BTV NEWS

ជនជាតិចិន ១៦៤នាក់ពាក់ទៀត ព័ន្ធករណី Online Scams ត្រូវបានបណ្ដេញចេញពីកម្ពុជា

អាជ្ញាធរស្រុកឈូកព្រមានអាជីវករឱ្យបញ្ឈប់ការទិញលក់ទំនិញនាំចូលពីថៃ

អាជ្ញាធររាជធានីភ្នំពេញ បន្តបោសសម្អាតបទល្មើសឆបោកតាមប្រព័ន្ធបច្ចេកវិទ្យា ដោយបានរកឃើញមួយទីតាំងទៀត នៅខណ្ឌ៧មករា

អភិបាលខេត្តកណ្ដាលបានអំពាវនាវឱ្យបញ្ឈប់ការប្រេីប្រាស់ ឬបញ្ឈប់លក់បន្តប្រហិតហតដករបស់ក្រុមហ៊ុន TSP

សន្តិសុខ និង សង្គម

កងកម្លាំងការពារអ៊ីស្រាអែល៖ ការពួនស្ទាក់វាយប្រហារ បានសម្លាប់ទាហានអ៊ីស្រាអែល ជាច្រើននាក់ នៅទីក្រុងហ្កាហ្សា

ប្រព័ន្ធផ្សព្វផ្សាយអ៊ីស្រាអែល បានរាយការណ៍កាលពីថ្ងៃពុធថា យ៉ាងហោចណាស់ទាហានអ៊ីស្រាអែល ៩នាក់ ត្រូវបានសម្លាប់ ក្នុងអំឡុងពេលការពួនស្ទាក់វាយប្រហារ នៅក្នុងទីក្រុងហ្កាហ្សា។ ការវាយប្រហារដ៏គួរឲ្យភ្ញាក់ផ្អើលនេះ កើតឡើង ខណៈកងកម្លាំងអ៊ីស្រាអែល បន្តការវាយលុកជើងគោករបស់ពួកគេប្រឆាំងនឹងក្រុមហាម៉ាស នៅតំបន់ហ្កាហ្សា។កងទ័ពជើងគោកអ៊ីស្រាអែល នៅតែជាប់ក្នុងការប្រយុទ្ធដ៏ខ្លាំងក្លាជាមួយយុទ្ធជនប៉ាឡេស្ទីន នៅក្នុងនិងជុំវិញទីក្រុងហ្កាហ្សា រយៈពេលច្រើនជាង៦សប្តាហ៍ បន្ទាប់ពីទាហាន បានលុកលុយភាគខាងជើង។ក្រុមអ្នកស្រុក បាននិយាយថា ការប៉ះទង្គិចគ្នា បានកើតឡើងពេញមួយយប់ និងឈានចូលថ្ងៃពុធ នៅក្នុងតំបន់ជាច្រើន ជាមួយនឹងការប្រយុទ្ធគ្នាយ៉ាងខ្លាំង នៅក្នុងទីក្រុងស៊ីចៃយ៉ា (Shijaiyah)។ប្រព័ន្ធផ្សព្វផ្សាយអ៊ីស្រាអែល បាននិយាយថា ការវាយឆ្មក់ដ៏សាហាវនេះ បានកើតឡើងនៅក្នុងសង្កាត់ ស៊ីចៃយ៉ានៃទីក្រុងហ្កាហ្សាពាក់ព័ន្ធនឹងការបាញ់កាំភ្លើង និងការផ្ទុះជាច្រើនគ្រាប់។ សង្កាត់ដែលប្រជាជនច្រើនដូចគ្នានេះ គឺជាកន្លែងនៃសមរភូមិប្រយុទ្ធដ៏ធំបំផុតមួយនៃសង្គ្រាមមុនមួយ នៅតំបន់ហ្កាហ្សា។យោធាអ៊ីស្រាអែល បាននិយាយថា ទាហានសរុបចំនួន៨នាក់ ត្រូវបានសម្លាប់កាលពីថ្ងៃអង្គារ ហើយបានកំណត់អត្តសញ្ញាណថាជាទាហានដែលបានស្លាប់ក្នុងសមរភូមិ។ អ្នកស្លាប់រួមមានទាហានមានវ័យអាយុ១៩ឆ្នាំ ហើយក្រៅពីនេះ ពួកគេមានវ័យខ្ទង់២០ឆ្នាំ និង៣០ឆ្នាំ។

អ៊ីស្រាអែល រងការបាត់បង់ច្រើននៅតំបន់ហ្កាហ្សាចាប់តាំងពីខែតុលាមក ខណៈភាពឯកោផ្នែកការទូតកើនឡើង

