BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

បាតុករថៃរាប់សិបនាក់រងរបួស ក្រោយដង្ហែក្បួនតវ៉ានៅជិតព្រះបរមរាជវាំង

ថៃ៖ មជ្ឈមណ្ឌលវេជ្ជសាស្ត្របន្ទាន់ បាននិយាយកាលពីថ្ងៃអាទិត្យថា ជនស៊ីវិល និងមន្ត្រីនគរបាលជាង ៣០នាក់បានរងរបួសអំឡុងបាតុកម្មនៅទីក្រុងបាងកក ក្រោយពេលដែលក្រុមនគរបាលប្រើប្រាស់កាណុងបាញ់ទឹក ឧស្ម័នបង្ហូរទឹកភ្នែក និងគ្រាប់កាំភ្លើងជ័របំបែកក្បួនតវ៉ាកាលពីយប់ថ្ងៃសៅរ៍។វីដេអូដែលបានបង្ហោះនៅលើបណ្ដាញសង្គមព័ត៌មាន ឃើញក្រុមនគរបាលវាយប្រហារមកលើក្រុមបាតុករ ដែលព្យាយាមរត់ចោលទោចក្រយានយន្តរបស់ពួកគេ។ វីដេអូមួយផ្សេងទៀត ឃើញក្រុមបាតករ ព្យាយាមរត់គេចចេញពីឧស្ម័នបង្ហូរទឹកភ្នែក នៅជិតភោជនីយដ្ឋានម៉ាក់ដូណាល់។ ក្រុមនគរបាលបាននិយាយកាលពីថ្ងៃអាទិត្យថា វិធានការរបស់ពួកគេអនុវត្តន៍តាមស្តង់ដារអន្តរជាតិ ហើយក្រុមបាតុករ ២០នាក់ត្រូវបានចាប់ខ្លួន សម្រាប់ការបំពានលើច្បាប់ជួបជុំគ្នាតាមទីសាធារណៈ និងប្រមាថដល់ព្រះចេស្ដាព្រះមហាក្សត្រ។ លោក ភីយ៉ា តាវីឆៃ ស្នងការរងនគរបាលក្រុងបាងកក បាននិយាយប្រាប់ក្រុមអ្នកសារព័ត៌មានថា អំពើហិង្សាផ្តើមចេញពីភាគីក្រុមបាតុករ ហើយក្រុមនគរបាលត្រូវតែការពារច្បាប់ និងការពារទ្រព្យសម្បត្តិជាតិ។ដោយឡែកព្រះឆាយាល័ក្ខណ៍ព្រះមហាក្សត្រថៃ Maha Vajiralongkorn រងការបំផ្លិចបំផ្លាញផងដែរអំឡុងបាតុកម្មកាលពីថ្ងៃសៅរ៍ ដែលមានមនុស្សប្រហែលជាង ១ពាន់នាក់ចូលរួម។ គួរឲ្យដឹងថា បាតុកម្មដែលបានកើតឡើងកាលពីថ្ងៃទី២៨ ខែកុម្ភៈ ឆ្នាំ២០២១ កន្លងទៅ គេបានឃើញក្រុមបាតុករ និងក្រុមនគរបាលជាច្រើននាក់រងរបួសដូចគ្នា។ ចលនាបាតុកម្មយុវជននៅប្រទេសថៃបានផ្ទុះឡើងកាលពីឆ្នាំមុន ហើយវាបានក្លាយជាបញ្ហាប្រឈមធំបំផុតមួយ សម្រាប់រដ្ឋាភិបាលរបស់លោកនាយករដ្ឋមន្ត្រី Prayut Chan-o-cha ដែលជាឧត្តមសេនីយ៍កងទ័ពចូលនិវត្តន៍ រឹបអូសអំណាចពីរដ្ឋាភិបាលឈ្នះឆ្នោតកាលពីឆ្នាំ២០១៤៕អត្ថបទ៖ សារ៉ាត់

មនុស្សជាង ១ម៉ឺននាក់ត្រូវបានជម្លៀសខ្លួនចេញពីគ្រោះទឹកជំនន់នៅទីក្រុងស៊ីដនី

អូស្ត្រាលី៖ នៅថ្ងៃចន្ទនេះ ប្រជាពលរដ្ឋ ១៨.០០០នាក់ត្រូវបានក្រុមអាជ្ញាធរ បញ្ជាឲ្យជម្លៀសខ្លួនចេញពីផ្ទះសម្បែងរបស់ពួកគេ ស្របពេលដែលគ្រោះទឹកជំនន់នៅក្នុងទីក្រុងស៊ីដនី ប្រទេសអូស្ត្រាលី កាន់តែធ្ងន់ធ្ងរទៅ។ ភ្លៀងធ្លាក់ខ្លាំងឥតឈប់ឈរអស់រយៈពេលជាច្រើនថ្ងៃកន្លងមកនេះ នៅតាមតំបន់ជាច្រើនក្នុងរដ្ឋញូវសោតវែលស៍ បណ្ដាលឲ្យទឹកទន្លេ និងអាងស្តុបទឹកប្រៀបច្រាំង ធ្វើឲ្យខូចខាតដល់ផ្ទះសម្បែងប្រជាពលរដ្ឋជាច្រើនខ្នង។អភិបាលរដ្ឋញូវសោតវែលស៍បាននិយាយថា ប្រព័ន្ធអាកាសធាតុបណ្តាលឲ្យមានទឹកជំនន់ ដ៏អាក្រក់បំផុតក្នុងរយៈពេលជាច្រើនទសវត្សរ៍កន្លងមកនេះ នៅមិនទាន់ទៅណាឆ្ងាយនោះទេ ហើយប្រជាពលរដ្ឋគួរតែប្រុងប្រយ័ត្នខ្ពស់។ ខណៈពេលនោះដែរ នាយករដ្ឋមន្ត្រីអូស្ត្រាលី លោក ស្កុត ម៉ូរីសុន បានផ្តល់ថវិកាដល់ប្រជាពលរដ្ឋណា ដែលត្រូវបង្ខំជម្លៀសខ្លួនចេញពីទឹកជំនន់ផងដែរ។ មន្ទីរឧតុនិយមអូស្ត្រាលីបានព្យាករណ៍ថា ទឹកទន្លេហាវកេសប៊ូរី ស្ថិតនៅភាគពាយព្យទីក្រុងស៊ីដនី នឹងឡើងខ្ពស់បំផុតមិនធ្លាប់មាននៅថ្ងៃចន្ទនេះ ចាប់តាំងពីមានគ្រោះទឹកជំនន់ដ៏អាក្រក់បំផុតមួយកាលពីឆ្នាំ១៩៦១។ ដោយឡែកអាងស្តុបទឹកវ៉ារ៉ាហ្គាមបា ដែលជាប្រភពផ្គត់ផ្គង់ទឹកដ៏សំខាន់ដល់ទីក្រុងស៊ីដនី បានប្រៀបច្រាំងជាលើកដំបូងក្នុងរយៈពេល ជាច្រើនឆ្នាំកន្លងមកនេះ។លោក ដេវីដ លីតថលប្រោដ រដ្ឋមន្ត្រីក្រសួងកសិកម្មអូស្ត្រាលីបាននិយាយថា ស្ថានភាពទឹកជំនន់ពិតជាអាក្រក់ខ្លាំងណាស់។ លោក លីតថលប្រោដ បាននិយាយប្រាប់ទូរសទស្សន៍អូស្ត្រាលីថា ស្ថានភាពបែបនេះពិតជាគ្រោះថ្នាក់មែន។ អ្នករាល់គ្នាត្រូវតែយល់ពីទំហំនៃគ្រោះថ្នាក់ក្នុងរយៈពេល ២៤ម៉ោង ឬ ៤៨ម៉ោងខាងមុខ។ លោកបានបន្តថា ប្រជាពលរដ្ឋប្រហែល ៥៤.០០០នាក់អាចនឹងរងផលប៉ះពាល់ នៅតំបន់ភាគខាងលិចទីក្រុងស៊ីដនី បើសិនជាភ្លៀងនៅតែបន្តធ្លាក់នៅតំបន់ដែលរងផលប៉ះពាលស្រាប់៕អត្ថបទ៖ សារ៉ាត់

