BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ក្រុមគ្រូពេទ្យ TYDA ប្រកាសថា អ្នកជំងឺកូវីដ-១៩ចំនួន ១២៧នាក់ទៀតនៅមណ្ឌលព្យាបាលកោះពេជ្រជាសះស្បើយឡើងវិញ

ភ្នំពេញ៖ សមាគមពេទ្យស្ម័គ្រចិត្តយុវជនសម្ដេចតេជោ បានអះអាងថា អ្នកជំងឺកូវីដ-១៩ចំនួន ១២៧នាក់ទៀត នៅមណ្ឌលព្យាបាលកោះពេជ្រ ត្រូវបានអនុញ្ញាតឱ្យចាកចេញត្រឡប់ទៅផ្ទះវិញហើយនៅព្រឹកថ្ងៃនេះ បន្ទាប់ពីជាសះស្បើយពីជំងឺ។ក្រុមពេទ្យស្ម័គ្រចិត្តយុវជនសម្ដេចតេជោ ឬហៅកាត់ថា TYDA បានអះអាងបែបនេះនៅលើទំព័រហ្វេសប៊ុករបស់ខ្លួននៅយប់នេះ។ទំព័រហ្វេសប៊ុកក្រុមពេទ្យស្ម័គ្រយុជនស្ម័គ្រចិត្តសម្ដេចតេជោ បានបញ្ជាក់ផងដែរថា អ្នកជាសះស្បើយថ្មីទាំង ១២៧នាក់នោះ ត្រូវបានក្រុមគ្រូពេទ្យណែនាំឱ្យបន្តធ្វើចត្តាឡីស័ក ឬរក្សាខ្លួននៅដាច់ដោយឡែកនៅផ្ទះដោយខ្លួនឯងរយៈពេល ១៤ថ្ងៃបន្ថែមទៀត ដើម្បីតាមដានសុខភាព៕

