BTV NEWS

សម្តេចធិបតី៖ ទីតាំងដែលទាហានថៃលួចបាញ់ទាហានខ្មែរស្លាប់ត្រូវគ្រប់គ្រងបានវិញ ខណៈស្ថានការណ៍ក៏វិលត្រឡប់ដូចដើមវិញ

កម្ពុជា-ជប៉ុន ឯកភាពបន្តជំរុញកិច្ចសហប្រតិការទ្វេភាគីឱ្យកាន់តែរីកចម្រើន និងរឹងមាំបន្ថែមទៀត

ប្រធានរដ្ឋសភាជប៉ុននឹងចូលរួមពង្រឹង និងពង្រីកទំនាក់ទំនងកម្ពុជា-ជប៉ុន ឱ្យកាន់តែមានភាពជិតស្និទ្ធ

ប្រធានព្រឹទ្ធសភាជប៉ុន កោតសរសើរការអភិវឌ្ឍ និងកំណើនសេដ្ឋកិច្ចកម្ពុជា

ព័ត៌មានសំខាន់ៗ

សម្ដេចធិបតី៖ «សន្ដិភាពជាមូលដ្ឋានគ្រឹះដ៏សំខាន់ក្នុងការកសាង និងសម្រេចបាននូវវឌ្ឍនភាពនានា»

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍បញ្ជាក់ថា សន្ដិភាពជាមូលដ្ឋានគ្រឹះដ៏សំខាន់ក្នុងការកសាង និងសម្រេចបាននូវវឌ្ឍនភាពនានា។ សម្ដេចធិបតី នាយករដ្ឋមន្រ្ដី មានប្រសាសន៍បញ្ជាក់បែបនេះ តាមរយៈសុន្ទរកថាពិសេសរបស់ នៅក្នុង«កិច្ចប្រជុំអំពាវនាវជាសកលនៃកិច្ចប្រជុំកំពូល ស្តីពីអនាគត» នៅអង្គការសហប្រជាជាតិ នាទីក្រុងញូវយ៉ក សហរដ្ឋអាមេរិក កាលពីថ្ងៃទី១២ ខែកញ្ញា ឆ្នាំ២០២៤។ តាមរយៈសុន្ទរកថាដដែល សម្ដេចធិបតី នាយករដ្ឋមន្រ្ដីមានប្រសាសន៍ថា កម្ពុជាពិតជាមានកិត្តិយសដែលបានចូលរួមក្នុងការអំពាវនាវជាសកលនាពេលនេះ ខណៈការមករួមគ្នានេះ គឺដើម្បីរៀបចំអនាគតសម្រាប់ពិភពលោកទាំងមូល។ សម្ដេចបន្តថា កិច្ចប្រជុំកំពូលស្ដីពីអនាគតនេះ គឺជាវេលាដ៏សំខាន់មួយ ក្នុងការបង្ហាញពីការប្ដេជ្ញាចិត្តរួមគ្នាជាថ្មី ដើម្បីដោះស្រាយបញ្ហាប្រឈមថ្ងៃមុខ។ បញ្ហាប្រឈមដែលប៉ះពាល់ដល់គ្រប់ប្រជាជាតិទាំងអស់។ សម្ដេចធិបតីបញ្ជាក់ថា កម្ពុជាចូលរួមចំណែកជាមួយកិច្ចព្រមព្រៀងសម្រាប់អនាគតនូវទស្សនៈ ស្ដែងចេញពីដំណើរដែលប្រទេសកម្ពុជាបានឆ្លងកាត់បន្ទាប់ពីបានងើបចេញពីស្រមោលនៃជម្លោះ។ សម្ដេចធិបតីបន្តថា មនុស្សទាំងអស់គ្នាបានដឹងហើយថា សន្ដិភាពជាមូលដ្ឋានគ្រឹះដ៏សំខាន់ ក្នុងការកសាង និងសម្រេចបាននូវវឌ្ឍនភាពនានា។ ប្រវត្តិសាស្រ្ដក៏បានបង្ហាញឱ្យឃើញថា ប្រសិនបើគ្មានសន្ដិភាពនោះទេ នោះគោលដៅនៃការលុបបំបាត់ភាពក្រីក្រ ការផ្ដល់នូវការអប់រំប្រកបដោយគុណភាព ការដោះស្រាយបញ្ហាបម្រែបម្រួលអាកាសធាតុ និងការអភិវឌ្ឍសេដ្ឋកិច្ចប្រកបដោយចីរភាពនឹងកាន់តែពិបាកសម្រេចបានផងដែរ។ សម្ដេចធិបតីបញ្ជាក់ថា បទពិសោធន៍ទាំងនេះ បានក្រើនឭកយើងអំពីសារៈសំខាន់នៃការធ្វើការរួមគ្នា ឆ្ពោះទៅកាន់គោលដៅសកលរួមរបស់យើង។ កម្ពុជា ក៏មានមោទនភាពផងដែរ ដែលបានដើរតួនាទីយ៉ាងសំខាន់ នៅក្នុងការថែរក្សាសន្ដិភាពសកលលោក។ ចាប់តាំងពីឆ្នាំ ២០០៦ មក យើងបានបញ្ជូនកងកម្លាំងរក្សាសន្ដិភាពរបស់កម្ពុជាជាង ៩ ០០០ នាក់ ទៅបម្រើការងារនៅក្នុងបេសកកម្មរបស់អង្គការសហប្រជាជាតិចំនួន ១១ ដែលក្នុងនោះមានស្រ្ដីចំនួន ៨០០ នាក់។ សម្ដេចបានបញ្ជាក់ថា «កងរក្សាសន្ដិភាពរបស់យើងបានដើរតួនាទីផ្ដល់នូវសេវាសារវន្តនានា ជាពិសេស នៅក្នុងកិច្ចខិតខំប្រឹងប្រែងបោសសម្អាតមីន។ ការចូលរួមចំណែកនេះ មិនត្រឹមតែបង្ហាញពីការប្ដេជ្ញាចិត្តរបស់យើង ចំពោះសន្ដិភាពពិភពលោកប៉ុណ្ណោះទេ ប៉ុន្ដែថែមទាំងបានបង្ហាញអំពីសារៈសំខាន់នៃការចូលរួមប្រកបដោយបរិយាបន្ន ក្នុងការថែរក្សាសុខសុវត្ថិភាព និងស្ថិរភាពនៅទូទាំងពិភពលោកផងដែរ»។ សម្ដេចធិបតី បន្ថែមថា ការប្ដេជ្ញាចិត្តរបស់កម្ពុជា ក្នុងការការពារបរិស្ថាន ក៏មានភាពរឹងមាំដូចគ្នា តាមរយៈកម្មវិថីរេដបូក (REDD+) កម្ពុជាបានចូលរួមយ៉ាងសកម្ម ក្នុងកិច្ចខិតខំប្រឹងប្រែងជាសកលទប់ទល់នឹងការប្រែប្រួលអាកាសធាតុ លើសពីនេះផែនការយុទ្ធសាស្ត្រឆ្លើយតបការប្រែប្រួលអាកាសធាតុកម្ពុជា (២០១៤-២០២៣) បង្ហាញពីអភិក្រមក្នុងការដោះស្រាយបញ្ហាប្រែប្រួលអាកាសធាតុរបស់យើង ដោយផ្ដោតសំខាន់លើវិស័យសំខាន់ៗដូចជា វិស័យកសិកម្ម ធនធានទឹក និងសុខភាពសាធារណៈ។ កិច្ចខិតខំប្រឹងប្រែងាំអនេះ គឺជាផ្នែកមួយនៃយុទ្ធសាស្រ្ដដ៏ទូលាយរបស់កម្ពុជា ដើម្បីធានាបានថា ការអភិវឌ្ឍសេដ្ឋកិច្ចប្រកបដោយចីរភាព ត្រូវបានសម្រេចស្របជាមួយនឹងការការពារបរិស្ថានផងដែរ៕

សម្ដេចតេជោ ហ៊ុន សែន៖ កម្ពុជាត្រូវនិយាយពីសន្តិភាពវាមិនមែនជារឿងចម្លែកទេ ខណៈពិភពលោកកំពុងរត់ប្រណាំងសព្វាវុធ

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានបង្ហាញជីវប្រវត្តិនៃការតស៊ូស្ទើរពេញមួយជីវិតរបស់សម្តេចដើម្បីរំដោះជាតិ និងប្រជាជនឱ្យរួចផុតពីរបបកាប់សម្លាប់ខ្មែរក្រហមហើយនាំប្រទេសកម្ពុជាមានការកសាងពីគំនរផេះផង់ និងមានផ្សះផ្សាបង្រួបបង្រួមជាតិនិងនាំមកនូវសន្តិភាព ការអភិវឌ្ឍរីកចម្រើនរហូតមកដល់សព្វថ្ងៃនេះ ហើយដើម្បីការពារសន្តិភាពសម្តេចកំពុងត្រៀមរៀបចំនូវច្បាប់ដាក់ក្រុមមនុស្ស ឬអង្គការចាត់តាំងខ្លះទៅជាក្រុមភេរវកម្មនៅពេលខាងមុខ។សម្តេចតេជោ ហ៊ុន សែន គូសបញ្ជាក់បង្ហាញសកលលោកបានយល់ដឹងបន្ថែមពីគុណបំណាច់ដ៏ធំធេង និងគោលគំនិតរបស់សម្តេចបែបនេះក្នុងឱកាសអញ្ជើញទៅខេត្តឃ្យុងសាងបុកដូ នៃសាធារណរដ្ឋកូរ៉េ ដើម្បីទទួលសញ្ញាបត្របណ្ឌិតកិត្តិយស « ភាពជាអ្នកដឹកនាំ និងការកសាងសន្តិភាព» ពីសាកលវិទ្យាល័យដុងហ្គុកវ៉ាយស៍ (Dongguk University WISE) នាព្រឹកថ្ងៃទី១២ ខែកញ្ញា ឆ្នាំ២០២៤នេះ។សម្តេចបានគូសបញ្ជាក់ថា ឥឡូវនេះ យុវជនមួយចំនួនបានភ្លេចនៅគុណតម្លៃនៃសន្តិភាពជាបណ្ដើរៗ។ សម្ដេចបន្តថា ដើម្បីធានានូវបញ្ហានេះយើងត្រូវតែធ្វើឲ្យបានហ្មត់ចត់ បើនិយាយពីសន្តិភាពដែលកម្ពុជា ធ្លាប់មានពីអតីតកាលគឺខ្លីណាស់ ពោលកាលពីសង្គមរាស្ត្រនិយមមានត្រឹមតែ១៦ឆ្នាំ ហើយឥឡូវមាន២៦ឆ្នាំ ហើយយើងមិនត្រូវការត្រឹមតែ ២៦ឆ្នាំនេះទេគឺ យើងត្រូវការសន្តិភាពជារៀងរហូត៕

សម្ដេចតេជោ ហ៊ុន សែន អនុញ្ញាតឱ្យ លោកប្រធាន និងជានាយកប្រតិបត្តិក្រុមហ៊ុន KB Financial Group ចូលជួបសម្ដែងការគួរសម

