នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ
អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់
ជនជាតិខ្មែរ និង​បរទេសជិត ៥ពាន់នាក់ ត្រូវជាប់ឃុំ ខណៈមន្ត្រីនគរបាល ៧៧នាក់ ត្រូវវិន័យធ្ងន់ធ្ងរដោយសារ Online Scams
នគរបាលរាជធានីឃាត់ខ្លួនបុរសម្នាក់ បែកធ្លាយសម្លេងតាមបណ្តាញសង្គម ម៉ាក់ងាយធ្ងន់ធ្ងរលើវីរជនកងទ័ពកម្ពុជា

សន្តិសុខ និង សង្គម

ការតវ៉ា ទាមទារបទឈប់បាញ់នៅតំបន់ហ្កាហ្សាបានបិទផ្លូវធំទៅមកក្នុងទីក្រុង Los Angeles

2023/12/14 06:54:46 pm        123
Facebook Telegram Linkin
ក្រុមបាតុករគាំទ្រប៉ាឡេស្ទីន រាប់សិបនាក់បានបិទផ្លូវធំទៅមកមួយកន្លែងនៅទីក្រុង Los Angeles កាលពីថ្ងៃពុធ ខណៈពួកគេអំពាវនាវឲ្យមានបទឈប់បាញ់នៅតំបន់ហ្កាហ្សា។ស្រែកពាក្យថា «ឈប់បាញ់ឥឡូវនេះ»' និងពាក្យថា «បើយើងមិនទទួលបានបទឈប់បាញ់ទេ បិទផ្លូវនេះចោលទៅ» ដែលត្រូវបាននិយាយម្តងហើយម្តងទៀត ខណៈក្រុមបាតុករ បានបិទចរាចរណ៍រយៈពេលប្រហែលមួយម៉ោង។ យោងតាមសេចក្តីរាយការណ៍របស់ប្រព័ន្ធផ្សព្វផ្សាយបានឲ្យដឹងថា ក្រុមអ្នកតវ៉ា បាននាំគ្នាដើរលើផ្លូវធំទៅមកនៅម៉ោងប្រហែល ៩ ព្រឹកម៉ោងក្នុងស្រុក ដោយបានចេញពីរថយន្តរបស់ពួកគេ ហើយដើរឆ្លងកាត់គន្លងផ្លូវទៅភាគខាងត្បូង។ ពួកគេបានឈរនៅលើផ្លូវ ហើយក្រោយមកបានអង្គុយចុះ បង្កើតជាខ្សែតភ្ជាប់គ្នា។អ្នកបើកបរដែលខឹងសម្បា បានប៉ះទង្គិចគ្នាជាមួយក្រុមបាតុករនៅតាមដងផ្លូវជាច្រើនលើកនៅពេលព្រឹកក្នុងម៉ោងដ៏មមាញឹក ហើយអ្នកបើកបរម៉ូតូមួយចំនួន បានបើកលើផ្លូវឆ្លងកាត់របាំងមនុស្ស ដោយម្នាក់បានជេរអ្នកតវ៉ា បង្កើនល្បឿនម៉ាស៊ីន និងរោទិ៍សំឡេងឮខ្លាំងៗ។ យោងតាមក្រុមល្បាតផ្លូវ Highway រដ្ឋកាលីហ្វ័រនីញ៉ាបានឲ្យដឹងថា មនុស្សប្រហែល ៧៥ នាក់ត្រូវបានឃុំខ្លួន។យុទ្ធនាការយោធារបស់អ៊ីស្រាអែលនៅតំបន់ហ្កាហ្សា បានសម្លាប់ពលរដ្ឋប៉ាឡេស្ទីនជាង ១៨.៥០០នាក់ និងជម្លៀសមនុស្សជិតពីរលាននាក់ និងបានបំផ្លាញតំបន់ហ៊ុមព័ទ្ធឆ្នេរភាគច្រើន។ ការវាយលុកលើតំបន់ហ្កាហ្សារបស់អ៊ីស្រាអែល បានកើតឡើងបន្ទាប់ពីក្រុមហាម៉ាស បានសម្លាប់មនុស្សប្រហែល ១.២០០ នាក់ ដែលភាគច្រើនជាជនស៊ីវិល នៅក្នុងការវាយប្រហារដ៏គួរឱ្យភ្ញាក់ផ្អើលកាលពីថ្ងៃទី ៧ ខែតុលា។

របាយការណ៍ស្ថានភាពអ៊ុយក្រែន៖ មីស៊ីលបាលិស្ទិក បានកំណត់គោលដៅលើទីក្រុងគីវ បន្ទាប់ពីលោកហ្សេឡិនស្គី ជួបលោកបៃដិន

