BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ករណីលេចធ្លាយអុកស៊ីហ្សែននៅឥណ្ឌាបណ្ដាលឲ្យអ្នកជំងឺ Covid-19 ចំនួន ២២នាក់បាត់បង់ជីវិត

ឥណ្ឌា៖ អ្នកជំងឺ Covid-19 យ៉ាងហោច ២២នាក់បានស្លាប់នៅក្នុងមន្ទីរពេទ្យនៅឥណ្ឌា ក្រោយពួកគេបាត់បង់ការផ្គត់ផ្គង់អុកស៊ីហ្សែនដោយសារការលេចធ្លាយ។ ឧប្បត្តិហេតុនេះបានកើតឡើងកាលពីថ្ងៃពុធម្សិលមិញ ខណៈដែលបំពង់អុកស៊ីហ្សែនកំពុងបញ្ចូលឡើងវិញនៅមន្ទីរពេទ្យហ្សាកៀ ហ៊ូសាំង ស្ថិតនៅក្នុងទីក្រុងណាស៊ីក។គេនៅមិនទាន់ដឹងច្បាស់នោះទេពីមូលហេតុ ដែលធ្វើឲ្យឧប្បត្តិហេតុមួយនេះកើតឡើង និងមូលហេតុដែលធ្វើឲ្យអាក់ខានដល់ការផ្គត់ផ្គង់អុកស៊ីហ្សែនដល់អ្នកជំងឺ។ ប៉ុន្តែក្រុមមន្ត្រីបាននិយាយថា គ្មានការបញ្ចេញអុកស៊ីហ្សែនទៅដល់អ្នកជំងឺរយៈពេល ៣០នាទី ជាហេតុធ្វើឲ្យពួកគេស្លាប់បែបនេះ។ លោក ខាឡាស់ ចាដហាវ ស្នងការនគរបាលក្រុងណាស៊ីកបាននិយាយថា ពួកយើងនឹងបើកការអង្កេតលើបញ្ហាមួយនេះ និងចាត់វិធានការទៅតាមផ្លូវច្បាប់។ គួរឲ្យដឹងថា មន្ទីរពេទ្យមួយនេះបានហៅឲ្យគេមកបញ្ចូលអុកស៊ីហ្សែន ក្រោយពេលពួកគេចាប់ផ្ដើមអស់។ មន្ទីរពេទ្យនៅទូទាំងប្រទេសឥណ្ឌា ជួបការលំបាកខ្លាំងក្នុងការផ្គត់ផ្គង់អុកស៊ីហ្សែន ស្របពេលមានតម្រូវការហក់ឡើងខ្ពស់។លោក អាម៉ុល វីយ៉ាវ៉ា ដែលជីដូនរបស់គាត់ស្ថិតនៅក្នុងចំណោមអ្នកជំងឺស្លាប់ ដោយសារខ្វះអុកស៊ីហ្សែននេះបាននិយាយប្រាប់ BBC ថា ពួកយើងនឹងចាត់វិធានការដ៏តឹងរឹងមកលើពិរុទ្ធជន។ ខណៈពេលនោះដែរ នាយករដ្ឋមន្ត្រីឥណ្ឌាលោក ណារ៉េនដ្រា ម៉ូឌី បានសរសេរនៅលើ Twitter ដោយលោកចាត់ទុកស្ថានភាពបែបនេះ គឺជារឿងគួរឲ្យក្រៀមក្រំបំផុត ហើយលោកមានការឈឺចាប់ជាខ្លាំង ចំពោះការបាត់បង់អាយុជីវិតអ្នកជំងឺទាំងអស់នេះ៕អត្ថបទ៖ សារ៉ាត់

WHO៖ ជំងឺ COVID-19 បម្លែងខ្លួនថ្មីបានឆ្លងរាលដាលនៅក្នុងប្រទេស និងដែនដី ១៣៧

WHO៖ អង្គការសុខភាពពិភពលោកនិយាយថា វីរុសកូរ៉ូណាបម្លែងខ្លួនថ្មីដែលត្រូវបានរកឃើញដំបូងនៅចក្រភពអង់គ្លេស និងអាហ្វ្រិកខាងត្បូង បានបន្តរាលដាលពាសពេញសកលលោក។ នៅក្នុងការធ្វើបច្ចុប្បន្នភាពជំងឺរាតត្បាតប្រចាំសប្ដាហ៍របស់ខ្លួន ដែលបានចេញផ្សាយកាលពីថ្ងៃអង្គារ អង្គការសុខភាពពិភពលោកនិយាយថា ជំងឺ Covid-19 បម្លែងខ្លួនថ្មីមានប្រភពដើមចេញពីចក្រភពអង់គ្លេស ឥឡូវនេះត្រូវបានបញ្ជាក់នៅក្នុង ១៣៧ប្រទេស និងដែនដី គឺកើនឡើងចំនួន ៥ លើសពីសប្ដាហ៍មុន។ជំងឺ Covid-19 បម្លែងខ្លួនថ្មីមានប្រភពដើមចេញពីអាហ្វ្រិកខាងត្បូង ត្រូវបានបញ្ជាក់នៅក្នុងប្រទេស និងដែនដីចំនួន ៨៥ គឺកើនឡើង ៣ប្រទេស ឬដែនដីបន្ថែមទៀត។ ជំងឺ Covid-19 បម្លែងខ្លួនថ្មីដែលត្រូវបានរកឃើញដំបូងក្នុងប្រទេសប្រេស៊ីល ត្រូវបានបញ្ជាក់នៅក្នុងប្រទេសចំនួន ៥២ ដែលមិនមានប្រែប្រួលពីសប្ដាហ៍មុនឡើយ។ ស្ថាប័នសុខភាពអន្តរជាតិមួយនេះ បានកំណត់ប្រភេទជំងឺបម្លែងខ្លួនថ្មីទាំងបីថាជាក្ដីបារម្ភថ្មី។ ទីភ្នាក់ងារនេះកំពុងតាមដានការឆ្លងរាលដាល នៃជំងឺបម្លែងខ្លួនថ្មីទាំងនេះយ៉ាងដិតដល់ ខណៈការផ្លាស់ប្ដូរហ្សែនរបស់ជំងឺទាំងនោះ អាចប៉ះពាល់ដល់ភាពស៊ាំរបស់មនុស្ស ហើយវីរុសអាចឆ្លងកាន់តែខ្លាំង។អង្គការសុខភាពពិភពលោកនិយាយថា ចំនួនករណីឆ្លងថ្មីនៃវីរុសកូរ៉ូណាកំពុងកើនឡើងនៅទូទាំងពិភពលោក។ អង្គការនេះនិយាយថា ការរីករាលដាលនៃជំងឺបម្លែងខ្លួនថ្មី និងការកើនឡើងនៃការប្រាស្រ័យទាក់ទងគ្នាដោយផ្ទាល់ បាននាំឱ្យមានភាពធ្ងន់ធ្ងរកើនឡើងខ្លាំងក្នុងចំណោមមនុស្សវ័យជំទង់៕អត្ថបទ៖ សុខមាន

