BTV NEWS

ជនជាតិចិន ១៦៤នាក់ពាក់ទៀត ព័ន្ធករណី Online Scams ត្រូវបានបណ្ដេញចេញពីកម្ពុជា

អាជ្ញាធរស្រុកឈូកព្រមានអាជីវករឱ្យបញ្ឈប់ការទិញលក់ទំនិញនាំចូលពីថៃ

អាជ្ញាធររាជធានីភ្នំពេញ បន្តបោសសម្អាតបទល្មើសឆបោកតាមប្រព័ន្ធបច្ចេកវិទ្យា ដោយបានរកឃើញមួយទីតាំងទៀត នៅខណ្ឌ៧មករា

អភិបាលខេត្តកណ្ដាលបានអំពាវនាវឱ្យបញ្ឈប់ការប្រេីប្រាស់ ឬបញ្ឈប់លក់បន្តប្រហិតហតដករបស់ក្រុមហ៊ុន TSP

សន្តិសុខ និង សង្គម

អង្គការសុខភាពពិភពលោកតវ៉ា ក្រោយការស្លាប់អ្នកជំងឺអំឡុងបេសកកម្មសង្រ្គោះដែលត្រូវបានកងទ័ពអ៊ីស្រាអែលចាប់ឃុំខ្លួន

អង្គការសុខភាពពិភពលោកបានត្អូញត្អែរកាលពីថ្ងៃអង្គារ ១២ ធ្នូ អំពីការឃុំខ្លួនរបស់អ៊ីស្រាអែលនៃក្បួនរថយន្តសង្គ្រោះផ្នែកវេជ្ជសាស្រ្តនៅតំបន់ហ្កាហ្សាស្ទ្រីប ដោយនិយាយថាអ្នកជំងឺម្នាក់បានស្លាប់ក្នុងអំឡុងពេលជម្លៀសដោយទាហានដែលបានឃុំឃាំង និងបំពានលើបុគ្គលិកអឌ្ឍចន្ទក្រហម។នៅក្នុងការបង្ហោះនៅលើប្រព័ន្ធផ្សព្វផ្សាយសង្គម X ប្រមុខអង្គការសុខភពពិភពលោក WHO គឺលោក លោក Tedros Adhanom Ghebreyesus បាននិយាយថាបេសកកម្មដឹកនាំដោយ WHO ដើម្បីនាំយកការផ្គត់ផ្គង់ចូល និងជម្លៀសអ្នកជំងឺចេញពីមន្ទីរពេទ្យដែលដំណើរការដោយផ្នែកចុងក្រោយនៅហ្កាហ្សាភាគខាងជើង ត្រូវបានបញ្ឈប់ក្នុងទិសដៅទាំងទៅទាំងមក ដោយកងទ័ពអ៊ីស្រាអែល។ អ្នកជំងឺម្នាក់ក្នុងចំណោមអ្នករបួសធ្ងន់១៩នាក់ដែលក្រុមការងារនេះកំពុងព្យាយាមជួយសង្គ្រោះបានស្លាប់នៅតាមផ្លូវដោយសារតែការឃុំខ្លួន ។ បុគ្គលិកអឌ្ឍចន្ទក្រហមម្នាក់ត្រូវបាននាំខ្លួនចេញពីក្បួន ដោយការវាយដំនិងបង្កការរំខាន មុនពេលត្រូវបានបញ្ជូនចេញប៉ុន្មានម៉ោងក្រោយមកដោយជើង ដោយគ្មានសម្លៀកបំពាក់ និងគ្មានស្បែកជើង ដោយដៃរបស់បុគ្គលិករូបនោះនៅតែត្រូវគេចងព័ទ្ធទៅក្រោយខ្នង។ លោក Tedros បាននិយាយថា យើងមានការព្រួយបារម្ភយ៉ាងខ្លាំងអំពីការត្រួតពិនិត្យ និងការឃុំឃាំងបុគ្គលិកសុខាភិបាល ដែលធ្វើអោយជីវិតអ្នកជំងឺប្រឈមគ្នាថ្នាក់ខ្លាំងស្រាប់ស្ថិតក្នុងស្ថានភាពគ្រោះថ្នាក់។បេសកកម្មកាលពីថ្ងៃសៅរ៍បានជម្លៀសអ្នកជំងឺធ្ងន់ធ្ងរ និងការផ្គត់ផ្គង់ផ្នែកវះកាត់ដើម្បីបំពេញតម្រូវការសម្រាប់មនុស្ស ១.៥០០ នាក់នៅឯមន្ទីរពេទ្យ Al-Ahli ជាមន្ទីរពេទ្យចុងក្រោយដែលនៅតែដំណើរការដោយផ្នែកនៅពាក់កណ្តាលភាគខាងជើងនៃ តំបន់ហ្កាហ្សាស្រ្ទីប៕

