នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជន​ជាតិចិន ៣២៩នាក់ ពាក់​ព័ន្ធករណីឆបោកតាមប្រព័ន្ធអនឡាញ (Online Scams) ត្រូវបានបណ្ដេញចេញ​ពី​ព្រះរាជាណាចក្រកម្ពុជា
ករណី Online Scams ៖ តំណាងអយ្យការសម្រេចចោទប្រកាន់លើមន្ត្រីនគរបាលផ្កាយបី១នាក់ ,ផ្កាយពីរ ១នាក់ និងពាក់ព័ន្ធ ៤នាក់ផ្សេងទៀត
តំណាងអយ្យការ មិនទាន់បញ្ចប់ការស៊ើបអង្កេត និងស្តាប់ចម្លើយមន្ត្រីជាន់ខ្ពស់នគរបាល២រូប និងជនសង្ស័យពីររូបទៀតនៅឡើយទេពាក់ព័ន្ធករណីសង្ស័យស៊ីសំណូក និងសម្អាតប្រាក់ពីក្រុមឆបោក តាមប្រព័ន្ធបច្ចេកវិទ្យា
ប្រព័ន្ធលូបង្ហូរទឹក ជាផ្នែកសំខាន់ដែលអាជ្ញាធរមូលដ្ឋានត្រូវយកចិត្តទុកដាក់ ដើម្បី​បញ្ចៀស​ការ​ជន់​លិច​នៅ​រដូវវស្សា

សន្តិសុខ និង សង្គម

អ៊ីស្រាអែល បានសម្លាប់អ្នកសារព័ត៌មាន Al Jazeera ដោយចោទថាជាសមាជិកក្រុមហាម៉ាស

2024/08/02 01:20:38 pm        121
Facebook Telegram Linkin
យោធាអ៊ីស្រាអែល បានបញ្ជាក់កាលពីថ្ងៃព្រហស្បតិ៍ (០១ សីហា) ថា ខ្លួនបានសម្លាប់អ្នកសារព័ត៌មានរបស់ស្ថាប័ន អាល់-ចាហ្ស៊ីរ៉ា (Al-Jazeera) ឈ្មោះ អ៊ីស្មេល អាល់-ហ្គូល (Ismail Al-Ghoul) នៅក្នុងការវាយប្រហារតាមអាកាសនៅតំបន់ហ្កាហ្សា ដោយនិយាយថាលោកគឺជាបណ្ដាញប្រតិបត្តិការរបស់ក្រុមហាម៉ាស ដែលបានចូលរួមក្នុងការវាយប្រហារកាលពីថ្ងៃទី០៧ ខែតុលា លើអ៊ីស្រាអែល។សារព័ត៌មាន Al-Jazeera បានច្រានចោលនូវអ្វីដែលខ្លួនបាននិយាយថាជា «ការចោទប្រកាន់គ្មានមូលដ្ឋាន» និងជាការប៉ុនប៉ងរបស់អ៊ីស្រាអែល ដើម្បីបង្ហាញអំពីភាពត្រឹមត្រូវនៃការសម្លាប់អ្នកសារព័ត៌មានដោយចេតនា។ប្រព័ន្ធផ្សព្វផ្សាយកាតាមួយនេះ បាននិយាយកាលពីថ្ងៃពុធថា លោក Al-Ghoul និងអ្នកថតរូប លោក រ៉ាមី អែលរីហ្វី (Ramy El Rify) ទាំងពីរនាក់ត្រូវបានសម្លាប់នៅក្នុងការវាយប្រហាររបស់អ៊ីស្រាអែលលើទីក្រុងហ្កាហ្សា ខណៈពេលដែលកំពុងបំពេញភារកិច្ចយកព័ត៌មាននៅជិតលំនៅឋានរបស់លោក អ៊ីស្មេល ហានិយេ (Ismail Haniyeh) ប្រធានក្រុមហាម៉ាស ដែលត្រូវបានសម្លាប់នៅអ៊ីរ៉ង់ នៅថ្ងៃដដែលនោះ។យោធាអ៊ីស្រាអែលបាននិយាយថា លោក Al-Ghoul គឺជាសមាជិកនៃអង្គភាពសម្រាំង នូកបា (Nukhba) ដែលបានចូលរួមក្នុងការវាយប្រហារកាលពីថ្ងៃទី០៧ ខែតុលា ហើយបានណែនាំប្រតិបត្តិកររបស់ហាម៉ាសអំពីរបៀបថតប្រតិបត្តិការ ហើយនិយាយថាលោកបានចូលរួមក្នុងការថតសកម្មភាព និងផ្សព្វផ្សាយការវាយប្រហារលើកងទ័ពអ៊ីស្រាអែល។ ប៉ុន្តែ Al-Jazeera បាននិយាយថា លោក Al-Ghoul បានធ្វើការឱ្យបណ្តាញព័ត៌មាននេះតាំងពីខែវិច្ឆិកា ឆ្នាំ២០២៣មក ហើយអាជីពតែមួយគត់របស់លោកគឺជាអ្នកសារព័ត៌មាន៕

