BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

សហភាពអឺរ៉ុប៖ ក្រុមហ៊ុន AstraZeneca ត្រូវតែធ្វើឲ្យបានការចែកចាយវ៉ាក់សាំងបង្ការជំងឺ COVID-19

អឺរ៉ុប៖ ប្រធានគណៈកម្មការអឺរ៉ុប លោកស្រី យូស៊ូឡា វ៉ុនដឺ ឡេយ៉េន បាននិយាយកាលពីថ្ងៃព្រហស្បតិ៍ថា ក្រុមហ៊ុនផលិតឱសថអង់គ្លេស AstraZeneca ត្រូវតែធ្វើឲ្យបានការចែកចាយវ៉ាក់សាំង តាមការសន្យារបស់ខ្លួនដល់សហភាពអឺរ៉ុប មុនពេលនាំចេញដូសទៅកាន់កន្លែងផ្សេងទៀត។ លោកស្រីបាននិយាយថា ក្រុមហ៊ុនមួយនេះត្រូវតែគោរពកិច្ចសន្យា ដែលពួកគេមានជាមួយរដ្ឋជាសមាជិកសហភាពអឺរ៉ុប។លោកស្រី វ៉ុនដឺ ឡេយ៉េន បានថ្លែងបែបនេះ ក្រោយក្រុមមេដឹកនាំសហភាពអឺរ៉ុប ចូលរួមកិច្ចប្រជុំកំពូលតាម Video Conference ដើម្បីពិភាក្សាលើការផ្គត់ផ្គង់វ៉ាក់សាំងបង្ការជំងឺ COVID-19។ ខណៈពេលនោះដែរ ប្រធានាធិបតីបារាំង លោក អេម៉ានូអែល ម៉ាក្រុង បាននិយាយប្រាប់ក្រុមអ្នកសារព័ត៌មានថា វាជាការបញ្ចប់សេចក្តីឆោតល្ងង់របស់សហភាពអឺរ៉ុប។ គួរឲ្យដឹងថា យុទ្ធនាការចាក់វ៉ាក់សាំងបង្ការជំងឺ COVID-19 នៅតាមរដ្ឋជាសមាជិកសហភាពអឺរ៉ុប បានចាប់ផ្ដើមយឺតយ៉ាវ ហើយប្លុកមួយនេះបានបន្ទោសក្រុមហ៊ុនឱសថ ពិសេសគឺក្រុមហ៊ុន AstraZeneca ថា មិនបានចែកចាយដូសវ៉ាក់សាំង តាមការសន្យារបស់ខ្លួន។ទោះបីជាយ៉ាងណាក៏ដោយក្រុមហ៊ុន AstraZeneca បានច្រានចោលថា ពួកគេមិនបានមិនគោរពកិច្ចសន្យារបស់ខ្លួននោះទេ។ លោកស្រី វ៉ុនដឺ ឡេយ៉េន បាននិយាយប្រាប់សន្និសីទសារព័ត៌មាន ក្រោយជំនួយកំពូលក្រុមមេដឹកនាំអឺរ៉ុបតាមអនឡាញថា លោកស្រីគិតថា ច្បាស់ណាស់ថា ក្រុមហ៊ុនទាំងអស់ត្រូវតែធ្វើឲ្យបាន ការចែកចាយវ៉ាក់សាំងរបស់ពួកគេ។ លោកស្រីបន្តថា ពួកគេត្រូវតែគោរពកិច្ចសន្យា ដែលមានជាមួយរដ្ឋជាសមាជិកអឺរ៉ុប មុនពេលពួកគេនាំចេញវ៉ាក់សាំងទៅកន្លែងផ្សេង។ ពួកយើងចង់ពន្យល់ដល់ប្រជាពលរដ្ឋអឺរ៉ុបថា ពួកគេអាចទទួលបានការចែករំលែកវ៉ាក់សាំង របស់ពួកគេដោយត្រឹមត្រូវ។ សូមបញ្ជាក់ថា សហភាពអឺរ៉ុបរងការរិះគន់យ៉ាងខ្លាំង ពិសេសដោយចក្រភពអង់គ្លេស និងអង្គការសុខភាពពិភពលោក(WHO) សម្រាប់វ៉ាក់សាំងជាតិនិយម បន្ទាប់ពីពួកគេណែនាំឲ្យគ្រប់គ្រង ការនាំចេញវ៉ាក់សាំងដែលផលិតបាននៅក្នុងប្លុកមួយនេះ៕អត្ថបទ៖ សារ៉ាត់

UNICEF៖ ឥណ្ឌាទំនងជាពន្យារពេលការផ្គត់ផ្គង់វ៉ាក់សាំងក្នុងគម្រោង COVAX សម្រាប់ខែមីនា និងខែមេសា

ឥណ្ឌា៖ មូលនិធិកុមារអង្គការសហប្រជាជាតិ UNICEF ដែលជាដៃគូចែកចាយ និងផ្គត់ផ្គង់វ៉ាក់សាំងបង្ការជំងឺ COVID-19 បាននិយាយនៅព្រឹកថ្ងៃព្រហស្បតិ៍នេះថា ឥណ្ឌាទំនងជាពន្យារពេលការចែកចាយវ៉ាក់សាំងរបស់ហ៊ុន AstraZeneca ទៅកាន់គម្រោង COVAX ដែលគាំទ្រដោយក្រុមសម្ព័ន្ធវ៉ាក់សាំង GAVI និងអង្គការសុខភាពពិភពលោក (WHO)។UNICEF បាននិយាយនៅក្នុងអ៊ីម៉ែលថា ពួកយើងដឹងច្បាស់ថា ការចែកចាយវ៉ាក់សាំងបង្ការជំងឺ COVID-19 ក្នុងគម្រោង COVAX ទៅកាន់ប្រទេសមានប្រាក់ចំណូលទាប នឹងប្រឈមជាមួយនឹងការពន្យារពេល បន្ទាប់ពីដំណើរថយក្រោយនៃការទទួលបានអាជ្ញាប័ណ្ណ នាំចេញដូសបន្ថែមទៀតនៃវ៉ាក់សាំងបង្ការជំងឺ COVID-19 ផលិតដោយវិទ្យាស្ថានសេរ៉ាមឥណ្ឌា (SII) ដែលគេរំពឹងថានឹងដឹកជញ្ជូននៅក្នុងខែមីនា និងខែមេសាខាងមុខនេះ។ គម្រោង COVAXកំពុងពិភាក្សាការងារជាមួយរដ្ឋាភិបាលឥណ្ឌា ដើម្បីធានាឲ្យបានការចែកចាយដំណើរការ ទៅលឿនតាមដែលអាចធ្វើទៅបាន។ខណៈពេលនោះដែរ ទីភ្នាក់ងារព័ត៌មានរ៉យទ័របានរាយការណ៍កាលពីថ្ងៃពុធថា ឥណ្ឌានឹងផ្អាកបណ្ដោះអាសន្នការនាំចេញសំខាន់ៗទាំងអស់ នៃវ៉ាក់សាំងក្រុមហ៊ុន AstraZeneca ផលិតបានដោយ SII ដែលជាកន្លែងផលិតវ៉ាក់សាំងធំជាងគេបំផុត នៅលើពិភពលោក។ UNICEF បាននិយាយផងដែរថា បណ្ដាប្រទេសដែលមាននៅក្នុងគម្រោង COVAX ត្រូវបានគេនិយាយប្រាប់ពីការផ្គត់ផ្គង់យឺតជាងការរំពឹងទុក នៃដូសវ៉ាក់សាំងរបស់ក្រុមហ៊ុន AstraZeneca ផលិតបាននៅកូរ៉េខាងត្បូង៕អត្ថបទ៖ សារ៉ាត់