ជនអន្តោប្រវេសន៍ច្រើននាក់ រង់ចាំឲ្យគេដឹកជញ្ជូនទៅកាន់មជ្ឈមណ្ឌលដំណើរការបណ្តោះអាសន្នក្នុងរដ្ឋអារីហ្សូណា

ជនអន្តោប្រវេសន៍ជាច្រើន កាលពីថ្ងៃអង្គារ បានរង់ចាំដំណើរការ និងឲ្យគេដឹកជញ្ជូនទៅកាន់មជ្ឈមណ្ឌលដំណើរការបណ្តោះអាសន្ន បន្ទាប់ពីឆ្លងកាត់ជញ្ជាំងព្រំដែននៅរដ្ឋអារីហ្សូណា ចូលទៅក្នុងសហរដ្ឋអាមេរិក ពីប្រទេសម៉ិកស៊ិក។ជនអន្តោប្រវេសន៍មកពីប្រទេសផ្សេងៗគ្នា នៅក្នុងទ្វីបអាហ្រ្វិក និងអាមេរិកឡាទីន ត្រូវបានគេមើលឃើញនៅជិតទីក្រុងព្រំដែន លូកេវីល(Lukeville) ដោយមកប្រមូលផ្តុំគ្នានៅជិតជញ្ជាំងព្រំដែន ឬដើរឆ្ពោះទៅកាន់មជ្ឈមណ្ឌលនានា។ប្រព័ន្ធផ្សព្វផ្សាយក្នុងស្រុកបានរាយការណ៍ថា ក្នុងរយៈពេលប៉ុន្មានខែថ្មីៗនេះ ទីក្រុង Lukeville មានភាពពេញនិយមក្នុងចំណោមជនអន្តោប្រវេសន៍ដែលមានបំណងឆ្លងព្រំដែនពីប្រទេសម៉ិកស៊ិក ចូលកាន់សហរដ្ឋអាមេរិក ដោយបណ្តាលឲ្យអជ្ញាធរពុំមានកម្លាំងគ្រប់គ្រាន់ក្នុងការទប់ស្កាត់។

មន្ទីរបញ្ចកោណ៖ ការវាយប្រហាររបស់ក្រុមហ៊ូធី កំពុងបង្កអស្ថិរភាព ទាមទារឲ្យមានដំណោះស្រាយអន្តរជាតិ

មន្ទីរបញ្ចកោណ បាននិយាយកាលពីថ្ងៃអង្គារថា ការវាយប្រហារដោយមីស៊ីលស៊ីបគោលដៅដោយក្រុម ហ៊ូធីនៅយេម៉ែន ទៅលើនាវាដឹកប្រេងពាណិជ្ជរបស់ប្រទេសន័រវ៉េស កំពុងបង្កអស្ថិរភាព និងទាមទារឱ្យមានដំណោះស្រាយអន្តរជាតិ។អ្នកនាំពាក្យមន្ទីរបញ្ចកោណ លោកឧត្តមសេនីយ៍ Patrick Ryder បាននិយាយនៅក្នុងសន្និសីទសារព័ត៌មានថា សកម្មភាពដែលយើងបានឃើញធ្វើឡើងដោយកងកម្លាំងហ៊ូធីទាំងនេះ កំពុងបង្កអស្ថិរភាព វាមានគ្រោះថ្នាក់ និងជាការបំពានយ៉ាងច្បាស់លើច្បាប់អន្តរជាតិ។លោក Ryder បាននិយាយថា ដូច្នេះ នេះជាបញ្ហាអន្តរជាតិ ដែលទាមទារឲ្យមានដំណោះស្រាយអន្តរជាតិ និងបាននិយាយថា រដ្ឋមន្ត្រីការពារជាតិ លោក Lloyd Austin នឹងធ្វើដំណើរទៅកាន់មជ្ឈិមបូព៌ានៅសប្តាហ៍ក្រោយ រួមទាំងទៅកាន់ប្រទេសអ៊ីស្រាអែល កាតា និងប្រទេសបារ៉ែន។ក្រុមឧទ្ទាមហ៊ូធី ដែលជាសម្ព័ន្ធមិត្តប្រទេសអ៊ីរ៉ង់ បាននិយាយកាលពីថ្ងៃអង្គារថា ពួកគេបានវាយប្រហារនាវាដឹកប្រេង STRINDA ដោយមីស៊ីល ក្នុងការតវ៉ាប្រឆាំងការទម្លាក់គ្រាប់បែករបស់អ៊ីស្រាអែលទៅលើតំបន់ហ្កាហ្សា។