ក្រសួងសុខាភិបាលប្រកាសពីករណីស្លាប់២នាក់ទៀតដោយសារជំងឺកូវីដ១៩នៅថ្ងៃនេះ

ក្រសួងសុខាភិបាលបានចេញសេចក្តីប្រកាសព័ត៌មានពីករណីស្លាប់ពីរនាក់បន្ថែមទៀត ដោយសារជំងឺកូវីដ១៩ លើស្ត្រីជនជាតិខ្មែរ អាយុ៥៤ឆ្នាំ រស់នៅសង្កាត់ស្ទឹងមានជ័យ ខណ្ឌមានជ័យរាជធានីភ្នំពេញនៅវេលាម៉ោង ០០:៤៥នាទីរំលងអធ្រាត្រ ថ្ងៃទី២១ ខែមេសា ឆ្នាំ២០២១និងស្ត្រីជនជាតិខ្មែរ អាយុ៥៤ឆ្នាំ រស់នៅសង្កាត់អូរឬស្សី៣ ខណ្ឌ៧មករា រាជធានីភ្នំពេញ នៅវេលាម៉ោង ១០:០០ព្រឹក ថ្ងៃទី២១ខែមេសា ឆ្នាំ២០២១នេះ ដោយសារវិបត្ដិផ្លូវដង្ហើមស្រួចស្រាវធ្ងន់ធ្ងរ និងរលាកសួតទាំងសងខាងដោយសារវីរុសកូវីដ១៩។សូមបញ្ជាក់ថាបើយោងតាមសេចក្តីជូនព៌ត៌មានរបស់ក្រសួងសុខាភិបាលបានឲ្យដឹងថា នៅថ្ងៃទី២០ ខែមេសាឆ្នាំ២០២១ ម្សិលមិញនេះ ករណីឆ្លងថ្មីកូវីដ១៩ មានចំនួន៣០៣នាក់ និងករណីព្យាបាលជាសះស្បើយចំនួន២៣៩នាក់ ដែលនាំអោយករណីឆ្លងសរុបនៅកម្ពុជាបានកើនដល់ចំនួន៧៧៤៧នាក់ និងអ្នកព្យាបាលជាសះស្បើយចំនួន២៧៩៤នាក់ ក្នុងនោះបណ្ដាលឲ្យអ្នកស្លាប់ចំនួន៥៤នាក់ហើយបើគិតទាំងករណីថ្មីចំនួនពីរនាក់នៅថ្ងៃនេះបន្ថែមទៀត នាំឲ្យអ្នកស្លាប់ដោយសារជំងឺកូវីដ១៩នៅកម្ពុជា បានកើនឡើងដល់៥៦នាក់ហើយ៕