កាលពីថ្ងៃពុធ ប្រទេសអ៊ីស្រាអែល បានប្រកាសពីការបាត់បង់ក្នុងការប្រយុទ្ធដ៏អាក្រក់បំផុតរបស់ខ្លួន ក្នុងរយៈពេលជាងមួយខែមកនេះ បន្ទាប់ពីការវាយឆ្មក់ក្នុងការបំផ្លាញនៅតំបន់ហ្កាហ្សា និងបានប្រឈមមុខភាពឯកោផ្នែកការទូតកាន់តែខ្លាំងឡើង ខណៈការស្លាប់របស់ជនស៊ីវិលបានកើនឡើង ហើយមហន្តរាយមនុស្សធម៌កាន់តែធ្ងន់ធ្ងរនៅក្នុងដែនដីប៉ាឡេស្ទីន។ ការប្រយុទ្ធគ្នាយ៉ាងខ្លាំង កំពុងបន្តកើតឡើងនៅទាំងភាគខាងជើង និងខាងត្បូងតំបន់ហ្កាហ្សា មួយថ្ងៃបន្ទាប់ពីអង្គការសហប្រជាជាតិ ទាមទារឲ្យមានបទឈប់បាញ់មនុស្សធម៌ជាបន្ទាន់។ ប្រធានាធិបតីសហរដ្ឋអាមេរិក លោក Joe Biden បាននិយាយថា ការទម្លាក់គ្រាប់បែកមិនរើសអើងរបស់អ៊ីស្រាអែល ទៅលើជនស៊ីវិល កំពុងធ្វើឱ្យមានការបាត់បង់ការគាំទ្រពីអន្តរជាតិ។ នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយថា យោធានឹងប្រយុទ្ធបន្ត ទោះបីជាមានសម្ពាធពីអន្តរជាតិសម្រាប់បទឈប់បាញ់ក៏ដោយ។ លោកបានប្រាប់ទាហាននៅតំបន់ហ្កាហ្សាតាមវិទ្យុថា យើងនឹងបន្តរហូតដល់ទីបញ្ចប់ រហូតដល់ទទួលជ័យជម្នះ រហូតដល់ក្រុមហាម៉ាសត្រូវបានកម្ទេច។ លោកនិយាយបែបនេះនៅចំពោះមុខការឈឺចាប់យ៉ាងខ្លាំង ប៉ុន្តែក៏ប្រឈមមុខទៅនឹងសម្ពាធអន្តរជាតិផងដែរ ប៉ុន្តែគ្មានអ្វីអាចបញ្ឈប់យើងបានឡើយ។ យោធាបាននិយាយថា ការស្លាប់ភាគច្រើន បានកើតឡើងនៅក្នុងសង្កាត់ Shejaia ទីក្រុងហ្កាហ្សា ភាគខាងជើង ជាកន្លែងកងទ័ពត្រូវបានគេវាយឆ្មក់ ខណៈកំពុងព្យាយាមជួយសង្គ្រោះទាហានមួយក្រុមផ្សេងទៀត ដែលបានវាយប្រហារលើអ្នកប្រយុទ្ធក្រុមហាម៉ាសនៅក្នុងអគារមួយ។ មន្ត្រីយោធាអ៊ីស្រាអែលម្នាក់បាននិយាយថា អ៊ីស្រាអែលបានបាត់បង់ធ្ងន់ធ្ងរក្នុងឧបទ្ទវហេតុនេះ។ ក្រុមហាម៉ាស និយាយថា វគ្គនេះបានបង្ហាញថា កងកម្លាំងអ៊ីស្រាអែលមិនអាចកម្ចាត់តំបន់ហ្កាហ្សាបានទេ «អ្នកនៅ ទីនោះកាន់តែយូរ ការស្លាប់និងការបាត់បង់របស់អ្នកនឹងកាន់តែច្រើន»។ ក្នុងសុន្ទរកថាតាមទូរទស្សន៍ មេបញ្ជាការក្រុមហាម៉ាស លោក Ismail Haniyeh បាននិយាយថាការរៀបចំអនាគតណាមួយ នៅតំបន់ហ្កាហ្សាដោយគ្មានក្រុមហាម៉ាស គឺជាការបោកប្រាស់។

អ៊ីស្រាអែលនិយាយថា រថយន្តជំនួយជិត ២០០គ្រឿងកំពុងធ្វើដំណើរទៅហ្កាហ្សា តាមច្រកឆ្លងកាត់ថ្មី