រាជរដ្ឋាភិបាលកម្ពុជា អនុញ្ញាតឲ្យឈប់សម្រាក៣ថ្ងៃ ក្នុងឱកាសបុណ្យចូលឆ្នាំខ្មែរ តែត្រូវអនុវត្តវិធានការសុខាភិបាល ដើម្បីការពារ និងទប់ស្កាត់ជំងឺកូវីដ-១៩

ភ្នំពេញ ៖ រដ្ឋាភិបាលកម្ពុជា បានសម្រេចឲ្យមន្ដ្រីរាជការ កម្មករនិយោជិត ឈប់សម្រាករយៈពេល៣ថ្ងៃ នៃពិធីបុណ្យចូលឆ្នាំខ្មែរ នៅថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២១ ខាងមុខនេះ តែត្រូវអនុវត្តវិធានសុខាភិបាល ដើម្បីការពារ និងទប់ស្កាត់ជំងឺកូវីដ-១៩។ បើតាមសារាចរណែនាំរបស់សម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា ចេញផ្សាយនៅរសៀលថ្ងៃទី២១ ខែមីនានេះ បានថ្លែងថា ក្នុងបរិការណ៍នៃ «ព្រឹត្តិការណ៍សហគមន៍ ២០កុម្ភៈ ២០២១» ដែលប្រទេសជាតិបាន និងកំពុងបន្តជួបប្រឈមនឹងហានិភ័យខ្ពស់ នៃការឆ្លងរាលដាលជំងឺកូវីដ-១៩ និងក្នុងគោលបំណងធានាការពារអាយុជីវិតរបស់ប្រជាពលរដ្ឋ សុខភាពសាធារណៈ និងសណ្តាប់ធ្នាប់សាធារណៈ ព្រមទាំងកាត់បន្ថយឲ្យបានជាអតិបរមា នូវផលប៉ះពាល់ នៃការឆ្លងរាលដាលជំងឺនេះ ចំពោះវិស័យសង្គម និងសេដ្ឋកិច្ចនៅក្នុងកម្ពុជា រាជរដ្ឋាភិបាលសូមដាក់ចេញនូវវិធានការមួយចំនួន ពាក់ព័ន្ធនឹងការឈប់សម្រាកក្នុងពិធីបុណ្យចូលឆ្នាំខ្មែរប្រពៃណីជាតិ ពីថ្ងៃពុធ ៣កើត ខែពិសាខ ឆ្នាំឆ្លូវ ទោស័ក ព.ស ២៥៦៤ ដល់ថ្ងៃសុក្រ ៥កើត ខែពិសាខ ឆ្នាំឆ្លូវ ត្រីស័កព.ស ២៥៦៤ ត្រូវនឹងថ្ងៃទី ១៤ ដល់ថ្ងៃទី១៦ ខែមេសា ឆ្នាំ២០២១ អនុលោមតាមបទប្បញ្ញត្តិច្បាប់ និងលិខិតបទដ្ឋានជាធរមាន ៖ ទី១៖ អនុញ្ញាតឲ្យមន្ដ្រី បុគ្គលិក នៃស្ថាប័នរដ្ឋទាំងអស់ឈប់សម្រាករយៈពេល៣ថ្ងៃ តាមកាលបរិច្ឆេទដូចបញ្ជាក់ខាងលើ ស្របតាមអនុក្រឹត្យលេខ១៣១ អនក្រ.បក ចុះថ្ងៃទី២៦ ខែសីហា ឆ្នាំ២០២០ ស្ដីពីប្រតិទិនឈប់សម្រាកការងាររបស់មន្ដ្រីរាជការ និយោជិត កម្មករ ប្រចាំឆ្នាំ២០២១។ ទី២៖ ចំពោះបុគ្គលិក កម្មករ និយោជិត នៃវិស័យឯកជន ការឈប់សម្រាករយៈពេល៣ថ្ងៃនេះ អាចត្រូវធ្វើឡើងតាមជម្រើស២យ៉ាង អាស្រ័យទៅតាមការស្រុះស្រួលគ្នារវាងនិយោជក និងបុគ្គលិក កម្មករ និយោជិត នៃរោងចក្រ សហគ្រាសនីមួយៗ គឺ៖ ឈប់សម្រាកពីការងាររយៈពេល៣ថ្ងៃ នៅក្នុងឱកាសពិធីបុណ្យចូលឆ្នាំខ្មែរប្រពៃណីជាតិ តាមកាលបរិច្ឆេទដូចបានបញ្ជាក់ខាងលើ ស្របតាមអនុក្រឹត្យលេខ ១៣១ អនក្រ.បក ចុះថ្ងៃទី២៦ ខែសីហា ឆ្នាំ២០២០ ស្តីពីប្រតិទិនឈប់សម្រាកការងាររបស់មន្ត្រីរាជការ និយោជិត កម្មករ ប្រចាំឆ្នាំ២០២១។ និយោជកត្រូវពិភាក្សាជាមួយកម្មករ និយោជិតបន្តធ្វើការជាធម្មតា ហើយលើកការឈប់សម្រាករយៈពេល៣ថ្ងៃនេះ ទៅអនុវត្តរួមជាមួយការឈប់សម្រាក ក្នុងពិធីបុណ្យភ្ជុំបិណ្ឌ ឬថ្ងៃឈប់សម្រាកណាមួយនាពេលខាងមុខវិញ តាមការព្រមព្រៀងគ្នាស្របទៅតាមច្បាប់ស្តីពីការងារ។ ក្រសួងការងារ និងបណ្តុះបណ្តាលវិជ្ជាជីវៈត្រូវចេញសេចក្តីណែនាំបន្ថែមលើការអនុវត្តនេះស្របទៅតាមច្បាប់ស្តីពីការងារ។ ទី៣៖ ក្រសួង-ស្ថាប័នមានសមត្ថកិច្ចពាក់ព័ន្ធ និងអាជ្ញាធនដែនដីគ្រប់លំដាប់ថ្នាក់ត្រូវចាត់វិធានការចាំបាច់នានាសំដៅគ្រប់គ្រង និងធានាសន្តិសុខ សុវត្ថិភាព និងសណ្តាប់ធ្នាប់សាធារណៈឲ្យបានល្អប្រសើរ ព្រមទាំងធានានូវការគោរព និងអនុវត្តវិធានការសុខាភិបាលបង្ការ និងទប់ស្កាត់ការឆ្លងរាលដាល នៃជំងឺកូវីដ-១៩ ដោយម៉ត់ចត់ និងខ្ជាប់ខ្លួននៅតាមទីតាំងសាធារណៈនានា ពិសេសនៅតាមវត្តអារាម រមណីយដ្ឋាន និងទីតាំងផ្សេងទៀត ដែលអាចមានសភាពអ៊ូអរ និងមានមនុស្សជួបជុំគ្នាក្នុងចំនួនច្រើន។ ទី៤៖ នៅក្នុងរយៈពេលឈប់សម្រាក៣ថ្ងៃ នាឱកាសពិធីបុណ្យចូលឆ្នាំខ្មែរប្រពៃណីជាតិខាងមុខនេះ រាជរដ្ឋាភិបាលសូមអំពាវនាវដល់ ប្រជាពលរដ្ឋគ្រប់រូបទាំងអស់ ចូលរួមអនុវត្តនូវវិធានការ ដូចខាងក្រោម ៖ ត្រូវចៀសវាងនូវការធ្វើដំណើរមិនចាំបាច់ទៅកាន់ ឬចេញ-ចូល តំបន់ ឬទីកន្លែង ដែលមានហានិភ័យខ្ពស់ នៃការឆ្លងរាលដាលជំងឺកូវីដ-១៩ កំណត់ដោយក្រសួងសុខាភិបាល និងអាជ្ញាធរមានសមត្ថកិច្ចពាក់ព័ន្ធ។ ត្រូវចៀសវាងនូវការរៀបចំពិធីផ្សេងៗ រួមទាំងពិធីសាសនាផង ឬ ការជួបជុំគ្នាទាំងឡាយណាដែលមានសភាពអ៊ូអរ និងមានមនុស្សចូលរួមច្រើន និង អនុវត្តវិធានការ «៣ការពារ» និង «៣កុំ» ព្រមជាមួយនឹងវិធានការសុខាភិបាលចាំបាច់ផ្សេងទៀតឲ្យបានខ្ជាប់ខ្លួន និងគ្រប់ៗគ្នា។បន្ថែមពីនេះ សម្ដេចតេជោហ៊ុន សែន ប្រមុខរាជរដ្ឋាភិបាល បាន សូមអំពាវនាវដល់ ក្រុមហ៊ុន និងអាជីវករដឹកជញ្ជូនអ្នកដំណើរគ្រប់ប្រភេទមិនត្រូវដំឡើងថ្លៃសេវាដឹកជញ្ជូនអ្នកដំណើរឡើយ និងត្រូវយកចិត្តទុកដាក់អនុវត្តវិធានការសុខាភិបាលបង្ការ និងទប់ស្កាត់ការឆ្លងរាលដាល នៃជំងឺកូវីដ-១៩ ដោយម៉ត់ចង់ និងខ្ជាប់ខ្ជួនចំពោះអ្នកដំណើរលើយានយន្ដរបស់ខ្លួន៕