ភ្នំពេញ ៖ នៅព្រឹកថ្ងៃទី១១ ខែកញ្ញា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញាតឱ្យ លោក Yang Jong Hee ប្រធាន និងជានាយកប្រតិបត្តិក្រុមហ៊ុន KB Financial Group ចូលជួបសម្ដែងការគួរសម នៅសាធារណរដ្ឋកូរ៉េ។ជាកិច្ចចាប់ផ្ដើម សម្ដេចតេជោ បានសម្ដែងក្ដីរីករាយ ដែលបានជួបលោកប្រធានក្រុមហ៊ុន KB Financial Group នៅពេលសម្ដេចអញ្ជើញមកចូលរួមក្នុង “វេទិកាចំណេះដឹងពិភពលោក” នៅសាធារណរដ្ឋកូរ៉េ។នៅក្នុងជំនួបនេះ លោកប្រធានក្រុមហ៊ុន KB Financial Group បានសម្តែងនូវរីករាយដែលបានជួបសម្ដេចតេជោនាឱកាសនេះ។ លោកប្រធានក្រុមហ៊ុន KB បានបញ្ជាក់ទៀតថា ក្រោយពេលដែលសម្ដេចតេជោបានភ្ជាប់ទំនាក់ទំនងការទូតកម្ពុជា-កូរ៉េ ឡើងវិញនៅឆ្នាំ១៩៩៧ ក្រុមហ៊ុន KB បានសិក្សាពីប្រទេសកម្ពុជា ហើយជាបន្តបន្ទាប់ បានពង្រឹងវត្តមានរបស់ខ្លួននៅកម្ពុជា និងមានក្រុមហ៊ុនបុត្រសម្ព័ន្ធជាច្រើន។ ក្រុមហ៊ុន KB Financial តែងតែដើរលើមាគ៌ាដែលថ្នាក់ដឹកនាំកម្ពុជា ជាពិសេស សម្តេចតេជោ បានត្រួសត្រាយ ក្នុងនោះ ក្រុមហ៊ុនបានធ្វើការជាមួយប្រជាជនកម្ពុជាហើយមានការសហការគ្នាល្អ ដែលធ្វើឱ្យក្រុមហ៊ុនមានការវិវត្តទៅមុខ។ជាកិច្ចឆ្លើយតប សម្ដេចតេជោ ហ៊ុន សែន បានសម្ដែងនៅក្តីរីករាយ ដែលបានឃើញនូវការរីកចម្រើនរបស់វិស័យមីក្រូហិរញ្ញវត្ថុ ដូចជា ប្រាសាក់ និងវិស័យធនាគារផងដែរ ក្នុងនោះស្ថាប័នមីក្រូហិរញ្ញវត្ថុបានផ្ដល់កម្ចីខ្នាតតូចដល់ប្រជាពលរដ្ឋ ដែលអនុញ្ញាតឱ្យប្រជាពលរដ្ឋមួយចំនួនបានប្រើប្រាស់ក្នុងការធ្វើអាជីវកម្មដើម្បីបង្កើនជីវភាពរស់នៅ។ ក៏ប៉ុន្តែ នៅក្នុងពេលវិបត្តិកូវីដ១៩ បញ្ហាមីក្រូហិរញ្ញវត្ថុ បានប៉ះពាល់ដល់ជីវភាពប្រជាពលរដ្ឋផងដែរ។ នៅពេលនោះ សម្ដេចតេជោ ក្នុងនាមជានាយករដ្ឋមន្ត្រី ក៏បានស្នើសុំការយោគយល់ពីស្ថាប័នមីក្រូហិរញ្ញវត្ថុ និងធនាគារ ដោយមិនចង់ឱ្យមានការរឹបអូសណាមួយពីប្រជាពលរដ្ឋដែលមិនមានលទ្ធភាពសងប្រាក់កម្ចី។ សម្ដេចតេជោ បានស្នើដល់ធនាគារ និងស្ថាប័នមីក្រូហិរញ្ញវត្ថុឱ្យរៀបចំឥណទានឡើងវិញ ដែលអាចជាការផ្តល់កម្ចីបន្ថែម ឬពន្យារពេលសម្រាប់ការបង់ការប្រាក់ និងកម្ចី។ សម្ដេចតេជោ ពិតជាអរគុណដល់ស្ថាប័នមីក្រូហិរញ្ញវត្ថុនិងធនាគារទាំងនោះ ដែលបានឆ្លើយតបជាវិជ្ជមានទៅនឹងសំណើរបស់រាជរដ្ឋាភិបាល។សម្ដេចតេជោ ក៏បានផ្ដល់អនុសាសន៍ទៅដល់លោកប្រធានក្រុមហ៊ុន KB Financial ថា នៅថ្ងៃខាងមុខ ពេលមានអតិថិជនស្នើសុំកម្ចី សូមពិនិត្យមើលថាតើគេខ្ចីប្រាក់យកទៅធ្វើអ្វី។ សម្ដេចបានណែនាំឱ្យមានការសិក្សាស្រាវជ្រាវទៅលើការខ្ចីប្រាក់ទាំងនោះ ហើយឃើញថា ភាគច្រើននៃកម្ចី គឺសម្រាប់ធ្វើអាជីវកម្ម ដែលត្រូវនឹងគោលដៅ ក៏ប៉ុន្តែក៏មានកម្ចីមួយចំនួនតូចដែលមិនចំគោលដៅ ដោយសារជាកម្ចីមិនបានបម្រើដល់ផលិតកម្មទេ។លោកប្រធានក្រុមហ៊ុន KB បានអរគុណសម្តេចតេជោ ដែលបានណែនាំឱ្យស្គាល់ពីស្ថាប័នមីក្រូហិរញ្ញវត្ថុកម្ពុជា។ លោកទទួលយោបល់របស់សម្ដេច យកទៅអនុវត្តដើម្បីឱ្យប្រជាជនកម្ពុជាឈ្នះ និងអាជីវកម្មរបស់ក្រុមហ៊ុនរបស់លោកឈ្នះដែរ។ លោកបានបញ្ជាក់ទៀតថា នៅក្នុងធនាគាររបស់លោក កម្ចីភាគច្រើនជាកម្ចីដែលត្រូវគោលដៅ ហើយកម្ចីដែលខុសគោលដៅគឺមានតិចតួច។សម្ដេចតេជោបានគូសបញ្ជាក់ទៀតថា សម្ដេចមិនចង់ឱ្យមានកម្ចីខុសគោលដៅនោះទេ។ សម្ដេចតេជោបានបញ្ជាក់បន្ថែមទៀតថា ធនាគារ KB ប្រាសាក់ មានឈ្មោះល្បី និងបានផ្សព្វផ្សាយពាណិជ្ជកម្មយ៉ាងខ្លាំង ក្នុងនោះ មានសមត្ថភាព ទ្រព្យសកកម្ម និងប្រាក់កម្ចីខ្ពស់ ដូច្នេះ ប្រទេសតូចដូចកម្ពុជា ហើយមានធនាគារដូច KB ប្រាសាក់ បញ្ជាក់ថា ប្រទេសកម្ពុជាមានកម្លាំងស្រូបខ្លាំង។សម្ដេចតេជោ បានរំលឹកថា ក្រោយវិបត្តិហិរញ្ញវត្ថុអាស៊ី ឆ្នាំ១៩៩៧ រាជរដ្ឋាភិបាលពេលនោះ បានធ្វើកំណែទម្រង់ប្រព័ន្ធធនាគារ ហើយកំណែទម្រង់ទាំងនោះ ធ្វើបានល្អ និងដោយរលូន ពីព្រោះ រហូតមកដល់ពេលនេះ គ្មានធនាគារណាមួយដួលរលំទេ។ សម្ដេចតេជោ ក៏បានអរគុណដល់ប្រព័ន្ធធនាគារក្នុងស្រុក ជាពិសេស ធនាគារវីង ឥឡូវនេះបានក្លាយទៅជាធនាគារពាណិជ្ជកម្ម ដែលបានប្រើប្រាស់នូវប្រព័ន្ធផ្ទេរប្រាក់ មានភាពងាយស្រួលទៅដល់តំបន់ជនបទ ដោយប្រើលេខទូរស័ព្ទ។ សម្ដេចដឹងពីប្រព័ន្ធនេះ ដោយសារតែសម្ដេចនៅបន្តជួយដល់ប្រជាជនក្រីក្រ ជាពិសេសក្រុមគ្រួសារមានការលំបាក ដែលមានមនុស្សចាស់ និងពិការ។លោកប្រធាន ក្រុមហ៊ុន KB បានបញ្ជាក់ថា ក្រុមហ៊ុនក៏បានជួយផ្ដល់អាហារូបករណ៍ ដល់និស្សិត និងជួយដល់កុមារ ដែលមានជំងឺបេះដូង ដោយបញ្ជូនមកវះកាត់នៅប្រទេសកូរ៉េ។ ក្រុមហ៊ុនក៏បានសហការជាមួយរាជរដ្ឋាភិបាល ដោយផ្ដល់ជាកញ្ចប់ប្រាក់ដំបូងដល់ពលករកម្ពុជាដែលមកធ្វើការនៅកូរ៉េ នៅពេលចាប់ផ្តើមការងារ។ លោកប្រធាន ក្រុមហ៊ុន KB Financial ក៏បានជម្រាបសម្តេចតេជោផងដែរថា ក្រុមហ៊ុនក៏បានយកចិត្តទុកដាក់ក្នុងការកសាងបណ្ណាល័យ បានចំនួន៤៦ និងកសាងសាលារៀន មួយខ្នងរួចហើយដែរ ហើយក្រុមហ៊ុននឹងសាងសង់សាលារៀនបន្ថែមទៀតនាពេលខាងមុខនៅទូទាំងប្រទេសកម្ពុជា ជាពិសេស នៅតំបន់តាមព្រំដែន។សម្ដេចតេជោបានអរគុណចំពោះការចូលរួមចំណែករបស់ក្រុមហ៊ុន និង បានបញ្ជាក់ថា អាទិភាពរបស់កម្ពុជាគឺការបណ្ដុះបណ្ដាលធនធានមនុស្ស ហើយសម្តេច តែងតែផ្ដល់អាហារូបករណ៍ដល់និស្សិតដែលជួបការលំបាក។ សម្តេចតេជោ ស្នើឱ្យក្រុមហ៊ុនបន្តផ្តោតយកចិត្តទុកដាក់ទៅលើការរៀបចំបណ្ណាល័យបន្ថែមទៀត ពិសេស យកចិត្តទុកដាក់លើការជំរុញការអានសៀវភៅឱ្យបានច្រើន។នៅចុងបញ្ជប់ លោកប្រធានក្រុមហ៊ុន KB Financial ក៏បានផ្ដល់ជំនួយជាថវិកាជូនសម្ដេចតេជោប្រធានព្រឹទ្ធសភា ដើម្បីផ្ដល់អាហារូបករណ៍ដល់និស្សិតកម្ពុជា៕

សម្ដេចតេជោ ហ៊ុន សែន អនុញ្ញាតឱ្យ ប្រធានក្រុមហ៊ុន SK Securities ចូលជួបសម្ដែងការគួរសម