អារ៉ាប៊ីសាអ៊ូឌីតគំរាមសម្លាប់អ្នករាយការណ៍ពិសេស UN ដែលស៊ើបអង្កេតករណីសម្លាប់អ្នកកាសែត Khashoggi

អារ៉ាប៊ីសាអ៊ូឌីត៖ យោងតាមសេចក្ដីរាយការណ៍ពីការិយាល័យសិទ្ធិមនុស្ស អង្គការសហប្រជាជាតិ (UN) បានឲ្យដឹងថា មន្ត្រីជាន់ខ្ពស់មួយរូបរបស់អារ៉ាប៊ីសាអ៊ូឌីត បានគំរាមសម្លាប់លោកស្រី Agnes Callamard ជាអ្នករាយការណ៍ពិសេសរបស់ UN ដែលបានបើកការស៊ើបអង្កេតលើករណីសម្លាប់អ្នកកាសែត Jamal Khashoggi។គួរឲ្យដឹងថា លោក Khashoggi ដែលជាជនជាតិអារ៉ាប៊ីសាអ៊ូឌីត បម្រើការឲ្យកាសែត Washington Post នោះត្រូវបានសម្លាប់ដោយភ្នាក់ងារទីក្រុងរីយ៉ាដ នៅស្ថានកុងស៊ុលរបស់ពួកគេ ប្រចាំនៅទីក្រុងអ៊ីស្តានប៊ុល ប្រទេសទួរគីកាលពីថ្ងៃទី២ ខែតុលា ឆ្នាំ២០១៨ កន្លងទៅ។ លោក Khashoggi បានសរសេរអត្ថបទជាច្រើនរិះគន់ របបរបស់រាជាណាចក្រអារ៉ាប៊ីសាអ៊ូឌីត។ លោកស្រី Callamard បាននិយាយប្រាប់កាសែត Guardian នៅក្នុងបទសម្ភាសន៍ចុះផ្សាយកាលពីថ្ងៃអង្គារថា លោកស្រីទទួលបានការជូនដំណឹងពីសហការី UN កាលពីខែមករា ឆ្នាំ២០២០ ថា មន្ត្រីជាន់ខ្ពស់មួយរូបរបស់អារ៉ាប៊ីសាអ៊ូឌីត បានគំរាមសម្លាប់លោកស្រី។ មន្ត្រីសារព័ត៌មានប្រចាំការិយាល័យលោកស្រី Callamard ដែលជាការិយាល័យឧត្តមស្នងការ UNទ្រទ្រង់សិទ្ធិមនុស្សបានបញ្ជាក់អះអាងអនុសាសន៍ របស់លោកស្រីដល់ CNN កាលពីថ្ងៃអង្គារ។ទោះបីជាយ៉ាងណាក៏ដោយ រដ្ឋាភិបាលអារ៉ាប៊ីសាអ៊ូឌីតមិនបានឆ្លើយតបភ្លាមៗនោះទេ នឹងសំណើរបស់ CNN សុំធ្វើសេចក្ដីអធិប្បាយជុំវិញការលើកឡើងបែបនេះ។ នៅក្នុងរបាយការណ៍ជិត ១០០ទំព័ររបស់លោកស្រី Callamard ដែលបានចុះផ្សាយកាលពីខែមិថុនា ឆ្នាំ ២០១៩ បានសន្និដ្ឋានថា មានភស្តុតាងច្បាស់លាស់ថា ព្រះអង្គម្ចាស់អារ៉ាប៊ីសាអ៊ូឌីត Mohammed bin Salman និងមន្ត្រីជាន់ខ្ពស់ផ្សេងទៀត ឈរនៅពីក្រោយឃាតកម្មមកលើលោក Khashoggi។ លោកស្រី Callamard បាននិយាយថា សហការីរបស់លោកស្រីនិយាយថា ពួកគេបានមើលឃើញការគំរាមសម្លាប់ពិតប្រាកដមួយ អំឡុងជំនួបកម្រិតខ្ពស់កាលពីខែមករា ឆ្នាំ២០២០ ជាមួយមន្ត្រីការទូតអារ៉ាប៊ីសាអ៊ូឌីត ដែលមានមូលដ្ឋាននៅទីក្រុងហ្សឺណែវ ប្រទេសស្វីស៕អត្ថបទ៖ សារ៉ាត់

