BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

អំណោយរបស់លោកជំទាវ ហ៊ុន ម៉ាណា និង ឯកឧត្តម ឌី វីជ្ជា ផ្តល់ជូនរដ្ឋបាលខណ្ឌជ្រោយចង្វា

ភ្នំពេញ ៖ នៅរសៀលថ្ងៃទី ២៨ ខែមេសា ឆ្នាំ២០២១នេះ លោកជំទាវ ហ៊ុន ម៉ាណា និង ឯកឧត្តម ឌី វីជ្ជា បានចាត់ ឱ្យ ឯកឧត្តម ឆារស៍ វ៉ាន់ និង លោក ជិន ប៊ុនធឿន នាំយកអំណោយរួមមាន អង្ករ និងគ្រឿងបរិភោគបរិភោគជាច្រើនមុខយកទៅប្រគល់ជូនរដ្ឋបាលខណ្ឌជ្រោយចង្វា ដើម្បីចូលរួមចំណែកជាមួយរដ្ឋបាលខណ្ឌក្នុងការចែកជូនបងប្អូនកងកំលាំងដែលប្រចាំការការងារបិទខ្ទប់ក្នុងភូមិសាស្ត្ររបស់ខណ្ឌជ្រោយចង្វា ។ ឯកឧត្តម ឆារស៏ វ៉ាន់ បានមានមតិសំណេះសំណាល និងនាំនូវការផ្ដាំផ្ញើសួរសុខទុក្ខពីលោកជំទាវ ហ៊ុន ម៉ាណា និង ឯកឧត្តម ឌី វីជ្ជា ជូនដល់ថ្នាក់ដឹកនាំខណ្ឌ ដែលបានរៀបចំកងកំលាំងគណបញ្ជាការឯកភាពខណ្ឌប្រចាំការ ឈរតាមគោលដៅក្នុងភូមិសាស្ត្ររបស់ខ្លួនដោយគោរពបានល្អតាមបទបញ្ជារបស់រាជរដ្ឋាភិបាល ដោយមិនមានការធ្វេសប្រហែល និងប្រកបដោយស្មារតីទទួលខុសត្រូវខ្ពស់ ក្នុងដំណាក់កាលដែលយេីងកំពុងឆ្លង រីករាល ដាលនៃជំងឺកូវីដ-១៩ចូលក្នុងសហគមន៍ ហេីយតម្រូវឲ្យមានការបិទខ្ទប់រាជធានីភ្នំពេញ និងក្រុងតាខ្មៅ ដើម្បីកាត់ផ្តាច់ការឆ្លងរាលដាល។ ក្នុងនាមថ្នាក់ដឹកនាំ និងមន្ត្រីរដ្ឋបាលខណ្ឌទាំងអស់ លោកស្រី ស្វាយ សុជាតិ អភិបាលរងខណ្ឌ សរសេីរពីសមានចិត្តគិតគូពីតម្រូវការរបស់អជ្ញាធរដែនដី និងកងកម្លាំងទាំងអស់ និងគោរពថ្លែងអំណរគុណយ៉ាងជ្រាលជ្រៅជូនចំពោះលោកជំទាវ ហ៊ុន ម៉ាណា និង ឯកឧត្តម ឌី វិជ្ជា ដល់រដ្ឋបាលខណ្ឌនាពេលនេះ ព្រមទាំងជូនពរលោកទាំងពីរទទួលបាននូវ សុខភាពល្អបរិបូរណ៍ កម្លាំងខ្លាំងក្លាប្រាជ្ញាឈ្លាសវៃ អាយុយឺនយូរ ដើម្បីចូលរួមចំណែកក្នុងកិច្ចអភិវឌ្ឍជាតិឱ្យកាន់តែរីកចម្រើន ថ្កុំថ្កើនតទៅមុខទៀត ។អំណោយដែលប្រគល់ជូនរដ្ឋបាលខណ្ឌជ្រោយចង្វា រួមមាន៖ ១-អង្ករ ០២ តោន២-ត្រីខ ១០កេស ស្មើ ១០០០កំប៉ុង ៣-មី ១០កេស ស្មើ ៦០កេសតូច ៤-ភេសជ្ជប៉ូវកំលាំង carabao ១០០កេស៥-ប៊ីចេង ០១បេ (មាន ២៥គីឡូ)៦-អំបិល ០១បេ (មាន ២៥គីឡូ)៧-ទឹកត្រី ១០យួរ ស្មើ ៦០ដប៨- ទឹកស៊ីអុីវ ១០យួរ ស្មើ ៦០ដប៩-ទឹកសុទ្ធ ARUNA ២០០កេស១០-ម៉ាស់ ២កេសធំ មាន ១០០ប្រអប់ ស្មើ ៥០០០ម៉ាស់៕

