ជនជាតិឥណ្ឌូនេស៊ី ២១នាក់ ពាក់ព័ន្ធនឹងការលួចឆ្លងដែន ស្នាក់នៅ និងធ្វើការងារខុសច្បាប់ ត្រូវបានបណ្ដេញចេញពីកម្ពុជា
ជនជាតិឥណ្ឌូនេស៊ី ៧២នាក់ ពាក់ព័ន្ធនឹងOnline Scams ត្រូវបានបណ្ដេញចេញពីកម្ពុជា
ក្រសួងសន្តិសុខសាធារណៈចិន ចុះពិនិត្យទីតាំងធ្លាប់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យានៅតំបន់ OP ក្រុងបាវិត
ឧត្តមសេនីយ៍ឯក ជួន ណារិន្ទ ប្រកាសឲ្យអ្នកបើករថយន្ត Range Rover បង្កគ្រោះថ្នាក់ចរាចរណ៍ស្លាប់មនុស្សនៅខណ្ឌជ្រោយចង្វារ ចូលខ្លួនបន្ទាន់ មិនបាច់រកអន្តរាគមន៍ទេ

សន្តិសុខ និង សង្គម

ក្រុមហេបូឡាអះអាងថា ខ្លួនបានវាយប្រហារលើទាហានអ៊ីស្រាអែល ដោយយានដ្រូនកាំភ្លើងធំ និងមីស៊ីល

2023/11/21 06:29:14 pm        157
ចលនាហេបូឡារបស់ប្រទេសលីបង់ បាននិយាយថា ខ្លួនបានកំណត់គោលដៅលើកងទ័ពនៅប្រទេសអ៊ីស្រាអែលនៅភាគខាងជើងដោយយានដ្រូន កាំភ្លើងធំ និងមីស៊ីល កាលពីថ្ងៃចន្ទ ដោយអះអាងពីការវាយប្រហារថ្មីៗ ជាបន្តបន្ទាប់។ព្រំដែនអ៊ីស្រាអ៊ែល-លីបង់ បានបាញ់ប្រហារគ្នាទៅវិញទៅមក ជារៀងរាល់ថ្ងៃ ចាប់តាំងពីសង្រ្គាមអ៊ីស្រាអែល និងក្រុមហាម៉ាស បានចាប់ផ្តើម នៅថ្ងៃទី៧ ខែតុលា។ក្រុមដែលគាំទ្រដោយអ៊ីរ៉ង់ បាននិយាយនៅក្នុងសេចក្តីថ្លែងការណ៍មួយថា ក្រុមសកម្មប្រយុទ្ធហេបូឡា បានកំណត់គោលដៅលើទាហាននៅភាគខាងលិចនៃទីក្រុង Kiryat Shmona នៅប្រទេសអ៊ីស្រាអែលភាគខាងជើងជាមួយនឹងយានដ្រូនចំនួនបីគ្រឿង ដោយបន្ថែមថា ភ្លាមៗនោះ ខ្លួនក៏បានកំណត់គោលដៅលើកងទ័ពនៅក្នុងតំបន់នេះ ជាមួយនឹងការបាញ់កាំភ្លើងធំផងដែរ។សេចក្តីថ្លែងការណ៍ទាំងពីរ បានអះអាងថា ការវាយប្រហារនេះ គឺជាការវាយប្រហារដោយផ្ទាល់។កាលពីព្រឹកថ្ងៃចន្ទ ក្រុមហេសបូឡា បាននិយាយថា ខ្លួនបានបាញ់មីស៊ីល Burkan ទៅកាន់បន្ទាយអ៊ីស្រាអែល ហើយថែមទាំង បានអះអាងពីការវាយប្រហារមួយចំនួនទៀតលើទីតាំងរបស់អ៊ីស្រាអែល។កងទ័ពអ៊ីស្រាអែល បាននិយាយថា យានអាកាសគ្មានមនុស្សបើក (UAVs) ចំនួនបីគ្រឿង ត្រូវបានកំណត់ថា បានវាយប្រហារនៅជិតប៉ុស្តិ៍កងទ័ព ដោយមិនបានបញ្ជាក់កន្លែងណានោះទេ។ កងទ័ព បានបន្ថែមថា៖«មិនមានអ្នករងរបួស ត្រូវបានរាយការណ៍ទេ»។