ការប៉ះទង្គិចគ្នា ក្នុងសភាប្រចាំតំបន់នៅប្រទេសម៉ិកស៊ិកភាគខាងជើង

វីដេអូ បានបែកធ្លាយនៃការប៉ះទង្គិចគ្នានៅអគារសភាប្រចាំតំបន់របស់ប្រទេសម៉ិកស៊ិក ខណៈអ្នកគាំទ្រគណបក្សកាន់អំណាច បានព្យាយាមរំខានដល់ការងាររបស់សភា។ ឧបទ្ទវហេតុ ដែលបានកើតឡើង ចាប់ផ្តើម នៅពេលដែលអ្នកគាំទ្រគណបក្សនយោបាយ មូវីមៀនតូ ស៊ីអ៊ូដាដាណូ(Movimiento Ciudadano) បានបង្ខំឲ្យពួកគេទៅកាន់ជាន់អគារសភាប្រចាំតំបន់ នូអ៊ីវ៉ូ លីអុង(Nuevo Leon) ដើម្បីរារាំងសម័យប្រជុំមិនឲ្យបន្តទៅមុខ។សារធាតុដូចជាផ្សែងធូលី ត្រូវបានប្រើប្រាស់ដើម្បីបំបែកហ្វូងមនុស្ស ខណៈសកម្មជនបានបដិសេធមិនចាកចេញ និងចោមរោមសមាជិកសភា។ គណបក្ស Movimiento Ciudadano ឬចលនាពលរដ្ឋ គឺជាគណបក្សរបស់អភិបាលរដ្ឋ ប៉ុន្តែគណបក្សប្រឆាំងគ្រប់គ្រងសភា។គោលបំណងនៃសម័យប្រជុំ គឺដើម្បីតែងតាំងអភិបាលតំបន់ Nuevo Leon បណ្តោះអាសន្ន ជំនួសលោក Samuel Garcia ដែលបានចាកចេញពីតំណែងដើម្បីឈរឈ្មោះជាមួយគណបក្សប្រឆាំង នៅក្នុងការបោះឆ្នោតប្រធានាធិបតីឆ្នាំ ២០២៤ ។

អ៊ីស្រាអែលអះអាងថា សាកសពចំណាប់ថ្នូរ២នាក់ ត្រូវបានរកឃើញ នៅតំបន់ហ្កាហ្សា

យោធាអ៊ីស្រាអែល បាននិយាយថា ខ្លួនបានរកឃើញសាកសពចំណាប់ថ្នូរពីរនាក់ នៅតំបន់ហ្កាហ្សា ហើយពួកគេ ត្រូវបានគេនាំយកទៅអ៊ីស្រាអែលវិញ កាលពីថ្ងៃអង្គារ។នៅក្នុងសេចក្តីថ្លែងការណ៍មួយ កងកម្លាំងការពារអ៊ីស្រាអែល បាននិយាយថា អ្នកទាំងពីរ ត្រូវបានគេកំណត់អត្តសញ្ញាណថា Eden Zakaria មានវ័យ ២៧ឆ្នាំ និង Ziv Dado មានវ័យ ៣៦ឆ្នាំ។កងកម្លាំងការពារអ៊ីស្រាអែល (IDF) បានឲ្យដឹងថា នាង Zakaria គឺនៅក្នុងពិធីបុណ្យប្រគុំតន្ត្រី នៅ ប្រទេសអ៊ីស្រាអែលភាគខាងត្បូង ដែលបានរងការវាយប្រហារកាលពីថ្ងៃទី៧ ខែតុលា នៅពេលដែលក្រុមសកម្មប្រយុទ្ធហាម៉ាស បានវាយលុកទៅលើទីតាំងនោះ។ សេចក្តីថ្លែងការណ៍ បាននិយាយថា លោក Dado ដែលជាទាហាន នៅក្នុងយោធាអ៊ីស្រាអែល គឺជាអ្នកត្រួតពិនិត្យផ្នែកភ័ស្តុភា នៅក្នុងកងវរសេនាតូចលេខ៥១ នៃកងពលតូច Golani ហើយត្រូវបានគេចាប់ធ្វើជាចំណាប់ថ្នូរ ក្នុងអំឡុងពេលនៃការវាយប្រហារនោះ។កងកម្លាំងការពារអ៊ីស្រាអែល ក៏បាននិយាយផងដែរថា ទាហានបម្រុងពីរនាក់ ត្រូវបានសម្លាប់ និងជាច្រើននាក់ បានរងរបួសក្នុងអំឡុងពេលប្រតិបត្តិការយោធា ដែលអាចឲ្យសាកសព ត្រូវបានរកឃើញ។ចំណាប់ថ្នូរប្រហែល ១០០នាក់ ត្រូវបានដោះលែងដោយក្រុមហាម៉ាស ក្នុងអំឡុងពេលកិច្ចព្រមព្រៀងឈប់បាញ់បណ្តោះអាសន្នរវាងអ៊ីស្រាអែល និងក្រុមហាម៉ាស កាលពីខែមុន មុនពេលបទឈប់បាញ់ បានបញ្ចប់ ហើយការប្រយុទ្ធគ្នា នៅតំបន់ហ្កាហ្សា បានចាប់ផ្តើមឡើងវិញ។ កិច្ចព្រមព្រៀងដែលបានចរចាដោយមានជំនួយពីសហរដ្ឋអាមេរិក អេហ្ស៊ីប និងកាតា ត្រូវបានកំណត់ដំបូងថា នឹងមានរយៈពេល ៤ថ្ងៃ ប៉ុន្តែត្រូវបានពន្យារដល់ ៧ថ្ងៃ។