កូរ៉េខាងជើងបាញ់មីស៊ីល ២លើកក្នុងរយៈពេលមិនដល់ ១សប្ដាហ៍ជាការផ្គើននឹងអាមេរិក

អាមេរិក៖ មន្ត្រីជាន់ខ្ពស់មួយរូបរបស់សហរដ្ឋអាមេរិក បាននិយាយប្រាប់ CNN ថា យោងតាមការវាយតម្លៃចារកិច្ចកូរ៉េខាងជើង បានបាញ់មីស៊ីលបាលីស្ទិក ២គ្រាប់នៅថ្ងៃព្រហស្បតិ៍នេះ ដែលជាការផ្គើននឹងទីក្រុងវ៉ាស៊ីងតោន។ ទោះបីជាយ៉ាងណាក៏ដោយ គេមិនទាន់ដឹងច្បាស់នោះទេថា តើវាជាប្រភេទមីស៊ីលរយៈចម្ងាយជិត មធ្យម ឬរយៈចម្ងាយឆ្ងាយ ដូចជាមីស៊ីលបាលីស្ទិកអន្តរទ្វីប ICBM នោះទេ។ក្រុមចារកិច្ច និងយោធាសហរដ្ឋអាមេរិក កំពុងវិភាគទិន្នន័យពីការបាញ់សាកល្បង ដើម្បីកំណត់ថា តើវាជាប្រភេទមីស៊ីលអ្វី និងហោះបានចម្ងាយប៉ុន្មានគីឡូម៉ែត្រ។ គួរឲ្យដឹងថា មីស៊ីលរយៈចម្ងាយជិតអាចហោះបានចម្ងាយតិចជាង ១ពាន់គីឡូម៉ែត្រ ខណៈដែលមីស៊ីលរយៈចម្ងាយមធ្យម អាចហោះបានចម្ងាយចន្លោះពី ១ពាន់គីឡូម៉ែត្រទៅ ៣ពាន់គីឡូម៉ែត្រ។ សហរដ្ឋអាមេរិកតាមដានការបាញ់សាកល្បងអាវុធ របស់កូរ៉េខាងជើងតាមរយៈរ៉ាដា និងផ្កាយរណប ដែលអាចចាប់ជាប់សញ្ញាកម្ដៅមីស៊ីល ពេលបាញ់ចេញភ្លាមៗ។នៅព្រឹកថ្ងៃនេះផងដែរ នាយសេនាធិការចម្រុះកូរ៉េខាងត្បូង បាននិយាយប្រាប់ក្រុមអ្នកសារព័ត៌មានថា កូរ៉េខាងជើងបានបាញ់មីស៊ីលគ្មានអត្តសញ្ញាណ ចូលទៅក្នុងសមុទ្រចន្លោះតំបន់ឧបទ្វីបកូរ៉េ និងប្រទេសជប៉ុន។ យោងតាមសេចក្ដីរាយការណ៍ ពីក្រសួងការពារជាតិជប៉ុនបានឲ្យដឹងថា មីស៊ីលនេះទំនងជាបានធ្លាក់នៅក្រៅដែនដីជប៉ុន និងតំបន់សេដ្ឋកិច្ចពិសេស។ ក្រុមឆ្មាំសមុទ្រជប៉ុនបានក្រើនរំឭកនាវា ពីការឃ្លាំមើលបំណែកធ្លាក់របស់មីស៊ីល។ កាលពីសប្ដាហ៍មុន កូរ៉េខាងជើងបានបាញ់សាកល្បងមីស៊ីល ២គ្រាប់ផងដែរ ដែលជាការបាញ់សាកល្បងជាលើកដំបូង ចាប់តាំងពីប្រធានាធិបតីសហរដ្ឋអាមេរិក លោក ចូ បៃដិន ឡើងកាន់តំណែង៕អត្ថបទ៖ សារ៉ាត់

ករណីស្លាប់ប្រចាំថ្ងៃដោយសារ COVID-19 នៅប្រេស៊ីលកើនឡើងជាង ៣ពាន់នាក់ជាលើកដំបូង

ប្រេស៊ីល៖ ករណីស្លាប់ប្រចាំថ្ងៃដោយសារជំងឺ COVID-19 នៅប្រទេសប្រេស៊ីលបានកើនឡើងជាង ៣ពាន់នាក់ជាលើកដំបូងកាលពីថ្ងៃអង្គារ ស្របពេលដែលប្រទេសរងផលប៉ះពាល់ខ្លាំងមួយនេះ ពិបាកក្នុងការទប់ស្កាត់ការហក់ឡើងខ្ពស់ករណីឆ្លង ដែលជំរុញឲ្យមន្ទីរពេទ្យជាច្រើន ធ្លាក់ក្នុងស្ថានការណ៍មិនអាចស្រោចស្រង់បាន។ក្រសួងសុខាភិបាលបានរាយការណ៍ ករណីស្លាប់ខ្ពស់បំផុតចំនួន ៣.២៥១នាក់ក្នុងរយៈពេល ២៤ម៉ោងចុងក្រោយ ធ្វើឲ្យករណីស្លាប់នៅប្រេស៊ីលកើនឡើងជិត ២៩៩.០០០នាក់ ដែលជាករណីស្លាប់ខ្ពស់ជាងគេបំផុតបន្ទាប់ពីសហរដ្ឋអាមេរិក។ ករណីស្លាប់ច្រើនបំផុតនេះដែរ បានកើតមានឡើងនៅថ្ងៃតែមួយ ដែលលោកប្រធានាធិបតី ជែ បូលសូណារ៉ូ លើកបន្តុរដ្ឋមន្ត្រីក្រសួងសុខាភិបាលទី៤ របស់លោក និងប្រឈមសំពាធខ្លាំងឲ្យផ្លាស់ប្ដូរ គោលនយោបាយរបស់លោក ក្រោយពេលរូបលោកនិយាយសម្រាលការឆ្លងជំងឺ COVID-19 និងមិនព្រមស្តាប់សេចក្តីណែនាំ របស់ក្រុមអ្នកជំនាញឲ្យទប់ស្កាត់វីរុស ដ៏កាចសាហាវមួយនេះ។ លោក ម៉ាសេលូ ក្វេរ៉ូហ្គាស័យ អ្នកឯកទេសខាងជំងឺបេះដូងបានបន្តវេនពីលោក អេឌូអាដូ ប៉ាហ្ស៊ូឡូ ជារដ្ឋមន្ត្រីក្រសួងសុខាភិបាលប្រេស៊ីល។លោក ប៉ាហ្ស៊ូឡូ នាយឧត្ដមសេនីយ៍កងទ័ព ដែលគ្មានបទពិសោធន៍ក្នុងវិស័យសុខាភិបាលនោះទេ ហើយការដោះស្រាយបញ្ហាជំងឺ COVID-19 របស់លោករងការរិះគន់ខ្លាំង។ បច្ចុប្បន្នលោកកំពុងប្រឈមនឹងការស៊ើបអង្កេត ករណីមិនធានាឲ្យបានការផ្គត់ផ្គង់អុកស៊ីហ្សែន ដល់ទីក្រុងភាគខាងជើង ម៉ាណូស ជាកន្លែងដែលមានអ្នកជំងឺ COVID-19 ថប់ដង្ហើមស្លាប់យ៉ាងច្រើនកាលពីអំឡុងខែមករា។ រដ្ឋមន្ត្រីក្រសួងសុខាភិបាល ២រូបដំបូងរបស់លោក បូលសូណារ៉ូ គឺលោកវេជ្ជបណ្ឌិត ល្វីស ហេនរីក និងលោកវេជ្ជបណ្ឌិត ណេលសុន ថេក។ ពួកគេទាំង ២នាក់បានបែកបាក់ជាមួយប្រធានាធិបតីរូបនេះ ពាក់ព័ន្ធនឹងភាពរឹងរូសរបស់លោកមិនស្ដាប់សេចក្តីណែនាំ របស់ក្រុមអ្នកជំនាញឲ្យទប់ស្កាត់ជំងឺ COVID-19៕អត្ថបទ៖ សារ៉ាត់