តុលាការឧទ្ធរណ៍អាមេរិក រិះគន់លើច្បាប់សិទ្ធិបោះឆ្នោតជាមូលដ្ឋានដ៏សំខាន់

2023/11/21 06:25:57 pm        58
តុលាការឧទ្ធរណ៍សហព័ន្ធ បានរិះគន់យ៉ាងខ្លាំងដល់ក្រុមការពារសិទ្ធិបោះឆ្នោត ដែលព្យាយាមរុញច្រានប្រឆាំងនូវអ្វីដែលពួកគេចាត់ទុកថាជា ច្បាប់បោះឆ្នោតរើសអើង និងជាការបង្ហាញភាពអយុត្តិធម៌។តុលាការឧទ្ធរណ៍សហព័ន្ធប្រចាំតំបន់ទី៨ បានចេញសេចក្តីសម្រេចថា ក្រោមច្បាប់សិទ្ធិបោះឆ្នោត ជាច្បាប់សិទ្ធិជនស៊ីវិលដ៏សំខាន់ កំពុងរារាំងការរើសអើងជាតិសាសន៍ក្នុងការបោះឆ្នោត ដែលមានតែរដ្ឋាភិបាលសហរដ្ឋអាមេរិកប៉ុណ្ណោះ អាចប្តឹងដើម្បីជំទាស់ទៅនឹងដំណើរការច្បាប់បោះឆ្នោត និងការបែងចែកតំបន់ឡើងវិញ។ប៉ុន្តែភាគច្រើននៃសំណុំរឿងច្បាប់ស្តីពីសិទ្ធិបោះឆ្នោត ត្រូវបានប្តឹងដោយភាគីឯកជន ដែលតុលាការកំពូលបានទទួលស្គាល់នៅក្នុងសេចក្តីសម្រេចមុនៗ។ជាឧទាហរណ៍ កាលពីដើមឆ្នាំនេះ ក្រុមចៅក្រមតុលាការ បានលុបចោលផែនទីសង្កាត់ Alabama ដែលបានស្នើឡើង បន្ទាប់ពីមានបណ្តឹង ដែលធ្វើឡើងដោយក្រុមចម្រុះនៃក្រុមសិទ្ធិមនុស្សការពារជនស៊ីវិល។ សេចក្តីសម្រេច កាលពីថ្ងៃច័ន្ទ បានគាំទ្រសេចក្តីសម្រេចឆ្នាំ ២០២២ ពីចៅក្រមសហព័ន្ធរដ្ឋ Arkansas ដែលត្រូវបានតែងតាំងដោយអតីតប្រធានាធិបតីគណបក្សសាធារណរដ្ឋលោក Donald Trump ដែលថាមានតែអគ្គមេធាវីសហរដ្ឋអាមេរិកប៉ុណ្ណោះ ដែលមានអំណាចក្នុងការដាក់ពាក្យបណ្តឹង។សេចក្តីសម្រេច ដែលទំនងជានឹងត្រូវប្តឹងឧទ្ធរណ៍ អាចបង្កើតការប្រជែងសិទ្ធិបោះឆ្នោតលើកក្រោយនៅតុលាការកំពូលអាមេរិក។

កងទ័ពអ៊ីស្រាអែលនិយាយថា កងកម្លាំងបានរកឃើញមន្ទីរពិសោធន៍អាវុធនៅក្រោមវិហារឥស្លាមនៅតំបន់ហ្កាហ្សា

2023/11/21 05:46:31 pm        89
អ្នកនាំពាក្យកងទ័ព លោក Daniel Hagari បាននិយាយកាលពីថ្ងៃចន្ទថា កងកម្លាំងអ៊ីស្រាអែល បានរកឃើញរោងចក្រផលិតអាវុធនិងយានដ្រូន(UAVs) នៅក្រោមវិហារអ៊ីស្លាមមួយកន្លែងក្នុងតំបន់ហ្កាហ្សា ។ លោក Hagari និយាយថា ទាហានក៏បានរកឃើញច្រកផ្លូវរូងក្រោមដីមួយផងដែរ បន្ទាប់ពីបានស្វែងរកវិហារឥស្លាមនៅក្នុងសង្កាត់ជិតខាង Zaytun។ កងទ័ពអ៊ីស្រាអែល បានបញ្ចេញវីដេអូកាលពីថ្ងៃចន្ទ អំពីអ្វីដែលពួកគេនិយាយថាជាមន្ទីរពិសោធន៍អាវុធមួយកន្លែងនៅក្រោមវិហារឥស្លាមក្នុងសង្កាត់ជិតខាង Zaytun នៅតំបន់ហ្កាហ្សា។ ជាមួយគ្នានេះ យោធាអ៊ីស្រាអែលបានចេញផ្សាយវីដេអូ កាលពីថ្ងៃចន្ទ បង្ហាញពីការវាយប្រហារទៅលើអគារនានាក្នុងប្រទេសលីបង់ ដែលខ្លួនជឿថាមានទំនាក់ទំនងជាមួយក្រុមសកម្មប្រយុទ្ធហេសបូឡា (Hezbollah)។ កងទ័ពអ៊ីស្រាអែល និយាយនៅក្នុងការបង្ហោះនៅលើគណនីតេឡេក្រាមផ្លូវការ របស់ពួកគេថា កងទ័ពអ៊ីស្រាអែល បានបើកការវាយប្រហារជាបន្តបន្ទាប់តាមយន្តហោះចម្បាំង រថក្រោះយោធា និងឧទ្ធម្ភាគចក្រ ទៅលើហេដ្ឋារចនាសម្ព័ន្ធ ដែលគេជឿថាធ្វើប្រតិបត្តិការដោយក្រុមសកម្មប្រយុទ្ធគាំទ្រដោយប្រទេសអ៊ីរ៉ង់។

