BTV NEWS

ជនជាតិចិន ១៦៤នាក់ពាក់ទៀត ព័ន្ធករណី Online Scams ត្រូវបានបណ្ដេញចេញពីកម្ពុជា

អាជ្ញាធរស្រុកឈូកព្រមានអាជីវករឱ្យបញ្ឈប់ការទិញលក់ទំនិញនាំចូលពីថៃ

អាជ្ញាធររាជធានីភ្នំពេញ បន្តបោសសម្អាតបទល្មើសឆបោកតាមប្រព័ន្ធបច្ចេកវិទ្យា ដោយបានរកឃើញមួយទីតាំងទៀត នៅខណ្ឌ៧មករា

អភិបាលខេត្តកណ្ដាលបានអំពាវនាវឱ្យបញ្ឈប់ការប្រេីប្រាស់ ឬបញ្ឈប់លក់បន្តប្រហិតហតដករបស់ក្រុមហ៊ុន TSP

សន្តិសុខ និង សង្គម

អ៊ីស្រាអែល បង្កើនការវាយឆ្មក់ប្រចាំថ្ងៃលើតំបន់ West Bank ដែលខ្លួនគ្រប់គ្រង

ទាហានអ៊ីស្រាអែលកំពុងបង្កើនការវាយឆ្មក់លើតំបន់ West Bank ដែលខ្លួនគ្រប់គ្រង ដោយចូលលុកលុយស្ទើរតែរាល់ថ្ងៃ នៅទូទាំងដែនដីមួយនេះ។ដោយយោងតាមការរាយការណ៍ពីទីក្រុង Ramallah កាលពីល្ងាចថ្ងៃពុធ លោក ឆាលស៍ ស្តាហ្វត (Charles Stratford )របស់ទូរទស្សន៍ Al Jazeera បាននិយាយថា យ៉ាងហោចណាស់មានជនជាតិប៉ាឡេស្ទីនបួននាក់ រួមទាំងក្មេងជំទង់បីនាក់ត្រូវបានសម្លាប់នៅក្នុងការវាយប្រហារបែបនេះក្នុងរយៈពេល ២៤ ម៉ោងចុងក្រោយនេះ។ លោកបាននិយាយថា ជនជាតិប៉ាឡេស្ទីន៦០ នាក់ត្រូវបានចាប់ខ្លួនក្នុងអំឡុការឆ្មក់ចូលនោះ។ អ្នកឆ្លើយឆ្លងព័ត៌មានរបស់ទូទរទស្សន៍នេះ បាននិយាយថា អ្នកស្លាប់ទាំងបួននាក់រួមមានម្នាក់ក្មេងជំទង់ វ័យ ១៦ ឆ្នាំនៅទីក្រុងចេនីន (Jenin)នៅភាគខាងជើងរបស់តំបន់ West Bank បងប្អូនពីរនាក់នៅទីក្រុង Tubas និងម្នាក់ទៀតនៅ ទីក្រុង Balata ក្នុងតំបន់ Nablus ។ទន្ទឹមនឹងនោះ ពេញមួយយប់នៅក្នុងទីក្រុង ទុលការឹម (Tulkarem) ជាទីក្រុងមួយនៅភាគខាងជើង គ្រឿងផ្ទុះកែច្នៃមួយបានផ្ទុះឡើង ខណៈក្បួនរថពាសដែកបានបើកឆ្លងកាត់។ លោក Stratford បាននិយាយថា យើងកំពុងទទួលបានរបាយការណ៍អំពីការវាយឆ្មក់លើជំរំជនភៀសខ្លួននៅទីក្រុង ទុលការឹម ។ ជារឿយៗ សកម្មភាពនេះ ត្រូវបានពិពណ៌នាថាជាមជ្ឈមណ្ឌលសម្រាប់ការតស៊ូប្រដាប់អាវុធប៉ាឡេស្ទីន ។ ទីភ្នាក់ងារព័ត៌មានប៉ាឡេស្ទីន Wafa បានរាយការណ៍ថា កម្មករប៉ាឡេស្ទីនជាច្រើននាក់មកពីតំបន់ហ្កាហ្សាត្រូវបានឃុំខ្លួនពេញមួយយប់បន្ទាប់ពីការវាយឆ្មក់របស់អ៊ីស្រាអែលនៅក្នុងទីប្រជុំជនហ្វារ៉ូន( Faroun) ជិត ទីក្រុង ទុលការឹម( Tulkarem) ៕