មនុស្ស ១៥នាក់ស្លាប់ និង ៤០០នាក់កំពុងបាត់ខ្លួនក្រោយអគ្គិភ័យនៅជំរំជនភៀសខ្លួនរ៉ូហ៊ីងយ៉ានៅបង់ក្លាដែស

បង់ក្លាដែស៖ អង្គការសហប្រជាជាតិ (UN) បាននិយាយកាលពីថ្ងៃអង្គារថា មនុស្ស ១៥នាក់បានស្លាប់ និងមនុស្ស ៤០០នាក់ផ្សេងទៀតកំពុងបាត់ខ្លួន ក្រោយអគ្គិភ័យដ៏ធំមួយបានបំផ្លិចបំផ្លាញផ្ទះសម្បែង ជនភៀសខ្លួនរ៉ូហ៊ីងយ៉ារាប់ម៉ឺននាក់ ក្នុងជំរំស្នាក់នៅធំបំផុតលើពិភពលោក នៅប្រទេសបង់ក្លាដែស។ជនមូស្លីមភាគតិចជិត ១លាននាក់ ដែលភាគច្រើននៃពួកគេរត់គេចចេញ ពីការបោសសំអាតយ៉ាងចាស់ដៃពីយោធាសហភាពមីយ៉ាន់ម៉ា នៅរដ្ឋរ៉ាឃីនកាលពីឆ្នាំ២០១៧ នោះ រស់នៅក្នុងស្ថានភាពក្រលំបាករួចទៅហើយក្នុងជំរំទីក្រុងខុកស៍បាសា ស្ថិតនៅភាគអាគ្នេយ៍ប្រទេសបង់ក្លាដែស។ អគ្គិភ័យនេះដែរបានឆាបឆេះឡើងឡើងកាលពីថ្ងៃចន្ទ បណ្ដាលឲ្យជនភៀសខ្លួនប្រហែល ៥ម៉ឺននាក់គ្មានផ្ទះសម្បែងរស់នៅ។ នេះគឺជាអគ្គិភ័យចុងក្រោយគេ ក្នុងរយៈពេលជាច្រើនសប្ដាហ៍កន្លងមកនេះ និងជាអគ្គិភ័យធំបំផុតចាប់តាំងពីឆ្នាំ២០១៧។ បច្ចុប្បន្នបង់ក្លាដែសបានបញ្ជាឲ្យបើកការស៊ើបអង្កេត លើមូលហេតុនាំឲ្យអគ្គិភ័យនេះកើតឡើង។លោក អាមីនុល ហាក់ ជាជនភៀសខ្លួនរ៉ូហ៊ីងយ៉ាមួយរូបបាននិយាយថា អ្នករាល់គ្នារត់រកតែប្រាស់អាយុរៀងៗខ្លួន ពេលដែលភ្លើងឆេះរាលយ៉ាងឆាប់រហ័ស។ មនុស្សជាច្រើនរងរបួស ហើយលោកបានមើលឃើញសាកសពមនុស្សយ៉ាងហោច ៤នាក់ដែរនៅលើគំនរភ្លើង។ លោក ចូហាណេស វ៉ាន់ដឺ ក្លាអូវ អ្នកតំណាងទីភ្នាក់ងារជនភៀសខ្លួន របស់អង្គការសហប្រជាជាតិប្រចាំនៅបង់ក្លាដែសបាននិយាយថា មកទល់នឹងពេលនេះមនុស្ស ១៥នាក់បានស្លាប់ និងមនុស្ស ៤០០នាក់កំពុងបាត់ខ្លួន ខណៈមនុស្ស ៥៦០នាក់រងរបួស និងទីជម្រកយ៉ាងហោច ១ម៉ឺនខ្នងរងការបំផ្លិចបំផ្លាញគ្មានសេសសល់។ សូមបញ្ជាក់ថា បង់ក្លាដែសបានផ្តល់ទីជម្រក ដល់ជនមូស្លីមរ៉ូហ៊ីងយ៉ាជាង ១លាននាក់ ដែលភាគច្រើននៃពួកគេបានរត់ភៀសខ្លួន ចេញពីប្រទេសមីយ៉ាន់ម៉ាកាលពីឆ្នាំ២០១៧ អំឡុងការបង្ក្រាបយ៉ាងចាស់ដៃពីយោធា។ អង្គការសហប្រជាជាតិបាននិយាយថា ការចាត់វិធានការបោសសំអាតនេះ មានបំណងប្រល័យពូជសាសន៍គឺជាការចោទប្រកាន់មួយ ដែលសហភាពមីយ៉ាន់ម៉ាបដិសេធន៍ចោលទាំងស្រុង៕អត្ថបទ៖ សារ៉ាត់

