BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

បំផ្ទុះរថយន្តអត្តឃាតសម្លាប់មនុស្ស ៣០នាក់នៅផ្ទះសំណាក់ក្នុងខេត្ត Logar ប្រទេសអាហ្វហ្គានីស្ថាន

អាហ្វហ្គានីស្ថាន៖ មន្ត្រីក្នុងតំបន់និយាយថា សិស្សវិទ្យាល័យស្ថិតក្នុងចំណោមមនុស្ស ៣០នាក់ដែលត្រូវបានសម្លាប់នៅក្នុងការបំផ្ទុះរថយន្តអត្តឃាត នៅក្នុងប្រទេសអាហ្វហ្គានីស្ថាន។ គ្រាប់បែកបានផ្ទុះឡើងកាលពីល្ងាចថ្ងៃសុក្រ នៅជិតផ្ទះសំណាក់មួយកន្លែងដែលនិស្សិតទាំងនោះត្រូវបានគេរាយការណ៍ថា កំពុងស្នាក់នៅក្នុងទីក្រុង Pul-e-Alam ដែលជារដ្ឋធានីនៃខេត្ត Logar ភាគខាងកើត។មនុស្សរាប់សិបនាក់បានរងរបួស សាក្សីបានពិពណ៌នាអំពីការបាក់រលំដំបូលអគារ និងជនរងគ្រោះកំពុងជាប់នៅក្រោមគំនរបាក់បែក។ គ្មានក្រុមណាមួយបាននិយាយថា ខ្លួនជាអ្នកនៅពីក្រោយការផ្ទុះនោះទេ នៅពេលដែលមនុស្សបាននាំគ្នាតមអាហារនៅខែពិសិដ្ឋរ៉ាម៉ាដាន របស់សាសនាអ៊ីស្លាម។ ប្រទេសអាហ្វហ្គានីស្ថានមានការកើនឡើងនូវអំពើហិង្សា ចាប់តាំងពីលោកប្រធានាធិបតីអាមេរិក Joe Biden បានប្រកាសថា កងទ័ពអាមេរិកនឹងដកចេញនៅត្រឹមថ្ងៃទី១១ ខែកញ្ញា។ អគារមួយចំនួនត្រូវបានខូចខាតនៅក្នុងការផ្ទុះ នៅម៉ោងប្រហែល ១៩:០០ម៉ោងក្នុងស្រុក រួមទាំងផ្ទះសំណាក់ស៊ីវិលផងដែរ៕អត្ថបទ៖ សុខមាន

លោកជំទាវ ហ៊ុន ម៉ាណា និងឯកឧត្តម ឌី វិជ្ជា ផ្តល់អំណោយដល់អង្គការផ្ទះបាយកុមារ

ភ្នំពេញ៖ នៅព្រឹកថ្ងៃទី ៣០ ខែ មេសា ឆ្នាំ ២០២១នេះ ឯកឧត្តម ឌី វិជ្ជា និង លោកជំទាវ ហ៊ុន ម៉ាណា បានចាត់អោយលោក ជិន ប៊ុនធឿន ព្រមជាមួយក្រុមការងារនាំយកស្បៀងអាហារ គ្រឿងឧបភោគ បរិភោគជាច្រើនមុខទៅប្រគល់ជូនអង្គការផ្ទះបាយកុមារ ដែលស្ថិតក្នុងសង្កាត់បឹងកេងកង ៣ ខណ្ឌបឹងកេងកង រាជធានីភ្នំពេញ ។ គួររំលឹកផងថា អង្គការផ្ទះបាយកុមារនេះត្រូវបានបង្កេីតឡេីងនាថ្ងៃទី១ ខែកុម្ភៈ ឆ្នាំ២០១០ ដោយលោក ង៉ូវ ឈីវ ជាអតីនាយកអង្គការ ESPECA ។ គោលបំណងផ្ទះបាយកុមារ បង្កើតឡើងដើម្បីជួយកុមាររើសអេតចាយ កុមារស៊ុទាន កុមារជួបការលំបាក ដោយអង្គការផ្តល់ជាអាហារហូបចុកគ្រប់គ្រាន់ និងជំរុញកុមារអោយទៅរៀន ធ្វើយ៉ាងណាអោយចេះអាន និងចេះសរសេរ ជាពិសេសអោយពួកគេមានសុខភាពល្អ ។លោក ជិន ប៊ុនធឿន បានពាំនាំប្រសាសន៍ផ្តាំផ្ញើ សួរសុខទុក្ខពីសំណាក់ឯកឧត្តម ឌី វិជ្ជា និង លោកជំទាវ ហ៊ុន ម៉ាណា ជានិច្ចកាលលោកតែងតែគិតគូរពីសុខទុក្ខ របស់អង្ការ ក៏ដូចជាបងប្អូនប្រជាពលរដ្ឋទទួលបានការ ទំនុកបំរុងពីអង្គការ ។ នៅក្នុងថ្ងៃនេះ ឯកឧត្តម និងលោកជំទាវ បានផ្តល់ជូន អំណោយដើម្បីចូលរួមរំលែកការលំបាកក្នុងជីវភាពរបស់អង្គការបានមួយចំណែក ខណៈរាជរដ្ឋាភិបាលបានអនុវត្តការបិទខ្ទប់តំបន់មួយចំនួនក្នុងរាជធានីភ្នំពេញ និងក្រុងតាខ្មៅ ក្នុងការទប់ស្កាត់ការរីករាលដាលជំងឺកូវីដ-១៩ ជាហេតុដែលធ្វើអោយបងប្អូនទទួលរងផលប៉ះពាល់ ។ក្នុងឱកាសនោះ លោក ង៉ូវ ឈីវ ជាប្រធានអង្គការផ្ទះបាយកុមារបានមានប្រសាសន៍ថ្លែងអំណរគុណ យ៉ាងជ្រាលជ្រៅចំពោះឯកឧត្តម និង លោកជំទាវ ដែលតែងតែយកចិត្តទុកដាក់លើជីវភាពរបស់អង្គការ ពិសេស បងប្អូននៅតាមសហគមន៍គ្រប់រូប ។ ហើយការឧបត្ថម្ភនៅពេលនេះ អាចបង្កលក្ខណៈអោយយើងខ្ញុំមានលទ្ធក្នុងការចែករំលែក និងផ្គត់ផ្គង់បន្តដល់គ្រួសារខ្វះខាតនៅតាមបណ្តាសហគន៍ទាំង ៣ មានដូចជា សហគមន៍ព្រែកទាល់មានជ័យ , សហគមន៍បឹងត្របែក និង សហគមន៍ជ្រោយចង្វា ។ ល ។សូមបញ្ជាក់ផងដែរថា: គ្រួសារដែលអង្គការជួយទំនុកបំរុងទាំងអស់មានចំនួន ២២៥គ្រួសារ មកពី៣សហគមន៍ទី១-កុមាររស់នៅក្នុងសហគមន៍ព្រែកទាល់មានជ័យ មានចំនួន ៨០គ្រួសារ។ទី២-កុមាររស់នៅក្នុងសហគមន៍បឹងត្របែក មានចំនួន ៨៥គ្រួសារ។ទី៣-កុមាររស់នៅក្នុងសហគមន៍ជ្រោយចង្វា មានចំនួន ៦០គ្រួសារ។អំណោយដែលប្រគល់ជូនអង្គការនៅថ្ងៃនេះរួមមាន៖១-អង្ករ ២០០គីឡូ២-ត្រីខ ២០០កំប៉ុង៣-មី ០៣កេសធំ ស្មើ ១៨កេសតូច៤-ទឹកដោះគោខាប់ ០១កេស៥-ប៊ីចេង ០៥គីឡូ៦-អំបិល ០៥គីឡូ៧-ទឹកត្រី ០៣យួរ៨-ទឹកស៊ីអ៉ីវ ០៣យួរ៩-ទឹកសុទ្ធ ARUNA ៥០កេស១០-ម៉ាស់ ២០ ប្រអប់ ស្មើ ១០០០ម៉ាស់ហើយអំណោយដែលប្រគល់ជូនគ្រួសារទាំង ២២៥នៅថ្ងៃនេះ ដោយមួយគ្រួសារៗទទួលបាន៖១-អង្ករ ០១បេ២-ត្រីខ ០១យួរ ស្មើ ៣០កំប៉ុង៣-មី ០១កេសតូច៤-ទឹកដោះគោខាប់ ២កំប៉ុង៥-ទឹកត្រី ០១យួរ ស្មើ ០៦ដប៦-ទឹកស៊ីអ៉ីវ ០១យួរ ស្មើ ០៦ដប៧- ទឹកសុទ្ធ ARUNA ០១កេស ៕