ពិភពលោកប្រតិកម្មនឹងការហក់ឡើងខ្ពស់ដ៏គ្រោះថ្នាក់នៃករណីឆ្លងជំងឺ COVID-19 នៅឥណ្ឌា

ឥណ្ឌា៖ ប្រទេសឥណ្ឌាកំពុងទប់ស្កាត់ការរីករាលដាលឆ្លងដ៏គំហុក គ្រោះថ្នាក់ និងច្រើនបំផុតនៃជំងឺ COVID-19 ដែលបានធ្វើឲ្យមន្ទីរពេទ្យផ្ទុកអ្នកជំងឺលើសចំណុះ ហើយឈាបនដ្ឋានពេញសមត្ថភាព។ កាលពីថ្ងៃចន្ទគឺជាថ្ងៃទី៥ ជាប់ៗគ្នាដែលប្រទេសមួយនេះរកឃើញ ករណីឆ្លងប្រចាំថ្ងៃច្រើនបំផុតនៅលើពិភពលោក ស្របពេលដែលវីរុសបម្លែងខ្លួនថ្មីបន្តរីករាលដាលខ្លាំង។ការផ្គត់ផ្គង់អុកស៊ីហ្សែនសង្គ្រោះអាយុជីវិតមនុស្សកំពុងខ្វះខាត ហើយគ្រួសារដែលឆ្លងជំងឺCOVID-19 ត្រូវបានគេទុកចោល ដោយពួកគេធ្វើដំណើរពីមន្ទីរពេទ្យមួយទៅកាន់មន្ទីរពេទ្យមួយទៀត ដើម្បីស្វែងរកការព្យាបាល។ ឥណ្ឌាបានបញ្ជាកងកម្លាំងប្រដាប់អាវុធរបស់ខ្លួន ឲ្យជួយដោះស្រាយការហក់ឡើងខ្ពស់ករណីឆ្លង វីរុសដ៏កាចសាហាវមួយនេះ ខណៈដែលប្រទេសជាច្រើន រួមទាំងចក្រភពអង់គ្លេស អាល្លឺម៉ង់ និងសហរដ្ឋអាមេរិកសន្យាបញ្ជូនជំនួយសុខាភិបាលបន្ទាន់ទៅដល់ពួកគេ។ ទិន្នន័យពីក្រសួងសុខាភិបាលបានឲ្យដឹងថា ឥណ្ឌាដែលមានប្រជាពលរដ្ឋសរុប ១.៣ពាន់លាននាក់ បានរាយការណ៍ករណីឆ្លងជំងឺ COVID-19 ចំនួន ១៧.៣១លាននាក់ និងករណីស្លាប់ ១៩៥.១២៣នាក់ ថ្វីត្បិតតែក្រុមអ្នកជំនាញសុខភាពអះអាងថា តួលេខពិតប្រាកដអាចនឹងខ្ពស់ជាងនេះក៏ដោយ។ខណៈនោះដែរ អង្គការសុខភាពពិភពលោក កំពុងធ្វើការគ្រប់បែបយ៉ាងតាមដែលពួកគេអាចធ្វើបាន ដើម្បីផ្តល់សម្ភារ និងគ្រឿងវេជ្ជសាស្ត្រផ្គត់ផ្គង់ដែលចាំបាច់ដល់ប្រទេសឥណ្ឌា។ លោក យូស៊ូឡា វ៉ុនដឺ ឡេយ៉េន ប្រធានគណៈកម្មការអឺរ៉ុបបានសរសេរតាម Twitter ថា សហភាពអឺរ៉ុបកំពុងប្រមូលធនធានរបស់ខ្លួន ដើម្បីឆ្លើយតបឲ្យបានឆាប់រហ័សចំពោះសំណើសុំជំនួយរបស់ឥណ្ឌា តាមរយៈយន្តការការពារជនស៊ីវិលសហភាពអឺរ៉ុប។ លោកបន្តថា ពួកយើងនឹងសាមគ្គីពេញទំហឹងជាមួយប្រជាជនឥណ្ឌា៕អត្ថបទ៖ សារ៉ាត់

WHO៖ ជំងឺ COVID-19 បម្លែងខ្លួនថ្មីក្នុងប្រទេសឥណ្ឌាត្រូវបានរកឃើញនៅក្នុងប្រទេសចំនួន ១៧

WHO៖ អង្គការសុខភាពពិភពលោកបាននិយាយកាលពីថ្ងៃអង្គារថា ជំងឺ COVID-19 បម្លែងខ្លួនថ្មីដែលកំពុងជំរុញឲ្យមានការឆ្លងវីរុសកូរ៉ូណា កាន់តែច្រើននៅក្នុងប្រទេសឥណ្ឌា ត្រូវបានរកឃើញនៅក្នុងប្រទេសរាប់សិប។ទីភ្នាក់ងារអង្គការសហប្រជាជាតិមួយនេះបាននិយាយថា ជំងឺ COVID-19 បម្លែងខ្លួនថ្មី B1617 ត្រូវបានរកឃើញដំបូងនៅក្នុងប្រទេសឥណ្ឌា គិតត្រឹមថ្ងៃអង្គារត្រូវបានគេរកឃើញជាបន្តបន្ទាប់ជាង ១២០០នាក់ ដែលបានបញ្ចូលទៅក្នុងប្រព័ន្ធទិន្នន័យបើកចំហ GISAID "យ៉ាងហោចណាស់ ១៧ប្រទេស"។ អង្គការសុខភាពពិភពលោក បាននិយាយនៅក្នុងរបាយការណ៍វិវត្តប្រចាំសប្ដាហ៍ ស្ដីពីជំងឺរាតត្បាតសកលថា ការរកឃើញជាបន្តបន្ទាប់ភាគច្រើនត្រូវបានបញ្ចូលឬ upload ពីប្រទេសឥណ្ឌា ចក្រភពអង់គ្លេស សហរដ្ឋអាមេរិក និងសិង្ហបុរី។ ប្រទេសឥណ្ឌាកំពុងប្រឈមនឹងករណីឆ្លងថ្មី និងស្លាប់ខ្ពស់ដោយសារជំងឺរាតត្បាត ហើយការភ័យខ្លាចកំពុងកើនឡើងដែលថា ជំងឺ COVID-19 បម្លែងខ្លួនថ្មីនេះ អាចរួមចំណែកដល់មហន្តរាយដែលកំពុងកើតឡើង៕អត្ថបទ៖ សុខមាន