ទីភ្នាក់ងារអ៊ីស្រាអែលសម្រាប់ការសម្របសម្រួលជនស៊ីវិលជាមួយប៉ាឡេស្ទីន (COGAT) បានចេញផ្សាយវីដេអូតាមរយៈបណ្ដាញសង្គម X កាលពីថ្ងៃអង្គារ (១២ ធ្នូ) ដោយនិយាយថា រថយន្តជំនួយជាច្រើនគ្រឿងកំពុងត្រូវបានត្រួតពិនិត្យ និងផ្ទេរទៅកាន់តំបន់ហ្កាហ្សា។យោងទៅតាមទីភ្នាក់ងារអ៊ីស្រាអែល COGAT បានឲ្យដឹងថារថយន្តជំនួយចំនួន ១៩៧គ្រឿងត្រូវបានពិនិត្យ និងតម្រង់ឆ្ពោះទៅកាន់តំបន់ហ្កាហ្សា តាមច្រកឆ្លងកាត់ថ្មី កេរឹម សាលូម (Kerem Shalom)។ ទីភ្នាក់ងារនេះបាននិយាយថា រថយន្តដឹកទំនិញចំនួន ១១៧គ្រឿងក្នុងចំណោមរថយន្តទាំងនោះត្រូវបានត្រួតពិនិត្យនៅច្រក នីតហ្ស៊ាណា (Nitzana) និងរថយន្តចំនួន ៨០គ្រឿងត្រូវបានត្រួតពិនិត្យនៅច្រក កេរឹម សាលូម។ដំណើរការថ្មីសម្រាប់ត្រួតពិនិត្យជំនួយសម្រាប់តំបន់ហ្កាហ្សា នៅច្រកឆ្លងកាត់ កេរឹម សាលូម កំពុងត្រូវបានសាកល្បង ប៉ុន្តែកិច្ចខិតខំប្រឹងប្រែងដើម្បីទទួលបានការអនុញ្ញាតសម្រាប់រថយន្តដឹកទំនិញឆ្លងកាត់ និងបង្កើនការផ្តល់ជំនួយសង្គ្រោះនៅតែកំពុងដំណើរការ នេះបើយោងតាមមន្ត្រីជាន់ខ្ពស់អង្គការសហប្រជាជាតិម្នាក់បានប្រាប់សារព័ត៌មានរ៉យទ័រ កាលពីថ្ងៃសៅរ៍។នៅក្រោមប្រព័ន្ធថ្មី រថយន្តដឹកទំនិញនឹងទៅដល់ច្រក កេរឹម សាលូម នៅតាមព្រំដែនរវាងអ៊ីស្រាអែល ហ្កាហ្សា និងអេហ្ស៊ីប ជាលើកដំបូងពីប្រទេសហ្ស៊កដានី មុនពេលចូលតំបន់ហ្កាហ្សា ពីទីក្រុងព្រំដែនរ៉ាហ្វាហ្វ៕

ក្រុមអ្នកតវ៉ាប្រឆាំង នឹងឥន្ធនៈហ្វូស៊ីល ជំរុញឱ្យមានការបញ្ឈប់ជាបន្ទាន់ ខណៈកិច្ចពិភាក្សា COP28 បន្ថែមម៉ោង

ក្រុមអ្នកតវ៉ាប្រឆាំងនឹងឥន្ធនៈហ្វូស៊ីលបានធ្វើបាតុកម្មនៅពេលល្ងាចនៅឯកិច្ចប្រជុំ COP28 កាលពីថ្ងៃអង្គារ (១២ ធ្នូ) ខណៈដែលកិច្ចពិភាក្សាស្តីពីអាកាសធាតុបានឈានទៅដល់ការបន្ថែមម៉ោង ដោយប្រទេសនានាព្យាយាមស្វែងរកសេចក្តីព្រាងកិច្ចព្រមព្រៀងថ្មីមួយស្តីពីការបញ្ចប់ការប្រើប្រាស់ប្រេង និងឧស្ម័នរបស់ពិភពលោក។ក្រុមបាតុករដែលបានកាន់ផ្លាកសញ្ញាសរសេរថា «បញ្ចប់យុគសម័យហ្វូស៊ីល» បានប្រមូលផ្តុំគ្នាតវ៉ា រយៈពេលមួយថ្ងៃបន្ទាប់ពីសេចក្តីព្រាងអត្ថបទសម្រាប់កិច្ចព្រមព្រៀងមួយត្រូវបានចេញផ្សាយ ដែលត្រូវបានរិះគន់ដោយប្រទេសជាច្រើនចំពោះការខកខានក្នុងការអំពាវនាវឱ្យមានការ «ឈប់ប្រើប្រាស់» ប្រេង ឧស្ម័ននិងធ្យូងថ្ម។ សកម្មជនអាកាសធាតុមកពីប្រទេសកោះសាម័រ លោក ឡុងហ្គី តួឡាហ្វូ (Longi Taulafo) បាននិយាយថា បើមិនមានការឈប់ប្រើប្រាស់ឥន្ធនៈហ្វូស៊ីលត្រូវសរសេរនៅក្នុងកិច្ចព្រមព្រៀងទេ នោះមានន័យថា មានហានិភ័យខ្លាំងណាស់សម្រាប់ប្រទេសរបស់លោក និងប្រទេសកោះតូចៗផ្សេងទៀត។ក្រុមប្រេសិតមកពីប្រទេសជិត ២០០ នៅឯកិច្ចប្រជុំកំពូលឌុយបៃនេះកំពុងព្យាយាមយល់ព្រមលើផែនការសកម្មភាពជាសកលដើម្បីកាត់បន្ថយបម្រែបម្រួលអាកាសធាតុឱ្យបានលឿនគ្រប់គ្រាន់ ដើម្បីទប់ស្កាត់គ្រោះទឹកជំនន់ កម្ដៅដ៏គ្រោះថ្នាក់ និងការផ្លាស់ប្តូរដែលមិនអាចត្រឡប់វិញបានចំពោះប្រព័ន្ធអេកូឡូស៊ីរបស់ពិភពលោក៕

កិច្ចព្រមព្រៀងពង្រៀងកិច្ចប្រជុំអាកាសធាតុ COP28 អំពាវនាវសម្រាប់អន្តរកាលសកលចេញពីឥន្ធនៈហ្វូស៊ីល