ក្មេងស្រីអាយុ ៧ឆ្នាំម្នាក់ត្រូវបានបាញ់សម្លាប់ដោយកងកម្លាំងសន្តិសុខមីយ៉ាន់ម៉ា

មីយ៉ាន់ម៉ា៖ ក្រុមអ្នកស្រុកអះអាងថា ក្មេងស្រីអាយុ ៧ឆ្នាំម្នាក់ត្រូវបានបាញ់សម្លាប់ដោយកងកម្លាំងសន្តិសុខ ធ្វើឲ្យក្មេងស្រីម្នាក់នេះក្លាយជាជនរងគ្រោះក្មេងជាងគេបំផុត អំឡុងការបង្ក្រាបយ៉ាងចាស់ដៃមកលើក្រុមបាតុករ បន្ទាប់ពីរដ្ឋប្រហារយោធាសហភាពមីយ៉ាន់ម៉ាកាលពីខែមុន។ សមាជិកគ្រួសារក្មេងរងគ្រោះបាននិយាយថា ក្មេងស្រីម្នាក់នេះត្រូវបានបាញ់សម្លាប់ នៅផ្ទះរបស់នាងក្នុងទីក្រុងម៉ាន់ដាឡេ។សារព័ត៌មានក្នុងស្រុក Myanmar Now បានរាយការណ៍ថា ទាហានបានបាញ់ឪពុករបស់នាង ប៉ុន្តែបែរជាត្រូវចំក្មេងស្រីទៅវិញ ពេលដែលនាងកំពុងអង្គុយនៅលើភ្លៅឪពុកក្នុងផ្ទះរបស់ពួកគេ។ ក្មេងស្រីរងគ្រោះម្នាក់នេះមានឈ្មោះ ឃីន ម្យ៉ូ ឈីត។ ក្រុមជំនួយអះអាងថា ក្រុមជួយសង្គ្រោះប្រញាប់ប្រញាល់យកនាងទៅព្យាបាល ប៉ុន្តែនៅមិនអាចសង្គ្រោះអាយុជីវិតនាងបានដដែល។ ដោយឡែកបងប្រុសរបស់នាងអាយុ ១៩ឆ្នាំត្រូវបានចាប់ខ្លួនផងដែរ។ ពាក់ព័ន្ធនឹងករណីបាញ់សម្លាប់ក្មេងស្រីអាយុ ៧ឆ្នាំនេះដែរ យោធាសហភាពមីយ៉ាន់ម៉ាមិនបានធ្វើសេចក្តីអធិប្បាយណាមួយនោះទេ។ គួរឲ្យដឹងថា សហភាពមីយ៉ាន់ម៉ាបានញាំញីដោយបាតុកម្មមិនលោះថ្ងៃ ចាប់តាំងពីយោធារឹបអូសអំណាចកាលពីថ្ងៃទី១ ខែកុម្ភៈ ឆ្នាំ២០២១ កន្លងទៅ។ក្រុមសង្គ្រោះកុមារបាននិយាយថា ក្មេងៗជាង ២០នាក់ស្ថិតនៅក្នុងចំណោមជនរងគ្រោះ ដែលត្រូវបានកងកម្លាំងសន្តិសុខមីយ៉ាន់ម៉ាបាញ់សម្លាប់។ យោធាអះអាងថា មនុស្ស ១៦៤នាក់បានស្លាប់នៅក្នុងបាតុកម្ម ខណៈដែលសមាគមជំនួយអ្នកទោសនយោបាយ ដែលជាក្រុមសកម្មជននៅសហភាពមីយ៉ាន់ម៉ានិយាយថា មនុស្សសរុប ២៦១នាក់បានស្លាប់ដោយសារអំពើហិង្សាមួយនេះ។ កាលពីព្រឹកថ្ងៃអង្គារ យោធាបានបង្ហាញពីក្តីក្រៀមក្រំ ចំពោះការស្លាប់របស់ក្រុមបាតុករ ប៉ុន្តែបានថ្កោលទោសពួកគេ ធ្វើឲ្យមានភាពអានាធិបតេយ្យនៅក្នុងប្រទេសមួយនេះ។ អ្នកនាំពាក្យយោធាបាននិយាយថា ក្រុមបាតុករប្រឆាំងនឹងរដ្ឋប្រហារយោធា ត្រូវតែទទួលខុសត្រូវចំពោះអំពើហិង្សា និងការដុតបំផ្លាញ៕អត្ថបទ៖ សារ៉ាត់

ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ ទទួលបានការឯកភាពដ៏ខ្ពង់ខ្ពស់ពីសម្ដេចតេជោបើកឱ្យដំណើរការជាបណ្តោះអាសន្ន