មនុស្សជាច្រើននាក់ស្លាប់ក្នុងទឹកជំនន់នៅរដ្ឋធានីវៀតណាម ស្របពេលភ្លៀងធ្លាក់ខ្លាំង

2024/08/02 01:05:01 pm        149
Facebook Telegram Linkin
គេហទំព័រព័ត៌មាន វៀតណាមអ៊ិចស្ព្រេស (VnExpress) បានរាយការណ៍កាលពីថ្ងៃព្រហស្បតិ៍ (០១ សីហា) ដោយដកស្រង់សម្តីអាជ្ញាធរមូលដ្ឋានថា ភាគខាងជើងប្រទេសវៀតណាម បានត្រៀមខ្លួនសម្រាប់ភ្លៀងធ្លាក់ខ្លាំងបន្ថែមទៀតដែលបានបង្កការជន់លិច និងបំណាក់ដី ដែលបានបណ្តាលឱ្យមនុស្សយ៉ាងហោចណាស់ ៣នាក់បានស្លាប់នៅក្នុងរដ្ឋធានីហាណូយ។ សារព័ត៌មាន ថាញ់ត្រាវៀតណាម (ThanhtraVietNam) បានរាយការណ៍នៅលើគេហទំព័ររបស់ខ្លួនថា មនុស្ស ៧នាក់ផ្សេងទៀតបានស្លាប់នៅក្នុងខេត្តភាគខាងជើងផ្សេងទៀត ដោយសារទឹកជំនន់ និងបំណាក់ដីកាលពីដើមសប្តាហ៍នេះ។យោងតាមរបាយការណ៍របស់មជ្ឈមណ្ឌលព្យាករណ៍ជាតិបានឱ្យដឹងថា តំបន់នេះប្រឈមនឹងគ្រោះទឹកជំនន់ និងបំណាក់ដីបន្ថែមទៀត ជាមួយនឹងការព្យាករថាមានភ្លៀងធ្លាក់ខ្លាំងសម្រាប់ភាគខាងជើងប្រទេសវៀតណាម ប៉ន្តែអាចបន្ធូរបន្ថយបន្តិចនៅយប់ថ្ងៃសុក្រ (០២ សីហា) នេះ។មួយសប្តាហ៍បន្ទាប់ពីព្យុះត្រូពិច ប្រាភីរូន (Prapiroon) បានវាយលុកក្នុងតំបន់នោះ ផ្នែកខ្លះនៃរដ្ឋធានីវៀតណាមនៅតែជន់លិច។ សារព័ត៌មាន VnExpress បានរាយការណ៍ថា កម្រិតទឹកកើនឡើងបានបំផ្លាញទំនប់ជុំវិញទីក្រុងហាណូយ ដែលបង្កឱ្យមានបំណាក់ដីជាច្រើន។ទូរទស្សន៍វៀតណាមបានរាយការណ៍នៅលើគេហទំព័ររបស់ខ្លួនកាលពីថ្ងៃពុធថា អាជ្ញាធរក្រុងហាណូយបានបញ្ជាឱ្យជម្លៀសអ្នកស្រុករាប់ពាន់នាក់នៅតាមផ្នែកខ្លះនៃទីក្រុងនេះ ខណៈអ្នកស្រុកដែលនៅតំបន់រងផលប៉ះពាល់ជាច្រើនពឹងផ្អែកលើទូកតូចៗដើម្បីធ្វើដំណើរ៕

អគ្គិភ័យឆេះអគារនៅតំបន់ Chinatown ក្នុងរដ្ឋធានីហ្វីលីពីន សម្លាប់មនុស្ស ១១នាក់

2024/08/02 01:02:46 pm        124
Facebook Telegram Linkin
មន្ត្រីសហគមន៍បាននិយាយថា យ៉ាងហោចណាស់មនុស្ស ១១នាក់បានស្លាប់នៅថ្ងៃសុក្រ (០២ សីហា) នេះនៅក្នុងអគ្គិភ័យនៅអគារលំនៅដ្ឋាន និងពាណិជ្ជកម្មកម្ពស់ ៥ជាន់នៅក្នុងបរិវេណតំបន់ ឆាយណាថោន (Chinatown) នៃរដ្ឋធានីម៉ានីល ប្រទេសហ្វីលីពីន។មន្ត្រីពន្លត់អគ្គិភ័យបាននិយាយថា ភ្លើងនៅក្នុងតំបន់ ប៊ីនុនដូ (Binondo) របស់ទីក្រុងម៉ានីល ត្រូវបានគេពន្លត់ប្រហែល ៣ម៉ោងបន្ទាប់ពីក្រុមពន្លត់អគ្គិភ័យទទួលបានដំណឹងនៅម៉ោងប្រហែល ៧:៣០ព្រឹក (ម៉ោងក្នុងស្រុក) ប៉ុន្តែមិនមានការបញ្ជាក់ពីមូលហេតុភ្លាមៗនោះទេ។លោក នែលសុន ធី (Nelson Ty) មន្ត្រីសហគមន៍ដែលអគ្គិភ័យបានឆាបឆេះនោះបានប្រាប់ស្ថានីយវិទ្យុ DZRH ថា «ភរិយារបស់ម្ចាស់អគារគឺស្ថិតក្នុងចំណោមអ្នកដែលបានបាត់បង់ជីវិត» ដោយបន្ថែមថា ក្រុមអាជីវករបានប្រើប្រាស់រចនាសម្ព័ន្ធនេះដើម្បីទុកទំនិញរបស់ពួកគេនៅពេលយប់។លោកបាននិយាយថា ភ្លាមៗនោះគេមិនទាន់ច្បាស់ទេថាតើមានមនុស្សប៉ុន្មាននាក់បន្តជាប់ខ្លួន ឬអាចនឹងត្រូវបានស្លាប់នោះឡើយ។ អគ្គិភ័យតែងកើតមានជាញឹកញាប់នៅក្នុងប្រទេសនេះ ដោយសារហ្វីលីពីន មានកំណត់ត្រាមិនច្បាស់លាស់ក្នុងការពង្រឹងសុវត្ថិភាពអគ្គិភ័យនៅក្នុងអគារ លំនៅឋាន និងការិយាល័យជាដើម៕