ភ្នំពេញ ៖ នាព្រឹកថ្ងៃទី១១ ខែកញ្ញា ឆ្នាំ២០២៤ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យ លោក Jung Jun-Ho ប្រធាន និងជានាយកប្រតិបត្តិ ក្រុមហ៊ុន SK Securities ចូលជួបសម្ដែងការគួរសម នៅសាធារណរដ្ឋកូរ៉េ។ជាកិច្ចចាប់ផ្ដើម សម្ដេចតេជោ បានសម្ដែងក្ដីរីករាយ ដែលបានជួបលោកប្រធានក្រុមហ៊ុន SK Securities នៅពេលសម្ដេចអញ្ជើញមកកាន់ទីក្រុងអ៊ីនឈាន់ សាធារណរដ្ឋកូរ៉េ។លោកប្រធានក្រុមហ៊ុន Jung Jun-Ho បានសម្ដែងនូវការស្វាគមន៍យ៉ាងកក់ក្ដៅចំពោះសម្ដេចតេជោ និងគណៈប្រតិភូ ហើយបានលើកឡើងថា លោកមានកិត្តិយសខ្លាំងណាស់ ដែលបានជួបសម្ដេចតេជោផ្ទាល់ដោយសារសម្ដេច គឺជាឥស្សរជនកម្ពុជាដែលល្បីនៅកូរ៉េ ចាប់តាំងពីការបង្កើតទំនាក់ទំនងការទូតឡើងវិញរវាងប្រទេសទាំងពីរ។លោកប្រធានក្រុមហ៊ុន បានជម្រាបសម្ដេចតេជោថា ក្រុមហ៊ុនរបស់លោកមិនទាន់បានបង្កើតក្រុមហ៊ុននៅកម្ពុជានៅឡើយទេ ហើយតាមរយៈជំនួបនៅថ្ងៃនេះ ក្រុមហ៊ុនរបស់លោក ចាប់អារម្មណ៍នឹងវិនិយោគនៅកម្ពុជា ហើយធ្វើការទៅលើវិស័យជាច្រើន។ លោកបានរំលឹកថានៅពេលទស្សនកិច្ចរបស់សម្ដេចធិបតីនៅកូរ៉េ លោកបានរៀបចំជំនួបជាច្រើនរវាងសម្ដេចធិបតី ជាមួយនឹងក្រុមហ៊ុនកូរ៉េ និងបានពិភាក្សាទៅលើវិស័យផលិតកម្ម ថាមពល កម្មន្តសាល កសិកម្ម ទូរគមនាគមន៍ ធារាសាស្ត្រ ព្រមទាំងអាកាសយានដ្ឋានថ្មីនៅកម្ពុជាផងដែរ។លោក Jung Jun-Ho បានលើកឡើងថា ក្រុមហ៊ុន SK Securities គឺជាក្រុមហ៊ុនមូលបត្រដែលទទួលស្គាល់ពីអង្គការសហប្រជាជាតិ ដែលទទួលបានអាជ្ញាប័ណ្ណហិរញ្ញវត្ថុដែលផ្ដោតទៅលើបរិស្ថាន។ ក្រុមហ៊ុន SK Securities កំពុងតែអនុវត្តគម្រោងមួយ គឺការអភិរក្សនៅព្រៃកោងកាង ក្នុងខេត្តកំពត ទំហំ៥០ហិកតា នៅក្នុងក្របខ័ណ្ឌនៃការពង្រឹងបរិស្ថាន។លោកប្រធានក្រុមហ៊ុន SK Securities បានលើកឡើងថា ក្រុមហ៊ុនកូរ៉េភាគច្រើនបានចាប់អារម្មណ៍ទៅលើប្រទេសជិតខាងកម្ពុជា នៅក្នុងតំបន់អាស៊ាន ក៏ប៉ុន្តែ ក្រុមហ៊ុនរបស់លោក គឺចាប់អារម្មណ៍ទៅលើប្រទេសកម្ពុជា ពីព្រោះប្រទេសកម្ពុជា មានទីតាំងល្អ និងមានធនធានមនុស្ស។ ក្នុងទិសដៅនេះ លោកប្រធានក្រុមហ៊ុន SK Securities ក៏បានគោរពសុំការគាំទ្រពីសម្ដេចតេជោ ដល់ក្រុមហ៊ុនរបស់លោកដែលនឹងអាចឈានទៅដល់ការវិនិយោគនៅកម្ពុជា។ជាកិច្ចឆ្លើយតប សម្ដេចតេជោហ៊ុនសែន បានអរគុណដល់ក្រុមហ៊ុន SK Securities ដែលបានឱ្យដឹងពីគោលបំណងរបស់ក្រុមហ៊ុនពីការមានវត្តមាននៅកម្ពុជា។ សម្ដេចតេជោ បានបញ្ជាក់ថា កម្ពុជាត្រូវការវិនិយោគបន្ថែមពីសំណាក់ក្រុមហ៊ុនកូរ៉េ។ ដោយក្រុមហ៊ុនកូរ៉េភាគច្រើនបានវិនិយោគនៅបណ្ដាប្រទេសជិតខាងកម្ពុជានៅក្នុងអាស៊ាន នៅកម្ពុជាការវិនិយោគនៅមានកម្រិតនៅឡើយ។ ដើម្បីវិនិយោគបានចំគោលដៅ សម្ដេចតេជោបានផ្ដល់អនុសាសន៍ថា ឱ្យសិក្សាលម្អិតថាតើចាប់យកចំណុចអ្វីដែលជាគោលដៅនៃការវិនិយោគ។សម្ដេចបានបញ្ជាក់ទៀតថា ពាក់ព័ន្ធទៅនឹងអាកាសយានដ្ឋានថ្មី គឺមិនមានការចាំបាច់ក្នុងការធ្វើការសិក្សាទេ ពីព្រោះ កម្ពុជា ទើបតែបានដាក់ឱ្យដំណើរការអាកាសយានដ្ឋានថ្មីនៅខេត្តសៀមរាប និងត្រៀមដាក់ឱ្យដំណើរការអាកាសយានដ្ឋានថ្មីនៅខេត្តកណ្ដាល ហើយក៏មានអាកាសយានដ្ឋាននៅតំបន់មាត់សមុទ្រផងដែរ។ សម្តេចតេជោ បន្ថែមថា កម្ពុជាត្រូវការវិនិយោគលើឧស្សាហកម្មកែច្នៃ ពីព្រោះកម្ពុជា មានវត្ថុធាតុដើមច្រើន ដែលសមត្ថភាពនៃការកែច្នៃនៅមានកម្រិត។ ដោយទីផ្សារកូរ៉េ ត្រូវការនាំចូលផលិតផលជាស្បៀង, សម្ដេចតេជោ បានផ្ដល់អនុសាសន៍ឱ្យសិក្សាអំពីការកែច្នៃលើផលិតផលស្បៀង។ នៅក្នុងផ្នែកឧស្សាហកម្ម កម្ពុជាត្រូវការបច្ចេកវិទ្យាពីកូរ៉េ, ដូច្នេះ កម្ពុជាចង់ទទួលបាននៅបច្ចេកវិទ្យាពីកូរ៉េ។ នៅក្នុងវិស័យមូលបត្រ កម្ពុជាក៏ត្រូវការជំរុញវិស័យនេះផងដែរ ដោយសារសព្វថ្ងៃនេះ មិនទាន់ឃើញមានការរីកចម្រើនខ្លាំងក្លានោះទេ។សម្ដេចតេជោ បានគូបញ្ជាក់ថា ការលើកឡើងរបស់សម្ដេច អាចមិនសមស្របជាមួយនឹងគោលដៅរបស់ក្រុមហ៊ុន ក៏ប៉ុន្តែ សុំធ្វើការសិក្សាឱ្យបានលម្អិត។ ប្រទេសកម្ពុជា មានភាពងាយស្រួលច្រើន ដូចជាការបង្កើតក្រុមហ៊ុន មិនតម្រូវឱ្យមានក្រុមហ៊ុនដៃគូក្នុងស្រុក និង ជាក្រុមហ៊ុនបរទេស ១00%។ ម្យ៉ាងទៀតកម្ពុជា អនុញ្ញាតឱ្យវិនិយោគិនប្រើប្រាស់រូបិយប័ណ្ណបរទេស ដោយមិនចាំបាច់មានការប្ដូរ ទៅជារូបិយប័ណ្ណក្នុងស្រុកឡើយ។សម្ដេចតេជោ បានបន្ថែមពីការការវិនិយោគក្នុងរូបមន្ត ១+ និងគូសបញ្ជាក់ថា ក្រុមហ៊ុនដែលវិនិយោគ នៅក្នុងប្រទេសអាស៊ាន គួរវិនិយោគផងដែរនៅក្នុងប្រទេសកម្ពុជា ព្រោះថានៅពេលប្រទេសមួយមានបញ្ហា ក្នុងផលិតកម្ម គឺរូបមន្ត ១+ នេះ អាចធានាច្រវាក់ផលិតកម្មបាន។ សម្ដេចតេជោ ក៏បានលើកឡើងពីបទពិសោធរបស់ក្រុមហ៊ុនជប៉ុន Minebea ដែលបានវិនិយោគនៅប្រទេសជិតខាងកម្ពុជា ហើយក៏បានវិនិយោគនៅប្រទេសកម្ពុជាផងដែរ នៅពេលដែលប្រទេសជិតខាងកម្ពុជាជួបប្រទះនូវបញ្ហាទឹកជំនន់ រំខានដល់ខ្សែច្រវាក់ផលិតកម្ម រោងចក្រនៅកម្ពុជាអាចជំនួសបាន។សម្ដេចតេជោ បានរំលឹកថា នៅក្នុងអំឡុងពេលទស្សនកិច្ចរបស់សម្ដេចធិបតី នៅប្រទេសកូរ៉េ គឺមានការព្រមព្រៀងគ្នាលើកកម្រិតក្នុងការបង្កើតតំបន់សេដ្ឋកិច្ចពិសេសកូរ៉េ។ សម្ដេច ជឿជាក់ថា នៅពេលអនាគត ក្រុមហ៊ុនកូរ៉េ នឹងមានវត្តមានកាន់តែច្រើន និងមានរយៈពេលវែងនៅកម្ពុជា ដែលក្នុងនោះក៏ស្របទៅនឹងគំនិតរបស់ក្រុមហ៊ុនដែលលើកឡើងអំពីនិរន្តរភាព៕