ករណីស្លាប់ដោយសារជំងឺ COVID-19 នៅប្រទេសប្រេស៊ីលកើនឡើងជាង ៤០ម៉ឺននាក់

ប្រេស៊ីល៖ ក្រុមគ្រួសារសាច់ញាតិអ្នកស្លាប់ បន្តមកដល់ទីស្មសាន Vila Formosa ស្ថិតក្នុងទីក្រុងសៅប៉ូឡូ ប្រទេសប្រេស៊ីលកាលពីថ្ងៃព្រហស្បតិ៍ ដើម្បីបញ្ចុះសពមនុស្សជាទីស្រលាញ់របស់ពួកគេ ខណៈពេលដែលប្រទេសមួយនេះក្លាយជាប្រទេសទី២ នៅលើពិភពលោកមានករណីស្លាប់ជាង ៤០ម៉ឺននាក់។នៅក្នុងខែមេសានេះ មនុស្ស ១ម៉ឺននាក់បានស្លាប់ដោយសារជំងឺ COVID-19 ដែលជាខែមានមនុស្សស្លាប់ច្រើនបំផុត ហើយក្រុមអ្នកជំនាញសុខភាពបានធ្វើការព្រមានថា អាចនឹងមានថ្ងៃដ៏សោកសៅជាងនេះទៀត ពេលដែលអឌ្ឍគោលខាងត្បូងចូលដល់រដូវត្រជាក់។ ក្រសួងសុខាភិបាលប្រេស៊ីលបានរាយការណ៍ ករណីស្លាប់ជាង ៤ពាន់នាក់ក្នុងរយៈពេល ១ថ្ងៃកាលពីដើមខែមេសា ក្រៅពីពេលនោះមនុស្ស ៣.១០០នាក់បានស្លាប់ក្នុងរយៈពេល ១ថ្ងៃ។ តួលេខស្លាប់មនុស្សបានធ្លាក់ចុះបន្តិចវិញ មកនៅតិចជាង ២.៤០០នាក់ក្នុង ១ថ្ងៃក្នុងរយៈពេល ២សប្តាហ៍ចុងក្រោយនេះ។ ក្រុមអ្នកជំនាញសុខភាពក្នុងស្រុក បានស្វាគមន៍ការធ្លាក់ចុះករណីឆ្លង និងករណីស្លាប់កាលពីពេលថ្មីៗនេះ ហើយការកាត់បន្ថយសំពាធលើប្រព័ន្ធសុខភាព បានកើតមានឡើង។កំណត់ហេតុសុខភាពបង្ហាញថា មនុស្សជាង ១២.៨លាននាក់ទទួលបានការចាក់វ៉ាក់សាំងទាំង ២ដូសដែលស្មើនឹង ៦% នៃចំនួនប្រជាពលរដ្ឋសរុបរបស់ប្រេស៊ីល។ លោកប្រធានាធិបតី ជៃ បូសូណារ៉ូ ដែលបច្ចុប្បន្នរងការស៊ើបអង្កេត ដោយក្រុមសង្កេតការព្រឹទ្ធសភាសម្រាប់ការដោះស្រាយវិបត្តិជំងឺ COVID-19 នោះបាននិយាយម្តងហើយម្តងទៀតថា លោកនឹងក្លាយជាមនុស្សចុងក្រោយគេទទួលការចាក់វ៉ាក់សាំង ស្របពេលដែលលោកបានវាយប្រហារលើអភិបាលក្រុង និងអភិបាលរដ្ឋដែលពង្រឹងការរឹតត្បិត ដើម្បីគ្រប់គ្រងការរីករាលដាលឆ្លងវីរុសដ៏កាចសាហាវមួយនេះ៕អត្ថបទ៖ សារ៉ាត់