ប្រទេសបង់ក្លាដែស ប្រឈមការរិះគន់កាន់តែខ្លាំងចំពោះការបង្រ្កាបដោយហិង្សាលើនិស្សិតសម្លាប់មនុស្សជាង២០០នាក់

2024/08/02 12:11:53 pm        140
Facebook Telegram Linkin
សម្ពាធអន្តរជាតិកំពុងកើនឡើងលើប្រទេសបង់ក្លាដែស ដើម្បីបញ្ចប់ការបង្រ្កាបដោយហិង្សារបស់ខ្លួនលើក្រុមនិស្សិតដែលតវ៉ា បន្ទាប់ពីវីដេអូឃ្លីប និងរូបថតជាច្រើនបានរីកសុះសាយនៅលើបណ្តាញសង្គមកាលពីសប្តាហ៍មុន ដែលបង្ហាញពីកងកម្លាំងនគរបាល កងទ័ព និងកងកម្លាំងប្រដាប់អាវុធបានបាញ់គ្រាប់កាំភ្លើងពិត និងឧស្ម័នបង្ហៀរទឹកភ្នែក ទៅលើក្រុមបាតុករគ្មានអាវុធក្នុងដៃ។ អង្គការសហប្រជាជាតិ សហភាពអឺរ៉ុប និងអង្គការលើកលែងទោសអន្តរជាតិ ស្ថិតក្នុងចំណោមអ្នកដែលបានអំពាវនាវឱ្យរដ្ឋាភិបាលក្រុងដាកា បន្ធូរដៃដល់ក្រុមនិស្សិត ដែលបាននឹងកំពុងទាមទារឱ្យបញ្ចប់កូតាសម្រាប់ការងាររបស់រដ្ឋាភិបាល ដែលនឹងកំណត់លទ្ធភាពការងាររបស់ពួកគេ។ បណ្ដាគ្រូបង្រៀននៅតាមសាកលវិទ្យាល័យ បានចូលរួមក្នុងការតវ៉ាដែលបានចាប់ផ្តើមបន្ទាប់ពីសេចក្តីសម្រេចរបស់តុលាការជាន់ខ្ពស់កាលពីថ្ងៃទី ១ ខែកក្កដា បង្កើតកូតាឡើងវិញ ហើយក្រុមអ្នកវិភាគនិយាយថា និស្សិតកំពុងទទួលបានការគាំទ្រយ៉ាងទូលំទូលាយពីប្រជាពលរដ្ឋសាមញ្ញ។ប្រព័ន្ធកូតា ៣០% នៃការងារមន្ត្រីរាជការ ដែលត្រូវបានចាត់ទុកថាជាជម្រើសការងារស្ថិរភាពបំផុតសម្រាប់ប្រជាជនបង់ក្លាដែសវ័យក្មេងនៅក្នុងប្រទេស ដែលប្រឈមនឹងភាពអត់ការងារធ្វើខ្ពស់ នឹងត្រូវបានបម្រុងទុកសម្រាប់ចៅៗរបស់អ្នកដែលបានប្រយុទ្ធជាមួយប៉ាគីស្ថានក្នុងសង្គ្រាមរំដោះប្រទេសបង់ក្លាដែសឆ្នាំ១៩៧១។យោងតាមរបាយការណ៍របស់នគរបាល និងមន្ទីរពេទ្យ មនុស្សជាង ២០០នាក់បានស្លាប់នៅក្នុងអំពើហិង្សារវាងថ្ងៃទី ១៦ និង ២២ ខែកក្កដា។ ការស្លាប់ជាច្រើននៅតែមិនទាន់បានចុះឈ្មោះ ខណៈមានសាកសពជាច្រើនមិនបានទៅដល់មន្ទីរពេទ្យ និងប៉ុស្តិ៍នគរបាល ។ តួលេខក្រៅផ្លូវការបានដាក់ចំនួនអ្នកស្លាប់ ចន្លោះពី ៣០០ ទៅ ៥០០នាក់៕

