កំពូលតារាចម្រៀងស្រីអាមេរិក Taylor Swift ក្លាយជាបុគ្គលឆ្នើមប្រចាំឆ្នាំ២០២៣របស់ទស្សនាវដ្ដី TIME
ប្រទេសកោះស៊ីប៖ លីបង់ត្រូវការជំនួយរបស់ EU ដើម្បីដោះស្រាយវិបត្តិអន្តោប្រវេសន៍
ច្បាប់ហ៊ីចាប(hijab)របស់អ៊ីរ៉ង់៖ ស្ត្រីប្រឈមមុខនឹងការជាប់ពន្ធនាគារ១០ឆ្នាំពីបទស្លៀកពាក់មិនសមរម្យ
ប្រទេសអ៊ីរ៉ង់កាត់ទោសផលិតករភាពយន្តជុំវិញខ្សែភាពយន្តដែលត្រូវជ្រើសរើសដោយទីក្រុងCannes

សិល្បៈកម្សាន្ត

ការសម្ដែង​សិល្បៈ​របស់​កម្ពុជា​ក្នុង​ព្រឹត្តិការណ៍ ឈី​ង​ហ្កេ ទទួលបាន​ការគាំទ្រ​ជាខ្លាំង

2023/02/05 11:39:35 am        520
សិង្ហបុរី៖ ការសម្ដែង​ទម្រង់​សិល្បៈ​របស់​ខ្មែរ​ក្នុង​ព្រឹត្តិការណ៍ ឈី​ង​ហ្កេ ទទួលបាន​ជោគជ័យ និង​ការគាំទ្រ​កោតសរសើរ​ជាច្រើន​ពី​ទស្សនិកជន និង​ក្រុមការងារ​ដែល​រៀបចំ​ព្រឹត្តិការណ៍​ដ៏​ធំ​មួយ​នេះ​។ នេះ​ជាការ​លើក​ឡើង​របស់​សិល្បករ​-សិល្បការិនី ក៏ដូចជា​គ្រូដឹកនាំ​ដែល​មាន​វត្តមាន​នៅក្នុង​ព្រឹត្តិការណ៍​នេះ​ផ្ទាល់​។ ​​ផ្ទាំង​ទស្សនីយភាព​របស់​ខ្មែរ​ដែល​នាំយកទៅ​បង្ហាញ​ក្នុង​ព្រឹត្តិការណ៍ ឈី​ង​ហ្កេ នៅ​ប្រទេស​សិង្ហ​បុរីទទួល​បាន​ជោគ​ជ័យ​ត្រចះត្រចង់​។ នេះ​ជាការ​លើកឡើង​របស់​ក្រុម​សិល្បករ ក៏ដូចជា​គ្រូ​ដឹកនាំ​ដែល​មាន​វត្តមាន​ក្នុង​ព្រឹត្តិការណ៍​នេះ​ដោយ​ផ្ទាល់។ ​ពួកគេ​បាន​លើក​ឡើង​ពី​ភាពជោគជ័យ ដោយសារតែ​ការសម្ដែង​ទស្សនីយភាព​ក្រោម​ប្រធានបទ "​ក្ដីសង្ឃឹម​របស់​យើង​" របស់​កម្ពុជា ទទួល​បាន​ការ​កោត​សរសើរ​ជាច្រើន​។ អ្នក​រៀបចំ​ព្រឹត្តិការណ៍ ឈី​ង​ហ្កេ បាន​កោត​សរសើរ​ពី​ការសម្ដែង​របស់​កម្ពុជា ថែមទាំង​ចាត់ទុកជា​គំរូ​ថែម​ទៀត​ផង។ រីឯ​ទស្សនិកជន​មាន​ការ​សាទរ ទះដៃ​ជាច្រើន​ចំពោះ​ការ​សម្ដែង​របស់​កម្ពុជា និង​មានការ​កោត​សរសើរ​ពី​សិល្បករ​មកពី​បណ្ដា​ប្រទេស​ដទៃ​ផង​ដែរ​។ ភាព​ជោគ​ជ័យ​នេះ​ផ្តល់នូវ​កម្លាំង​ចិត្តជា​ខ្លាំង​ចំពោះ​សិល្បករ សិល្បការិនី​កម្ពុជា​។​​ទស្សនីយភាព​សិល្បៈ​ដែល​កម្ពុជា​សម្ដែង​ក្នុង​ព្រឹត្តិការណ៍ ឈី​ង​ហ្កេ ធ្វើឡើង​ក្រោម​ប្រធានបទ "ក្តី សង្ឃឹម​របស់​យើង (Our Hope)"។ ការសម្ដែង "ក្តីសង្ឃឹម​របស់​យើង (Our Hopes) ជា​ការ​រួមបញ្ចូល​គ្នា នូវ​របាំ​បុរាណ របាំ​សហ​សម័យ ក្បាច់​ផ្ការំដួល និង​សៀក នឹង​បង្ហាញ​ក្តី​សង្ឃឹម និង​ភាព​សុខដុម​របស់​ប្រជាជាតិ​ខ្មែរ ក៏ដូចជា​ភាព​ស្រស់​ត្រកាល​ក្នុង​ការ​រស់នៅ​ប្រទេស​ដែល​មាន​សុខសន្តិភាព និង​ការ​អភិវឌ្ឍ​ប្រកប​ដោយ​ចីរភាព​។​ ​ឈី​ង​ហ្គេ គឺជា​ក្បួន​ព្យុហយាត្រា​សិល្បៈ​សម្ដែង​ដ៏​ធំ​មួយ​នៅ​អាស៊ី ដែល​ត្រូវបាន​រៀបចំឡើង​រៀងរាល់ឆ្នាំ​ដោយ​សមាគម​ប្រជាជន​នៃ​ប្រទេស​សិង្ហ​បុរី។ ឆ្នាំនេះ​ព្រឹត្តិការណ៍​នេះ​បាន​វិល​ត្រឡប់​មក​ជាថ្មី ដែល​មាន​អ្នក​សិល្បៈ​ជាតិ និង​អន្តរជាតិ​ចូលរួមដើម្បី​បង្ហាញ​ពី​សិល្បៈ វប្បធម៌នៃ​ជាតិ​សាសន៍​រៀង​ៗ​ខ្លួន​៕ ​អត្ថបទ​៖ គឹម ហុក

