BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ការព្រួយបារម្ភសកលចេះតែកើនឡើង ខណៈអ្នកតវ៉ាស្លាប់កាន់តែច្រើនក្នុងការបង្ក្រាបនៅមីយ៉ាន់ម៉ា

មីយ៉ាន់ម៉ា៖ សហគមន៍អន្តរជាតិបានទទូចសុំ ឲ្យមានការអត់ធ្មត់កាលពីថ្ងៃច័ន្ទ បន្ទាប់ពីក្រុមបាតុករប្រឆាំងរដ្ឋប្រហារយ៉ាងហោចណាស់ ១១នាក់ទៀរតត្រូវបានសម្លាប់នៅក្នុងសហភាពមីយ៉ាន់ម៉ា ខណៈក្រុមបាតុករបានវិលត្រឡប់ទៅតវ៉ា នៅតាមដងផ្លូវនានាជាថ្មីទាមទារឲ្យរស្តារឡើងវិញនូវលទ្ធិប្រជាធិបតេយ្យ ទោះបីមានការបង្ក្រាបយ៉ាងបង្ហូរឈាម ពីសំណាក់រដ្ឋាភិបាលយោធាក៏ដោយ។អង្គការសហប្រជាជាតិ សហរដ្ឋអាមេរិក ចិន និងអង់គ្លេសបានថ្កោលទោសចំពោះអំពើហិង្សា ដែលអង្គការសហប្រជាជាតិបាននិយាយថា អំពើហិង្សានេះបានឆក់យកជីវិតអ្នកតវ៉ា ដោយស្ងៀមស្ងាត់យ៉ាងហោចណាស់ ១៣៨នាក់រួមទាំងស្ត្រី និងកុមារ ចាប់តាំងពីក្រុមឧត្ដមសេនីយ៍បានបណ្ដេញមេដឹកនាំស៊ីវិល លោកស្រី Aung San Suu Kyi ចេញពីតំណែងកាលពីខែកុម្ភៈ។ រហូតមកដល់ពេលនេះ ឧត្ដមសេនីយ៍មីយ៉ាន់ម៉ាមិនបានបង្ហាញសញ្ញាណាមួយ ពីការយកចិត្តទុកដាក់ចំពោះការអំពាវនាវឲ្យមានការអត់ធ្មត់នោះទេ។ ថ្ងៃដ៏អាក្រក់បំផុតបានកើតឡើងកាលពីថ្ងៃអាទិត្យ នៅពេលក្រុមបាតុករជាងជិត ៤០នាក់ត្រូវបានសម្លាប់ នៅពេលដែលកម្លាំងសន្តិសុខបានបង្ក្រាបការប្រមូលផ្តុំគ្នានានា គាំទ្រលទ្ធិប្រជាធិបតេយ្យ។ ប៉ុន្តែការសម្លាប់ទាំងនេះមិនបានបញ្ឈប់ក្រុមបាតុករ ដែលបានចេញតវ៉ាម្តងទៀតកាលពីថ្ងៃច័ន្ទ ដោយប្រឈមគ្រោះថ្នាក់ជាថ្មី ដូចអ្វីដែលក្រុមអ្នកឃើញហេតុការណ៍និយាយថា ជាការបង្ក្រាបដ៏សាហាវរបស់រដ្ឋាភិបាលយោធា។ អ្នកដែលត្រូវបានសម្លាប់កាលពីថ្ងៃច័ន្ទ ត្រូវបានគេបាញ់សម្លាប់នៅទីតាំងជាច្រើន ក្នុងតំបន់ភាគកណ្ដាលរបស់ប្រទេសនេះ៕អត្ថបទ៖ សុខមាន

មនុស្ស ៣៩នាក់បានស្លាប់នៅមីយ៉ាន់ម៉ា ក្នុងថ្ងៃបង្ក្រាបដ៏បង្ហូរឈាមបំផុតចាប់តាំងពីរដ្ឋប្រហារយោធាចាប់ផ្ដើម