កោះតៃវ៉ាន់រាយការណ៍ថា មានសកម្មភាពយោធាចិនពេលយប់ដ៏កម្រនៅក្បែរនោះ

កោះតៃវ៉ាន់ បានរាយការណ៍ថាមានសកម្មភាពយោធារបស់ចិននៅពេលយប់ដ៏កម្រនៅជុំវិញកោះនេះកាលពីថ្ងៃព្រហស្បតិ៍ (០៧ ធ្នូ) រួមទាំងមានយន្តហោះឆ្លងកាត់ខ្សែបន្ទាត់មេដ្យានដ៏រសើបនៃច្រកសមុទ្រតៃវ៉ាន់ ខណៈទីក្រុងប៉េកាំង នៅតែបន្តបេសកកម្មបែបនេះមុនការបោះឆ្នោតនៅខែមករា របស់កោះតៃវ៉ាន់។ កោះស្វ័យគ្រប់គ្រងតាមបែបប្រជាធិបតេយ្យតៃវ៉ាន់ ដែលចិនអះអាងសិទ្ធថាជាទឹកដីរបស់ខ្លួន បានត្អូញត្អែរក្នុងរយៈពេលបួនឆ្នាំចុងក្រោយនេះនៃការល្បាត និងសមយុទ្ធយោធារបស់ចិនជាទៀងទាត់នៅជិតកោះនេះ។អាជ្ញាធរការពារជាតិតៃវ៉ាន់បាននិយាយថា ចាប់ពីម៉ោងប្រហែល ៧:៣០យប់ (ម៉ោងក្នុងស្រុក) កាលពីល្ងាចថ្ងៃព្រហស្បតិ៍ ខ្លួនបានរកឃើញយន្តហោះចម្បាំងប្រភេទ Su-30 យន្តហោះ J-10 និងយន្តហោះ J-11 ក៏ដូចជាយន្តហោះទម្លាក់គ្រាប់បែក H-6 ដែលមានសមត្ថភាពនុយក្លេអ៊ែរ និងយន្តហោះព្រមានទុកជាមុន ដែលកំពុងប្រតិបត្តិការនៅភាគខាងជើង និងកណ្តាលកោះតៃវ៉ាន់ ព្រមទាំងទៅកាន់ភាគនិរតីនៃកោះនេះ។អាជ្ញាធរការពារជាតិតៃវ៉ាន់បានបន្ថែមថា យន្តហោះចំនួន ១៣គ្រឿង ក្នុងចំណោមយន្តហោះទាំងនោះបានឆ្លងកាត់ខ្សែបន្ទាត់មេដ្យានរបស់ច្រកសមុទ្រតៃវ៉ាន់ ឬតំបន់ក្បែរនោះ ដោយធ្វើការជាមួយនាវាចម្បាំងរបស់ចិន ដើម្បីអនុវត្ត «ការល្បាតត្រៀមប្រយុទ្ធរួមគ្នា»។ ខ្សែបន្ទាត់មេដ្យានរបស់ច្រកសមុទ្រនេះធ្លាប់ធ្វើជារបាំងមិនផ្លូវការរវាងភាគីទាំងពីរ ប៉ុន្តែឥឡូវនេះយន្តហោះរបស់ចិនតែងតែហោះហើរពីលើនោះ។ក្នុងរយៈពេលមួយខែកន្លងមកនេះ កោះតៃវ៉ាន់បានរាយការណ៍ថាមានប្រតិបត្តិការយោធាទ្រង់ទ្រាយធំស្រដៀងគ្នានេះចំនួនបួនផ្សេងទៀតដោយកងកម្លាំងអាកាសរបស់ប្រទេសចិន ដែលបានធ្វើឡើងក្នុងអំឡុងពេលថ្ងៃ ប៉ុន្តែទីក្រុងប៉េកាំង មិនបានធ្វើអត្ថាធិប្បាយជុំវិញបញ្ហានេះនោះទេ៕

ជនស៊ីវិលម្នាក់ដែលបានដកកាំភ្លើងគំរាមពលរដ្ឋត្រូវបាននគរបាលជំនាញកំណត់អត្តសញ្ញាណបានហើយ