ទារកកើតមិនគ្រប់ខែនៅហ្កាហ្សា ជម្លៀសទៅអេហ្ស៊ីប ខណៈរថក្រោះអ៊ីស្រាអែល ឡោមព័ទ្ធមន្ទីរពេទ្យទីពីរ

2023/11/21 03:25:58 pm        290
ទារកកើតមិនគ្រប់ខែចំនួន ២៨ នាក់ ដែលត្រូវបានជម្លៀសចេញពីមន្ទីរពេទ្យដ៏ធំបំផុតរបស់តំបន់ហ្កាហ្សា ត្រូវបានគេនាំយកទៅកាន់ប្រទេសអេហ្ស៊ីប ដើម្បីព្យាបាលជាបន្ទាន់កាលពីថ្ងៃច័ន្ទ (២០ វិច្ឆិកា) ខណៈក្រុមអាជ្ញាធរប៉ាឡេស្ទីន និងអង្គការសុខភាពពិភពលោក បាននិយាយថាមនុស្ស ១២នាក់ ត្រូវបានសម្លាប់នៅមន្ទីរពេទ្យហ្កាហ្សា មួយផ្សេងទៀតដែលឡោមព័ទ្ធដោយរថក្រោះអ៊ីស្រាអែល។ទារកទើបនឹងកើតទាំងនោះ បានស្ថិតនៅក្នុងមន្ទីរពេទ្យ អាល់ស៊ីហ្វា (Al Shifa) ភាគខាងជើងនៃតំបន់ហ្កាហ្សា ជាទីដែលទារកមួយចំនួនទៀតបានស្លាប់ បន្ទាប់ពីឧបករណ៍កម្ដៅខ្លួនរបស់ពួកគេត្រូវបានកាត់ផ្ដាច់ថាមពល ស្របពេលមានការដួលរលំនៃសេវាវេជ្ជសាស្រ្ត អំឡុងពេលការវាយលុកយោធារបស់អ៊ីស្រាអែល លើទីក្រុងហ្កាហ្សា។កងកម្លាំងអ៊ីស្រាអែល បានឡោមព័ទ្ធមន្ទីរពេទ្យស៊ីហ្វា កាលពីសប្តាហ៍មុន ដើម្បីស្វែងរកអ្វីដែលពួកគេបាននិយាយថាជាបណ្តាញផ្លូវរូងក្រោមដី ដែលជាកម្មសិទ្ធិរបស់ក្រុមអ៊ីស្លាមនិយមហាម៉ាស បានសាងសង់នៅខាងក្រោមនោះ។ អ្នកជំងឺរាប់រយនាក់ បុគ្គលិកពេទ្យ និងជនភៀសខ្លួនបានចាកចេញពីមន្ទីរពេទ្យស៊ីហ្វា កាលពីចុងសប្តាហ៍ ដោយក្រុមគ្រូពេទ្យនិយាយថា ពួកគេត្រូវបានបណ្តេញចេញដោយកងទ័ព ប៉ុន្តែអ៊ីស្រាអែលនិយាយថា ការចាកចេញនោះគឺជាការស្ម័គ្រចិត្តប៉ុណ្ណោះ៕

សមាជិកក្រុមជនអន្ធពាលជាង២០០ នាក់ត្រូវបានកាត់ទោសឱ្យជាប់ពន្ធនាគារ២.១០០ ឆ្នាំក្រោយជម្រះក្តីដ៏ធំនៅអ៊ីតាលី