ស្ទឹងត្រង់-ក្រូចឆ្មារ៖ ស្ពានមិត្តភាពកម្ពុជា-ចិនប្រវែង ១១៣១ម៉ែត្រ ដែលតភ្ជាប់ទឹកដីនៃស្រុកស្ទឹងត្រង់ និងស្រុកក្រូចឆ្មារ ទទួលបានការឯកភាពដ៏ខ្ពង់ខ្ពស់ពីសម្ដេចតេជោ ហ៊ុន សែន នាយករដ្ឋមន្ត្រី បើកឱ្យដំណើរការជាបណ្តោះអាសន្ន ដើម្បីសម្រួលដល់ការដឹកជញ្ជូន និងការធ្វើដំណើររបស់បងប្អូនប្រជាពលរដ្ឋចាប់ពីថ្ងៃទី២៣ ខែមីនា ឆ្នាំ២០២១ តទៅ។ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំគណៈប្រតិភូ និងអ្នកជំនាញបច្ចេកទេសក្រសួង នាព្រឹកថ្ងៃអង្គារ ១០កើត ខែចេត្រ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៣ ខែមីនា ឆ្នាំ២០២១ បានអញ្ជើញចុះពិនិត្យលទ្ធភាពសម្រាប់ដាក់ឱ្យដំណើរការជាបណ្តោះអាសន្នស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ ដោយមានការចូលរួមពីថ្នាក់ដឹកនាំក្រសួង អភិបាលនៃគណៈអភិបាលខេត្តកំពង់ចាម អភិបាលនៃគណៈអភិបាលខេត្តត្បូងឃ្មុំ តំណាងក្រុមហ៊ុនសាងសង់ តំណាងក្រុមហ៊ុនទីប្រឹក្សាបច្ចេកទេស អាជ្ញាធរដែនដី និងភាគីពាក់ព័ន្ធផងដែរ។ស្ពាននេះ ឆ្លងកាត់ទន្លេមេគង្គតភ្ជាប់រវាងស្រុកក្រូចឆ្មារ ខេត្តត្បូងឃ្មុំ និងស្រុកស្ទឹងត្រង់ខេត្ត កំពង់ចាម សាងសង់ឡើង ដោយក្រុមហ៊ុនសាងសង់សំណង់សៀងហៃគ្រុប ខូអិលធីឌី ត្រួតពិនិត្យបច្ចេកទេសដោយក្រុមហ៊ុនក្វាងចូវវ៉ានអាន មានប្រវែងសរុបចំនួន ១១៣១ម៉ែត្រ ទទឹង ១៣,៥ ម៉ែត្រ (ក្នុងនោះមានគន្លងផ្លូវរថយន្ត ៣,៥មx២ គន្លងទោចក្រយានយន្ត ១,៩មx២ គន្លងផ្លូវថ្មើរជើង១,១មx២+០,២៥មx២ (បង្កាន់ដៃ) ជាប្រភេទស្ពានបេតុងសរសៃដែក ឬ បេតុងអាមេ មានបំពាក់ផ្លាក សញ្ញា ចរាចរណ៍ គំនូសចរាចរណ៍ និងបង្គោលភ្លើងបំភ្លឺស្ពាន មានសាងសង់រង្វង់មូលមួយកន្លែងនៅត្រើយខាងលិចផងដែរ។គម្រោងសាងសង់ស្ពានស្ទឹងត្រង់-ក្រូចឆ្មារដែលជាគម្រោងស្ពានមិត្តភាពកម្ពុជាចិនទី៨ ត្រូវបានបើកការដ្ឋានសាងសង់កាលពីថ្ងៃទី១ ខែធ្នូ ឆ្នាំ២០១៧ គ្រោងចំណាយថវិកាប្រមាណ៥៨,៤២លានដុល្លារអាមេរិក រយៈពេលសាងសង់ចំនួន៤២ខែ ជាគម្រោងហិរញ្ញប្បទានឥតសំណងពីរដ្ឋាភិបាលចិន និងថវិកាបដិភាគពីរាជរដ្ឋាភិបាលកម្ពុជា គិតរហូតមកទល់ពេលនេះការសាងសង់សម្រេចបាន១០០%ហើយ។គួរកត់សម្គាល់ផងដែរថា ស្ពាននេះ នឹងជួយទាញភូមិសាស្ត្ររវាងខេត្តកំពង់ចាម និងខេត្តត្បូងឃ្មុំឱ្យកាន់តែកៀកចូលជិតគ្នា ជួយសម្រួលដល់ការធ្វើដំណើររបស់បងប្អូនប្រជាពលរដ្ឋ បម្រើដល់ការដឹកជញ្ជូនទំនិញកសិផលទៅកាន់ទីផ្សារ ទាក់ទាញការវិនិយោគ លើកកម្ពស់ជីវភាពរស់នៅរបស់ប្រជាជន ជាពិសេសចូលរួមចំណែកដល់ការជំរុញកំណើនសេដ្ឋកិច្ចជាតិបានមួយកម្រិតថែមទៀត។នាឱកាសចុះពិនិត្យស្ពាននេះ ឯកឧត្តម ទេសរដ្ឋមន្ត្រីបានជម្រាបជូនថា តាមគម្រោងស្ពាននេះនឹងត្រូវបើកសម្ពោធឱ្យប្រើប្រាស់ជាផ្លូវការ នៅថ្ងៃទី២៤ ខែមីនា ឆ្នាំ២០២១ ក្រោមអធិបតីភាពដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃស្អែកនេះ ប៉ុន្តែដោយសារព្រឹត្តិការណ៍២០ កុម្ភៈ ទើបមានការលើកពេលវេលានៃការសម្ពោធបើកប្រើប្រាស់ជាផ្លូវការ។ឯកឧត្តម ទេសរដ្ឋមន្ត្រី បានជម្រាបជូនថា ការចុះពិនិត្យនេះធ្វើឡើងក្នុងគោលបំណងដើម្បីគោរពស្នើទៅសម្ដេចនាយករដ្ឋមន្ត្រី សុំបើកស្ពាននេះ ឱ្យប្រជាពលរដ្ឋប្រើប្រាស់ជាបណ្ដោះអាសន្នដើម្បីសម្រួលដល់ការដឹកជញ្ជូន និងការធ្វើដំណើររបស់បងប្អូនប្រជាពលរដ្ឋនៅក្នុងឱកាសពិធីបុណ្យចូលឆ្នាំខ្មែរប្រពៃណីជាតិខាងមុខ។ ជាការឆ្លើយតប សម្តេច នាយករដ្ឋមន្ត្រី បានឯកភាពបើកឱ្យបងប្អូនប្រជាពលរដ្ឋប្រើប្រាស់ស្ពាននេះ ជាបណ្ដោះអាសន្នចាប់ពីថ្ងៃនេះទៅ រង់ចាំពេលវេលាសមស្របណាមួយ ដើម្បីបើកសម្ពោធឱ្យប្រើប្រាស់ជាផ្លូវការ ៕អត្ថបទ ៖ តារាវុទ្ធី