ភ្នំពេញ៖ លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញបានបញ្ជាក់ប្រាប់ BTV នៅរសៀលថ្ងៃទី០៧ ខែធ្នូឆ្នាំ២០២៣ នេះ ឲ្យដឹងថាពាក់ព័ន្ធនឹងជនស៊ីវិលម្នាក់បានដកកាំភ្លើងអាមេ គំរាមប្រជាពលរដ្ឋនៅតាមស្រឡាយបឹងសាឡាង សង្កាត់បឹងសាឡាងខណ្ឌទួលគោក កាលពីយប់មិញត្រូវបានមន្ត្រីជំនាញធ្វើការកំណត់អត្តសញ្ញាណបានហើយ។យោងតាមវីដេអូដែលចែកចាយនៅក្នុងបណ្ដាញសង្គមបានឃើញថាបុរសជនស៊ីវិលម្នាក់នេះបានដកកាំភ្លើងអាមេរួចបានទុកកាំភ្លើងនៅចង្កេះវិញ ហើយក៏បានបោះពាក្យសំដីទៅភាគីម្ខាងទៀតថាខ្លួនជានគរបាលព្រហ្មទណ្ឌនៃក្រសួងមហាផ្ទៃ។គួរបញ្ជាក់ផងដែរ នៅព្រឹកថ្ងៃទី០៧ ខែធ្នូ ឆ្នាំ២០២៣នេះ នាយកដ្ឋាននគរបាលព្រហ្មទណ្ឌ បន្ទាប់ពីទទួលបានព័ត៌មាននេះ ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ បានបញ្ជាឲ្យបើកការស្រាវជ្រាវបន្ទាន់ភ្លាម និងស៉ើបអង្កេតករណីនេះឲ្យបានម្មត់ចត់បំផុត។ ក្នុងករណីរកឃើញថា បុគ្គលនេះជាមន្ដ្រីរបស់នាយកដ្ឋាននគរបាលព្រហ្មទណ្ឌនោះ នាយកដ្ឋានមិនគាំទ្រជាដាច់ខាតចំពោះការប្រព្រឹត្តបែបនេះ ដោយនឹងសុំគោលការណ៍ថ្នាក់ដឹកនាំ អនុវត្តវិន័យកងកម្លាំង។ក្នុងករណីស្រាវជ្រាវរកឃើញថា បុគ្គលនេះមិនមែនជាកងកម្លាំង ហើយយកឈ្មោះអង្គភាព នាយកដ្ឋាននគរបាលព្រហ្មទណ្ឌ ទៅប្រើប្រាស់ប្រព្រឹត្តសកម្មភាពបែបនេះ, នាយកដ្ឋាននឹងចាត់វិធានការតាមផ្លូវច្បាប់យ៉ាងតឹងរឹងបំផុត និងឲ្យរហ័សជាទីបំផុត៕ អត្ថបទ ៖ កុម្ភៈ

ប្រភព៖ ក្រុមប្រទេសសហភាពអឺរ៉ុប បញ្ជាទិញតែគ្រាប់កាំភ្លើងធំចំនួន ៦០.០០០គ្រាប់ សម្រាប់អ៊ុយក្រែនតាមគម្រោងថ្មី

បណ្តាប្រទេសសហភាពអឺរ៉ុប បានដាក់ការបញ្ជាទិញសម្រាប់តែកាំភ្លើងធំចំនួន ៦០.០០០គ្រាប់ ប៉ុណ្ណោះ ក្រោមគម្រោងរបស់សហភាពអឺរ៉ុប ដើម្បីជួយឲ្យទទួលបានគ្រាប់រំសេវចំនួន មួយលានគ្រាប់ ដល់អ៊ុយក្រែន នៅនិទាឃរដូវក្រោយ នេះបើយោងតាមអ្នកដែលបានដឹងច្បាស់ពីតួលេខនេះ។គ្រោងនេះ គឺជាចំណុចសំខាន់នៃគំនិតផ្តួចផ្តើមរបស់សហភាពអឺរ៉ុប ក្នុងការបង្កើនការផ្គត់ផ្គង់គ្រាប់កាំភ្លើងធំ១៥៥មិល្លីម៉ែត្រដ៏ចាំបាច់ដល់ប្រទេសអ៊ុយក្រែន ដោយអនុញ្ញាតឲ្យប្រទេសនានា ដាក់ការបញ្ជាទិញជាមួយឧស្សាហកម្មតាមរយៈកិច្ចសន្យាដែលបានចរចាដោយទីភ្នាក់ងារការពារអឺរ៉ុប (EDA)របស់ប្លុកនេះ។គំនិតផ្តួចផ្តើមដ៏ទូលំទូលាយដែលបានចាប់ផ្តើមកាលពីខែមីនា បានផ្តល់នូវគ្រោងការណ៍ផ្សេងៗ ដើម្បីទទួលបានគ្រាប់កាំភ្លើងធំ និងមីស៊ីលចំនួន មួយលានគ្រាប់ សម្រាប់ប្រទេសអ៊ុយក្រែន ក្នុងរយៈពេលមួយឆ្នាំ សម្រាប់សង្គ្រាមប្រឆាំងនឹងការឈ្លានពានរបស់រុស្ស៊ី។សហភាពអឺរ៉ុប បាននិយាយថា រួមជាមួយគ្នានេះ គម្រោងទាំងនោះ បានផ្តល់គ្រាប់រំសេវប្រហែល ៤៨0.000 គ្រាប់ តិចជាងពាក់កណ្តាលនៃគោលដៅ ដែលមានរយៈពេលប្រហែល៤ខែទៀត។