មីយ៉ាន់ម៉ា៖ ក្រុមបាតុករប្រឆាំងនឹងរដ្ឋប្រហារយ៉ាងហោចណាស់ ២២នាក់បន្ថែមទៀតនៅសហភាពមីយ៉ាន់ម៉ាត្រូវបានគេរាយការណ៍ថា ត្រូវបានបាញ់សម្លាប់ដោយកងកម្លាំងសន្តិសុខ ស្របពេលដែលយោធាបានប្រកាសច្បាប់អាជ្ញាសឹក នៅតាមតំបន់មួយចំនួនក្នុងទីក្រុងយ៉ាងហ្គោន ដែលជាទីក្រុងធំបំផុតរបស់ប្រទេសនេះ។ ចំណែកក្រុមអ្នកតវ៉ាចំនួន ១៦នាក់បន្ថែមទៀត ព្រមទាំងមន្ត្រីនគរបាលម្នាក់បានស្លាប់នៅក្នុងកន្លែងផ្សេងៗទៀត។ ប្រព័ន្ធផ្សព្វផ្សាយក្នុងស្រុកបាននិយាយថា កម្លាំងសន្តិសុខបានបើកការបាញ់ប្រហារ ទៅលើក្រុមបាតុករនៅក្នុងទីក្រុងយ៉ាងហ្គោន តំបន់ភាគកណ្ដាលនៃទីក្រុងបាហ្គោ និងកន្លែងផ្សេងទៀតកាលពីថ្ងៃអាទិត្យ។ ចំនួនអ្នកស្លាប់ចាប់តាំងពីការជួបជុំគ្នាតវ៉ា កាលពីខែមុនរហូតមកដល់ពេលនេះត្រូវបានគេជឿថាមានជាង ១០០នាក់។ ក្នុងនោះមានអ្នកស្លាប់យ៉ាងតិចចំនួន ៧០នាក់ដែលបានប្រកាសកាលពីថ្ងៃព្រហស្បតិ៍ ដោយក្រុមអ្នកស៊ើបអង្កេតឯករាជ្យរបស់អង្គការសហប្រជាជាតិ និងយ៉ាងហោចណាស់មានមនុស្សស្លាប់ ១០នាក់បានស្លាប់កាលពីថ្ងៃសៅរ៍ចុងសប្ដាហ៍មុន។កាលពីយប់ថ្ងៃអាទិត្យ ច្បាប់អាជ្ញាសឹកត្រូវបានដាក់អនុវត្តន៍នៅសង្កាត់លាំងថាយ៉ា និងកន្លែងផ្សេងទៀតនៅក្នុងទីក្រុងយ៉ាងហ្គោន បន្ទាប់ពីកម្លាំងសន្តិសុខបានចាប់ផ្ដើមបង្ក្រាបក្រុមបាតុករ ហើយរោងចក្រកាត់ដេរសម្លៀកបំពាក់ជាច្រើនត្រូវបានឆាបឆេះ។ នៅក្នុងតំបន់ដែលស្ថិតក្រោមច្បាប់អាជ្ញាសឹក អាជ្ញាធរ តុលាការត្រូវបានផ្ទេរទៅឲ្យមេបញ្ជាការយោធា។ សកម្មភាពនេះបង្ហាញពីការត្រៀមខ្លួនរបស់យោធា ក្នុងការចាត់វិធានការបង្ក្រាប ដែលមុននេះត្រូវបានធ្វើឡើងដោយនគរបាល៕អត្ថបទ៖ សុខមាន

ក្រុមហ៊ុន AstraZeneca រកមិនឃើញភស្តុតាងដែលបញ្ជាក់ថា វ៉ាក់សាំងរបស់ខ្លួនមានបញ្ហាប្រឈមខ្ពស់នៃការកកឈាម

អង់គ្លេស៖ ក្រុមហ៊ុន AstraZeneca បាននិយាយកាលពីថ្ងៃអាទិត្យថា ការពិនិត្យឡើងវិញនូវទិន្នន័យសុវត្ថិភាពរបស់មនុស្ស ដែលបានចាក់វ៉ាក់សាំងបង្ការជំងឺ COVID-19 របស់ខ្លួនមិនបានបង្ហាញពីភស្តុតាងនៃការកើនឡើងបញ្ហាប្រឈម នៃការកកឈាមក្នុងសរសៃឈាមនោះទេ។ការពិនិត្យឡើងវិញរបស់ក្រុមហ៊ុន AstraZeneca ដែលគ្របដណ្តប់លើមនុស្សជាង ១៧លាននាក់ដែលបានចាក់វ៉ាក់សាំងនៅចក្រភពអង់គ្លេស និងសហភាពអឺរ៉ុបកើតឡើង បន្ទាប់ពីក្រុមអាជ្ញាធរសុខាភិបាលនៅប្រទេសមួយចំនួន បានផ្អាកការប្រើប្រាស់វ៉ាក់សាំងរបស់ខ្លួនដោយសារមានរបាយការណ៍ថា មានឈាមកកក្នុងសរសៃឈាមក្រោយចាក់វ៉ាក់សាំងនេះរួច។ ក្រុមហ៊ុននេះបាននិយាយថា ការពិនិត្យឡើងវិញយ៉ាងប្រុងប្រយ័ត្ន រាល់ទិន្នន័យសុវត្ថិភាពលើមនុស្សជាង ១៧លាននាក់ដែលបានចាក់វ៉ាក់សាំងបង្ការជំងឺ COVID-19 របស់ក្រុមហ៊ុន AstraZeneca នៅសហភាពអឺរ៉ុប និងចក្រភពអង់គ្លេសមិនបានបង្ហាញពីភស្តុតាង នៃការកើនឡើងហានិភ័យនៃការស្ទះសរសៃឈាមសួត ការស្ទះសរសៃឈាមវ៉ែនធ្ងន់ធ្ងរ ឬការស្ទះសរសៃឈាមសួតក្នុងក្រុមអាយុភេទ វគ្គណាមួយឡើយ ឬនៅក្នុងប្រទេសជាក់លាក់ណាមួយ។ ក្រុមអាជ្ញាធរក្នុងប្រទេសអៀរឡង់ ដាណឺម៉ាក ន័រវែស អ៊ីស្លង់ និងហូឡង់បានផ្អាកការប្រើប្រាស់វ៉ាក់សាំង ដោយសារតែបញ្ហាឈាមកកក្នុងសរសៃឈាម ខណៈដែលអូទ្រីសបានឈប់ប្រើវ៉ាក់សាំងក្រុមហ៊ុន AstraZeneca មួយវគ្គដែលបានចាក់កាលពីសប្តាហ៍មុន ស្របពេលដែលការស៊ើបអង្កេតអំពីករណីស្លាប់ ដោយសារជំងឺកកឈាម។ទីភ្នាក់ងារឱសថរបស់សហភាពអឺរ៉ុបបាននិយាយថា គ្មានការបង្ហាញណាមួយដែលថា ព្រឹត្តិការណ៍នានាបណ្ដាលមកពីការចាក់វ៉ាក់សាំងនេះនោះទេ ជាទស្សនៈមួយដែលត្រូវបានគាំទ្រ ដោយអង្គការសុខភាពពិភពលោកកាលពីថ្ងៃសុក្រ។ គួរឲ្យដឹងថា វ៉ាក់សាំងបង្ការវីរុស COVID-19 របស់ក្រុមងហ៊ុន AstraZeneca របស់អង់គ្លេស ដែលត្រូវបានផលិតឡើងដោយសហការ ជាមួយសាកលវិទ្យាល័យ Oxford ត្រូវបានអនុញ្ញាតឲ្យប្រើប្រាស់នៅសហភាពអឺរ៉ុប និងបណ្ដាប្រទេសជាច្រើន ប៉ុន្តែមិនទាន់ត្រូវបានអនុម័តដោយក្រុមនិយតករអាមេរិកនៅឡើយទេ៕អត្ថបទ៖ សុខមាន