អាមេរិករកឃើញករណីឆ្លងថ្មី ៥៥,៩០៨នាក់ និងស្លាប់ថ្មី ៧៩២នាក់ដោយសារ COVID-19 ក្នុងរយៈពេល ២៤ម៉ោង

អាមេរិក៖ នៅក្នុងរយៈពេល ២៤ម៉ោងចុងក្រោយនេះ មនុស្សសរុប ៥៥,៩០៨នាក់ទៀតបានឆ្លងជំងឺ COVID-19 ខណៈអ្នកជំងឺ ៧៩២នាក់បានស្លាប់នៅក្នុងរយៈពេលដូចគ្នា នៅទូទាំងសហរដ្ឋអាមេរិក។ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ៣០,៤៨២,១២៧ករណី ក្នុងនោះមានអ្នកស្លាប់សរុបចំនួន ៥៥៤,៨៧១នាក់ និងជាសះស្បើយសរុប ២២,៦៨៣,៦១៧នាក់។ កាលពីថ្ងៃព្រហស្បតិ៍សប្ដាហ៍មុននេះ ប្រធានាធិបតីសហរដ្ឋអាមេរិក លោក ចូ បៃដិន បានអះអាងថា រដ្ឋបាលរបស់លោកបានសម្រេចគោលដៅរបស់ខ្លួនមុនកាលកំណត់ នោះគឺការចាក់វ៉ាក់សាំងបង្ការ COVID-19 ដល់ប្រជាជនអាមេរិកឲ្យបាន ១០០លាននាក់ក្នុងរយៈពេល ១០០ថ្ងៃដំបូងនៃការកាន់អំណាច ហើយគិតមកទល់ពេលនេះប្រជាជនអាមេរិកជាង ១០០លាននាក់ទៅហើយបានទទួលការចាក់វ៉ាក់សាំង៕អត្ថបទ៖ សារ៉ាត់

ចិន និងអាមេរិករួមគ្នាបង្កើតក្រុមការងារ និងសហប្រតិបត្តិការលើបញ្ហាបម្រែបម្រួលអាកាសធាតុ

អាមេរិក៖ បន្ទាប់ពីកិច្ចប្រជុំកម្រិតខ្ពស់ ដែលមានភាពចម្រូងចម្រាសខុសធម្មតា នៅរដ្ឋអាឡាស្កា សហរដ្ឋអាមេរិក ទីក្រុងប៉េកាំងបានចេញមុខអះអាងថា ចិន និងអាមេរិកបានសម្រេចនឹងបង្កើតក្រុមការងាររួមមួយ ដើម្បីសហការគ្នាជុំវិញបញ្ហាបម្រែបម្រួលអាកាសធាតុ។ក្រុមមន្ត្រីការទូតកំពូលៗចិន និងសហរដ្ឋអាមេរិកក្នុងជំនួបលើកដំបូង នាសម័យរដ្ឋបាលប្រធានាធិបតីអាមេរិក លោក ចូ បៃដិន ដែលបានប្រព្រឹត្តទៅកាលពីថ្ងៃព្រហស្បតិ៍-សុក្រនាសប្ដាហ៍នេះបានផ្លោងសម្ដីចោទប្រកាន់ និងរិះគន់លើគោលនយោបាយគ្នាទៅវិញទៅមក ដោយចំហតែម្តង។ ក៏ប៉ុន្តែនៅក្រោយជំនួបនេះ ខាងប្រតិភូចិនបានអះអាងថា ភាគីទាំងពីរបានឯកភាពដោយបន្តប្ដេជ្ញាពង្រឹងការទាក់ទង និងកិច្ចសហប្រតិបត្តិការ ពាក់ព័ន្ធបញ្ហាបម្រែបម្រួលអាកាសធាតុ។សូមបញ្ជាក់ថា កិច្ចប្រជុំកម្រិតខ្ពស់ខាងលើត្រូវបានដឹកនាំ ដោយរដ្ឋមន្ត្រីការបរទេសអាមេរិក លោក អាន់ថូនី ប្លីងគែន និងមន្ត្រីការទូតកំពូលរបស់ចិន គឺលោក យ៉ាង ជាឈី។ ទោះជាយ៉ាងណា ខាងប្រតិភូចិនបានបង្ហាញក្តីសង្ឃឹម ចង់ឲ្យបន្តមានការធ្វើទំនាក់ទំនងជាយុទ្ធសាស្ត្ រកម្រិតខ្ពស់បែបនេះទៀត បើទោះបីជាប្រទេសទាំងពីរនៅមាន ការខ្វែងគំនិតគ្នាច្រើនក៏ដោយ៕អត្ថបទ៖ សារ៉ាត់