ភ្លៀងធ្លាក់ខ្លាំងបណ្តាលឲ្យមានទឹកជំនន់ នៅតំបន់ Arlington ទីក្រុងវ៉ាស៊ីនតោន

ទឹកជំនន់ដ៏គំហុក បណ្តាលមកពីភ្លៀងធ្លាក់ខ្លាំង បានជន់លិចផ្លូវជាច្រើនកន្លែងនៅក្នុងតំបន់ Arlington របស់ទីក្រុងវ៉ាស៊ីនតោន។ វីដេអូទទួលបានពីអាជ្ញាធរអគ្គិភ័យប្រចាំតំបន់ភាគខាងជើង បានបង្ហាញទឹកជំនន់ ជនលិចផ្លូវជាច្រើន និងធ្វើឲ្យពេញហៀរទន្លេស្ទីឡាហ្គូមីស(Stillaguamish) ។ អង្គភាពសេវាអាកាសធាតុជាតិ បានណែនាំដល់ពលរដ្ឋ កុំឲ្យបើកបរលើដងផ្លូវដែលជន់លិចដោយទឹកជំនន់។យោងតាមអង្គភាពសេវាអាកាសធាតុជាតិ បានឲ្យដឹងថា ប្រព័ន្ធអាកាសធាតុ កំពុងរំកិលទៅភាគខាងត្បូង ដែលកំពុងផ្តល់ភាពធូស្រាលសម្រាប់ទីក្រុងវ៉ាស៊ីនតោន ខណៈកំពុងឆ្ពោះទៅកាន់រដ្ឋ Oregon និងផ្នែកជាច្រើន នៅរដ្ឋកាលីហ្វរនីញ៉ាភាគខាងជើង។ ទន្ទឹមនឹងនេះ ឆ្មាំល្បាតឆ្នេរសហរដ្ឋអាមេរិក បានប្រើប្រាស់ឧទ្ធម្ភាគចក្រ ដើម្បីជួយសង្គ្រោះមនុស្ស៥នាក់ ដែលជាប់ក្នុងទឹកជំនន់ ក្នុងតំបន់ Rosburg ទីក្រុងវ៉ាស៊ីនតោន។ ទោះជាយ៉ាងណា មន្ត្រីគ្រប់គ្រងគ្រោះអាសន្ន ក្នុងទីក្រុងវ៉ាស៊ីនតោន បានរាយការណ៍ការពីការជន់លិចទន្លេមួយចំនួន អាចកើតមានឡើងនៅថ្ងៃព្រហស្បតិ៍នេះ។ ប៉ុន្តែដំណឹងល្អ គឺថាគ្មានទន្លេណាមួយ ស្ថិតក្នុងដំណាក់កាលជន់លិចខ្លាំងរយៈពេលយូនោះទេ។

មនុស្សយ៉ាងតិច៣នាក់ស្លាប់ ដោយសារអគ្គិភ័យឆេះអគារនៅទីក្រុង Karachi ប្រទេសប៉ាគីស្ថាន

ក្រុមមន្ត្រីសង្គ្រោះបាននិយាយថា យ៉ាងហោចណាស់មនុស្ស៣នាក់បានស្លាប់ បន្ទាប់ពីអគ្គិភ័យ បានឆាបឆេះនៅក្នុងអគារលំនៅឋានពាណិជ្ជកម្មកម្ពស់ច្រើនជាន់មួយកន្លែងនៅទីក្រុង Karachi ជាទីក្រុងធំបំផុតរបស់ប្រទេសប៉ាគីស្ថានកាលពីថ្ងៃពុធ។វីដេអូដែលត្រូវបានថត បានបង្ហាញពីការកើតឡើងនៃឧបទ្ទវហេតុនេះ ដោយក្រុមអ្នកពន្លត់អគ្គិភ័យកំពុងធ្វើការដើម្បីពន្លត់អណ្តាតភ្លើង។ អគ្គិភ័យ ដែលចាប់ផ្តើមឆាបឆេះចេញពីជាន់ផ្ទាល់ដី ត្រូវបានគ្រប់គ្រង បន្ទាប់ពីកិច្ចខិតខំប្រឹងប្រែងរយៈពេលយូរ។ទោះជាយ៉ាងណា ក្នុងអំឡុងពេលប្រតិបត្តិការសង្គ្រោះជាបន្តបន្ទាប់ ជនរងគ្រោះស្លាប់ចំនួន៣ នាក់ ត្រូវបានគេរកឃើញនៅក្នុងអគារ ហើយសាកសពរបស់ពួកគេត្រូវបានបញ្ជូនទៅកាន់ទីបញ្ចុះសពរបស់មន្ទីរពេទ្យ។មូលហេតុនៃអគ្គិភ័យនេះ នៅតែមិនទាន់អាចកំណត់បាននៅឡើយ ដែលប្រធានរដ្ឋមន្ត្រីនៃខេត្ត Sindh លោក Maqbool Baqar បញ្ជាឱ្យមានការស៊ើបអង្កេតជាផ្លូវការលើឧបទ្ទវហេតុនេះ។អគ្គិភ័យបានកើតឡើងបន្ទាប់ពីសោកនាដកម្មអគ្គីភ័យកាលពីពេលថ្មីៗមួយផ្សេងទៀតនៅទីក្រុង Karachi ជាកន្លែងដែលមនុស្ស ១១ នាក់បានស្លាប់ក្នុងអគ្គិភ័យឆេះផ្សារទំនើបមួយកន្លែងកាលពីខែមុន។