UN ចាប់ផ្ដើមយុទ្ធនាការថ្មីជួយគាំទ្រដល់ការចែកចាយវ៉ាក់សាំងសកលសមធម៌

អាមេរិក៖ កាលពីថ្ងៃព្រហស្បតិ៍ អង្គការសហប្រជាជាតិបានបង្កើតយុទ្ធនាការថ្មីមួយ ដែលមានឈ្មោះថា Only Together ដើម្បីជួយគាំទ្រដល់ការអំពាវនាវឲ្យមានការស្មើភាពគ្នា និងការចែកចាយវ៉ាក់សាំងបង្ការជំងឺ COVID-19 ដោយសមធម៌ និងស្មើភាពនៅជុំវិញពិភពលោក។យុទ្ធនាការនេះផ្ដោតសំខាន់ទៅលើភាពចាំបាច់ សម្រាប់សកម្មភាពសកលដែលត្រូវសម្របសម្រួលដើម្បីធានាថា វ៉ាក់សាំងនានាអាចដំណើរការបាន នៅក្នុងប្រទេសទាំងអស់ដោយចាប់ផ្ដើមពីបុគ្គលិកសុខាភិបាល និងបុគ្គលដែលងាយរងគ្រោះបំផុត។ លោក Antonio Guterres អគ្គលេខាធិការអង្គការសហប្រជាជាតិ បាននិយាយនៅក្នុងសុន្ទរកថាតាមវីដេអូ ស្ដីពីការបង្កើតយុទ្ធនការនេះថា យុទ្ធនាការ Only together អាចជួយយើងក្នុងការការពារបុគ្គលិកសុខាភិបាល និងមនុស្សងាយរងគ្រោះបំផុតក្នុងពិភពលោក។ លោកបានបន្ថែមថា ពេលនេះយើងមានឧបករណ៍ ដើម្បីបញ្ឈប់ការឆ្លងរាលដាលជំងឺ COVID-19 ហើយ។ ប៉ុន្តែលោកបានព្រមានថា ទោះបីយ៉ាងណាមកទល់ពេលនេះ មានប្រទេសអ្នកមានមួយចំនួនតូចប៉ុណ្ណោះ ដែលកំពុងដំណើរការចាក់វ៉ាក់សាំងបានច្រើន៕ អត្ថបទ៖ សុខមាន

វ៉ាក់សាំងរបស់ក្រុមហ៊ុន Novavax មានប្រសិទ្ធភាព ៩៦% ប្រឆាំងនឹងវីរុសកូរ៉ូណាដំបូង និង ៨៦% ប្រឆាំងនឹងវីរុសបម្លែងខ្លួននៅអង់គ្លេស