កាកបាទក្រហមអំពាវនាវដល់សប្បុរសជន បន្តផ្ដល់ជំនួយនៅអំឡុងស្ថានភាពដ៏លំបាកនាពេលនេះ

ភ្នំពេញ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាបានអំពាវនាវដល់ស ប្បរសជនជាតិនិងអន្តរជាតិបន្តស្មារតីវប្បធម៌ចែករម្លែកជួយដល់សកម្មភាពកាកបាទក្រហមកម្ពុជា ជាពិសេសក្នុងគ្រាដ៏លំបាកដែលយើងបាននិងកំពុងប្រឈមជាមួយនឹងជម្ងឺរាតត្បាតសកលកូវីដ១៩។តាមរយៈសាលិខិតរបស់សម្តេចប្រធានកាកបាទក្រហមកម្ពុជា ក្នុងឱកាសខួបទី១៥៨ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២១ក្រោម ប្រធានបទ "ទាំងអស់គ្នារួមជាមួយកាក បាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ និងបានបង្ហាញពីការ ប្តេជ្ញាចិត្តរបស់កាកបាទក្រហមកម្ពុជាក្នុងសកម្មភាពមនុស្សធម៌ជាពិសេសក្នុងគ្រាដ៏លំបាកនៃការរាត ត្បាតជាសកលជម្ងឺកូវីដ១៩ និងបានសំដែងអំណរព្រះគុណដល់អង្គព្រះមហាក្សត្រ និងសម្តចម៉ែដែលតែងតែប្រទានព្រះរាជទ្រព្យប្រចាំខែដល់កាកកាទក្រហមនិងលើកឡើងពីសមិទ្ធផលធំៗដែលកាកបាទក្រហមសម្រេចបានក្នុងឆ្នាំកន្លងមក សម្តេចកិត្តិព្រឹទ្ធបណ្ឌិតក៏បានបន្តអំពាវនាវដល់សប្បុរសជនជាតិនិងអន្តរជាតិចូលរួមគាំទ្រតាមស្មារតីចែករម្លែកជួយដល់កាកបាទក្រហមកម្ពុជាបន្តទៀតជាពិសេស ក្នុងស្ថានភាពដ៏លំបាកធ្ងន់ធ្ងរនៃការឆ្លងរីករាលដាលកូវីដ១៩។សារលិខិតសម្តេចដដែលបន្តថា សម្រាប់ឆ្នាំ២០២១នេះ ក្នុងបរិការណ៍នៃការទប់ស្កាត់ការរាតត្បាតជា សកលជំងឺកូវីដ- ១៩ និង ផលប៉ះពាល់បង្កឡើងដោយការប្រែប្រួលអាកាសធាតុ កាកបាទក្រហមកម្ពុជាគ្រប់លំដាប់ថ្នាក់ ត្រូវត្រៀមទុកជាមុននូវមធ្យោបាយជាសម្ភារ ស្បៀង និងថវិកាសម្រាប់និរន្តរភាពដល់ក្រុមអ្នកងាយរងគ្រោះដោយជំងឺកូវីដ-១៩ ត្រូវអប់រំ កសាងសមត្ថភាពដល់ក្រុមទាំងនោះ ដើម្បីរៀ នបន្ស៊ាំទៅនឹងគ្រប់ស្ថានភាពនៃគ្រោះមហន្តរាយឱ្យបានប្រសើរជាងមុន។ ជាមួយនេះ ក៏ត្រូវបន្តអនុវត្តវិស័យអាទិភាពទាំង ៤ ដែលជាភារកិច្ចស្នូល របស់កាកបាទក្រហមកម្ពុជា រួមមាន ៖ ១.ការគ្រប់គ្រងគ្រោះមហន្តរាយ និងការប្រែប្រួលអាកាសធាតុ, ២.សុខភាព និងការថែទាំសុខភាពក្នុងសហគមន៍, ៣.លើកកម្ពស់អំពីគុណតម្លៃរបស់ចលនា សេចក្ដីថ្លៃថ្នូរ របស់មនុស្សជាតិ វប្បធម៌អហិង្សានិងសន្តិភាព ប្រកបដោយបរិយាប័ន្ន និងចីរភាព, ៤.ការអភិវឌ្ឍស្ថាប័ន។សម្តេចបានអំពាវនាវប្រកបដោយក្តីសង្ឃឹមយ៉ាងមុតមាំថា ក្នុងគ្រាដ៏លំបាកដែលយើងទាំងអស់គ្នា បាន និងកំពុងប្រឈមជាមួយជំងឺរាតត្បាតសកលកូវីដ-១៩ ពិតណាស់ សម្តេច ឯកឧត្តម លោក ជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន នឹងបន្តឧបត្ថម្ភគាំទ្រដោយសទ្ធាជ្រះថ្លា និងក្នុងស្មារតីនៃវប្បធម៌ចែករំលែកដល់កាក បាទ ក្រហមកម្ពុជា ដើម្បីសមាគមជាតិបន្តផ្តល់សេវាកម្មមនុស្សធម៌ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ ដើម្បីរួមចំណែកក្នុងការធ្វើឱ្យប្រក្រតីភាពជីវិតរស់នៅតាមគន្លងថ្មី។ទន្ទឹមនឹងនេះ សម្តេចប្រធានបានអំពាវនាវដល់បងប្អូនរួមជាតិ សូមចូលរួមយុទ្ធនាការចាក់វ៉ាក់សាំងកូវីដ-១៩ អនុវត្តឱ្យបានខ្ជាប់ខ្ជួនជាប្រចាំនូវវិធានការបង្ការ និងទប់ស្កាត់ការរីករាលដាលនៃជំងឺកូវីដ-១៩ តាមរយៈការអនុវត្តវិធាន ៣ការពារ និង ៣កុំ។ សូមបងប្អូនជ្រាបថា ការចូលរួមដ៏សកម្មពីបងប្អូនក្នុងការអនុវត្តរាល់វិធានការសុខាភិបាល គឺជាប្រការដ៏សំខាន់បំផុតនាំឱ្យយើងជម្នះបានគ្រាដ៏សែនលំបាកនេះទាំងអស់គ្នា៕ អត្ថបទ៖ មុត សុទ្ធ

ប្រមុខរាជរដ្ឋាភិបាលសម្ដេចតេជោ ហ៊ុន សែន ចេញសេចក្ដីណែនាំបន្ថែម ដើម្បីពង្រឹងការទប់ស្កាត់ការឆ្លងមេរោគកូវីដ-១៩