ប្រមុខ UN ប្រកាសអាសន្នលើការគំរាមកំហែងសន្តិសុខសកលមកពីសង្គ្រាមនៅហ្កាហ្សា

អគ្គលេខាធិការអង្គការសហប្រជាជាតិ លោក Antonio Guterres បានមានចំណាត់ការដ៏កម្រមួយកាលពីថ្ងៃពុធ ដើម្បីព្រមានជាផ្លូវការដល់ក្រុមប្រឹក្សាសន្តិសុខ អំពីការគំរាមកំហែងជាសកលមកពីសង្គ្រាមនៅហ្កាហ្សា ខណៈបណ្តារដ្ឋអារ៉ាប់ ព្យាយាមប្រើឥទ្ធិពលដែលនឹងជំរុញជាថ្មីឱ្យក្រុមប្រឹក្សាអំពាវនាវឱ្យមានបទឈប់បាញ់។ សហរដ្ឋអាមេរិក ជាប្រទេសមួយក្នុងចំណោមប្រទេសអំណាចប្រើប្រាស់សិទ្ធវ៉េតូចំនួន៥ប្រទេស នៅក្រុមប្រឹក្សាដែលមានសមាជិកចំនួន ១៥រូប បានជំទាស់ចំពោះបទឈប់បាញ់រវាងសម្ព័ន្ធមិត្តរបស់ខ្លួនគឺអ៊ីស្រាអែល និងក្រុមហាម៉ាស ដោយសារតែខ្លួនជឿថា ទង្វើបែបនេះនឹងផ្តល់ផលប្រយោជន៍ដល់ក្រុមសកម្មប្រយុទ្ធប៉ាឡេស្ទីន។ ទីក្រុងវ៉ាស៊ីនតោន គាំទ្រការផ្អាកសង្គ្រាមសម្រាប់បុព្វហេតុមនុស្សធម៌ដើម្បីការពារជនស៊ីវិល និងអនុញ្ញាតឱ្យមានការដោះលែងចំណាប់ថ្នូរដែលក្រុមហាម៉ាស់បានចាប់នៅក្នុងការវាយប្រហារលើអ៊ីស្រាអែលកាលពីថ្ងៃទី ៧ ខែតុលា។ ទីក្រុងនេះបានអនុបវាទកាលពីខែមុនក្នុងការអនុញ្ញាតឱ្យក្រុមប្រឹក្សាសន្តិសុខអនុម័តសេចក្តីសម្រេចដែលអំពាវនាវឱ្យមានការផ្អាកប្រយុទ្ធ។ លោក Guterres បាននិយាយទៅកាន់ក្រុមប្រឹក្សានៅក្នុងលិខិតមួយថា សង្រ្គាមនៅតំបន់ហ្កាហ្សា «អាចនឹងបង្កការគំរាមកំហែងដែលមានស្រាប់កាន់តែធ្ងន់ធ្ងរដល់សន្តិភាព និងសន្តិសុខអន្តរជាតិ»។ បេសកជនពិសេសប្រចាំអង្គការសហប្រជាជាតិរបស់ប៉ាឡេស្ទីន លោក Riyad Mansour បាននិយាយកាលពីថ្ងៃពុធថា អ្នកការទូតអារ៉ាប់កំពុង «កែសម្រួល» សេចក្តីព្រាងសេចក្តីសម្រេចរបស់ក្រុមប្រឹក្សាសន្តិសុខ ដើម្បីអំពាវនាវឱ្យមានបទឈប់បាញ់។ សេចក្តីសសម្រេចមួយត្រូវការសំឡេងគាំទ្រយ៉ាងតិច៩ សំឡេង ហើយគ្មានការប្រើប្រាស់សិទ្ធិវ៉េតូដោយសហរដ្ឋអាមេរិក រុស្ស៊ី ចិន បារាំង ឬអង់គ្លេស។ លោក Mansour បាននិយាយថា រដ្ឋមន្ត្រីអារ៉ាប់ មានផែនការធ្វើទស្សនកិច្ចនៅទីក្រុងវ៉ាស៊ីនតោន នៅថ្ងៃព្រហស្បតិ៍ទី៧ ខែធ្នូនេះ ហើយនឹងពិភាក្សាអំពីចំណាត់ការនេះជាមួយមន្ត្រីសហរដ្ឋអាមេរិក។ លោកបានប្រាប់អ្នកសារព័ត៌មានថា «នៅលើរបៀបវារៈ គឺ សង្រ្គាមនេះត្រូវតែបញ្ឈប់។ បទឈប់បាញ់ ត្រូវតែកើតមានឡើង ហើយវាត្រូវតែកើតឡើងភ្លាមៗ។