អង់គ្លេស៖ ក្រុមហ៊ុន NovavaxInc បាននិយាយកាលពីថ្ងៃព្រហស្បតិ៍ថា វ៉ាក់សាំងបង្ការជំងឺ COVID-19 របស់ខ្លួនមានប្រសិទ្ធភាព ៩៦% ក្នុងការទប់ស្កាត់ការឆ្លងបង្កឡើងដោយវីរុសដំបូងកូរ៉ូណា នៅក្នុងការសាកល្បងដំណាក់កាលចុងក្រោយ ដែលបានធ្វើនៅក្នុងចក្រភពអង់គ្លេស ជាការបោះជំហានកាន់តែជិតទៅរកការអនុម័ត ផ្នែកនិយតកម្មវ៉ាក់សាំង។ក្រុមហ៊ុននេះបានបញ្ជាក់ថា ពុំមានករណីឈឺធ្ងន់ធ្ងរ ឬស្លាប់នៅក្នុងចំណោមអ្នកដែលបានទទួលវ៉ាក់សាំងនេះទេ ជាសញ្ញាមួយដែលវ៉ាក់សាំងនេះ អាចបញ្ឈប់ការប៉ះពាល់ធ្ងន់ធ្ងរដោយសារជំងឺ COVID-19 បម្លែងខ្លួនថ្មី ដែលបានកើនឡើងហួសពីការរំពឹងទុក។ វ៉ាក់សាំងនេះមានប្រសិទ្ធភាព ៨៦% ក្នុងការទប់ទល់នឹងវីរុសបម្លែងខ្លួនថ្មី ជាច្រើនទៀតក្នុងការសិក្សាដំបូង ហើយពេលនេះធ្វើឡើងនៅក្នុងចក្រភពអង់គ្លេស សម្រាប់អត្រាប្រសិទ្ធភាព ៩០% ដែលបានលាយបញ្ចូលគ្នាដោយផ្អែកទាំងស្រុង លើទិន្នន័យពីការឆ្លងទាំងប្រភេទវីរុសដំបូង និងវីរុសបម្លែងខ្លួនថ្មី។ភាគហ៊ុនរបស់ក្រុមហ៊ុន Novavax បានហក់ឡើង ២២% បន្ទាប់ពីពេលវេលាជួញដូរប៉ុន្មានម៉ោងកើនឡើងដល់ ២២៩ដុល្លារអាមេរិក។ ភាគហ៊ុនទាំងអស់បានធ្លាក់ចុះដល់ ១០ដុល្លារអាមេរិកកាលពីថ្ងៃទី២១ ខែមករា ឆ្នាំ២០២០ នៅពេលដែលក្រុមហ៊ុននេះបានប្រកាសថា ខ្លួនកំពុងផលិតវ៉ាក់សាំងបង្ការវីរុសកូរ៉ូណា៕អត្ថបទ៖ សុខមាន

សហភាពអឺរ៉ុបអនុម័តវ៉ាក់សាំងបង្ការ COVID-19 ដែលចាក់តែមួយដូសរបស់ក្រុមហ៊ុន Johnson & Johnson

អឺរ៉ុប៖ សហភាពអឺរ៉ុបបានអនុម័តវ៉ាក់សាំងបង្ការជំងឺ COVID-19 ដែលចាក់ត្រឹមតែមួយដូសរបស់ក្រុមហ៊ុនអាមេរិក Johnson & Johnson កាលពីថ្ងៃព្រហស្បតិ៍ ដោយត្រួសត្រាយផ្លូវសម្រាប់ការចាក់ដូសដំបូង ដែលត្រូវបានផ្តល់ជូនក្នុងរយៈពេលមួយខែ ខណៈដែលប្លុកនេះព្យាយាមពន្លឿនយុទ្ធនាការដែលកំពុងយឺតយ៉ាវ និងបង្កើនការផ្គត់ផ្គង់របស់ខ្លួន។ទីភ្នាក់ងារឱសថរបស់សហភាពអឺរ៉ុប (EMA) បាននិយាយថា ការចាក់វ៉ាក់សាំងបង្ការជំងឺ COVID-19 គឺជាលើកទី៤ ដែលត្រូវបានអនុម័ត សម្រាប់ការប្រើប្រាស់នៅសហភាពអឺរ៉ុប បន្ទាប់ពីវ៉ាក់សាំងរបស់ក្រុមហ៊ុន AstraZeneca សហការជាមួយសាកលវិទ្យាល័យ Oxford, របស់ចក្រភពអង់គ្លេសក្រុមហ៊ុន Pfizer-BioNTech និងក្រុមហ៊ុន Moderna របស់សហរដ្ឋអាមេរិក ហើយត្រូវបានណែនាំឲ្យប្រើប្រាស់ សម្រាប់អ្នកដែលមានអាយុចាប់ពី ១៨ឆ្នាំឡើងទៅ។ វាជាវ៉ាក់សាំងបង្ការជំងឺ COVID-19 លើកដំបូងដែលចាក់ត្រឹមតែមួយដង ឬមួយដូស។សហរដ្ឋអាមេរិក កាណាដា និងបារ៉ែនក៏បានអនុម័តឲ្យប្រើប្រាស់ វ៉ាក់សាំងរបស់ក្រុមហ៊ុន Johnson & Johnson នេះដែរ។ ចំណែកអាហ្វ្រិកខាងត្បូង កំពុងធ្វើការពិនិត្យឡើងវិញភ្លាមៗ។វ៉ាក់សាំងបង្ការដែលមានឈ្មោះថា វ៉ាក់សាំង COVID ជេនសិន (COVID Vaccine Janssen) ដោយយកឈ្មោះតាមអង្គភាព Johnson & Johnson ដែលបានផលិតវ៉ាក់សាំងនេះ នឹងជួយបង្កើនការផ្គត់ផ្គង់វ៉ាក់សាំងដល់សហភាពអឺរ៉ុប បន្ទាប់ពីយុទ្ធនាការចាក់វ៉ាក់សាំងបានជាប់គាំង ដោយសារតែការពន្យារពេលចែកចាយពីក្រុមហ៊ុន Pfizer និង AstraZeneca៕អត្ថបទ៖ សុខមាន