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានចេញសេចក្ដីណែនាំបន្ថែមទៅអាជ្ញាធររាជធានី និងខេត្ត បន្ទាប់ពីសម្ដេចសម្រេចបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅចាប់ពីថ្ងៃព្រហស្បតិ៍ខានស្អែកនេះ។ក្នុងសេចក្ដីណែនាំចេញនៅថ្ងៃនេះ សម្ដេចតេជោ ហ៊ុន សែន បានចង្អុលបង្ហាញទៅអភិបាលរាជធានីភ្នំពេញ និងខេត្តកណ្ដាល ឱ្យសម្របសម្រួល និងផ្ដល់ការគាំទ្រចាំបាច់នានាទៅដល់គណៈកម្មការចំពោះកិច្ចចាក់វ៉ាក់សាំង ដើម្បីជំរុញការចាក់វ៉ាក់សាំងដល់ប្រជាពលរដ្ឋស្ថិតក្នុងភូមិសាស្ត្រទាំងពីរនេះ។ប្រមុខរាជរដ្ឋាភិបាល បានណែនាំទៅគ្រប់អភិបាលរាជធានី និងខេត្តទាំងអស់ ឱ្យរៀបចំតំបន់បិទខ្ទប់ជា ៣សំខាន់ រួមមាន«តំបន់ក្រហម» ដែលសំដៅដល់តំបន់មានការផ្ទុះការឆ្លងមេរោគកូវីដ-១៩កម្រិតធ្ងន់ធ្ងរ «តំបន់លឿងទុំ» សំដៅដល់តំបន់ប្រឈមមុខនឹងការឆ្លងមេរោគកូវីដ-១៩កម្រិតមធ្យម និង«តំបន់លឿង» ដែលសំដៅដល់តំបន់ប្រឈមមុខនឹងការឆ្លងមេរោគកូវីដ-១៩កម្រិតស្រាល។សម្រាប់«តំបន់ក្រហម» និង«តំបន់លឿង» សម្ដេចតេជោ ហ៊ុន សែន បានប្រាប់ទៅអាជ្ញាធរទាំងអស់ ឱ្យពង្រឹងការត្រួតពិនិត្យចរាចរណ៍ចេញ-ចូលក្នុងតំបន់ទាំងពីរនេះ ដើម្បីបង្ការការឆ្លងរាលដាលនៃមេរោគកូវីដ-១៩។សម្ដេចតេជោ ហ៊ុន សែន ក៏បានប្រាប់ឱ្យត្រៀមបម្រុងស្បៀងអាហារទុកជាមុន សម្រាប់ផ្គត់ផ្គង់ដល់ប្រជាពលរដ្ឋនៅតំបន់ណាមួយដែលអាជ្ញាធរខេត្តនីមួយៗរៀបចំជាតំបន់បិទខ្ទប់៕

WHO៖ ឥណ្ឌាគួរតែត្រៀមខ្លួនឲ្យបានរួចរាល់ក្នុងការប្រយុទ្ធប្រឆាំងនឹងជំងឺ COVID-19

ឥណ្ឌា៖ លោកវេជ្ជបណ្ឌិត រ៉ូដឺរីកូ អូហ្វ្រីន អ្នកតំណាងអង្គការសុខភាពពិភពលោក (WHO) ប្រចាំនៅឥណ្ឌាបាននិយាយថា វិបត្តិជំងឺ COVID-19 នៅក្នុងប្រទេសមួយនេះបណ្ដាមកពីកត្តាច្រើន ហើយលោកបានធ្វើការសង្កត់ធ្ងន់ពីតម្រូវការ មុនការប្រកួតក្នុងការឆ្លើយតប និងត្រៀមខ្លួនដើម្បីប្រយុទ្ធប្រឆាំងនឹងវីរុសដ៏កាចសាហាវមួយនេះ។នៅក្នុងបទសម្ភាសន៍កាលពីថ្ងៃចន្ទលោក អូហ្វ្រីន បាននិយាយថា កត្តាសំខាន់នៅក្នុងវិបត្តិនៅឥណ្ឌាកំពុងប្រឈមបច្ចុប្បន្ន គឺវីរុសមានឱកាសចម្លងបានយ៉ាងលឿន ក្រោយបើកប្រទេសឡើងវិញកាលពីខែកុម្ភៈកន្លងទៅ ហើយនឹងមិនបានអនុវត្តន៍តាមការណែនាំឲ្យប្រុងប្រយត្នចំពោះជំងឺ COVID-19។ លោក អូហ្វ្រីន បន្តថា ថ្វីត្បិតតែមានភស្តុតាងថា វីរុសបម្លែងខ្លួនថ្មីឆ្លងច្រើនជាងមុនក៏ដោយ វីរុសដំបូង SARS-COV2 នៅតែជាវីរុសលេចធ្លោដដែល។ លោកកត់សំគាល់ឃើញថា វិធានការតែមួយដែលបានណែនាំកាលពីមុន ដើម្បីទប់ស្កាត់ការចម្លងនៅតែមានសុពលភាព ហើយនឹងបន្តមានសុពលភាព។លោក អូហ្វ្រីន បញ្ជាក់ថា ការរីករាលដាលឆ្លងបច្ចុប្បន្ននៅប្រទេសឥណ្ឌាខុសប្លែកពីអឺរ៉ុប និងសហរដ្ឋអាមេរិកលើទំហំនៃការចម្លង។ ហេតុដូច្នេះហើយ ពួកយើងត្រូវតែត្រៀមខ្លួនឲ្យបានមុនការប្រកួត។ លោកគិតថា វាគឺជាចំណុចសំខាន់ ដោយសារតែយើងដឹងពីវិធីសាស្ត្រទប់ស្កាត់វា ក្នុងនោះរួមទាំងការធ្វើតេស្តស្វែងរកវីរុស ការតាមដានការប្រាស្រ័យទាក់ទងគ្នា ការព្យាបាលឲ្យបានទាន់ពេល ការពាក់ម៉ាស់ ការលាងដៃ និងរក្សាគំលាតសុវត្ថិភាព ក៏ដូចជាការចាក់វ៉ាក់សាំង៕អត្ថបទ៖ សារ៉ាត់