រាជរដ្ឋាភិបាលបានដាក់ចេញគោលនយោបាយអនុគ្រោះជាច្រើនដើម្បីលើកកម្ពស់វិស័យកសិកម្ម

រាជរដ្ឋាភិបាលនៅក្នុងអាណត្តិថ្មីនេះ បានដាក់ចេញនូវគោលនយោបាយអនុគ្រោះជាច្រើន ដល់វិស័យកសិកម្មរួមមាន ការព្យូរទុក ការបង់ប្រាក់រំដោះពន្ធលើប្រាក់ចំណូល ការលើកលែងអាករលើតម្លៃបន្ថែម និងអាករលើតម្លៃពិសេសបន្ថែមជាដើម ដើម្បីលើកកម្ពស់ វិស័យកសិកម្ម ជាពិសេសស្រូវអង្ករឱ្យមានការប្រកួតប្រជែងលើទីផ្សារ។ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍លើកឡើងនៅក្នុងពិធីបិទ វេទិកាស្រូវអង្ករកម្ពុជា លើកទី៧ ឆ្នាំ២០២៤ នៅថ្ងៃទី១០ ខែកញ្ញា ឆ្នាំ ២០២៤នេះថា កន្លងមក រាជរដ្ឋាភិបាលបានដាក់ចេញនូវ ភាពអនុគ្រោះជាច្រើនដូចជា ការលើកលែងពន្ធប្រចំាឆ្នាំ លើដីកសិកម្មរបស់កសិករ, ការលើកលែងពន្ធប្រចាំឆ្នាំលើដីសម្បទានសេដ្ឋកិច្ច ពាក់ព័ន្ធកសិកម្ម, សហគ្រាសកសិកម្មដែលសុំការអនុគ្រោះតាមរយៈគម្រោងមានលក្ខណៈគ្រប់គ្រាន់, អាករលើតម្លៃបន្ថែមជាបន្ទុក របស់រដ្ឋ លើការនាំចូលនិងការផ្គត់ផ្គង់ទំនិញដូចជា៖ ជី ពូជដំណាំ ចំណីសត្វ និងការលើកលែងអាករផលិតផលកសិកម្មមិនទាន់កែច្នៃ ហើយរាជរដ្ឋាភិបាលក្នុងអាណត្តិថ្មីនេះ ក៏បន្តការដាក់ចេញនូវគោលនយោបាយអនុគ្រោះជាច្រើនផ្សេងទៀត ដើម្បីលើកកម្ពស់វិស័យ កសិកម្មនៅកម្ពុជាឱ្យកាន់តែប្រសើរ។សម្ដេចធិបតី មានប្រសាសន៍បន្ថែមថា ក្រៅពីគោលការណ៍ខាងលើ រាជរដ្ឋាភិបាលក៏បានសម្រួលនៅក្នុងការបញ្ចុះថ្លៃអគ្គិសនី លើវិស័យកសិកម្មផ្សេងៗ ធ្វើយ៉ាងណាកាត់បន្ថយថ្លៃដើមនៃការប្រកួតប្រជែង ហើយសម្តេចកំពុងពិនិត្យមើលលទ្ធភាពដើម្បីជួយផ្សេងៗទៀត។ជុំវិញវិស័យស្រូវអង្ករនេះ, ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា លើកឡើងថា ក្រោមការយកចិត្តទុកដាក់ដ៏ខ្ពស់របស់រាជរដ្ឋាភិបាល ដែលមានសេនាធិការដូចជា ក្រសួងកសិកម្ម រុក្ខាប្រមាញ់ និងនេសាទ លើការអភិវឌ្ឍពូជស្រូវ និងបច្ចេកទេស ដាំដុះ, ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើបទដ្ឋានស្តង់ដារ និងការកិនកែច្នៃ, ក្រសួងពាណិជ្ជកម្ម លើការធ្វើពិពិធកម្មទីផ្សារ និងការផ្សព្វផ្សាយ លើឆាកអន្តរជាតិ, ព្រមទាំងមានការចូលរួមពីក្រសួងស្ថាប័ននានា រួមទាំងដៃគូអភិវឌ្ឍន៍របស់ បណ្តាប្រទេសជាមិត្ត និងស្ថាប័នអន្តរជាតិ នៃអង្គការសហប្រជាជាតិ បានជួយលើកកម្ពស់វិស័យស្រូវអង្ករកម្ពុជាគឺបានពង្រីកគោលដៅ ទីផ្សារនាំចេញដែលមានការកើនពីចំនួន ៣៥ គោលដៅនៅឆ្នាំ ២០១០ រហូតដល់ ១២១ គោលដៅត្រឹមឆ្នាំ ២០២៣ បានកំពុងធ្វើឱ្យ អង្ករកម្ពុជាទទួលស្គាល់ពេញពិភពលោក, ជាក់ស្តែងនៅក្នុងរយៈពេល ៨ខែឆ្នាំ២០២៤នេះ អង្ករកម្ពុជាបាននាំចេញ មានចំនួន ១១២ ពាន់តោន និងស្រូវ មានចំនួន ៣,៣ លានតោន៕ អត្ថបទ៖ សុន រ៉ាឌី

សម្ដេចតេជោ ហ៊ុន សែន អនុញ្ញាតឲ្យប្រធានសមាគមវប្បធម៌កូរ៉េ ជួបសំដែងការគួរសម

នៅរសៀលថ្ងៃទី១០ខែកញ្ញា សម្ដេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជាបានអនុញ្ញាតឲ្យលោក Samuel Chung ប្រធានសមាគមវប្បធម៌កូរ៉េ(KCA-Korean Culture Association) ចូលជួបសម្ដែងការគួរសម។សម្ដេចតេជោបានសំដែងនូវសេចក្តីសប្បាយរីករាយដែលបានជួបជាមួយសមាគមវប្បធម៌កូរ៉េ ក្នុងឱកាសដែលសម្តេចបានអញ្ជើញមកទីក្រុងអ៊ីឆន់ នៃសាធារណរដ្ឋកូរ៉េ ដើម្បីចូលរួមក្នុងវេទិកាចំណេះដឹងពិភពលោកខួបលើកទី២៥។លោកប្រធានសមាគមបានជំរាបជូនសម្តេចថា លោកក៏ធ្លាប់បានសិក្សាអំពីប្រវត្តិសាស្ត្រ ការដែលសម្តេចតេជោបានបញ្ចប់សង្គ្រាម ហើយនាំមកនូវសុខសន្តិភាព និងប្រទេសកម្ពុជាឱ្យមានការរីកចម្រើនរហូតមកដល់សព្វថ្ងៃ។លោកប្រធានសមាគមក៏បានគោរពជំរាបជូនសម្តេចថា លោកបាននិងកំពុងធ្វើកិច្ចសហប្រតិបត្តិការជាមួយលោកជំទាវ ឯកអគ្គរាជទូតកម្ពុជានៅទីក្រុងសេអ៊ូល ដើម្បីរៀបចំសកម្មភាពនានានៃគម្រោងផ្លាស់ប្ដូរវប្បធម៌គ្នាទៅវិញទៅមក ដោយកម្ពុជា និងសាធារណរដ្ឋកូរ៉េមានទំនាក់ទំនងល្អ ហើយកិច្ចសហការនេះគឺធ្វើតាមរយៈស្ថានទូតកម្ពុជានៅទីក្រុងសេអ៊ូល។ លោកក៏បានសំណូមពរ ឱ្យរាជរដ្ឋាភិបាលកម្ពុជាគាំទ្រគម្រោងនានាដើម្បីបំរើឱ្យទំនាក់ទំនងកិច្ចសហប្រតិបត្តិការលើវិស័យវប្បធម៌នៃប្រទេសទាំង២ ឱ្យមានការរីកចម្រើន។លោកថា កាលពីខែឧសភាកន្លងមករូបថត២០០០សន្លឹកអំពីវិស័យវប្បធម៌នៅកម្ពុជាដូចជារូបថតប្រាសាទអង្គរវត្ត ប្រាសាទបុរាណនានាជាច្រើនត្រូវបានដាក់តាំងនៅទីក្រុងសេអ៊ូល ហើយនៅថ្ងៃទី២៦កញ្ញាខាងមុខនេះ នឹងរៀបចំធ្វើរាត្រីសមោសរមួយ ដើម្បីរៃអង្គាសពីសប្បុរសជនជួយដល់ក្រុមគ្រូពេទ្យធីតានៅកម្ពុជា។ សមាគមវប្បធម៌កូរ៉េក៏មានគម្រោងរៀបចំពិព័រណ៍គំនូរ និងរាត្រីស្រមោលសថ្ងៃទី១ ខែធ្នូ ឆ្នាំ២០២៤ នៅទីរួមខេត្តសៀមរាបក្នុងគោលដៅធ្វើអោយ រាត្រីស្រមោលសនោះបានប្រព្រឹត្តិទៅជោគជ័យ ដោយ សមាគមវប្បធម៌កូរ៉េនិងនាំយកទៅជាមួយនូវសិល្បករ សិល្បការិនីល្បីៗ ទៅធ្វើការបង្ហាញម៉ូតនៅកម្ពុជាផងដែរ។លោកក៏បានជំរាបជូនអំពីបំណងផ្លាស់ប្ដូរប្រជាជន និងប្រជាជន ដើម្បីឱ្យបានស្គាល់អំពីវប្បធម៌របស់កម្ពុជា ជាពិសេសកូនៗរបស់កម្ពុជានៅប្រទេសកូរ៉េបានស្គាល់នូវអត្តសញ្ញាណវប្បធម៌ជាតិរបស់គេ។ទន្ទឹមនេះ សមាគមក៏មានគម្រោងរៀបចំជាវេទិកា ឬសិក្ខាសាលា ផ្សេងៗឱ្យបានសកម្មរវាងប្រទេសទាំង២។សម្ដេចតេជោបានថ្លែងអំណរគុណ ចំពោះគម្រោងនានាដែល លោកប្រធានសមាគមវប្បធម៌កូរ៉េបានរៀបរាប់ អំពីទំនាក់ទំនង នៃកិច្ចសហប្រតិបត្តិការរវាងប្រទេសទាំងពីរដែលបានធ្វើកន្លងមក និងនៅពេលអនាគត ដើម្បីជំរុញនូវទំនាក់ទំនងវប្បធម៌រវាងប្រទេសទាំងពីរ។សម្ដេចបានបញ្ជាក់ថា ដើម្បីឲ្យការផ្លាស់ប្ដូរ និងការតភ្ជាប់តាមរយៈការផ្លាស់ប្ដូរវប្បធម៌នេះគឺមានតម្លៃ មិនគ្រាន់តែសម្រាប់ប្រជាជន និងប្រជាជនទេ ប៉ុន្តែក៏មានតម្លៃ លើការពង្រឹងទំនាក់ទំនងរវាងរដ្ឋ និងរដ្ឋ និងរវាងរាជធានី និងរាជធានីផងដែរ។ សម្តេចថាការផ្លាស់ប្ដូរប្រជាជននិងប្រជាជនក៏ជាចំណែកជួយជំរុញដល់វិស័យទេសចរណ៍ រវាងប្រទេសទាំងពីរ ដោយប្រទេសទាំង២ ជាដន្លងនឹងគ្នា ក្នុងនោះស្ត្រីខ្មែរប្រមាណជា៨ពាន់នាក់បានរៀបការជាមួយបុរសកូរ៉េ ហើយមានកូន ចៅជាង១ម៉ឺននាក់ ដែលកូនចៅ របស់គេគឺត្រូវស្គាល់អំពីវប្បធម៌ នៃប្រទេសទាំងពីរនិងត្រូវបង្កើតឲ្យមានការទៅមក ដើម្បីឲ្យគេបានស្គាល់នូវជីដូនជីតារបស់គេ និងធ្វើឲ្យមានការបង្កើនល្បឿនលំហូរទេសចរណ៍ រវាងប្រទេសទាំងពីរផងដែរ។សម្ដេចក៏បានលើកទឹកចិត្តឲ្យរដ្ឋាភិបាលកម្ពុជានិងរដ្ឋាភិបាលកូរ៉េ បន្តធ្វើការជាមួយគ្នា លើការផ្លាស់ប្ដូរវប្បធម៌នេះ ហើយសង្ឃឹមថា លោកប្រធានសមាគមវប្បធម៌កូរ៉េ និងអញ្ជើញទៅធ្វើទស្សនកិច្ចនៅប្រទេសកម្ពុជាញឹកញាប់។លោកប្រធានសមាគមក៏បញ្ជាក់ថា កាលពីខែសីហាលោក និងសមាគមបានទៅទស្សនកិច្ច និងទស្សនាប្រាសាទអង្គរវត្ដ។ ជាចុងក្រោយសម្តេច បានលើកទឹកចិត្តឲ្យសមាគមធ្វើការឲ្យកាន់តែជិតស្និទ្ធជាមួយលោកជំទាវឯកអគ្គរាជទូតកម្ពុជា នៅសាធារណរដ្ឋកូរ៉េដើម្បីធ្វើសកម្មភាពក្នុង គោលដៅផ្លាស់ប្ដូរវប្បធម៌ និងវប្បធម៌ក៏ដូចជាការផ្លាស់ប្ដូរប្រជាជននិងប្រជាជន ដើម្បីជំរុញដល់កំណើនទេសចរណ៍រវាងប្រទេសទាំង២ឲ្យបានកាន់តែច្រើនថែមទៀត៕ អត្ថបទ មុត សុទ្ធ