វ៉ាក់សាំង១.៥លានដូស នឹងមកដល់កម្ពុជា នាថ្ងៃ២៦ខាងមុខ នឹងផ្តល់អាទិភាពចាក់ដល់មនុស្សអាយុ៦០ឆ្នាំឡើង

ភ្នំពេញ ៖ ប្រសិនបើមិនមានការប្រែប្រួលទេនោះ វ៉ាក់សាំងប្រភេទ Sinovac ចំនួន១,៥លានដូស ដែលកម្ពុជា កុម្ម៉ង់ទិញពីប្រទេសចិន នឹងមកដល់ នៅថ្ងៃទី២៦ ខែមីនា ខាងមុខនេះ ហើយវ៉ាក់សាំងនេះ នឹងផ្តល់អាទិភាពចាក់ដល់មនុស្សវ័យ៦០ឆ្នាំឡើង ខណៈវ៉ាក់សាំងស៊ីណូហ្វាម ដែលជាជំនួយរបស់ចិនដែរនោះ នឹងមកដល់មុនចូលឆ្នាំខ្មែរខាងមុខនេះ ផងដែរ។ នេះបើតាមការបញ្ជាក់របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។តាមរយៈសារសំឡេងរបស់សម្តេចតេជោ ហ៊ុន សែន នៅព្រឹកថ្ងៃទី១៩ ខែមីនា ឆ្នាំ២០២១នេះ បានបញ្ជាក់ថា «នៅពេលខាងមុខនេះ បើគ្មានការផ្លាស់ប្តូរទេ វ៉ាក់សាំងស៊ីណូវ៉ាក់ នឹងមកដល់កម្ពុជា នៅថ្ងៃទី២៦ ខែមីនា។ នេះបើយោងតាមការជូនដំណឹងរបស់ភាគីមិត្តចិន ដែលយើងបានទិញ Sinovac ចំនួន១,៥លានដូសនោះ»។សម្តេចតេជោ ហ៊ុន សែន បានបញ្ជាក់បន្ថែមថា ក្រៅពីវ៉ាក់សាំងនេះ ក៏សល់ជំនួយវ៉ាក់សាំង Sinopharm របស់មិត្តចិនចំនួន៤០ម៉ឺនដូសទៀត ដែលសង្ឃឹមថា នឹងបានទទួលមុនចូលឆ្នាំខ្មែរផងដែរ។ បន្ទាប់ពីថ្នាំវ៉ាក់សាំងទាំងពីរប្រភេទនេះមកដល់កម្ពុជា សម្តេចតេជោ នាយករដ្ឋមន្ត្រីក៏ស្នើដល់លោកជំទាវ ឱ វណ្ណឌីន ប្រធានគណៈកម្មការចំពោះកិច្ចសម្រាប់ការចាក់វ៉ាក់សាំង និង ឯកឧត្តម ឃួង ស្រេង អភិបាលរាជធានីភ្នំពេញ ពិភាក្សាគ្នាអំពីការបើកយុទ្ធនាការ១៥ថ្ងៃ ដើម្បីចាក់វ៉ាក់សាំង Astra Zeneca ដល់មនុស្សចាស់ដែលមានអាយុចាប់ពី៦០ឆ្នាំឡើង នៅក្នុងបណ្តាខណ្ឌទាំង១៤ នៅរាជធានីភ្នំពេញផងដែរ។ជាមួយគ្នានេះ សម្តេចតេជោ ហ៊ុន សែន ក៏បានបញ្ជាឱ្យមន្ទីរពេទ្យទាំងអស់ផ្អាកការចាក់វ៉ាក់សាំង Astra Zeneca នេះដល់អ្នកដែលមានអាយុក្រោម៦០ឆ្នាំជាបណ្តោះអាសន្នសិនផងដែរ ដើម្បីទុកលទ្ធភាពក្នុងការចាក់វ៉ាក់សាំងដល់មនុស្សចាស់ ចាប់ពីអាយុចាប់ពី៦០ឆ្នាំឡើង។ ប៉ុន្តែប្រសិនបើអ្នកទាំងនោះទទួលវ៉ាក់សាំងដូសទី១ហើយ ត្រូវបន្តអនុញ្ញាតឱ្យគាត់ទទួលបានដូសទី២ បន្តទៀតផងដែរ ដោយសារវ៉ាក់សាំងមិនអាចចាក់តែ១លើកបាននោះ។បើតាមការអះអាងរបស់សម្តេចតេជោ ហ៊ុន សែន នាយករដ្ឋមន្ត្រី បានឲ្យដឹងផងដែរថា រហូតមកដល់ពេលនេះ កម្ពុជា បានទទួលវ៉ាក់សាំងចំនួន២ប្រភេទ នោះគឺ Sinopharm ដែលជាជំនួនរបស់ភាគីចិនជំហានដំបូងចំនួន៦០ម៉ឺនដូស និង Astra Zeneca ជាង៣២ម៉ឺន ដែលជាជំនួយតាមរយៈយន្តការកូវ៉ាក់។ ក្រោយវ៉ាក់សាំងនេះ បានមកដល់កម្ពុជានោះ មកដល់ថ្ងៃទី១៩ ខែមីនានេះ កម្ពុជាបានចាក់វ៉ាក់សាំងបង្ការជំងឺកូវីដ១៩ ដល់កងទ័ព និងមន្ត្រី និងជនស៊ីវិល បានជាង៣០ម៉ឺននាក់ ដែលក្នុងនោះ ក្រសួងសុខាភិបាល ចាក់បាន ១៩៨ ៤៤៧ នាក់ ដោយវ៉ាក់សាំងទាំងពីរប្រភេទទាំងស៊ីណូហ្វាម និងអាស្ត្រាសេនេហ្កា ។ ដោយឡែកកងទ័ពគឺចាក់បានចំនួន ១០៩ ៧៥៦នាក់ ហើយចាក់ដូសទី២ បាន៨១ ៣៧១នាក់៕អត្ថបទ ៖ បាន ចក់

កូរ៉េខាងជើងកាត់ផ្ដាច់ទំនាក់ទំនងការទូតជាមួយម៉ាឡេស៊ី ពាក់ព័ន្ធនឹងការធ្វើបត្យាប័នទៅកាន់អាមេរិក