គ្រោះមហន្តរាយករណីឆ្លងជំងឺ COVID-19 នៅប្រទេសឥណ្ឌាប្រៀបដូចជាការរញ្ជួយដី

ឥណ្ឌា៖ ក្រុមគ្រូពេទ្យនៅក្នុងមន្ទីរពេទ្យមួយកន្លែង នៅទីក្រុងញូដេលីបាននិយាយថា ហេដ្ឋារចនាសម្ព័ន្ធរបស់ពួកគេជិតដួលរលំ ស្របពេលដែលមានការកើនឡើងនៃការឆ្លងវីរុសកូរ៉ូណា ហើយបានសុំជំនួយពីបណ្ដាប្រទេសលោកខាងលិច និងសហគមន៍អន្តរជាតិ។ គ្រែអ្នកជំងឺត្រូវបានពេញ ហើយការផ្គត់ផ្គង់អុកស៊ីសែនមានបរិមាណទាបនៅតាមកន្លែងនានា ដែលជាហេតុនាំឱ្យមានមនុស្សស្លាប់ច្រើន។ក្នុងករណីខ្លះវិធីតែមួយគត់ សម្រាប់អ្នកជំងឺថ្មីទទួលបានគ្រែសង្គ្រោះបន្ទាន់ ICU លុះត្រាតែអ្នកជំងឺសម្រាកលើគ្រែមុននោះបានស្លាប់។ វិបត្តិនេះហាក់ដូចជាមិនមានសញ្ញានៃការធូរស្រាលទេ មានន័យថាបុគ្គលិកពេទ្យក៏ជិតអស់កម្លាំងដែរ។ លោកវេជ្ជបណ្ឌិត Sumit Ray បានពិពណ៌នាអំពីស្ថានភាពនេះថា ជាគ្រោះមហន្តរាយដ៏ធំ ហើយបាននិយាយថា ការឆ្លើយតបដែលអាចប្រៀបធៀបទៅនឹងអ្វីដែលនឹងមាន បន្ទាប់ពីមើលឃើញថា ដូចជាការរញ្ជួយដីនោះគឺត្រូវតែមានវិធានការជាចាំបាច់។ក្រសួងសុខាភិបាលនិយាយថា មនុស្សជាង ២២២,០០០នាក់បានស្លាប់ និងជាង ២០,២៧៥,០០០នាក់បានឆ្លង។ ប្រទេសឥណ្ឌាបានរាយការណ៍ថា មានករណីឆ្លងវីរុសកូរ៉ូណាចំនួន ៣៦៨.១៤៧នាក់ និងស្លាប់ចំនួន ៣.៤១៧នាក់កាលពីថ្ងៃច័ន្ទដោយសារតែកង្វះការធ្វើតេស្ត និងការរាយការណ៍មិនគ្រប់គ្រាន់៕អត្ថបទ៖ សុខមាន