ម៉ូតូបុកគ្នាលើផ្លូវមាត់ព្រែកកំពតបណ្តាលឲ្យស្លាប់៣នាក់ និងរបួស១នាក់

2024/08/02 12:08:04 pm        196
Facebook Telegram Linkin
កំពត៖ មនុស្សប្រុសស្រី៣នាក់បានស្លាប់ និងម្នាក់ទៀតរងរបួស បន្ទាប់ពីម៉ូតូបុកគ្នាពេញទំហឹង កាលពីវេលាទៀបភ្លឺថ្ងៃទី២ ខែសីហា ឆ្នាំ២០២៤។ ហេតុការណ៍នេះ បានកើតឡើងនៅលើកំណាត់ផ្លូវមាត់ព្រែកក្នុងភូមិសុវណ្ណសាគរ សង្កាត់កំពង់កណ្តាល ក្រុងកំពត។សមត្ថកិច្ច បានប្រាប់ឲ្យដឹងថា ជនរងគ្រោះដែលបានបាត់បង់ជីវិតក្នុងហេតុការណ៍ខាងលើគឺ ១. ឈ្មោះ ស៊ូ ចិន្តា ភេទស្រី អាយុ ១៦ឆ្នាំ មានទីលំនៅភូមិពកតាមុំ ឃុំសំពងព្រៃ ស្រុកជើងព្រៃ ខេត្តកំពង់ចាម។ ២. ឈ្មោះ គន សិលា ភេទប្រុស អាយុ ១៨ឆ្នាំ។ ៣. ឈ្មោះ សេន រ៉ានុត ភេទប្រុស អាយុ ២០ឆ្នាំ។ ទាំង២នាក់មានទីលំនៅភូមិអូរក្រសារ សង្កាត់អូរក្រសារ ក្រុងកែប ខេត្តកែប។ ចំណែកអ្នករងរបួសឈ្មោះ អេន ឡុងនី ភេទស្រី អាយុ ២០ឆ្នាំ រស់នៅភូមិតាពេជ ឃុំក្រាំងយ៉ូវ ស្រុកស្អាង ខេត្តកណ្តាល។ ប្រភពដដែលបានរៀបរាប់ថា កាលពីវេលាម៉ោង៣ និង៣០នាទីទៀបភ្លឺថ្ងៃទី២ ខែសីហា មានម៉ូតូ២គ្រឿងបើកបរច្រាសទិសគ្នា បានបុកគ្នាពេញទំហឹង។ តាមការបញ្ជាក់មុនកើតហេតុ គេឃើញយុវជនម្នាក់បានជិះម៉ូតូម៉ាកអ៊ិចសេនទ័រ ដោយល្បឿន​យ៉ាងលឿន​នៅលើផ្លូវលេខ៧៣៥ ក្នុងទិសដៅពីត្បូងទៅជើង។ លុះមកដល់ចំណុច​ក្បែររង្វង់​មូលរូបសំណាកត្រីផ្សោត ក្នុងភូមិសុវណ្ណសាគរ សង្កាត់កំពង់កណ្តាល ក៏បានបុកម៉ូតូម៉ាកហុងដា សេ១២៥ មកពីមុខធ្វើដំណើរដោយយុវជន និងយុវតី៣នាក់ពេញទំហឹងបណ្តាល​ឲ្យដួលដេករដូក​រណែលពេញផ្លូវតែម្តង។ សមត្ថកិច្ច បានបន្តថា ពេលអ្នកជិតខាងចូលទៅជួយ ស្រាប់តែឃើញយុវជនជាអ្នកបើក​ម៉ូតូ​ទាំង២នាក់​បានស្លាប់ភ្លាមៗ ចំណែកនារីម្នាក់របួសធ្ងន់ ​និងម្នាក់ទៀតរបួសស្រាល។ ជាអកុសល ពេលកំពុងបញ្ជូន​ទៅកាន់មន្ទីរពេទ្យ នារីម្នាក់ក៏បានស្លាប់ដោយសារស្ថានភាពរបួសធ្ងន់ធ្ងរពេក៕

មនុស្ស១៧នាក់ត្រូវបារម្ភថាបានស្លាប់ ក្នុងការប៉ះទង្គិចការតវ៉ាប្រឆាំងរដ្ឋាភិបាលជាថ្មីទូទាំងនីហ្សេរីយ៉ា

2024/08/02 12:00:59 pm        111
Facebook Telegram Linkin
មនុស្សចំនួន១៧នាក់ ត្រូវគេបារម្ភបានបានស្លាប់ក្នុងការតវ៉ាថ្មីទៀត ដែលបានកក្រើកខ្លាំងនៅក្នុងរដ្ឋ កាឌូណា (Kaduna) របស់ប្រទេសនីហ្សេរីយ៉ាកាលពីថ្ងៃព្រហស្បតិ៍ ថ្ងៃទី ១ សីហា ខណៈសារព័ត៌មាន Reuters និងអ្នកឃើញហេតុការណ៍និយាយថា មនុស្ស៣នាក់បានស្លាប់ ក្នុងពេលក្រុមបាតុករ ភាគច្រើនជាយុវជន បានប្រមូលផ្តុំគ្នានៅទូទាំងប្រទេសអាហ្វ្រិកខាងលិចមួយនេះ ប្រឆាំងនឹងការកើនឡើងតម្លៃទំនិញលើទីផ្សារបង្កការលំបាកក្នុងការរស់នៅ និងបញ្ហាអភិបាលកិច្ច។ នគរបាលបានបាញ់ឧស្ម័នបង្ហូរទឹកភ្នែក និងអាវុធ ដើម្បីបំបែកហ្វូងបាតុករនៅក្នុងរដ្ឋធានី អាប៊ូចា (Abuja) របស់ប្រទេសនីហ្សេរីយ៉ាកាលពីថ្ងៃព្រហស្បតិ៍សប្ដាហ៍នេះ ខណៈមនុស្សរាប់ពាន់នាក់បានប្រមូលផ្តុំគ្នាប្រឆាំងនឹងការកើនឡើងតម្លៃទំនិញ និងបញ្ហាអភិបាលកិច្ចនៅក្នុងប្រទេសដែលមានប្រជាជនច្រើនបំផុតនៅទ្វីបអាហ្រ្វិក។ អ្នកនាំពាក្យនគរបាលប្រចាំរដ្ឋ កាឌូណា ម៉ាន់សួរ ហាសាន់ (លោក Mansur Hassan) បាននិយាយថា នគរបាល បានបាញ់ឧស្ម័នបង្ហូរទឹកភ្នែកទៅលើក្រុមអ្នកតវ៉ា ហើយមិនមែនជាគ្រាប់កាំភ្លើងពិតនោះទេ។ នគរបាលក៏បានបាញ់ឧស្ម័នបង្ហូរទឹកភ្នែកនៅក្នុងរដ្ឋធានី អាប៊ូចា ផងដែរ ដើម្បីបំបែកហ្វូងបាតុករ។ដោយត្រូវបានបំផុសបំផុលឲ្យតវ៉ានៅក្នុងប្រទេសកេនយ៉ាក្នុងខែមិថុនាដែលនាំឱ្យរដ្ឋាភិបាលនៅទីនោះលុបចោលការដំឡើងពន្ធមួយចំនួន ពលរដ្ឋនីហ្សេរីយ៉ា កំពុងប្រមូលផ្តុំតាមអ៊ីនធឺណិតដើម្បីទាមទារឱ្យមានការឧបត្ថម្ភធនឡើងវិញសម្រាប់ប្រេងឥន្ធនៈ និងអគ្គិសនី ការអប់រំបឋមសិក្សា និងមធ្យមសិក្សាដោយឥតគិតថ្លៃ និងវិធានការដើម្បីប្រយុទ្ធប្រឆាំងនឹងអសន្តិសុខ ក្នុងចំណោមការទាមទារផ្សេងទៀត។ គួររម្លឹកថាការតវ៉ាកាលពីពាក់កណ្ដាលខែកក្កដាកន្លងទៅ ទាមទារឲ្យលោកប្រធានាធិបតី William Ruto ចុះចេញពីតំណែង បានបណ្ដាលឲ្យមនុស្សយ៉ាហោចណាស់៥០នាក់ស្លាប់ និងជាង៤០០នាក់រងរបួស៕