សេចក្តីព្រាងកិច្ចព្រមព្រៀងអាកាសធាតុថ្មី ដែលត្រូវបានចេញផ្សាយនៅក្នុងកិច្ចប្រជុំកំពូលអាកាសធាតុ Cop28 នៅប្រទេសអារ៉ាប់រួម ជាលើកដំបូង បានអំពាវនាវយ៉ាងច្បាស់ដល់ប្រទេសនានាឱ្យផ្លាស់ប្តូរចេញ ពីឥន្ធនៈហ្វូស៊ីល ដើម្បីបញ្ចៀសផលប៉ះពាល់ធ្ងន់ធ្ងរបំផុតនៃវិបត្តិអាកាសធាតុ។ ប៉ុន្តែឯកសារដែលបានស្នើឡើងចុងក្រោយ ចេញផ្សាយដោយប្រធានកិច្ចប្រជុំ COP លោកSultan Al Jaber នៅព្រឹកថ្ងៃពុធនេះ ពុំបានរួមបញ្ចូលការប្តេជ្ញាចិត្តច្បាស់លាស់ដើម្បីបញ្ឈប់ ឬកាត់បន្ថយជាបន្តបន្ទាប់ឥន្ធនៈហ្វូស៊ីល ដូចដែលប្រទេសជាច្រើន ក្រុមសង្គមស៊ីវិល និងអ្នកវិទ្យាសាស្ត្រ បានទទូចសុំនោះទេ។ ឯកសារបានអំពាវនាវឱ្យប្រទេសនានា រួមចំណែកដល់កិច្ចខិតខំប្រឹងប្រែងជាសកលក្នុងការផ្លាស់ប្តូរចេញឆ្ងាយពីឥន្ធនៈហ្វូស៊ីល នៅក្នុងប្រព័ន្ធថាមពល ក្នុងលក្ខណៈត្រឹមត្រូវ មានសណ្តាប់ធ្នាប់ និងដោយស្មើភាព បង្កើនល្បឿនសកម្មភាពក្នុងទសវត្សរ៍ដ៏សំខាន់នេះ ដើម្បីសម្រេចបានដល់ចំណុចសូន្យ ត្រឹមឆ្នាំ២០៥០ ស្របតាមវិទ្យាសាស្ត្រ។ ការចេញផ្សាយការសម្របសម្រួលដែលបានស្នើឡើង កើតមានឡើងបន្ទាប់ពីការចរចារយៈពេល ៣៦ ម៉ោងពេញ បន្ទាប់ពីលោក Al Jaber បានចេញផ្សាយសេចក្តីព្រាងមួយដែលត្រូវបានច្រានចោលដោយប្រទេសអ្នកមាន និងប្រទេសក្រីក្រ ជាអ្នកដែលបានចាត់ទុកថាវាមិនគ្រប់គ្រាន់ទាំងស្រុងនោះទេ មិនស៊ីសង្វាក់គ្នា និងជាបញ្ជាក់ពីការស្លាប់សម្រាប់ប្រទេសងាយរងគ្រោះ និងមានបញ្ហាច្រើន។ សំណើថ្មីនេះ បាននិយាយថា ប្រទេសនានាបានទទួលស្គាល់ «តម្រូវការសម្រាប់ការកាត់បន្ថយដ៏ស៊ីជម្រៅ ឆាប់រហ័ស និងប្រកបដោយនិរន្តរភាព ក្នុងការបំភាយឧស្ម័នផ្ទះកញ្ចក់ ស្របតាមមធ្យោបាយកម្រិត ១,៥អង្សាសេ។ ឯកសារក៏បានអំពាវនាវឱ្យមានការបង្កើនសមត្ថភាពបីដងនៃថាមពលកកើតឡើងវិញជាសកលនៅត្រឹមឆ្នាំ ២០៣០ និងបាននិយាយជាថ្មីនូវភាសាដែលបានព្រមព្រៀងគ្នាកាលពីពេលមុនថា ពួកគេនឹងពន្លឿនកិច្ចប្រឹងប្រែង «ឆ្ពោះទៅរកដំណាក់កាលកាត់បន្ថយជាបន្តបន្ទាប់នៃថាមពលធ្យូងថ្ម។ សេចក្តីព្រាងនេះ គឺចង់ឆ្លុះបង្ហាញពីទស្សនៈឯកភាពគ្នារបស់ប្រទេសជិត២០០ ដែលបានប្រជុំគ្នានៅក្នុងសន្និសីទនៅទីក្រុងឌូបៃ ជាកន្លែងដែលរដ្ឋាភិបាលជាច្រើន បានទទូចខ្លាំងៗ ដើម្បីបង្ហាញសញ្ញាពីការបញ្ចប់ជាយថាហេតុនៃយុគសម័យឥន្ធនៈហ្វូស៊ីល ប្រឆាំងការតវ៉ាពីប្រទេសអារ៉ាប៊ីសាអូឌីត និងសមាជិកនៃប្រទេសផលិតប្រេងនៅក្នុងក្រុម OPEC ។

