BTV NEWS

គំនរសំរាមនៅផ្លូវចូល ផ្សាររតនាផ្លាហ្សា សង្កាត់ទឹកថ្លា ខណ្ឌសែនសុខ កំពុងជះក្លិនស្អុយប៉ះពាល់ដល់បរិស្ថាន និងពលរដ្ឋ

បុរសម្នាក់បើករថយន្តក្នុងល្បឿនលឿនរ៉េចង្កូតបុករះម៉ូតូ និងរថយន្តជាច្រើនគ្រឿង បង្កឲ្យរងរបួសមនុស្ស ៤នាក់

ករណីក្រុមក្មេងទំនើងបង្កហិង្សា បណ្តាលឱ្យមនុស្សស្លាប់ និងរងរបួស តុលាការសម្រេចចោទប្រកាន់០៤បទល្មើស

កម្លាំងនគរបាលខណ្ឌ៧មករា ចុះរៀបចំសណ្ដាប់ធ្នាប់តាមចិញ្ជើមផ្លូវចំណុចស្តុបផ្សារដេប៉ូ

សន្តិសុខ និង សង្គម

សីតុណ្ហភាពនៅប្រទេសប៉ាគីស្ថាន រលកកម្តៅឡើងលើសពី ៥២អង្សាសេ

ការិយាល័យឧតុនិយម បាននិយាយកាលពីថ្ងៃច័ន្ទថា សីតុណ្ហភាពបានកើនឡើងលើសពី ៥២ អង្សាសេ នៅក្នុងខេត្ត Sindh ភាគខាងត្បូងប្រទេសប៉ាគីស្ថាន ជាការបង្ហាញសីតុណ្ហភាពខ្ពស់បំផុតនៅរដូវក្តៅ និងខិតជិតដល់កម្រិតកំណត់ត្រាខ្ពស់បំផុតរបស់ប្រទេស ក្នុងពេលមានរលកកម្តៅនៅតែបន្ត។មន្ត្រីជាន់ខ្ពស់នៃនាយកដ្ឋានឧតុនិយមប្រទេសប៉ាគីស្ថាន លោក Shahid Abbas បានប្រាប់សារព័ត៌មានរ៉យទ័រថា នៅក្នុងក្រុង ម៉ូហេនចូ ដារ៉ូ(Mohenjo Daro) ជាក្រុងមួយក្នុងខេត្ត Sindh ល្បីល្បាញដោយសារទីតាំងវត្ថុបុរាណ ដែលមានមកតាំងពីអរិយធម៌ជ្រលងភ្នំ Indus សីតុណ្ហភាពបានកើនឡើងខ្ពស់ រហូតដល់ ៥២,២អង្សាសេ។ ការកើតមានសីតុណ្ហភាពខ្ពស់នេះ គឺជាកម្រិតខ្ពស់បំផុតនៅរដូវក្តៅ រហូតមកដល់ពេលនេះ ហើយបានខិតជិតដល់កម្រិតកំណត់ត្រាខ្ពស់បំផុតនៅក្នុងទីក្រុង និងប្រទេស ដែលឈានដល់កម្រិត៥៣,៥អង្សាសេ និង ៥៤អង្សាសេ។ ក្រុង Mohenjo Daro គឺជាក្រុងតូចមួយ ដែលជួបប្រទះរដូវក្តៅ ក្តៅខ្លាំង និងរដូវរងាក្តៅមធ្យម ហើយមានភ្លៀងធ្លាក់តិច ប៉ុន្តែទីផ្សារមានកម្រិត ខណៈហាងនំប៉័ង ហាងលក់តែ ហាងជួសជុលគ្រឿងអេឡិចត្រូនិក និងហាងលក់បន្លែ ផ្លែឈើ ដែលជាធម្មតាមានសភាពអ៊ូអរដោយមានអតិថិជនច្រើន។ ប៉ុន្តែក្នុងពេលមានរលកកម្តៅបច្ចុប្បន្ន ហាងនានា ស្ទើរតែគ្មានមនុស្សចូល។រលកកម្តៅនៅពេលនេះ ត្រូវបានគេរំពឹងថានឹងថយចុះនៅ ក្រុង Mohenjo Daro និងតំបន់ជុំវិញ ប៉ុន្តែអំឡុងពេលណាមួយ ត្រូវបានគេរំពឹងថានឹងវាយលុកនៅតំបន់ផ្សេងទៀតនៅក្នុងខេត្ត Sindh រួមទាំងរដ្ឋធានី Karachi ជាទីក្រុងធំបំផុតរបស់ប្រទេសប៉ាគីស្ថាន។ក្រុមអ្នកវិទ្យាសាស្ត្រអន្តរជាតិ បាននិយាយថា សីតុណ្ហភាពក្តៅខ្លាំងនៅទូទាំងទ្វីបអាស៊ី ក្នុងរយៈពេលមួយខែកន្លងទៅនេះ ទំនងជាកាន់តែមិនអំណោយផលខ្លាំង ដោយសារតែបម្រែបម្រួលអាកាសធាតុបង្កឡើងដោយមនុស្ស។