កូរ៉េខាងជើង៖ កូរ៉េខាងជើងបាននិយាយនៅថ្ងៃសុក្រនេះថា ខ្លួនបានកាត់ផ្តាច់ទំនាក់ទំនងការទូតជាមួយម៉ាឡេស៊ី ជាការតវ៉ានឹងការសម្រេចរបស់តុលាការ ដែលអនុញ្ញាតឲ្យពលរដ្ឋកូរ៉េខាងជើងធ្វើបត្យាប័នទៅកាន់សហរដ្ឋអាមេរិក ដើម្បីប្រឈមនឹងការចោទប្រកាន់ករណីលាងលុយកខ្វក់។ក្រសួងការបរទេសកូរ៉េខាងជើងបានចាត់ទុកការចោទប្រកាន់នេះថា ជាការប្រឌិតមិនសមហេតុផលរៀបចំឡើងដោយសហរដ្ឋអាមេរិក។ ពួកគេបានអះអាងផងដែរថា សហរដ្ឋអាមេរិកនឹងត្រូវតបស្នងការខូចខាតមួយនេះ។ គួរឲ្យដឹងថា កាលពីដើមខែនេះ តុលាការកំពូលម៉ាឡេស៊ីបានច្រានចោលការអះអាង របស់ជនជាតិកូរ៉េខាងជើង លោក មុន ឆុលម្យុង ថា ការចោទប្រកាន់របស់សហរដ្ឋអាមេរិកផ្តើមចេញពីរឿងនយោបាយ និងបានចេញសេចក្តីសម្រេចថា រូបលោកអាចនឹងធ្វើបត្យាប័នទៅកាន់អាមេរិក។ គួរឲ្យដឹងថា លោក មុន បានរស់នៅលើទឹកដីម៉ាឡេស៊ីអស់រយៈពេល ១ទសវត្សរ៍ និងត្រូវបានចាប់ខ្លួនកាលពីខែឧសភា ឆ្នាំ២០១៩ ក្រោយក្រុមអាជ្ញាធរសហរដ្ឋអាមេរិក ស្នើសុំឲ្យមានការធ្វើបត្យាប័នរបស់គាត់។រដ្ឋាភិបាលម៉ាឡេស៊ីបានឯកភាពលើសំណើមួយនេះ ប៉ុន្តែលោក មុន បានតតាំងជាមួយវា។ នៅក្នុងលិខិតបញ្ជាក់ភស្តុតាងមួយច្បាប់ លោក មុន បានបដិសេធន៍ចោលរាល់ការចោទប្រកាន់របស់អាមេរិកថា លោកបានពាក់ព័ន្ធនឹងការផ្គត់ផ្គង់ទំនិញប្រណីត ហាមប្រាមពីសិង្ហបុរី ទៅកាន់កូរ៉េខាងជើង ជាការបំពានលើទណ្ឌកម្មសហរដ្ឋអាមេរិក ខណៈពេលដែលលោកបម្រើការងារនៅរដ្ឋឯការមួយនេះ មុនពេលលោកផ្លាស់ទៅរស់នៅប្រទេសម៉ាឡេស៊ីកាលពីឆ្នាំ ២០០៨៕អត្ថបទ៖ សារ៉ាត់

សម្តេចពិជ័យសេនា ទៀ បាញ់ ៖ កងទ័ពចំនួន៥នាក់ បានឆ្លងមេរោគកូវីដ១៩ បើទោះបីបានចាក់វ៉ាក់សាំងរួចក្តី

ភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ កម្ពុជា បានថ្លែងថា រហូតមកដល់ថ្ងៃនេះ យោធិនចំនួន៥នាក់ហើយ បានឆ្លងមេរោគកូវីដ១៩បើទោះបី ពួកគេបានចាក់ថ្នាំវ៉ាក់សាំងរួចរាល់ទាំងពីរលើកហើយក្តី ប៉ុន្តែការអាការៈ ជំងឺរបស់ពួកគេពុំមានលក្ខណៈធ្ងន់ធ្ងរ នោះទេ។ថ្លែងប្រាប់អ្នកយកព័ត៌មានក្រោយពីអមដំណើរសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញទៅពិនិត្យមើលដំណើរការរៀបចំមន្ទីរពេទ្យមួយ កន្លែងមានឈ្មោះថា មន្ទីរពេទ្យស្ត្រីនគរទេព ដែលមានទីតាំងស្ថិតនៅភូមិព្រៃសខាងកើត សង្កាត់ព្រៃស ខណ្ឌដង្កោ រាជធានីភ្នំពេញ សម្តេចពិជ័យសេនា ទៀ បាញ់ បានលើកឡើងថា ខណៈពេលនេះ កងទ័ពនៃក្រសួងការពារជាតិ បានអនុវត្តយ៉ាងខ្ជាប់ខ្ជួន ចំពោះវិធានការសុខាភិបាល ជាពិសេស«៣ការពារ និង៣កុំ» ក្រោយមានការឆ្លងជាបន្តបន្ទាប់ចំពោះយោធាតាមអង្គភាពតាមអង្គភាពមួយចំនួននៃអគ្គបញ្ជាការដ្ឋាននោះ។ដើម្បីបង្ការ ការពារ និងទប់ស្កាត់ការរីករាលដាលនៃជំងឺកូវីដ១៩ ក្នុងជូរកងទ័ព អគ្គបញ្ជាការដ្ឋាននៃកងយោធពលខេមរភូមិន្ទនោះ សម្តេចពិជ័យសេនា ទៀ បាញ់ ក៏បានណែនាំដល់មេបញ្ជាការ កងទ័ពជំនាញ និងនាយកស្ថាប័នចំណុះអគ្គបញ្ជាការទាំងអស់ត្រូវ បន្តអនុវត្តឲ្យបានម៉ឺងម៉ាត់បំផុតនូវវិធានការសុខាភិបាល ជាពិសេសវិធានការ៣ការពារ ៣កុំ របស់រាជរដ្ឋាភិបាលក្នុងការប្រយុទ្ធប្រឆាំង នឹងជំងឺកូវីដ១៩នេះ បន្ថែមទៀត បើទោះបីបានចាក់វ៉ាក់សាំងការពារកូវីដនេះ រួចរាល់ហើយនោះ។ជាមួយគ្នានោះដែរ សម្តេចពិជ័យសេនា ទៀ បាញ់ ក៏បានប្រកាសផងដែរថា ពេទ្យកងទ័ពនៃក្រសួងការពារជាតិបានត្រៀមខ្លួនរួចជាស្រេចផងដែរ ក្នុងការចូលរួមអន្តរាគមន៍ជួយដល់ប្អូនប្រជាពលរដ្ឋខ្មែរ ដែលជួបបញ្ហាកូវីដ១៩នេះ ខណៈកម្លាំងពេទ្យកងទ័ពទាំងនោះ ក៏បានទទួលការបណ្តុះបណ្តាលជំនាញវេជ្ជសាស្ត្ររួចរាល់ផងដែរនោះ៕អត្ថបទ ៖ បាន ចក់