2023/11/21 03:21:00 pm        215
សមាជិកក្រុមជនអន្ធពាលជាង ២០០ នាក់ត្រូវបានកាត់ទោស ឱ្យជាប់ពន្ធនាគារសរុបចំនួន ២.១០០ ឆ្នាំបន្ទាប់ពីការកាត់ទោសក្រុមម៉ាហ្វ្យា (mafia) ដ៏ធំបំផុតមួយរបស់ប្រទេសអ៊ីតាលី។ មនុស្សសរុបចំនួន៣៨៨ នាក់ត្រូវបានចោទប្រកាន់ថាជាផ្នែកមួយនៃក្រុមជនអន្ធពាល ដ្រាងហេតា( 'Ndrangheta)របស់ប្រទេសអ៊ីតាលី ខណៈការកាត់ក្តីនៅតែបន្តចាប់តាំងពីខែមករា ឆ្នាំ២០២១មក ។ជនជាប់ចោទចំនួន៦៧ នាក់ត្រូវបានគេរកឃើញថាមានទោសរួចហើយបន្ទាប់ពីជ្រើសរើសការកាត់ក្តីដ៏លឿន ហើយមនុស្ស ១៣១ នាក់ត្រូវបានរួចទោស។ ក្រុមឧក្រិដ្ឋកម្មដែលបានរៀបចំជាសម្ព័ន្ធ គឺជាក្រុមជួញដូរគ្រឿងញៀនដ៏មានឥទ្ធិពល និងអ្នកមានទ្រព្យសម្បត្តិបំផុតមួយរបស់ពិភពលោក។ សារព័ត៌មាន Sky News រាយការណ៍ថា នេះគឺជាក្រុមម៉ាហ្វ្យា តែមួយគត់ដែលសកម្មនៅគ្រប់ទ្វីបទាំងអស់ ត្រូវគេនិយាយថាគ្រប់គ្រង ៨០ ភាគរយនៃពាណិជ្ជកម្មគ្រឿងញៀនកូកាអ៊ីនរបស់អឺរ៉ុប និងទទួលបានប្រាក់ចំណូលប្រចាំឆ្នាំប្រហែល ៥២ ពាន់លានផោន។ ការជំនុំជម្រះក្ដីនេះមានគោលបំណងធានាការផ្ដន្ទាទោស និងការកាត់ទោសដោយផ្អែកលើការចោទប្រកាន់ថា មានការឃុបឃិតគ្នាក្នុងចំណោមក្រុមឧក្រិដ្ឋកម្ម និងក្រុមអ្នកនយោបាយក្នុងស្រុក មន្ត្រីសាធារណៈនិងធុរកិច្ចជន ដើម្បីបង្ហាញថាតើក្រុមនេះមានឫសគល់ជ្រៅប៉ុណ្ណានៅក្នុងតំបន់ភ្នំកាឡាប្រីយ៉ា (Calabria)របស់ប្រទេសអ៊ីតាលី ។ ជនល្មើសបានប្រឈមទៅនឹងការចោទប្រកាន់ពីបទជួញដូរគ្រឿងញៀន និងអាវុធ ក៏ដូចជាការចោទប្រកាន់ពីបទជំរិតទារប្រាក់ និងសមាគមម៉ាហ្វៀ ជាពាក្យដែលប្រើនៅក្នុងប្រទេសអ៊ីតាលី សម្រាប់សមាជិកនៃក្រុមឧក្រិដ្ឋកម្មដែលបានរៀបចំជាសម្ព័ន្ធ៕