ទីក្រុងដេលីសាងសង់គំនរអូសបូជាសពអ្នកជំងឺ COVID-19 បណ្ដោះអាសន្ន ខណៈកង្វះអុកស៊ីសែន និងអ្នកស្លាប់កើនឡើង

ឥណ្ឌា៖ ទីបច្ឆាសម្រាប់បូជាសពនៅរដ្ឋធានីដេលីប្រទេសឥណ្ឌា ត្រូវបានបង្ខំឱ្យសាងសង់គំនរអូសបូជាសពបណ្តោះអាសន្ន ខណៈដែលទីក្រុងនេះអស់កន្លែងបូជាសព។ បុគ្គលិកកំពុងធ្វើការយ៉ាងមមាញឹក ២៤ម៉ោងលើ ២៤ម៉ោង ខណៈដែលឧទ្យាន និងកន្លែងទំនេរផ្សេងទៀតក៏ត្រូវបានប្រើប្រាស់សម្រាប់បូជាសពផងដែរ។ក្រុមគ្រួសារនានាត្រូវរង់ចាំរាប់ម៉ោង ទម្រាំត្រូវបានអនុញ្ញាតឱ្យបូជាសពអ្នកស្លាប់ ដោយសារតម្រូវការកើនឡើង។ ចំនួនអ្នកស្លាប់កំពុងកើនឡើងខ្ពស់នៅក្នុងប្រទេសឥណ្ឌា ខណៈរលកទី២ នៃការឆ្លងជំងឺនេះកំពុងរាតត្បាតក្នុងប្រទេសនេះយ៉ាងធ្ងន់ធ្ងរ។ ប្រទេសឥណ្ឌាបានកត់ត្រាករណីឆ្លងថ្មីនៃវីរុសកូរ៉ូណាជាង ៣២០.០០០នាក់កាលពីថ្ងៃអង្គារ ខណៈការកើនឡើងនៃអ្នកជំងឺ និងមនុស្សស្លាប់បានធ្វើឱ្យប៉ះពាល់ដល់ប្រទេសនេះ ហើយប្រព័ន្ធសុខាភិបាលដែលកំពុងធ្លាក់ទ្រុឌទ្រោម បានចាប់ផ្ដើមទទួលបានការគាំទ្រជាចាំបាច់ច្រើនពីបរទេស។ ប្រទេសដែលមានប្រជាជនជិត ១,៤ពាន់លាននាក់កំពុងប្រឈមនឹងកង្វះបន្ទប់សង្គ្រោះបន្ទាន់។មន្ទីរពេទ្យជាច្រើនកំពុងជួបប្រទះកង្វះអុកស៊ីសែន ហើយមនុស្សជាច្រើនត្រូវបានបង្ខំឱ្យងាកទៅរកកន្លែងបូជាសពបណ្ដោះអាសន្ន និងការបញ្ចុះសព។ ការឆ្លងថ្មីកាលពីថ្ងៃអង្គារចំនួន ៣២៣.១៤៤នាក់ បានធ្វើឱ្យឥណ្ឌាមានករណីឆ្លងសរុបចំនួន ១៧ ,៩៤០,២៨៩នាក់ជាចំនួនខ្ពស់បំផុតបន្ទាប់សហរដ្ឋអាមេរិក និងមនុស្សស្លាប់សរុបចំនួន ២០០,៣៨៩នាក់៕អត្ថបទ៖ សុខមាន

អាជ្ញាធរខេត្តកណ្ដាល សម្រេចបន្តបិទផ្សារគគីរនៅស្រុកកៀនស្វាយ ២សប្ដាហ៍ទៀត ដើម្បីទប់ស្កាត់ការឆ្លងរាលដាលនៃកូវីដ-១៩