លោក អេរដូហ្គែន៖ ប្រទេសទួរគី បដិសេធផែនការបង្កើត «តំបន់ទ្រនាប់»សម្រាប់តំបន់ហ្កាហ្សា

ប្រធានាធិបតីតួកគី លោក តាយីប អេរដូហ្គែន ( Tayyip Erdogan) បាននិយាយកាលពីថ្ងៃពុធថា ប្រទេសទួរគី បដិសេធផែនការបង្កើតតំបន់ទ្រនាប់ក្រោយសង្រ្គាម នៅតំបន់ហ្កាហ្សា ព្រោះវានឹងមិនគោរពដល់ប្រជាជនប៉ាឡេស្ទីនទេ។សារព័ត៌មានរ៉យទ័រ បានរាយការណ៍កាលពីសប្តាហ៍មុនថា អ៊ីស្រាអែល បានបញ្ជូនផែនការសម្រាប់តំបន់ទ្រនាប់ ទៅកាន់រដ្ឋអារ៉ាប់មួយចំនួន និងប្រទេសទួរគី។ថ្លែងទៅកាន់អ្នកសារព័ត៌មាននៅលើយន្តហោះពីទីក្រុងដូហា (Doha) លោកអេរដូហ្គែន បានថ្លែងថា អភិបាលកិច្ច និងអនាគតរបស់តំបន់ហ្កាហ្សា បន្ទាប់ពីសង្គ្រាម នឹងត្រូវសម្រេចដោយប៉ាឡេស្ទីនតែម្នាក់ឯងប៉ុណ្ណោះ។ការិយាល័យរបស់លោកអេដូហ្គែន បានដកស្រង់សម្តីគាត់ ដោយនិយាយថា៖«ខ្ញុំចាត់ទុកការជជែកពិភាក្សាគ្នាអំពីផែនការ (តំបន់ទ្រនាប)នេះថា មិនគោរពចំពោះបងប្អូនប៉ាឡេស្ទីនរបស់ខ្ញុំ។ សម្រាប់ពួកយើង នេះមិនមែនជាផែនការ ដែលអាចត្រូវបានជជែកវែកញែក ពិចារណា ឬពិភាក្សានោះទេ។ដោយអំពាវនាវឲ្យអ៊ីស្រាអែលប្រគល់ទឹកដីដែលខ្លួនគ្រប់គ្រង និងបញ្ចប់ការតាំងទីលំនៅ ក្នុងទឹកដីទាំងនោះមកវិញ លោក បាននិយាយថា៖«អ៊ីស្រាអែល ត្រូវតែយកក្រុមភេរវករ ដែលខ្លួនបង្ហាញទៅកាន់ពិភពលោកថាជាអ្នកតាំងលំនៅ ចេញពីផ្ទះសម្បែង និងដីទាំងនោះ ហើយគិតអំពីរបៀបដែលវាអាចសាងសង់អនាគតសន្តិភាពជាមួយប្រជាជនប៉ាឡេស្ទីន»។

U.N.៖ មនុស្ស៦សែននាក់ នៅហ្កាហ្សាស្ថិតក្រោមបញ្ជាឲ្យជម្លៀស ខណៈអ៊ីស្រាអែលបញ្ជាឲ្យពលរដ្ឋក្នុងទីក្រុងខាន យូនីស ចាកចេញ