ជនភៀសខ្លួនរ៉ូហ៊ីងយ៉ារាប់រយនាក់ បានទៅដល់ឥណ្ឌូណេស៊ី បន្ទាប់ពីឆ្លងកាត់សមុទ្រ

2023/11/20 09:53:00 pm        143
មន្ត្រីម្នាក់មកពីស្នងការជាន់ខ្ពស់របស់ទីភ្នាក់ងារជនភៀសខ្លួនអង្គការសហប្រជាជាតិ (UNHCR) ក្នុងតំបន់បាននិយាយថា ជនភៀសខ្លួនម៉ូស្លីមរ៉ូហ៊ីងយ៉ា ជាង ៥០០នាក់ ដែលមានដើមកំណើតមកពីសហភាពមីយ៉ាន់ម៉ា បានចូលចតនៅច្រាំងសមុទ្រខេត្ត អាចចេ (Aceh) របស់ប្រទេសឥណ្ឌូនេស៊ី កាលពីថ្ងៃអាទិត្យ (១៩ វិច្ឆិកា) ដែលនោះជារលកទីបួន នៃការមកដល់របស់ជនភៀសខ្លួនរ៉ូហ៊ីងយ៉ាក្នុងសប្តាហ៍នេះ។ លោកស្រី ម៉ុណាវ៉ារ៉ាទុល ម៉ាកយ៉ា (Munawaratul Makhya) មន្ត្រីរបស់ទីភ្នាក់ងារ UNHCR បានប្រាប់សារព័ត៌មានរ៉យទ័រថា ជនភៀសខ្លួនដែលបានមកដល់ផ្នែកផ្សេងៗនៃខេត្តនេះ រួមមានតំបន់ ប៊ីរ៉េអេន (Bireuen) តំបន់ ពីឌី (Pidie) និងតំបន់ អាចចេ ភាគខាងកើត (East Aceh) បានធ្វើឲ្យទីតាំងស្នាក់នៅនានាក្នុងស្រុកពោរពេញដោយមនុស្សយ៉ាងច្រើន។លោកស្រី ម៉ាកយ៉ា បាននិយាយថា ទីតាំងដែលពួកគេកំពុងស្នាក់នៅក្នុងតំបន់ ពីឌី គឺពោរពេញដោយអ្នកមកដល់ថ្មីៗ ហើយទីភ្នាក់ងារ UNHCR កំពុងរង់ចាំរដ្ឋាភិបាលផ្តល់ជម្រកបណ្ដោះអាសន្នធំជាងនេះដើម្បីឲ្យពួកគេស្នាក់នៅ។ជនជាតិមូស្លីមរ៉ូហ៊ីងយ៉ា រាប់រយនាក់បានទៅដល់ខេត្ត Aceh ក្នុងរយៈពេលប៉ុន្មានថ្ងៃថ្មីៗនេះ ដោយបានធ្វើឱ្យចំនួនជនភៀសខ្លួនសរុបនៅទីនោះកើនឡើងដល់ជាងមួយពាន់នាក់ ដោយបន្តការធ្វើអន្តោប្រវេសន៍ដែលមានរយៈពេលជាច្រើនឆ្នាំ ដែលមើលឃើញជនជាតិរ៉ូហ៊ីងយ៉ា បានរត់គេចពីប្រទេសមីយ៉ាន់ម៉ា ទៅកាន់ប្រទេសបង់ក្លាដែស ភាគច្រើនកាន់សាសនាឥស្លាម ឬធ្វើដំណើរដោយទូកឈើដ៏ចាស់ទៅកាន់ប្រទេសម៉ាឡេស៊ី និង ប្រទេសឥណ្ឌូនេស៊ី ក៏ដូចជាប្រទេសថៃផងដែរ៕

ចំនួនអ្នកស្លាប់ជនជាតិប៉ាឡេស្ទីននៅហ្កាហ្សា កើនឡើងលើស ១៣.០០០នាក់

2023/11/20 09:50:34 pm        143
ការិយាល័យប្រព័ន្ធផ្សព្វផ្សាយរដ្ឋាភិបាលនៅតំបន់ហ្កាហ្សា បានប្រកាសកាលពីថ្ងៃអាទិត្យថា ចំនួនអ្នកស្លាប់របស់ប៉ាឡេស្ទីន នៅតំបន់ហ្កាហ្សាស្ទ្រីប បានកើនឡើងលើស ១៣.000 នាក់ ចាប់តាំងពីជម្លោះអ៊ីស្រាអែល និងក្រុមហាម៉ាស បានផ្ទុះឡើងកាលពីថ្ងៃទី៧ ខែតុលា។លោក Ismail al-Thawabta អគ្គនាយកនៃការិយាល័យប្រព័ន្ធផ្សព្វផ្សាយ បាននិយាយនៅក្នុងសន្និសីទសារព័ត៌មានថា ក្នុងចំណោមអ្នកស្លាប់មានកុមារចំនួន ៥.៥០០នាក់ និងស្ត្រីចំនួន ៣.៥០០នាក់ ខណៈដែលមនុស្សជាង ៣០.000 នាក់ផ្សេងទៀត បានរងរបួសផ្សេងៗគ្នា។លោក Al-Thawabta បាននិយាយថា ចំនួនអ្នកបាត់ខ្លួន បានកើនលើស ៦.០០០នាក់ ក្នុងនោះមានកុមារ និងស្ត្រីចំនួន ៤.000 នាក់ នៅតែស្ថិតនៅក្រោមគំនរបាក់បែកនៃអគារ ដែលត្រូវបានបំផ្លាញដោយការវាយប្រហាររបស់អ៊ីស្រាអែល។អ៊ីស្រាអែល បាននិងកំពុងធ្វើការវាយប្រហារលើតំបន់ហ្កាហ្សាក្នុងរយៈពេលប៉ុន្មានសប្តាហ៍កន្លងមកនេះ ដើម្បីសងសឹកនឹងការវាយប្រហារដ៏គួរឲ្យភ្ញាក់ផ្អើលរបស់ក្រុមហាម៉ាសលើអ៊ីស្រាអែលភាគខាងត្បូង កាលពីថ្ងៃទី៧ ខែតុលា ក្នុងអំឡុងពេលដែលក្រុមសកម្មប្រយុទ្ធហាម៉ាស បានសម្លាប់មនុស្សប្រហែល១.២០០ នាក់ និងចាប់ចំណាប់ថ្នូរជាង ២០០នាក់។