ខេត្តព្រះសីហនុមានអ្នកឆ្លងកូវីដ កើនដល់ជិត ១០០០នាក់

ព្រះសីហនុ ៖ វិបត្ដិជំងឺកូវីដ-១៩ បាននឹងកំពុងរីករាលដាលជាសកល បានបន្ដយារយីសុខមាលភាពអាយុជីវិតពលរដ្ឋ និងបានធ្វើឱ្យប៉ះពាល់ធ្ងន់ធ្ងរដល់ជីវភាពរស់នៅប្រចាំថ្ងៃ ក្នុងនោះកម្ពុជាក៍បានរងនូវបញ្ហាប្រ ឈមនេះដែរ។ចាប់តាំងពីផ្ទុះជំងឺកូវីដ-១៩ រហូតដល់ថ្ងៃទី២១ ខែមេសា កម្ពុជាមានអ្នកឆ្លងមេរោគកូវីដ-១៩ សរុបចំនួន ៧.៧៤៧នាក់ ក្នុងនោះមានអ្នកជាសះស្បើយសរុបចំនួន ២.៧៩៤នាក់ និងអ្នកជំងឺកំពុងព្យាបាលសរុបចំនួន ៤.៨៩៣នាក់ ហើយអ្នកជំងឺស្លាប់ដោយសារជំងឺកូវីដ-១៩ សរុបចំនួន ៥៤នាក់។ ដោយឡែកខេត្តព្រះសីហនុ គិតត្រឹមថ្ងៃទី២១ ខែមេសាដែរ មានអ្នកឆ្លងសរុបជិត ១ពាន់នាក់ ក្នុងនោះមានអ្នកជាសះស្បើយជាង ៥០០នាក់ និងអ្នកជំងឺកំពុងព្យាបាលសរុបជាង ៤០០នាក់ ហើយអ្នកជំងឺស្លាប់ដោយសារជំងឺកូវីដ-១៩ សរុប ៤នាក់ ជនជាតិខ្មែរទាំងអស់ (ស្រី៣)។ដើម្បីទប់ស្កាត់ការឆ្លងរាលដាលជំងឺកូវីដ-១៩ នៅក្នុងសហគមន៍ ឱ្យមានប្រសិទ្ធិភាព រដ្ឋបាលខេត្ដ បាននិងកំពុងអនុវត្ដយ៉ាង ម៉ឺងម៉ាត់តាមសេច ក្ដីណែនាំរបស់រាជរដ្ឋាភិបាល និងវិធានការនានារបស់ក្រសួងសុខាភិបាលក្នុងយុទ្ធនាការប្រយុទ្ធនឹងជំ ងឺកូវីដ-១៩ ក្នុងនោះខេត្ដ បានបន្ដត្រួតពិនិត្យរឹតបន្តឹងការធ្វើដំណើរចេញ-ចូលខេត្ដព្រះសីហនុ បិទខ្ទប់តំបន់ឆ្លងរាលដាលជំងឺ កូវីដ-១៩ បិទផ្អាកអាជីវកម្មចម្រុះ និងលំនៅឋាន ដែលមានការពាក់ព័ន្ធនឹងជំងឺកូវីដ-១៩ ។ល។ ទន្ទឹមនឹងការផ្សព្វផ្សាយ ណែនាំ រដ្ឋបាលខេត្ដ ក្រុង ស្រុក បានពិន័យអន្តរការណ៍ជាប្រាក់ចំពោះអ្នកបើករថយន្ត និងម៉ូតូដែល បានល្មើសលួចបន្លំ និងគេចវេះពីគោលដៅត្រួតពិនិត្យរថយន្តឆ្លងកាត់ចេញ-ចូលខេត្តព្រះសីហនុ (ត្រួតពិនិត្យចត្តាឡីស័ក) តាមអនុក្រឹត្យលេខ ៣៧អនក្រ.បក ចុះថ្ងៃទី១២ ខែមីនា ឆ្នាំ២០២១។បានចេញសេចក្តីណែនាំស្តីពីការធ្វើចត្តាឡីស័កដោយខ្លួនឯងរយ:ពេ ល១៤ថ្ងៃ ក្រោយពេលបានផ្ដល់វត្ថុសំណាកដើម្បីវិភាគកមេរោគកូវីដ-១៩ បន្តស្រាវជ្រាវ និងអំពាវនា វដល់អ្នក ដែលមានការ ពាក់ព័ន្ធឱ្យស្ម័គ្រចិត្តមកយកវត្ថុសំ ណាក និងធ្វើចត្តាឡីស័កឱ្យបានត្រឹមត្រូវស្របតាមការណែនាំរបស់ក្រសួងសុខាភិបាល។ នេះជាការបញ្ជាក់ពីលោក ឃាង ភារម្យ អ្នកនាំពាក្យសាលាខេត្ដព្រះសីហនុ។ទាក់ទិនទៅនឹងវិធានការនេះ រដ្ឋបាលខេត្ដព្រះសីហនុ បាននិងកំពុងបង្កើនយុទ្ធនាការចាក់វ៉ាក់សាំងប ង្ការជំងឺកូវីដ-១៩ ដោយបានចេញសេចក្ដីជូនដំណឹងឱ្យប្រជាពលរដ្ឋពន្លឿនការចុះឈ្មោះនៅតាមមូលដ្ឋានដើម្បីរៀបចំបញ្ជីឈ្មោះចាក់វ៉ាក់សាំងនេះឱ្យបានទាន់ពេលវេលា។ ការចាក់វ៉ាក់សាំងបង្ការជំងឺកូវីដ-១៩ នេះ ក្រុមគ្រូពេទ្យនៃមន្ទីរសុខាភិបាលខេត្ដ បានខិតខំមមាញឹកចាក់ជូនពលរដ្ឋទូទាំងខេត្ដរួមមាន៖ ១-វ៉ាក់សាំង Sinopharm ចាក់លើកទី១ បានជិត ៤ពាន់នាក់ និងចាក់លើកទី២ បានជាង ៣ពាន់នាក់។ ២-វ៉ាក់សាំង Covishield ចាក់លើកទី១ បានជាង ៧ពាន់នាក់ និងចាក់លើកទី២ បានជាង ២រយនាក់។ និង៣-វ៉ាក់សាំង Sinovac ចាក់លើកទី១ បានជិត ៦ពាន់នាក់ និងចាក់លើកទី២ បានជាង ២ពាន់នាក់។ ទន្ទឹមនឹងយុទ្ធនាការ ប្រយុទ្ធនឹងជំងឺកូវីដ-១៩នេះ រដ្ឋបាលខេត្ដខេត្ដ ក៍មិនភ្លេចការងារជួយសង្គ្រោះដែរ ដោយក្រុមការងារខេត្ដ បានបន្ដនាំយកអំណោយដ៏ថ្លៃថ្លារបស់សម្តេចតេជោនិងសម្តេចកិត្តិព្រឹទ្ធបណ្ឌិត ទៅឧបត្ថម្ភជូនប្រជាពលរដ្ឋដែលកំពុងជាប់ធ្វើចត្តាឡីស័កជិត២០០គ្រួសារ នៅតំនប់បិទខ្ទប់ទំនប់រលក ស្ថិតក្នុងភូមិ៣ សង្កាត់លេខ១ ក្រុង-ខេត្ដព្រះសីហនុ៕ .អត្ថបទ៖ គង៉ ប៊ុនថា