ពេលនេះឥណ្ឌាមានអ្នកស្លាប់ដោយសារវីរុសកូរ៉ូណាខ្ពស់បំផុតលំដាប់ទី៣ នៅលើពិភពលោក

ឥណ្ឌា៖ ចំនួនអ្នកស្លាប់ដោយសារវីរុសកូរ៉ូណា នៅក្នុងប្រទេសឥណ្ឌាបានហក់ឡើងជាង ២១៨,០០០នាក់ ដែលធ្វើឲ្យប្រទេសនេះក្លាយជាប្រទេសទី៣ ដែលមានអ្នកស្លាប់ខ្ពស់បំផុតនៅក្នុងពិភពលោក។ រដ្ឋាភិបាលបានរាយការណ៍ថា មានករណីឆ្លងថ្មីចំនួន ៣៦៨.១៤៧នាក់ និងអ្នកស្លាប់ចំនួន ៣.៤១៧នាក់កាលពីថ្ងៃច័ន្ទ។ចំនួនអ្នកស្លាប់សរុបនៅក្នុងប្រទេសឥណ្ឌាមានចំនួន ២១៨.៩៥៩នាក់គិតត្រឹមម៉ោង ១០ព្រឹកម៉ោងនៅក្នុងប្រទេសឥណ្ឌាកាលពីថ្ងៃច័ន្ទ នេះបើយោងតាមទិន្នន័យពីសាកលវិទ្យាល័យ Johns Hopkins នៅសហរដ្ឋអាមេរិក។ ឥលូវនេះប្រទេសឥណ្ឌាបានឡើងហួសប្រទេសម៉ិចស៊ិកក្នុងចំនួនអ្នកស្លាប់ ហើយស្ថិតនៅពីក្រោយសហរដ្ឋអាមេរិក និងប្រេស៊ីល។ ប្រទេសនេះបាននឹងកំពុងពុះពារ ដើម្បីទទួលបានសមត្ថភាពមន្ទីរពេទ្យគ្រប់គ្រាន់ និងការផ្គត់ផ្គង់អុកស៊ីសែនវេជ្ជសាស្ត្រ ដោយសារតែមានករណីឆ្លងកើនឡើងយ៉ាងឆាប់រហ័ស។ ប្រព័ន្ធផ្សព្វផ្សាយក្នុងស្រុកបានរាយការណ៍ថា មនុស្ស ២៤នាក់បានស្លាប់ទាំងយប់នៅមន្ទីរពេទ្យមួយក្នុងរដ្ឋ Karnataka នៅភាគខាងត្បូងប្រទេសនេះ ដោយសារការពន្យារពេលនៃការផ្គត់ផ្គង់អុកស៊ីសែន។បណ្ដាប្រទេសនៅជុំវិញពិភពលោកបានផ្តល់ការគាំទ្រ ស្របពេលមានករណីឆ្លងហក់ឡើង។ ប្រទេសឥណ្ឌាបានទទួលការបញ្ជូនឱសថប្រឆាំងវីរុស Remdesivir មួយវគ្គពីសហរដ្ឋអាមេរិកកាលពីថ្ងៃអាទិត្យ ខណៈដែលចក្រភពអង់គ្លេសរំពឹងថា នឹងបញ្ជូនម៉ាស៊ីនជំនួយខ្យល់ដកដង្ហើមបន្ថែមចំនួន ១.០០០គ្រឿងបន្ថែមទៀត។ ប្រព័ន្ធថែទាំសុខភាពរបស់ប្រទេសឥណ្ឌា ស្ថិតនៅក្នុងស្ថានភាពទ្រុឌទ្រោម។ រដ្ឋាភិបាលកំពុងប្រញាប់ប្រញាល់អនុវត្តវិធានការគាំទ្រជាបន្តបន្ទាប់ រួមទាំងការដំឡើងម៉ាស៊ីនផលិតអុកស៊ីសែន នៅតាមមណ្ឌលវេជ្ជសាស្ត្រនានានៅទូទាំងប្រទេស៕អត្ថបទ៖ សុខមាន

សម្តេចតេជោ ហ៊ុន សែន ឧបត្ថម្ភថវិកាបន្ថែម ជូនទៅបណ្តាខេត្តជាប់ព្រំដែនកម្ពុជា-ថៃ និងវៀតណាម ដើម្បីរៀបចំចាត់ចែងធ្វើចត្តាឡីស័ក

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានឧបត្ថម្ភថវិកាបន្ថែមចំនួន២២៩០លានរៀល (២,២៩០,០០០,០០០រៀល) ជូនទៅបណ្តាខេត្តជាប់ព្រំដែនកម្ពុជា-ថៃ និងវៀតណាម ចំនួន២១ខេត្ត ដើម្បីរៀបចំាចាត់ចែងធ្វើចត្តាឡីស័ក ចាប់ពីថ្ងៃទី០៣ ដល់០៩ ខែឧសភា ឆ្នាំ២០២១។ បើយោងតាមការបញ្ជាក់របស់លោកជំទាវ វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ ប្រាប់BTV ព័ត៌មាន នាល្ងាចថ្ងៃទី០៣ ឧសភា ២០២១នេះថា ដោយទទួលបានការយកចិត្តទុកដាក់ខ្ពស់ពីសម្តេចតេជោ ហ៊ុន សែន និងទទួលបានការឧបត្ថម្ភថវិកាបន្ថែម ជូនបណ្តាខេត្តចំនួន២១ ដូចខាងក្រោម១.ខេត្តបាត់ដំបង ទទួលបានថវិកា២០០លានរៀល២.ខេត្តបន្ទាយមានជ័យ ទទួលបានថវិកា១៨០លានរៀល៣.ខេត្តប៉ៃលិន ទទួលបានថវិកា៦០លានរៀល៤.ខេត្តកោះកុង ទទួលបានថវិកា២០លានរៀល៥.ខេត្តពោធិ៍សាត់ ទទួលបានថវិកា២២០លានរៀល៦.ខេត្តព្រះវិហារ ទទួលបានថវិកា៣០លានរៀល៧.ខេត្តកណ្តាល ទទួលបានថវិកា ២៥០លានរៀល៨.ខេត្តស្វាយរៀង ទទួលបានថវិកា១០លានរៀល៩.ខេត្តព្រៃវែង ទទួលបានថវិកា១៧០លានរៀល១០.ខេត្តត្បូងឃ្មុំ ទទួលបានថវិកា ១៧០លានរៀល១១.ខេត្តមណ្ឌលគីរី ទទួលបានថវិកា ១០លានរៀល១២.ខេត្តរតនគិរី ទទួលបានថវិកា ២០លានរៀល១៣.ខេត្តកំពត ទទួលបានថវិកា១០លានរៀល១៤.ខេត្តតាកែវ ទទួលបានថវិកា១១០លានរៀល១៥.ខេត្តកំពង់ចាម ទទួលបានថវិកា ១៥០លានរៀល១៦.ខេត្តកំពង់ឆ្នាំង ទទួលបានថវិកា ១៧០លានរៀល១៧.ខេត្តកែប ទទួលបានថវិកា១០លានរៀល១៨.ខេត្តកំពង់ស្ពឺ ទទួលបានថវិកា១៧០លានរៀល១៩.ខេត្តកំពង់ធំ ទទួលបានថវិកា២០០លានរៀល២០.ខេត្តព្រះសីហនុ ទទួលបានថវិកា ៨០លានរៀល២១.ខេត្តសៀមរាប ទទួលបានថវិកា៥០លានរៀល។ ដោយឡែកសម្រាប់ខេត្តជាប់ព្រំដែនកម្ពុជា-ថៃ-វៀតណាម ទាំង២១ខេត្តនេះ មានអ្នកកំពុងធ្វើចត្តាឡីស័ក ចំនួនសរុប៣៩៨៩៩នាក់៕ អត្ថបទ រដ្ឋា