កណ្ដាល៖ រដ្ឋបាលខេត្តកណ្ដាលសម្រេចបន្តបិទផ្សារគគីរ ស្ថិតក្នុងស្រុកកៀនស្វាយ រយៈពេល ២សប្ដាហ៍បន្ថែមទៀត ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ក្នុងសេចក្ដីសម្រេចចេញនៅថ្ងៃនេះ អភិបាលខេត្តកណ្ដាល លោក គង់ សោភ័ណ្ឌ បានបញ្ជាក់ថា ត្រូវផ្អាកដំណើរការអាជីវកម្មផ្សារគគីរជាបណ្ដោះអាសន្នរយៈពេល ២សប្ដាហ៍ទៀត ចាប់ពីថ្ងៃនេះរហូតដល់ថ្ងៃទី១០ ខែឧសភាខាងមុខនេះ។អភិបាលខេត្តកណ្ដាល បញ្ជាក់ថា វិធានការនេះ គឺដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩ ហើយអាជ្ញាធរនឹងធ្វើការរៀបចំការលក់ដូរនៅក្នុងផ្សារគគីរនេះឡើងវិញ។លោក គង់ សោភ័ណ្ឌ ក៏បានជំរុញទៅអាជីវករ និងពលរដ្ឋមានការជាប់ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ឱ្យទៅតាមដានសុខាភាពខ្លួនឯង និងធ្វើតេស្តរកមេរោគកូវីដ-១៩៕

ឥណ្ឌារាយការណ៍ករណីឆ្លងថ្មីជំងឺ COVID-19 ច្រើនជាងគេបំផុតនៅលើពិភពលោក ៥ថ្ងៃជាប់ៗគ្នា

ឥណ្ឌា៖ ករណីឆ្លងថ្មីជំងឺ COVID-19 នៅប្រទេសឥណ្ឌា មានចំនួនច្រើនជាងគេបំផុតនៅលើពិភពលោករយៈពេល ៥ថ្ងៃជាប់ៗគ្នាកាលពីថ្ងៃចន្ទ ស្របពេលដែលប្រទេសជាច្រើន រួមទាំងចក្រភពអង់គ្លេស អាល្លឺម៉ង់ និងសហរដ្ឋអាមេរិកសន្យាបញ្ជូនជំនួយវេជ្ជសាស្ត្របន្ទាន់ ដើម្បីជួយដោះស្រាយវិបត្តិកំពុងញាំញីមន្ទីរពេទ្យនៅក្នុងប្រទេសមួយនេះ។ជាមួយនឹងករណីឆ្លងថ្មី ៣៥២.៩៩២១នាក់ បានធ្វើឲ្យករណីឆ្លងជំងឺ COVID-19 សរុបនៅក្នុងប្រទេសឥណ្ឌាកើនឡើងជាង ១៧លាននាក់។ ដោយឡែកករណីស្លាប់ថ្មីបានកើនឡើងខ្ពស់បំផុត ២.៨១២នាក់ក្នុងរយៈពេល ២៤ម៉ោងចុងក្រោយ ធ្វើឲ្យប្រទេសមួយនេះមានករណីស្លាប់សរុប ១៩៥.១២៣នាក់ ក្នុងនោះមន្ទីរពេទ្យនៅរដ្ឋធានីដែល្លីផ្ទុកអ្នកជំងឺលើសចំណុះ និងមន្ទីរពេទ្យកន្លែងផ្សេងទៀតបដិសេធន៍លែងទទួលអ្នកជំងឺ ក្រោយអស់ការផ្គត់ផ្គង់អុកស៊ីហ្សែន និងគ្រែមន្ទីរពេទ្យ។ អ្នកនាំពាក្យមួយរូបរបស់មន្ទីរពេទ្យស៊ឺកាន់ការ៉ាម ស្ថិតនៅក្នុងរដ្ឋធានីដែល្លីបាននិយាយថា មន្ទីរពេទ្យបច្ចុប្បន្នគឺសំខាន់ចាំបាច់បំផុត ហើយស្ថិតនៅក្នុងស្ថានភាពវិបត្តិខ្លាំងបំផុត។កាលពីថ្ងៃអាទិត្យកន្លងទៅ លោកនាយករដ្ឋមន្ត្រី ណារ៉េនដ្រា ម៉ូឌី បានជំរុញពលរដ្ឋទាំងអស់ឲ្យទៅទទួលយកការចាក់វ៉ាក់សាំង និងប្រុងប្រយ័ត្នខ្ពស់ ខណៈដែលមន្ទីរពេទ្យ និងក្រុមគ្រូពេទ្យបានចេញសេចក្តីជូនដំណឹងបន្ទាន់ថា ពួកគេលែងអាចដោះស្រាយលំហូរចូលដ៏គំហុកនៃអ្នកជំងឺបានទៀតហើយ៕អត្ថបទ៖ សារ៉ាត់