សម្តេចតេជោ អញ្ជើញពិនិត្យមើលស្តូបព្រះបរមរតនកោដ្ឋ ដែលកំពុងជួសជុល បានប្រមាណ៩៥%

ភ្នំពេញ ៖ ព្រឹកថ្ងៃទី១៩ខែមីនានេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រួមជាមួយថ្នាក់ដឹកនាំ មន្ត្រី ជំនាញ និង អាជ្ញាធរ ដែនដី ពាក់ព័ន្ធ បានអញ្ជើញទៅពិនិត្យមើលដំណើរការជួសជុលកែលម្អ ស្តូបព្រះបរមរតនៈកោដ្ឋ ដែល ស្ថិតនៅលើសួនច្បារខាងកើតវិមានឯករាជ្យ ស្ថិតក្នុងខណ្ឌចំការមន រាជធានីភ្នំពេញ ដែលកំពុងតែដំណើរការជួសជុល កែលម្អ។ក្នុងឱកាស ចុះ ពិនិត្យ នោះ សម្តេច បាន កត់សម្គាល់ចំពោះស្នាដៃដ៏ល្អនិងលើកទឹកចិត្តអោយក្រុមជំនាញយកចិត្តទុកដាក់ខ្ពស់បន្ថែមទៀត ដើម្បីអោយសំណង់ដ៏ថ្លៃថ្លានេះ សម្រេចបានគួរជាទីមោទនៈ និងគោរពប្រតិបត្តិសម្រាប់ប្រជាជាតិនិងភ្ញៀវអន្តរជាតិចំពោះព្រះវិញ្ញាណក្ខន្ធ ព្រះបរមរតនកោដ្ឋ។ នេះជាទីឋាន ដែលរដ្ឋបាលរាជធានីភ្នំពេញបានជួសជុលថែទាំជាប់ជាប្រចាំនិងជាទីកន្លែងដែលតែងប្រារព្ធពិធីថ្វាយកុសលឧទ្ទិសដល់ដួងព្រះវិញ្ញាណក្ខន្ធ ព្រះករុណាព្រះបាទ សម្តេចព្រះនរោត្តម សីហនុ ព្រះបរមរតនៈកោដ្ឋ ជារៀងរាល់ឆ្នាំ ។បើតាម ឯកឧត្តមអភិបាល រាជធានីភ្នំពេញ បានឲ្យដឹងថា ការជួសជុល កែលម្អស្តូបព្រះបរមរតនកោដ្ឋនេះ ជាដំណាក់កាល គឺមាន ជួសជុល ដំបូល ពិដាន, លាបក្បាច់ពណ៌ទឹកមាស ផ្នែកខាងលើបរមរូប , ជួសជុល ជើង ទម្រ ថ្ម ម៉ាប និង ថ្មភ្នំ រួមទាំង ការថែទាំ សួនច្បារ , រៀបចំ ប្រព័ន្ធ បាញ់ ទឹក ជាថ្មី ឡើងវិញ រួមទាំង ការកាប់ ដើម ក្ងោកចាស់ៗដែលពុកផុយ រួចដាំជាថ្មីឡើងវិញ ហើយសាលារាជធានីភ្នំពេញ ក៏បានរៀបចំបែងចែកអោយមានគណៈកម្មការទទួលខុសត្រូវលើជួសជុលថែទាំជាប់ជាប្រចាំទាំងចំពោះស្តូបព្រះបរមរូប ក៏ដូចជាសួនផងដែរ។ការជួសជុលកែលម្អឡើងវិញស្តូបព្រះបរមរូប បើគិតរហូតមកដល់ពេលនេះ គឺសម្រេចបានប្រមាណ ៩៥% ហើយៗ គ្រោងនឹងធ្វើឱ្យ រួចរាល់នៅចុងខែមីនានេះ ។ ទីតាំង ស្តូប ព្រះបរមរតនៈកោដ្ឋ រួមទាំង សួនច្បារ ជុំវិញផង បានក្លាយជាទីរមណីយដ្ឋានដ៏ស្រស់បំព្រង ប្រកបដោយ ខ្យល់អាកាស បរិសុទ្ធ និង ពេញនិយម សំរាប់ ភ្ញៀវទេសចរ ទៅ លំហែ កម្សាន្ត និង ជាទី ពេញនិយម សំរាប់ ប្រជាពលរដ្ឋ ទូទៅ ហាត់ប្រាណ ដើម្បី សុខភាព ផងដែរ ។គួរបញ្ជាក់ថា ព្រះករុណា សម្តេច ព្រះ នរោត្តម សីហនុ ព្រះ មហា វីរក្សត្រ ព្រះបរមរតនកោដ្ឋ បានស្តេច យាង សោយ ព្រះ ទិវង្គត នៅ ថ្ងៃ ទី ១៥ ខែ តុលា ឆ្នាំ ២០១២ នៅ ឯ មន្ទីរពេទ្យ ធំ ក្នុង ទីក្រុង ប៉េកាំង នៃ សាធារណរដ្ឋ ប្រជាមានិត ចិន ក្នុង ព្រះជន្ម ៩០ ព្រះវស្សា ដោយ ព្រះ រោគាពាធ ដែល ជាការ បាត់បង់ ដ៏ ធំធេង របស់ កម្ពុជាហើយស្តូបព្រះបរមរូបព្រះបរមរតនកោដ្ឋនេះគឺបានបញ្ចុះបឋមសិលាសាងសង់កាលពីថ្ងៃទី២២ខែកុម្ភៈឆ្នាំ ២០១៣ មាន រចនា តាមទម្រង់បុស្បុក មានកម្ពស់សរុប ២៧ ម៉ែត្រ គិតពីបាតក្រោម ដល់ កំពូល។ រីឯ តួព្រះបរមរូប ធ្វើ អំពីស្ពាន់មានកម្ពស់៤,៥ ម៉ែត្រ ទ្រង់ឈរ លើព្រះទែនមានកម្ពស់ ២,៧ ម៉ែត្រ គឺ សង់នៅលើខឿនរាងចតុកោណ កែង មានបណ្តោយ៥៤ ម៉ែត្រ ទទឹង២៧ ម៉ែត្រ កម្ពស់ ០,៩ ម៉ែត្រ។ ការរចនាសម្ព័ន្ធបុស្បុក និងព្រះបរមរូប គឺ ត្រូវ បានកំណត់យកខ្នាតទូទៅមួយសុទ្ធ តែមានលេខ អាចបូកផ្គុំបញ្ចូលគ្នាបានជាលេខ៩ទាំងអស់ ហើយស្តូបព្រះបរមរូប ព្រះបរមរតនកោដ្ឋត្រូវបានសម្ពោធដាក់ឱ្យប្រជាពលរដ្ឋនិងភ្ញៀវបរទេសចូលគោរពព្រះវិញ្ញាណក្ខន្ធនៅថ្ងៃទី១១ខែ តុលា ឆ្នាំ២០១៣ ក្រោមព្រះរាជាធិបតីភាពដ៏ខ្ពង់ខ្ពស់បំផុត សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នរោត្តម មុនីនាថ សីហនុ ព្រមទាំងឥស្សរជនជាន់ខ្ពស់ក្នុងស្ថាប័នព្រឹទ្ធសភា រដ្ឋសភា រាជរដ្ឋាភិបាល មន្ត្រីរាជការ និងសិស្សានុសិស្សមួយចំនួនផងដែរ៕អត្ថបទ៖ មុត សុទ្ធ