មនុស្ស ៤៤នាក់ស្លាប់ និងជាង ១០០នាក់របួសក្នុងហេតុការណ៍រត់ជាន់គ្នាក្នុងពិធីសាសនានៅអ៊ីស្រាអែល

អ៊ីស្រាអែល៖ មនុស្សរាប់សិបនាក់បានស្លាប់ក្នុងហេតុការណ៍រត់ជាន់គ្នា នៅឯពិធីសាសនាមួយនៅភាគឦសានរបស់ប្រទេសអ៊ីស្រាអែល។ អង្គភាពសង្គ្រោះបន្ទាន់ជាតិរបស់អ៊ីស្រាអែល (MDA) បានបញ្ជាក់ពីការស្លាប់ដោយមិនបានប្រាប់ពីចំនួនពិតប្រាកដ ហើយបាននិយាយថា មនុស្សរាប់សិបនាក់ទៀតបានរងរបួស។កាសែត Haaretz រាយការណ៍ថា យ៉ាងហោចណាស់មនុស្ស ៤៤នាក់បានស្លាប់។ អង្គភាពសង្គ្រោះបន្ទាន់កំពុងជម្លៀសអ្នករងរបួស។ ក្រុមសង្គ្រោះដ៏សំខាន់របស់អ៊ីស្រាអែល បាននិយាយនៅព្រឹកថ្ងៃសុក្រនេះថា មនុស្សជាង ១០០នាក់បានរងរបួស ក្នុងនោះមានរាប់សិបនាក់រងរបួសធ្ងន់នៅក្នុងហេតុការណ៍រត់ជាន់គ្នា នៅឯពិធីជួបជុំសាសនាជ្វីហ្វដ៏ពេញនិយមនៅភាគឦសានអ៊ីស្រាអែល ដែលចូលរួមដោយមនុស្សរាប់ម៉ឺននាក់។ លោកនាយករដ្ឋមន្ត្រី បេនចាមីន ណេតាន់យ៉ាហ៊ូ បានហៅឧបទ្ទវហេតុនោះថា ជាគ្រោះមហន្តរាយដ៏ធ្ងន់ធ្ងរ ហើយបាននិយាយថា លោកកំពុងបួងសួងសម្រាប់អ្នកស្លាប់ និងរបួសទាំងនោះ។សេចក្ដីរាយការណ៍បឋមបានលើកឡើងថា សំណង់មួយកន្លែងបានបាក់រលំ ប៉ុន្តែក្រុមមន្ត្រីអង្គភាពសង្គ្រោះបន្ទាន់ជាតិរបស់អ៊ីស្រាអែលបាននិយាយថា ដំណឹងនោះគឺជាដើមចមនាំឲ្យមានការប្រជ្រៀតគ្នា និងរត់ជាន់គ្នា៕អត្ថបទ៖ សុខមាន

ផ្ទះថ្មីមួយខ្នងរបស់សម្ដេចកិត្តិព្រឹទ្ធបណ្ឌិត ត្រូវបានប្រគល់ជូនស្ត្រីមេម៉ាយក្រខ្សត់នៅបាត់ដំបង

បាត់ដំបង ៖ គ្រួសារស្រ្តីមេម៉ាយ ចិញ្ចឹមកូន៣នាក់ គ្មានផ្ទះសំបែងរស់នៅអាស្រ័យជាមួយឪពុកម្តាយក្មេកវ័យចាស់ ជរា ព្រមទាំងមានជីវភាពខ្វះខាតផង រស់នៅភូមិអ្នកតាទ្វា ឃុំឬស្សីក្រាំង ស្រុកមោងឬស្សី ខេត្តបាត់ ដំបង ទទួលបានផ្ទះថ្មថ្មី ១ខ្នង ជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តាមរយៈសាខាកាកបាទក្រហមខេត្តបាត់ដំបង។ការផ្តល់នូវអំណោយផ្ទះថ្មីដល់ស្ត្រីក្រីក្រវ័យ៤៥ឆ្នាំរូបនេះ គឺបន្ទាប់ពីសម្តេចកិត្តិព្រឹទ្ធបណ្ឌិត ទទួល បាននូវព័ត៌មានអំពីការលំបាកខ្វះខាតក្នុងជីវភាពជាស្ត្រីមេម៉ាយគ្មានមុខរបរជាទីពឹង និងរស់នៅអា ស្រ័យ លើឪពុកម្តាយក្មេកដែលចាស់ជរា ព្រមទាំងមានស្ថានភាពជីវភាពក្រីក្រលំបាកខ្លាំងដែរនោះ។ ក្រុមការងារដឹកនាំដោយឯកឧត្តម អ៊ុយ រី អនុប្រធានកិត្តិយសសាខា ឯកឧត្តម ប៊ុត គឹមស៊ាន ប្រធាន គណៈកម្មាធិការសាខាកាកបាទក្រហមកម្ពុជាខេត្ត។ ក្នុងឱកាសនៃពិធីប្រគល់-ទទួលផ្ទះនាព្រឹកថ្ងៃទី ២៩ មេសា ឆ្នាំ២០២១ ក្រុមការងារក៏បាននាំនូវប្រសាសន៍ផ្ដាំផ្ញើសួរសុខទុក្ខ និងក្តីអាណិតស្រឡាញ់ ដ៏ជ្រាលជ្រៅពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនចំពោះគ្រួសារលោកស្រី ព្រួញ វ៉ិត ដែលចិញ្ចឹមកូន៣នាក់ មុខរបរជាកម្មករសំណង់។ជាមួយនឹងការអបអរសាទរជាមួយគ្រួសារនឹងការទទួលបាននូវជម្រកស្នាក់នៅដ៏សមរម្យនេះ ក្រុមការ ងារកាកបាទក្រហម ក៏បានណែនាំឲ្យគិតគូរពីសុខភាព និងជីវភាព រស់នៅប្រចាំថ្ងៃ និង សូមបន្តថែទាំ កូនៗនិងជំរុញអោយបានខិតខំសិក្សារៀនសូត្រ និងប្រឹងប្រែងប្រកបមុខរបរកស៊ី ដើម្បីជីវភាពរស់នៅ បន្តទៀត ជាពិសេសត្រូវថែទាំសុខភាពឱ្យបានល្អ រស់នៅមានអនាម័យ និងអនុវត្តឱ្យបានខ្ជាប់ខ្ជួន នូវវិធានការរបស់ក្រសួងសុខាភិបាល ដើម្បីទប់ស្កាត់ការរីករាលដាលជំងឺកូវីដ-១៩។សូមបញ្ជាក់ថាផ្ទះថ្មីនេះមានទំហំ(៥ម៉ែត្រx៧ម៉ែត្រ)តសំយាបក្រោយទំហំ(១.៨០ម៉ែត្រx៧ម៉ែត្រ) ធ្វើអំពី ដែក សរសរបេតុង ប្រក់ស័ង្កសី និងជញ្ជាំងស្មាតបត សាងសង់ដោយក្រុមការងារនៃសមាគមអតីត យុទ្ធជនកម្ពុជា ខេត្តបាត់ដំបង ។ដើម្បីជួយសម្រាលដល់ជីវភាពរស់នៅ សាខាកាកបាទក្រហមកម្ពុជាខេត្តបាត់ដំបងបានផ្តល់ជូនអំ ណោយសម្រាប់សង្កត់ផ្ទះរួមមាន ៖ អង្ករ ១០០ គីឡូក្រាម,.ទឹកសុទ្ធីវីឃែរ ១០ កេស ឃីត១កញ្ចប់ (មុង ភួយ សារុង ក្រមា អាយឺត) .សាប៊ូ ៨ ដុំ ម៉ាស់ ២ប្រអប់,ប៉ាវអ៊ី ១ ទឹកត្រី ទឹកស៊ីអ៊ីវ ២យួរ ត្រខ ២០កំប៉ុង សម្ភារផ្ទះបាយមួយចំនួន និងថវិកាចំនួន ២០ម៉ឺនរៀល ក្នុងនោះឯកឧត្តម អ៊ុយ រី បានឧបត្ថម្ភថវិកា បន្ថែមចំនួន ៣០ម៉ឺនរៀលជូនលោកយាយ លោកតា ត្រូវជាម្តាយក្មេកលោកស្រី ព្រួញ វ៉ីត ផងដែរ ៕ អត្ថបទ ៖ ឧត្ដម