យោងតាមទីភ្នាក់ងារទទួលបន្ទុកជនភៀសខ្លួនប៉ាឡេស្ទីនរបស់អង្គការសហប្រជាជាតិ ដែលបានព្រមានថាប្រតិបត្តិការមនុស្សធម៌របស់ខ្លួនបានធ្លាក់ក្នុងចំណុចគ្រោះថ្នាក់ មនុស្សជាង៦សែននាក់ នៅក្នុងតំបន់ហ្កាហ្សាភាគខាងត្បូង ត្រូវបានបញ្ជាឲ្យចាកចេញ ដើម្បីបញ្ចៀសការវាយប្រហារដោយថ្មើរជើង និងអាកាសរបស់អ៊ីស្រាអែល ។ ឧត្ដមស្នងការទីភ្នាក់ងារផ្ដល់ជំនួយនិងការងាររបស់អង្គការសហប្រជាជាតិ លោកហ្វីលីពឡាហ្សារីនី បាននិយាយកាលពីថ្ងៃអង្គារនៅក្នុងសារបង្ហោះលើបណ្ដាញសង្គម X ថា ជិតពាក់កណ្ដាលនៃអ្នកទាំងឡាយដែលស្ថិតក្រោមបញ្ជាឲ្យជម្លៀស ត្រូវបានបង្ខំឲ្យចាកចេញពីផ្ទះសម្បែងរបស់ពួកគេ។លោកបានសរសេរថា ពេលនេះគ្មានកន្លែងមានសុវត្ថិភាពណាមួយត្រូវជ្រើសរើសជាទីជម្រកទេ រួមទាំងទីតាំងរបស់ឧត្ដមស្នងការទីភ្នាក់ងារផ្ដល់ជំនួយនិងការងាររបស់អង្គការសហប្រជាជាតិផងដែរ ដែលកំពុងផ្ទុកមនុស្សពេញលើសចំណុះទៅហើយ។ ជំនួយមនុស្សធម៌ដែលបានរឹតត្បិត បានប៉ះពាល់យ៉ាងខ្លាំងដល់ប្រតិបត្តិការរបស់យើង ។ ការឡោមព័ទ្ធនេះអាចក្លាយជាប្រភពចម្បងនៃការស្លាប់របស់ប្រជាពលរដ្ឋ។ អង្គការសុខភាពពិភពលោក បាននិយាយថាខ្លួនកំពុងមើលឃើញការកើនឡើងនៃជំងឺឆ្លងដោយសារស្ថានភាពរស់នៅរបស់មនុស្សដែលកំពុងជួបប្រទះ ក្នុងនោះមានករណីជំងឺផ្លូវដង្ហើមធ្ងន់ធ្ងរចំនួន១២.០០០នាក់ និងរាគរូសចន្លោះពី៤០ទៅ៥០ករណី។ កងកម្លាំងការពារអ៊ីស្រាអែល ហៅកាត់ថា IDF បានចេញបញ្ជាថ្មីឲ្យជម្លៀសចេញកាលពីព្រឹកថ្ងៃពុធ ដោយព្រមានថា ខ្លួនកំពុងអនុវត្តប្រតិបត្តិការយោធាយ៉ាងប្រុងប្រយ័ត្ន លើក្រុមហាម៉ាស និងក្រុមសកម្មប្រយុទ្ធផ្សេងទៀត នៅក្នុងតំបន់ខាន យូនីស ភាគខាងត្បូងតំបន់ហ្កាហ្សាស្ទ្រីប និងបានណែនាំជនស៊ីវិលឲ្យចាកចេញបន្ទាន់ពីតំបន់នេះ ឆ្ពោះទៅកាន់ភាគខាងលិច វិញ៕

អ្នកនយោបាយអ៊ុយក្រែន ដែលគាំទ្រវិមានក្រឹមឡាំង ត្រូវបានគេធ្វើឃាត នៅជិតទីក្រុងម៉ូស្គូ