ទីភ្នាក់ងារប្រឆាំងភេរវកម្មហូឡង់ បានបង្កើនការព្រមានអំពីការគំរាមកំហែងថ្នាក់ជាតិ ដល់កម្រិតខ្ពស់បំផុតទី២

ទីភ្នាក់ងារប្រឆាំងភេរវកម្មរបស់ប្រទេសហូឡង់កាលពីថ្ងៃអង្គារ បានបង្កើនការព្រមានអំពីការគំរាមកំហែងរបស់ប្រទេសនេះ ដល់កម្រិតខ្ពស់បំផុតទី២របស់ខ្លួន ដោយនិយាយថា លទ្ធភាពនៃការវាយប្រហារ នៅក្នុងប្រទេសនៅពេលបច្ចុប្បន្នគឺ«ច្រើនណាស់»។សេចក្តីប្រកាសនេះ គឺជាលើកទី១ ដែលការគំរាមកំហែង មានកម្រិតខ្ពស់ ចាប់តាំងពីចុងឆ្នាំ ២០១៩ ហើយបានកើតឡើងមួយសប្តាហ៍ បន្ទាប់ពីស្នងការទទួលបន្ទុកកិច្ចការផ្ទៃក្នុងរបស់សហភាពអឺរ៉ុប លោកស្រី Ylva Johansson បានព្រមានថា ទ្វីបនេះ ប្រឈមមុខនឹង«ហានិភ័យដ៏ធំនៃការវាយប្រហារភេរវកម្ម» ក្នុងអំឡុងពេលបុណ្យណូអែល ដោយសារការរាលដាលពីសង្រ្គាមរវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីនហាម៉ាស។អ្នកសម្របសម្រួលជាតិរបស់ប្រទេសហូឡង់សម្រាប់ការប្រឆាំងភេរវកម្ម និងសន្តិសុខ ក៏បាននិយាយនៅក្នុងការវាយតម្លៃការគំរាមកំហែងរបស់ខ្លួនថា៖«ជម្លោះដ៏ហិង្សានៅអ៊ីស្រាអែល និងទឹកដីប៉ាឡេស្ទីន ការប្រមាថមើលងាយគម្ពីរកូរ៉ាន នៅក្នុងប្រទេសផ្សេងៗនៅអឺរ៉ុប និងការអំពាវនាវឲ្យមានការវាយប្រហារពីអង្គការភេរវករ បានបង្កើនការគំរាមកំហែងពីក្រុមជីហាដនិយម»។របាយការណ៍នេះ បានលើកឡើងពីការវាយប្រហារនាពេលថ្មីៗនេះ នៅក្នុងប្រទេសអ៊ឺរ៉ុបក្បែរនោះ និងការចាប់ខ្លួនជនសង្ស័យភេរវកម្ម នៅក្នុងប្រទេសហូឡង់ និងប្រទេសជិតខាង ដែលជាហេតុផលសម្រាប់បង្កើនកម្រិតគំរាមកំហែង។ វាបានបន្ថែមថា៖«ការគំរាមកំហែងពីលទ្ធិជ្រុលនិយមស្តាំនិយម និងលទ្ធិជ្រុលនិយមប្រឆាំងស្ថាប័ន នៅតែមិនមានការថយចុះ»។

មនុស្សរាប់សិបនាក់រងរបួសនៅទីក្រុងគីវ ក្នុងការវាយលុកដោយមីស៊ីលលើកទី២ របស់រុស្ស៊ី នៅសប្តាហ៍នេះ