អគ្គិភ័យឆាបឆេះផ្ទះសម្បែងរាប់ពាន់ខ្នងនៅក្នុងជំរំជនភៀសខ្លួនរ៉ូហ៊ីងយ៉ានៅបង់ក្លាដែស

បង់ក្លាដែស៖ ទីភ្នាក់ងារជនភៀសខ្លួនអង្គការសហប្រជាជាតិ (UNHCR) បានរាយការណ៍កាលពីថ្ងៃចន្ទថា អគ្គិភ័យដ៏ធំមួយបានឆាបឆេះផ្ទះសម្បែងរាប់ពាន់ខ្នង ក្នុងជំរំជនភៀសខ្លួនរ៉ូហ៊ីងយ៉ានៅទីក្រុងខុកបាហ្សា ប្រទេសបង់ក្លាដែស ដោយបានបំផ្លិចបំផ្លាញជម្រកស្នាក់នៅរបស់ពួកគេទាំងស្រុង និងធ្វើឲ្យអន្តរាយដល់ការរស់នៅរបស់ជនភៀសខ្លួនរាប់ម៉ឺននាក់។ក្រុមភ្នាក់ងារពន្លត់អគ្គីភ័យ ស្នងការជំនួយជនភៀសខ្លួន និងមាតុភូមិនិវត្តន៍បង់ក្លាដែស ក្រុមជួយសង្គ្រោះ និងក្រុមឆ្លើយតបរហ័ស បន្តនៅកន្លែងកើតហេតុកាលពីល្ងាចថ្ងៃចន្ទ ជាកន្លែងដែលពួកគេព្យាយាមគ្រប់គ្រងអគ្គិភ័យ មិនឲ្យរីករាលដាលបន្ថែមទៀត។ លោក អាន់តូនីញ៉ូ វីតូរីណូ អគ្គនាយកអង្គការអន្តោប្រវេសន៍អន្តរជាតិ (IOM) បាននិយាយថា ជនភៀសខ្លួនរ៉ូហ៊ីងយ៉ារាប់ម៉ឺននាក់បានរងផលប៉ះពាល់ ដោយសារអគ្គិភ័យមួយនេះ។ លោក វីតូនីណូ និយាយថា លោកពិតជាមានក្តីកង្វល់ខ្លាំងណាស់ ចំពោះផលប៉ះពាល់ដោយសារអគ្គិភ័យនៅថ្ងៃនេះ នៅជំរំខុកបាហ្សា ប្រទេសបង់ក្លាដែស។ លោកបន្តថា ក្រុមការងាររបស់ IOM និងដៃគូរជាច្រើនទៀតកំពុងធ្វើការរួមគ្នាដើម្បីឆ្លើយតបនឹងវិបត្តិ និងធានាឲ្យបានសុវត្ថិភាព និងសុខុមាលភាពរបស់ជនភៀសខ្លួនទាំងអស់។នៅមិនទាន់មានសេចក្តីរាយការណ៍ភ្លាមៗនោះទេពីគ្រោះថ្នាក់ ប៉ុន្តែក្តីកង្វល់កើតមានចំពោះអ្នកស្លាប់ និងរងរបួស ហើយមូលហេតុនាំឲ្យអគ្គិភ័យនេះឆាបឆេះឡើង ក៏គេមិនទាន់ដឹងនោះដែរ។ សូមបញ្ជាក់ថា បង់ក្លាដែសបានផ្តល់ទីជម្រកដល់ជនមូស្លីមរ៉ូហ៊ីងយ៉ាជាង ១លាននាក់ ដែលភាគច្រើននៃពួកគេបានរត់ភៀសខ្លួន ចេញពីប្រទេសមីយ៉ាន់ម៉ាកាលពីឆ្នាំ២០១៧ អំឡុងការបង្ក្រាបយ៉ាងចាស់ដៃពីយោធា។ អង្គការសហប្រជាជាតិបាននិយាយថា ការចាត់វិធានការបោសសំអាតនេះមានបំណងប្រល័យពូជសាសន៍ គឺជាការចោទប្រកាន់មួយដែលសហភាពមីយ៉ាន់ម៉ា បដិសេធន៍ចោលទាំងស្រុង៕អត្ថបទ៖ សារ៉ាត់

ខ្មាន់កាំភ្លើងម្នាក់បាញ់សម្លាប់មនុស្ស ១០នាក់នៅផ្សារទំនើបក្នុងរដ្ឋកូឡូរ៉ាដូ សហរដ្ឋអាមេរិក

អាមេរិក៖ ខ្មាន់កាំភ្លើងម្នាក់បានបាញ់សម្លាប់មនុស្ស ១០នាក់ដែលរួមទាំងមន្ត្រីនគរបាលម្នាក់ផងដែរនៅផ្សារទំនើប King Soopers ស្ថិតនៅក្នុងរដ្ឋកូឡូរ៉ាដូ សហរដ្ឋអាមេរិកកាលពីថ្ងៃចន្ទ។ ក្រុមអាជ្ញាធរអះអាងថា បុរសម្នាក់ត្រូវបានចាប់ខ្លួន និងស្ថិតក្រោមការឃុំឃាំង។អធិការនគរបាលស្រុកប៊ូលដឺ លោក ម៉ារីស ហេរ៉ូល បានប្រកាសដោយអួលដើមកពីចំនួនមនុស្សស្លាប់សរុប នៅក្នុងសន្និសីទសារព័ត៌មានកាលពីយប់ថ្ងៃចន្ទ។ ក្រុមអាជ្ញាធរបានបញ្ជាក់ថា ជនសង្ស័យកំពុងទទួលការព្យាបាល ហើយគ្មានការគំរាមកំហែងបន្ថែមទៀតនោះទេ ដល់សាធារណជន។ ក្រុមមន្ត្រីនគរបាលបាននាំបុរសអត់ពាក់អាវម្នាក់ ដែលមានឈាមហូរតាមជើងរបស់គាត់ចេញពីហាងទាំងដៃជាប់ខ្នោះ ប៉ុន្តែក្រុមអាជ្ញាធរមិនបាននិយាយថា តើគាត់គឺជាជនសង្ស័យនោះទេ។មន្ត្រីនគរបាលដែលបានស្លាប់មានឈ្មោះ អេរីក តាលី អាយុ ៥១ឆ្នាំ។ លោកបានធ្វើការនៅស្នងការនគរបាលក្រុងប៊ូលដឺ ចាប់តាំងពីឆ្នាំ២០១០ រហូតមក។ លោក ម៉ៃឃើល ឌូហ្គេធី មេធាវីស្រុកប៊ូលដឺបាននិយាយថា នេះគឺជាសោកនាដកម្ម និងហេតុការណ៍អាក្រក់បំផុតមួយសម្រាប់ស្រុករបស់លោក ហើយជាការឆ្លើយតបនឹងការបាញ់សម្លាប់នេះ ពួកយើងមាននូវកិច្ចសហប្រតិបត្តិការ និងជំនួយពីក្រុមអាជ្ញាធរក្នុងស្រុក រដ្ឋ និងសហព័ន្ធ។ បច្ចុប្បន្នក្រុមនគរបាលកំពុងបើការស៊ើបអង្កេត លើករណីបាញ់ប្រហារដ៏ឃោរឃៅមួយនេះ៕អត្ថបទ៖ សារ៉ាត់

បណ្ដាញសង្គម

ព័ត៌មានថ្មីៗ

អ៊ូហ្គង់ដា បញ្ជូនក្រុមវេជ្ជសាស្រ្តទៅជួយកុងហ្គោដោះស្រាយការរីករាលដាលឆ្លងជំងឺអេបូឡា

ពលរដ្ឋអ៊ីរ៉ង់អំពាវនាវឲ្យបិទច្រកសមុទ្រ Hormuzទាំងស្រុង ក្រោយការវាយប្រហាររបស់អាមេរិក

យន្តហោះដឹកទំនិញមានយានិក ៥នាក់នៅលើយន្តហោះ បាត់ការទាក់ទងនៅជិតទីក្រុង Karachi ប្រទេសប៉ាគីស្ថាន

លោក Trump៖ សហរដ្ឋអាមេរិកប្រហែលជានឹងវាយប្រហារអ៊ីរ៉ង់យ៉ាងខ្លាំងក្លាម្ដងទៀត យប់ថ្ងៃពុធនេះ

ប្រភព៖ លោក Trump បានប្រាប់មេដឹកនាំណាតូថា លោកចង់បន្តវត្តមានអាមេរិក នៅក្នុងសម្ព័ន្ធភាព