មនុស្ស ២៧នាក់ស្លាប់ និង ៣៩នាក់របួសបន្ទាប់ពីរថយន្តក្រុងដឹកសិស្សធ្លាក់ចូលក្នុងជ្រោះនៅឥណ្ឌូនេស៊ី

ឥណ្ឌូនេស៊ី៖ នគរបាល និងក្រុមអ្នកសង្គ្រោះបាននិយាយ នៅថ្ងៃព្រហស្បតិ៍នេះថា រថយន្តទេសចរណ៍ ១គ្រឿងបានធ្លាក់ចូលក្នុងជ្រោះ នៅលើកោះជ្វាដ៏ធំរបស់ប្រទេសឥណ្ឌូនេស៊ី បន្ទាប់ពីហ្វ្រាំងរថយន្តទំនងជាខូច ដោយសម្លាប់មនុស្សយ៉ាងហោចណាស់ ២៧នាក់ និង ៣៩នាក់ផ្សេងទៀតរងរបួស។ស្នងការនគរបាលក្នុងស្រុក លោក Eko Prasetyo Robbyanto បាននិយាយថា រថយន្តក្រុងបានដឹកក្រុមសិស្សវិទ្យាល័យអ៊ីស្លាម គ្រូបង្រៀន និងអាណាព្យាបាលសិស្ស មកពីទីក្រុងស៊ូបាងក្នុងខេត្តជ្វាខាងលិច នៅពេលឧបទ្ទវហេតុបានកើតឡើងកាលពីល្ងាចថ្ងៃពុធ នៅលើផ្លូវមានសណ្ឋានបត់បែនពិបាកធ្វើដំណើរ។ លោកថា រថយន្តក្រុងនេះកំពុងធ្វើដំណើរត្រឡប់ពីទីក្រុងស៊ូបាង បន្ទាប់ពីចូលរួមធម្មយាត្រាក្នុងស្រុកតាស៊ីកម៉ាឡាយ៉ា របស់ខេត្តខាងលើ នៅពេលរថយន្តក្រុងធ្លាក់ចូលក្នុងជ្រោះជម្រៅ ២០ម៉ែត្រ បន្ទាប់ពីអ្នកបើកបរបាត់បង់ម្ចាស់ការ មិនអាចគ្រប់គ្រងរថយន្តបាន នៅក្នុងតំបន់ដែលចំនួនគ្រោះថ្នាក់ចរាចរណ៍ បានធ្លាក់ចុះយ៉ាងច្រើននៅក្នុងស្រុកស៊ូម៉េដាង។ លោក Robbyanto បាននិយាយថា នគរបាលនៅតែកំពុងស៊ើបអង្កេតនៅឡើយ ពីមូលហេតុនាំឲ្យមានគ្រោះថ្នាក់ ប៉ុន្តែអ្នកនៅមានជីវិតពីឧបទ្ទវហេតុនេះ បានប្រាប់ក្រុមអាជ្ញាធរថា ហ្វ្រាំងរថយន្តទំនងជាខូច។ មនុស្ស ៣៣នាក់បានសម្រាកព្យាបាល ក្នុងមន្ទីរពេទ្យដោយសាររបួសធ្ងន់ ហើយអ្នកបើកបររថយន្ត ក៏ស្ថិតក្នុងចំណោមអ្នកស្លាប់ដែរ៕អត្ថបទ៖ សុខមាន