មនុស្ស ៧នាក់ស្លាប់ ស្របពេលដែលបាតុកម្មនៅសហភាពមីយ៉ាន់ម៉ាកំពុងអង្រួនពិភពលោក

មីយ៉ាន់ម៉ា៖ កងកម្លាំងសន្តិសុខសហភាពមីយ៉ាន់ម៉ា បានបើកការបាញ់ប្រហារដោយឥតញញើតដៃ ទៅលើក្បួនបាតុកម្មប្រឆាំងរដ្ឋប្រហារដ៏ធំបំផុតកាលពីថ្ងៃអាទិត្យ ដោយបានសម្លាប់មនុស្ស ៧នាក់រយៈពេល ៣០ថ្ងៃក្រោយការរឹបអូសអំណាច ធ្វើឲ្យប្រទេសមួយនេះធ្លាក់ទៅក្នុងវិបត្តិនយោបាយ។ក្រោយការធ្លាក់ចុះចំនួនមនុស្សចូលរួមបាតុកម្ម និងការអត់ធ្មត់ជាងមុនរបស់កងកម្លាំងសន្តិសុខ បាតុកម្មលើកនេះត្រូវបានចូលរួមដោយការធ្វើបាតុកម្ម នៅតាមតំបន់សហគមន៍មីយ៉ាន់ម៉ានៅទូទាំងពិភពលោក ដើម្បីចាប់ផ្ដើមនូវអ្វីដែលក្រុមអ្នករៀបចំបានចាត់ទុកថាជា “បដិវត្តន៍ពណ៌មីយ៉ាន់ម៉ាសកល”។ ក្រុមអ្នករៀបចំបាតុកម្មបាននិយាយ នៅក្នុងសេចក្តីថ្លែងការណ៍ថា “អង្រួនពិភពលោកជាមួយនឹងសំឡេងសាមគ្គីភាពប្រជាជនមីយ៉ាន់ម៉ា”។ ទីភ្នាក់ងារព័ត៌មាន Mizzima បានរាយការណ៍ថា ចរន្តក្រុមបាតុករដែលខ្លះដឹកនាំដោយព្រះសង្ឃ បានដង្ហែក្បួនតាមដងផ្លូវនៅតាមទីក្រុងជាច្រើននៅទូទាំងប្រទេស ដែលរួមទាំងទីក្រុងពាណិជ្ជកម្មយ៉ាងហ្គោន និងទីក្រុងធំទី២ ម៉ាន់ដាឡេ ជាកន្លែងដែលមនុស្ស ២នាក់ត្រូវបានបាញ់សម្លាប់។យោងតាមការវាយតម្លៃពីអង្គការសហប្រជាជាតិ (UN) បានឲ្យដឹងថា សង្គ្រាមជាមួយក្រុមបះបោរជនជាតិដើមភាគតិច នៅតាមតំបន់ដាច់ស្រយោលនៅព្រំដែនភាគខាងជើង និងខាងកើតបានឡើងកម្តៅខ្លាំងផងដែរ ចាប់តាំងពីការធ្វើរដ្ឋប្រហារទម្លាក់រដ្ឋាភិបាលស៊ីវិលរបស់លោកស្រី អ៊ុងសាន ស៊ូជី ធ្វើឲ្យប្រជាពលរដ្ឋរាប់ម៉ឺននាក់ជម្លៀសខ្លួន៕អត្ថបទ៖ សារ៉ាត់

តុលាការឥណ្ឌាជំរុញឲ្យរដ្ឋាភិបាលសហព័ន្ធចាត់វិធានការទប់ស្កាត់ជំងឺ COVID-19 ខណៈមន្ទីរពេទ្យស្រែករកជំនួយ