ការតវ៉ាបានផ្ទុះឡើងនៅប្រទេសជាច្រើន ជុំវិញការធ្វើឃាតមេដឹកនាំក្រុមហាម៉ាស

2024/08/01 11:52:13 am        233
Facebook Telegram Linkin
ប្រជាជនប៉ាឡេស្ទីន រាប់រយនាក់បានប្រមូលផ្តុំគ្នាតវ៉ានៅផ្នែកផ្សេងៗនៃតំបន់ វេសបែង (West Bank) ដែលកាន់កាប់ដោយអ៊ីស្រាអែល ប៉ុន្មានម៉ោងបន្ទាប់ពីមេដឹកនាំក្រុមហាម៉ាស លោក អ៊ីស្មេល ហានីយេ (Ismail Haniyeh) នៅក្នុងរដ្ឋធានីតេអេរ៉ង់ របស់អ៊ីរ៉ង់ កាលពីថ្ងៃពុធ (៣១ កក្កដា) នៅក្នុងអ្វីដែលពិភពលោកភ័យខ្លាចថាអាចនឹងមានការសងសឹក ដែលជំរុញឱ្យមជ្ឈិមបូព៌ាធ្លាក់ចូលទៅក្នុងមាត់ជ្រោះនៃភាពតានតឹង។ព្រឹត្តិការណ៍ស្រដៀងគ្នានេះក៏បានកើតឡើងនៅទួរគី ទុយនីស៊ី និងសាកលវិទ្យាល័យតេអេរ៉ង់ នៅអ៊ីរ៉ង់ ជាទីដែលអ្នកគាំទ្ររដ្ឋាភិបាលប្រកាន់ជំហរតឹងរាប់រយនាក់បានថ្កោលទោសការសម្លាប់នេះ។ ជាមួយគ្នានេះ ប្រជាជនមកពីជំរំជនភៀសខ្លួនប៉ាឡេស្ទីននៅទីក្រុងភាគខាងត្បូងប្រទេសលីបង់ បានចេញតវ៉ាតាមដងផ្លូវស្រែកគាំទ្រក្រុមហាម៉ាស ដោយមានកាន់រូបថតលោក Haniyeh។ នៅចុងបូព៌ា ការតវ៉ាចំនួនពីរត្រូវបានរៀបចំឡើងនៅក្នុងទីក្រុងការ៉ាជី (Karachi) របស់ប៉ាគីស្ថាន។ មូលនិធិប៉ាឡេស្ទីនប៉ាគីស្ថានបានរៀបចំការតវ៉ាដាច់ដោយឡែកមួយ ដែលការអធិស្ឋានដ៏ធំសម្រាប់លោក Haniyeh ក៏ត្រូវបានធ្វើឡើងនៅទីនោះផងដែរ។លោក Haniyeh បានដឹកនាំក្រុមសកម្មប្រយុទ្ធតាំងពីឆ្នាំ២០១៧មក។ មានការភ័យខ្លាចថា ការស្លាប់របស់លោកអាចជាឧបសគ្គដ៏ធំបំផុតចំពោះសន្តិភាព ចាប់តាំងពីក្រុមហាម៉ាសបានបង្កឱ្យមានសង្គ្រាមហ្កាហ្សា ជាមួយនឹងការវាយប្រហារលើអ៊ីស្រាអែលកាលពីថ្ងៃទី០៧ ខែតុលា។ ហើយក៏បានធ្វើឱ្យមានការរំជើបរំជួលពីសង្រ្គាមមជ្ឈិមបូព៌ាកាន់តែទូលំទូលាយ និងស្មុគស្មាញជាងនេះ ខណៈក្រុមហេសបូឡា និងអ៊ីស្រាអែល បាញ់តបតគ្នាទៅមកនៅតាមព្រំដែនរបស់ពួកគេ៕