អឺរ៉ុបបន្ថែមទណ្ឌកម្មប្រឆាំងយោធាមីយ៉ាន់ម៉ា មុនជំនួបកំពូលអាស៊ានចូលមកដល់

អឺរ៉ុប៖ សហភាពអឺរ៉ុបបានបន្ថែមការដាក់ទណ្ឌកម្មរបស់ខ្លួន ប្រឆាំងនឹងមេដឹកនាំរបបយោធានិងបណ្ដាក្រុមហ៊ុនគ្រប់គ្រងដោយកងទ័ពរបស់ប្រទេសនេះ ខណៈដែលបណ្ដាប្រទេសអាស៊ីអាគ្នេយ៍ ត្រៀមសម្រាប់កិច្ចប្រជុំកំពូលនៅទីក្រុងចាកាតានៅសប្ដាហ៍នេះ ជាទីដែលរដ្ឋនានានឹងពិភាក្សាអំពីវិបត្តិដែលមិនចេះចប់ នៅក្នុងសហភាពមីយ៉ាន់ម៉ា។ទណ្ឌកម្មចុងក្រោយរបស់ក្រុមប្រឹក្សាសហភាពអឺរ៉ុបផ្តោតលើបុគ្គល ១០រូប និងក្រុមហ៊ុនគ្រប់គ្រងដោយយោធាចំនួន ២ រួចទៅហើយដែលត្រូវទទួលទណ្ឌកម្មពីសហរដ្ឋអាមេរិក អង់គ្លេស និងរដ្ឋាភិបាលផ្សេងទៀត។ គេនៅមិនទាន់ច្បាស់ថា តើចំណាត់ការបែបនេះមានផលប៉ះពាល់ដែរ ឬអត់ នៅពេលដែលយោធាបង្កើនកិច្ចប្រឹងប្រែងបង្ក្រាប ការប្រឆាំងទៅនឹងការដណ្តើមអំណាចរបស់ខ្លួន។ សេដ្ឋកិច្ចរបស់មីយ៉ាន់ម៉ាបានធ្លាក់ ចូលក្នុងវិបត្តិរួចទៅហើយដែលកាន់តែធ្ងន់ធ្ងរទៅ ដោយសារជំងឺរាតត្បាតសកលកូរ៉ូណា និងចលនាបះបោរជនស៊ីវិល ដែលកើតឡើងបន្ទាប់ពីរដ្ឋប្រហារថ្ងៃទី១ ខែកុម្ភៈ។ សហភាពអឺរ៉ុបបាននិយាយថា ចំនួនបុគ្គលដែលត្រូវបានរងទណ្ឌកម្មត្រូវបានបន្ថែមដល់ ៣៥នាក់ដែលខ្លួនជឿថា ជាប់ពាក់ព័ន្ធនឹងការធ្វើឱ្យខូចលទ្ធិប្រជាធិបតេយ្យ និងនីតិរដ្ឋសម្រាប់ការសម្រេចចិត្តគាបសង្កត់ និងការរំលោភសិទ្ធិមនុស្សធ្ងន់ធ្ងរ។ ក្រុមហ៊ុនដែលគ្រប់គ្រងដោយយោធាចំនួនពីរគឺក្រុមហ៊ុន Myanmar Economic Holdings Public Company Ltd (MEHL) និងក្រុមហ៊ុន Myanmar Economic Corp. (MEC)កាន់កាប់ភាគច្រើននៅក្នុងឧស្សាហកម្មជាច្រើន និងជួយផ្តល់មូលនិធិដល់យោធា។ចាប់តាំងពីមានការធ្វើរដ្ឋប្រហារ កងកម្លាំងសន្តិសុខបានសម្លាប់ក្រុមបាតុករ និងអ្នកឈរមើលហេតុការណ៍យ៉ាងហោចណាស់ ៧៣៨នាក់ នេះបើយោងតាមសមាគមជួយអ្នកទោសនយោបាយដែលឃ្លាំមើលការស្លាប់ និងការចាប់ខ្លួន។ របាយការណ៍នេះនិយាយថា មនុស្សជាង ៣.២០០នាក់កំពុងជាប់ឃុំ ក្នុងនោះមានមេដឹកនាំស៊ីវិលដែលត្រូវបានទម្លាក់ពីអំណាច របស់ប្រទេសនេះគឺលោកស្រី Aung San Suu Kyi និងប្រធានាធិបតី Win Myint៕អត្ថបទ៖ សុខមាន

ប្រមុខរាជរដ្ឋាភិបាលសម្រេចបង្វិលថវិកាជំនួយទៅជាជំនួយស្បៀងអាហារសម្រាប់ពលរដ្ឋអំឡុងពេលតំបន់បិទខ្ទប់

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានសម្រេចបង្វិលការផ្ដល់ជំនួយជាថវិកាទៅជាជំនួយស្បៀងអាហារវិញសម្រាប់ផ្គត់ផ្គង់ប្រជាពលរដ្ឋនៅក្នុងតំបន់ស្ថិតក្រោមការបិទខ្ទប់។សម្ដេចតេជោ ហ៊ុន សែន ថ្លែងឱ្យដឹងអំពីការកែប្រែនេះតាមរយៈសារជាសំឡេងដែលចេញតាមប្រព័ន្ធតេឡេក្រាមនៅល្ងាចថ្ងៃនេះ។សម្ដេចតេជោ ហ៊ុន សែន មានប្រសាសន៍ថា៖ «អ្វីដែលជាការចាំបាច់នៅពេលនេះ គឺការរស់។ ខ្ញុំឱ្យបង្វិលត្រឡប់ដើម្បីផ្គត់ផ្គង់ជាអង្ករ ជាត្រីខ ជាមី ជាទឹកត្រី ជាទឹកស៊ីអ៊ីវ និងអ្វីៗតាមលទ្ធភាពដែលអាចធ្វើទៅបាន»។ប្រមុខរាជរដ្ឋាភិបាលមានប្រសាសន៍បន្តថា៖ «ខ្ញុំសូមបងប្អូនមេត្តាយោគយល់អធ្យាស្រ័យចំពោះការលំបាករបស់រដ្ឋាភិបាល ដែលមិនអាចផ្ដល់ប្រាក់ ៣០ម៉ឺនរៀលក្នុងមួយគ្រួសារ ឬមួយនាក់ជូនបងប្អូនបានតទៅទៀតទេ។ ប៉ុន្តែ យើងខិតខំជំនួសវិញដោយមិនឱ្យបងប្អូនដាច់បាយតាមរយៈការផ្គត់ផ្គង់អង្ករ តាមរយៈការផ្ដល់ជាមី ជាត្រីខកំប៉ុង ជាទឹកត្រី ទឹកស៊ីអ៊ីវជំនួសវិញ»សម្ដេចតេជោ ហ៊ុន សែន បានស្នើសុំប្រជាពលរដ្ឋយោគយល់ចំពោះការកែប្រែនេះ ដោយថា ការផ្គត់ផ្គង់ទៅដល់ប្រជាពលរដ្ឋនៅតំបន់បិទខ្ទប់ក្នុងរាជធានីភ្នំពេញ និងក្រុងតាខ្មៅ បានក្លាយជាបន្ទុកកាន់តែធំសម្រាប់រដ្ឋាភិបាល។សម្ដេចតេជោ ហ៊ុន សែន មានប្រសាសន៍ថា៖ «សូមបងប្អូនមេត្តាយោគយល់! ៣០ម៉ឺនរៀល វាមិនធំទេសម្រាប់បងប្អូន ក៏ប៉ុន្តែ វាធំសម្រាប់រាជរដ្ឋាភិបាលផ្គត់ផ្គង់ទូទាំងរាជធានីភ្នំពេញ ព្រោះត្រូវជាប់ធ្វើចត្តាឡីស័ក និងជាប់នូវបម្រាមដូចៗគ្នា។ ក៏ប៉ុន្តែ ខ្ញុំសូមបញ្ជាក់ជូនបងប្អូនប្រជាពលរដ្ឋថា ប្រសិនត្រឹមតែ ១ម៉ឺន ឬ ២ម៉ឺនគ្រួសារ វាមិនលំបាកទេ ក៏ប៉ុន្តែ ឥឡូវនេះ យើងមានរាប់សិបម៉ឺនគ្រួសារ»។ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានសម្រេចឱ្យបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅជាបណ្ដោះអាសន្នរយៈពេល ១៤ថ្ងៃ ចាប់ពីថ្ងៃទី១៥ រហូតដល់ថ្ងៃទី២៨ ខែមេសានេះ ដើម្បីទប់ស្កាត់ការឆ្លងរីករាលដាលកាន់តែធំឡើងនៃមេរោគកូវីដ១៩៕អត្ថបទ ៖ សុធី