អំណោយលោកជំទាវ ហ៊ុន ម៉ាណា និងឯកឧត្តម ឌី វិជ្ជា ផ្តល់ជូនដល់បញ្ជាការដ្ឋានកងរាជអាវុធហត្ថរាជធានីភ្នំពេញ

ភ្នំពេញ៖ អំណោយរបស់លោកជំទាវ ហ៊ុន ម៉ាណា និងឯកឧត្តម ឧត្ដមសេនីយ៍ឯក ឌី វិជ្ជា មានគ្រឿងឧបភោគបរិភោគ និងថ្នាំពេទ្យ និងសម្ភារវេជ្ជសាស្រ្តផ្សេងទៀត ត្រូវបានផ្តល់ជូនដល់បញ្ជាការដ្ឋានកងរាជអាវុធហត្ថរាជធានីភ្នំពេញ សម្រាប់ផ្គត់ផ្គង់ដល់តម្រូវការប្រើប្រាស់ក្នុងពេលដែលភូមិសាស្ត្រនានារបស់រាជធានីភ្នំពេញត្រូវបានបិទខ្ទប់។ក្រុមការងាររួមមាន ឯកឧត្តម វ៉ាន់ ឆារស៍ ឯកឧត្តម សៅ ភិរុណ និងលោក ជិន ប៊ុនធឿន បាននាំយកទៅប្រគល់ដោយ ផ្ទាល់ជូនដល់ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការ នៃបញ្ជាការដ្ឋាន កងរាជអាវុធហត្ថរាជធានីភ្នំពេញ នៅទីបញ្ជាការដ្ឋាន នារសៀលថ្ងៃទី២៩ មេសានេះ។ក្នុងនាមលោកជំទាវ ហ៊ុន ម៉ាណា ឯកឧត្តម វ៉ាន់ ឆារស៍ បានពាំនាំនូវការកោតសរសើរ និងលើកទឹកចិត្តចំពោះកិច្ចខិតខំ ប្រឹងប្រែងរបស់កងកម្លាំងទាំងអស់ដែលបានបំពេញភារកិច្ចការងាររបស់ខ្លួនប្រកបដោយស្មារតីទទួលខុសត្រូវខ្ពស់ ទោះ ស្ថិតក្នុងកាលៈទេសៈលំបាក ខណៈដែលជំងឺកូវីដកំពុងរីករាលដាល ហើយទោះស្ថិតក្រោមអាកាសធាតុក្តៅ ភ្លៀង ខ្យល់យ៉ាងណាក៏ដោយ។ដោយមើលឃើញពីតម្រូវការចាំបាច់ក្នុងការផ្គត់ផ្គង់ចំពោះកងកម្លាំង ដែលកំពុងបំពេញការងារយ៉ាងសកម្មឆ្លើយតបចំពោះ ចំណាត់ការរបស់រាជរដ្ឋាភិបាលសំដៅការពារសុខមាលភាពប្រជាពលរដ្ឋក្នុងពេលដែលរាជធានីភ្នំពេញកំពុងបិទខ្ទប់នេះ លោកជំទាវ ហ៊ុន ម៉ាណា និងឯកឧត្តម ឧត្តមសេនីយ៍ឯក ឌី វិជ្ជា បានចាត់ចែងរៀបចំអំណោយទាំងអស់នេះភ្លាមៗ ដើម្បីចូលរួមចំណែក ជួយសម្រាលការលំបាកក្នុងគ្រាដែលយើងទាំងអស់គ្នាកំពុងជួបប្រទះដោយជំងឺកូវវីដ១៩។ឯកឧត្តម ឧត្តមសេនីយ៍ឯក រ័ត្ន ស្រ៊ាង បានកោតសរសើរចំពោះទឹកចិត្តរបស់លោកជំទាវ ហ៊ុន ម៉ាណា និងឯកឧត្តម ឧត្តមសេនីយ៍ឯក ឌី វិជ្ជា ដោយឯកឧត្តម មានប្រសាសន៍ថា អំណោយជាគ្រឿងឧបភោគបរិភោបចំនួនដ៏ច្រើននេះ ពិតជាបានឆ្លើយតប យ៉ាងទាន់ពេលវេលានូវអ្វី ដែលជាតម្រូវការ និងជាការលើកទឹកចិត្តដ៏សំខាន់ដល់កងកម្លាំងទាំងអស់។ជាមួយនេះ ក្រៅពីការចាត់ចែងចំពោះកងម្លាំងអាវុធហត្ថតាមគោលដៅ ឯកឧត្តមមេបញ្ជាការក៏នឹងចាត់ចែងជួយបន្តទៅដល់ការខ្វះខាតជាក់ស្តែង របស់ប្រជាពលរដ្ឋនៅតាមមូលដ្ឋានផងដែរនូវគ្រឿងឧបភោគបរិភោគទាំងនេះ។អំណោយដែលប្រគល់ជូននាពេលនេះរួមមាន៖អង្ករ ២០តោន , ត្រីខ ១០០០យួរ , មី ៥០កេសធំ , ភេសជ្ជៈប៉ូវកម្លាំង ខារ៉ាបាវ ចំនួន ៥០០កេស , ប៊ីចេង ៧៥គ.កអំបិល ៧៥គ.ក , ទឹកត្រី ទឹកស៊ីអ៊ីវ សរុប៦០យួរ , ទឹកបរិសុទ្ធ ARUNA ចំនួន ៥០០កេស , ម៉ាស ចំនួន ៥កេសធំរបាំងមុខ (Face Shield) ចំនួន ២០០ , ថ្នាំពេទ្យ ចំនួន ៥កេសធំ ៕អត្ថបទ ៖ សុធី