លោក Netanyahu ព្រមានពីការចាប់ផ្តើមនៃទីបញ្ចប់សម្រាប់ក្រុមហាម៉ាស និងជំរុញឱ្យចុះចាញ់

នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) បានអំពាវនាវឱ្យក្រុមសកម្មប្រយុទ្ធហាម៉ាស ចុះចាញ់ដោយនិយាយថានេះគឺជា «ការចាប់ផ្តើមនៃទីបញ្ចប់» សម្រាប់អង្គការនេះ ដែលអ៊ីស្រាអែល សហរដ្ឋអាមេរិក និងប្រទេសលោកខាងលិចភាគច្រើនបានកំណត់ថាជាក្រុមភេរវកម្ម។ លោក ណេតាន់យ៉ាហ៊ូ បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា យើងទទួលស្គាល់ថាវានឹងត្រូវការពេលវេលា ប៉ុន្តែការកើនឡើងនៃចំនួនយុទ្ធជនហាម៉ាសដែលចុះចាញ់ បានបង្ហាញពីជំនោរនៃសង្គ្រាមដែលកំពុងផ្លាស់ប្ដូរស្ថានការណ៍។លោក ណេតាន់យ៉ាហ៊ូ បាននិយាយ «ក្នុងរយៈពេលប៉ុន្មានថ្ងៃកន្លងមកនេះ ភេរវករហាម៉ាសរាប់សិបនាក់បានចុះចាញ់នឹងកងកម្លាំងរបស់យើង។ ពួកគេបានដាក់អាវុធចុះ ហើយប្រគល់ខ្លួនឲ្យទាហានដ៏មានវីរភាពរបស់យើង។ នេះនឹងត្រូវការពេលវេលា ហើយសង្រ្គាមនៅតែបន្ត ប៉ុន្តែវាគឺជាការចាប់ផ្តើមនៃចុងបញ្ចប់នៃក្រុមហាម៉ាស»។ការអត្ថាធិប្បាយរបស់លោក ណេតាន់យ៉ាហ៊ូ បានកើតឡើងខណៈឧត្តមសេនីយរបស់កងពលតូចការពារអ៊ីស្រាអែលដែលចូលនិវត្តន៍ លោក អាម៊ឺ អាវីវី (Amir Avivi) បាននិយាយថា អ៊ីស្រាអែលជិតទទួលបានការគ្រប់គ្រងនៅតំបន់ហ្កាហ្សា ភាគខាងជើងទាំងមូល ហើយការប្រយុទ្ធគ្នាយ៉ាងខ្លាំងក្លានៅតែបន្តនៅភាគខាងត្បូង នៅក្នុងតំបន់នេះ និងជុំវិញទីក្រុងខាន់ យ៉ូនីស (Khan Younis)។អ៊ីស្រាអែលបានធ្វើការវាយប្រហារតាមអាកាសប្រឆាំងនឹងភាគកណ្តាលហ្កាហ្សាពេញមួយយប់ ដោយបានវាយប្រហារជំរំភៀសខ្លួនក្នុងចំណោមគោលដៅផ្សេងទៀតគឺជំរំជន ន ម៉ាហ្កាហ្ស៊ី (Maghazi) និងជំរំ នុសៃរ៉ាត (Nuseirat)។ ការវាយប្រហារតាមអាកាសនេះក៏បានវាយប្រហារទៅលើលំនៅដ្ឋាននៅភាគខាងលិចនៃទីក្រុងព្រំដែនរ៉ាហ្វាហ្វ និងនៅក្នុងសង្កាត់កណ្តាលនៃទីក្រុង ដែលត្រូវបានកំណត់ថាជាតំបន់ «សុវត្ថិភាព»៕