UN៖ ពិភពលោកនឹងអស់ពេលក្នុងការដោះស្រាយវិបត្តិអាកាសធាតុ

UN៖ អង្គការសហប្រជាជាតិបាននិយាយកាលពីថ្ងៃចន្ទថា ២០២១ នេះត្រូវតែជាឆ្នាំវិធានការការពារមនុស្សប្រឆាំងនឹងផលប៉ះពាល់ដ៏គ្រោះថ្នាក់ នៃបម្រែបម្រួលអាកាសធាតុ។ UN ថ្លែងបែបនេះ មុនកិច្ចប្រជុំកំពូលសំខាន់រៀបចំឡើងដោយសហរដ្ឋអាមេរិក។UN បានព្រមានថា ពេលវេលាអស់លឿនខ្លាំងណាស់ ក្នុងការដោះស្រាយវិបត្តិអាកាសធាតុ ក្នុងនោះការរីករាលដាលឆ្លងសកលជំងឺ COVID-19 ធ្វើឲ្យបញ្ហាកាន់តែធ្ងន់ធ្ងរដល់បម្រែបម្រួលអាកាសធាតុ។ ការអំពាវនាវបែបនេះបានធ្វើឡើង ជាមួយនឹងរបាយការណ៍ប្រចាំឆ្នាំសំខាន់ មុនពេលដែលកិច្ចប្រជុំកំពូលស្តីពីអាកាសធាតុ របស់ប្រធានាធិបតីសហរដ្ឋអាមេរិក លោក ចូ បៃដិន ចាប់ផ្តើមនៅថ្ងៃព្រហស្បតិ៍ខាងមុខនេះ។ គួរឲ្យដឹងថា មេដឹកនាំពិភពលោកចំនួន ៤០ ត្រូវបានអញ្ជើញឲ្យចូលរួមកិច្ចប្រជុំតាមអនឡាញរបស់លោក បៃដិន ដែលមានគោលដៅបង្កើតកិច្ចខិតខំរបស់ប្រទេសមានឧស្សាហកម្មជឿនលឿន ក្នុងការដោះស្រាយវិបត្តិអាកាសធាតុ។ប្រមុខ UN លោក អង់តូនីញ៉ូ ហ្គូទែរ៉េស បាននិយាយប្រាប់សន្និសីទសារព័ត៌មានថា ពួកយើងកំពុងស្ថិតនៅមាត់ជ្រោះមរណៈ។ លោកបន្តថា នេះគឺជាឆ្នាំដ៏សំខាន់ពិតប្រាកដមួយសម្រាប់អនាគតមនុស្សជាតិ ហើយរបាយការណ៍បង្ហាញថា ពួកយើងគ្មានពេលត្រូវខ្ជះខ្ជាយ ឬបង្អាក់អាកាសធាតុនៅទីនេះទៀតនោះទេ។ មុនពេលបញ្ចេញរបាយការណ៍អាកាសធាតុឆ្នាំ២០២០ដែលរៀបចំឡើងដោយអង្គការឧតុនិយមពិភពលោករបស់ UN លោក ហ្គូទែរ៉េស បានជំរុញឲ្យប្រទេសទាំងអស់បញ្ឈប់ការធ្វើសង្គ្រាមជាមួយធម្មជាតិ៕អត្ថបទ៖ សារ៉ាត់

សម្ដេចតេជោ ហ៊ុន សែន និងភរិយា ទទួលការចាក់វ៉ាក់សាំងដូសទីពីរនៅព្រឹកនេះ នៅគេហដ្ឋានរបស់សម្ដេចផ្ទាល់