រលកថ្មីនៃជំងឺ COVID-19 ធ្វើឲ្យចំនួនអ្នកស្លាប់នៅឥណ្ឌាកើនឡើងជាង ២០ម៉ឺននាក់

ឥណ្ឌា៖ ចំនួនអ្នកស្លាប់សរុបដោយសារជំងឺ COVID-19 នៅក្នុងប្រទេសឥណ្ឌាបានកើនឡើងជាង ២០ម៉ឺននាក់គិតត្រឹមថ្ងៃពុធម្សិលមិញ ស្របពេលដែលរលកថ្មីនៃករណីឆ្លងឥតឈប់ឈរ ធ្វើឲ្យមន្ទីរពេទ្យផ្ទុកអ្នកជំងឺលើសចំណុះ ហើយក្រុមគ្រួសារអ្នកជំងឺចេញក្រៅតាមផ្លូវនៅក្នុងរដ្ឋធានី ដើម្បីស្វែងរកការផ្គត់ផ្គង់អុកស៊ីសែន និងឱសថ។ប្រទេសនៅក្នុងតំបន់អាស៊ីខាងត្បូងមានប្រជាពលរដ្ឋជាង ១.៣ពាន់លាននាក់មួយនេះកំពុងទប់ទល់ករណីឆ្លងថ្មី ៣៦ម៉ឺននាក់ ដែលជាចំនួនឆ្លងច្រើនបំផុតប្រចាំថ្ងៃនៅលើពិភពលោក និងរាយការណ៍ករណីស្លាប់ថ្មីជាង ៣ពាន់នាក់កាលពីថ្ងៃពុធ។ ជាមួយនឹងការផ្តល់ក្តីសង្ឃឹមតិចតួច ស្ថាបនិកបង្កើតក្រុមហ៊ុន BioNTech ដែលបានផលិតវ៉ាក់សាំងបង្ការជំងឺ COVID-19 ជាមួយក្រុមហ៊ុន Pfizer បាននិយាយថា លោកនៅតែមានជំនឿចិត្តចំពោះការចាក់វ៉ាក់សាំង ប្រឆាំងនឹងវីរុសបម្លែងខ្លួនថ្មីដែលកំពុងញាំញីប្រទេសឥណ្ឌា។ នៅក្នុងរដ្ឋញូវដែល្លី ចំណតរថយន្តបានប្រែក្លាយទៅជាឈាបនដ្ឋានបូជាសាកសព ហើយចំនួនសាកសពដ៏ច្រើនបានធ្វើឲ្យខ្វះខាតអូសសម្រាប់បូជាផងដែរ។ ដោយឡែកសាច់ញាតិអ្នកជំងឺបានជួបជុំគ្នានៅក្រៅមន្ទីរពេទ្យ និងឱសថស្ថានដើម្បីស្វែងរកការព្យាបាល និងថ្នាំពេទ្យ៕អត្ថបទ៖ សារ៉ាត់

ប្រជាជនឥណ្ឌាប្រញាប់ប្រញាល់ចាក់វ៉ាក់សាំងបង្ការជំងឺ COVID-19 ខណៈចំនួនអ្នកស្លាប់កើនឡើងជាង ២០ម៉ឺននាក់