រថភ្លើងបុករថយន្តក្រុងខ្នាតតូចនៅខេត្តជ្វាខាងកើត បណ្តាលឲ្យមនុស្ស១១នាក់ស្លាប់

2023/11/20 09:47:30 pm        176
ក្រុមអ្នកសង្គ្រោះនិយាយថា រថភ្លើង បានបុកជាមួយរថយន្តក្រុងខ្នាតតូចមួយគ្រឿង នៅទីក្រុង Lumajang ខេត្តជ្វាខាងកើតរបស់ប្រទេសឥណ្ឌានេស៊ី កាលពីល្ងាចថ្ងៃអាទិត្យបណ្តាលឲ្យមនុស្ស១១នាក់ស្លាប់ និង៣នាក់ផ្សេងទៀតរងរបួស។លោក Muhammad Hariyadi ប្រធានាការិយាល័យសង្រ្គោះនិងស្វែងរកប្រចាំខេត្តបាននិយាយថា ឧបទ្ទវហេតុនេះ បានកើតឡើងនៅពេលដែលរថយន្តក្រុងខ្នាតតូចមួយគ្រឿង បានបើកកាត់ផ្លូវរថភ្លើងដែលកំពុងមកដល់ដោយគ្មានរនាំងសម្រាប់រថភ្លើងឆ្លងកាត់នៅក្នុងភូមិ Ranupakis ម៉ោង៧:៥៣នាទីល្ងាច ម៉ោងក្នុងតំបន់ ដោយរថភ្លើងបានមកបុករថយន្តក្រុងខ្នាតតូចភ្លាមៗ។ ប្រព័ន្ធផ្សព្វផ្សាយ បានរាយការណ៍ថា រថភ្លើងកំពុងធ្វើដំណើរឆ្ពោះទៅកាន់ ទីក្រុងកំពង់ផែ Surabaya នៅពេលនោះបានបុកជាមួយរថយន្តក្រុងខ្នាតតូចដឹកអ្នកដំណើររាប់សិបនាក់ នៅចំណុចឆ្លងកាត់។មនុស្ស១០នាក់ស្លាប់នៅនឹងកន្លែង និងម្នាក់ស្លាប់នៅមជ្ឈមណ្ឌលសុខភាពសហគមន៍ បន្ទាប់ពីបញ្ជូនទៅព្យាបាល។ មនុស្ស៤នាក់រួមមានកុមារម្នាក់ កំពុងទទួលការព្យាបាល នៅមន្ទីរពេទ្យក្នុងតំបន់ ហើយនៅពុំទាន់ច្បាស់នោះទេថាតើពួកគេមានជាប់ពាក់ព័ន្ធក្នុងករណីនេះ។ យោងតាមនគរបាលតំបន់ បាននិយាយថា ការស៊ើបអង្កេតមួយ ត្រូវបានធ្វើឡើងនៅកន្លែងកើតហេតុ។

មនុស្សជាង ១៤.៤០០នាក់ ត្រូវបានសម្លាប់ក្នុងជម្លោះរវាងប៉ាឡេស្ទីន- អ៊ីស្រាអែលដែលនៅតែបន្ត