វេជ្ជបណ្ឌិតអ៊ីស្រាអែល៖ ចំណាប់ថ្នូរ ត្រូវបានគេឲ្យប្រើប្រាស់គ្រឿងញៀន និងធ្វើបាប នៅតំបន់ហ្កាហ្សា

អ្នកជំនាញម្នាក់បាននិយាយកាលពីថ្ងៃចន្ទថា ចំណាប់ថ្នូរដែលត្រូវបានចាប់ខ្លួនចូលទៅក្នុងតំបន់ហ្កាហ្សាក្នុងអំឡុងពេលការវាយប្រហារថ្ងៃទី៧ ខែតុលារបស់ក្រុមហាម៉ាសលើប្រទេសអ៊ីស្រាអែល ត្រូវបានគេឲ្យប្រើប្រាស់គ្រឿងញៀន ដើម្បីឲ្យពួកគេនៅស្ងៀមក្នុងការជាប់ឃុំឃាំង និងទទួលរងការរំលោភបំពានផ្លូវចិត្ត និងផ្លូវភេទ។លោកស្រី Renana Eitan ប្រធានផ្នែកចិត្តសាស្រ្តនៃមជ្ឈមណ្ឌលវេជ្ជសាស្ត្រ Tel Aviv Sourasky-Ichilov បាននិយាយថា៖«ខ្ញុំមិនដែលឃើញអ្វីដូចនេះទេ ក្នុងរយៈពេល២០ឆ្នាំនៃការព្យាបាលជនរងគ្រោះដែលរបួសធ្ងន់ធ្ងរ»។លោកស្រី បានបន្ថែមថា៖ «រំលោភបំពានផ្លូវកាយ ផ្លូវចិត្ត ផ្លូវភេទលើចំណាប់ថ្នូរទាំងនេះ ដែលបានកើតឡើងនេះ គឺគួរឲ្យខ្លាចណាស់»។ «យើងត្រូវសរសេរសៀវភៅសិក្សាឡើងវិញ»។មជ្ឈមណ្ឌលនេះ បានទទួលអតីតចំណាប់ថ្នូរចំនួន ១៤នាក់ដែលត្រូវបានដោះលែងដោយក្រុមហាម៉ាស ដែលមួយចំនួន បានរាយការណ៍ថា ត្រូវបានគេឲ្យប្រើប្រាស់គ្រឿងញៀន រួមទាំងអ្វីដែលគ្រូពេទ្យជឿថាជាថ្នាំជួយឲ្យដេកលក់ (benzodiazapines) ដែលជាប្រភេទថ្នាំជំនួយដល់ការធ្លាក់ទឹកចិត្ត ដែលរួមមានដូចជាថ្នាំសណ្តំ(Valium)ជាដើម។លោកស្រី បានបន្ថែមថា៖«ពួកគេចង់គ្រប់គ្រងកុមារ ហើយជួនកាលវាពិបាកក្នុងការគ្រប់គ្រងកុមារតូចៗ ក្មេងជំទង់ ហើយពួកគេដឹងថា ប្រសិនបើឲ្យពួកគេប្រើប្រាស់គ្រឿងញៀន ពួកគេ នឹងត្រូវស្ងប់ស្ងៀម។