ឥណ្ឌា៖ ប្រជាជនឥណ្ឌាបានព្យាយាមចុះឈ្មោះតាមអ៊ីនធឺណិត សម្រាប់ការចាក់វ៉ាក់សាំងបង្ការវីរុសកូរ៉ូណាដ៏ច្រើន ដែលនឹងចាប់ផ្ដើមនៅចុងសប្តាហ៍នេះ ខណៈចំនួនអ្នកស្លាប់ដោយសារវីរុសកូរ៉ូណាបានកើនឡើងដល់ជាង ២០ម៉ឺននាក់កាលពីថ្ងៃពុធ ដែលកាន់តែធ្ងន់ធ្ងរទៅដោយសារកង្វះគ្រែពេទ្យ និងអុកស៊ីសែនវេជ្ជសាស្ត្រ។រលកទី២ នៃការឆ្លងបានមើលឃើញមនុស្សយ៉ាងហោចណាស់ ៣០ម៉ឺននាក់ធ្វើតេស្តវិជ្ជមានក្នុងមួយថ្ងៃៗសម្រាប់សប្តាហ៍កន្លងមកនេះ ដែលមណ្ឌលសុខភាពផ្ទុកពេញដោយអ្នកជំងឺ ហើយកន្លែងបូជាសពពេញណែនដោយសាកសព និងជំរុញឱ្យមានការឆ្លើយតបជាបន្ទាន់កាន់តែខ្លាំងឡើង ដោយបញ្ជូនសម្ភារៈជំនួយសង្គ្រោះពីសំណាក់សម្ព័ន្ធមិត្តបរទេស។ ក្នុងរយៈពេល ២៤ម៉ោងចុងក្រោយនេះ បាននាំឲ្យមានករណីឆ្លងថ្មីចំនួន ៣៦០.៩៦០នាក់ក្នុងរយៈពេលតែមួយថ្ងៃ ជាការឆ្លងសរុបខ្ពស់បំផុតនៅលើពិភពលោក ដែលធ្វើឲ្យករណីឆ្លងសរុបនៅប្រទេសឥណ្ឌាកើនឡើងដល់ ១៨,៣៦៨,០៩៦នាក់។វាក៏ជាថ្ងៃអាក្រក់បំផុតផងដែររហូតមកដល់ពេលនេះ ដោយមានអ្នកស្លាប់ថ្មីចំនួន ៣,៦៤៧នាក់ ដែលបានធ្វើឱ្យចំនួនអ្នកស្លាប់សរុបទូទាំងប្រទេសកើនដល់ ២០៤,៨១២នាក់។ រដ្ឋដេលីកំពុងរាយការណ៍ពីមនុស្សស្លាប់ម្នាក់ពីជំងឺ COVID-19 រៀងរាល់ ៤នាទី ហើយរថយន្តសង្គ្រោះបន្ទាន់បានដឹកសាកសពជនរងគ្រោះ ទៅកាន់ឈាបនដ្ឋានបណ្ដោះអាសន្ន ក្នុងឧទ្យាន និងចំណតរថយន្តនានា ជាទីដែលសាកសពត្រូវបានបូជានៅតាមជួរ ដែលរៀបចំជាគំនរអូសដើម្បីបូជាសព៕ អត្ថបទ៖ សុខមាន

ក្រសួងសុខាភិបាលប្រកាសថា ពលរដ្ឋខ្មែរ ០៦នាក់ទៀតស្លាប់ដោយសារកូវីដ-១៩ តួលេខអ្នកស្លាប់សរុបកើនដល់៨៨នាក់

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា ពលរដ្ឋខ្មែរ ០៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុប កើនឡើងដល់ ៨៨នាក់។ក្នុងសេចក្ដីប្រកាសព័ត៌មានចេញនៅយប់នេះ ក្រសួងសុខាភិបាលនិយាយថា ពលរដ្ឋខ្មែរទាំង ០៦នាក់នោះ មានស្ត្រី ២នាក់ និងបុរស ០៤នាក់។ក្រសួងសុខាភិបាលបញ្ជាក់ថា បុរសម្នាក់អាយុ ៣៧ឆ្នាំ ដែលរស់នៅសង្កាត់កាកាប ក្នុងខណ្ឌពោធិ៍សែនជ័យ បានស្លាប់កាលពីព្រឹកថ្ងៃម្សិលមិញនេះ នៅឯមន្ទីរពេទ្យមិត្តភាពខ្មែរ-សូវៀត ៣ថ្ងៃក្រោយពីគាត់ត្រូវបានបញ្ជូនទៅសម្រាកព្យាបាល បន្ទាប់ពីរកឃើញឆ្លងកូវីដ-១៩។ក្រសួងសុខាភិបាលបញ្ជាក់ថា បុរសម្នាក់អាយុ ៣៧ឆ្នាំ ដែលរស់នៅសង្កាត់កាកាប ក្នុងខណ្ឌពោធិ៍សែនជ័យ បានស្លាប់កាលពីព្រឹកថ្ងៃម្សិលមិញនេះ នៅឯមន្ទីរពេទ្យមិត្តភាពខ្មែរ-សូវៀត ៣ថ្ងៃក្រោយពីគាត់ត្រូវបានបញ្ជូនទៅសម្រាកព្យាបាល បន្ទាប់ពីរកឃើញឆ្លងកូវីដ-១៩។ចំណែកឯស្ត្រីម្នាក់ទៀតអាយុ ៦៨ឆ្នាំ ដែលរស់នៅក្នុងសង្កាត់ស្ទឹងមានជ័យ ខណ្ឌមានជ័យ បានស្លាប់កាលពីថ្ងៃម្សិលមិញនៅឯមន្ទីរពេទ្យមិត្តភាពខ្មែរ-សូវៀតដែរ តែ ២០នាទីប៉ុណ្ណោះក្រោយពីគាត់ត្រូវបានបញ្ជូនទៅមន្ទីរពេទ្យជាមួយសភាពធ្ងន់ធ្ងរ ហើយលទ្ធផលនៃការពិនិត្យសំណាកបង្ហាញថា គាត់បានឆ្លងមេរោគកូវីដ-១៩។ក្រសួងឱ្យដឹងទៀតថា បុរសម្នាក់ទៀតអាយុ ៦១ឆ្នាំដែលរស់នៅក្នុងសង្កាត់ស្ទឹងមានជ័យ ខណ្ឌមានជ័យ បានស្លាប់នៅឯមន្ទីរពេទ្យហ្លួងម៉ែកាលពីល្ងាចថ្ងៃម្សិលមិញនេះ ៥ថ្ងៃក្រោយពីគាត់ត្រូវបានបញ្ជូនទៅសម្រាកព្យាបាលនៅមន្ទីរពេទ្យ បន្ទាប់ពីរកឃើញឆ្លងមេរោគកូវីដ-១៩។ក្រសួងសុខាភិបាលបាននិយាយទៀតថា ស្ត្រីម្នាក់ទៀតអាយុ ៥១ឆ្នាំដែលរស់នៅក្នុងសង្កាត់ផ្សារដេប៉ូ២ ក្នុងខណ្ឌទួលគោក បានស្លាប់តាំងពីថ្ងៃទី២៣ ខែមេសា តែ ៣ថ្ងៃប៉ុណ្ណោះក្រោយពីគាត់ត្រូវបានរកឃើញឆ្លងមេរោគកូវីដ-១៩ ហើយត្រូវបានបញ្ជូនទៅសម្រាកព្យាបាលនៅមណ្ឌលព្យាបាលកូវីដ-១៩សែនសុខ១កាលពីថ្ងៃទី២០ ខែមេសា។ចំណែកឯបុរសអាយុ ៨០ឆ្នាំដែលរស់នៅក្នុងសង្កាត់ផ្សារថ្មី៣ ក្នុងខណ្ឌដូនពេញ ក្រសួងសុខាភិបាលបញ្ជាក់ថា បានស្លាប់ថ្ងៃម្សិលមិញនេះនៅឯមន្ទីរពេទ្យមិត្តភាពខ្មែរ-សូវៀត តែ ៣០នាទីប៉ុណ្ណោះក្រោយពីត្រូវបានបញ្ជូនទៅសម្រាកព្យាបាលនៅមន្ទីរពេទ្យ ហើយលទ្ធផលពិនិត្យសំណាករបស់គាត់បង្ហាញថា គាត់បានឆ្លងមេរោគកូវីដ-១៩។នៅឯខេត្តព្រះសីហនុឯណោះវិញ ក្រសួងសុខាភិបាលប្រកាសថា បុរសម្នាក់អាយុ ៩៣ឆ្នាំ ដែលជាពលរដ្ឋរស់នៅក្នុងសង្កាត់លេខ៤ បានស្លាប់នៅព្រឹកថ្ងៃនេះនៅមន្ទីរពេទ្យបង្អែកខេត្តព្រះសីហនុ ៣ថ្ងៃក្រោយពីគាត់ត្រូវបានបញ្ជូនទៅសម្រាកព្យាបាល ក្រោយរកឃើញឆ្លងមេរោគកូវីដ-១៩។ក្រសួងសុខាភិបាលបញ្ជាក់ថា ពលរដ្ឋខ្មែរទាំង ០៥រូបនេះ បានស្លាប់បាត់បង់ជីវិត ក្រោយពីរលាកសួតធ្ងន់ធ្ងរដែលបង្កឡើងដោយមេរោគកូវីដ-១៩។គិតត្រឹមថ្ងៃនេះ កម្ពុជាបានប្រកាសជាផ្លូវការថា មនុស្សដល់ទៅ ៨៨នាក់ហើយ បានស្លាប់ដោយសារមេរោគកូវីដ-១៩នៅក្នុងរយៈពេល ៤៧ថ្ងៃចុងក្រោយនេះ៕ អត្ថបទ ៖ សុធី