ខ្មែរ ប៊ែវើរីជីស រីករាយនាំយកព្រឹត្តិការណ៍ឆ្លងឆ្នាំដ៏ធំផ្តល់ការកម្សាន្ត ជូនពលរដ្ឋរស់នៅខេត្តកំពង់ស្ពឺ

2023/01/03 11:06:24 am        494
 ភ្នំពេញ៖ ក្រុមហ៊ុន ខ្មែរ ប៊ែវើរីជីស មានសេចក្តីសោមនស្សរីករាយជាខ្លាំង​ដែលបាន​នាំ​យក​នូវ​ព្រឹត្តិការណ៍​ឆ្លង​ឆ្នាំដ៏​ធំអស្ចារ្យ Cambodia Countdown Concert 2023 ដោយបានបិទបញ្ចប់ទៅដោយជោគជ័យ និង​បន្សល់ទុ​កនូវ​អនុស្សាវរី​យ៍ដ៏មានអត្ថន័យជូនដល់ពលរដ្ឋរស់នៅខេត្តកំពង់ស្ពឺ។ ព្រឹត្តិការណ៍ឆ្លងឆ្នាំនេះត្រូវបានធ្វើឡើងរយៈពេល២ថ្ងៃ គឺថ្ងៃទី៣០ និងថ្ងៃទី៣១ខែធ្នូ ឆ្នាំ២០២២ ដោយ​មាន​ការ​ចាក់​ផ្សាយផ្ទាល់លើកញ្ចក់ទូរទស្សន៍ BTV News ក្រោមការឧបត្ថម្ភផ្តាច់មុខដោយ Cambodia Beer របស់ក្រុមហ៊ុន ខ្មែរ ប៊ែវើរីជីស។ ធ្វើឡើងនៅឯពហុកីឡដ្ឋានខេត្តកំពង់ស្ពឺ ព្រឹត្តិការណ៍ឆ្លងឆ្នាំ​នេះ​មាន​ការ​ផ្តល់​កិត្តិយស​ដ៏​ខ្ពង់​ខ្ពស់​អញ្ជើញ​ចូល​រួម​​​ពីឯកឧត្តម ហ៊ុន ម៉ានី ប្រធានគណៈកម្មាការទី ៧ នៃរដ្ឋសភា និងជា​អ្នក​តំណាង​រាស្រ្ត​ខេត្តកំពង់ស្ពឺ​, ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ, ឯកឧត្តម យឹម សុខុម ប្រធាន​ក្រុម​ប្រឹក្សា​ខេត្តកំពង់ស្ពឺ, អ្នកឧកញ៉ា លាង ឃុន សហស្ថាបនិក និងប្រធានក្រុមប្រឹក្សាភិបាលក្រុមហ៊ុន ជីប ម៉ុង, អ្នកឧកញ៉ា លាង ម៉េង ប្រធានអគ្គនាយកក្រុមហ៊ុន ខ្មែរ ប៊ែវើរីជីស។  ឯកឧត្តម ហ៊ុន ម៉ានី បានថ្លែងអំណរគុណចំពោះក្រុមហ៊ុន ខ្មែរ ប៊ែវើរីជីស​ដែល​ឧបត្ថម្ភ​ផ្តាច់​មុខ​រៀបចំ​ព្រឹត្តិការណ៍​នេះ ក៏ដូចជាអំណរគុណចំពោះអាជ្ញាធរខេត្ត ស្ថាប័នជាដៃគូសហការនានា និង​សប្បុរស​ជន​ទាំង​អស់ ដែលបានចូលរួមធ្វើឱ្យការឆ្លងឆ្នាំថ្មី ២០២៣ ប្រព្រឹត្តទៅយ៉ាងជោគជ័យ។ក្រៅពីការប្រគំតន្រ្តីដ៏ធំអស្ចារ្យ ព្រឹត្តិការណ៍ឆ្លងឆ្នាំនេះក៏មានកម្មវិធីកម្សាន្តសប្បាយៗជាច្រើន ការ​បង្វិល​កង​យក​រង្វាន់ពី Cambodia Beer កម្មវិធីប្រគល់រង្វាន់ទឹកប្រាក់២ម៉ឺនដុល្លារជូនដល់អតិថិជន១៥នាក់ពី Cambodia Beer រង្វាន់ម៉ូតូ Honda Click ចំនួន ១០គ្រឿងពី Cambodia Beer រង្វាន់ម៉ូតូ Honda Dream ចំនួន៤ គ្រឿងពីភេសជ្ជៈប៉ូវកម្លាំង វើក WURKZ និងរង្វាន់ម៉ូតូ Honda Beat ចំនួន ៥ គ្រឿង​ពី​ភេសជ្ជៈ ICY COOL រសជាតិម៉ុងតុល។ បន្ថែមពីនេះ ក៏មានការបាញ់កាំជ្រួចអបអរសាទរលើផ្ទៃអាកាសបែកចេញជាពន្លឺ និងពណ៌ដ៏ស្រស់ស្អាត បង្កើត​នូវបរិយាកាសដ៏មានអត្ថន័យ និង​អនុស្សាវរី​យ៍ដ៏អស្ចារ្យ​មិន​អាច​បំភ្លេច​បាន​ជូន​ដល់​បងប្អូន​ពលរដ្ឋ​រស់​នៅ​ខេត្តកំពង់ស្ពឺ។ ក្រុមហ៊ុន ខ្មែរ ប៊ែវើរីជីស ជាក្រុមហ៊ុនឈានមុខគេនៅកម្ពុជាលើការផលិតភេសជ្ជៈ និងស្រាបៀរ ដែល​បច្ចុប្បន្ន​ក្រុម​ហ៊ុន​មានផលិតផលល្បីៗជាច្រើនដូចជាស្រាបៀរ កម្ពុជា ភេសជ្ជៈប៉ូវកម្លាំង វើក WURKZ ភេសជ្ជៈ ICY COOL ទឹកក្រូចអាយស៍​ IZE និងទឹកបរិសុទ្ធ កម្ពុជា។ ក្រុមហ៊ុននឹង​បន្ត​នាំ​យក​ព្រឹត្តិការណ៍​ដ៏​អស្ចារ្យ​ជា​ច្រើន​ទៀត ដើម្បីផ្តល់ការកម្សាន្តជូនពលរដ្ឋកម្ពុជានាពេលខាងមុខ៕