2023/12/14 06:46:26 pm        266
Facebook Telegram Linkin
រុស្ស៊ី បានបើកការវាយប្រហារដោយមីស៊ីលទ្រង់ទ្រាយធំមួយទៀតប្រឆាំងនឹងអ៊ុយក្រែន នៅព្រឹកនេះ ដែលជាក់ស្តែងផ្តោតលើរដ្ឋធានីគីវ ជាកន្លែងដែលអាជ្ញាធរ បានរាយការណ៍ថា មនុស្សយ៉ាងហោចណាស់ ៥៣ នាក់រួមទាំងកុមារ៦នាក់ បានរងរបួសដោយសារអំបែង បន្ទាប់ពីប្រព័ន្ធការពារដែនអាកាសអ៊ុយក្រែន បានបាញ់ទម្លាក់មីស៊ីលបាលិស្ទិកចំនួន ១០គ្រាប់។ការវាយប្រហារនោះ ប្រហែលជាបានត្រូវកំណត់ពេល ដើម្បីវាយប្រហារទីក្រុងទីក្រុងគីវ ត្រឹមតែប៉ុន្មាននាទីប៉ុណ្ណោះ បន្ទាប់ពីប្រធានាធិបតីអ៊ុយក្រែន លោក វ៉ូឡូមៀ ហ្សេឡិនស្គី (Volodymyr Zelensky) បានជួបសមភាគីអាមេរិក លោកប្រធានាធិបតី ចូ បៃដិន សម្រាប់កិច្ចពិភាក្សា នៅទីក្រុងវ៉ាស៊ីនតោន។ ដំណើរទស្សនកិច្ចរបស់លោកហ្សេឡិនស្គី គឺមានគោលបំណងទម្លាយភាពជាប់គាំង ដើម្បីទទួលបានជំនួយប្រហែល ៦០ពាន់លានដុល្លារ ដែលត្រូវបានកំណត់សម្រាប់ទីក្រុងគីវ។លោកហ្សេឡិនស្គី បានពណ៌នាអំពីការវាយប្រហារដោយមីស៊ីលបាលិស្ទិកនោះថា ជាឧក្រិដ្ឋកម្ម «ដ៏សាហាវយង់ឃ្នង» ដោយពណ៌នាប្រទេសរុស្ស៊ីជាថ្មីថាជារដ្ឋ «ភេរវកម្ម» ។ លោកបាននិយាយថា៖ «រុស្ស៊ី បានបង្ហាញជាថ្មីម្តងទៀតថា ខ្លួនជាប្រទេសដ៏សាហាវយង់ឃ្នង ដែលបាញ់មីស៊ីល នៅពេលយប់ ដោយព្យាយាមវាយប្រហារតំបន់លំនៅឋាន សាលាមត្តេយ្យ និងកន្លែងផ្តល់ថាមពល ក្នុងអំឡុងពេលរដូវរងានេះហើយវាជាការពិតណាស់ថា នឹងមានការឆ្លើយតប។ខណៈដែលការអះអាងរបស់ពួកគេ មិនអាចផ្ទៀងផ្ទាត់បាន ក្រុមមន្ត្រីអ៊ុយក្រែន បាននិយាយថា មីស៊ីលទាំង១០ គ្រាប់ ដែលពាក់ព័ន្ធនឹងការវាយប្រហារ ត្រូវបានទម្លាក់ដោយជោគជ័យដោយប្រព័ន្ធការពារដែនអាកាសរបស់អ៊ុយក្រែន នៅប៉ុន្មានម៉ោងព្រឹកព្រលឹមនេះ។

ជនជាតិអ៊ីស្រាអែលភាគច្រើនចង់ឱ្យក្រុមហាម៉ាស ត្រូវកម្ទេច ទោះបីហ្កាហ្សា មានអ្នកស្លាប់ច្រើនលើសលប់ក៏ដោយ

2023/12/14 06:30:54 pm        122
Facebook Telegram Linkin
ពលរដ្ឋអ៊ីស្រាអែលបាននិយាយកាលពីថ្ងៃពុធ (១៣ ធ្នូ) ថាកងទ័ពមិនគួររាថយពីការវាយលុកដោយឥតឈប់ឈររបស់ខ្លួនដើម្បីកម្ទេចក្រុមហាម៉ាសនោះទេ បើទោះបីជាមានការអំពាវនាវឲ្យមានបទឈប់បាញ់របស់មហាសន្និបាតអង្គការសហប្រជាជាតិ បញ្ជីឈ្មោះទាហានស្លាប់ដ៏ច្រើន និងចំនួនអ្នកស្លាប់ប៉ាឡេស្ទីនដែលកំពុងកើនឡើងយ៉ាងលើសលប់នៅក្នុងតំបន់ហ្កាហ្សាក៏ដោយ។យោធាអ៊ីស្រាអែលបានទទួលរងពេលវលាដ៏បង្ហូរឈាមបំផុតមួយក្នុងសង្គ្រាមរយៈពេលពីរខែនៅហ្កាហ្សា កាលពីថ្ងៃអង្គារ ដោយវរសេនីយ៍ឯកម្នាក់ក្នុងចំណោមទាហាន ១០នាក់ត្រូវបានសម្លាប់ ដែលនាំឱ្យចំនួនអ្នកស្លាប់នៃទាហានអ៊ីស្រាអែលកើនឡើងដល់ ១១៥នាក់ ដោយរតែទ្វេដងនៃចំនួនដែលត្រូវបានសម្លាប់ក្នុងអំឡុងពេលប៉ះទង្គិចគ្នានៅតំបន់ឆ្នេរហ៊ុមព័ទ្ធនេះកាលពីប្រាំបួនឆ្នាំមុន។ដោយតំបន់ហ្កាហ្សាភាគច្រើនត្រូវបានខ្ទេចខ្ទី ស្ថានភាពកាន់តែធ្ងន់ធ្ងរ ហើយប្រជាជនប៉ាឡេស្ទីនជាង ១៨.៥០០នាក់ ត្រូវបានសម្លាប់នៅក្នុងការវាយលុកតាមផ្លូវអាកាស និងជើងគោករបស់កងទ័ពអ៊ីស្រាអែល ប្រធានាធិបតីអាមេរិក លោក ចូ បៃដិន (Joe Biden) បាននិយាយថា ការទម្លាក់គ្រាប់បែក «មិនរើសមុខ» លើជនស៊ីវិលហ្កាហ្សា កំពុងធ្វើឱ្យការគាំទ្រពីអន្តរជាតិរបស់អ៊ីស្រាអែល ធ្លាក់ចុះយ៉ាងខ្លាំង។ការស្ទង់មតិក្នុងប៉ុន្មានសប្តាហ៍ថ្មីៗនេះនៅអ៊ីស្រាអែលបង្ហាញពីការគាំទ្រដ៏លើសលប់សម្រាប់សង្រ្គាម បើទោះបីជាអ្នកស្លាប់កើនឡើងខ្លាំងក៏ដោយ។ ជនជាតិអ៊ីស្រាអែលប្រាំមួយនាក់ដែលបាននិយាយទៅកាន់សារព័ត៌មានរ៉យទ័រ កាលពីថ្ងៃពុធបានប្រាប់ថា ឥឡូវនេះមិនមែនជាពេលវេលាក្នុងការរាថយនោះទេ ដោយមិនគិតពីការអាណិតអាសូរជាសកលលើហ្កាហ្សាដែលឆ្លុះបញ្ចាំងនៅក្នុងសេចក្ដីសម្រេចរបស់អង្គការសហប្រជាជាតិកាលពីថ្ងៃអង្គារឡើយ៕