កម្ពុជារកឃើញមនុស្ស៦៩៨នាក់ទៀតឆ្លងមេរោគកូវីដ-១៩ ខណៈអ្នកជំងឺ ៩៩៤នាក់ទៀតជាសះស្បើយ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថាមនុស្ស ៦៩៨នាក់បន្ថែមទៀត ត្រូវបានរកឃើញឆ្លងមេរោគកូវីដ-១៩ ហើយថា អ្នកជំងឺកូវីដ-១៩ចំនួន ៩៩៤នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានចេញយប់នេះ ក្រសួងសុខាភិបាលបានបញ្ជាក់ថា ករណីឆ្លងថ្មី ៦៩៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយ ១ករណីទៀត គឺជាករណីនាំចូលដែលត្រូវបានរកឃើញលើពលករខ្មែរវិលត្រឡប់មកពីប្រទេសថៃ។បើតាមក្រសួងសុខាភិបាល ករណីឆ្លងថ្មីទាំងអស់នេះ ត្រូវបានរកឃើញច្រើនបំផុតនៅរាជធានីភ្នំពេញមានចំនួនរហូតដល់ ៥៥៨នាក់ ហើយបន្ទាប់មកខេត្តកណ្ដាលរកឃើញអ្នកឆ្លងថ្មីដល់ទៅ ៧២នាក់ ខណៈដែលខេត្តបន្ទាយមានជ័យរកឃើញអ្នកឆ្លងថ្មី ៤៣នាក់ទៀត ហើយខេត្តព្រះសីហនុរកឃើញអ្នកឆ្លងថ្មី ១៦នាក់ទៀត។ចំណែកឯខេត្តកំពង់ស្ពឺ និងខេត្តតាកែវ ក្រសួងសុខាភិបាលបញ្ជាក់ថា រកឃើញអ្នកឆ្លងថ្មី ២នាក់ទៀតក្នុងខេត្តនីមួយៗ ហើយខេត្តពោធិ៍សាត់ រកឃើញអ្នកឆ្លងថ្មី ២នាក់។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១ ៧៦១នាក់ហើយបានឆ្លងមេរោគកូវីដ-១៩នៅទូទាំងប្រទេស ក្នុងនោះអ្នកឆ្លងមេរោគកូវីដ-១៩ដល់ទៅ ១១ ២១០នាក់ ឬស្មើនឹងជាង ៩៥ភាគរយ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្រសួងសុខាភិបាលក៏បានប្រកាសផងដែរថា អ្នកជំងឺកូវីដ-១៩សរុប ៤ ៦៩៨នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មីចំនួន ៩៩៤នាក់ ដែលក្រសួងប្រកាសនៅថ្ងៃនេះផងដែរ៕អត្ថបទ ៖ សុធី

បណ្ដាញសង្គម

ព័ត៌មានថ្មីៗ

រាជរដ្ឋាភិបាលគ្រោងចំណាយថវិកា ១ ២៤៤ លានដុល្លារ ឆ្លើយតបនឹងសភាពការណ៍ពហុវិបត្តិ

IMF វាយតម្លៃសេដ្ឋកិច្ចកម្ពុជាឆ្នាំ២០២៦ មានកំណើន ៣% ខណៈរាជរដ្ឋាភិបាលវាយតម្លៃក្នុងរង្វង់ ៤,២%

មន្រ្តីសាខា ក.ប.ប. ខេត្តព្រះសីហនុ ចុះត្រួតពិនិត្យផ្សព្វផ្សាយពីសារធាតុគីមីហាមឃាត់ដែលច្បាប់មិនអនុញ្ញាតបន្ថែមទៅលើម្ហូបអាហារនៅផ្សារពាណិជ្ជកម្ម

អគ្គមេបញ្ជាការកងទ័ពម៉ាឡេស៊ី ចុះពិនិត្យត្រួតដោយផ្ទាល់ភ្នែកនៅតំបន់ព្រំដែនច្រកបឹងត្រកួន ខេត្តបន្ទាយមានជ័យ