ឥណ្ឌា៖ ស្របពេលដែលមន្ទីរពេទ្យ ពិបាកក្នុងការទទួលបានការផ្គត់ផ្គង់អុកស៊ីសែន និងអ្នកជំងឺ COVID-19 ស្លាប់កាន់តែច្រើនដោយសារតែការខ្វះខាតអុកស៊ីសែននោះ តុលាការនៅក្នុងរដ្ឋញូវដែល្លីបាននិយាយថា ពួកគេនឹងចាប់ផ្ដើមដាក់ទោសក្រុមមន្ត្រីរដ្ឋាភិបាលសហព័ន្ធរូបណា ដែលមិនបានចែកចាយគ្រឿងវេជ្ជសាស្ត្រសង្គ្រោះអាយុជីវិតមនុស្ស។កាលពីថ្ងៃអាទិត្យ ឥណ្ឌារាយការណ៍ករណីឆ្លងតិចតួច ៣៩២.៤៨៨នាក់ ដែលកាលពីរយៈពេល ២៤ម៉ោងមុនមានចំនួន ៤០១.៩៩៣នាក់។ ប្រទេសមួយនេះបានរាយការណ៍ករណីស្លាប់ ៣.៦៨៩នាក់ ធ្វើឲ្យករណីស្លាប់សរុបកើនឡើងដល់ ២១៥.៥៤២នាក់។ ក្រុមអ្នកជំនាញជឿជាក់ថា តួលេខទាំង២ នេះរាប់មិនទាន់គ្រប់នោះទេ ពោលគឺចំនួនឆ្លង និងចំនួនស្លាប់អាចនឹងច្រើនជាងនេះ។ លោក ហ្គូបតា ប្រធានមន្ទីរពេទ្យបាត្រាបាននិយាយថា អ្នកជំងឺ COVID-19 ចំនួន ១២នាក់ដែលរួមទាំងវេជ្ជបណ្ឌិតម្នាក់បានស្លាប់ នៅក្នុងមន្ទីរពេទ្យក្រុងញូវដែល្លី ក្រោយអស់ការផ្គត់ផ្គង់អុកស៊ីសែនរយៈពេល ៨០នាទី។ដោយសារតែរដ្ឋាភិបាល មិនអាចរក្សាការផ្គត់ផ្គង់អុកស៊ីសែនឲ្យបានទៀងទាត់ ក្រុមអាជ្ញាធរមន្ទីរពេទ្យជាច្រើន បានស្វែងរកការធ្វើអន្តរាគមន៍ពីតុលាការ នៅក្នុងរដ្ឋធានីប្រទេសឥណ្ឌា ជាកន្លែងដែលការបិទទីក្រុងបានបន្តរយៈពេល ១សប្ដាហ៍ទៀតដើម្បីទប់ស្កាត់រលកករណីឆ្លង៕អត្ថបទ៖ សារ៉ាត់

ដំណើរការចាក់វ៉ាក់សាំងនៅឥណ្ឌាកំពុងរអាក់រអួល ខណៈករណីឆ្លង និងស្លាប់ដោយសារ COVID-19 កើនឡើងខ្លាំង

ឥណ្ឌា៖ ខណៈមន្ទីរពេទ្យនានានៅក្នុងប្រទេសឥណ្ឌា កំពុងជួបប្រទះកង្វះខាតផ្គត់ផ្គង់អុកស៊ីសែន មានអ្នកជំងឺ COVID-19 កាន់តែច្រើនបានស្លាប់ដោយសារកង្វះសម្ភារៈសង្គ្រោះ។ កាលពីថ្ងៃអាទិត្យ ប្រទេសឥណ្ឌាបានកត់ការធ្លាក់ចុះបន្តិច នៃការឆ្លងថ្មីដោយមានចំនួន ៣៩២.៤៨៨នាក់ ពីចំនួនខ្ពស់បំផុត ៤០១.៩៩៣នាក់ក្នុងរយៈពេល ២៤ម៉ោងមុន។ប្រទេសនេះក៏បានរាយការណ៍ផងដែរថា មានអ្នកស្លាប់ចំនួន ៣.៦៨៩នាក់បន្ថែមទៀត ដែលនាំឲ្យអ្នកស្លាប់សរុបចំនួន ២១៥.៥៤២នាក់។ ប្រធានមន្ទីរពេទ្យ Batra Hospital បាននិយាយថា អ្នកជំងឺ COVID-19 ចំនួន ១២នាក់ រួមទាំងវេជ្ជបណ្ឌិតម្នាក់បានស្លាប់កាលពីថ្ងៃសៅរ៍ នៅមន្ទីរពេទ្យមួយក្នុងទីក្រុង New Delhi បន្ទាប់ពីអស់បរិមាណផ្គត់ផ្គង់អុកស៊ីសែនរយៈពេល ៨០នាទី។ កាសែត Times of India បានរាយការណ៍ថា មានមនុស្សស្លាប់ ១៦នាក់ផ្សេងទៀតនៅក្នុងមន្ទីរពេទ្យចំនួន ២ នៅរដ្ឋ Andhra Pradesh ភាគខាងត្បូង និង ៦នាក់ទៀតនៅមន្ទីរពេទ្យ Gurgaon ជាយក្រុង New Delhi ដោយសារតែកង្វះអុកស៊ីសែន។រដ្ឋខ្លះបាននិយាយរួចហើយថា ពួកគេមិនមានវ៉ាក់សាំងគ្រប់គ្រាន់សម្រាប់មនុស្សគ្រប់គ្នាទេ ហើយសូម្បីតែកិច្ចប្រឹងប្រែងដែលកំពុងបន្ត ដើម្បីចាក់ជូនប្រជាជនអាយុលើសពី ៤៥ឆ្នាំក៏កំពុងអស់ដែរ។ នៅទីក្រុង New Delhi យ៉ាងហោចណាស់មានមណ្ឌលចាក់វ៉ាក់សាំងមួយ ត្រូវបានគេមើលឃើញថាអស់ស្តុកវ៉ាក់សាំងបង្ការជំងឺ COVID-19៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អគ្គមេបញ្ជាការកងទ័ពម៉ាឡេស៊ី នឹងចុះពិនិត្យតំបន់ព្រំដែនកម្ពុជាដែលថៃរំលោភកាន់កាប់