មេដឹកនាំទួរគីជំរុញឱ្យសម្ព័ន្ធមិត្តណាតូលុបការរឹតបន្តឹងឧស្សាហកម្មការពារជាតិ នៅឯកិច្ចប្រជុំកំពូល

សហភាពអឺរ៉ុបជំរុញឱ្យគ្រប់ភាគីគោរពបទឈប់បាញ់ជាមួយអ៊ីរ៉ង់ ក្នុងពេលមានអរិភាពថ្មី

រុស្ស៊ីព្យាយាមបង្អាក់ប្រព័ន្ធ Starlink របស់លោក Musk ដើម្បីទប់ទល់យានដ្រូនអ៊ុយក្រែន

លោកស្រីនាយករដ្ឋមន្រ្តី Frederiksen ៖ ដាណឺម៉ាកត្រៀមខ្លួនរួចរាល់ក្នុងការការពាររាល់មីលីម៉ែត្រនៃទឹកដីណាតូ

មេបញ្ជាការកងកម្លាំងយានដ្រូនអះអាងថា អ៊ុយក្រែនវាយប្រហារនាវាដឹកប្រេងស្រមោល ៩គ្រឿងរបស់រុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សហភាពអឺរ៉ុប៖ ក្រុមហ៊ុន AstraZeneca ត្រូវតែធ្វើឲ្យបានការចែកចាយវ៉ាក់សាំងបង្ការជំងឺ COVID-19

UNICEF៖ ឥណ្ឌាទំនងជាពន្យារពេលការផ្គត់ផ្គង់វ៉ាក់សាំងក្នុងគម្រោង COVAX សម្រាប់ខែមីនា និងខែមេសា

អារ៉ាប៊ីសាអ៊ូឌីតគំរាមសម្លាប់អ្នករាយការណ៍ពិសេស UN ដែលស៊ើបអង្កេតករណីសម្លាប់អ្នកកាសែត Khashoggi

កូរ៉េខាងជើងបាញ់មីស៊ីល ២លើកក្នុងរយៈពេលមិនដល់ ១សប្ដាហ៍ជាការផ្គើននឹងអាមេរិក

ករណីស្លាប់ប្រចាំថ្ងៃដោយសារ COVID-19 នៅប្រេស៊ីលកើនឡើងជាង ៣ពាន់នាក់ជាលើកដំបូង

មនុស្ស ១៥នាក់ស្លាប់ និង ៤០០នាក់កំពុងបាត់ខ្លួនក្រោយអគ្គិភ័យនៅជំរំជនភៀសខ្លួនរ៉ូហ៊ីងយ៉ានៅបង់ក្លាដែស

ក្មេងស្រីអាយុ ៧ឆ្នាំម្នាក់ត្រូវបានបាញ់សម្លាប់ដោយកងកម្លាំងសន្តិសុខមីយ៉ាន់ម៉ា

អគ្គិភ័យឆាបឆេះផ្ទះសម្បែងរាប់ពាន់ខ្នងនៅក្នុងជំរំជនភៀសខ្លួនរ៉ូហ៊ីងយ៉ានៅបង់ក្លាដែស

ខ្មាន់កាំភ្លើងម្នាក់បាញ់សម្លាប់មនុស្ស ១០នាក់នៅផ្សារទំនើបក្នុងរដ្ឋកូឡូរ៉ាដូ សហរដ្ឋអាមេរិក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សហភាព​អឺរ៉ុប​៖ ​ក្រុមហ៊ុន AstraZeneca ត្រូវ​តែ​ធ្វើ​ឲ្យ​បាន​ការ​ចែក​ចាយ​វ៉ាក់សាំង​បង្ការ​ជំងឺ COVID-19

UNICEF៖ ឥណ្ឌា​ទំនងជា​ពន្យារពេល​ការ​ផ្គត់ផ្គង់​វ៉ាក់សាំង​ក្នុង​គម្រោង COVAX​ សម្រាប់​ខែ​មីនា និង​ខែ​មេសា

អារ៉ាប៊ីសាអ៊ូឌីត​គំរាម​សម្លាប់​អ្នក​រាយ​ការណ៍​ពិសេស UN ​ដែល​ស៊ើប​អង្កេត​ករណី​សម្លាប់​អ្នក​កាសែត Khashoggi​

កូរ៉េខាងជើង​បាញ់​មី​ស៊ី​ល​ ២​លើក​ក្នុង​រយៈពេល​មិន​ដល់​ ១​សប្ដាហ៍​ជា​ការ​ផ្គើន​នឹង​អាមេរិក​

ករណី​ស្លាប់​ប្រចាំថ្ងៃ​ដោយសារ​ COVID-19 ​នៅ​ប្រេ​ស៊ី​ល​កើន​ឡើង​ជាង ​៣​ពាន់​នាក់​ជា​លើក​ដំបូង​

ក្មេង​ស្រី​អាយុ ៧​ឆ្នាំ​ម្នាក់​ត្រូវ​បាន​បាញ់​សម្លាប់​ដោយ​កង​កម្លាំង​សន្តិសុខ​មី​យ៉ាន់​ម៉ា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សហភាពអឺរ៉ុប៖ ក្រុមហ៊ុន AstraZeneca ត្រូវតែធ្វើឲ្យបានការចែកចាយវ៉ាក់សាំងបង្ការជំងឺ COVID-19

UNICEF៖ ឥណ្ឌាទំនងជាពន្យារពេលការផ្គត់ផ្គង់វ៉ាក់សាំងក្នុងគម្រោង COVAX សម្រាប់ខែមីនា និងខែមេសា

អារ៉ាប៊ីសាអ៊ូឌីតគំរាមសម្លាប់អ្នករាយការណ៍ពិសេស UN ដែលស៊ើបអង្កេតករណីសម្លាប់អ្នកកាសែត Khashoggi

កូរ៉េខាងជើងបាញ់មីស៊ីល ២លើកក្នុងរយៈពេលមិនដល់ ១សប្ដាហ៍ជាការផ្គើននឹងអាមេរិក

ករណីស្លាប់ប្រចាំថ្ងៃដោយសារ COVID-19 នៅប្រេស៊ីលកើនឡើងជាង ៣ពាន់នាក់ជាលើកដំបូង

ក្មេងស្រីអាយុ ៧ឆ្នាំម្នាក់ត្រូវបានបាញ់សម្លាប់ដោយកងកម្លាំងសន្តិសុខមីយ៉ាន់ម៉ា