ម្ចាស់ជ័យលាភីលេខ១ នៃសហគ្រិនថ្នាក់ជាតិឆ្នាំ២០២២នេះបានទៅលេីលោក ឈរ រិទ្ធី

2022/11/23 08:06:22 pm        325
ភ្នំពេញ៖ ក្រោយឆ្លងកាត់ការវាយតម្លៃយ៉ាងសុក្រឹតរបស់គណៈកម្មការផ្តល់ពិន្ទុរដែលមានបទពិសោធន៍ខ្ពស់។ ទីបំផុតនៅល្ងាចថ្ងៃទី២៣ ខែវិច្ឆិកានេះ កម្មវិធីពានរង្វាន់សហគ្រិនថ្នាក់ជាតិឆ្នាំ២០២២ បានរកឃេីញម្ចាស់លាភីឆ្នេីមចំនួន ៤រូប ក្នុងចំណោមបេក្ខជនសរុប ២០រូប។សូមជម្រាបជូនថា ម្ចាស់ជ័យលាភីលេខ១ បានទៅលេី លោក ឈរ រិទ្ធី មកពីក្រុមហ៊ុន ហ្រ្វេស មិល ឯ.ក ទទួលបានទឹកប្រាក់ចំនួន ១ម៉ឺនដុល្លារអាម៉េរិក, លេខ២ បានទៅលេី លោកស្រី ទ្រី មួយគា មកពីសហគ្រាសផលិតឱសថ ប៉េប៉េអឹមទទួលបានទឹកប្រាក់ចំនួន ៥ពាន់ដុល្លារអាម៉េរិក, លេខ៣ បានទៅលេី លោកស្រី ងន វ៉ាន់ថា មកពី Color Silk Enterprise ទទួលបានទឹកប្រាក់ចំនួន ៣ពាន់ដុល្លារអាម៉េរិក និងលេខ៤ បានទៅលេី លោកស្រី ម៉ៅ សុធា មកពី SHE Agrocam Products.Co,Ltd ទទួលបានទឹកប្រាក់ចំនួន ២ពាន់ដុល្លារអាម៉េរិក។សូមបញ្ជាក់ទៀតថា កម្មវិធីប្រកួតប្រជែងពានរង្វាន់សហគ្រិនថ្នាក់ជាតិ រៀបចំឡើងដោយវិទ្យាស្ថានជាតិសហគ្រិនភាព និងនវានុវត្តន៍ ដែលជាគ្រឹះស្ថានសាធារណៈ កំពុងបំពេញការងារយ៉ាងសកម្មក្នុងការកសាងសហគ្រិនថ្មី អភិវឌ្ឍសហគ្រិនដែលមានស្រាប់ និងជាអ្នកអនុវត្តសហគ្រិនភាពសង្គម ដែលស្ថិតក្រោមការគ្រប់គ្រងរបស់ក្រសួងការងារ និងបណ្តុះបណ្តាលវិជ្ជាជីវៈ។ កម្មវិធីនេះដែរ ប្រព្រឹត្តទៅក្រោមកិច្ចសហការជាមួយសហគ្រិនខ្មែរ (Khmer Enterprise) តាមរយៈជំនួយរដ្ឋាភិបាលកម្ពុជា និងធនាគារព្រីនស៍ ដើម្បីធ្វើការងាររួមគ្នាជាមួយសហគ្រិន អ្នកបង្កើតគំនិតថ្មីៗ នវានុវត្តន៍ និងអ្នកដឹកនាំអាជីវកម្មក្នុងការរៀបចំការ​ប្រកួតប្រជែង​លើប្រធានបទជាក់លាក់ជារៀងរាល់ឆ្នាំ តាមរយៈការរៀបចំឲ្យមានការប្រកួតប្រជែងនៅថ្នាក់ខេត្ត និងថ្នាក់ជាតិក្នុងប្រទេសកម្ពុជា៕ អត្ថបទ ៖ បូរ៉ាវី

CL និងកំពូលតារាចម្រៀងជាច្រើនប្រចាំប្រទេសកម្ពុជា នឹងមានវត្តមានក្នុងព្រឹត្តិការណ៍ដ៏ធំ Vattanac វ All in Festival នាចុងខែវិច្ឆិកានេះ