សម្តេចតេជោ អញ្ជើញពិនិត្យមើលមន្ទីរពេទ្យនគរទេព ដែលត្រូវបានរៀបចំសម្រាប់ព្យាបាលអ្នកជំងឺកូវីដ-១៩

ភ្នំពេញ ៖ ព្រឹកថ្ងៃទី១៩ខែមីនា នេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា រួមជាមួយថ្នាក់ដឹកនាំ មន្ត្រី ជំនាញ និង អាជ្ញាធរ ដែនដី ពាក់ព័ន្ធ បានអញ្ជើញទៅពិនិត្យមើលដំណើរការរៀបចំមន្ទីរពេទ្យមួយ កន្លែងមានឈ្មោះថា មន្ទីរពេទ្យស្ត្រីនគរទេព ដែលមានទីតាំងស្ថិតនៅភូមិព្រៃសខាងកើត សង្កាត់ព្រៃស ខណ្ឌដង្កោ រាជធានីភ្នំពេញ។មន្ទីរពេទ្យនេះ ជាមន្ទីរពេទ្យថ្មីមួយទើបត្រូវបានបង្កើតឡើងក្រោមការគាំទ្រពីលោកជំទាវរដ្ឋមន្ត្រីក្រសួងកិច្ចការនារី ដើម្បីផ្តល់សេវា ព្យាបាលផ្នែករោគស្ត្រី និងជំងឺមហារីករបស់ស្ត្រី ជាពិសេសសម្រាប់ផ្តល់សេវាជូនដល់ស្ត្រី ដែលមានជីវភាពខ្វះខាត ប៉ុន្តែដោយសារមានតម្រូវការជាបន្ទាន់ចំពោះមុខនៃការឆ្លងរីករាលដាលនៃជំងឺកូវីដ-១៩ គួរឱ្យព្រួយបារម្ភមន្ទីរពេទ្យមួយនេះត្រូវបានសម្តេចតេជោ ប្រមុខរាជរដ្ឋាភិបាល ណែនាំឱ្យប្រែក្លាយទៅជាមន្ទីរពេទ្យសម្រាប់ព្យាបាលអ្នកជំងឺកូវីដ-១៩ ព្រមគ្នាជាមួយនឹងការយកអតីតសណ្ឋាគារអាំងទែកុងទីណង់តាល់ ធ្វើជាមន្ទីរពេទ្យសម្រាប់ដាក់ពិនិត្យនិងព្យាបាលអ្នកជំងឺកូវីដ-១៩ ដូចគ្នាដែរនោះ។សម្តេច បានអញ្ជើញពិនិត្យមើលដោយយកចិត្តទុកដាក់នៅគ្រប់ទីកន្លែង នៃទីតាំងបន្ទប់នីមួយៗ ដើម្បីធ្វើយ៉ាងណាឱ្យការរៀបចំមន្ទីរពេទ្យមួយកន្លែងនេះ ប្រព្រឹត្តិទៅបានត្រឹមត្រូវតាមស្តង់ដារ បច្ចេកទេស សំដៅធ្វើយ៉ាងណាឱ្យការពិនិត្យ និងព្យាបាលអ្នកជំងឺកូវីដ-១៩ជោគជ័យ។ការរៀបចំមន្ទីរពេទ្យនគរទេពឱ្យទៅជាមន្ទីរពេទ្យព្យាបាលជំងឺកូវីដ-១៩នេះ ជាហេដ្ឋារចនាសម្ព័ន្ធធំទូលាយ នៅលើផ្ទៃដី១ហ.ត កន្លះ , ដោយមន្ទីរពេទ្យនេះមានទំហំអគារ ២៥.០០០ម៉ែត្រក្រឡា, កម្ពស់៥ជាន់ ,មានប្រព័ន្ធទឹក ភ្លើងល្អ បំពាក់ប្រព័ន្ធសឡា និងមានម៉ាស៊ីនភ្លើងបម្រុង៣៥០KWA បំពាក់ដោយម៉ាស៊ីនផ្លាស់ប្តូរដោយស្វ័យប្រវត្តិ។មន្ទីរពេទ្យនេះ មានចំណុះ៥០០គ្រែដោយអាចរៀបចំជាផ្នែកសង្គ្រោះបន្ទាន់៨០គ្រែ និងផ្នែកជំងឺធម្មតា៤២០គ្រែ។ មន្ទីរពេទ្យមានបំពាក់ឧបករណ៍វេជ្ជសាស្ត្រទំនើបៗ ស្របតាមស្តង់ដារ សម្រាប់ព្យាបាលជំងឺកូវីដ-១៩ ដែលផ្តល់ជូនដោយក្រសួងសុខាភិបាល។សូមបញ្ជាក់ថា នេះជាមន្ទីរពេទ្យទី៥ហើយ សម្រាប់ដាក់ការព្យាបាលជំងឺកូវីដ-១៩ នៅរាជធានីភ្នំពេញ បន្ទាប់ពីមន្ទីរពេទ្យមិត្តភាពខ្មែរ-សូវៀត,មណ្ឌលសុខភាពចាក់អង្រែ, មជ្ឈមណ្ឌលព្យាបាលជំងឺហង់សិន ,សណ្ឋាគារឌឹក្រេកឌូក (អតីតសណ្ឋាគារអាំងទែរកុងទីណង់តាល់)។ ទាក់ទងនឹងការឆ្លងរីករាលដាលជំងឺកូវីដ-១៩ បើតាមក្រសួងសុខាភិបាលបានជូនដំណឹងនៅថ្ងៃនេះថា បានរកឃើញអ្នកឆ្លងកូវីដ-១៩ថ្មី សម្រាប់ថ្ងៃទី១៨ ខែមីនាមាន ចំនួន៣៧នាក់ ក្នុងនោះគឺជាករណីឆ្លងដោយព្រឹត្តិការណ៍សហគមន៍២០កុម្ភៈទាំងអស់ ខណៈថ្ងៃនេះ មានអ្នកជាសះស្បើយ១៩នាក់និងអនុញ្ញាតឱ្យចេញពីមន្ទីរពេទ្យ។ ចំពោះករណីរកឃើញថ្មី៣៧នាក់នេះគឺ មានរកឃើញនៅរាជធានីភ្នំពេញ៣៣នាក់ , ខេត្តព្រះសីហនុ៣នាក់,និងខេត្តកណ្តាល ១នាក់។ របាយការណ៍ បានបង្ហាញដែរថា គិតត្រឹមម៉ោង៧ព្រឹកថ្ងៃនេះ កម្ពុជា បានរកឃើញអ្នកឆ្លងកូវីដ-១៩ សរុបចំនួន១.៥៨៧នាក់ ក្នុងនោះព្យាបាលជាសះស្បើយ៩១៧នាក់ ,និងអ្នកកំពុងសំរាកព្យាបាលចំនួន៦៥៨នាក់ និងមានអ្នកស្លាប់១នាក់ ដោយសារជំងឺកូវីដ-១៩៕អត្ថបទ ៖ មុត សុទ្ធ