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា និងភរិយារបស់លោក គឺសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានទទួលដូសទី២នៃវ៉ាក់សាំង AstraZeneca នៅថ្ងៃនេះ។ប្រមុខរាជរដ្ឋាភិបាលកម្ពុជា បានប្រកាសឱ្យដឹងពីការចាក់វ៉ាក់សាំង AstraZeneca ដូសទី២នេះនៅលើទំព័រហ្វេសប៊ុកផ្លូវការរបស់លោកនៅព្រឹកថ្ងៃនេះ។បើតាមទំព័រហ្វេសប៊ុកលោក សម្ដេចតេជោ ហ៊ុន សែន និងភិរយារបស់លោក បានទទួលវ៉ាក់សាំងដូសទី២នេះនៅឯគេហដ្ឋានរបស់សម្ដេចតែម្ដង ដោយចាក់វ៉ាក់សាំងនៅលើដៃខាងឆ្វេងដដែល។សម្ដេចតេជោ ហ៊ុន សែន ឱ្យដឹងផងដែរថា កូនស្រីពៅរបស់សម្ដេច ក៏ទទួលការចាក់វ៉ាក់សាំងស៊ីណូវ៉ាក់ដូសទី២ផងដែរនៅថ្ងៃនេះ។សម្រាប់ការចាក់វ៉ាក់សាំងដូសទី២នេះ សម្ដេចតេជោ ហ៊ុន សែន លើកឡើងថា «ខ្ញុំនៅបន្តចាក់ដៃឆ្វេងដដែល ដើម្បីទុកដៃស្ដាំបន្តកិច្ចការតទៅទៀត។ រឿងដែលបារម្ភ តើខ្ញុំងងុយដេកដូចកាលចាក់ដូសទីមួយឬទេ? បើងងុយដេក ឯកសារច្បាស់ជានៅលើតុ និងមិនបានហាត់ប្រាណផងដែរ»។សម្ដេចតេជោ ហ៊ុន សែន បញ្ជាក់ថា សម្ដេចចាក់វ៉ាក់សាំងដូសទី២នៅថ្ងៃនេះ គឺដើម្បីអាចចេញដំណើរទៅចូលរួមកិច្ចប្រជុំកំពូលអាស៊ានដែលគ្រោងរៀបចំធ្វើឡើងនៅប្រទេសឥណ្ឌូនេស៊ីនៅថ្ងៃទី២៤ ខែមេសានេះ។សម្ដេចតេជោ ហ៊ុន សែន បានទទួលការចាក់វ៉ាក់សាំង AstraZeneca ដូសទី១ កាលពីថ្ងៃទី៤ ខែមីនាកន្លងមកនេះ ដែលការចាក់លើកទី១នោះ ធ្វើឡើងនៅឯមន្ទីរពេទ្យកាល់ម៉ែត្រ៕

អង្គការសុខភាពពិភពលោក៖ ករណីឆ្លងជំងឺ COVID-19 បានហក់ឡើងខ្ពស់ប្រចាំសប្ដាហ៍

WHO៖ ប្រមុខអង្គការសុខភាពពិភពលោកនិយាយថា ករណីឆ្លងថ្មីនៃវីរុសកូរ៉ូណា ឬ COVID-19 ជាង ៥លាន ២សែននាក់ត្រូវបានរាយការណ៍នៅទូទាំងពិភពលោកកាលពីសប្ដាហ៍មុន ជាចំនួនហក់ឡើងខ្ពស់បំផុតមិនធ្លាប់មានប្រចាំសប្ដាហ៍។លោក Tedros Adhanom Ghebreyesus បានរាយការណ៍កាលពីថ្ងៃច័ន្ទថា នេះជាការកើនឡើងខ្ពស់រយៈពេល ៨សប្ដាហ៍ជាប់ៗគ្នានៃករណីឆ្លង។ លោក Tedros ក៏បានបង្ហាញការព្រួយបារម្ភផងដែរ អំពីការកើនឡើងនៃចំនួនមនុស្សស្លាប់។ លោកបាននិយាយថា រយៈពេល ៩ខែចំនួនអ្នកស្លាប់បានកើនឡើងដល់ ១លាននាក់ រយៈពេល ៤ខែក្រោយបានកើនឡើងដល់ ២លាននាក់ ហើយ ៣ខែក្រោយមកទៀតអ្នកស្លាប់លើពិភពលោកដោយសារជំងឺ COVID-19 បានកើនឡើងដល់ជាង ៣លាននាក់។ លោក Tedros បាននិយាយថា ការឆ្លង និងចំនួនអ្នកជំងឺចូលសម្រាកក្នុងមន្ទីរពេទ្យកំពុងកើនឡើង ក្នុងចំណោមមនុស្សដែលមានអាយុចន្លោះពី ២៥ឆ្នាំដល់ ៥៩ឆ្នាំ។ លោកថា ការឆ្លងជំងឺបម្លែងខ្លួនថ្មីដ៏ខ្ពស់ និងការមិនគោរពវិធានការគម្លាតសុវត្ថិភាព អាចជាកត្តាបណ្ដាលឲ្យមានការឆ្លងកើនឡើង។ប្រធានក្រុមបច្ចេកទេសសម្រាប់ការឆ្លើយតបវីរុសកូរ៉ូណា របស់អង្គការសុខភាពលោកស្រី Maria Van Kerkhove បានបញ្ជាក់ថា ចំណុចសំខាន់នៃការរក្សាវិធានការប្រឆាំងនឹងការឆ្លងជាក់ស្ដែង រួមទាំងការចៀសវៀងចូលទៅកន្លែងដែលមានមនុស្សច្រើនកុះករផងដែរ។ លោកស្រីបានអំពាវនាវដល់រដ្ឋាភិបាលនានា ជួយគាំទ្រឲ្យមានការធ្វើការងារពីផ្ទះ ស្នាក់នៅក្នុងផ្ទះ ប្រសិនបើចាំបាច់ ដូច្នេះយើងអាចកាត់បន្ថយលទ្ធភាព នៃការឆ្លងរាលដាលវីរុសនេះបាន៕អត្ថបទ៖ សុខមាន

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួលសម្តេចពេលទៅមកប្រទេសឥណ្ឌូនេស៊ី