2022/11/17 05:03:00 pm        237
ភ្នំពេញ ៖ តើលោកអ្នក ត្រៀមខ្លួនហើយឬនៅសម្រាប់​ កម្មវិធីដ៏ធំប្រចាំឆ្នាំ “VATTANAC វ ALL IN FESTIVAL”?​ Queen of K-pop ដ៏ល្បីល្បាញឈ្មោះថា «CL» នឹងត្រលប់មកប្រទេសកម្ពុជាសារជាថ្មីម្តង ទៀតក្រោមការអញ្ជើញរបស់ ក្រុមហ៊ុន វឌ្ឃនៈ ប្រ៊ូវើរី ដែលនឹងប្រព្រឹត្តិទៅ នាថ្ងៃទី២៦ ខែវិច្ឆិកា ឆ្នាំ២០២២ រួមជាមួយនឹងវត្តមាន កំពូលតារាចម្រៀង​ជួរមុខ ក្នុងស្រុកជាច្រើនរូបទៀតដូចជា កញ្ញា មាស សុខសោភា ពូ ឃ្លាំង លោក នីកូ កញ្ញា រ៉ាប៊ី លោក G-Devith ព្រមទាំងអាយដលទាំង៤ ដែលកំពុងទទួលបានការគាំទ្រ យ៉ាងខ្លាំងពី ទស្សនិកជនគឺ អាយដល លឹម តិចម៉េង ស៊ឹមច័ន្ទពន្លឺ ថុល សុភិទិ និងនាង ដាវីន។ ព្រឹត្តិការណ៍ដ៏កក្រើករបស់ក្រុមហ៊ុន វឌ្ឍនៈ ប្រ៊ូវើរី មួយនេះ បានធ្វើឲ្យអ្នកគាំទ្រវិស័យ KPOP និងអ្នកគាំទ្រ​របស់ CL ផ្ទាល់ សប្បាយរីករាយ និងរំភើបជាខ្លាំងជាមួយនឹងវត្តមានជាលើកទី២របស់គាត់ ដោយពុំមាន​អ្នកនឹកស្មានដល់។ មិនត្រឹមតែប៉ុណ្ណោះ ការចូលរួមរបស់កំពូលតារាដ៏ពេញនិយមក្នុងស្រុក​ជាច្រើនរូប ការប្រគុំតន្ត្រី EDM ពី DJ ដ៏ល្បីនិងស្រស់ស្អាត DJ AviDa ព្រមទាំងសកម្មភាពកម្សាន្ត សប្បាយជាច្រើន​ដែលនឹងរៀបចំឡើងដោយម៉ាកយីហោទាំង៤ របស់ វឌ្ឍនៈ ប្រ៊ូវើរី មានដូចជា ស្រាបៀរ វឌ្ឍនៈ ដ្រាហ្គិន គ្រុឌ និងភេសជ្ជៈប៉ូវកម្លាំងគ្រុឌ នឺងបន្ថែមភាពអស្ចារ្យ និងមិនអាចខកខានបាន ក្នុងកម្មវិធីដ៏ធំបំផុតប្រចាំឆ្នាំមួយនេះ។ ក្រុមហ៊ុន វឌ្ឍនៈ ប្រ៊ូវើរី បង្កើតកម្មវិធី “VATTANAC វ ALL IN FESTIVAL” នេះឡើងក្នុងគោលបំណង​តបស្នងទៅដល់អ្នកគាំទ្រ និងបង្ហាញពីការខិតខំប្រឹងប្រែង ទឹកចិត្ត និងក្តីស្រលាញ់ ដែលខ្លួនបានបង្កើត និងដាក់អ្វីៗគ្រប់យ៉ាងនូវរាល់កិច្ចការងារ និងផលិតផល ដែលខ្លួនបានផលិតឡើងសម្រាប់អតិថិជន។ សម្រាប់សំបុត្រចូលរួមទស្សនាព្រឹត្តិការដ៏រំភើបអស្ចារ្យ និងកម្រប្លែកដែលមិនធ្លាប់មានពីមុនមកនេះ អ្នកអាចស្វែងរកបានតាមរយៈ​ភ្នាក់ងារលក់ផលិតផលរបស់ក្រុមហ៊ុន វឌ្ឍនៈ ប្រ៊ូវើរី ដែលបានកំណត់ ទូទាំងប្រទេស៕   

កម្មវិធីល្ខោនខ្មែរ ៖ រកឃើញហើយ កូនក្រុមទាំង៣ក្រុម របស់គ្រូបង្វឹកនីមួយៗ នៃកម្មវិធីល្ខោនខ្មែរ រដូវកាលទី១