ផ្លូវសមុទ្រម៉េឌីទែរ៉ាណេទៅអឺរ៉ុប នៅតែមមាញឹកបំផុតសម្រាប់ជនអន្តោប្រវេសន៍មិនទៀងទាត់

ទីភ្នាក់ងារត្រួតពិនិត្យព្រំដែនរបស់សហភាពអឺរ៉ុប បាននិយាយកាលពីថ្ងៃចន្ទថា ការឆ្លងកាត់ព្រំដែនមិនទៀងទាត់ ចូលទៅក្នុងសហភាពអឺរ៉ុប (EU) បានកើនឡើងយ៉ាងខ្លាំងនៅឆ្នាំនេះ។ យោងតាមទិន្នន័យដែលចេញផ្សាយដោយទីភ្នាក់ងារការពារព្រំដែន និងឆ្មាំល្បាតឆ្នេរអឺរ៉ុប (Frontex) បានឲ្យដឹងថា ក្នុងរយៈពេល ១១ ខែដំបូងនៃឆ្នាំ២០២៣ ចំនួននៃការមកដល់បានកើនលើសពីចំនួនសរុបពេញមួយឆ្នាំរួចហើយ នៅក្នុងឆ្នាំនីមួយៗចាប់តាំងពីឆ្នាំ២០១៦មក។ ទីភ្នាក់ងារ Frontex បាននិយាយថា ចំនួនសរុបនៃជនអន្តោប្រវេសន៍មកដល់សហភាពអឺរ៉ុបតាមមធ្យោបាយមិនទៀងទាត់ក្នុងឆ្នាំនេះ បានឈានដល់យ៉ាងហោចណាស់ ៣៥៥.៣០០នាក់ គិតត្រឹមចុងខែវិច្ឆិកា។ ទោះជាយ៉ាងណា ចំនួននៃការមកដល់មិនទៀងទាត់ កំពុងថយចុះ។ ផ្លូវតាមសមុទ្រមេឌីទែរ៉ាណេភាគកណ្តាល ដែលត្រូវបានសម្គាល់ដោយការឆ្លងកាត់ទៅកាន់ប្រទេសអ៊ីតាលី ពីប្រទេសទុយនីស៊ី ឬលីប៊ី នៅតែជាមធ្យោបាយធម្មតាបំផុតក្នុងការចូលទៅកាន់សហភាពអឺរ៉ុប។ ទីភ្នាក់ងារ Frontex បាននិយាយថា តាមផ្លូវនេះមានប្រហែល៤៣ភាគរយ នៃការមកដល់ទាំងអស់ដែលមានច្រើនជាង ១៥២.០០០នាក់ កើនឡើង៦១ភាគរយ បើប្រៀបធៀបទៅនឹងឆ្នាំមុន។ ទន្ទឹមនឹងនេះ ស្នងការជាន់ខ្ពស់អង្គការសហប្រជាជាតិទទួលបន្ទុកជនភៀសខ្លួន បានដាក់តួលេខនេះ ត្រឹមតែជាង ១៥៣.០០០នាក់ប៉ុណ្ណោះ រហូតដល់ថ្ងៃអាទិត្យ។ ទីភ្នាក់ងារ Frontex បានព្រមានថា តួលេខពុំមានលក្ខណៈគ្រប់ជ្រុងជ្រោយនោះទេ ព្រោះវារួមបញ្ចូលតែជនអន្តោប្រវេសន៍ដែលដំណើរការដោយមន្ត្រីរដ្ឋាភិបាលប៉ុណ្ណោះ និងមិនមែនជាអ្នកដែលចូលមកក្នុងប្លុកនេះដោយមិនត្រូវបានរកឃើញ។ ភាគច្រើននៃការមកដល់មិនទៀងទាត់នៃជនអន្តោប្រវេសន៍នៅឆ្នាំនេះ គឺមានមកពីប្រទេសស៊ីរី ហ្គីណេ និងប្រទេសអាហ្វហ្គានីស្ថាន។