ការិយាល័យមនុស្សធម៌របស់UN៖ តំបន់ហ្កាហ្សា កំពុងប្រឈមនឹងមហន្តរាយសុខភាពសាធារណៈ

2023/12/14 06:25:03 pm        116
Facebook Telegram Linkin
ការិយាល័យមនុស្សធម៌របស់អង្គការសហប្រជាជាតិ បាននិយាយកាលពីថ្ងៃពុធ (១៣ ធ្នូ) ថាតំបន់ហ្កាហ្សា កំពុងប្រឈមមុខនឹងគ្រោះមហន្តរាយសុខភាពសាធារណៈដោយសារតែការដួលរលំនៃប្រព័ន្ធសុខាភិបាលរបស់ខ្លួន និងការរីករាលដាលនៃជំងឺ ស្របពេលមានការវាយលុកពីអ៊ីស្រាអែល ដែលបានវាយប្រហារមន្ទីរពេទ្យ និងបានជម្លៀសមនុស្សរាប់សែននាក់។អង្គការសហប្រជាជាតិ និងក្រុមផ្តល់ជំនួយបានប្រកាសអាសន្នអំពីការរីករាលដាលនៃជំងឺឆ្លងនៅក្នុងតំបន់ហ្កាហ្សា ដែលការភៀសខ្លួនខាងក្នុងរបស់ប្រជាជនចំនួន ៨៥% បានបណ្តាលឱ្យមានភាពចង្អៀតយ៉ាងខ្លាំងនៅក្នុងជម្រក និងកន្លែងរស់នៅបណ្តោះអាសន្នផ្សេងទៀត។អ៊ីស្រាអែល ដែលបានធ្វើសង្រ្គាមនៅតំបន់ហ្កាហ្សា បន្ទាប់ពីពួកសកម្មប្រយុទ្ធហាម៉ាស ដែលកំពុងកាន់អំណាចលើតំបន់ហ៊ុមព័ទ្ធប៉ាឡេស្ទីនមួយនេះ បានបើកការវាយប្រហារយ៉ាងបង្ហូរឈាមទៅលើសហគមន៍ភាគខាងត្បូងរបស់អ៊ីស្រាអែលកាលពីថ្ងៃទី០៧ ខែតុលា បានប្រាប់ជនស៊ីវិលឱ្យភៀសខ្លួនចេញពីតំបន់ប្រយុទ្ធ ហើយនិយាយថា ខ្លួនព្យាយាមបញ្ជៀសទុក្ខព្រួយមនុស្សធម៌។លោកស្រី លីន ហាស្ទីងស៍ (Lynn Hastings) អ្នកសម្របសម្រួលផ្នែកមនុស្សធម៌របស់អង្គការសហប្រជាជាតិសម្រាប់ដែនដីប៉ាឡេស្ទីនដែលកាន់កាប់បាននិយាយថា «យើងទាំងអស់គ្នាដឹងថាប្រព័ន្ធថែទាំសុខភាពនៅតំបន់នេះគឺកំពុងតែដួលរលំ»។ អង្គការសុខភាពពិភពលោកបានរាយការណ៍ពីការកើនឡើងយ៉ាងខ្លាំងនៃការឆ្លងមេរោគផ្លូវដង្ហើមស្រួចស្រាវ ជំងឺរាគ ការកើតចៃ កមរមាស់ និងជំងឺដែលរីករាលដាលយ៉ាងឆាប់រហ័សផ្សេងទៀត៕

រដ្ឋមន្ត្រីការបរទេសអ៊ីស្រាអែល និយាយថា សង្រ្គាមនឹងនៅតែបន្ត ទោះមាន ឬគ្មានការគាំទ្រពីអន្តរជាតិក៏ដោយ