កម្ពុជារៀបចំទិវាជនមានពិការភាពភ្នែក និងគថ្លង់ជាលើកដំបូង ក្រោមប្រធានបទ «រួមគ្នាទទួលស្គាល់ជនមានពិការភាពភ្នែកនិងគថ្លង់ ដើម្បីលើកកម្ពស់បរិយាបន្ន និងការចូលរួមពេញលេញក្នុងសង្គម»

របាយការណ៍៖ ការអះអាងសិទ្ធិដែនទឹករបស់ហ្វីលីពីននៅសមុទ្រចិនខាងត្បូងខ្វះភស្តុតាងប្រវត្តិសាស្ត្រ និងមូលដ្ឋានច្បាប់

ប្រមុខការទូតកម្ពុជា កោតសរសើរចំពោះកិច្ចខិតខំប្រឹងប្រែង និងការរួមចំណែកដ៏មានតម្លៃរបស់លោកជំទាវឯកអគ្គរដ្ឋទូតហ្វីលីពីនចប់អាណត្តិនៅកម្ពុជា

កម្ពុជាបន្តឆ្ពោះទៅការដឹកជញ្ជូនបៃតង ខណៈរថយន្តអគ្គិសនីចុះបញ្ជីកើនដល់ជាង ១៤,០០០គ្រឿង

អគ្គមេបញ្ជាការកងទ័ពម៉ាឡេស៊ី នឹងចុះពិនិត្យតំបន់ព្រំដែនកម្ពុជាដែលថៃរំលោភកាន់កាប់

វិស័យឯកជនគាំទ្ររដ្ឋ ក្នុងការបង្កើតគម្រោងប្រព័ន្ធគ្រប់គ្រងការដឹកជញ្ជូនលើសទម្ងន់កម្រិតកំណត់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

បំផ្ទុះរថយន្តអត្តឃាតសម្លាប់មនុស្ស ៣០នាក់នៅផ្ទះសំណាក់ក្នុងខេត្ត Logar ប្រទេសអាហ្វហ្គានីស្ថាន

លោកជំទាវ ហ៊ុន ម៉ាណា និងឯកឧត្តម ឌី វិជ្ជា ផ្តល់អំណោយដល់អង្គការផ្ទះបាយកុមារ

ករណីស្លាប់ដោយសារជំងឺ COVID-19 នៅប្រទេសប្រេស៊ីលកើនឡើងជាង ៤០ម៉ឺននាក់

មនុស្ស ៤៤នាក់ស្លាប់ និងជាង ១០០នាក់របួសក្នុងហេតុការណ៍រត់ជាន់គ្នាក្នុងពិធីសាសនានៅអ៊ីស្រាអែល

ផ្ទះថ្មីមួយខ្នងរបស់សម្ដេចកិត្តិព្រឹទ្ធបណ្ឌិត ត្រូវបានប្រគល់ជូនស្ត្រីមេម៉ាយក្រខ្សត់នៅបាត់ដំបង

អំណោយលោកជំទាវ ហ៊ុន ម៉ាណា និងឯកឧត្តម ឌី វិជ្ជា ផ្តល់ជូនដល់បញ្ជាការដ្ឋានកងរាជអាវុធហត្ថរាជធានីភ្នំពេញ

រលកថ្មីនៃជំងឺ COVID-19 ធ្វើឲ្យចំនួនអ្នកស្លាប់នៅឥណ្ឌាកើនឡើងជាង ២០ម៉ឺននាក់

ប្រជាជនឥណ្ឌាប្រញាប់ប្រញាល់ចាក់វ៉ាក់សាំងបង្ការជំងឺ COVID-19 ខណៈចំនួនអ្នកស្លាប់កើនឡើងជាង ២០ម៉ឺននាក់

ក្រសួងសុខាភិបាលប្រកាសថា ពលរដ្ឋខ្មែរ ០៦នាក់ទៀតស្លាប់ដោយសារកូវីដ-១៩ តួលេខអ្នកស្លាប់សរុបកើនដល់៨៨នាក់

កម្ពុជារកឃើញមនុស្ស៦៩៨នាក់ទៀតឆ្លងមេរោគកូវីដ-១៩ ខណៈអ្នកជំងឺ ៩៩៤នាក់ទៀតជាសះស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោកជំទាវ ហ៊ុន ម៉ាណា និងឯកឧត្តម ឌី វិជ្ជា ផ្តល់អំណោយដល់អង្គការផ្ទះបាយកុមារ

ករណី​ស្លាប់​ដោយសារជំងឺ​ COVID-19​ នៅប្រទេស​ប្រេ​ស៊ី​ល​កើន​ឡើង​ជាង ៤០​ម៉ឺន​នាក់

ផ្ទះថ្មីមួយខ្នងរបស់សម្ដេចកិត្តិព្រឹទ្ធបណ្ឌិត ត្រូវបានប្រគល់ជូនស្ត្រីមេម៉ាយក្រខ្សត់នៅបាត់ដំបង

អំណោយលោកជំទាវ ហ៊ុន ម៉ាណា និងឯកឧត្តម ឌី វិជ្ជា ផ្តល់ជូនដល់បញ្ជាការដ្ឋានកងរាជអាវុធហត្ថរាជធានីភ្នំពេញ

រលក​ថ្មី​នៃ​ជំងឺ COVID-19 ធ្វើ​ឲ្យ​ចំនួន​អ្នក​ស្លាប់​នៅ​​ឥណ្ឌា​កើន​ឡើង​ជាង ២០​ម៉ឺន​នាក់​

កម្ពុជា​រក​ឃើញ​មនុស្ស​៦៩៨​នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ ៩៩៤​នាក់​ទៀត​ជា​សះស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ករណីស្លាប់ដោយសារជំងឺ COVID-19 នៅប្រទេសប្រេស៊ីលកើនឡើងជាង ៤០ម៉ឺននាក់

រលកថ្មីនៃជំងឺ COVID-19 ធ្វើឲ្យចំនួនអ្នកស្លាប់នៅឥណ្ឌាកើនឡើងជាង ២០ម៉ឺននាក់

កម្ពុជារកឃើញមនុស្ស៦៩៨នាក់ទៀតឆ្លងមេរោគកូវីដ-១៩ ខណៈអ្នកជំងឺ ៩៩៤នាក់ទៀតជាសះស្បើយ