ប្រមុខ UN អំពាវនាវឲ្យរបបសឹកមីយ៉ាន់ម៉ាបោះបង់ចោលរដ្ឋប្រហារ និងថ្កោលទោសអំពើហិង្សា

អាមេរិក៖ អគ្គលេខាធិការអង្គការសហប្រជាជាតិ លោក Antonio Guterres បានទទូចដល់យោធាមីយ៉ាន់ម៉ា ឲ្យស្តារការគ្រប់គ្រងតាមបែបលទ្ធិប្រជាធិបតេយ្យឡើងវិញក្នុងប្រទេសនេះ បន្ទាប់ពីរដ្ឋប្រហារកាលពីខែមុន។ លោក Guterres បានថ្លែងបន្ទាប់ពីក្រុមប្រឹក្សាសន្តិសុខអង្គការសហប្រជាជាតិ បានអំពាវនាវជាឯកច្ឆន្ទឲ្យបោះបង់ ការធ្វើរដ្ឋប្រហារយោធានៅសហភាពមីយ៉ាន់ម៉ា ដោយថ្កោលទោសយ៉ាងដាច់អហង្ការ ចំពោះអំពើហិង្សាប្រឆាំងនឹងក្រុមអ្នកតវ៉ាដោយស្ងៀមស្ងាត់ និងអំពាវនាវឲ្យរបបសឹកយោធារក្សាការអត់ធ្មត់ខ្លាំងបំផុត។សេចក្តីថ្លែងការណ៍រួមត្រូវបានអនុម័ត ដោយសមាជិកក្រុមប្រឹក្សាទាំង ១៥ រួមទាំងប្រទេសជិតខាង និងមិត្តភ័ក្ដិរបស់សហភាពមីយ៉ាន់ម៉ាគឺប្រទេសចិន នៅកិច្ចប្រជុំមួយតាម Video Conference កាលពីថ្ងៃពុធ។ លោក Guterres បាននិយាយថា វាពិតជាចាំបាច់ខ្លាំងណាស់ ក្នុងការដោះលែងអ្នកទោសទាំងអស់។ វាពិតជាចាំបាច់ណាស់ ក្នុងការគោរពលទ្ធផលនៃការបោះឆ្នោត និងអនុញ្ញាតឲ្យមានស្ថានភាពមួយ ដែលយើងវិលត្រឡប់ទៅរកការផ្ទេរអំណាច តាមបែបប្រជាធិបតេយ្យវិញ។ មន្ត្រីរដ្ឋបាលរបស់ប្រធានាធិបតីអាមេរិក លោក Joe Biden បាននិយាយថា មនុស្សជាង ១.៧០០នាក់ត្រូវបានចាប់ខ្លួន រួមទាំងអ្នកសារព័ត៌មាន សកម្មជនសិទ្ធិមនុស្ស និងបុគ្គលិកពេទ្យជាដើម។ សហរដ្ឋអាមេរិកនឹងបន្តធ្វើការជាមួយដៃគូអន្តរជាតិ យ៉ាងទូលំទូលាយដើម្បីជំរុញការទទួលខុសត្រូវ ចំពោះរដ្ឋប្រហារ និងអ្នកដែលទទួលខុសត្រូវចំពោះអំពើហិង្សា ព្រមទាំងធ្វើការដើម្បីស្តារឡើងវិញ នូវរដ្ឋាភិបាលដែលជាប់ឆ្នោតតាមបែបប្រជាធិបតេយ្យ៕អត្ថបទ៖ សុខមាន

នាយករដ្ឋមន្ត្រីកម្ពុជា ឡាវ វៀតណាម ប្តេជ្ញាពង្រឹងកិច្ចសហការគាំទ្រគ្នាទៅវិញទៅមកជាពិសេសការទប់ស្កាត់កូវីដ១៩