2023/12/14 05:56:07 pm        115
Facebook Telegram Linkin
រដ្ឋមន្ត្រីការបរទេសអ៊ីស្រាអែលបាននិយាយថា ខ្លួននឹងបន្តសង្គ្រាមនៅតំបន់ហ្កាហ្សា បើទោះបីជាមាន ឬគ្មានការគាំទ្រពីអន្តរជាតិក៏ដោយ។ លោក អេលី ខូហិន (Eli Cohen) បានព្រមានថា បទឈប់បាញ់នៅដំណាក់កាលនៃជម្លោះនេះនឹងក្លាយជា អំណោយ សម្រាប់ក្រុមហាម៉ាស និងអនុញ្ញាតឱ្យក្រុមនេះត្រឡប់មកវិញ។ អ៊ីស្រាអែលកំពុងប្រឈមនឹងសម្ពាធកាន់តែខ្លាំងលើចំនួនជនស៊ីវិលប៉ាឡេស្ទីនដែលត្រូវបានសម្លាប់ដោយយោធារបស់ខ្លួននៅក្នុងតំបន់ហ្កាហ្សា និងវិបត្តិមនុស្សធម៌កាន់តែធ្ងន់ធ្ងរនៅទីនោះ។ កាលពីថ្ងៃអង្គារ មហាសន្និបាតអង្គការសហប្រជាជាតិ បានអនុម័តសំឡេងដ៏ច្រើនលើសលប់លើសេចក្ដីសម្រេចមួយដែលអំពាវនាវឲ្យមានបទឈប់បាញ់ជាបន្ទាន់។ ហើយនៅក្នុងការអត្ថាធិប្បាយដ៏ចាស់ដៃរបស់ខ្លួន លោកប្រធានាធិបតីអាមេរិក Joe Biden បាននិយាយថា អ៊ីស្រាអែលកំពុងបាត់បង់ការគាំទ្រទូទាំងពិភពលោក ដោយសារតែ ការទម្លាក់គ្រាប់បែកមិនរើសមុខ លើតំបន់ហ្កាហ្សា។ការប្រយុទ្ធគ្នាយ៉ាងខ្លាំងក្លាបានបន្តទាំងនៅភាគខាងជើង ទាំងភាគខាងត្បូងនៃតំបន់ហ្កាហ្សាកាលពីថ្ងៃពុធ ខណៈភ្លៀងធ្លាក់ខ្លាំងបានធ្វើឱ្យស្ថានភាពកាន់តែអាក្រក់ទៅសម្រាប់ជនភៀសខ្លួនរាប់សែននាក់ដែលកំពុងរស់នៅក្នុងតង់បណ្តោះអាសន្ន ឬនៅកណ្ដាលវាល៕

កងកម្លាំងការពារអ៊ីស្រាអែល៖ ការពួនស្ទាក់វាយប្រហារ បានសម្លាប់ទាហានអ៊ីស្រាអែល ជាច្រើននាក់ នៅទីក្រុងហ្កាហ្សា

2023/12/14 05:34:49 pm        467
Facebook Telegram Linkin
ប្រព័ន្ធផ្សព្វផ្សាយអ៊ីស្រាអែល បានរាយការណ៍កាលពីថ្ងៃពុធថា យ៉ាងហោចណាស់ទាហានអ៊ីស្រាអែល ៩នាក់ ត្រូវបានសម្លាប់ ក្នុងអំឡុងពេលការពួនស្ទាក់វាយប្រហារ នៅក្នុងទីក្រុងហ្កាហ្សា។ ការវាយប្រហារដ៏គួរឲ្យភ្ញាក់ផ្អើលនេះ កើតឡើង ខណៈកងកម្លាំងអ៊ីស្រាអែល បន្តការវាយលុកជើងគោករបស់ពួកគេប្រឆាំងនឹងក្រុមហាម៉ាស នៅតំបន់ហ្កាហ្សា។កងទ័ពជើងគោកអ៊ីស្រាអែល នៅតែជាប់ក្នុងការប្រយុទ្ធដ៏ខ្លាំងក្លាជាមួយយុទ្ធជនប៉ាឡេស្ទីន នៅក្នុងនិងជុំវិញទីក្រុងហ្កាហ្សា រយៈពេលច្រើនជាង៦សប្តាហ៍ បន្ទាប់ពីទាហាន បានលុកលុយភាគខាងជើង។ក្រុមអ្នកស្រុក បាននិយាយថា ការប៉ះទង្គិចគ្នា បានកើតឡើងពេញមួយយប់ និងឈានចូលថ្ងៃពុធ នៅក្នុងតំបន់ជាច្រើន ជាមួយនឹងការប្រយុទ្ធគ្នាយ៉ាងខ្លាំង នៅក្នុងទីក្រុងស៊ីចៃយ៉ា (Shijaiyah)។ប្រព័ន្ធផ្សព្វផ្សាយអ៊ីស្រាអែល បាននិយាយថា ការវាយឆ្មក់ដ៏សាហាវនេះ បានកើតឡើងនៅក្នុងសង្កាត់ ស៊ីចៃយ៉ានៃទីក្រុងហ្កាហ្សាពាក់ព័ន្ធនឹងការបាញ់កាំភ្លើង និងការផ្ទុះជាច្រើនគ្រាប់។ សង្កាត់ដែលប្រជាជនច្រើនដូចគ្នានេះ គឺជាកន្លែងនៃសមរភូមិប្រយុទ្ធដ៏ធំបំផុតមួយនៃសង្គ្រាមមុនមួយ នៅតំបន់ហ្កាហ្សា។យោធាអ៊ីស្រាអែល បាននិយាយថា ទាហានសរុបចំនួន៨នាក់ ត្រូវបានសម្លាប់កាលពីថ្ងៃអង្គារ ហើយបានកំណត់អត្តសញ្ញាណថាជាទាហានដែលបានស្លាប់ក្នុងសមរភូមិ។ អ្នកស្លាប់រួមមានទាហានមានវ័យអាយុ១៩ឆ្នាំ ហើយក្រៅពីនេះ ពួកគេមានវ័យខ្ទង់២០ឆ្នាំ និង៣០ឆ្នាំ។