ប៉ាពួនូវ៉ែលហ្គីណេ ជម្លៀសមនុស្ស ៧.៩០០ នាក់ ក្រោមការគំរាមកំហែងនៃបំណាក់ដីថ្មី

ប្រទេសប៉ាពួនូវ៉ែលហ្គីណេ កំពុងជម្លៀសមនុស្សប្រមាណ ៧.៩០០ នាក់ ដែលរស់នៅក្បែរកន្លែងបំណាក់ដីដ៏មហន្តរាយមួយ នេះបើតាមមន្ត្រីជាន់ខ្ពស់ខេត្តមួយរូបបាននិយាយនៅថ្ងៃអង្គារ (២៨ ឧសភា) នេះ ខណៈដែលការភ័យខ្លាចកើនឡើងកាន់តែខ្លាំងថាអាចនឹងមានបំណាក់ដីបន្ថែមទៀត។ ប្រធានរដ្ឋបាលខេត្ត អែនហ្កា (Enga) លោក សានឌីស សាខា (Sandis Tsaka) បានប្រាប់សារព័ត៌មាន AFP ថា «រៀងរាល់ម៉ោង សំឡេងផ្ទុះ និងរង្គើ ដូចជាគ្រាប់បែក ឬគ្រាប់កាំភ្លើងបានលាន់លឺឡើង ហើយថ្មនៅតែបន្តធ្លាក់ចុះមកក្រោមពីលើតំបន់ភ្នំ»។សហគមន៍ដែលរស់នៅលើភ្នំក្នុងខេត្ត អែនហ្កា ស្ទើរតែត្រូវបានកប់នៅក្រោមបំណាក់ដីនៅពេលដែលបំណែកនៃភ្នំ ម៉ុនហ្កាឡូ (Mungalo) បានបាក់ចុះមកក្រោមកាលពីព្រឹកព្រលឹមថ្ងៃសុក្រ (២៤ ឧសភា) សប្ដាហ៍មុន ដោយបានបំផ្លាញលំនៅឋានជាច្រើនខ្នង និងកប់មនុស្សដែលកំពុងដេកលង់លក់នៅខាងក្នុង។ មជ្ឈមណ្ឌលគ្រោះមហន្តរាយជាតិរបស់ប៉ាពួនូវ៉ែលហ្គីណេ បារម្ភថាមនុស្សជាង ២.០០០ នាក់ត្រូវបានកប់ស្លាប់ ប៉ុន្តែមានតែសាកសពចំនួន ៦ និងជើងសាកសពទី៦ ប៉ុណ្ណោះ ដែលត្រូវបានទាញចេញពីគំនរបាក់បែក។កិច្ចខិតខំប្រឹងប្រែងជួយសង្រ្គោះត្រូវបានពន្យារពេលដោយសារភាពដាច់ស្រយាលនៃទីតាំងបំណាក់ដីក្នុងតំបន់ខ្ពង់រាបដ៏រដិបរដុបរបស់ប្រទេសមួយនេះ ក៏ដូចជាការកាត់ផ្តាច់ផ្លូវ និងការប្រយុទ្ធនៃកុលសម្ព័ន្ធនៅក្បែរនោះ៕

ជនជាតិរ៉ូហ៊ីងយ៉ា នៅមីយ៉ាន់ម៉ា រងការគំរាមកំហែង ខណៈការវាយប្រហារកាន់តែខ្លាំងក្លាក្នុងរដ្ឋរ៉ាឃីន