ប្រមុខ WHO៖ ស្ថានភាពជំងឺ COVID-19 នៅក្នុងប្រទេសឥណ្ឌាជារឿងដ៏រន្ធត់បំផុត

WHO៖ ប្រមុខអង្គការសុខភាពពិភពលោក បានហៅការកើនឡើងករណីឆ្លងវីរុសកូរ៉ូណាថ្មីៗនៅក្នុងប្រទេសឥណ្ឌាថា "ជារឿងដ៏រន្ធត់បំផុត" ដោយនិយាយថា ទីភ្នាក់ងារអង្គការសហប្រជាជាតិមួយនេះ បានបញ្ជូនឧបករណ៍ជំនួយអុកស៊ីសែនរាប់ពាន់ និងគ្រឿងផ្គត់ផ្គង់សំខាន់ៗដទៃទៀតទៅកាន់តំបន់មួយនេះ។នៅក្នុងសន្និសីទសារព័ត៌មានមួយកាលពីថ្ងៃច័ន្ទ លោក Tedros Adhanom Ghebreyesus ប្រមុខអង្គការសុខភាពពិភពលោកបាននិយាយថា ជំងឺរាតត្បាតសកល "កំពុងបន្តរីករាលដាលយ៉ាងខ្លាំង" នៅទូទាំងពិភពលោក ហើយបាននិយាយថា ការឆ្លងបានកើនឡើងក្នុងរយៈពេល ៩សប្ដាហ៍ជាប់គ្នា ខណៈពេលដែលការស្លាប់បានកើនឡើងនៅសប្ដាហ៍ទី ៦ ជាប់ៗគ្នា។ លោកបាននិយាយថា “មានករណីឆ្លងជាច្រើននៅទូទាំងពិភពលោកកាលពីសប្ដាហ៍មុន ដូចជាក្នុងរយៈពេល ៥ខែដំបូងនៃជំងឺរាតត្បាតសកល។ ដើម្បីដោះស្រាយវិបត្តិដ៏ធ្ងន់ធ្ងរនៅប្រទេសឥណ្ឌា លោកបាននិយាយថា អង្គការសុខភាពពិភពលោកបានបញ្ជូនបុគ្គលិកជាង ២.០០០នាក់ដើម្បីគាំទ្រដល់ការឆ្លើយតបរបស់ឥណ្ឌាជាមូលដ្ឋាន និងកំពុងជួយអាជ្ញាធរក្នុងការពង្រឹងកិច្ចខិតខំប្រឹងប្រែង រួមទាំងការឃ្លាំមើល និងការចាក់វ៉ាក់សាំងជាដើម៕អត្ថបទ៖ សុខមាន

WHO ព្រមានពីផលប៉ះពាល់ដោយសារវីរុស COVID-19 លើយុទ្ធនាការចាក់វ៉ាក់សាំងបង្ការរោគ

WHO៖ ប្រមុខអង្គការសុខភាពពិភពលោកកាលពីថ្ងៃច័ន្ទបាននិយាយថា ជំងឺរាតត្បាតសកលមានផលប៉ះពាល់យ៉ាងធ្ងន់ធ្ងរ លើយុទ្ធនាការចាក់វ៉ាក់សាំងបង្ការនៅជុំវិញពិភពលោក ដោយព្រមានថា ចន្លោះប្រហោងនៃការចាក់វ៉ាក់សាំងបង្ការកំពុងបង្កឲ្យមាន "ផលវិបាកដល់ពិភពលោកធ្ងន់ធ្ងរ"។ថ្លែងនៅក្នុងទីក្រុងហ្សឺណែវនៅឯការចាប់ផ្ដើម នៃទិវាសប្ដាហ៍ចាក់វ៉ាក់សាំងបង្ការពិភពលោក លោក Tedros Adhanom Ghebreyesus បាននិយាយថា យុទ្ធនាការចាក់វ៉ាក់សាំងបង្ការចំនួន ៦០ ត្រូវបានផ្អាកនៅក្នុងប្រទេសចំនួន ៥០ ដោយសារតែជំងឺរាតត្បាតសកល ដែលបណ្ដាលឱ្យកុមារប្រហែល ២២៨លាននាក់ប្រឈមនឹងហានិភ័យពីជំងឺដូចជា ជំងឺខួរឆ្អឹងខ្នង ជំងឺកញ្ជ្រឹល និងគ្រុនលឿងជាដើម។ ដោយប្រកាសអំពីរបៀបវារៈនៃការចាក់វ៉ាក់សាំងឆ្នាំ២០៣០ លោកបាននិយាយថា វាដល់ពេលដែលមិនត្រឹមតែ “ទទួលបានការចាក់វ៉ាក់សាំងឡើងវិញប៉ុណ្ណោះទេ ថែមទាំងត្រូវធ្វើឲ្យ “កាន់តែប្រសើរជាងមុនថែមទៀត”។លោក Tedros បាននិយាយថា “ផែនការថ្មីដ៏មុតមាំ” ផ្ដោតលើ “កាត់បន្ថយផលប៉ះពាល់ដល់អាយុជីវិត” នៃការចាក់វ៉ាក់សាំង ហើយអាចអនុវត្តបានយ៉ាងពេញលេញ អាចកាត់បន្ថយការស្លាប់ជាង ៥០លាននាក់ក្នុងរយៈពេលមួយទសវត្សរ៍ខាងមុខ។ ប្រមុខអង្គការសុខភាពពិភពលោករូបនេះបានបន្ថែមថា ប៉ុន្តែដើម្បីសម្រេចបាននូវគោលដៅប្រកបដោយមហិច្ឆតានេះ ''យើងទាំងអស់គ្នាត្រូវតែបង្កើន និងចាត់វិធានការឲ្យបានច្រើនបំផុត''៕អត្ថបទ៖ សុខមាន

ប្រមុខរាជរដ្ឋាភិបាលកម្ពុជា សម្រេចបិទខ្ទប់រាជធានីភ្នំពេញ និង ក្រុង តាខ្មៅរយៈពេល១សប្ដាហ៍ទៀត