សម្ដេចតេជោ ហ៊ុន សែន អនុញ្ញាតឱ្យ លោក Oh Chang-seok ប្រធានក្រុមហ៊ុន Mugungwha Trust Co., Ltd. ចូលជួបសម្ដែងការគួរសម

ភ្នំពេញ ៖ នៅរសៀលថ្ងៃទី១០ ខែកញ្ញា ឆ្នាំ២០២៤ នៅទីក្រុងសេអ៊ូល សាធារណរដ្ឋកូរ៉េ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យ លោក Oh Chang-seok ប្រធានក្រុមហ៊ុន Mugungwha Trust Co., Ltd. ដែលជាក្រុមហ៊ុនបរធនបានលកិច្ច រៀបចំ ថែទាំអគារទីក្រុង និងការអភិវឌ្ឍគម្រោងសាងសង់នានា ចូលជួបសម្ដែងការគួរសម។ជាកិច្ចចាប់ផ្ដើម សម្ដេចតេជោបានស្វាគមន៍ ចំពោះគណៈប្រតិភូនៃក្រុមហ៊ុន Mugungwha Trust Co., Ltd. ដោយសង្ឃឹមថា ក្រុមហ៊ុននេះនឹងទៅស្វែងយល់ និងរកឱកាសវិនិយោគនៅកម្ពុជា។នាឱកាសនោះ លោក Oh Chang-seok ប្រធានក្រុមហ៊ុន Mugungwha Trust បានថ្លែងអំណរគុណចំពោះ សម្ដេចតេជោ ប្រធានព្រឹទ្ធសភាដែលបានអនុញ្ញាតឱ្យគណៈប្រតិភូក្រុមហ៊ុនរបស់លោកបានចូលជួបសម្ដែងការគួរសមនាឱកាសនេះ។ លោកប្រធានក្រុមហ៊ុន មានប្រសាសន៍ថា កាលពី១០ឆ្នាំមុន ក្រុមហ៊ុនរបស់លោកបានទៅធ្វើការសិក្សានៅប្រទេសកម្ពុជា អំពីបរធនបានលកិច្ច ក្នុងគោលបំណងចង់រួមចំណែកក្នុងការវិនិយោគនៅប្រទេសកម្ពុជា។ នៅពេលនោះ ក្រុមហ៊ុនរបស់លោក មិនទាន់ឃើញមានការបានបង្កើតបរធនបាលកិច្ច នៅក្នុងប្រទេសកម្ពុជានៅឡើយនោះទេ។ ទោះជាយ៉ាងណាក្តី ក្រុមហ៊ុនរបស់លោក គិតថាប្រទេសកម្ពុជាគួរបង្កើតប្រព័ន្ធបរធនបាលកិច្ចនេះ និងមានគម្រោងទៅវិនិយោគនៅក្នុងប្រទេសកម្ពុជានៅពេលខាងមុខ។ លោកប្រធានក្រុមហ៊ុន បានបញ្ជាក់ថា ប្រទេសកូរ៉េ បានបង្កើតបរធនបាលកិច្ច នៅក្នុងទសវត្សរ៍ ឆ្នាំ១៩៩០ ដោយយកគម្រូពីប្រទេសអឺរ៉ុប។ សព្វថ្ងៃនេះ វិស័យបរធនបាលកិច្ចនៅកូរ៉េ រីកចម្រើនជាងនៅអឺរ៉ុបទៅទៀត ហើយរួមចំណែកបានធ្វើឱ្យប្រទេសកូរ៉េ ប្រែក្លាយពី ប្រទេសក្រីក្រទៅជាប្រទេសអភិវឌ្ឍរីកចម្រើនរហូតមកដល់សព្វថ្ងៃនេះ។ ក្រុមហ៊ុនរបស់លោក ស្ថិតនៅក្នុងចំណោមក្រុមហ៊ុនបរធនបាលកិច្ច ចំនួន១៤ នៅប្រទេសកូរ៉េ និង ស្ថិតនៅក្នុងលំដាប់ខ្ពស់។ លោក Oh Chang-seok បានរំលឹកថា ប្រទេសកូរ៉េធ្លាប់មានសង្គ្រាមនៅទសវត្សន៍ឆ្នាំ១៩៥០ និង១៩៦០ និង បានអភិវឌ្ឍប្រទេសដូចពេលបច្ចុប្បន្ន និង មានបំណងចែករំលែកបទពិសោធន៍ល្អៗជាមួយនឹងកម្ពុជា។លោកប្រធានក្រុមហ៊ុន បានមានប្រសាសន៍ចង់ឱ្យសម្តេចតេជោ ប្រធានព្រឹទ្ធសភា ក៏ដូចជារាជរដ្ឋាភិបាលដឹកនាំដោយសម្ដេចធិបតីនាយករដ្ឋមន្ត្រី អនុញ្ញាតឱ្យក្រុមហ៊ុនរបស់លោកបានទៅរួមចំណែក្នុងការចូលរួមក្នុងវិស័យបរធនបាលកិច្ច ដើម្បីជួយអភិវឌ្ឍសេដ្ឋកិច្ចនៅកម្ពុជា ដូចជាក្នុងការអភិវឌ្ឍន៍តំបន់ទីក្រុងថ្មីៗជាដើម។ លោកប្រធានក្រុមហ៊ុន គោរពសុំអនុសាសន៍ និងការណែនាំរបស់សម្តេចតេជោនៅក្នុងវិស័យបរធនបាលកិច្ចនេះ ដោយគិតថា ក្រុមហ៊ុនរបស់លោក អាចជាសសរដ៏រឹងមាំមួយសម្រាប់ការអភិវឌ្ឍប្រទេសកម្ពុជានិងតំបន់។ នៅក្នុងទិសដៅនេះ ក្រុមហ៊ុនរបស់លោក ត្រៀមរួចជាស្រេចក្នុងការសិក្សាអំពីប្រព័ន្ធច្បាប់ធនាគារ ហិរញ្ញវត្ថុរបស់កម្ពុជា និង សហការជាមួយក្រុមហ៊ុនឯកជនកម្ពុជាក្នុងការពង្រីកទីផ្សារបរធនបាលកិច្ច។ លោកប្រធានក្រុមហ៊ុន បានបញ្ជាក់ថា សព្វថ្ងៃ នៅកម្ពុជា ក្រុមហ៊ុនចំនួន៨ កំពុងធ្វើការនៅក្នុងប្រព័ន្ធបរធនបាលកិច្ច ហើយលោកចង់ចូលរួមចំណែកលើកតម្កើងប្រព័ន្ធសព្វថ្ងៃឱ្យដល់កម្រិតខ្ពស់បន្ថែមទៀត។ជាការឆ្លើយតប សម្ដេចតេជោ បានថ្លែងអំណរគុណចំពោះលោកប្រធានក្រុមហ៊ុនដែលបានសម្តែងការចាប់អារម្មណ៍លើការទៅវិនិយោគក្នុងប្រទេសកម្ពុជា។ សម្ដេចតេជោ បានជម្រាបទៅលោកប្រធានក្រុមហ៊ុនថា ប្រព័ន្ធបរធនបាលកិច្ចនៅកម្ពុជាដែលត្រូវបានបង្កើតឡើងប៉ុន្មានឆ្នាំមុននេះ មិនទាន់ដំណើរការរលូនទេ។ ប្រព័ន្ធនេះ ដូចប្រព័ន្ធទីផ្សារមូលបត្រ ទោះបីជាបានបង្កើតទៅហើយក្តី គឺពុំមានដំណើរការដោយរលូននោះទេ គឺមានភាពរអាក់រអួលនៅឡើយ។ សម្តេចតេជោ បានមានប្រសាសន៍បន្តទៀតថា ក្រោយពីវិបត្តិសេដ្ឋកិច្ចអាស៊ីនៅឆ្នាំ ១៩៩៧ ធនាគារមួយចំនួននៅភ្នំពេញបានដូលរលំ ហើយរាជរដ្ឋាភិបាលបានរៀបចំប្រព័ន្ធធនាគារឡើងវិញ ដោយធានាដល់ធនាគារដែលនៅសេសសល់ តែមានភាពរឹងមាំ និងនៅបន្តមកដល់សព្វថ្ងៃនេះ។ សម្ដេចតេជោ បានបញ្ជាក់ថា សម្តេចមិននិយាយជំនួសរាជរដ្ឋាភិបាលកម្ពុជាទេ ក៏ប៉ុន្តែ សូមលើកទឹកចិត្តឱ្យក្រុមហ៊ុន សិក្សាលើទិដ្ឋភាពច្បាប់ដែលមានស្រាប់ និង ទៅចាប់ដៃគូជាមួយក្រុមហ៊ុនកម្ពុជាដែលមានច្បាប់អនុញ្ញាតរួច ហើយត្រូវធ្វើសកម្មភាពឱ្យសកម្ម។ ជាក់ស្តែង វិស័យបរធនបាលកិច្ច ក៏ដូចជាទីផ្សារមូលប័ត្រ ទាមទារនូវជំនឿទុកចិត្តផ្នែកសេដ្ឋកិច្ច។ សម្តេចតេជោ បានបន្ថែមថា អនុសាសន៍នេះ គឺដូចជា ក្រុមហ៊ុនរបស់លោក Oh Chang-seok ធ្វើដំណើរចូលក្នុងផ្លូវមួយ ដែលមានអ្នកដំណើររួចហើយ ហើយត្រូវធ្វើដំណើរជាមួយគេឯង កុំឱ្យគ្រោះថ្នាក់។ ប្រទេសកម្ពុជា ពិតជាមានតម្រូវការក្នុងវិស័យនេះដើម្បីទាក់ទាញការវិនិយោគបន្ថែមទៀត។ ជាមួយគ្នានេះផងដែរ សម្ដេចតេជោបាន ស្នើឱ្យក្រុមហ៊ុនទៅពិនិត្យមើលលើការវិនិយោគលើវិស័យផ្សេងទៀតក្រៅពីវិស័យបរធនបាលនេះ ។លោកប្រធានក្រុមប្រឹក្សាភិបាល បានថ្លែងអំណរគុណ ចំពោះសម្តេចតេជោ និងអនុសាសន៍ណែនាំ។ លោកបានមានប្រសាសន៍ថា លោកនឹងបន្តឱ្យក្រុមការងារចុះទៅធ្វើការសិក្សាលម្អិត និងពិគ្រោះយោបល់ជាមួយដៃគូកម្ពុជា និងពិនិត្យមើលការវិនិយោគនៅក្នុងវិស័យផ្សេងៗទៀត។លោកប្រធានក្រុមហ៊ុនមើលឃើញពីបរិយាកាសល្អរបស់កម្ពុជាសម្រាប់ការធ្វើវិនិយោគ ពីព្រោះកម្ពុជាមានសុខសន្តិភាព ស្ថិរភាព និងសុវត្ថិភាព ។ ម្យ៉ាងទៀត កម្ពុជា និងកូរ៉េមានទំនាក់ទំនងល្អនឹងគ្នា និងកិច្ចសហប្រតិបត្តិការគ្នាល្អប្រសើរ៕