សហគមន៍ជនជាតិភាគតិចមូស្លីម រ៉ូហ៊ីងយ៉ា របស់សហភាពមីយ៉ាន់ម៉ា កំពុងតែស្ថិតក្រោមការគំរាមកំហែងនៃការវាយប្រហារ និងការផ្លាស់ទីលំនៅជាថ្មីម្តងទៀត ខណៈដែលការប្រយុទ្ធគ្នារវាងកងទ័ពជនជាតិភាគតិចដ៏មានឥទ្ធិពល និងរបបយោធាកំពុងកាន់អំណាចរបស់ប្រទេសនេះ កាន់តែកើនឡើងខ្លាំងនៅក្នុងរដ្ឋរ៉ាឃីន (Rakhine) ភាគខាងលិច នេះបើយោងតាមអង្គការសហប្រជាជាតិ និងទីភ្នាក់ងារជំនួយ។ជនជាតិរ៉ូហ៊ីងយ៉ា រាប់ម៉ឺននាក់ ត្រូវបានគេប៉ាន់ស្មានថាបានភៀសខ្លួនដើម្បីសុវត្ថិភាពទៅកាន់ប្រទេសជិតខាងបង់ក្លាដែស ចាប់តាំងពីពាក់កណ្តាលខែឧសភា ដែលស្ទាក់ស្ទើរក្នុងការទទួលយកជនភៀសខ្លួនបន្ថែមទៀត ហើយអ្នកដែលនៅសល់ជាច្រើននាក់នៅក្នុងរដ្ឋរ៉ាឃីន កំពុងត្រូវការជំនួយមនុស្សធម៌យ៉ាងខ្លាំង។កងទ័ពអារ៉ាកាន (AA) បានអះអាងកាន់កាប់ភូមិ ប៊ូធីឌួង (Buthidaung) កាលពីដើមខែឧសភា បន្ទាប់ពីមានការប្រយុទ្ធគ្នា ក្នុងអំឡុងពេលដែលកងទ័ពជនជាតិភាគតិចមួយនេះត្រូវបានចោទប្រកាន់ពីបទកំណត់គោលដៅលើសមាជិកសហគមន៍រ៉ូហ៊ីងយ៉ា ប៉ុន្តែខ្លួនបានបដិសេធ។កងទ័ពអារ៉ាកាន ឥឡូវនេះ កំពុងទប់ទល់ការវាយប្រហារនៅតាមភូមិព្រំដែន មួងដាវ (Maungdaw) ជាកន្លែងរស់នៅរបស់ប្រជាជនរ៉ូហ៊ីងយ៉ា យ៉ាងច្រើន ដែលរបបយោធាមីយ៉ាន់ម៉ា ទំនងជានឹងព្យាយាមកាន់កាប់ ដោយបង្កើនទិដ្ឋភាពនៃអំពើហិង្សាកាន់តែធ្ងន់ធ្ងរ។ ជនជាតិរ៉ូហ៊ីងយ៉ា បានប្រឈមមុខនឹងការធ្វើទុក្ខបុកម្នេញជាច្រើនទសវត្សរ៍ ហើយបន្ទាប់ពីការបង្រ្កាបដោយយោធាឆ្នាំ២០១៧ ជនជាតិនេះជិតមួយលាននាក់បានភៀសខ្លួនទៅកាន់ប្រទេសបង់ក្លាដែស ដែលឥឡូវនេះមនុស្សជាច្រើនរស់នៅក្នុងជំរំជនភៀសខ្លួន៕

មន្ទីរពេទ្យកូវ៉ែត នៅក្រុង Rafah បានបិទដំណើរការ ដោយសារប្រតិបត្តិការយោធាអ៊ីស្រាអែល

មន្ត្រីវេជ្ជសាស្រ្តប៉ាឡេស្ទីន បានប្រកាសកាលពីថ្ងៃចន្ទ (២៧ ឧសភា) ពីការបិទមន្ទីរពេទ្យកូវ៉ែត ដែលជាមន្ទីរពេទ្យមួយក្នុងចំណោមពីរ ដែលនៅតែដំណើរការនៅទីក្រុងរ៉ាហ្វា (Rafah) ភាគខាងត្បូងនៃតំបន់ហ្កាហ្សា ដោយសារប្រតិបត្តិការយោធាអ៊ីស្រាអែល នៅក្នុងទីក្រុងនេះ។សេចក្តីថ្លែងការណ៍នេះបានលើកឡើងថា ជំហាននេះត្រូវបានធ្វើឡើងដោយសារតែការពង្រីកប្រតិបត្តិការយោធារបស់កងទ័ពអ៊ីស្រាអែល នៅក្រុងរ៉ាហ្វា និងការវាយលុកដោយចេតនាម្តងហើយម្តងទៀតទៅលើតំបន់ជុំវិញមន្ទីរពេទ្យ ដោយចុងក្រោយបំផុតគឺបានកំណត់គោលដៅលើច្រកទ្វារមន្ទីរពេទ្យ ដែលបណ្តាលឱ្យគ្រូពេទ្យពីរនាក់បានស្លាប់។ទន្ទឹមនឹងនេះ មន្ទីរពេទ្យ អាល់អាកសា (Al-Aqsa) ក្នុងទីក្រុង ឌើ អាល់បាឡា (Deir al-Balah) កណ្តាលតំបន់ហ្កាហ្សាស្រ្ទីប បានព្រមានថា ការទប់ស្កាត់ការផ្គត់ផ្គង់ប្រេងឥន្ធនៈរបស់កងទ័ពអ៊ីស្រាអែល អាចនាំឱ្យមានការផ្អាកសេវាសុខភាពក្នុងរយៈពេលប៉ុន្មានម៉ោងខាងមុខ។ មន្ទីរពេទ្យនេះបាននិយាយនៅក្នុងសេចក្តីថ្លែងការណ៍មួយថា កងទ័ពអ៊ីស្រាអែល បាននិងកំពុងរារាំងការផ្គត់ផ្គង់ប្រេងឥន្ធនៈចាប់តាំងពីថ្ងៃអាទិត្យ មក។ សេចក្តីថ្លែងការណ៍បានបញ្ជាក់ថា មន្ទីរពេទ្យនេះផ្តល់សេវាថែទាំ និងសេវាសុខភាពដល់អ្នកជំងឺ និងរបួសជាង ១.២០០ នាក់ រួមទាំងអ្នកជំងឺខូចក្រលៀនចំនួន ៦០០ នាក់ ដែលត្រូវការលាងឈាម ហើយការព្យាបាលរបស់ពួកគេនឹងត្រូវផ្អាកក្នុងរយៈពេលប៉ុន្មានម៉ោងដែលអាចបណ្ដាលឱ្យស្ថានភាពជំងឺកាន់តែធ្ងន់ធ្ងរ ប្រសិនបើប្រេងឥន្ធនៈមិនត្រូវបានផ្គត់ផ្គង់៕