បណ្ដាញសង្គម

ព័ត៌មានថ្មីៗ

អ៊ូហ្គង់ដា បញ្ជូនក្រុមវេជ្ជសាស្រ្តទៅជួយកុងហ្គោដោះស្រាយការរីករាលដាលឆ្លងជំងឺអេបូឡា

ពលរដ្ឋអ៊ីរ៉ង់អំពាវនាវឲ្យបិទច្រកសមុទ្រ Hormuzទាំងស្រុង ក្រោយការវាយប្រហាររបស់អាមេរិក

យន្តហោះដឹកទំនិញមានយានិក ៥នាក់នៅលើយន្តហោះ បាត់ការទាក់ទងនៅជិតទីក្រុង Karachi ប្រទេសប៉ាគីស្ថាន

លោក Trump៖ សហរដ្ឋអាមេរិកប្រហែលជានឹងវាយប្រហារអ៊ីរ៉ង់យ៉ាងខ្លាំងក្លាម្ដងទៀត យប់ថ្ងៃពុធនេះ

ប្រភព៖ លោក Trump បានប្រាប់មេដឹកនាំណាតូថា លោកចង់បន្តវត្តមានអាមេរិក នៅក្នុងសម្ព័ន្ធភាព

មេដឹកនាំទួរគីជំរុញឱ្យសម្ព័ន្ធមិត្តណាតូលុបការរឹតបន្តឹងឧស្សាហកម្មការពារជាតិ នៅឯកិច្ចប្រជុំកំពូល

សហភាពអឺរ៉ុបជំរុញឱ្យគ្រប់ភាគីគោរពបទឈប់បាញ់ជាមួយអ៊ីរ៉ង់ ក្នុងពេលមានអរិភាពថ្មី

រុស្ស៊ីព្យាយាមបង្អាក់ប្រព័ន្ធ Starlink របស់លោក Musk ដើម្បីទប់ទល់យានដ្រូនអ៊ុយក្រែន

លោកស្រីនាយករដ្ឋមន្រ្តី Frederiksen ៖ ដាណឺម៉ាកត្រៀមខ្លួនរួចរាល់ក្នុងការការពាររាល់មីលីម៉ែត្រនៃទឹកដីណាតូ

មេបញ្ជាការកងកម្លាំងយានដ្រូនអះអាងថា អ៊ុយក្រែនវាយប្រហារនាវាដឹកប្រេងស្រមោល ៩គ្រឿងរបស់រុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

បាតុករថៃរាប់សិបនាក់រងរបួស ក្រោយដង្ហែក្បួនតវ៉ានៅជិតព្រះបរមរាជវាំង

មនុស្សជាង ១ម៉ឺននាក់ត្រូវបានជម្លៀសខ្លួនចេញពីគ្រោះទឹកជំនន់នៅទីក្រុងស៊ីដនី

អាមេរិករកឃើញករណីឆ្លងថ្មី ៥៥,៩០៨នាក់ និងស្លាប់ថ្មី ៧៩២នាក់ដោយសារ COVID-19 ក្នុងរយៈពេល ២៤ម៉ោង

ចិន និងអាមេរិករួមគ្នាបង្កើតក្រុមការងារ និងសហប្រតិបត្តិការលើបញ្ហាបម្រែបម្រួលអាកាសធាតុ

វ៉ាក់សាំង១.៥លានដូស នឹងមកដល់កម្ពុជា នាថ្ងៃ២៦ខាងមុខ នឹងផ្តល់អាទិភាពចាក់ដល់មនុស្សអាយុ៦០ឆ្នាំឡើង

កូរ៉េខាងជើងកាត់ផ្ដាច់ទំនាក់ទំនងការទូតជាមួយម៉ាឡេស៊ី ពាក់ព័ន្ធនឹងការធ្វើបត្យាប័នទៅកាន់អាមេរិក

សម្តេចពិជ័យសេនា ទៀ បាញ់ ៖ កងទ័ពចំនួន៥នាក់ បានឆ្លងមេរោគកូវីដ១៩ បើទោះបីបានចាក់វ៉ាក់សាំងរួចក្តី

សម្តេចតេជោ អញ្ជើញពិនិត្យមើលស្តូបព្រះបរមរតនកោដ្ឋ ដែលកំពុងជួសជុល បានប្រមាណ៩៥%

សម្តេចតេជោ អញ្ជើញពិនិត្យមើលមន្ទីរពេទ្យនគរទេព ដែលត្រូវបានរៀបចំសម្រាប់ព្យាបាលអ្នកជំងឺកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

បាតុករ​ថៃ​រាប់​សិប​នាក់​រង​របួស ក្រោយ​ដង្ហែ​ក្បួន​តវ៉ា​នៅ​ជិត​ព្រះ​បរមរាជវាំង​

មនុស្ស​ជាង ១​ម៉ឺន​នាក់​ត្រូវ​បាន​ជម្លៀស​ខ្លួន​ចេញពី​គ្រោះ​ទឹក​ជំនន់​នៅ​ទីក្រុង​ស៊ីដនី

អាមេរិក​រក​ឃើញ​ករណី​ឆ្លង​ថ្មី ៥៥,៩០៨​នាក់ និង​ស្លាប់​ថ្មី​ ៧៩២​នាក់​ដោយ​សារ​ COVID-19​ ក្នុងរយៈពេល ២៤​ម៉ោង

ចិន និង​អាមេរិក​រួមគ្នា​បង្កើត​ក្រុមការងារ និង​សហប្រតិបត្តិការ​លើ​បញ្ហា​បម្រែបម្រួល​អាកាសធាតុ​

សម្តេច​តេ​ជោ​ អញ្ជើញ​ពិនិត្យមើល​ស្តូប​ព្រះ​បរម​រតន​កោដ្ឋ​ ដែល​កំពុង​ជួសជុល​ បាន​ប្រមាណ​៩៥%

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បាតុករថៃរាប់សិបនាក់រងរបួស ក្រោយដង្ហែក្បួនតវ៉ានៅជិតព្រះបរមរាជវាំង

មនុស្សជាង ១ម៉ឺននាក់ត្រូវបានជម្លៀសខ្លួនចេញពីគ្រោះទឹកជំនន់នៅទីក្រុងស៊ីដនី

អាមេរិករកឃើញករណីឆ្លងថ្មី ៥៥,៩០៨នាក់ និងស្លាប់ថ្មី ៧៩២នាក់ដោយសារ COVID-19 ក្នុងរយៈពេល ២៤ម៉ោង

ចិន និងអាមេរិករួមគ្នាបង្កើតក្រុមការងារ និងសហប្រតិបត្តិការលើបញ្ហាបម្រែបម្រួលអាកាសធាតុ

សម្តេចតេជោ អញ្ជើញពិនិត្យមើលស្តូបព្រះបរមរតនកោដ្ឋ ដែលកំពុងជួសជុល បានប្រមាណ៩៥%