វិស័យឯកជនគាំទ្ររដ្ឋ ក្នុងការបង្កើតគម្រោងប្រព័ន្ធគ្រប់គ្រងការដឹកជញ្ជូនលើសទម្ងន់កម្រិតកំណត់

Djokovic ឡើងវគ្គពាក់កណ្តាលផ្តាច់ព្រ័ត្រ Wimbledon ៨ ឆ្នាំជាប់គ្នា បន្តជួប Sinner

លោកTrump ហៅនាយករដ្ឋមន្ត្រីអ៊ីតាលីថាជា «មនុស្សល្អ» ប៉ុន្តែបន្ទោសលោកស្រីចំពោះការមិនជួយក្នុងសង្គ្រាមនៅអ៊ីរ៉ង់

ក្រុមបាតុកររាប់រយនាក់ ធ្វើបាតុកម្មប្រឆាំង NATO នៅទីក្រុងអ៊ីស្តង់ប៊ុលនៅថ្ងៃដំបូងនៃកិច្ចប្រជុំកំពូលនៅទួរគី

FIFA បើកការស៊ើបអង្កេតករណីរើសអើងពូជសាសន៍លើ IShowSpeed នៅ World Cup

ទណ្ឌកម្មរបស់អាមេរិក លើការនាំចេញប្រេងរបស់អ៊ីរ៉ង់ នឹងត្រឡប់ទៅរកស្ថានភាពដើមនៅថ្ងៃទី១៧ ខែកក្កដា

អ្នកវិភាគ៖ ការប៉ះទង្គិចគ្នារវាងអាមេរិកនិងអ៊ីរ៉ង់ ទំនងជាកើតឡើងដោយគ្មានដំណោះស្រាយនយោបាយដ៏ទូលំទូលាយ

មន្ត្រីអាមេរិកនិយាយថា ការវាយប្រហារបានកំណត់គោលដៅលើប្រព័ន្ធការពារដែនអាកាស និងមីស៊ីលរបស់អ៊ីរ៉ង់

មន្រ្ដីជំនាញ៖ ប្រាសាទតាមាន់ធំស្ថិតក្នុងទឹកដីកម្ពុជាទោះប្រើផែនទី១/២០០ ០០០ ឬផែនទីឯកតោភាគីថៃ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កាកបាទក្រហមអំពាវនាវដល់សប្បុរសជន​ បន្តផ្ដល់ជំនួយនៅអំឡុងស្ថានភាពដ៏លំបាកនាពេលនេះ

WHO៖ ឥណ្ឌា​គួរតែ​ត្រៀមខ្លួន​ឲ្យ​បាន​រួចរាល់​ក្នុង​ការ​ប្រយុទ្ធ​ប្រឆាំង​នឹង​ជំងឺ​ COVID-19

គ្រោះ​មហន្តរាយ​ករណី​ឆ្លង​ជំងឺ ​COVID-19 នៅ​ប្រទេស​ឥណ្ឌា​ប្រៀប​ដូច​ជា​ការ​រញ្ជួយ​ដី​

ពេល​នេះ​ឥណ្ឌា​មាន​អ្នក​ស្លាប់​ដោយសារ​វីរុស​កូ​រ៉ូ​ណា​ខ្ពស់​បំផុត​លំដាប់​ទី​៣ ​នៅ​លើ​ពិភពលោក

មនុស្ស ៧​នាក់​ស្លាប់ ស្រប​ពេល​ដែល​បាតុកម្ម​នៅ​សហភាព​មី​យ៉ាន់​ម៉ាកំពុង​អង្រួន​ពិភពលោក​