2022/10/15 12:06:22 pm        278
បន្ទាប់ពីទទួលបានបេក្ខជនផ្លូវការទាំង១២ក្រុម កាលពីសប្ដាហ៍កន្លងទៅ ពេលនេះកម្មវិធីល្ខោនខ្មែរ បានឈានមកដល់វគ្គជួបជាមួយគណៈកម្មការហើយ។គណៈកម្មការមេប្រយោគទាំងបួន នឹងដើរតួនាទីជាគ្រូបង្វឹក ដែលនឹងបង្ហាត់បង្រៀនកូនក្រុមរបស់ខ្លួន ដែលក្នុងនោះគ្រូបង្វឹកមួយរូបៗនឹងទទួលបានកូនក្រុមម្នាក់ ៣ក្រុមស្មើៗគ្នា។ ក្នុងនោះ៖ -កូនក្រុមរបស់លោកជំទាវសាស្ត្រាចារ្យ សុទ្ធ សុម៉ាលី មាន៖ (១). ក្រុមពន្លកថ្មីនៃវប្បធម៌ (២).ក្រុម ល្ខោនបុរាណស្រីវត្តកៀនស្វាយក្រៅ និង (៣). ក្រុម យុវជនមន្ទីវប្បធម៌ និងវិចិត្រសិល្បៈរាជធានីភ្នំពេញ។-កូនក្រុមរបស់លោកស្រីសាស្ត្រាចារ្យ សំ សត្យា មាន៖ (១). ក្រុម មន្ទីរវប្បធម៌ និងវិចិត្រសិល្បៈខេត្តបន្ទាយមានជ័យ (២). ក្រុម រស្មីនៃវប្បធម៌ (៣). ក្រុម ក្រឹស្ណរៈ។-កូនក្រុមរបស់ឯកឧត្តមសាស្ត្រាចារ្យ ព្រឿង ឈៀង មាន៖ (១). ក្រុម មន្ទីវប្បធម៌ និងវិចិត្រសិល្បៈខេត្តសៀមរាប (២).ក្រុម សិល្បៈបុរាណយុវជនល្ខោនខោល និងរបាំបុរាណជំនាន់ថ្មី (៣). ក្រុម ស្រលាញ់វប្បធម៌នៃ ស.ស.យ.ក ខេត្តកំពង់ស្ពឺ ។-កូនក្រុមរបស់លោកស្រីព្រឹទ្ធាចារ្យ ប៉ែន សុខហួន មាន៖ (១). ក្រុម នារីអង្គរ (២). ក្រុម វិទ្យាស្ថានគរុកោសល្យរាជធានីភ្នំពេញ (៣). ក្រុម ក្លឹបបណ្ដុះបណ្ដាលសិល្បៈវប្បធម៌ខ្មែរអង្គរខេត្តសៀមរាប។សូមបញ្ជាក់ផងដែរថា នៅវគ្គបន្ទាប់ កូនក្រុមរួមគ្រូ នឹងធ្វើការប្រកួតជាមួយគ្នាទៅវិញទៅមក ពោលគឺមិនប្រកួតឆ្លងក្រុមដែលមានគ្រូបង្វឹកផ្សេងៗនោះឡើយ។ មិនតែប៉ុណ្ណោះ គ្រូបង្វឹកទាំងអស់នឹងធ្វើការវាយតម្លៃទៅតាមការបញ្ចេញសមត្ថភាពជាក់ស្ដែង ហើយក្នុងនោះគ្រូបង្វឹកនីមួយៗនឹងសម្រេចចិត្តរើសបេក្ខជនតែ ២ ក្រុមប៉ុណ្ណោះ រីឯ ១ក្រុមទៀតនឹងត្រូវចាកចេញពីកម្មវិធី។ កម្មវិធីល្ខោនខ្មែរ រដូវកាលទី១ មានចាក់បញ្ចាំងនៅលើកញ្ចក់ទូរទស្សន៍ BTV រៀងរាល់ថ្ងៃសៅរ៍ វេលាម៉ោង ៦ ល្ងាចតទៅ។ ហើយក៏មានការចាក់ផ្សាយលើទំព័រហ្វេសប៊ុកផ្លូវការរបស់សហភាពសហព័ន្ធយុវជនកម្ពុជា ខេត្តស្វាយរៀងផងដែរ៕ “មិនត្រឹមតែជាការចូលរួមប្រកួត តែយើងទាំងគ្នា ចូលរួមគាំទ្រ អភិរក្ស និងលើកស្ទួយសិល្បៈបុរាណខ្មែរ”

ភាពយន្តចម្រៀង"ជីវិតក្មេងវត្ត"ស្នាដៃនិពន្ធដ៏ខ្ពង់ខ្ពស់របស់សម្តេចតេជោ

2022/09/27 09:40:44 pm        574
ភ្នំពេញ៖ ថ្ងៃដែលបងប្អូនកូន ក្មួយ ចៅ ចៅទួត របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ទន្ទឹងរង់ចាំបានមកដល់ហើយ ភាពយន្តចម្រៀង "ជីវិតក្មេងវត្ត" ដែលជាស្នាដៃនិពន្ធដ៏ខ្ពង់ខ្ពស់របស់សម្តេចតេជោ។ សូមអញ្ជើញបងប្អូនជនរួមជាតិតាមដានទស្សនាកម្មវិធីបើកសម្ពោធក្រោមអធិបតីភាពដ៏ខ្ពង់ខ្ពស់របស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ចាប់ពីម៉ោង ១០:០០ នាទីតទៅ នៅអគារក្រសួងរៀបចំដែនដីនគរូបនីយកម្មនិងសំណង់ ដែលផ្សាយផ្ទាល់តាមរយៈទូរទស្សន៍ជាតិកម្ពុជា, បាយ័ន, ហង្សមាស, PNN, អប្សរា, ប៉ុស្តិ៍លេខ៥, អាស៊ីអាគ្នេយ៍, CTN, ប៉ុស្តិ៍ លេខ ៩, ប៉ុស្តិ៍លេខ ៣, Town, Fresh News និង Page Samdech Techo Hun Sen, Cambodian Prime Minister។ ភាពយន្តចម្រៀងដែលពោរពេញទៅដោយការតស៊ូ អត់ធន ពុះពារគ្រប់ឧបសគ្គដើម្បីក្រេបយកចំណេះ វិជ្ជា។ ផលិតដោយសមាគមសិល្បករខ្មែរ និងដឹកនាំសម្តែងដោយ លោក ហ្វៃ សំអាង។

“ពិធីជួបជុំបណ្តាញមិត្តយើង”ទទួលបានការបរិច្ចាគគាំទ្រយ៉ាងផុសផុលពីសប្បុរសជនជាង ៥ម៉ឺនដុល្លារ