អង្គការលើកលែងទោសអន្តរជាតិ អំពាវនាវឱ្យតុលាការ ICC ស៊ើបអង្កេត លើការវាយប្រហារ៣លើករបស់អ៊ីស្រាអែល

អង្គការលើកលែងទោសអន្តរជាតិកាលពីថ្ងៃចន្ទសប្ដាហ៍នេះ បានជំរុញឱ្យតុលាការឧក្រិដ្ឋកម្មអន្តរជាតិ ICC ស៊ើបអង្កេតជាឧក្រិដ្ឋកម្មសង្គ្រាម កាលពីពេលថ្មីៗនេះរបស់អ៊ីស្រាអែលចំនួន៣លើកដែលបានសម្លាប់ជនស៊ីវិលប៉ាឡេស្ទីន ៤៥នាក់រួមទាំងកុមារ៣២ នាក់។ កាលពីសប្តាហ៍មុន រដ្ឋអាជ្ញានៃតុលាការឧក្រិដ្ឋកម្មអន្តរជាតិលោក ការីម ខាន់ (Karim Khan)បានដាក់បណ្ដឹងសុំដីកាចាប់ខ្លួន លោកនាយករដ្ឋមន្ត្រីអ៊ីស្រាអែល Benjamin Netanyahu និងមេដឹកនាំកំពូលៗរបស់ក្រុមហាម៉ាសពីបទសង្ស័យប្រព្រឹត្តឧក្រិដ្ឋកម្មសង្រ្គាម និងឧក្រិដ្ឋកម្មប្រឆាំងមនុស្សជាតិ។ អង្គការលើកលែងទោសបាននិយាយថាការវាយប្រហាររបស់អ៊ីស្រាអែលចំនួន៣លើក លើកមួយលើជំរំជនភៀសខ្លួន អាល់ ម៉ាហ្គាហ្ស៊ី (al-Maghazi) នៅកណ្ដាលដែនដីហ្កាហ្សា កាលថ្ងៃទី១៦ខែមេសា លើកពីរនៅលើក្រុងរ៉ាហ្វា ភាគខាងត្បូងហ្កាហ្សា និងលើកទី៣ នៅថ្ងៃទី ១៩ និង ២០ ខែមេសា គឺជា ភស្តុតាងបន្ថែមទៀតនៃគំរូកាន់តែទូលំទូលាយនៃឧក្រិដ្ឋកម្មសង្គ្រាម ដែលប្រព្រឹត្តដោយ យោធាអ៊ីស្រាអែលនៅក្នុងដែនដីហែកហួរដោយសង្រ្គាមហ្កាហ្សា។ លោកស្រីអេរីកា គ្វេវ៉ារ៉ា រ៉ូសាស់ (Erika Guevara-Rosas) នាយកជាន់ខ្ពស់អង្គការលើកលែងទោសអន្តរជាតិ បាននិយាយថា ករណីដែលបានចងក្រងនៅទីនេះបង្ហាញពីគំរូច្បាស់លាស់នៃការវាយប្រហារក្នុងរយៈពេល៧ខែកន្លងមកនេះ ដែលយោធាអ៊ីស្រាអែលបានបំពានច្បាប់អន្តរជាតិ ដោយបានសម្លាប់ជនស៊ីវិលប៉ាឡេស្ទីន ដោយនិទណ្ឌភាពទាំងស្រុង និងបង្ហាញពីការមិនយកចិត្តទុកដាក់យ៉ាងខ្លាំងចំពោះជីវិតមនុស្ស៕