ទីក្រុងគីវ បាននិយាយថា ខ្លួនបានធ្វើឃាតអ្នកនយោបាយអ៊ុយក្រែនដែលគាំទ្រវិមានក្រឹមឡាំង កាលពីថ្ងៃពុធ បន្ទាប់ពីសាកសពរបស់អតីតសមាជិកសភា ដែលបានចាកចេញពីប្រទេស ចូលទៅប្រទេសរុស្ស៊ី ត្រូវបានរកឃើញ នៅខាងក្រៅទីក្រុងម៉ូស្គូ។ប្រភពនៅក្នុងផ្នែកការពារជាតិរបស់អ៊ុយក្រែន បានប្រាប់សារព័ត៌មាន AFPថា សេវាសន្តិសុខ SBU របស់ខ្លួន បានធ្វើឃាត លោក Illia Kyva អតីតសមាជិកសភាអ៊ុយក្រែន ដែលត្រូវបានបណ្តេញចេញពីសភា ហើយបានរត់ចោលស្រុកចូលទៅប្រទេសរុស្ស៊ី រយៈពេលប៉ុន្មានសប្តាហ៍ បន្ទាប់ពីទីក្រុងម៉ូស្គូ បានបើកការវាយលុកយោធារបស់ខ្លួន កាលពីឆ្នាំមុន។ចាប់តាំងពីរុស្ស៊ី បានឈ្លានពានកាលពីខែកុម្ភៈឆ្នាំមុន អ៊ុយក្រែន បានអះអាងថា ខ្លួនជាអ្នកនៅពីក្រោយការធ្វើឃាត និងការវាយប្រហារជាច្រើនលើជនជាតិរុស្ស៊ីគាំទ្រមសង្រ្គាម និងអតីតមន្ត្រីអ៊ុយក្រែន ដែលបានគាំទ្រសង្រ្គាមរបស់ទីក្រុងម៉ូស្គូ។សេវាសង្គ្រោះបន្ទាន់ បានប្រាប់ប្រព័ន្ធផ្សព្វផ្សាយរដ្ឋរុស្ស៊ី RIA Novosti ថា សាកសពរបស់លោក Kyva ត្រូវបានរកឃើញ កាលពីថ្ងៃពុធ នៅក្នុងភូមិ Suponevo ក្បែរទីក្រុងម៉ូស្គូ។ថ្លែងតាមទូរទស្សន៍ជាតិ អ្នកនាំពាក្យចារកម្មយោធារបស់អ៊ុយក្រែន លោក Andriy Yusov បាននិយាយថា៖«យើងអាចបញ្ជាក់បានថា លោកKyva ត្រូវបានធ្វើឃាតរួចហើយ។ ជោគវាសនាបែបនេះ នឹងកើតមានចំពោះជនក្បត់ជាតិអ៊ុយក្រែនដទៃទៀត ក៏ដូចជាក្រុមអ្នកគាំទ្រនយោបាយនៃរបបលោកពូទីនដែរ»។

បណ្ដាញសង្គម

ព័ត៌មានថ្មីៗ

លោក Vance ព្រមានអ្នករិះគន់អ៊ីស្រាអែលពីកិច្ចព្រមព្រៀងអ៊ីរ៉ង់ ហើយលោកTrump គឺជាសម្ព័ន្ធមិត្តតែមួយគត់របស់លោកNetanyahu

អ៊ុយក្រែន វាយប្រហាររោងចក្រចម្រាញ់ប្រេងនៅទីក្រុងមូស្គូ ខណៈលោក Zelenskyy ស្វែងរកការគាំទ្រពីលោកTrump ដើម្បីបញ្ចប់សង្គ្រាម

អាមេរិក ដាក់ទណ្ឌកម្មលើមន្ត្រីមានសម្ព័ន្ធភាពជាមួយក្រុមហេសបូឡា ពីការរារាំងដំណើរការសន្តិភាព

លោក Putin និងមេដឹកនាំអាស៊ីអាគ្នេយ៍ យល់ព្រមពង្រឹងទំនាក់ទំនងក្នុងកិច្ចប្រជុំកំពូលនៅរុស្ស៊ី

អាមេរិកដករបាំងលើកំពង់ផែអ៊ីរ៉ង់ចំណែកមេដឹកនាំកំពូលអ៊ីរ៉ង់ឯកភាពឱ្យចរចាផ្ទាល់ជាមួយក្រុមមន្ត្រីអាមេរិក

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានតែងតាំងជា ប្រធានថ្នាក់ជាតិនៃសហគមន៍ OB-PS ប្រចាំកម្ពុជា និងទទួលបាន “ពានសមាជិកភាពកិត្តិយសព្រះអង្គម្ចាស់ក្សត្រី បេណេឌិកតេ” ពីសហគមន៍ The Olave Baden-Powell Society

អ្នកស្លាប់ដោយសារការបាញ់ប្រហាររបស់អ៊ីស្រាអែល នៅហ្កាហ្សា លើស ១.០០០នាក់ហើយ តាំងពីមានបទឈប់បាញ់

សម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនិនាថ សីហនុ ត្រូវបានថ្វាយ “ពានសមាជិកភាពជើងឯក” ពីសហគមន៍ The Olave Baden-Powell Society (OB-PS)

ព្រះអង្គម្ចាស់ក្សត្រី Benedikte នៃព្រះរាជាណាចក្រដាណឺម៉ាក ផ្ញើព្រះរាជសារថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីចម្រើនព្រះជន្ម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877