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានសម្រេចបិទខ្ទប់រាជធានីភ្នំពេញ និងក្រុងតាខ្មៅរយៈពេល ១សប្ដាហ៍បន្ថែមទៀត ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។សម្ដេចតេជោ ហ៊ុន សែន បានសម្រេចបែបនេះនៅក្នុងសេចក្ដីសម្រេចថ្មីចេញនៅល្ងាចថ្ងៃនេះ តែ២ថ្ងៃប៉ុណ្ណោះមុនវិធានការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ ត្រូវផុតកំណត់នៅត្រឹមថ្ងៃទី២៨ ខែមេសានេះ។បើតាមសេចក្ដីសម្រេចនេះ រាជធានីភ្នំពេញ និងក្រុងតាខ្មៅ នឹងត្រូវបន្តស្ថិតក្រោមវិធានការបិទខ្ទប់ចាប់ពីថ្ងៃទី២៩ ខែមេសា រហូតដល់ថ្ងៃទី០៥ ខែឧសភាខាងមុខនេះ ។ប្រមុខរាជរដ្ឋាភិបាលកម្ពុជា បានបញ្ជាក់ក្នុងសេចក្ដីសម្រេចថា ការបន្តអនុវត្តវិធានការបិទខ្ទប់នេះ គឺផ្អែកទៅលើភាពចាំបាច់ ដើម្បីប្រយុទ្ធ និងទប់ស្កាត់ការឆ្លងរីករាលដាលនៃមេរោគកូវីដ-១៩។ជាងនេះទៅទៀត សម្ដេចតេជោ ហ៊ុន សែន បានសម្រេចបែងចែកភូមិសាស្ត្រដែលត្រូវបិទខ្ទប់នេះ ទៅជា ៣តំបន់ ក្នុងនោះមាន «តំបន់ក្រហម» ដែលសំដៅដល់តំបន់កំពុងប្រឈមមុខនឹងការឆ្លងរីករាលធ្ងន់ធ្ងរ ហើយបន្ទាប់មកគឺ«តំបន់លឿងទុំ» ដែលសំដៅដល់ភូមិសាស្ត្រមានការឆ្លងរីករាលដាលកម្រិតមធ្យម និង«តំបន់លឿង» ដែលសំដៅដល់ភូមិសាស្ត្រមានការឆ្លងរាលដាលកម្រិតស្រាល។បើតាមសេចក្ដីសម្រេចនេះ វិធានការបិទខ្ទប់នេះ ត្រូវបានរក្សាខ្លឹមសារដូចមុនដដែល ក្នុងនោះមានការហាមឃាត់បុគ្គលគ្រប់រូបមិនឱ្យចាកចេញពីលំនៅដ្ឋាន ឬទីស្នាក់អាស្រ័យបច្ចុប្បន្ន ហាមឃាត់ការជួបជុំ ឬប្រមូលផ្ដុំមនុស្ស ហាមឃាត់ការលក់ដូរ សកម្មភាពការងារ អាជីវកម្មរ ឬមុខរបរ ជាដើម។ ប៉ុន្តែសេចក្ដីសម្រេចនេះក៏បានរក្សានូវចំណុចលើកលែងជាច្រើនដូចទៅនឹងសេចក្ដីសម្រេចកាលពីមុនផងដែរ៕ អត្ថបទ ៖ សុធី