2022/05/05 06:11:53 pm        411
ភ្នំពេញ៖ សមាគមមិត្តយើង បន្ទាប់ពីបានរៀបពិធីជួបជុំបណ្តាញមិត្តយើង ដើម្បីរឹតចំណងមិត្តភាព និងសាមគ្គីភាព គឺទទួលបានការបរិច្ចាគគាំទ្រយ៉ាងផុសផុលពីសប្បុរសជននានាសរុបចំនួនជាង ៥០ ០០០ ដុល្លារអាម៉េរិក ដើម្បីប្រើប្រាស់ក្នុងសកម្មភាពសង្គម។ សមាគមមិត្តយើង នៅថ្ងៃទី៥ ខែឧសភា ឆ្នាំ២០២២នេះ បានឲ្យដឹងថា តាមរយៈឯកឧត្តម ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ សមាគមមិត្តយើង ទទួលបានការបរិច្ចាគជាទឹកប្រាក់ និងសម្ភារៈពីសប្បុរសជននានាមានចំនួនជាង ៥០ ០០០ដុល្លារ ដើម្បីគាំទ្រសកម្មភាពសមាគមមិត្តយើងសម្រាប់រយៈពេល ៣ឆ្នាំ។ ជាង ១ឆ្នាំកន្លងមកនេះ សមាគមមិត្តយើង បានចូលរួមសកម្មភាពសង្គម និងសប្បរសធម៌នានាសរុបជាទឹកប្រាក់ប្រមាណជាង ៥០ ០០០ដុល្លារ នៅតាមបណ្តាខេត្ត តាមរយៈការបរិច្ចាគអណ្តូងទឹក សម្ភារសិក្សា សម្ភារប្រើប្រាស់ គ្រឿងឧបភោគ-បរិភោគ សំលៀកបំពាក់និងសម្ភារផ្សេងៗទៀត ជូនដល់សាលារៀន មន្ទីរពេទ្យបង្អែក សិស្ស-និស្សិត ក្មេងកំព្រា លោកតាស៊ីក្លូ ជាពិសេសគ្រួសារ និងជនដែលជួបការលំបាកក្នុងជីវភាពរាប់រយគ្រួសារ ដែលបានទទួលការឧបត្ថម្ភទាំងថវិកា និងសម្ភារៈពីសប្បុរសជនដៃគូរសហការ៕ អត្ថបទ ៖ បូរ៉ាវី

កម្ពុជា​សង្ឃឹមថា នឹង​ដណ្ដើម​បាន​ម្កុដ​​បវរកញ្ញា​ចក្រវាល​នៅ​អាម៉េរិក​

2021/04/27 02:59:58 am        253
​ភ្នំពេញ៖ កញ្ញា រ៉េត សារី​តា បង្ហាញ​ជំនឿ​ចិត្ត នឹង​ការ​ខំប្រឹង​ដើម្បី​ដណ្តើម​មកុដ​បវរកញ្ញា​ចក្រ​វា​ឡ​លើ​ឆាក​អន្តរជាតិ​ក្នុង​ពេល​ឆាប់ៗ​នេះ​។​​កាន់តែ​ខិត​ជិត​មកដល់​ហើយ សម្រាប់​ការប្រកួត​បវរកញ្ញា​ពិភពលោក miss universe international ២០២០ ដែល​នឹងត្រូវ​ប្រព្រឹត្ត​ឡើងលើ​ទឹកដី​សហរដ្ឋអាមេរិក​នា​ពេល​ដ៏​ខ្លី​ខាងមុខនេះ​។ សម្រាប់​ឆ្នាំនេះ​វិញ កម្ពុជា​ក៏បាន​ត្រៀម​បញ្ជូន​បេក្ខនារី ទៅ​ចូលរួម​ប្រកួត​ផងដែរ ហើយ​សម្រាប់​បេក្ខភាព​តំណាង​កម្ពុជា​រូប​នោះ គឺ​កញ្ញា រ៉េត សារី​តា ម្ចាស់​ម្កុដ​បវរកញ្ញា​កម្ពុជា​ឆ្នាំ២០២០។ ទាក់ទង​នឹង​ដំណើរការ​ប្រកួត​បវរ​កញ្ញា​ចក្រ​វា​ឡ​ពិភពលោក btv ក៏បាន​ទាក់ទង​ទៅ​កញ្ញា សារី​តា ផ្ទាល់​ផងដែរ ដើម្បី​សាកសួរ​ពី​ដំណើរ​ការប្រកួត​ ក្នុងនោះ ​កញ្ញា​បាន​បញ្ជាក់​ថា បច្ចុប្បន្ន កម្មវិធី ប្រកួត​បាន​ចាប់​ផ្តើម​ដំណើរការ​រួចមកហើយ​ គឺ​តាំងពី​ខែមីនា​មកម្ល៉េះ ប៉ុន្តែ​ ជា​ប្រកួត​តាមរយៈ online ដោយ​ក្នុង​នោះ​មានការ​សម្ភាសន៍​ឆ្លើយ​សំនួរ ការ​បញ្ចេញ​ទេពកោសល្យ​ផ្សេង បន្ទាប់ពី​ឆ្លងកាត់​វគ្គ​ទាំងអស់នោះ​ហើយ នៅ​ចុងខែ​មេសា ឆ្នាំ២០២១ នេះ កញ្ញា​នឹងធ្វើ​ដំណើរ​ទៅ​រដ្ឋ Florida សហរដ្ឋអាមេរិក ដើម្បី​ចូលរួម​ប្រកួត​ផ្ដាច់ព្រ័ត្រ​។​​កញ្ញា សារី​តា គឺជា​ស្ត្រី ខ្មែរ​ជំនា​ន់ទី៤ ហើយ ដែល​បាន​ចូល​ប្រលង​ក្នុង​កម្មវិធី​លំដាប់​ពិភពលោក​មួយ​នេះ សារី​តា បាន​បង្ហើប​ប្រាប់​អ្នកគាំទ្រ​តាមរយៈ btv ថា សម្រាប់​ជំនឿ​ចិត្ត​ក្នុង​ការ​ដណ្តើម​ម្កុដ នោះ​កញ្ញា ពិតជា​មាន ហើយ​កញ្ញា​នឹងធ្វើ​អោយអស់​ពីស​ម្ថ​ត​ភាព ដើម្បី​ប្រទេស​កម្ពុជា​យើង ។ កញ្ញា​ក៏បាន​សង្កត់ធ្ងន់​ផង​ដែរ​ថា មាន​ប្រទេស​ប្រមាណ​ជា ជាង 70 ប្រទេស​ដែល​ចូលរួម ដូច្នេះ​បេ​ក្ខ​នារី ផ្សេងទៀត ក៏​សុ​ទ​តែមាន​ជំនឿ​ចិត្ត​ដូចគ្នា ហេតុដូចនេះ ​យើង​ពុំ​អាច​មើលស្រាល​គូរ​ប្រកួត​បានឡើយ​។ ការ​បន្ទាបខ្លួន​គឺជា​ជ័យជំនះ​ធំ​បំផុត​សម្រាប់​កញ្ញា​៕ ​អត្ថបទ៖ អាណា​​