នាយករដ្ឋមន្ត្រីអ៊ីស្រាអែល៖ ការវាយប្រហារលើក្រុងរ៉ាហ្វា បណ្ដាលមកពីខុសគោលដៅ

ក្រុមមន្ត្រីបាននិយាយកាលពីថ្ងៃចន្ទ ២៧ ឧសភា ថាការវាយប្រហារតាមអាកាសរបស់អ៊ីស្រាអែលបានបង្កឱ្យមានការឆាបឆេះយ៉ាងសន្ធោរសន្ធៅដែលបានសម្លាប់មនុស្ស៤៥ នាក់នៅក្នុងជំរំតង់មួយក្នុងទីក្រុង រ៉ាហ្វា (Rafah)របស់ហ្កាហ្សា ដែលជំរុញឱ្យមានការផ្ទុះកំហឹងពីមេដឹកនាំពិភពលោកដែលជំរុញឱ្យអនុវត្តដីការបស់តុលាការពិភពលោកដើម្បីបញ្ឈប់ការវាយប្រហាររបស់អ៊ីស្រាអែល។យោងតាមក្រុមមន្ត្រីប៉ាឡេស្ទីននៅតំបន់ហ្កាហ្សាគ្រប់គ្រងដោយក្រុមហាម៉ាស មនុស្សរាប់សិបនាក់ត្រូវបានសម្លាប់ ហើយចំនួនអ្នកស្លាប់ទំនងជាកើនឡើង ខណៈអ្នកផ្សេងទៀតកាន់ទុក្ខអ្នកស្លាប់។ លោកនាយករដ្ឋមន្ត្រីអ៊ីស្រាអែល Benjamin Netanyahu បានប្រាប់សភាថា ការវាយប្រហារនេះពុំ មានបំណងសម្លាប់ជនស៊ីវិលឡើយ តែពេលនេះ ដោយសារការវាយប្រហារខុសគោលដៅប៉ុណ្ណោះ។ លោកនិយាយថា នៅក្នុងទីក្រុងរ៉ាហ្វា យើងបានជម្លៀសអ្នកស្រុកមិនមែនអ្នកចូលរួមសមរភូមិប្រហែលមួយលាននាក់រួចហើយ ទោះបីមានការខិតខំប្រឹងប្រែងអស់ពីសមត្ថភាពរបស់យើងដើម្បីកុំឱ្យប៉ះពាល់ដល់អ្នកមិនមែនជាអ្នកប្រយុទ្ធក៏ដោយ ប៉ុន្តែគួរឲ្យសោកស្ដាយដែលបណ្ដាលឲ្យមានសោកនាដកម្មនេះកើតឡើង។ យើងកំពុងស៊ើបអង្កេតឧបទ្ទវហេតុនេះ ហើយនឹងឈានដល់ការសន្និដ្ឋាន ព្រោះនេះជាគោលការណ៍របស់យើង។ ការវាយប្រហារនេះបានជំរុញឱ្យមានការផ្ទុះកំហឹងជាអន្តរជាតិ ដែលឥឡូវនេះកំពុងអំពាវនាវឱ្យអនុវត្តសេចក្តីសម្រេចនៅថ្ងៃសុក្រពីតុលាការកំពូលរបស់អង្គការសហប្រជាជាតិ ដោយបញ្ជាឱ្យអ៊ីស្រាអែលបញ្ឈប់ការវាយប្រហាររបស់ខ្លួនលើក្រុងរ៉ាហ្វា។អ៊ីស្រាអែល នៅតែបន្តការវាយលុករបស់ខ្លួន ដោយនិយាយថា សេចក្តីសម្រេចរបស់តុលាការបង្អាក់ សកម្មភាពយោធានៅទីនោះ៕

[UPDATE]មនុស្សយ៉ាងហោចណាស់ ១០នាក់ស្លាប់ ខណៈព្យុះស៊ីក្លូន វាយប្រហារប្រទេសបង់ក្លាដែស និងឥណ្ឌា