ចំនួនមនុស្សស្លាប់ក្នុងហេតុការណ៍អគ្គិភ័យនៅមន្ទីរពេទ្យក្រុងបាដាដកើនឡើងជាង ៨០នាក់

អ៊ីរ៉ាក់៖ ចំនួនមនុស្សស្លាប់ក្នុងហេតុការណ៍អគ្គិភ័យទ្រង់ទ្រាយធំ នៅមន្ទីរពេទ្យក្រុងបាដាដ ប្រទេសអ៊ីរ៉ាក់ដែលព្យាបាលអ្នកជំងឺ COVID-19 បានកើនឡើងយ៉ាងហោច ៨២នាក់កាលពីថ្ងៃអាទិត្យ ខណៈដែលក្រុមគ្រួសារជនរងគ្រោះកំពុងរុករកសាច់ញាតិបាត់ខ្លួន ហើយរដ្ឋាភិបាល បានបញ្ឈរជើងក្រុមមន្ត្រីសុខាភិបាលសំខាន់ៗ សម្រាប់ការធ្វេសប្រហែសរបស់ពួកគេ។អណ្ដាតភ្លើងប្រៀបបាននឹងភ្នំភ្លើងបានឆាបឆេះ អង្គភាពថែទាំសុខភាពក្នុងមន្ទីរពេទ្យអ៊ីប អាល់ ខាទីប ដែលកំពុងព្យាបាលអ្នកជំងឺ COVID-19 មានរោគសញ្ញាធ្ងន់ធ្ងរ។ ក្រុមមន្ត្រីអះអាងថា អណ្ដាតភ្លើងដែលបណ្ដាលឲ្យមនុស្សជាង ១១០នាក់រងរបួសដែរនោះបង្កឡើងដោយសារការផ្ទុះបំពង់អុកស៊ីហ្សែន។ លោក ម៉ាហ៊ឺ អាម៉េ ជាគិលានុបដ្ឋាកមួយរូបត្រូវបានគេទូរស័ព្ទ ហៅទៅកាន់កន្លែងកើតហេតុកាលពីល្ងាចថ្ងៃសៅរ៍ ដើម្បីជម្លៀសអ្នកជំងឺចេញ។ លោកបាននិយាយថា លោកមិននឹកស្មានទាល់តែសោះថា មានអគ្គិភ័យទ្រង់ទ្រាយធំបែបនេះកើតឡើង។អណ្ដាតភ្លើងបានឆាបឆេះខ្លាំងនៅជាន់ទី២ ត្រឹមរយៈពេល ៣ទៅ ៤នាទីប៉ុណ្ណោះនៃការផ្ទុះបំពង់អុកស៊ីហ្សែន។ វាប្រៀបបាននឹងភ្នំភ្លើងអញ្ចឹងដែរ។ លោកបន្តថា ភាគច្រើននៃអ្នកស្លាប់ដោយសារការរលាក។ អ្នកខ្លះទៀតបានស្លាប់ដោយសារជំនះផ្សែងភ្លើង មិនចង់ចាកចោលសាច់ញាតិរបស់ពួកគេដែលជាប់នឹងម៉ាស៊ីនផ្តល់អុកស៊ីហ្សែន។ អ្នកជំងឺមិនអាចផ្លាស់ទីបានទេ ដោយសារពួកគេអាចរស់បានប៉ុន្មាននាទីប៉ុណ្ណោះ បើគ្មានអុកស៊ីហ្សែន៕អត្ថបទ៖ សារ៉ាត់

បណ្ដាញសង្គម

ព័ត៌មានថ្មីៗ

ប្រព័ន្ធផ្សព្វផ្សាយ៖ មនុស្សជាង៦០នាក់ ត្រូវសម្លាប់នៅលីបង់អំឡុងពេល១០ថ្ងៃដំបូងនៃការអនុវត្តបទឈប់បាញ់

កាតា អារ៉ាប់រួមនិងប្រធាន GCC ថ្កោលទោសការវាយប្រហាររបស់អ៊ីរ៉ង់លើនាវាដឹកប្រេងនៅជិតច្រកសមុទ្រហ័រមូស

ប្រធានសភាអ៊ីរ៉ង់ចោទប្រកាន់អាមេរិកថា បានរំលោភបំពានបទឈប់បាញ់ ក្រោយមានការវាយប្រហារថ្មី

អាមេរិក ប្រាប់ថា បានកំណត់គោលដៅជាង ៨០កន្លែង អំឡុងការវាយប្រហារសងសឹកជុំថ្មី លើអ៊ីរ៉ង់

[BREAKING NEWS] លោក Trump៖ បទឈប់បាញ់របស់សហរដ្ឋអាមេរិកជាមួយអ៊ីរ៉ង់ ត្រូវបានបញ្ចប់ហើយ

កម្ពុជានាំចេញអង្ករជាង ៦៣ម៉ឺនតោន ទទួលបានចំណូលជាង ៣៦៧លានដុល្លារ ក្នុងរយៈពេល៦ខែ ឆ្នាំ២០២៦

អនុប្រធានទី១ អាជ្ញាធរមីន៖ ការគាំទ្ររបស់ប្រទេសចិន គឺជាកម្លាំងចលករដ៏សំខាន់ក្នុងការកសាងសហគមន៍ជោគវាសនារួមកម្ពុជា-ចិន

ក្រសួងការងារ និងអង្គការ ILO បើកសិក្ខាសាលាពិគ្រោះយោបល់ត្រីភាគីលើកទី២ លើសេចក្តីព្រាងច្បាប់ស្តីពី «សុវត្ថិភាព និងសុខភាពការងារ»

ស្ត្រីអាស៊ាន និងឥណ្ឌា តម្រង់ទិសភាពជាអ្នកដឹកនាំក្នុងវិស័យវិទ្យាសាស្ត្រ និងនវានុវត្តន៍សម្រាប់តំបន់

គណៈកម្មការជំនាញនៃរដ្ឋសភា ពិភាក្សាសេចក្តីព្រាងច្បាប់ស្តីពី ការចូលជារដ្ឋភាគីអនុសញ្ញាអន្តរជាតិពាក់ព័ន្ធនឹងឧបករណ៍អាកាសយាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អំណោយរបស់លោកជំទាវ ហ៊ុន ម៉ាណា និង ឯកឧត្តម ឌី វីជ្ជា ផ្តល់ជូនរដ្ឋបាលខណ្ឌជ្រោយចង្វា

ពិភពលោកប្រតិកម្មនឹងការហក់ឡើងខ្ពស់ដ៏គ្រោះថ្នាក់នៃករណីឆ្លងជំងឺ COVID-19 នៅឥណ្ឌា

WHO៖ ជំងឺ COVID-19 បម្លែងខ្លួនថ្មីក្នុងប្រទេសឥណ្ឌាត្រូវបានរកឃើញនៅក្នុងប្រទេសចំនួន ១៧