អាវុធហត្ថភ្នំពេញឃាត់ខ្លួន និងបញ្ជូនជនសង្ស័យ២នាក់ ទៅតុលាការ

2024/07/29 12:10:00 pm        177
Facebook Telegram Linkin
ភ្នំពេញ ៖ អាវុធហត្ថរាជធានីភ្នំពេញឃាត់ខ្លួនជនសង្ស័យ២នាក់ វត្ថុតាង​កាំភ្លើងខ្លី២​ដើម​បញ្ជូន​ទៅ​តុ​លាការ ដើម្បីចាត់ការតាមនីតិវិធី ។អាវុធហត្ថរាជធានីភ្នំពេញ ប្រាប់ឲ្យដឹងថា នៅវេលាម៉ោងប្រមាណ ០០និង៣០នាទី ថ្ងៃទី២៨ ខែ​កក្កដា ឆ្នាំ២០២៤ មានមនុស្សប្រុសស្រីមួយក្រុម បាននាំគ្នាចូលក្លឹបកំសាន្ត Central.X ដោយ​ហៅ​ស្រា Hennessy ០២ដប ផឹកស៊ីយ៉ាងហ៊ឺហា សម្ញែងឬកបែបអភិជន ដោយក្នុង​នោះ​បុរស​ម្នាក់​ដែល​អ្នកផ្សេងក្នុងក្រុមហែរហមលើកតម្កើងជាមនុស្សសំខាន់ជាងគេ បានដកកាំភ្លើង​ខ្លី​មួយ​ដើម​ចេញ​ពីចង្កេះ អាមេបញ្ចូលគ្រាប់ កាន់រេចុះឡើង សម្ញែងទៅលើទៅក្រោម ធ្វើឲ្យមាន​ការ​ភ្ញាក់​ផ្អើល​ដល់​ភ្ញៀវ​ដ៏ទៃទៀតដែលនៅសាឡុងក្បែរៗនោះ។ ដោយឃើញសភាពបែបនេះ មេការក្លឹប​បាន​តាម​អង្វរបុរសម្នាក់នោះ សុំឲ្យយកកាំភ្លើងទៅទុកក្នុងឡាន ស្រាប់តែបុរសនោះ បានបាញ់​ឡើង​លើ​០១គ្រាប់ ដើម្បីសម្តែងឬទ្ធិអំណាចរបស់ខ្លួន ធ្វើឲ្យភ្ញៀវផ្អើលឈូរឆររត់ចេញក្រៅ ត្រូវ​បាន​ក្រុម​សន្តិសុខរាយការណ៍ជូនអាវុធហត្ថខណ្ឌចំការមន ចុះអន្តរាគមន៍និងឃាត់ខ្លួនជនសង្ស័យ ដើម្បី​យកទៅអនុវត្តតាមនិតិវិធី ព្រមទាំងដកហូតអាវុធខ្លីបាន ០២ដើម ដោយមួយដើម ម៉ាក GLOCK19 ជាអាវុធដែលជនសង្ស័យ កាន់ធ្វើសកម្មភាពបាញ់សម្ញែង និងមួយដើមទៀត ម៉ាក EKOL VOLGA សមត្ថកិច្ចឆែកឃើញក្នុងរថយន្តរបស់ជនសង្ស័យ។ ក្រោយពេលស្តាប់ចម្លើយ ជនសង្ស័យមាន ឈ្មោះ ខុន បញ្ចសិទ្ធិ ដែលគេដឹងថាជាអ្នកមានជាន់ថ្មី ដោយសារការរកស៊ីខាងដីធ្លី បានសារភាពទទួលស្គាល់ថា អាវុធខ្លីពិតជារបស់ខ្លួនមែន តែអ្នក​បាញ់​គឺជា តៃកុងឡានខ្លួននោះទេ រីឯតៃកងឡាន បានសារភាព​ទទួល​ស្គាល់​ថា​ខ្លួន​ពិត​ជា​អ្នក​បាញ់​ដូច​សម្តីមេខ្លួនបានលើកឡើងពិតប្រាកដមែន។ តែតាមវិធានស្រាវជ្រាវ​រប​ស់​សមត្ថកិច្ច​អាវុធ​ហត្ថ​រាជ​ធានីភ្នំពេញ រកតម្រុយឃើញថាអ្នកបាញ់ពិតប្រាកដគឺជាបុគ្គលឈ្មោះ ខុន បញ្ចសិទ្ធិ មិន​មែនជាតៃកុងឡាននោះទេ។ ដោយជនសង្ស័យទាំងពីរនៅតែផ្តល់ចម្លើយផ្ទុយពីសាក្សីនិងភស្តុតាង សមត្ថកិច្ច​អាវុធ​ហត្ថ​រាជ​ធានី​ភ្នំពេញ ក៏ធ្វើការឃាត់ខ្លួនទាំងពីរនាក់ ដើម្បីកសាងសំណុំរឿង បញ្ជូនទៅតុលាការតែម្តង៕តារាវុទ្ធី 