ភ្នំពេញ៖ នាយករដ្ឋមន្រ្តីទាំងបី ប្រទសកម្ពុជា ឡាវ វៀតណាម បានឯកភាពគ្នាពង្រឹងបន្ថែមនូវកិច្ចសហប្រតិបត្តិការ និងការគាំទ្រគ្នាទៅវិញទៅមកក្នុងការប្រយុទ្ធប្រឆាំងការរីករាលដាលនៃជំងឺកូវីដ-១៩។ ការឯកភាពគ្នាបែបនេះរបស់មេដឹកនាំទាំងបីប្រទេសត្រូវបានធ្វើឡើងតាមរយៈកិច្ចប្រជុំតាមប្រព័ន្ធវីដេអូម្សិលមិញនេះ។នាយករដ្ឋមន្រ្តីទាំងបី ក៏បាន ឯកភាពគ្នាក្នុងការផ្តល់ការចាក់វ៉ាក់សាំងកូវីដ-១៩ ទៅវិញទៅមកដោយមិនគិតថ្លៃដល់មន្រ្តីការទូត និងសិស្សនិស្សិតកម្ពុជា ឡាវ និងវៀតណាម ដែលកំពុងស្នាក់នៅក្នុងប្រទេសនីមួយៗ។នាយករដ្ឋមន្រ្តីទាំងបី បានសម្តែងនូវការពេញចិត្តរួមគ្នាចំពោះទំនាក់ទំនង និងកិច្ចសហប្រតិបត្តិការ ដែលកំពុងមានការរីកចម្រើនលើគ្រប់វិស័យរវាងប្រទេសទាំងបី ទោះបីស្ថិតក្នុងកាលៈទេសៈនៃភាពប្រឈមខ្លាំងបណ្តាលពីការរីករាលដាលនៃជំងឺកូវីដ-១៩ ក៏ដោយ។ នាយករដ្ឋមន្រ្តីទាំងបី ក៏បានកត់សម្គាល់ដោយក្តីរីករាយនូវការកើនឡើងនៃទំហំពាណិជ្ជកម្មរវាង កម្ពុជា-ឡាវ និង កម្ពុជា- វៀតណាម។ថ្នាក់ដឹកនាំទាំងបី បានឯកភាពពង្រឹងបន្ថែមកិច្ចសហប្រតិបត្តិការ លើវិស័យនយោបាយ សន្តិសុខ ការពារជាតិ ការគ្រប់គ្រងព្រំដែន ពាណិជ្ជកម្ម និងវិនិយោគ ការតភ្ជាប់ ថាមពល និងអប់រំ។ នាយករដ្ឋមន្រ្តីទាំងបី ក៏បានឯកភាពបន្តរក្សា និងអនុវត្តន៍យ៉ាងមានប្រសិទ្ធភាពនូវយន្តការនៃកិច្ចសហប្រតិបត្តិការដែលមានស្រាប់ - ជំរុញកិច្ចសហប្រតិបត្តិការរវាងបណ្តាខេត្តជាប់ព្រំដែន - អនុវត្តន៍ឱ្យមានប្រសិទ្ធភាពនូវរាល់កិច្ចព្រមព្រៀងស្តីពីការគ្រប់គ្រងព្រំដែន - សហការបន្ថែមក្នុងការការពារសន្តិសុខតាមបណ្តោយព្រំដែនរួម - សម្របសម្រួលសកម្មភាពពាណិជ្ជកម្ម និងវិនិយោគ ព្រមទាំងការឆ្លងកាត់របស់ប្រជាជន និងទំនិញនៅតាមបណ្តាប៉ុស្តិ៍ត្រួតពិនិត្យព្រំដែន។នៅក្នុងវិស័យការតភ្ជាប់ នាយករដ្ឋមន្រ្តីទាំងបី បានឯកភាពពិចារណាអំពីការដំណើរការឡើងវិញនូវការហោះហើរអន្តរជាតិរវាងកម្ពុជា ឡាវ និងវៀតណាម ដើម្បីជំរុញពាណិជ្ជកម្ម និងការវិនិយោគ ក៏ដូចជាការផ្លាស់ប្តូររវាងប្រជាជននៃប្រទេសទាំងបី។នៅក្នុងកិច្ចសហប្រតិបត្តិការក្របខណ្ឌអនុតំបន់ នាយករដ្ឋមន្រ្តីទាំងបី បានឯកភាពពន្លឿនការអនុវត្តផែនការការតភ្ជាប់សេដ្ឋកិច្ច CLV ដល់ឆ្នាំ២០៣០ ដោយផ្តោតលើកិច្ចសហប្រតិបត្តិការក្នុងការគៀងគរធនធានពីដៃគូអភិវឌ្ឍន៍ ដើម្បីស្ថាបនាផ្លូវល្បឿនលឿនហាណូយ-វៀងចន្ទន៍ ផ្លូវរថភ្លើងវៀងចន្ទន៍-វង្សអាន និងផ្លូវរថភ្លើងភ្នំពេញ-ហូជីមិញ។ជាងនេះទៅទៀត នាយករដ្ឋមន្រ្តីវៀតណាម និងឡាវ បានបញ្ជាក់សារជាថ្មីនូវការប្តេជ្ញាចិត្តក្នុងការគាំទ្រយ៉ាងពេញទំហឹងចំពោះកម្ពុជាធ្វើជាម្ចាស់ផ្ទះរៀបចំកិច្ចប្រជុំកំពូលអនុតំបន់មេគង្គលើកទី៧ នៅក្នុងខែមីនា ឆ្នាំ២០២១ កិច្ចប្រជុំកំពូល ASEM លើកទី១៣ នៅចុងឆ្នាំ២០២១ និងប្រធានអាស៊ានក្នុងឆ្នាំ២០២២។ទន្ទឹមនេះ នាយករដ្ឋមន្រ្តីទាំងបី បានឯកភាពចាត់តាំងឱ្យក្រសួង-ស្ថាប័នពាក់ព័ន្ធ និងអាជ្ញាធរខេត្តពាក់ព័ន្ធទាំងអស់អនុវត្តន៍នូវការព្រមព្រៀងគ្នា ដែលបានសម្រេចនៅក្នុងជំនួបតាមប្រព័ន្ធវីដេអូនេះ ក៏ដូចជាការបង្កើនមិត្តភាព និងកិច្ចសហប្រតិបត្តិការពហុវិស័យរវាងបណ្តាប្រទេសទាំងបី កម្ពុជា-ឡាវ និងវៀតណាម។ជាចុងបញ្ចប់ ថ្នាក់ដឹកនាំទាំងបីក៏បានផ្លាស់ប្តូរទស្សនៈគ្នា លើបញ្ហាតំបន់ និងអន្តរជាតិ ដែលជាផលប្រយោជន៍ និងក្តីបារម្ភរួមផងដែរ៕ អត្ថបទ៖ មុត សុទ្ធ

កីឡាទូកក្ដោង គ្រោងបង្កើតមជ្ឈមណ្ឌលជាតិហ្វឹកហ្វឺនផ្ទាល់ខ្លួន នៅឆ្នេររាម

បណ្ដាញសង្គម

ព័ត៌មានថ្មីៗ

អ៊ូហ្គង់ដា បញ្ជូនក្រុមវេជ្ជសាស្រ្តទៅជួយកុងហ្គោដោះស្រាយការរីករាលដាលឆ្លងជំងឺអេបូឡា

ពលរដ្ឋអ៊ីរ៉ង់អំពាវនាវឲ្យបិទច្រកសមុទ្រ Hormuzទាំងស្រុង ក្រោយការវាយប្រហាររបស់អាមេរិក

យន្តហោះដឹកទំនិញមានយានិក ៥នាក់នៅលើយន្តហោះ បាត់ការទាក់ទងនៅជិតទីក្រុង Karachi ប្រទេសប៉ាគីស្ថាន

លោក Trump៖ សហរដ្ឋអាមេរិកប្រហែលជានឹងវាយប្រហារអ៊ីរ៉ង់យ៉ាងខ្លាំងក្លាម្ដងទៀត យប់ថ្ងៃពុធនេះ