ទីក្រុងដេលីសាងសង់គំនរអូសបូជាសពអ្នកជំងឺ COVID-19 បណ្ដោះអាសន្ន ខណៈកង្វះអុកស៊ីសែន និងអ្នកស្លាប់កើនឡើង

ឥណ្ឌារាយការណ៍ករណីឆ្លងថ្មីជំងឺ COVID-19 ច្រើនជាងគេបំផុតនៅលើពិភពលោក ៥ថ្ងៃជាប់ៗគ្នា

ប្រមុខ WHO៖ ស្ថានភាពជំងឺ COVID-19 នៅក្នុងប្រទេសឥណ្ឌាជារឿងដ៏រន្ធត់បំផុត

WHO ព្រមានពីផលប៉ះពាល់ដោយសារវីរុស COVID-19 លើយុទ្ធនាការចាក់វ៉ាក់សាំងបង្ការរោគ

ប្រមុខរាជរដ្ឋាភិបាលកម្ពុជា សម្រេចបិទខ្ទប់រាជធានីភ្នំពេញ និង ក្រុង តាខ្មៅរយៈពេល១សប្ដាហ៍ទៀត

ចំនួនមនុស្សស្លាប់ក្នុងហេតុការណ៍អគ្គិភ័យនៅមន្ទីរពេទ្យក្រុងបាដាដកើនឡើងជាង ៨០នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អំណោយរបស់លោកជំទាវ ហ៊ុន ម៉ាណា និង ឯកឧត្តម ឌី វីជ្ជា ផ្តល់ជូនរដ្ឋបាលខណ្ឌជ្រោយចង្វា

ពិភព​លោក​ប្រតិកម្ម​នឹង​ការ​ហក់​ឡើង​ខ្ពស់​ដ៏​គ្រោះ​ថ្នាក់​នៃ​ករណី​ឆ្លង​ជំងឺ ​COVID-19​ នៅ​​ឥណ្ឌា​

WHO៖​ ជំងឺ​ COVID-19 ប​ម្លែ​ង​ខ្លួន​ថ្មី​ក្នុង​ប្រទេស​ឥណ្ឌា​ត្រូវ​បាន​រក​ឃើញ​នៅក្នុង​ប្រទេស​ចំនួន ​១៧

ឥណ្ឌា​រាយការណ៍​ករណី​ឆ្លង​ថ្មី​ជំងឺ​ COVID-19​ ច្រើន​ជាង​គេ​បំផុត​នៅ​លើ​ពិភព​លោក​ ៥​ថ្ងៃ​ជាប់ៗ​គ្នា​

ប្រមុខ​ WHO៖ ស្ថានភាពជំងឺ COVID-19 នៅ​ក្នុង​ប្រទេស​ឥណ្ឌា​ជា​រឿង​ដ៏​រន្ធត់​បំផុត​

WHO ព្រមាន​ពី​ផល​ប៉ះពាល់​ដោយសារ​វីរុស​ COVID-19 ​លើ​យុទ្ធនា​ការ​ចាក់​វ៉ាក់សាំង​បង្ការ​រោគ​

ប្រមុខរាជរដ្ឋាភិបាលកម្ពុជា សម្រេច​បិទខ្ទប់រាជធានីភ្នំពេញ និង ក្រុង តាខ្មៅរយៈពេល១សប្ដាហ៍ទៀត

ចំនួន​មនុស្ស​ស្លាប់​ក្នុង​ហេតុការណ៍​អគ្គិភ័យ​នៅ​មន្ទីរពេទ្យ​ក្រុង​បា​ដា​ដ​កើន​ឡើង​ជាង ៨០​នាក់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពិភពលោកប្រតិកម្មនឹងការហក់ឡើងខ្ពស់ដ៏គ្រោះថ្នាក់នៃករណីឆ្លងជំងឺ COVID-19 នៅឥណ្ឌា

WHO៖ ជំងឺ COVID-19 បម្លែងខ្លួនថ្មីក្នុងប្រទេសឥណ្ឌាត្រូវបានរកឃើញនៅក្នុងប្រទេសចំនួន ១៧

ឥណ្ឌារាយការណ៍ករណីឆ្លងថ្មីជំងឺ COVID-19 ច្រើនជាងគេបំផុតនៅលើពិភពលោក ៥ថ្ងៃជាប់ៗគ្នា

ប្រមុខ WHO៖ ស្ថានភាពជំងឺ COVID-19 នៅក្នុងប្រទេសឥណ្ឌាជារឿងដ៏រន្ធត់បំផុត

WHO ព្រមានពីផលប៉ះពាល់ដោយសារវីរុស COVID-19 លើយុទ្ធនាការចាក់វ៉ាក់សាំងបង្ការរោគ

ប្រមុខរាជរដ្ឋាភិបាលកម្ពុជា សម្រេចបិទខ្ទប់រាជធានីភ្នំពេញ និង ក្រុង តាខ្មៅរយៈពេល១សប្ដាហ៍ទៀត

ចំនួនមនុស្សស្លាប់ក្នុងហេតុការណ៍អគ្គិភ័យនៅមន្ទីរពេទ្យក្រុងបាដាដកើនឡើងជាង ៨០នាក់