UN ព្រមានពីភាពអត់ឃ្លាន និងការដួលរលំសណ្តាប់ធ្នាប់នៅក្នុងតំបន់ហ្កាហ្សា

លោក ហ្វីលីប ឡាហ្សារីណា (PHILIPPE LAZZARINI) អគ្គស្នងការនៃទីភ្នាក់ងារផ្តល់ជំនួយនិងការងារអង្គការសហប្រជាជាតិ(UNRWA) បាននិយាយថា យើងបានស្តាប់ឮជាលើកដំបូងថា ភាពអត់ឃ្លានកំពុងកើតមាននៅហ្កាហ្សា។ មនុស្សកាន់តែច្រើនឡើង ពុំបានទទួលទានមួយថ្ងៃ ពីរថ្ងៃ និងបីថ្ងៃមកហើយ។ លោក ហ្វីលីប ឡាហ្សារីណា (PHILIPPE LAZZARINI) និងបេសកជនផ្សេងទៀតរបស់អង្គការសហប្រជាជាតិ បានទាមទារឱ្យបញ្ចប់សង្រ្គាម ខណៈពួកគេបានធ្វើដំណើរឆ្លងកាត់ឧបទ្វីប Sinai របស់ប្រទេសអេហ្ស៊ីប ទៅកាន់ច្រកព្រំដែន Rafah ជាចំណុចច្រកចូលតែមួយគត់សម្រាប់ការដឹកជញ្ជូនជំនួយចូលទៅតំបន់ប៉ាឡេស្ទីនដែលត្រូវបានហ៊ុមព័ទ្ធ ។ប៉ុន្មានថ្ងៃ បន្ទាប់ពីអគ្គលេខាធិការលោក Antonio Guterres បានព្រមានថា ពលរដ្ឋប៉ាឡេស្ទីនរាប់ពាន់នាក់ កំពុងស្រេកឃ្លាន។ លោកបានព្រមានអំពី ការដួលរលំសណ្តាប់ធ្នាប់ ខណៈភាពស្រេកឃ្លានរីករាលដាល ហើយពលរដ្ឋតំបន់ហ្កាហ្សា ដែលមិនបានទទួលទានជាច្រើនថ្ងៃ បានចូលលួចនៅមជ្ឈមណ្ឌលចែកចាយជំនួយ និងបញ្ឈប់រថយន្តដឹកទំនិញនៅលើផ្លូវក្នុងការពុះពារស្វែងរកអាហារសម្រាប់គ្រួសាររបស់ពួកគេ។ ទុក្ខលំបាក កំពុងបង្កការព្រួយបារម្ភនៃការភៀសខ្លួនទ្រង់ទ្រាយធំទៅកាន់ប្រទេសអេហ្ស៊ីប។លោក Lazzarini បាននិយាយខណៈលោកបានមើលឃើញ នៅក្នុងដំណើរទស្សនកិច្ចចុងក្រោយរបស់លោកទៅកាន់ តំបន់ហ្កាហ្សា ថា ប្រជាជនកំពុងដេកនៅលើបេតុង។ រដូវរងាគឺនៅទីនេះ មានទឹកស្អុយ ពួកគេកំពុងតស៊ូស្វែងរកទឹកស្អាត ពួកគេកំពុងតស៊ូដើម្បីទទួលបានអាហារ។កាលពីថ្ងៃច័ន្ទ ក្រុមសកម្មប្រយុទ្ធ និងប្រជាជនមួយចំនួន បាននិយាយថា ក្រុមអ្នកប្រយុទ្ធកំពុងរារាំងរថក្រោះរបស់អ៊ីស្រាអែល មិនឱ្យធ្វើដំណើរទៅភាគខាងលិចបន្ថែមទៀតកាត់តាមទីក្រុង និងបានប៉ះទង្គិចជាមួយកងកម្លាំងអ៊ីស្រាអែល នៅភាគខាងជើងតំបន់ហ្កាហ្សា ជាកន្លែងដែលអ៊ីស្រាអែល បាននិយាយថា ភារកិច្ចរបស់ខ្លួនបានបញ្ចប់ទាំងស្រុងហើយ។

ជំងឺផ្តាសាយបក្សីបានសម្លាប់សត្វភេ និងសត្វតោសមុទ្រជាង ៩០០ក្បាល នៅភាគខាងត្បូងប្រេស៊ីល