អ៊ីស្រាអែល រងការបាត់បង់ច្រើននៅតំបន់ហ្កាហ្សាចាប់តាំងពីខែតុលាមក ខណៈភាពឯកោផ្នែកការទូតកើនឡើង

2023/12/14 05:25:21 pm        411
Facebook Telegram Linkin
កាលពីថ្ងៃពុធ ប្រទេសអ៊ីស្រាអែល បានប្រកាសពីការបាត់បង់ក្នុងការប្រយុទ្ធដ៏អាក្រក់បំផុតរបស់ខ្លួន ក្នុងរយៈពេលជាងមួយខែមកនេះ បន្ទាប់ពីការវាយឆ្មក់ក្នុងការបំផ្លាញនៅតំបន់ហ្កាហ្សា និងបានប្រឈមមុខភាពឯកោផ្នែកការទូតកាន់តែខ្លាំងឡើង ខណៈការស្លាប់របស់ជនស៊ីវិលបានកើនឡើង ហើយមហន្តរាយមនុស្សធម៌កាន់តែធ្ងន់ធ្ងរនៅក្នុងដែនដីប៉ាឡេស្ទីន។ ការប្រយុទ្ធគ្នាយ៉ាងខ្លាំង កំពុងបន្តកើតឡើងនៅទាំងភាគខាងជើង និងខាងត្បូងតំបន់ហ្កាហ្សា មួយថ្ងៃបន្ទាប់ពីអង្គការសហប្រជាជាតិ ទាមទារឲ្យមានបទឈប់បាញ់មនុស្សធម៌ជាបន្ទាន់។ ប្រធានាធិបតីសហរដ្ឋអាមេរិក លោក Joe Biden បាននិយាយថា ការទម្លាក់គ្រាប់បែកមិនរើសអើងរបស់អ៊ីស្រាអែល ទៅលើជនស៊ីវិល កំពុងធ្វើឱ្យមានការបាត់បង់ការគាំទ្រពីអន្តរជាតិ។ នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយថា យោធានឹងប្រយុទ្ធបន្ត ទោះបីជាមានសម្ពាធពីអន្តរជាតិសម្រាប់បទឈប់បាញ់ក៏ដោយ។ លោកបានប្រាប់ទាហាននៅតំបន់ហ្កាហ្សាតាមវិទ្យុថា យើងនឹងបន្តរហូតដល់ទីបញ្ចប់ រហូតដល់ទទួលជ័យជម្នះ រហូតដល់ក្រុមហាម៉ាសត្រូវបានកម្ទេច។ លោកនិយាយបែបនេះនៅចំពោះមុខការឈឺចាប់យ៉ាងខ្លាំង ប៉ុន្តែក៏ប្រឈមមុខទៅនឹងសម្ពាធអន្តរជាតិផងដែរ ប៉ុន្តែគ្មានអ្វីអាចបញ្ឈប់យើងបានឡើយ។ យោធាបាននិយាយថា ការស្លាប់ភាគច្រើន បានកើតឡើងនៅក្នុងសង្កាត់ Shejaia ទីក្រុងហ្កាហ្សា ភាគខាងជើង ជាកន្លែងកងទ័ពត្រូវបានគេវាយឆ្មក់ ខណៈកំពុងព្យាយាមជួយសង្គ្រោះទាហានមួយក្រុមផ្សេងទៀត ដែលបានវាយប្រហារលើអ្នកប្រយុទ្ធក្រុមហាម៉ាសនៅក្នុងអគារមួយ។ មន្ត្រីយោធាអ៊ីស្រាអែលម្នាក់បាននិយាយថា អ៊ីស្រាអែលបានបាត់បង់ធ្ងន់ធ្ងរក្នុងឧបទ្ទវហេតុនេះ។ ក្រុមហាម៉ាស និយាយថា វគ្គនេះបានបង្ហាញថា កងកម្លាំងអ៊ីស្រាអែលមិនអាចកម្ចាត់តំបន់ហ្កាហ្សាបានទេ «អ្នកនៅ ទីនោះកាន់តែយូរ ការស្លាប់និងការបាត់បង់របស់អ្នកនឹងកាន់តែច្រើន»។ ក្នុងសុន្ទរកថាតាមទូរទស្សន៍ មេបញ្ជាការក្រុមហាម៉ាស លោក Ismail Haniyeh បាននិយាយថាការរៀបចំអនាគតណាមួយ នៅតំបន់ហ្កាហ្សាដោយគ្មានក្រុមហាម៉ាស គឺជាការបោកប្រាស់។