ប្រភព៖ លោក Trump បានប្រាប់មេដឹកនាំណាតូថា លោកចង់បន្តវត្តមានអាមេរិក នៅក្នុងសម្ព័ន្ធភាព

មេដឹកនាំទួរគីជំរុញឱ្យសម្ព័ន្ធមិត្តណាតូលុបការរឹតបន្តឹងឧស្សាហកម្មការពារជាតិ នៅឯកិច្ចប្រជុំកំពូល

សហភាពអឺរ៉ុបជំរុញឱ្យគ្រប់ភាគីគោរពបទឈប់បាញ់ជាមួយអ៊ីរ៉ង់ ក្នុងពេលមានអរិភាពថ្មី

រុស្ស៊ីព្យាយាមបង្អាក់ប្រព័ន្ធ Starlink របស់លោក Musk ដើម្បីទប់ទល់យានដ្រូនអ៊ុយក្រែន

លោកស្រីនាយករដ្ឋមន្រ្តី Frederiksen ៖ ដាណឺម៉ាកត្រៀមខ្លួនរួចរាល់ក្នុងការការពាររាល់មីលីម៉ែត្រនៃទឹកដីណាតូ

មេបញ្ជាការកងកម្លាំងយានដ្រូនអះអាងថា អ៊ុយក្រែនវាយប្រហារនាវាដឹកប្រេងស្រមោល ៩គ្រឿងរបស់រុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ការព្រួយបារម្ភសកលចេះតែកើនឡើង ខណៈអ្នកតវ៉ាស្លាប់កាន់តែច្រើនក្នុងការបង្ក្រាបនៅមីយ៉ាន់ម៉ា

មនុស្ស ៣៩នាក់បានស្លាប់នៅមីយ៉ាន់ម៉ា ក្នុងថ្ងៃបង្ក្រាបដ៏បង្ហូរឈាមបំផុតចាប់តាំងពីរដ្ឋប្រហារយោធាចាប់ផ្ដើម

ក្រុមហ៊ុន AstraZeneca រកមិនឃើញភស្តុតាងដែលបញ្ជាក់ថា វ៉ាក់សាំងរបស់ខ្លួនមានបញ្ហាប្រឈមខ្ពស់នៃការកកឈាម

UN ចាប់ផ្ដើមយុទ្ធនាការថ្មីជួយគាំទ្រដល់ការចែកចាយវ៉ាក់សាំងសកលសមធម៌

សហភាពអឺរ៉ុបអនុម័តវ៉ាក់សាំងបង្ការ COVID-19 ដែលចាក់តែមួយដូសរបស់ក្រុមហ៊ុន Johnson & Johnson

មនុស្ស ២៧នាក់ស្លាប់ និង ៣៩នាក់របួសបន្ទាប់ពីរថយន្តក្រុងដឹកសិស្សធ្លាក់ចូលក្នុងជ្រោះនៅឥណ្ឌូនេស៊ី

ប្រមុខ UN អំពាវនាវឲ្យរបបសឹកមីយ៉ាន់ម៉ាបោះបង់ចោលរដ្ឋប្រហារ និងថ្កោលទោសអំពើហិង្សា

កីឡាទូកក្ដោង គ្រោងបង្កើតមជ្ឈមណ្ឌលជាតិហ្វឹកហ្វឺនផ្ទាល់ខ្លួន នៅឆ្នេររាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

UN ចាប់ផ្ដើម​យុទ្ធនាការ​ថ្មី​ជួយ​គាំទ្រ​ដល់​ការ​ចែកចាយ​វ៉ាក់សាំង​សកល​សមធម៌​

សហភាព​អឺរ៉ុប​អនុម័ត​វ៉ាក់សាំង​បង្ការ​ ​COVID-19 ដែល​ចាក់​តែ​មួយ​ដូ​ស​របស់​ក្រុមហ៊ុន Johnson & Johnson

ប្រមុខ ​UN ​អំពាវនាវ​ឲ្យ​របប​សឹក​មី​យ៉ាន់​ម៉ា​បោះ​បង់​ចោល​រដ្ឋ​ប្រហារ ​និង​ថ្កោល​ទោស​អំពើ​ហិង្សា

កីឡាទូកក្ដោង គ្រោងបង្កើត​មជ្ឈមណ្ឌល​ជាតិ​ហ្វឹកហ្វឺនផ្ទាល់ខ្លួន នៅឆ្នេររាម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

UN ចាប់ផ្ដើមយុទ្ធនាការថ្មីជួយគាំទ្រដល់ការចែកចាយវ៉ាក់សាំងសកលសមធម៌

សហភាពអឺរ៉ុបអនុម័តវ៉ាក់សាំងបង្ការ COVID-19 ដែលចាក់តែមួយដូសរបស់ក្រុមហ៊ុន Johnson & Johnson

ប្រមុខ UN អំពាវនាវឲ្យរបបសឹកមីយ៉ាន់ម៉ាបោះបង់ចោលរដ្ឋប្រហារ និងថ្កោលទោសអំពើហិង្សា

កីឡាទូកក្ដោង គ្រោងបង្កើតមជ្ឈមណ្ឌលជាតិហ្វឹកហ្វឺនផ្ទាល់ខ្លួន នៅឆ្នេររាម