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានស្នើដល់ប្រតិភូនៃរាជរដ្ឋាភិបាលទាំងអស់ មិនចាំបាច់ជូនដំណើរ និងទៅទទួលសម្តេច ពេលដែលសម្តេចអញ្ជើញទៅ ចូលរួមកិច្ចប្រជុំអាស៊ាន នៅប្រទេសឥណ្ឌូនេស៊ី ដើម្បីបង្ការទប់ស្កាត់ការរីករាលដាលនូវមេរោគកូវីដ១៩។យោងតាមសារសំឡេងរបស់សម្តេចតេជោ ហ៊ុន សែន នាព្រឹកថ្ងៃទី២០ ខែមេសា ឆ្នាំ២០២១នេះ សម្តេចតេជោ ហ៊ុន សែន បានបញ្ជាក់ឲ្យដឹងថា ការចេញដំណើររបស់សម្តេច នាថ្ងៃទី២៤ ខែមេសា ខាងមុខនេះទៅប្រទេសឥណ្ដូនេស៊ី ដើម្បីទៅចូលរួមកិច្ចប្រជុំអាស៊ានពេលនេះ គឺមិនចាំបាច់ជូនដំណើរ ហើយពេលដែលសម្តេចវិលត្រឡប់មកវិញក៏មិនចាំបាច់ទៅទទួលផងដែរ ខណៈដែលប្រទេសកម្ពុជាយើង ជាពិសេសនៅក្នុងរាជធានីភ្នំពេញនេះតែម្តង បានកំពុងតែធ្វើការបិទខ្ទប់ដើម្បើទប់ស្កាត់ និងបង្ការនៃការរីករាលដាលនូវមេរោគកូវីដ១៩នោះ។សូមបញ្ជាក់ថា សម្តេចតេជោ ហ៊ុន សែន អមដោយគណៈប្រតិភូជាន់ខ្ពស់របស់រាជរដ្ឋាភិបាលមួយចំនួនទៀត នៅព្រឹកថ្ងៃទី២៤ ខែមេសា ២០២១ខាងមុខនេះ នឹងចេញដំណើរទៅទីក្រុងហ្សាកាតា ប្រទេសឥណ្ឌូនេស៊ី ដើម្បីចូលរួមកិច្ចប្រជុំអាស៊ាន។ បើតាមសម្តេចតេជោ ហ៊ុន សែន នាយករដ្ឋមន្រ្តី បានបញ្ជាក់កាលពីកន្លងទៅថា មុនពេលសម្តេចចេញដំណើរទៅសម្តេច ត្រូវយកសំណាកពិនិត្យដើម្បីទទួលលិខិតបញ្ជាក់សម្រាប់អោយអាជ្ញាធរសុខាភិបាលឥណ្ឌូណេស៊ី ហើយពេលពេលសម្តេចទៅដល់ត្រូវយកសំណាកពិនិត្យម្តងទៀត ខណៈពេលរសៀលការប្រជុំចាប់ផ្តើម ពេលចប់មិនថាថ្ងៃ ឬយប់សម្តេចត្រូវត្រឡប់មកវិញ ហើយពេលមកដល់ព្រលានយន្តហោះអន្តរជាតិភ្នំពេញ សម្តេចត្រូវយកសំណាកពិនិត្យម្តងទៀតផងដែរ។ មកដល់ផ្ទះសម្តេចត្រូវធ្វើចត្តាឡីស័ក១៤ថ្ងៃជាមួយនឹងការពិនិត្យសំណាក២ទៅ៣ដងទៀត។សម្តេច បានបន្ថែមទៀតថា«ដើម្បីធានាសុវត្ថិភាពសម្រាប់ភរិយា កូន និងចៅ សម្តេចត្រូវអោយភរិយា នាំកូន និងចៅទៅសម្រាកនៅទីកន្លែងផ្សេង។ ដោយឡែកសមាជិកប្រតិភូដែលធ្វើដំណើរជាមួយសម្តេច ត្រូវយកសំណាក និងធ្វើចត្តាឡីស័ក១៤ថ្ងៃដូចគ្នា ជាមួយនឹងសម្តេចយ៉ាងដូច្នេះដែរ។សូមរំលឹកផងដែរថា ដោយភារកិច្ចខានមិនបានក្នុងការចូលរួមប្រជុំអាស៊ាននាថ្ងៃទី២៤ មេសា ២០២១នេះ នៅរដ្ឋធានីហ្សាកាតាប្រទេសឥណ្ឌូណេស៊ីនោះ សម្តេចតេជោ ត្រូវបានប្តូរថ្ងៃចាក់វ៉ាក់សាំងដូសទី២នៅថ្ងៃទី២០ មេសានេះ ដែលមុននោះគ្រោងចាក់នៅថ្ងៃទី២៩ មេសា ២០២១។នៅថ្ងៃទី២០ ខែមេសានេះ សម្តេចតេជោ ត្រូវចាក់វ៉ាក់សាំងដូសទី២ បានរួចជាស្ថាពរហើយ ប៉ុន្តែការចាក់របស់សម្តេចគឺមិនបានចាក់នៅមន្ទីរពេទ្យទេ គឺចាក់នៅគេហដ្ឋានជាមួយភរិយា និងកូនស្រីពៅខុសគ្នាតែប្រភេទវ៉ាក់សាំងប៉ុណ្ណោះ។ សម្តចបានបញ្ជាក់ថា សម្តេច និងភរិយារបស់សម្តេចគឺបានទទួលវ៉ាក់សាំង Astra Zeneca រីឯកូនស្រីពៅទទួលដូសទី២នៃវ៉ាក់សាំង Sinovac៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

រុស្ស៊ីនិយាយថា កងកម្លាំងរក្សាសន្តិភាពមានសារៈសំខាន់សម្រាប់ការសម្រេចបាននូវសន្តិភាពតាមរយៈការសន្ទនា

លោក Lavrov៖ សេដ្ឋកិច្ចអឺរ៉ុបកំពុងធ្លាក់ចូលទៅក្នុងស្ថានភាពដ៏អាក្រក់ ហើយមិនអាចលាក់បាំងការពិតបានឡើយ

ចំនួនអ្នកស្លាប់ដោយសារព្យុះ នៅចិន កើនឡើងដល់យ៉ាងតិច ១៧នាក់ ខណៈរាប់រយនាក់រងរបួស

ប្រធានាធិបតីកូរ៉េខាងត្បូងអំពាវនាវឱ្យមានសហប្រតិបត្តិការកាន់តែលឿន នៅឯវេទិកាការពារជាតិណាតូ