អ៊ីស្រាអែលនិយាយថា រថយន្តជំនួយជិត ២០០គ្រឿងកំពុងធ្វើដំណើរទៅហ្កាហ្សា តាមច្រកឆ្លងកាត់ថ្មី

2023/12/13 09:42:44 pm        383
Facebook Telegram Linkin
ទីភ្នាក់ងារអ៊ីស្រាអែលសម្រាប់ការសម្របសម្រួលជនស៊ីវិលជាមួយប៉ាឡេស្ទីន (COGAT) បានចេញផ្សាយវីដេអូតាមរយៈបណ្ដាញសង្គម X កាលពីថ្ងៃអង្គារ (១២ ធ្នូ) ដោយនិយាយថា រថយន្តជំនួយជាច្រើនគ្រឿងកំពុងត្រូវបានត្រួតពិនិត្យ និងផ្ទេរទៅកាន់តំបន់ហ្កាហ្សា។យោងទៅតាមទីភ្នាក់ងារអ៊ីស្រាអែល COGAT បានឲ្យដឹងថារថយន្តជំនួយចំនួន ១៩៧គ្រឿងត្រូវបានពិនិត្យ និងតម្រង់ឆ្ពោះទៅកាន់តំបន់ហ្កាហ្សា តាមច្រកឆ្លងកាត់ថ្មី កេរឹម សាលូម (Kerem Shalom)។ ទីភ្នាក់ងារនេះបាននិយាយថា រថយន្តដឹកទំនិញចំនួន ១១៧គ្រឿងក្នុងចំណោមរថយន្តទាំងនោះត្រូវបានត្រួតពិនិត្យនៅច្រក នីតហ្ស៊ាណា (Nitzana) និងរថយន្តចំនួន ៨០គ្រឿងត្រូវបានត្រួតពិនិត្យនៅច្រក កេរឹម សាលូម។ដំណើរការថ្មីសម្រាប់ត្រួតពិនិត្យជំនួយសម្រាប់តំបន់ហ្កាហ្សា នៅច្រកឆ្លងកាត់ កេរឹម សាលូម កំពុងត្រូវបានសាកល្បង ប៉ុន្តែកិច្ចខិតខំប្រឹងប្រែងដើម្បីទទួលបានការអនុញ្ញាតសម្រាប់រថយន្តដឹកទំនិញឆ្លងកាត់ និងបង្កើនការផ្តល់ជំនួយសង្គ្រោះនៅតែកំពុងដំណើរការ នេះបើយោងតាមមន្ត្រីជាន់ខ្ពស់អង្គការសហប្រជាជាតិម្នាក់បានប្រាប់សារព័ត៌មានរ៉យទ័រ កាលពីថ្ងៃសៅរ៍។នៅក្រោមប្រព័ន្ធថ្មី រថយន្តដឹកទំនិញនឹងទៅដល់ច្រក កេរឹម សាលូម នៅតាមព្រំដែនរវាងអ៊ីស្រាអែល ហ្កាហ្សា និងអេហ្ស៊ីប ជាលើកដំបូងពីប្រទេសហ្ស៊កដានី មុនពេលចូលតំបន់ហ្កាហ្សា ពីទីក្រុងព្រំដែនរ៉ាហ្វាហ្វ៕

ក្រុមអ្នកតវ៉ាប្រឆាំង នឹងឥន្ធនៈហ្វូស៊ីល ជំរុញឱ្យមានការបញ្ឈប់ជាបន្ទាន់ ខណៈកិច្ចពិភាក្សា COP28 បន្ថែមម៉ោង

2023/12/13 09:28:06 pm        368
Facebook Telegram Linkin
ក្រុមអ្នកតវ៉ាប្រឆាំងនឹងឥន្ធនៈហ្វូស៊ីលបានធ្វើបាតុកម្មនៅពេលល្ងាចនៅឯកិច្ចប្រជុំ COP28 កាលពីថ្ងៃអង្គារ (១២ ធ្នូ) ខណៈដែលកិច្ចពិភាក្សាស្តីពីអាកាសធាតុបានឈានទៅដល់ការបន្ថែមម៉ោង ដោយប្រទេសនានាព្យាយាមស្វែងរកសេចក្តីព្រាងកិច្ចព្រមព្រៀងថ្មីមួយស្តីពីការបញ្ចប់ការប្រើប្រាស់ប្រេង និងឧស្ម័នរបស់ពិភពលោក។ក្រុមបាតុករដែលបានកាន់ផ្លាកសញ្ញាសរសេរថា «បញ្ចប់យុគសម័យហ្វូស៊ីល» បានប្រមូលផ្តុំគ្នាតវ៉ា រយៈពេលមួយថ្ងៃបន្ទាប់ពីសេចក្តីព្រាងអត្ថបទសម្រាប់កិច្ចព្រមព្រៀងមួយត្រូវបានចេញផ្សាយ ដែលត្រូវបានរិះគន់ដោយប្រទេសជាច្រើនចំពោះការខកខានក្នុងការអំពាវនាវឱ្យមានការ «ឈប់ប្រើប្រាស់» ប្រេង ឧស្ម័ននិងធ្យូងថ្ម។ សកម្មជនអាកាសធាតុមកពីប្រទេសកោះសាម័រ លោក ឡុងហ្គី តួឡាហ្វូ (Longi Taulafo) បាននិយាយថា បើមិនមានការឈប់ប្រើប្រាស់ឥន្ធនៈហ្វូស៊ីលត្រូវសរសេរនៅក្នុងកិច្ចព្រមព្រៀងទេ នោះមានន័យថា មានហានិភ័យខ្លាំងណាស់សម្រាប់ប្រទេសរបស់លោក និងប្រទេសកោះតូចៗផ្សេងទៀត។ក្រុមប្រេសិតមកពីប្រទេសជិត ២០០ នៅឯកិច្ចប្រជុំកំពូលឌុយបៃនេះកំពុងព្យាយាមយល់ព្រមលើផែនការសកម្មភាពជាសកលដើម្បីកាត់បន្ថយបម្រែបម្រួលអាកាសធាតុឱ្យបានលឿនគ្រប់គ្រាន់ ដើម្បីទប់ស្កាត់គ្រោះទឹកជំនន់ កម្ដៅដ៏គ្រោះថ្នាក់ និងការផ្លាស់ប្តូរដែលមិនអាចត្រឡប់វិញបានចំពោះប្រព័ន្ធអេកូឡូស៊ីរបស់ពិភពលោក៕