2023/11/20 09:36:40 pm        130
យោងតាមទិន្នន័យផ្លូវការចេញផ្សាយដោយភាគីទាំងសងខាងបាននិយាយថា ចំនួនអ្នកស្លាប់ដោយជម្លោះប៉ាឡេស្ទីន-អ៊ីស្រាអែល ដែលនៅតែបន្តបានកើនឡើងលើសពី ១៤.៤០០នាក់ ។ ការិយាល័យប្រព័ន្ធផ្សព្វផ្សាយរបស់រដ្ឋាភិបាលតំបន់ហ្កាហ្សា បានប្រកាសកាលពីថ្ងៃទី ១៩ ខែវិច្ឆិកាថា ចំនួនអ្នកស្លាប់នៅខាងភាគីប៉ាឡេស្ទីននៅតំបន់ហ្កាហ្សា បានកើនឡើងលើសពី ១៣.០០០នាក់ ចាប់តាំងពីជម្លោះផ្ទុះឡើងកាលពីថ្ងៃទី ៧ ខែតុលា។លោក Ismail al-Thawabta អគ្គនាយកការិយាល័យប្រព័ន្ធផ្សព្វផ្សាយ បាននិយាយនៅក្នុងសន្និសីទសារព័ត៌មានថា ក្នុងចំណោមអ្នកស្លាប់មានកុមារ ៥.៥០០នាក់ និងស្ត្រីចំនួន ៣.៥០០នាក់ ខណៈ ជាង ៣០.០០០នាក់ ផ្សេងទៀតបានរងរបួសក្នុងស្ថានភាពផ្សេងៗគ្នា។ លោកនិយាយថា មានមនុស្សជាង ៦.០០០នាក់ បានបាត់ខ្លួន ក្នុងនោះមានកុមារ និងស្ត្រីចំនួន ៤.០០០នាក់ នៅតែស្ថិតនៅក្រោមកម្ទេចកម្ទីបាក់បែកនៃអគារដែលត្រូវបានបំផ្លាញដោយការវាយប្រហាររបស់អ៊ីស្រាអែល។ កាលពីថ្ងៃទី១៨ ខែវិច្ឆិកា ក្រសួងសុខាភិបាលប៉ាឡេស្ទីន បានបញ្ជាក់ថា ជម្លោះនៅបន្តនេះបានសម្លាប់មនុស្ស ២១៥នាក់ និងរបួសជាង ២.៨០០នាក់ នៅតំបន់ West Bank។ នៅថ្ងៃដដែលនេះដែរ កងកម្លាំងការពារជាតិអ៊ីស្រាអែល (IDF) បានចេញសេចក្តីថ្លែងការណ៍ ដោយបញ្ជាក់ពីការស្លាប់របស់ទាហាន ៥៧នាក់ និងរងរបួសជាច្រើននាក់ ចាប់តាំងពីខ្លួនចាប់ផ្តើមប្រតិបត្តិការតាមដីគោកនៅតំបន់ហ្កាហ្សា។ ផ្អែកលើទិន្នន័យកាលពីពេលមុនរបស់អ៊ីស្រាអែល វាត្រូវបានគេប៉ាន់ប្រមាណថា ពលរដ្ឋអ៊ីស្រាអែលប្រហែល ១.២០០នាក់ បានបាត់បង់ជីវិតនៅក្នុងជម្លោះនេះ។ យោងតាមសារព័ត៌មាន The Times of Israel នាយសេនាធិការការពារជាតិអ៊ីស្រាអែល ឧត្តមសេនីយ៍ឯក Herzi Halevi បានអនុម័តផែនការដើម្បីបន្តការវាយលុកតាមដីគោកនៅតំបន់ហ្កាហ្សា ហើយកងទ័ពអ៊ីស្រាអែល ត្រូវបានគេរំពឹងថានឹងចាប់ផ្តើមប្រតិបត្តិការនៅភាគខាងត្បូងតំបន់ហ្កាហ្សាផងដែរ។

អ៊ុយក្រែននិយាយថា កងទ័ពរបស់ខ្លួនបានវាយរុញច្រានរុស្ស៊ី នៅច្រាំងខាងកើតទន្លេ Dnipro

2023/11/20 09:33:27 pm        123
យោធាអ៊ុយក្រែននិយាយថា កងកម្លាំងរបស់ខ្លួនបានវាយរុញច្រានកងទ័ពរុស្ស៊ីនៅច្រាំងភាគខាងកើតទន្លេ Dnipro ភាគខាងត្បូងតំបន់ Kherson។ ច្រាំងខាងកើតទន្លេ Dnipro គឺជាសមរភូមិមុខមួយ ក្នុងចំណោមសមរភូមិចំនួនបី ដែលការប្រយុទ្ធគ្នាតាមដីគោកខ្លាំងក្លា ត្រូវបានគេជឿថានឹងបន្តរវាងកងកម្លាំងអ៊ុយក្រែន និងរុស្ស៊ី។ តំបន់ពីរផ្សេងទៀតគឺតំបន់ Kupiansk នៅភាគខាងកើតទីក្រុង Kharkiv និងតំបន់ Avdiivka នៅ Donetsk ។ទន្ទឹមនឹងនេះ អភិបាលក្រុង Kherson បាននិយាយនៅក្នុងការបង្ហោះលើប្រព័ន្ធផ្សព្វផ្សាយសង្គមថា យោធារុស្ស៊ី បានដាក់គោលដៅទៅលើលំនៅឋានពលរដ្ឋនៅក្នុងតំបន់នេះ។ អភិបាលក្រុង បាននិយាយថា ពលរដ្ឋ៥នាក់ រួមទាំងកុមារអាយុ ៣ ឆ្នាំម្នាក់ បានរងរបួសនៅក្នុងការវាយប្រហារ។នៅក្នុងការវិវឌ្ឍន៍ដែលពាក់ព័ន្ធ ក្រសួងការពារជាតិចក្រភពអង់គ្លេស បាននិយាយកាលពីថ្ងៃអាទិត្យថា រុស្ស៊ី ទំនងជាកំពុងពិចារណានាំយកយន្តហោះឈ្លបយកការណ៍សម័យសូវៀត ចូលមកប្រើប្រាស់វិញ។ តាមសេចក្តីរាយការណ៍ យន្តហោះនេះអាចហោះឡើងដល់រយៈកម្ពស់ជាង ២០.០០០ម៉ែត្រ។ក្រសួងនិយាយថា យន្តហោះនេះត្រូវបានគេប្រើប្រាស់កាលពីពេលថ្មីៗនេះ ជាវេទិកាក្នុងការស្រាវជ្រាវវិទ្យាសាស្ត្រផែនដី។ ប៉ុន្តែវាត្រូវបានគេសង្កេតឃើញមានផ្ទុកនូវឧបករណ៍ឈ្លបយកការណ៍យោធា។ ក្រសួងនិយាយថា ខណៈយោធារុស្ស៊ី ពុំបានបង្កើតការស៊ើបការណ៍សម្ងាត់ ការតាមដាន លទ្ធភាពទទួលបានគោលដៅ និងសមត្ថភាពឈ្លបយកការណ៍ ប្រទេសនេះកំពុងព្យាយាមពង្រឹងសមត្ថភាពបែបនេះដោយប្រើប្រាស់យន្តហោះឈ្លបយកការណ៍។