សត្វភេ និងសត្វតោសមុទ្រជិត ១.០០០ក្បាលនៅភាគខាងត្បូងប្រទេសប្រេស៊ីល បានស្លាប់ដោយសារការផ្ទុះឡើងនៃជំងឺគ្រុនផ្តាសាយបក្សី នេះបើយោងតាមសម្ដីក្រុមអាជ្ញាធរដែលកំពុងព្យាយាមទប់ទល់មេរោគដ៏សាហាវនេះចេញពីហ្វូងសត្វបក្សីពាណិជ្ជកម្ម។រដ្ឋ រីអូ ក្រានដេ ដូសុល (Rio Grande do Sul) ចុងភាគខាងត្បូង បានបញ្ជាក់ពីការស្លាប់របស់ថនិកសត្វសមុទ្រចំនួន ៩៤២ក្បាល ដែលមិនធ្លាប់មានពីមុនមក បន្ទាប់ពីការឆ្លងមេរោគដោយជំងឺគ្រុនផ្តាសាយបក្សី(HPAI) ដែលបង្កជាជំងឺធ្ងន់ធ្ងរ និងត្រូវបានរាយការណ៍ជាលើកដំបូងដែលមិនធ្លាប់មាននៅក្នុងប្រទេសអាមេរិកខាងត្បូងមួយនេះក្នុងឆ្នាំនេះ។អ្នកស្រាវជ្រាវមហាសមុទ្រម្នាក់ឈ្មោះ ស៊ីលវីណា បូតា (Silvina Botta) នៅសាកលវិទ្យាល័យសហព័ន្ធ រីអូ ក្រានដេ (FURG) បាននិយាយថា សាកសពសត្វទាំងនោះត្រូវកប់ ឬដុតចោលឱ្យបានឆាប់តាមដែលអាចធ្វើទៅបាន ដើម្បីកាត់បន្ថយហានិភ័យនៃការឆ្លងទៅមនុស្ស ឬសត្វដទៃទៀត។ ក្រុមអ្នកវិទ្យាសាស្ត្រក៏បានរកឃើញថនិកសត្វសមុទ្រមួយចំនួនមានអាការៈប្រកាច់នៅតាមឆ្នេរក្នុងតំបន់នេះផងដែរ ដោយសារវីរុសវាយប្រហារប្រព័ន្ធសរសៃប្រសាទរបស់ពួកវា។ចាប់តាំងពីរបាយការណ៍ដំបូងរបស់ប្រទេសប្រេស៊ីលអំពីជំងឺផ្តាសាយបក្សីប្រភេទ HPAI នេះនៅក្នុងចំណោមបក្សីព្រៃកាលពីខែឧសភាមក ក្រសួងកសិកម្មនិយាយថាវិធានការបង្ការបានដាក់ចេញដើម្បីបញ្ចៀសការផ្ទុះឡើងលើកសិដ្ឋានចិញ្ចឹមសត្វបក្សីដែលអាចបង្កឱ្យមានការហាមឃាត់ការនាំចេញប្រឆាំងនឹងប្រេស៊ីល ដែលជាប្រទេសនាំចេញសត្វមាន់កំពូលរបស់ពិភពលោក ប៉ុន្តែមេរោគនេះបានរីករាលដាលដល់ហ្វូងសត្វដទៃទៀតរួចទៅហើយ៕

បណ្ដាញសង្គម

ព័ត៌មានថ្មីៗ

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលត្រូវបានថ្វាយ «ពានសមាជិកភាពជើងឯក» ពី OB-PS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានតែងតាំងជា ប្រធានថ្នាក់ជាតិនៃសហគមន៍ OB-PS ប្រចាំកម្ពុជា និងទទួលបាន “ពានសមាជិកភាពកិត្តិយសព្រះអង្គម្ចាស់ក្សត្រី បេណេឌិកតេ” ពីសហគមន៍ The Olave Baden-Powell Society

អ្នកស្លាប់ដោយសារការបាញ់ប្រហាររបស់អ៊ីស្រាអែល នៅហ្កាហ្សា លើស ១.០០០នាក់ហើយ តាំងពីមានបទឈប់បាញ់

សម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនិនាថ សីហនុ ត្រូវបានថ្វាយ “ពានសមាជិកភាពជើងឯក” ពីសហគមន៍ The Olave Baden-Powell Society (OB-PS)

ព្រះអង្គម្ចាស់ក្សត្រី Benedikte នៃព្រះរាជាណាចក្រដាណឺម៉ាក ផ្ញើព្រះរាជសារថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីចម្រើនព្រះជន្ម

អ្នកស្លាប់ដោយសាររញ្ជួយដី កើនឡើងដល់ ៧៨នាក់ ខណៈមនុស្ស ១,៥លាននាក់ រងប៉ះពាល់ នៅភាគខាងត្បូងហ្វីលីពីន

លោក Zelensky៖ «ទីក្រុងមូស្គូនឹងឆេះសន្ធោសន្ធៅ» ប្រសិនបើរុស្ស៊ីនៅតែបន្តការវាយប្រហារ

លោក Hegseth៖ អាមេរិកនឹងធ្វើការវាយប្រហារ និងបិទផ្លូវទឹកឡើងវិញ បើអ៊ីរ៉ង់មិនបំពេញការប្តេជ្ញាចិត្ត

ប្រធានាធិបតីអ៊ីរ៉ង់បង្ហាញមោទនភាព ក្នុងការមានកិច្ចព្រមព្រៀងជាប្រវត្តិសាស្ត្រ ជាមួយអាមេរិក

ស្វីសសាទរផែនការសន្តិភាពអាមេរិក-អ៊ីរ៉ង់ ខណៈត្រៀមខ្លួនធ្វើម្ចាស់ផ្ទះការចរចាដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877