កិច្ចព្រមព្រៀងពង្រៀងកិច្ចប្រជុំអាកាសធាតុ COP28 អំពាវនាវសម្រាប់អន្តរកាលសកលចេញពីឥន្ធនៈហ្វូស៊ីល

2023/12/13 09:21:57 pm        383
Facebook Telegram Linkin
សេចក្តីព្រាងកិច្ចព្រមព្រៀងអាកាសធាតុថ្មី ដែលត្រូវបានចេញផ្សាយនៅក្នុងកិច្ចប្រជុំកំពូលអាកាសធាតុ Cop28 នៅប្រទេសអារ៉ាប់រួម ជាលើកដំបូង បានអំពាវនាវយ៉ាងច្បាស់ដល់ប្រទេសនានាឱ្យផ្លាស់ប្តូរចេញ ពីឥន្ធនៈហ្វូស៊ីល ដើម្បីបញ្ចៀសផលប៉ះពាល់ធ្ងន់ធ្ងរបំផុតនៃវិបត្តិអាកាសធាតុ។ ប៉ុន្តែឯកសារដែលបានស្នើឡើងចុងក្រោយ ចេញផ្សាយដោយប្រធានកិច្ចប្រជុំ COP លោកSultan Al Jaber នៅព្រឹកថ្ងៃពុធនេះ ពុំបានរួមបញ្ចូលការប្តេជ្ញាចិត្តច្បាស់លាស់ដើម្បីបញ្ឈប់ ឬកាត់បន្ថយជាបន្តបន្ទាប់ឥន្ធនៈហ្វូស៊ីល ដូចដែលប្រទេសជាច្រើន ក្រុមសង្គមស៊ីវិល និងអ្នកវិទ្យាសាស្ត្រ បានទទូចសុំនោះទេ។ ឯកសារបានអំពាវនាវឱ្យប្រទេសនានា រួមចំណែកដល់កិច្ចខិតខំប្រឹងប្រែងជាសកលក្នុងការផ្លាស់ប្តូរចេញឆ្ងាយពីឥន្ធនៈហ្វូស៊ីល នៅក្នុងប្រព័ន្ធថាមពល ក្នុងលក្ខណៈត្រឹមត្រូវ មានសណ្តាប់ធ្នាប់ និងដោយស្មើភាព បង្កើនល្បឿនសកម្មភាពក្នុងទសវត្សរ៍ដ៏សំខាន់នេះ ដើម្បីសម្រេចបានដល់ចំណុចសូន្យ ត្រឹមឆ្នាំ២០៥០ ស្របតាមវិទ្យាសាស្ត្រ។ ការចេញផ្សាយការសម្របសម្រួលដែលបានស្នើឡើង កើតមានឡើងបន្ទាប់ពីការចរចារយៈពេល ៣៦ ម៉ោងពេញ បន្ទាប់ពីលោក Al Jaber បានចេញផ្សាយសេចក្តីព្រាងមួយដែលត្រូវបានច្រានចោលដោយប្រទេសអ្នកមាន និងប្រទេសក្រីក្រ ជាអ្នកដែលបានចាត់ទុកថាវាមិនគ្រប់គ្រាន់ទាំងស្រុងនោះទេ មិនស៊ីសង្វាក់គ្នា និងជាបញ្ជាក់ពីការស្លាប់សម្រាប់ប្រទេសងាយរងគ្រោះ និងមានបញ្ហាច្រើន។ សំណើថ្មីនេះ បាននិយាយថា ប្រទេសនានាបានទទួលស្គាល់ «តម្រូវការសម្រាប់ការកាត់បន្ថយដ៏ស៊ីជម្រៅ ឆាប់រហ័ស និងប្រកបដោយនិរន្តរភាព ក្នុងការបំភាយឧស្ម័នផ្ទះកញ្ចក់ ស្របតាមមធ្យោបាយកម្រិត ១,៥អង្សាសេ។ ឯកសារក៏បានអំពាវនាវឱ្យមានការបង្កើនសមត្ថភាពបីដងនៃថាមពលកកើតឡើងវិញជាសកលនៅត្រឹមឆ្នាំ ២០៣០ និងបាននិយាយជាថ្មីនូវភាសាដែលបានព្រមព្រៀងគ្នាកាលពីពេលមុនថា ពួកគេនឹងពន្លឿនកិច្ចប្រឹងប្រែង «ឆ្ពោះទៅរកដំណាក់កាលកាត់បន្ថយជាបន្តបន្ទាប់នៃថាមពលធ្យូងថ្ម។ សេចក្តីព្រាងនេះ គឺចង់ឆ្លុះបង្ហាញពីទស្សនៈឯកភាពគ្នារបស់ប្រទេសជិត២០០ ដែលបានប្រជុំគ្នានៅក្នុងសន្និសីទនៅទីក្រុងឌូបៃ ជាកន្លែងដែលរដ្ឋាភិបាលជាច្រើន បានទទូចខ្លាំងៗ ដើម្បីបង្ហាញសញ្ញាពីការបញ្ចប់ជាយថាហេតុនៃយុគសម័យឥន្ធនៈហ្វូស៊ីល ប្រឆាំងការតវ៉ាពីប្រទេសអារ៉ាប៊ីសាអូឌីត និងសមាជិកនៃប្រទេសផលិតប្រេងនៅក្នុងក្រុម OPEC ។