សម្តេចធិបតី៖រាជរដ្ឋាភិបាលនឹងខិតខំធ្វើធារាសាស្រ្តទឹកជូនប្រជាកសិករឲ្យកាន់តែច្រើនបន្ថែមទៀត

ភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសថា រាជរដ្ឋាភិបាលនឹងខិតខំធ្វើនូវធារាសាស្រ្តទឹកជាច្រើនកន្លែងបន្ថែមទៀត ដើម្បីជួយសម្រួលដល់បងប្អូនប្រជាកសិករប្រកបមុខរបរកសិកម្មឲ្យកាន់តែល្អប្រសើរបន្ថែម មិនតែប៉ុណ្ណោះរាជរដ្ឋាភិបាលនឹងបន្តលើកលែងនូវពន្ធអាករដល់បងប្អូនប្រជាក សិករផងដែរ។ ក្នុងឱកាសអញ្ជើញជាអធិបតីបិទវេទិកាស្រូវអង្ករកម្ពុជាលើកទី៧ ឆ្នាំ២០២៤ នាថ្ងៃទី១០ ខែកញ្ញា ឆ្នាំ២០២៤នេះ សម្ដេចធិបតី ហ៊ុន ម៉ាណែត បានអះអាងថា រាជរដ្ឋាភិបាលអាណត្តិទី៧នៃនីតិកាលរដ្ឋសភានេះមិនព្រងើយកន្តើយចំពោះវិស័យកសិកម្មនោះឡើយ ហើយរាជរដ្ឋាភិបាលបាននិងកំពុងបន្តមិនយកពន្ធអាករពីប្រជាកសិករ និងលើក លែងពន្ធនូវជី និងថ្នាំសម្រាប់កសិកម្ម និងជួយតាមរយៈគោលនយោបាយផ្សេងៗទៀត ដើម្បីជួយកាត់បន្ថយការលំបាកដល់ប្រជាកសិករនោះ។ជាមួយគ្នានោះដែរសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាក៏បានលើកឡើងផងដែរថា តាមរយៈគោលនយោបាយអនុគ្រោះនានារបស់រាជរដ្ឋាភិបាលគឺបានជំរុញឱ្យមានការរីកចម្រើន ជាជំហានៗក្នុងវិស័យកសិកម្ម តួយ៉ាងផលិតកម្មស្រូវបានកើនដល់ ១២.៤៥លានតោនស្រូវសើម នៅឆ្នាំ២០២២-២០២៣ និងបាននាំចេញអង្ករចំនួន៦៥៦ពាន់តោនអង្ករ ដែលគិតជាទឹកប្រាក់បានចំនួន៤៦៦ លានដុល្លារសហរដ្ឋអាមេរិក និងបាននាំចេញស្រូវចំនួន៤.៣៩ លានតោនស្រូវ ដែលគិតជាទឹកប្រាក់បានចំនួន ១.៣២ ពាន់លានដុល្លារសហរដ្ឋអាមេរិកផងដែរ។ សម្តេចធិបតី ក៏បានសម្តែងនូវមោទនភាពផងដែរ ដែល ក្នុងរយៈពេលកន្លងទៅនេះ វិស័យស្រូវអង្កររបស់កម្ពុជាមានការរីកចម្រើនគួរឲ្យកត់សម្គាល់ ដោយការនាំ ចេញស្រូវអង្ករបានកាន់តែច្រើនទៅទីផ្សារអន្តរជាតិនោះ៕អត្ថបទ ៖ បាន ចក់

សម្តេចតេជោ ហ៊ុន សែន៖ អាស៊ាន ប្រកាន់ខ្ជាប់ពហុភាគីនិយម ផ្តោតលើប្រជាជន និងយកប្រជាជនធ្វើជាស្នូល

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានចែករំលែកនូវទស្សនៈវិស័យសាមគ្គីភាព សក្តានុពល ពហុភាគីនិយម របស់អាស៊ាន ជាពិសេសអាស៊ានបានប្រកាន់ខ្ជាប់ដោយយកប្រជាជនជាស្នូល។ សម្ដេចតេជោ ហ៊ុន សែន ប្រធានព្រឹទ្ធសភា នៃកម្ពុជា បានគូសបញ្ជាក់បែបនេះតាមរយៈសុន្ទរកថាពិសេសក្រោមប្រធានបទ (មាគ៌ាឆ្ពោះទៅកាន់សន្តិសហវិជ្ជមាននិងវិបុលភាពក្នុងអាស៊ាន) ក្នុង «វេទិកាចំណេះដឹងពិភពលោកលើកទី២៥» នៅសាធារណរដ្ឋកូរ៉េ នាថ្ងៃទី១០ខែកញ្ញានេះ។សម្តេចតេជោថ្លែងថា អាស៊ានបានទាក់ទាញវិនិយោគ និងដៃគូពីខាងក្រៅមកវិនិយោគយ៉ាងច្រើនដោយពុំមានថមថយនោះទេគឺមានតែការកើនឡើងជាលំដាប់ពីមួយឆ្នាំទៅមួយឆ្នាំ។ សម្តេចបន្តថា បើទោះបីពេលខ្លះ នៅក្នុងបរិបទសកល បានជួបប្រទះនូវការធ្លាក់ចុះសេដ្ឋកិច្ចយ៉ាងណាក៏ដោយ បានក្លាយពីតំបន់ដែលរងការអភិវឌ្ឍន៍ទៅជាតំបន់ដែលជួយដឹកនាំកំណើនសេដ្ឋកិច្ចតំបន់ និងសកលផងដែរ។សម្តេចតេជោបានបញ្ជាក់ពីភាពខ្លាំងរបស់អាស៊ាន ដែលបានផ្តល់អាទិភាពខ្ពស់បំផុតទៅដល់ការធ្វើសមាហរណកម្មសេដ្ឋកិច្ច ជាពិសេសការបង្កើតឡើងកិច្ចព្រមព្រៀងពាណិជ្ជកម្មសេរីជាមួយដៃគូជាច្រើនដូចជាកូរ៉េ ចិន ជប៉ុន អូស្ត្រាលីជាដើម និងភាពជាដៃគូសេដ្ឋកិច្ចគ្រប់ជ្រុងជ្រោយ ដែលទាំងអស់នេះ កម្ពុជាគាំទ្រជានិច្ច ដល់ពហុភាគី និយម ដោយសេរី បើកចំហរ មានបរិយាបន្ន និងតម្លាភាពដែល មានអង្គការពាណិជ្ជកម្មពិភពលោកជាស្នូល។ សម្តេចថា អាស៊ានក៏បាននិងកំពុងខិតខំគិតគូរ ស្វែងរកប្រភពកំណើនថ្មី ខ្សែច្របាក់ផ្គត់ផ្គង់តំបន់ ឲ្យកាន់តែប្រសើរ ពីការតភ្ជាប់វិទ្យាសាស្ត្របច្ចេកវិទ្យា ដែលតំបន់អាស៊ានបន្តសម្រេចបានមិនត្រឹមតែកំណើនសេដ្ឋកិច្ចខ្ពស់ប៉ុណ្ណោះទេ តែថែមទាំងមានភាពធន់និងមានជីវភាពកំណើនផងដែរ។ អាទិភាពទាំងអស់នេះ ត្រូវបានច្បាស់ក្នុងការរៀបចំចក្ខុវិស័យសហគមន៍អាស៊ានឆ្នាំ២០៤៥ ក៏ដូចជាផែនការយុទ្ធសាស្ត្រ នៃសសរស្ដម្ភទាំងបីរបស់សហគមន៍អាស៊ានផងដែរ។ អាស៊ានបានប្រកាន់ខ្ជាប់នូវគោលការណ៍បរិយាប័ន្ននៅក្នុងការកសាងសហគមន៍របស់ខ្លួន ដែលផ្ដោតលើប្រជាជន និងយកប្រជាជនជាស្នូលជាមួយនឹងចក្ខុវិស័យមិនទុកកន្លែងណាមួយ ឬប្រជាជនណាម្នាក់ចោលនោះទេ។ សម្ដេចសង្ឃឹមថា បទបង្ហាញនេះនឹងចូលរួមចំណែកផ្ដល់ជាពុទ្ធិសម្រាប់សាធារណជននៅវេទិកាអន្តរជាតិ ដើម្បីឲ្យពួកគេបានស្គាល់ និងយល់កាន់តែច្បាស់ពីអាស៊ាន និងពីសមិទ្ធផលក៏ដូចជាយន្តការរបស់អាស៊ាន ដែលយកសន្តិភាព ស្ថេរភាពតំបន់ធ្វើជាមូលដ្ឋានស្នូល ដើម្បីជំរុញសមាហរណកម្ម និងវិបុលភាពសម្រាប់ប្រជាជនក្នុងតំបន់៕ អត្ថបទ៖ មុត សុទ្ធ

ប្រធានរដ្ឋសភាកូរ៉េខាងត្បូងអរគុណសម្ដេចតេជោ ហ៊ុន សែន ដែលបានបង្កើតទំនាក់ទំនងរវាងប្រទេសទាំងពីរបានយ៉ាងល្អ