តុលាការខេត្តកណ្តាល សម្រេចឃុំខ្លួនជនត្រូវចោទ២នាក់​ ករណីគ្រឿងញៀនជាង ២០០គីឡូក្រាម

2024/07/27 09:57:42 am        416
Facebook Telegram Linkin
កណ្តាល៖ ជនត្រូវចោទជនជាតិចិន ២នាក់ ពាក់ព័ន្ធនិងករណី រក្សាទុក ដឹកជញ្ជូន និងជួញដូរ​ដោយខុសច្បាប់នូវសារធាតុញៀន ទម្ងន់ ២០០,៧៨៤.៩៣ក្រាម (២០០គីឡូ ៧៨៤.៩៣ក្រាម) ដែលសមត្ថកិច្ចជំនាញមន្ទីរប្រឆាំងបទល្មើសគ្រឿងញៀន សហការជាមួយនគរបាលខេត្តកណ្តាល បង្ក្រាបបាននៅចំណុច ម្តុំផ្សារគគីរ ផ្លូវជាតិលេខ១ ស្រុកកៀនស្វាយ ខេត្តកណ្តាល និងរាជធានី​ភ្នំពេញ ត្រូវបានសាលាដំបូងខេត្តកណ្តាល ឃុំខ្លួននៅពន្ធនាគារខេត្តកណ្តាល ដើម្បីបន្តការ​ស៊ើបសួរតាមនីតិវិធីច្បាប់ ។សូមជម្រាបជូនថា ក្រោមការបញ្ជាផ្ទាល់ពីឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំង​បទល្មើសគ្រឿងញៀន កាលពីថ្ងៃទី២១ ខែកក្កដា ឆ្នាំ២០២៤ វេលាម៉ោង១៦ និង២០នាទី កម្លាំងជំនាញ នៃមន្ទីរប្រឆាំងបទល្មើសគ្រឿងញៀន (ក១១) សហការជាមួយស្នងការ​ដ្ឋាននគរបាលខេត្តកណ្ដាល និងស្នងការរដ្ឋាននគរបាលរាជធានីភ្នំពេញ ដោយមានការ​សម្រប​សម្រួល​ពីលោក ខា ដែនណា ព្រះរាជអាជ្ញារងសាលាដំបូងខេត្តកណ្ដាល ស្រាវជ្រាវ​ស៊ើបអង្កេត តាមដានមុខសញ្ញា នៅចំណុចផ្សារគគីរ ផ្លូវជាតិលេខ១ ស្រុកកៀនស្វាយ ខេត្តកណ្ដាល ហើយ​ក៏​ពន្លាតដែនដីមករាជធានីភ្នំពេញ រហូតមកចាប់ខ្លួនជនល្មើសម្នាក់ ​នៅចំណុចស្ពានកោះនរាណ៍ សង្កាត់ទន្លេបាសាក់ ខណ្ឌដូនពេញ រាជធានីភ្នំពេញ ។ បន្ទាប់មកកម្លាំងជំនាញ​បន្ត​ឃាត់ខ្លួន​បាន​ជនល្មើសម្នាក់ទៀត នៅចំណុចផ្លូវសុធារស ​សង្កាត់ទន្លេបាសាក់​ ខណ្ឌចំការមន រាជធានីភ្នំពេញ។ ជនល្មើសទាំង ០២នាក់ ១.ឈ្មោះ ថាវ វួយ (TAO WEI) ភេទប្រុស ​ជនជាតិចិន អាយុ៤១ឆ្នាំ ២. ឈ្មោះ ហ៊ើ សុងហ្វឹង (HE XIONGFENG) ភេទប្រុស ជនជាតិចិន អាយុ៤២ឆ្នាំ វត្ថុតាងចាប់យក សារធាតុញៀនប្រភេទ​ កេតាមីន (Ketamine) សរុបចំនួន​ ២០០៧៨៤.៩៣ក្រាម (២០០គីឡូ ៧៨៤.៩៣ក្រាម) ​រថយន្តចំនួន ០២គ្រឿង និងទូរស័ព្ទដៃ ចំនួន ០២គ្រឿង ។ចំពោះជនល្មើសទាំង២នាក់ ​ត្រូវ​បាន​កម្លាំង​ជំនាញ​កសាងសំណុំរឿងបញ្ជូនខ្លួន និងវត្ថុតាង​ទៅ​សាលាដំបូង ខេត្តកណ្ដាល​ ដើម្បី​ចាត់ការតាមនីតិវិធី៕ អត្ថបទ៖ តារាវុទ្ធី

នគរបាលព្រហ្មទណ្ឌកំរិតធ្ងន់រាជធានីភ្នំពេញឃាត់ខ្លួនជនជាតិចិន២នាក់ ពាក់ពន្ធ័បទល្មើសប៉ុនប៉ងឃាតកម្ម