ក្រសួងគ្រប់គ្រងគ្រោះមហន្តរាយរបស់បង់ក្លាដែស បានប្រាប់សារព័ត៌មាន AFP ថា មនុស្សយ៉ាងហោចណាស់១០នាក់ស្លាប់ ចាប់តាំងពីព្យុះស៊ីក្លូនរីម៉ាល់ (Remal) បានវាយប្រហារកាលពីយប់ថ្ងៃអាទិត្យ ។ ព្យុះស៊ីក្លូនដ៏ខ្លាំងក្លាមួយបានបោកបក់ចូលឆ្នេរសមុទ្រនៅតំបន់ទំនាបនៃប្រទេសបង់ក្លាដែសកាលពីថ្ងៃអាទិត្យ ២៦ ឧសភា ដោយមនុស្សជិតមួយលាននាក់បានជម្លៀសខ្លួនចេញពីដីគោក។ ប្រធានមន្ទីរឧតុនិយមបង់ក្លាដែស លោក អាហ្ស៊ីហ្សើររ៉ាម៉ាន់ (Azizur Rahman) បានប្រាប់សារព័ត៌មាន AFP ថា ព្យុះស៊ីក្លូន មានឈ្មោះថា រីម៉ាល់ (Remal) ដ៏ធ្ងន់ធ្ងរបានចាប់ផ្តើមឆ្លងកាត់ឆ្នេរសមុទ្របង់ក្លាដែស ដោយបន្ថែមថា ព្យុះដ៏មានទ្ធិពលនេះ អាចបន្តវាយលុកតំបន់ឆ្នេរសមុទ្ររហូតដល់យ៉ាងហោចណាស់ព្រឹកព្រលឹមថ្ងៃចន្ទនេះ។ យើងបានកត់ត្រាល្បឿនខ្យល់អតិបរមា ៩០ គីឡូម៉ែត្រក្នុងមួយម៉ោង ប៉ុន្តែល្បឿនខ្យល់អាចនឹងកើនឡើងខ្លាំងជាងនេះ។ ប្រជាពលរដ្ឋ រាប់រយនាក់ រថយន្តដឹកទំនិញ និងពាណិជ្ជករ ត្រូវបានជាប់ក្នុងនាវាចម្លងក្នុងស្រុក ម៉ុនក្លា(Mongla) កាលពីថ្ងៃអាទិត្យ ក្រោយក្រុមអាជ្ញាធរផ្អាកការឆ្លងកាត់ខណៈព្យុះរីម៉ាល់ មកដល់។ក្រុមអ្នកព្យាករណ៍អាកាសធាតុ បានព្យាករណ៍ថា មានខ្យល់បោកបក់ក្នុងល្បឿន ១៣០ គីឡូម៉ែត្រក្នុងមួយម៉ោង ដោយមានភ្លៀងធ្លាក់ខ្លាំង ហើយខ្យល់ក៏កំពុងបក់បោកទៅលើប្រទេសឥណ្ឌាជិតខាងផងដែរ។ក្រុមអាជ្ញាធរបានដំឡើងសញ្ញាគ្រោះថ្នាក់ដល់កម្រិតខ្ពស់បំផុត។ ប្រទេសឥណ្ឌា ត្រៀមទប់ទល់ព្យុះស៊ីក្លូនដំបូង នៅឆ្នាំនេះ ខណៈព្យុះរីម៉ាល់ បោះពួយក្នុងល្បឿន១២០គីឡូម៉ែត្រក្នុងមួយម៉ោង។ គួររម្លឹកថា ព្យុះស៊ីក្លូន ធ្លាប់បានសម្លាប់មនុស្សរាប់សែននាក់ក្នុងប្រទេសបង់ក្លាដែសក្នុងរយៈពេលប៉ុន្មានទសវត្សរ៍ថ្មីៗនេះ ប៉ុន្តែចំនួននៃព្យុះកំបុតត្បូងដ៏បំផ្លិចបំផ្លាញ ដែលវាយប្រហារឆ្នេរសមុទ្រមានប្រជាជនរស់នៅយ៉ាងច្រើន បានកើនឡើងយ៉ាងខ្លាំងពីមួយឆ្នាំទៅមួយឆ្នាំពិសេស៣ឆ្នាំចុងក្រោយ ដោយសារឥទ្ធិពលនៃបម្រែបម្រួលអាកាសធាតុ៕

ទីភ្នាក់ងារអាកាសធាតុ៖ ប្រទេសជប៉ុន ទំនងជានឹងមើលឃើញរដូវក្តៅដែលក្តៅជាងធម្មតា

ទីភ្នាក់ងារអាកាសធាតុរបស់ប្រទេសជប៉ុន បាននិយាយថា សីតុណ្ហភាពខ្ពស់ជាងកម្រិតមធ្យម ទំនងជានឹងវាយលុកនៅទូទាំងប្រទេស ចាប់ពីខែមិថុនា ដល់ខែសីហា។ យោងតាមការព្យាករណ៍រយៈពេល៣ខែ ដែលបានប្រកាសនៅដើមសប្តាហ៍នេះ ទីភ្នាក់ងារឧតុនិយមជប៉ុន (JMA) បានព្យាករណ៍អំពីរដូវក្តៅដោយមានអាកាសធាតុក្តៅហើយសើម ដែលនឹងបោកបក់មកលើប្រទេសជប៉ុនពីផ្នែកនៃប្រព័ន្ធសម្ពាធខ្ពស់ នៅសមុទ្រប៉ាស៊ីហ្វិក។ទីភ្នាក់ងារឧតុនិយមជប៉ុន (JMA) និយាយថា ការបញ្ចប់ទៅនៃបាតុភូត អែលនីញ៉ូ(El Nino) នឹងបង្កើនប្រព័ន្ធសម្ពាធខ្ពស់។ មន្ត្រីអាកាសធាតុ បាននិយាយថា នៅក្នុងខែមិថុនា និងខែកក្កដា សីតុណ្ហភាពនឹងមានលក្ខណៈធម្មតា ឬខ្ពស់នៅភាគខាងជើងប្រទេសជប៉ុន ខណៈនឹងមានសីតុណ្ហភាពខ្ពស់ដែលរំពឹងទុកនៅភាគខាងកើតនិងខាងលិចប្រទេសជប៉ុន និងនៅតំបន់កោះអូគីណាវ៉ា និងអាម៉ាមី ហើយនៅខែសីហា សីតុណ្ហភាពនឹងឡើងខ្ពស់ នៅទូទាំងប្រទេស។លោក Shotaro Tanaka ប្រធានមជ្ឈមណ្ឌលព័ត៌មានអាកាសធាតុមិនប្រក្រតីរបស់ទីភ្នាក់ងារឧតុនិយមជប៉ុន (JMA) បានអំពាវនាវឱ្យមាន វិធានការប្រុងប្រយ័ត្នចំពោះជំងឺសុរិយរោគ ដោយសារតែសីតុណ្ហភាពអាចកើនឡើងអំឡុងពេលមានកម្តៅព្រះអាទិត្យនៅក្នុងរដូវវស្សា ទោះបីនៅមុនរដូវក្តៅក៏ដោយ។ភ្នាក់ងារឧតុនិយមជប៉ុន (JMA) បាននិយាយថា ទឹកភ្លៀងធ្លាក់ ត្រូវបានគេរំពឹងថានឹងមានកម្រិតធម្មតា ក្នុងអំឡុងពេលបីខែនៅភាគខាងជើង និងភាគខាងកើតប្រទេសជប៉ុន ហើយធម្មតាឬអាចច្រើនជាងធម្មតា នៅភាគខាងលិចប្រទេសជប៉ុន ព្រមទាំងតំបន់កោះអូគីណាវ៉ា និងអាម៉ាមី។មន្ត្រីឧតុនិយម បានព្រមានអំពីសីតុណ្ហភាពខ្ពស់ខ្លាំងនៅក្នុងខែសីហា ប្រសិនបើគំរូអាកាសធាតុ La Nina កើតឡើង។