មន្ត្រីអ៊ុយក្រែន បាននិយាយនៅថ្ងៃពុធនេះថា ការវាយប្រហារដោយមីស៊ីលលើកទីពីររបស់រុស្ស៊ីលើទីក្រុងគីវ ក្នុងសប្តាហ៍នេះ បានបណ្តាលមនុស្សយ៉ាងហោចណាស់ ៣៤ នាក់រងរបួស និងបានបំផ្លាញលំនៅឋានច្រើនខ្នងនិងមន្ទីរពេទ្យកុមារមួយកន្លែង ខណៈប្រធានាធិបតីអ៊ុយក្រែន លោក Volodymyr Zelenskiy នៅទីក្រុងវ៉ាស៊ីនតោន បានអង្វរសុំជំនួយបន្ថែមទៀតសម្រាប់ប្រទេសរបស់លោក។ លោក Serhiy Popko ប្រធានរដ្ឋបាលយោធារបស់ទីក្រុងគីវ បាននិយាយនៅលើកម្មវិធីផ្ញើសារ Telegram ថា ប្រព័ន្ធការពារដែនអាកាសរបស់ប្រទេសអ៊ុយក្រែន បានបាញ់ទម្លាក់រាល់មីស៊ីលទាំងអស់ដែលដាក់គោលដៅទៅលើរដ្ឋធានី។ ក្រុមមន្ត្រីបាននិយាយថា ការធ្លាក់កម្ទេចកម្ទី បានបណ្តាលឱ្យរងរបួស និងបានបំផ្លាញសង្កាត់ចំនួន ៣ នៅទីក្រុង Kyiv នៅផ្នែកខាងកើតទន្លេ Dnipro ដែលកាត់ផ្តាច់ការឆ្លងកាត់រដ្ឋធានី។ លោក Popko បាននិយាយថា មនុស្ស ១៥ នាក់ រួមមានកុមារ ៤ នាក់ ត្រូវបានជម្លៀសចេញពីអគារលំនៅឋានមួយកន្លែងនៅក្នុងសង្កាត់ Dniprovskyi បន្ទាប់ពីកម្ទេចកម្ទីបានធ្លាក់លើអគារ និងលើរថយន្តនៅក្បែរនោះ បណ្តាលឱ្យមានអគ្គិភ័យ។អភិបាលក្រុង លោក Vitali Klitschko បាននិយាយនៅលើបណ្តាញ Telegram ថា បង្អួច និងផ្លូវចូលត្រូវបានរាយពាសពេញដោយកម្ទេចកម្ទីនៅមន្ទីរពេទ្យកុមារមួយកន្លែងក្នុងសង្កាត់ Dniprovskyi ក្នុងទីក្រុង គីវ ប៉ុន្តែផ្អែកលើការវាយតម្លៃដំបូង ពុំមានអ្នករងរបួសនោះទេ ។លោក Klitschko និយាយថា កម្ទេចកម្ទីក៏បានធ្លាក់លើអគារលំនៅឋានជាច្រើនកន្លែងក្នុងសង្កាត់ Dniprovskyi បណ្តាលឲ្យមនុស្សយ៉ាងតិច ៣៤ នាក់រងរបួស ដោយ ១៥ នាក់ត្រូវបានបញ្ជូនទៅព្យាបាល នៅមន្ទីរពេទ្យ រួមមានទាំងកុមារពីរនាក់។ ការផ្គត់ផ្គង់ទឹកនៅសង្កាត់នេះក៏ត្រូវរងការបំផ្លាញផងដែរ។ អាវុធជាក់លាក់ ដែលរុស្ស៊ីប្រើប្រាស់ក្នុងការវាយប្រហារ មិនត្រូវបានគេដឹងភ្លាមៗនោះទេ។

អាជ្ញាធរថៃ បានរឹបអូសថ្នាំញៀនមេតំហ្វេតាមីនចំនួន៥០លានគ្រាប់ នៅជិតព្រំដែនជាមួយមីយ៉ាន់ម៉ា

អាជ្ញាធរថៃ បាននិយាយថា ពួកគេ បានរឹបអូសថ្នាំញៀនមេតំហ្វេតាមីនចំនួន ៥០លានគ្រាប់ នៅជិតព្រំដែនរបស់ប្រទេសនេះជាមួយប្រទេសមីយ៉ាន់ម៉ា ដែលជាកំណត់ត្រាមួយសម្រាប់ថ្នាំញៀនមេតំហ្វេតាមីនសម្រាប់ប្រទេសថៃ និងធំជាងគេទីពីរ នៅអាស៊ី។នគរបាល បាននិយាយថា គ្រាប់ថ្នាំញៀនទាំងនេះ ត្រូវបានគេដាក់ក្នុងបាវធំៗដឹកតាមរថយន្តដឹកទំនិញមានកង់៦ ដែលត្រូវបានស្ទាក់ចាប់ដោយមន្ត្រីនគរបាល និងទាហានថៃ កាលពីថ្ងៃអង្គារ (១២ ធ្នូ) នៅឯប៉ុស្តិ៍ត្រួតពិនិត្យសន្តិសុខមួយ ក្នុងខេត្តកានចាណាប៊ូរី (Kanchanaburi) ភាគខាងលិច។ពួកគេ បានបន្ថែមថា បុរសម្នាក់ និងស្ត្រីម្នាក់ ដែលជិះនៅក្នុងរថយន្តនោះ ត្រូវបានចាប់ខ្លួន។លោក Jeremy Douglas តំណាងប្រចាំតំបន់អាស៊ីអាគ្នេយ៍នៃការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម បាននិយាយថា ទាក់ទងនឹងការបង្ក្រាបគ្រឿងញៀននៅអាស៊ី ការរឹបអូសនេះ គឺស្ថិតនៅលំដាប់ទីពីរ បន្ទាប់ពីការចាប់រឹបអូសលើកទី១ មានថ្នាំញៀនជាង ៥៥លានគ្រាប់ ក្នុងប្រទេសឡាវ នៅជិតតំបន់ត្រីកោណមាស។លោក Douglas បាននិយាយទៀតថា ក្រុមឧក្រិដ្ឋកម្មអាស៊ី ធ្វើការជាមួយកងជីវពលប្រដាប់អាវុធជនជាតិភាគតិច ដើម្បីរត់ពន្ធមេតំហ្វេតាមីន ដែលផលិតនៅរដ្ឋសាន (Shan) ភាគខាងជើងនៃប្រទេសមីយ៉ាន់ម៉ា ឆ្ពោះទៅភាគខាងត្បូង ដោយបន្ថែមថា បណ្តាញចែកចាយបានទៅដល់ប្រទេសជប៉ុន និងនូវែលសេឡង់។

ប្រភព៖ កងកម្លាំងចិន ចូលកាន់តែជិតឆ្នេរកោះតៃវ៉ាន់ ដើម្បីបំភិតបំភ័យអ្នកបោះឆ្នោត មុនការបោះឆ្នោតដ៏សំខាន់