បណ្ដាញសង្គម

ព័ត៌មានថ្មីៗ

ឯកឧត្តមបណ្ឌិត លី ធុជ ជួបសន្ទនា​ជាមួយតំណាងជាន់ខ្ពស់សហភាពអឺរ៉ុប និងបញ្ជាក់ការប្តេជ្ញាចិត្តរបស់កម្ពុជាក្នុង​ការ​ចូលរួមបេសកកម្មមនុស្សធម៌​ ជួយសម្រាលទុក្ខលំបាក​ និង​ការ​ឈឺចាប់​របស់ប្រជាជនដែលរងផលប៉ះពាល់ពីមីន និងសំណល់ជាតិផ្ទុះពីសង្គ្រាម
11/18/2026 10:11 AM
អាមេរិក និងអ៊ីរ៉ង់ បាញ់តបតគ្នា ទោះបីមានការចរចាជាមួយភាគីក្រុមសម្របសម្រួលក៏ដោយ
11/18/2026 09:11 AM
កម្ពុជាអំពាវនាវដល់សហគមន៍អន្តរជាតិបង្កើនហិរញ្ញប្បទានអាកាសធាតុ និងរក្សាគោលដៅកំដៅ ១.៥ អង្សាសេ នៅក្នុងសន្និសីទ COP31 នៅប្រទេសទួរគីយ៉េ
11/18/2026 08:11 AM
កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
11/17/2026 11:11 PM
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
11/17/2026 10:11 PM
សម្ដេចតេជោ ឆ្លើយតប អគ្គលេខាធិការហ្វ្រង់កូហ្វូនី៖ មោទនភាពសម្រាប់កម្ពុជា មានឱកាសរៀបចំនូវកិច្ចប្រជុំកំពូល ដោយជោគជ័យ
11/17/2026 08:11 PM
មន្ទីរពេទ្យព្រះអង្គឌួង ទទួលសម្ភារៈបរិក្ខាចក្ខុរោគសម្រាប់ចែកបន្តដល់មន្ទីរពេទ្យជាសម្ព័ន្ធមេត្រីភាពដើម្បីលើកកម្ពស់គុណភាពថែទាំភ្នែកកាន់តែប្រសើរ
11/17/2026 08:11 PM
កម្ពុជា-សហរដ្ឋអាមេរិក បន្តពង្រឹងភាពជាដៃគូក្នុងការប្រយុទ្ធនឹងជំងឺរបេង ដើម្បីឈានទៅលុបបំបាត់ជំងឺរបេងត្រឹមឆ្នាំ២០៣០
11/17/2026 08:11 PM
សម្ដេចតេជោ ជំរុញឱ្យ កម្ពុជា-ឡាវ បន្តកិច្ចសហប្រតិបត្តិការ ជាពិសេស ធានាព្រំដែនមាន សន្តិភាព ស្ថេរភាព និងសុវត្ថិភាព
11/17/2026 08:11 PM
សម្ដេចតេជោ ឯកភាពឱ្យ កម្ពុជា-ម៉ាឡេស៊ី ពង្រឹងកិច្ចសហប្រតិបត្តិការ វិស័យសេដ្ឋកិច្ច ពាណិជ្ជកម្ម ការវិនិយោគ
11/17/2026 08:11 PM