មនុស្ស២នាក់ស្លាប់ ខណៈព្យុះស៊ីក្លូន វាយប្រហារប្រទេសបង់ក្លាដែស និងឥណ្ឌា

ក្រសួងគ្រប់គ្រងគ្រោះមហន្តរាយរបស់បង់ក្លាដែស បានប្រាប់សារព័ត៌មាន AFP មនុស្ស២នាក់ស្លាប់ ចាប់តាំងពីព្យុះស៊ីក្លូនរីម៉ាល់ (Remal) បានវាយប្រហារកាលពីយប់ថ្ងៃអាទិត្យ ។ ព្យុះស៊ីក្លូនដ៏ខ្លាំងក្លាមួយបានបោកបក់ចូលឆ្នេរសមុទ្រនៅតំបន់ទំនាបនៃប្រទេសបង់ក្លាដែសកាលពីថ្ងៃអាទិត្យ ២៦ ឧសភា ដោយមនុស្សជិតមួយលាននាក់បានជម្លៀសខ្លួនចេញពីដីគោក។ ប្រធានមន្ទីរឧតុនិយមបង់ក្លាដែស លោក អាហ្ស៊ីហ្សើររ៉ាម៉ាន់ (Azizur Rahman) បានប្រាប់សារព័ត៌មាន AFP ថា ព្យុះស៊ីក្លូន មានឈ្មោះថា រីម៉ាល់ (Remal) ដ៏ធ្ងន់ធ្ងរបានចាប់ផ្តើមឆ្លងកាត់ឆ្នេរសមុទ្របង់ក្លាដែស ដោយបន្ថែមថា ព្យុះដ៏មានទ្ធិពលនេះ អាចបន្តវាយលុកតំបន់ឆ្នេរសមុទ្ររហូតដល់យ៉ាងហោចណាស់ព្រឹកព្រលឹមថ្ងៃចន្ទនេះ។ យើងបានកត់ត្រាល្បឿនខ្យល់អតិបរមា ៩០ គីឡូម៉ែត្រក្នុងមួយម៉ោង ប៉ុន្តែល្បឿនខ្យល់អាចនឹងកើនឡើងខ្លាំងជាងនេះ។ប្រជាពលរដ្ឋ រាប់រយនាក់ រថយន្តដឹកទំនិញ និងពាណិជ្ជករ ត្រូវបានជាប់ក្នុងនាវាចម្លងក្នុងស្រុក ម៉ុនក្លា(Mongla) កាលពីថ្ងៃអាទិត្យ ក្រោយក្រុមអាជ្ញាធរផ្អាកការឆ្លងកាត់ខណៈព្យុះរីម៉ាល់ មកដល់។ក្រុមអ្នកព្យាករណ៍អាកាសធាតុ បានព្យាករណ៍ថា មានខ្យល់បោកបក់ក្នុងល្បឿន ១៣០ គីឡូម៉ែត្រក្នុងមួយម៉ោង ដោយមានភ្លៀងធ្លាក់ខ្លាំង ហើយខ្យល់ក៏កំពុងបក់បោកទៅលើប្រទេសឥណ្ឌាជិតខាងផងដែរ។ក្រុមអាជ្ញាធរបានដំឡើងសញ្ញាគ្រោះថ្នាក់ដល់កម្រិតខ្ពស់បំផុត។ ប្រទេសឥណ្ឌា ត្រៀមទប់ទល់ព្យុះស៊ីក្លូនដំបូង នៅឆ្នាំនេះ ខណៈព្យុះរីម៉ាល់ បោះពួយក្នុងល្បឿន១២០គីឡូម៉ែត្រក្នុងមួយម៉ោង។ គួររម្លឹកថា ព្យុះស៊ីក្លូន ធ្លាប់បានសម្លាប់មនុស្សរាប់សែននាក់ក្នុងប្រទេសបង់ក្លាដែសក្នុងរយៈពេលប៉ុន្មានទសវត្សរ៍ថ្មីៗនេះ ប៉ុន្តែចំនួននៃព្យុះកំបុតត្បូងដ៏បំផ្លិចបំផ្លាញ ដែលវាយប្រហារឆ្នេរសមុទ្រមានប្រជាជនរស់នៅយ៉ាងច្រើន បានកើនឡើងយ៉ាងខ្លាំងពីមួយឆ្នាំទៅមួយឆ្នាំពិសេស៣ឆ្នាំចុងក្រោយ ដោយសារឥទ្ធិពលនៃបម្រែបម្រួលអាកាសធាតុ៕