មន្ត្រីសន្តិសុខកោះតៃវ៉ាន់បាននិយាយថា យោធារបស់តៃវ៉ាន់បានបណ្ដេញការប៉ុនប៉ងចំនួនបួនដោយកងកម្លាំងចិនដើម្បីចូលទៅជិតតំបន់ដ៏រសើបរបស់កោះនេះ កាលពីខែមុន ជាអ្វីដែលពួកគេមើលឃើញថាជាការបង្កើនយុទ្ធនាការរបស់ចិនក្នុងការបំភិតបំភ័យ អ្នកបោះឆ្នោតមុនការបោះឆ្នោតសំខាន់ៗនៅខែក្រោយ។ មន្ត្រីកោះតៃវ៉ាន់បានព្រមានដដែលៗថា ប្រទេសចិនកំពុងព្យាយាមទាក់ទាញអ្នកបោះឆ្នោតបង្វែរទៅរកបេក្ខជនដែលស្វែងរកទំនាក់ទំនងកាន់តែជិតស្និទ្ធជាមួយទីក្រុងប៉េកាំង ដែលរដ្ឋាភិបាលរបស់ពួកគេបានកំណត់ការបោះឆ្នោតជ្រើសរើសមេដឹកនាំ និងសភា នៅថ្ងៃទី១៣ ខែមករាឆ្នាំ២០២៤ ជាជម្រើសរវាង សន្តិភាព និងសង្រ្គាម ហើយបានជំរុញឱ្យតៃវ៉ាន់បង្កើតជម្រើសត្រឹមត្រូវ។ កោះតៃវ៉ាន់បានត្អូញត្អែរក្នុងអំឡុងពេលបួនឆ្នាំចុងក្រោយនៃការលុកលុយរបស់យោធាចិនជាទៀងទាត់ ខណៈទីក្រុងប៉េកាំងបង្កើនសម្ពាធផ្នែកយោធា ព្យាយាមបង្ខំកោះដែលគ្រប់គ្រងតាមបែបប្រជាធិបតេយ្យឱ្យទទួលយកអធិបតេយ្យភាពរបស់ខ្លួន។ មន្ត្រីសន្តិសុខតៃវ៉ាន់ និងអ្នកការទូតដែលមានមូលដ្ឋាននៅទីក្រុងតៃប៉ិ បាននិយាយថា ប្រទេសចិនបានបង្កើនបេសកកម្មបែបនេះ មុនពេលការបោះឆ្នោតរបស់តៃវ៉ាន់ ស្របពេលយុទ្ធនាការបានឈានទៅដល់ដំណាក់កាលខ្ពស់។ក្រសួងការពារជាតិចិន និងការិយាល័យកិច្ចការតៃវ៉ាន់ មិនបានឆ្លើយតបទៅនឹងសំណើសុំការអត្ថាធិប្បាយណាមួយបានទេ។ នៅពេលធ្វើអត្ថាធិប្បាយលើការបោះឆ្នោតកាលពីកន្លងទៅ ការិយាល័យកិច្ច ដោយការតៃវ៉ាន់បាននិយាយថា ខ្លួនគោរពប្រព័ន្ធសង្គមរបស់តៃវ៉ាន់៕

សារព័ត៌មានWSJ៖ អ៊ីស្រាអែល បានចាប់ផ្តើមបូមទឹកសមុទ្របញ្វូលទៅក្នុងបរិវេណផ្លូវរូងក្រោមដីរបស់ក្រុមហាម៉ាស