សំបុត្រ​ទស្សនា​វគ្គ​ផ្ដាច់ព្រ័ត្រ​ពាន​សម្ដេច​តេ​ជោ ហ៊ុន សែន ចាប់ផ្ដើម​លក់​ថ្ងៃនេះ

2021/04/27 02:59:58 am        108
បាល់ទាត់៖ ​នៅសល់​រយៈពេល ៤​ថ្ងៃ​ទៀត​ប៉ុណ្ណោះ ការប្រកួត​វគ្គ​ផ្ដាច់ព្រ័ត្រ​ពានរង្វាន់​សម្ដេច​តេ​ជោ ហ៊ុន សែន លើក​ទី​១៤ (​ថ្នាក់​ជាតិ​) ឆ្នាំ​២០២០ រវាង​ក្រុម​ណាហ្គា​វើ​ល​ដ៏ និង​ក្រុម​វិសាខានឹង​មកដល់​ហើយ ពោល​គឺ​នៅ​ថ្ងៃ​ទី​៧ ខែ​វិច្ឆិកា​ចុង​សប្ដាហ៍​នេះនៅ​ពហុ​កីឡដ្ឋាន​ជាតិ។​ដោយឡែក​សំបុត្រ​ចូល​ទស្សនាការ​ប្រកួត​បញ្ចប់​រដូវ​កាល សម្រាប់​ពានរង្វាន់​ប្រើប្រាស់​តែ​កីឡាករ​ក្នុងស្រុក​នេះ គណៈកម្មការ​ប្រកួត​បា​ល់​ទាត់​ជាតិ​កម្ពុជា ​(CNCC) បាន​ប្រកាស​ចាប់ផ្ដើម​លក់​ពី​ថ្ងៃ​ទី​០៣ ខែ​វិច្ឆិកា​នេះរហូតដល់​ថ្ងៃ​ទី​០៦ ខែ​វិច្ឆិកា នៅ​ការិយាល័យ​របស់​ខ្លួន​ដោយ​រក្សា​តម្លៃ ៤,០០០​រៀល​ដដែល។​ អ្វី​ដែល​គួរ​កត់​សម្គាល់​ជុំវិញ​ការ​លក់​សំបុត្រ​នេះ​ដែរ CNCC បាន​តម្រូវ​ឲ្យ​អ្នកគាំទ្រ​ត្រូវ​ភ្ជាប់​មក​ជា​មួយ​នូវ​អត្តសញ្ញាណប័ណ្ណ ឬ​ប័ណ្ណ​សម្គាល់​ខ្លួន​ទើប​អាច​ទិញ​សំបុត្រ​បាន។ ការ​ធ្វើ​បែប​នេះ​គឺ​ដើម្បី​ងាយស្រួល​ក្នុង​ការ​គ្រប់គ្រង ក្នុង​ន័យ​ចូលរួម​យុទ្ធនាការ​ទប់ស្កាត់​ការ​រីក​រាល​ជំងឺ​កូ​វីត​–១៩ ក្នុង​សហគមន៍ ស្របតាម​ការណែនាំ​របស់​ក្រសួងសុខាភិបាល។​ក្រឡេក​មក​ចាប់អារម្មណ៍ការប្រកួត​វគ្គ​ផ្ដាច់ព្រ័ត្រ​វិញ ណាហ្គា​វើ​ល​ដ៏ និង​វិសាខានឹង​ត្រូវ​ជួប​គ្នា​នា​វេលា​ម៉ោង ៦​ល្ងាច ក្នុងនាម​បេក្ខភាព​ដណ្ដើម​ជើងឯក​ពានរង្វាន់​សម្ដេច​តេ​ជោ ហ៊ុន សែន ឆ្នាំ​២០២០។ ប៉ុន្តែ​មុន​ឈាន​ដល់​ការប្រកួត​វគ្គ​ផ្ដាច់ព្រ័ត្រក៏​មាន​គូ​ជក់ចិត្ត​រវាង​ក្រុម​ភ្នំពេញ​ក្រោ​ន និង​ខេត្ត​ព្រៃវែងដើម្បី​ដណ្ដើម​ចំណាត់ថ្នាក់​លេខ​៣ ផង​ដែរ។ ការប្រកួត​វគ្គ​ផ្ដាច់ព្រ័ត្រ​នេះ​នឹង​មាន​ផ្សាយ​ផ្ទាល់​លើ​កញ្ចក់​ទូរទស្សន៍ BTV-News៕​អត្ថបទ៖ លី ឈុន​ឡា

កីឡាករ​បំរុង Rashford​ ស៊ុត Hat-Trick ខណៈ Manchester United បំបាក់ RB Leipzig ៥-០