នៅទីក្រុងសែអ៊ូលព្រឹកថ្ងៃទី១០កញ្ញានេះ សម្ដេចតេជោ ហ៊ុន សែន ប្រធានព្រឹទ្ធសភានៃ កម្ពុជា បានដឹកនាំគណៈប្រតិភូអញ្ជើញចូលជួបសំដែងការគួរសមនិងពិភាក្សាការងារជាមួយនឹងឯកឧត្តម អ៊ូ វ៉ន់ ស៊ីក (Woo Won-Shik) ប្រធានរដ្ឋសភានៃសាធារណរដ្ឋកូរ៉េ នៅវិមានរដ្ឋសភា នៃសាធារណរដ្ឋកូរ៉េ។ឯកឧត្តម ប្រធានរដ្ឋសភាកូរ៉េ បានសំដែងស្វាគមន៍យ៉ាងកក់ក្តៅចំពោះសម្ដេចតេជោនិងគណៈប្រតិភូ ដែល បានអញ្ជើញបំពេញទស្សនកិច្ចនៅសាធារណរដ្ឋកូរ៉េ ជាពិសេសគឺបានអញ្ជើញទៅវិមានរដ្ឋសភាកូរ៉េ។ ឯកឧត្តមបានកោតសរសើរ ចំពោះការដឹកនាំរបស់សម្ដេចដែលបានដឹកនាំរាជរដ្ឋាភិបាលកម្ពុជា ក្នុងឋានៈជានា យករដ្ឋមន្ត្រីអស់រយៈពេលដ៏យូរ ដែលនាំប្រទេសមករកសុខសន្តិភាពនិងមានការរីកចម្រើនហើយក្នុងឱកាសនេះឯកឧត្តមបានសូមអបអរសាទរជាថ្មីចំពោះសម្ដេចតេជោដែលត្រូវបានជ្រើសរើសជាប្រធានព្រឹទ្ធសភានៅឆ្នាំនេះ។បើតាមឯកឧត្តម ស៊្រី ថាមរ៉ុង្គ ប្រតិភូអមដំណើរសម្តេចតេជោបានឱ្យដឹងថា ភាគីកូរ៉េបានអរគុណចំពោះសម្តេចតេជោ ដែលបាននាំមកនូវការកសាងទំនាក់ទំនងរវាងប្រទេសទាំង២បានយ៉ាងល្អ។ឯកឧត្តមក៏បានអរគុណចំពោះសម្ដេចតេជោប្រធានព្រឹទ្ធសភាពផងដែរដែលឯកឧត្តមបានដឹងថាសម្ដេចបានចូលរួមចំណែកយ៉ាងច្រើននៅក្នុងការកសាងទំនាក់ទំនងរវាងសាធារណរដ្ឋកូរ៉េនិងកម្ពុជាដោយបានស្ដារនូវទំនាក់ទំនងឡើងវិញនៅឆ្នាំ ១៩៩៧ ហើយឯកឧត្តមសង្ឃឹមថាទំនាក់ទំនងមិត្តភាពនិងកិច្ចសហប្រតិបត្តិការរវាងប្រទេសទាំងពីរសាធារណៈរដ្ឋកូរ៉េនិងកម្ពុជានឹងកាន់តែរីកចម្រើនថែមទៀតនៅពេលអនាគត។ឯកឧត្តមក៏បានជម្រាបជូនសម្ដេចផងដែរថាកម្ពុជាបានបង្កើតឡើងហើយ នូវសមាគមមិត្តភាពព្រឹទ្ធសភានិងរដ្ឋសភាកម្ពុជា ជាមួយនឹងសភានៃសាធារណរដ្ឋកូរ៉េ ឱ្យឯកឧត្តមសូមស្វាគមន៍យ៉ាងកក់ក្តៅចំពោះការបង្កើតស្វាគមនេះឡើងហើយឯកឧត្តមមានការសោកស្ដាយដែលខាងភាគីកូរ៉េមិនទាន់បានបង្កើតឡើងនៅឡើយ ហើយសន្យាថានឹងបង្កើតឡើងនៅពេលឆាប់ៗនេះ។ ឯកឧត្តមបានសម្ដែងនូវការពេញចិត្តនិងរីករាយនៅការកើតឡើងទំនាក់ទំនងវិស័យពាណិជ្ជកម្មនិងកិត្តិយោគដែលទំហំពាណិជ្ជកម្មទ្វេភាគីរវាងប្រទេសទាំងពីរមានការកើតឡើងយ៉ាងខ្លាំង ហើយការបង្កើតនៅកិច្ចព្រមព្រៀងពាណិជ្ជកម្មសេរីកន្លងមក និងបានបង្ករលក្ខណៈកាន់តែងាយស្រួល សម្រាប់ក្រុមហ៊ុនកូរ៉េប្រមាណជាង២០០បានទៅចូលរួម វិនិយោគនៅកម្ពុជា។ ឯកឧត្តមក៏បានស្នើសុំ សម្ដេចតេជោនិងរាជរដ្ឋាភិបាលកម្ពុជាគាំទ្រ និងសម្រួលដល់ការវិនិយោគរបស់សាធារណរដ្ឋកូរ៉េផងដែរ ដើម្បីអាចឲ្យពួកគេមានលទ្ធភាពពង្រីកនៅទំនាក់ទំនងនិងកិច្ចសហប្រតិបត្តិការបង្កើនការវិនិយោគនៅកម្ពុជាបន្ថែមទៀត ហើយការឯកភាពគ្នាបង្កើតនូវតំបន់សេដ្ឋកិច្ចពិសេស សម្រាប់ក្រុមហ៊ុនកូរ៉េដែលបានព្រមព្រៀងក្នុងដំណើរទស្សនកិច្ចរបស់សម្ដេចធិបតីនាយករដ្ឋមន្ត្រីកន្លងមក ភាគីកូរ៉េនឹងពិចារណា រៀបចំបង្កើតឡើងនូវតំបន់សេដ្ឋកិច្ចពិសេសនេះ។ ឯកឧត្តមបន្តថា កូរ៉េនិងបន្តដល់តួនាទីសំខាន់ក្នុងការផ្ទាល់នៅគំរោងODA ដើម្បីគាំទ្រដល់ការរីកចម្រើននិងការរស់នៅរបស់ប្រជាជនកម្ពុជាកាន់តែល្អប្រសើរ ហើយតាមអង្គការ កយ កា របស់កូរ៉េ ក៏បានចូលរួមចំណែកនៅក្នុងការដោះមាននិងគម្រោងជាច្រើនទៀត។នៅពេលបច្ចុប្បន្នក៏ដូចជាអនាគត។ឯកឧត្តមក៏បានសម្ដែងនូវការរីករាយចំពោះកិច្ចសហប្រតិបត្តិការនានាដែលរួមចំណែកនៅក្នុងកិច្ចសហប្រតិបត្តិការលើពិភពលោកក្នុងការប្រយុទ្ធប្រឆាំងការប្រែប្រួលអាកាសធាតុហើយឯកឧត្តមសង្កេតឃើញថាប្រទេសកម្ពុជាបានខិតខំយ៉ាងច្រើន ហើយរដ្ឋាភិបាលនៃសាធារណរដ្ឋកូរ៉េក៏បាននិងកំពុងគាំទ្រនូវគម្រោងរបស់កម្ពុជាក្នុងការកាត់បន្ថយឧស្ម័នដែលកើតចេញពីផ្ទះកញ្ចក់និង សកម្មភាពនានានៃគម្រោងមេគង្គផងដែរ និងរីករាយដែលបានឃើញទំនាក់ទំនងរវាងប្រជាជននៅប្រជាជនមានការផ្លាស់ប្ដូរឡើងវិញបន្ទាប់ពីវិបត្តិកូវីដ១៩ ជាពិសេសប្រជាជនកូរ៉េបានទៅទស្សនកិច្ចប្រាសាទរអង្គរវត្ដនិងខិតខំធ្វើយ៉ាងណាសម្រួលសេវាទេសចរណ៍ដើម្បីប្រជាជនកម្ពុជាបានទៅទស្សនកិច្ចនៅកូរ៉េផងដែរហើយសង្ឃឹមថាទំហំទេសចរនៃប្រទសទាំង២នឹងមានការកើនឡើង។ទន្ទឹមនេះរដ្ឋាភិបាលកូរ៉េក៏បាននិងកំពុងជួយសម្រួលដល់ការ រស់នៅរបស់ប្រជាជនកម្ពុជានៅសាធារណរដ្ឋកូរ៉េប្រមាណជា៦ម៉ឺននាក់ ដោយកែសម្រួលលក្ខខណ្ឌការងារ ប្រកបដោយសន្តិភាព និងការពារពលករទាំងនោះឲ្យបានត្រឹមត្រូវ។ សម្ដេចតេជោ បានថ្លែងអំណរគុណចំពោះប្រធានរដ្ឋសភាកូរ៉េ ដែលបានទទួលស្វាគមន៍យ៉ាងកក់ក្តៅចំពោះដំណើរទស្សនកិច្ចរបស់សម្ដេចជាលើកដំបូងក្នុងឋានៈជាអង្គការនីតិបញ្ញត្តិ។ សម្ដេចក៏បានអបអរសាទរ ឯកឧត្តម អ៊ូ វ៉ន់ស៊ីក ដែលត្រូវបានតែចង់ជាប្រធានរដ្ឋសភាកន្លងមក និង បានថ្លៃអំណរគុណ ដែលឯកឧត្តមប្រធានរដ្ឋសភាពកូរ៉េបានសម្ដែងនូវការលើកទឹកចិត្តឲ្យមាន ការរីកចម្រើនថែមទៀតនាយទំនាក់ទំនងរវាងសាធារណរដ្ឋកូរ៉េនិងកម្ពុជា។ សម្ដេចក៏បានសម្ដែងនៅក្រោយរីករាយផ្ទាល់តែចំពោះទំនាក់ទំនងរវាងប្រទេសទាំងពីរដែលត្រូវបានលើកកម្ពស់ដល់ទំនាក់ទំនងដៃគូជាយុទ្ធសាស្ត្រ ហើយសម្ដេចក៏បានរំលឹកផងដែរថាការផ្ដួចផ្ដើមឲ្យមានទំនាក់ទំនងឡើងវិញរវាងកម្ពុជានិងសាធារណរដ្ឋកូរ៉េពិតជាមិនងាយស្រួលទេ។ហើយដែលសម្ដេចបានតស៊ូស្វះស្វែងខិតខំធ្វើឲ្យទំនាក់ទំនងចាប់តាំងពីឆ្នាំ១៩៩៦មកធ្វើឲ្យទំនាក់ទំនងនេះមានការរីកចម្រើនឡើងវិញហើយរហូតដល់ពេលនេះយើងមានការរីកចម្រើនទាំងក្នុងវិស័យសេដ្ឋកិច្ចនិងនយោបាយ។សម្តេចពិតជាមានមោទនភាពដែលខ្លួនសម្តេចផ្ទាល់ជាស្ថាបនិក បានរួមចំណែក កសាងនៅទំនាក់ទំនងនេះហើយពេញចិត្តចំពោះការរីកលូតលាស់លើគ្រប់វិស័យរវាងប្រទេសទាំងពីរ។ ឆ្លៀតឱកាសនេះដែរសម្ដេចតេជោក៏បានថ្លែងអំណរគុណដល់សាធារណរដ្ឋកូរ៉េដែលបានរួមចំណែកនិងជួយដល់ការអភិវឌ្ឍន៍របស់កម្ពុជាដែលមានការរីកចម្រើនរហូតដល់សព្វថ្ងៃហើយ សម្តេចក៏មិនភ្លេចសំដែងការដឹកគុណចំពោះសាធារណរដ្ឋកូរ៉េដែលពុំបានបិទច្រកចេញចូលចំពោះកម្ពុជានៅពេលដែលមានជំងឺរាតត្បាតកូវីដ-១៩ ដោយនៅតែមានការហោះហើរជាធម្មតាដែលជាច្រកចេញសម្រាប់ប្រជាជនកម្ពុជានិងជនបរទេសចេញចូលនៅក្នុងប្រទេសកម្ពុជា។ សម្ដេចបានសម្ដែងនូវក្តីសង្ឃឹមថាតាមរយៈនៃការបើកព្រលានយន្តហោះថ្មីនៅសៀមរាបនិងគម្រោងបើកព្រលានយន្តហោះនៅភ្នំពេញនៃឆ្នាំក្រោយអាចទៅជួយពង្រីកថែមទៀតនៅទំហំទេសចរណ៍និងបានថ្លែងអំណរគុណដល់សាធារណរដ្ឋកូរ៉េដែលបានអនុគ្រោះនិងសម្រួលលក្ខ័ណ្ឌការរងារដល់ពលករកម្ពុជា ដើម្បីពេលត្រឡប់ទៅកម្ពុជាវិញបាននាំយកនូវបច្ចេកប្រជាបច្ចេកទេសទំនើបទៅបង្កើតការងារនៅកម្ពុជារួមចំណែកដោយការអភិវឌ្ឍសេដ្ឋកិច្ចនៅកម្ពុជាផងដែរ។ សម្ដេចថាប្រទេសទាំងពីរកម្ពុជានិងកូរ៉េជា ប្រទេសដន្លងនឹងគ្នាដោយប្រជាជនកម្ពុជា ជាពិសេសស្ត្រីកម្ពុជាបានរៀបការជាមួយនឹងជនជាតិកូរ៉េជាច្រើនប្រមាណជាប្រាំបីពាន់នាក់ដែលមានកូនចៅរហូតដល់ទៅប្រមាណជា១៥.000 នាក់ហើយសម្តេចក៏សំណូមពរឲ្យរដ្ឋាភិបាលកូរ៉េផ្ដល់ឱកាសឲ្យកូនចៅរបស់ពួកគេបានរៀនទាំងភាសាខ្មែរនិងកូរ៉េផង ដើម្បីឲ្យគេមានលទ្ធភាពក្នុងការធ្វើទំនាក់ទំនងទៅវិញទៅមក ក៏ដូចជាការជួយដល់សេដ្ឋកិច្ចរបស់ប្រទេសកូរ៉េផងដែរ។ សម្ដេចក៏បាន ជម្រាបជូនផងដែរថា រាជរដ្ឋាភិបាលអាណត្តិថ្មីរបស់សម្ដេចធិបតីនាយករដ្ឋមន្ត្រីបានខិតខំការពារថែទាំអ្នកវិនិយោគទុនកូរ៉េ ហើយរាជរដ្ឋាភិបាលនឹងខិតខំប្រឹងប្រែងការពារធានានូវសុខសន្តិភាពជារួមសម្រាប់ ការពារដល់អ្នកវិនិយោគផងដែរ។ សម្ដេចក៏បានសម្ដែងនូវការអបអរសាទរនិងទន្ទឹងរង់ចាំ ការស្ថាបនាស្ពានមិត្តភាពកម្ពុជា-កូរ៉េ ឆ្លងទន្លេសាបនិងទន្លេមេគង្គដែលនឹងចេញជារូបរាងនៅពេលមិនយូរខាងមុខហើយក៏សូមថ្លែងអំណរគុណដល់សាធារណៈរដ្ឋកូរ៉េដែលកំពុងបន្តជួយផ្លូវលេខ៤៨ ផ្លូវជាតិលេខ២ និងលេខ២១៕