សារព័ត៌មានអាមេរិកមួយ បាននិយាយថា យោធាអ៊ីស្រាអែល បានចាប់ផ្តើមបូមទឹកសមុទ្រដាក់បញ្ចូលទៅក្នុងបរិវេណផ្លូវរូងក្រោមដីដ៏ធំរបស់ក្រុមហាម៉ាស នៅក្នុងតំបន់ហ្កាហ្សា។ សារព័ត៌មាន The Wall Street បានរាយការណ៍ពីចំណាត់ការនេះ នៅក្នុងអត្ថបទបង្ហោះតាមអនឡាញកាលពីថ្ងៃអង្គារ។ សារព័ត៌មាន បានដកស្រង់សម្តីមន្ត្រីរដ្ឋាភិបាលជាន់ខ្ពស់របស់សហរដ្ឋអាមេរិក ដោយនិយាយថា ការធ្វើឲ្យជន់លិច គឺជាផ្នែកនៃកិច្ចខិតខំប្រឹងប្រែងដ៏ខ្លាំងក្លារបស់អ៊ីស្រាអែល ក្នុងការបំផ្លាញហេដ្ឋារចនាសម្ព័ន្ធក្រោមដីដែលបានគាំទ្រដល់ប្រតិបត្តិការរបស់ក្រុមហាម៉ាស។ ដោយដកស្រង់សម្តីពីមន្ត្រីយោធាអ៊ីស្រាអែល អត្ថបទនោះបាននិយាយថា ប្រព័ន្ធផ្លូវរូងក្រោមដី ត្រូវបានប្រើប្រាស់ដោយក្រុមហាម៉ាស ដើម្បីស្តុកទុកគ្រាប់រ៉ុក្កែត និងគ្រាប់រំសេវរបស់ក្រុមនេះ ហើយអាចផ្តល់លទ្ធភាពឱ្យមេដឹកនាំរបស់ខ្លួនបញ្ជា និងគ្រប់គ្រងកងកម្លាំងរបស់ពួកគេ។ មន្ត្រីសហរដ្ឋអាមេរិក តាមសេចក្តីរាយការណ៍បាននិយាយថា ការធ្វើឲ្យជន់លិចផ្លូវរូងក្រោមដី ទំនងជាដំណើរការច្រើនសប្តាហ៍ ដោយប្រើម៉ាស៊ីនបូមទឹកចំនួន៧គ្រឿង។ ពួកគេបាននិយាយថា អ៊ីស្រាអែលនៅតែកំពុងវាយតម្លៃឧបករណ៍នៃការប្រើប្រាស់ទឹកសមុទ្រនៅក្នុងផ្លូវក្រោមដីខ្វាត់ខ្វែងដ៏ធំ ដែលលាតសន្ធឹងប្រហែល ៤៨០ គីឡូម៉ែត្រ។ អត្ថបទនេះ បាននិយាយថាមន្ត្រីមួយចំនួននៅក្នុងរដ្ឋបាលរបស់ប្រធានាធិបតីសហរដ្ឋអាមេរិកលោក Joe Biden មានការព្រួយបារម្ភថា ការប្រើប្រាស់ទឹកសមុទ្រអាចបង្កគ្រោះថ្នាក់ដល់ការផ្គត់ផ្គង់ទឹកសាបនៅតំបន់ហ្កាហ្សា។សារព័ត៌មាន ក៏បានដកស្រង់សម្តីមន្ត្រីអ៊ីស្រាអែលផងដែរ ដែលបាននិយាយថា ពួកគេជឿថាចំណាប់ថ្នូរមួយចំនួនត្រូវបានឃុំខ្លួននៅខាងក្នុងរូងក្រោមដី។ ក្នុងការឆ្លើយតបទៅនឹងសំណួរអំពីការរាយការណ៍នៅក្នុងសន្និសីទសារព័ត៌មានកាលពីថ្ងៃអង្គារ លោក Biden បាននិយាយថា មានការអះអាងត្រូវបានធ្វើឡើងថា ប្រាកដណាស់ គ្មានចំណាប់ថ្នូរនៅក្នុងផ្លូវរូងក្រោមដីណាមួយនោះទេ ប៉ុន្តែលោកមិនដឹងថាជាការពិតឬយ៉ាងណានោះទេ។

បណ្ដាញសង្គម

ព័ត៌មានថ្មីៗ

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលត្រូវបានថ្វាយ «ពានសមាជិកភាពជើងឯក» ពី OB-PS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានតែងតាំងជា ប្រធានថ្នាក់ជាតិនៃសហគមន៍ OB-PS ប្រចាំកម្ពុជា និងទទួលបាន “ពានសមាជិកភាពកិត្តិយសព្រះអង្គម្ចាស់ក្សត្រី បេណេឌិកតេ” ពីសហគមន៍ The Olave Baden-Powell Society

អ្នកស្លាប់ដោយសារការបាញ់ប្រហាររបស់អ៊ីស្រាអែល នៅហ្កាហ្សា លើស ១.០០០នាក់ហើយ តាំងពីមានបទឈប់បាញ់

សម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនិនាថ សីហនុ ត្រូវបានថ្វាយ “ពានសមាជិកភាពជើងឯក” ពីសហគមន៍ The Olave Baden-Powell Society (OB-PS)

ព្រះអង្គម្ចាស់ក្សត្រី Benedikte នៃព្រះរាជាណាចក្រដាណឺម៉ាក ផ្ញើព្រះរាជសារថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីចម្រើនព្រះជន្ម

អ្នកស្លាប់ដោយសាររញ្ជួយដី កើនឡើងដល់ ៧៨នាក់ ខណៈមនុស្ស ១,៥លាននាក់ រងប៉ះពាល់ នៅភាគខាងត្បូងហ្វីលីពីន

លោក Zelensky៖ «ទីក្រុងមូស្គូនឹងឆេះសន្ធោសន្ធៅ» ប្រសិនបើរុស្ស៊ីនៅតែបន្តការវាយប្រហារ

លោក Hegseth៖ អាមេរិកនឹងធ្វើការវាយប្រហារ និងបិទផ្លូវទឹកឡើងវិញ បើអ៊ីរ៉ង់មិនបំពេញការប្តេជ្ញាចិត្ត

ប្រធានាធិបតីអ៊ីរ៉ង់បង្ហាញមោទនភាព ក្នុងការមានកិច្ចព្រមព្រៀងជាប្រវត្តិសាស្ត្រ ជាមួយអាមេរិក

ស្វីសសាទរផែនការសន្តិភាពអាមេរិក-អ៊ីរ៉ង់ ខណៈត្រៀមខ្លួនធ្វើម្ចាស់ផ្ទះការចរចាដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877