2021/04/27 02:59:58 am        113
​បាល់ទាត់៖ ​ខ្សែប្រយុទ្ធ​អង់គ្លេស Marcus Rashford ត្រឹម​ជា​កីឡាករ​បំរុង​រកបាន​ ៣​គ្រាប់​ម្នាក់ឯង​ក្នុង​ជ័យជំនះ​របស់ Manchester United ៥–០ លើ​ក្រុម​ភ្ញៀវ​អាល្លឺម៉ង់ RB Leipzig​។ ​Mason Greenwood ជា​អ្នក​បើក​ការ​នាំ​មុខ​នៅ​នាទី​ទី​២១ ខណៈ​គ្រាប់​ដែល​នៅសល់​សុទ្ធតែ​សំរេច​នៅ​វគ្គ​ទី​២​។​​កីឡាករ​អង់គ្លេស Rashford ​ត្រូវ​បាន​ផ្លាស់ប្ដូរ​ចូល​អំឡុង​នាទី​ទី​៦០ ក៏​រក​បាន ២​គ្រាប់​ផ្ទួនៗ​នៅ​នាទី​ទី​៧៤ និង​៧៨ មុន​ពេល​ដែល Anthony Martial ស៊ុត​បាល់​ពិន័យ ១១ម៉ែត្រ​នៅ​នាទី​ទី៨៧ ហើយ Rashford​ ដដែល​ក៏​រក​បាន Hat-Trick នៅ​ចុង​ម៉ោង​នាទី​ទី​៩០+២​។ ​នេះ​ជា​ជ័យជំនះ​ ២​ប្រកួត​ជាប់​គ្នា​ហើយសំរាប់ Manchester United ដើម្បី​ឈរ​លើ​គេ​ក្នុង​ពូ​ល H មាន ៦ពិន្ទុ​ពេញ ​ស្រប​ពេល PSG ឈរ​លេខ២ មាន ៣ពិន្ទុ​ក្រោយ​ឈ្នះ​នៅ​ទឹកដី Istanbul Basaksehir ២–០​។​​ងាក​ទៅ​ជំនួប​រវាង Juventus​ និង Barcelona នៅ​ទីក្រុង Turin ប្រទេស​អ៊ីតាលី​ជា​ការ​ប្រកួត​ក្នុង​ពូ​ល G​។ ​​Juventus​ ដែល​បន្ត​គ្មាន Cristiano Ronaldo ដែល​នៅ​មិនទាន់​ជា​ពី Covid-19 នោះ​បាន​រង​បរាជ័យ​ក្នុង​ទឹកដី​ខ្លួនឯង ​ក្រោម​ថ្វី​ជើង​ក្រុម​ភ្ញៀវ​អេ​ស្ប៉ា​ញ ២–០​។ ​Ousmane Dembele​ ជា​អ្នករក​គ្រាប់​បាល់​នាំមុខ​នៅ​នាទី​ទី១៤ ខណៈ​គ្រាប់​ទី២ ​ត្រូវ​រង់ចាំ​ដល់​ចុង​ម៉ោង​ដោយ​ពិន័យ ១១ម៉ែត្រ​របស់ Lionel Messi​ ក្រោយ​កំហុស​របស់​ខ្សែ​ការពារ Juventus ​លើ Ansu Fati​។ ​Barcelona ចាប់ផ្ដើម ២ប្រកួត​ដំបូង​ឈ្នះ​ទាំង២ មាន ៦ពិន្ទុ​ឈរ​លើ​គេ​ក្នុង​ពូ​ល G ខណៈ Juventus​ លេខ២ មាន ៣ពិន្ទុ ឯ​លេខ៣ និងលេខ៤ គឺ Dynamo Kyiv និង Ferencvarosi​ ដែល​ស្មើគ្នា ១–១ យប់មិញ​៕​អត្ថបទ​៖​នាង សុភា​វុ​ធ

បណ្ដាញសង្គម

ព័ត៌មានថ្មីៗ

ចិនប្ដេជ្ញាធ្វើឱ្យគម្រោងព្រែកជីកហ្វូណនតេជោ ចេញរូបរាងឱ្យបានឆាប់
03/28/2024 07:03 PM
កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G
03/28/2024 07:03 PM
ឯកឧត្តមបណ្ឌិត លី ធុជ ដឹកនាំកិច្ចប្រជុំលើកទី៣ ឆ្នាំ២០២៤ ដើម្បីពិនិត្យឡើងវិញនូវដំណើរការនៃការអនុវត្តអនុសញ្ញាអូតាវ៉ា
03/28/2024 06:03 PM
អ្នកប្រឆាំង «ក្រុមអាវក្រហម» របស់ថៃ ដែលជាអតីតអ្នកនាំពាក្យរបស់លោក ថាក់ស៊ីន ត្រូវឃុំខ្លួន ពេលវិលពីនិរទេសខ្លួនវិញ
03/28/2024 06:03 PM
ទារកប៉ាឡេស្ទីន បានទទួលរងកង្វះខាតអាហារូបត្ថម្ភធ្ងន់ធ្ងរនៅតំបន់ហ្កាហ្សាស្រ្ទីប
03/28/2024 06:03 PM
រដ្ឋមន្រ្តីការបរទេសអ៊ុយក្រែនបំពេញទស្សនកិច្ចនៅឥណ្ឌាដើម្បីបង្កើនការគាំទ្រសម្រាប់ផែនការសន្តិភាព
03/28/2024 06:03 PM
មន្ត្រីយកបានប្រអប់ខ្មៅរបស់នាវាដែលមានគ្រោះថ្នាក់ នៅ Baltimore
03/28/2024 06:03 PM
អារ៉ាប់រួមបរិច្ចាកអាហារសល់ដល់អ្នកដែលត្រូវការ ដើម្បីកាត់បន្ថយការសំណល់អំឡុងពិធីបុណ្យរ៉ាម៉ាដាន
03/28/2024 06:03 PM
ក្រសួងអភិវឌ្ឍន៍ជនបទបាននឹងកំពុងស្ថាបនាផ្លូវជនបទជាបន្តបន្ទាប់ដើម្បីផ្តល់ប្រយោជន៍ក្នុងសង្គម
03/28/2024 06:03 PM
ទីភ្នាក់ងារបារាំងសម្រាប់អភិវឌ្ឍន៍ (AFD) នៃប្រទេសបារាំង កោតសរសើរចំពោះវឌ្ឍនភាពក្នុងវិស័យសន្តិសុខសង្គម របស់កម្ពុជា
03/28/2024 05:03 PM