បណ្ដាញសង្គម

ព័ត៌មានថ្មីៗ

ឯកឧត្ដមរដ្ឋមន្ត្រី ជា វ៉ាន់ដេត បានអញ្ជើញដឹកនាំគណៈប្រតិភូចូលរួមកិច្ចប្រជុំថ្នាក់រដ្ឋមន្ត្រីសហគមន៍ទូរគមនាគមន៍អាស៊ីប៉ាស៊ីហ្វិក នៅទីក្រុងតូក្យូ ប្រទេសជប៉ុន

សិស្សានុសិស្សនៅស្រុកបន្ទាយស្រីជិត២០០០នាក់ ទទួលបានសេវាព្យាបាលពីក្រុមគ្រូពេទ្យ TYDA

ប្រមុខការទូតសហភាពអឺរ៉ុប និងប្រមុខការពារជាតិជប៉ុន ជំរុញឲ្យពង្រឹងការការពារ នៅឥណ្ឌូ-ប៉ាស៊ីហ្វិក

វិទ្យាស្ថានជាតិពហុបច្ចេកទេសអង្គរប្រកាសផ្ដល់អាហារូបករណ៍ ១០០% ចំនួន ២,៤០០កន្លែង លើការបណ្ដុះបណ្ដាលជំនាញវិជ្ជាជីវៈដល់យុវជន

ជនល្មើសឆបោកតាមអនឡាញ ជាង២៤០០០នាក់ត្រូវបានបង្រ្កាប ខ្លះត្រូវបានបណ្តេញចេញពីកម្ពុជា

ការបង្ក្រាបបទល្មើសឆបោកតាមប្រព័ន្ធអនឡាញ និងជួញដូរមនុស្សនៅតែជាអាទិភាពរបស់ក្រសួងមហាផ្ទៃ

រដ្ឋបាលខេត្តបន្ទាយមានជ័យ និងពលរដ្ឋប្រមាណ១០០០នាក់ជិះកង់ប្រមូលថវិការជួយដល់មន្ទីរពេទ្យគន្ធបុប្ផា

នគរបាលខណ្ឌកំបូលឃាត់ម៉ូតូ ១០គ្រឿង ករណីប្រេីប្រាស់សុីម៉ាំងបំពងសំឡេង

ទិវាកុមារអន្តរជាតិ៖ អាណាព្យាបាលកុមារអំពាវនាវសប្បុរសជនរួមគ្នាជួយថវិកាជួយមន្ទីរពេទ្យគន្ធបុបា្ជ

សម្តេចរដ្ឋសភាធិបតី ឃួន សុដារី បញ្ជូនថវិកា និងសម្ភារៈមួយចំនួនឧបត្ថម្ភជូនបងប្អូនកងទ័ពជួរមុខក្នុងខេត្តឧត្តរមានជ័យ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចធិបតី៖ «សន្ដិភាពជាមូលដ្ឋានគ្រឹះដ៏សំខាន់ក្នុងការកសាង និងសម្រេចបាននូវវឌ្ឍនភាពនានា»

សម្ដេចតេជោ ហ៊ុន សែន អនុញ្ញាតឱ្យ លោកប្រធាន និងជានាយកប្រតិបត្តិក្រុមហ៊ុន KB Financial Group ចូលជួបសម្ដែងការគួរសម

សម្ដេចតេជោ ហ៊ុន សែន អនុញ្ញាតឱ្យ ប្រធានក្រុមហ៊ុន SK Securities ចូលជួបសម្ដែងការគួរសម

រាជរដ្ឋាភិបាលបានដាក់ចេញគោលនយោបាយអនុគ្រោះជាច្រើនដើម្បីលើកកម្ពស់វិស័យកសិកម្ម

សម្ដេចតេជោ ហ៊ុន សែន អនុញ្ញាតឲ្យប្រធានសមាគមវប្បធម៌កូរ៉េ ជួបសំដែងការគួរសម

សម្ដេចតេជោ ហ៊ុន សែន អនុញ្ញាតឱ្យ លោក Oh Chang-seok ប្រធានក្រុមហ៊ុន Mugungwha Trust Co., Ltd. ចូលជួបសម្ដែងការគួរសម

សម្តេចធិបតី៖រាជរដ្ឋាភិបាលនឹងខិតខំធ្វើធារាសាស្រ្តទឹកជូនប្រជាកសិករឲ្យកាន់តែច្រើនបន្ថែមទៀត

សម្តេចតេជោ ហ៊ុន សែន៖ អាស៊ាន ប្រកាន់ខ្ជាប់ពហុភាគីនិយម ផ្តោតលើប្រជាជន និងយកប្រជាជនធ្វើជាស្នូល

ប្រធានរដ្ឋសភាកូរ៉េខាងត្បូងអរគុណសម្ដេចតេជោ ហ៊ុន សែន ដែលបានបង្កើតទំនាក់ទំនងរវាងប្រទេសទាំងពីរបានយ៉ាងល្អ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចធិបតី៖ «សន្ដិភាពជាមូលដ្ឋានគ្រឹះដ៏សំខាន់ក្នុងការកសាង និងសម្រេចបាន​នូវវឌ្ឍនភាពនានា»

សម្ដេចតេជោ ហ៊ុន សែន អនុញ្ញាតឱ្យ លោកប្រធាន និងជានាយកប្រតិបត្តិក្រុមហ៊ុន KB Financial Group ចូលជួបសម្ដែងការគួរសម

សម្ដេចតេជោ ហ៊ុន សែន អនុញ្ញាតឱ្យ ប្រធានក្រុមហ៊ុន SK Securities ចូលជួបសម្ដែងការគួរសម

រាជរដ្ឋាភិបាលបានដាក់ចេញគោលនយោបាយអនុគ្រោះជាច្រើនដើម្បីលើកកម្ពស់វិស័យកសិកម្ម

សម្ដេចតេជោ ហ៊ុន សែន អនុញ្ញាតឲ្យប្រធានសមាគមវប្បធម៌កូរ៉េ ជួបសំដែងការគួរសម

សម្ដេចតេជោ ហ៊ុន សែន អនុញ្ញាតឱ្យ លោក Oh Chang-seok ប្រធានក្រុមហ៊ុន Mugungwha Trust Co., Ltd. ចូលជួបសម្ដែងការគួរសម

សម្តេចធិបតី៖រាជរដ្ឋាភិបាលនឹងខិតខំធ្វើធារាសាស្រ្តទឹកជូនប្រជាកសិករឲ្យកាន់តែច្រើនបន្ថែមទៀត

សម្តេចតេជោ ហ៊ុន សែន៖ អាស៊ាន ប្រកាន់ខ្ជាប់ពហុភាគីនិយម ផ្តោតលើប្រជាជន និងយកប្រជាជនធ្វើជាស្នូល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្ដេចធិបតី៖ «សន្ដិភាពជាមូលដ្ឋានគ្រឹះដ៏សំខាន់ក្នុងការកសាង និងសម្រេចបាននូវវឌ្ឍនភាពនានា»