2024/07/26 03:47:26 pm        541
Facebook Telegram Linkin
កម្លាំងនគរបាលការិយាល័យនគរបាលព្រហ្មទណ្ឌកំរិតធ្ងន់នៃស្នងការដ្ឋាននគរបាលរាជធានីភ្នំពេញបង្ក្រាបឃាត់ជនជាតិចិន០២នាក់ ពាក់ព័ន្ធករណីប៉ុនប៉ងឃាតកម្ម ប្រើកាំបិតចុងស្រួចកែច្នៃភ្ជាប់ជាមួយដំបងដែកកាប់ទៅលើជនរងគ្រោះបណ្តាលឲ្យរងរបួសធ្ងន់។ដោយមានការចង្អុលណែនាំពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដឹកនាំបញ្ជាផ្ទាល់ដោយលោកវរសេនីយ៍ឯក អេង សោភ នាយការិយាល័យនគរបាលព្រហ្មទណ្ឌកំរិតធ្ងន់ ព្រមទាំងមានការសម្របសម្រួលពីលោក សេង ហៀង ព្រះរាជអាជ្ញារងអមសាលាដំបូងរាជធានីភ្នំពេញ។ជាក់ស្ដែងនៅថ្ងៃទី២៣ ខែកក្កដា ឆ្នាំ២០២៤ កម្លាំងការិយាល័យនគរបាលព្រហ្មទណ្ឌកំរិតធ្ងន់ បានសហការជាកម្លាំងអធិការដ្ឋានននគរបាលខណ្ឌចំការមន ស្រាវជ្រាវធ្វើការឃាត់ខ្លួនជនសង្ស័យបានចំនួន ២នាក់ និងដកហូតឧបករណ៍ ដំបងដែក ០២ ដើម ដែលមានភ្ជាប់កាំបិតចុចស្រួច ជាឧបករណ៍ប្រព្រឹត្តបទល្មើស បានភ្លាមៗតែម្ដង បញ្ជូនមកការិយាល័យ ដើម្បីចាត់ការតាមនីតិវិធី។ជនសង្ស័យជនជាតិចិនទាំង ២នាក់ ទី១មានឈ្មោះ LI HAO ភេទប្រុស អាយុ ២៧ឆ្នាំ ជនជាតិចិន មុខរបរ មិនពិតប្រាកដ លិខិតឆ្លងដែនលេខ (មិនជាប់ខ្លួន) មានទីលំនៅអគារខុនដូរដាយមិនវ័ន (កោះពេជ្រ) បន្ទប់លេខ ៣៣២ ជាន់ទី៣ ផ្លូវបេតុង ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ ទី២-ឈ្មោះ BAI XUE ភេទប្រុស អាយុ ៤៣ឆ្នាំ ជនជាតិចិន មុខរបរ បុគ្គលិកហាងម៉ាស្សា SEINE SPA លិខិតឆ្លងដែនលេខ (មិនជាប់ខ្លួន) មានទីលំនៅបន្ទប់លេខ ៣០១ ជាន់ទី៣ ផ្លូវបេតុង សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ ចំណែកជនរងគ្រោះ -ជនរងគ្រោះឈ្មោះ M .Y .J ភេទប្រុស អាយុ ៣៤ឆ្នាំ ជនជាតិចិន មុខរបរ ទេសចរណ៍ មានទីលំនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ រងរបួសស្មារខាងឆ្វេង ០១ កាំបិត និង កំភួនដៃខាងឆ្វេង ០១កាំបិត រងរបួសធ្ងន់សម្រាកព្យាបាលនៅមន្ទីពេទ្យ។គួររំលឹកផងដែរ កាលពីវេលាម៉ោងប្រហែល ០៣ និង ១៦នាទី ទៀបភ្លឺ ថ្ងៃទី ២៣ ខែកក្កដា ឆ្នាំ២០២៤ ជនសង្ស័យជាជនជាតិចិនបានប្រព្រឹត្តបទល្មើសប៉ុនប៉ងមនុស្សឃាត់​លើជនរងគ្រោះម្នាក់ បណ្ដាលឲ្យរងរបួសធ្ងន់ នៅចំណុចចំណុចអគារខុនដូរដាយមិនវ័ន (កោះពេជ្រ) មុខបន្ទប់លេខ ១០២៦ ជាន់ទី១០ ផ្លូវបេតុង ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។បច្ចុប្បន្នជនសង្ស័យត្រូវបាននគរបាលការិយាល័យព្រហ្មទណ្ឌកម្រិតធ្ងន់ ឃាត់ខ្លួនកសាងសំណុំរឿង បញ្ជូនទៅសាលាដំបូងរាជធានីភ្នំពេញដើម្បីចាត់ការតាមនីតិវិធី៕ អត្ថបទ ៖ កុម្ភះ

បណ្ដាញសង្គម

ព័ត៌មានថ្មីៗ

លោក Netanyahu ថាលោកទទួលការព្យាបាលជំងឺមហារីកក្រពេញប្រូស្តាតដោយជោគជ័យ
04/24/2026 09:04 PM
Facebook Telegram Linkin
លោក Zelenskiy ធ្វើដំណើរទៅដល់អារ៉ាប៊ីសាអ៊ូឌីត ដើម្បីស្វែងរកកិច្ចសហប្រតិបត្តិការសន្តិសុខ
04/24/2026 08:04 PM
Facebook Telegram Linkin
មនុស្ស ២នាក់ស្លាប់ អំឡុងការវាយប្រហារតាមអាកាស ខណៈយោធោអ៊ីស្រាអែលចេញការព្រមានជម្លៀស នៅភាគខាងត្បូងលីបង់
04/24/2026 08:04 PM
Facebook Telegram Linkin
សមាជិកសភាហេសបូឡា៖ បទឈប់បាញ់ «គ្មានន័យ» ទេ ដោយសារតែការវាយប្រហាររបស់អ៊ីស្រាអែល
04/24/2026 08:04 PM
Facebook Telegram Linkin
កងកម្លាំងរក្សាសន្តិភាពឥណ្ឌូនេស៊ីរបស់ UN ស្លាប់ដោយសាររបួស អំឡុងការផ្ទុះ នៅលីបង់
04/24/2026 07:04 PM
Facebook Telegram Linkin
ទីក្រុងប៉េកាំងច្រានចោលការចោទប្រកាន់របស់លោក Trumpថា នាវាអ៊ីរ៉ង់ស្ទាក់ចាប់បានមានអំណោយពីចិន
04/24/2026 07:04 PM
Facebook Telegram Linkin
អាល្លឺម៉ង់ និងអ៊ីតាលី សង្កត់ធ្ងន់លើការរួបរួម ក្នុងចំណោមសមាជិករបស់អង្គការណាតូ
04/24/2026 07:04 PM
Facebook Telegram Linkin
លោក Putinនិយាយថា រុស្ស៊ីនឹងការពារផលប្រយោជន៍របស់ខ្លួននៅតំបន់អាក់ទិក
04/24/2026 07:04 PM
Facebook Telegram Linkin
ក្តីបារម្ភ និងភាពមិនច្បាស់លាស់កើតមាននៅអ៊ីរ៉ាក់ ខណៈអាមេរិកបញ្ឈប់ការដឹកជញ្ជូនប្រាក់ដុល្លារ
04/24/2026 07:04 PM
Facebook Telegram Linkin
គណៈកម្មការស៊ើបអង្កេតតង់ហ្សានី៖ មនុស្សជាង ៥០០នាក់ ត្រូវបានសម្លាប់ក្នុងអំពើហិង្សាបោះឆ្នោតឆ្នាំមុន
04/24/2026 07:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.