បណ្ដាញសង្គម

ព័ត៌មានថ្មីៗ

គណៈកម្មការជំរឿនមន្ត្រី បន្តបេសកកម្មចុះធ្វើជីវមាត្រមន្ត្រីជាក់ស្តែង ដល់ក្រសួងបរិស្ថាន ដែលជាក្រសួងគោលដៅទី២៤
09/29/2026 10:09 AM
Facebook Telegram Linkin
កោះតៃវ៉ាន់ បញ្ជាក់ថា ខ្លួនកំពុងបន្តការចរចាជាមួយសហរដ្ឋអាមេរិកជុំវិញការលក់អាវុធ
09/29/2026 10:09 AM
Facebook Telegram Linkin
អាមេរិក និងអ៊ីរ៉ង់ ពិភាក្សាដាច់ដោយឡែកជាមួយភាគីសម្របសម្រួល ក្នុងកិច្ចខិតខំប្រឹងប្រែងចុងក្រោយដើម្បីបញ្ចប់សង្គ្រាម
09/29/2026 10:09 AM
Facebook Telegram Linkin
អាមេរិក៖ គ្មានផែនការលក់អាវុធទៅឱ្យចិនទេ បន្ទាប់ពីបេសកជនលើកឡើងពីសំណើរបស់លោក Trump
09/29/2026 10:09 AM
Facebook Telegram Linkin
[UPDATE] ថៃខាតបង់សរុប ៧៥៤,៣២ លានដុល្លារ ខណៈទីក្រុងបាងកករងផលប៉ះពាល់ធ្ងន់ធ្ងរបំផុតពីទឹកជំនន់ ហើយអាជីវកម្មជួបការលំបាក
09/29/2026 10:09 AM
Facebook Telegram Linkin
ពិព័រណ៍សំណង់ខ្នាតអន្តរជាតិ ឆ្នាំ២០២៦ ធ្វើឡើង​ដើម្បី​អភិវឌ្ឍ​វិស័យ​សំណង់​ និង​ហេដ្ឋា​រចនា​សម្ព័ន្ធ​នៅ​កម្ពុជា
09/29/2026 10:09 AM
Facebook Telegram Linkin
សែលកាត ចុះ MoU ជាមួយ Huawei ក្នុងទំហំទឹកប្រាក់ ៣០០លានដុល្លារគាំទ្រលើហេដ្ឋារចនាសម្ព័ន្ធឌីជីថលជំនាន់ថ្មី
09/29/2026 10:09 AM
Facebook Telegram Linkin
គណបក្សប្រជាជនកម្ពុជាអបអរសាទរដល់ប្រជាជនរុស្ស៊ីចំពោះជោគជ័យនៃការបោះឆ្នោត ជ្រើសតាំងតំណាងរាស្ត្រសភាឌូម៉ានៃសហព័ន្ធរុស្ស៊ី និងចំពោះគណបក្សរុស្ស៊ីរួបរួម ដែលទទួលបានជ័យជម្នះជាមួយនឹងសម្លេងភាគច្រើន
09/29/2026 09:09 AM
Facebook Telegram Linkin
គណៈកម្មាធិការអចិន្ត្រៃយ៍ព្រឹទ្ធសភា សម្រេចបើកកិច្ចប្រជុំព្រឹទ្ធសភាជាវិសាមញ្ញនៅព្រឹកនេះ ដើម្បីឱ្យយោបល់លើសេចក្តីព្រាងច្បាប់ចំនួន៤ និងបោះឆ្នោតជ្រើសរើសបំពេញសមាជិកគណៈកម្មការទី៩ព្រឹទ្ធសភា
09/29/2026 09:09 AM
Facebook Telegram Linkin
វិចារណកថា៖ តុល្យភាពមានចលនា មិនមែននៅស្ងៀម «តុល្យភាពរបស់ធម្មជាតិ មិនមែនជាពេលវេលាមួយដែលឈប់ស្ងៀមនោះទេ វាគឺជាសមត្ថភាពក្នុងការបន្តឆ្លើយតប និងសម្របខ្លួនទៅនឹងការប្រែប្រួល»
09/29/2026 07:09 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.