និងអ្នកតំណាងមកពីក្រុមប្រទេស G7។ មន្ត្រីរដ្ឋាភិបាលជប៉ុនបានប្រាប់អ្នកសារព័ត៌មានថា កិច្ចប្រជុំមានគោលបំណងបំពេញចន្លោះមូលនិធិនូវទឹកប្រាក់ចំនួន ១.៧ពាន់លានដុល្លារសហរដ្ឋអាមេរិក ហើយត្រូវបានគេរំពឹងថាបណ្ដាប្រទេស និងអង្គការជាច្រើននឹងជំរុញការសន្យារបស់ពួកគេទាំងថវិកា និងដូសវ៉ាក់សាំងរបស់ពួកគេ។សមាជិកសភារបស់ប្រទេសជប៉ុន បានជំរុញឲ្យមានការផ្តល់ការផ្គត់ផ្គង់វ៉ាក់សាំង Astra Zeneca ដល់កោះតៃវ៉ាន់ ដែលកំពុងដោះស្រាយការកើនឡើងការឆ្លងក្នុងស្រុក និងបានចាក់វ៉ាក់សាំងដល់ប្រជាជនតិចជា ២% ក្នុងចំណោមប្រជាជន ២៣.៥លាននាក់៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

UN៖ ករណីឆ្លងជំងឺអេបូឡានៅកុងហ្គោ កើនឡើងជាង ១.៥៦០នាក់ ស្របពេលវិបត្តិជម្លៀសខ្លួនកាន់តែអាក្រក់

នាវាដឹកប្រេង ២គ្រឿងរងការវាយប្រហារនៅច្រកសមុទ្រ Hormuz ខណៈមនុស្សរាប់លាននាក់កាន់ទុក្ខលោក Khamenei

រយៈពេល ១ពាន់ថ្ងៃនៃអំពើប្រល័យពូជសាសន៍អ៊ីស្រាអែលនៅតំបន់ហ្កាហ្សា

ការតម្រង់ជួរយ៉ាងវែងនៅតាមស្ថានីយប្រេងក្នុងទីក្រុង Omsk ក្រោយអ៊ុយក្រែនវាយប្រហាររោងចក្រចម្រាញ់ប្រេងធំបំផុតរបស់រុស្ស៊ី

អាមេរិក និងអង្គការណាតូ ប្រកាសកិច្ចព្រមព្រៀងការពារជាតិក្នុងកិច្ចប្រជុំកំពូលនៅទីក្រុង Ankara

ពលរដ្ឋអ៊ីរ៉ង់កាន់បដាគំរាមលោក Trumpនៅពិធីបុណ្យសពអតីតមេដឹកនាំ Khamenei

វិមានក្រឹមឡាំងសង្ឃឹមថា កិច្ចខិតខំសន្តិភាពរបស់អាមេរិកនៅអ៊ុយក្រែន នឹងជោគជ័យ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

ពលរដ្ឋហ្កាហ្សាសង្ឃឹមថា ការរំសាយស្ថាប័នក្រុមហាម៉ាស នឹងជំរុញឲ្យមានកសាងតំបន់ឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ជប៉ុន ប្រគល់អំណោយរថយន្តគិលានសង្រ្គោះចំនួន៣០បន្ថែមទៀត ជូនកម្ពុជា ដើម្បីឆ្លើយតបការរាតត្បាតជំងឺកូវីដ-១៩

វ៉ាក់សាំង​ជាង ​២​ពាន់​លាន​ដូ​សត្រូវ​បាន​ចាក់​ជូន​ប្រជា​ពលរដ្ឋ​ទូទាំង​ពិភពលោក​

ចិន​ការពារ​ទំនាក់ទំនង​កម្ពុជា បន្ទាប់ពី​សហរដ្ឋ​អាមេរិក​សម្ដែង​ក្តី​ព្រួយបារម្ភ​

ប្រទេស​ឥណ្ឌា​មាន​ករណី​ឆ្លង​ជំងឺ COVID-19 សរុប​ចំនួន​ ២៨.៤៤១.៩៨៦​នាក់​

ការ​តវ៉ា​គាំទ្រ និង​ប្រឆាំង​លោក​ Netanyahu​ ផ្ទុះឡើង​នៅ​អ៊ីស្រាអែល​ ខណៈ​កិច្ចព្រមព្រៀង​ត្រូវ​បាន​ប្រកាស​

WHO​ សូម​ស្វាគមន៍​ការ​វិនិយោគ​ទឹក​ប្រាក់​ ៥០​ពាន់​លាន​ដុល្លារ​អាមេរិក​ប្រយុទ្ធ​ប្រឆាំង COVID-19

ប្រទេស​ជប៉ុន​ផ្តល់​ជំនួយ​បន្ថែម​ចំនួន ៨០០​លាន​ដុល្លារ​អាមេរិក​ដល់​ស្ថាប័ន​ COVAX​