UN៖ ក្រុមមនុស្សធម៌ ចល័តជំនួយសម្រាប់ប្រជាជនរងផលប៉ះពាល់ដោយការប្រយុទ្ធគ្នានៅអាហ្វ្រិកកណ្តាល

លោកស្រី Le Pen ប្រាប់ថា បន្តប្រជែងតំណែងប្រធានាធិបតីបារាំង ក្រោយសេចក្ដីសម្រេចរបស់តុលាការឧទ្ធរណ៍

អ៊ីស្រាអែល និងលីបង់ នឹងចាប់ផ្តើមការចរចាជុំបន្ទាប់នៅទីក្រុងរ៉ូម ប្រទេសអ៊ីតាលី

[UPDATE] លោក Trump៖ បទឈប់បាញ់អាមេរិក-អ៊ីរ៉ង់ គឺ «ចប់ហើយ» ក្រោយមានការវាយប្រហារទៅវិញទៅមក

អ៊ីរ៉ង់និយាយថាបានកំណត់គោលដៅទីតាំងយោធាអាមេរិក៨៥កន្លែងនៅប្រទេសបារ៉ែន និងកូវ៉ែត

លោក Netanyahu បញ្ជាក់ថា លោក និងលោក Trump ត្រូវគ្នា ជុំវិញរឿងធំៗ ស្ដីពីបញ្ហាអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ករណីលេចធ្លាយអុកស៊ីហ្សែននៅឥណ្ឌាបណ្ដាលឲ្យអ្នកជំងឺ Covid-19 ចំនួន ២២នាក់បាត់បង់ជីវិត

WHO៖ ជំងឺ COVID-19 បម្លែងខ្លួនថ្មីបានឆ្លងរាលដាលនៅក្នុងប្រទេស និងដែនដី ១៣៧

ក្រសួងសុខាភិបាលប្រកាសពីករណីស្លាប់២នាក់ទៀតដោយសារជំងឺកូវីដ១៩នៅថ្ងៃនេះ

ខេត្តព្រះសីហនុមានអ្នកឆ្លងកូវីដ កើនដល់ជិត ១០០០នាក់

អឺរ៉ុបបន្ថែមទណ្ឌកម្មប្រឆាំងយោធាមីយ៉ាន់ម៉ា មុនជំនួបកំពូលអាស៊ានចូលមកដល់

ប្រមុខរាជរដ្ឋាភិបាលសម្រេចបង្វិលថវិកាជំនួយទៅជាជំនួយស្បៀងអាហារសម្រាប់ពលរដ្ឋអំឡុងពេលតំបន់បិទខ្ទប់

UN៖ ពិភពលោកនឹងអស់ពេលក្នុងការដោះស្រាយវិបត្តិអាកាសធាតុ

សម្ដេចតេជោ ហ៊ុន សែន និងភរិយា ទទួលការចាក់វ៉ាក់សាំងដូសទីពីរនៅព្រឹកនេះ នៅគេហដ្ឋានរបស់សម្ដេចផ្ទាល់

អង្គការសុខភាពពិភពលោក៖ ករណីឆ្លងជំងឺ COVID-19 បានហក់ឡើងខ្ពស់ប្រចាំសប្ដាហ៍

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួលសម្តេចពេលទៅមកប្រទេសឥណ្ឌូនេស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ករណី​លេច​ធ្លាយ​អុកស៊ីហ្សែន​នៅ​ឥណ្ឌា​បណ្ដាល​ឲ្យ​អ្នកជំងឺ Covid-19 ចំនួន ២២​នាក់​បាត់​បង់ជីវិត​

WHO៖​ ជំងឺ ​COVID-19 ប​ម្លែ​ង​ខ្លួន​ថ្មី​បាន​ឆ្លង​រាលដាល​នៅ​ក្នុង​ប្រទេស និង​ដែនដី​ ១៣៧

ក្រសួងសុខាភិបាលប្រកាសពីករណីស្លាប់២នាក់ទៀតដោយសារជំងឺកូវីដ១៩នៅថ្ងៃនេះ

ខេត្តព្រះសីហនុមានអ្នកឆ្លងកូវីដ កើនដល់ជិត ១០០០នាក់

អឺរ៉ុប​បន្ថែម​ទណ្ឌកម្ម​ប្រឆាំង​យោធា​មី​យ៉ាន់​ម៉ា មុន​ជំនួប​កំពូល​អាស៊ាន​ចូល​មក​ដល់​

UN៖ ពិភពលោក​នឹង​អស់​ពេល​ក្នុង​ការ​ដោះស្រាយ​វិបត្តិ​អាកាសធាតុ​

អង្គការ​សុខភាព​ពិភពលោក៖ ករណី​ឆ្លង​ជំងឺ​ COVID-19 បាន​ហក់​ឡើង​ខ្ពស់​ប្រចាំ​សប្ដាហ៍​

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួល​សម្តេចពេលទៅមកប្រទេសឥណ្ឌូនេស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ករណីលេចធ្លាយអុកស៊ីហ្សែននៅឥណ្ឌាបណ្ដាលឲ្យអ្នកជំងឺ Covid-19 ចំនួន ២២នាក់បាត់បង់ជីវិត

WHO៖ ជំងឺ COVID-19 បម្លែងខ្លួនថ្មីបានឆ្លងរាលដាលនៅក្នុងប្រទេស និងដែនដី ១៣៧

អឺរ៉ុបបន្ថែមទណ្ឌកម្មប្រឆាំងយោធាមីយ៉ាន់ម៉ា មុនជំនួបកំពូលអាស៊ានចូលមកដល់

UN៖ ពិភពលោកនឹងអស់ពេលក្នុងការដោះស្រាយវិបត្តិអាកាសធាតុ

អង្គការសុខភាពពិភពលោក៖ ករណីឆ្លងជំងឺ COVID-19 បានហក់ឡើងខ្ពស់ប្រចាំសប្ដាហ៍

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួលសម្តេចពេលទៅមកប្រទេសឥណ្ឌូនេស៊ី