មនុស្ស១២នាក់រងរបួស ខណៈជើងហោះហើរ Qatar Airways Dublin ប៉ះទង្គិចនឹងខ្យល់កួច

អាកាសយានដ្ឋានឌុយប្លាំង (Dublin) បាននិយាយកាលពីថ្ងៃអាទិត្យទី២៦ខែឧសភា ថា មនុស្ស១២នាក់ ដែលកំពុងធ្វើដំណើរនៅលើជើងហោះហើរ Qatar Airways របស់ក្រុមហ៊ុនអាកាសចរណ៍កាតា ចេញពីរដ្ឋធានីដូហា ( Doha)ទៅកាន់ប្រទេសអៀរឡង់ អំឡុងភាពច្របូកច្របល់ប៉ះទង្គិចនឹងខ្យល់កួចខ្លាំង ដោយបន្ថែមថា យន្តហោះបានចុះចតដោយសុវត្ថិភាព តាមការគម្រោងទុក។ អាកាសយាដ្ឋាន បាននិយាយថា ជើងហោះហើរ QR017 របស់យន្តហោះBoeing 787 Dreamliner បានចុះចតភ្លាមៗ មុនម៉ោង១រសៀលម៉ោងនៅក្នុងរដ្ឋធានីឌុយប្លាំង ប្រទេសអៀរឡង់។ ដោយសំអាងប្រភពពីការមកដល់របស់ក្រុមអ្នកដំណើរនៅអាកាសយានដ្ឋាននោះ ប្រព័ន្ធផ្សព្វផ្សាយ RTE របស់ប្រទេសអៀរឡង់ បាននិយាយថាឧបទ្ទវហេតុនេះ បានបន្តជាង២០វិនាទី និងបានកើតឡើងអំឡុង បម្រើអាហារ និងភេសជ្ជៈនៅលើយន្តហោះ។ ក្រុមហ៊ុនអាកាសចរណ៍ Qatar Airways បាននិយាយនៅក្នុងសេចក្ដីថ្លែងការណ៍មួយថា អ្នកដំណើរមួយចំនួនតូច និងក្រុមអាកាសយានិក រងរបួសស្រាល អំឡុងហោះហើរ និងកំពុងទទួលការព្យាបាលយ៉ាងយកចិត្តទុកដាក់។ ក្រុមហ៊ុនអាកាសចរណ៍ ពុំបានផ្ដល់ការអត្ថធិប្បាយភ្លាមៗទេ ទាក់ទងនឹងខ្យល់កួចនេះ ប៉ុន្តែបាននិយាយថាបញ្ហានេះ គឺជាប្រធានបទសម្រាប់ការស៊ើបអង្កេតផ្ទៃក្នុង៕

បណ្ដាញសង្គម

ព័ត៌មានថ្មីៗ

សម្តេចធិបតី អំពាវនាវដល់ពលរដ្ឋកុំជឿការញុះញង់របស់ក្រុមឧទ្ទាមក្រៅប្រទេស ត្រូវរួមគ្នាបន្តថែរក្សាសន្តិភាព

របាយការណ៍ IAEA ៖ អ៊ីរ៉ង់គ្រោងពង្រីកការចម្រាញ់សារធាតុអ៊ុយរ៉ានីញ៉ូមថ្មី

បម្រាមប្រព័ន្ធផ្សព្វផ្សាយសង្គមរបស់អូស្ត្រាលី ទាក់ទាញទាំងការគាំទ្រ និងប្រឆាំងពីពលរដ្ឋ

កោះតៃវ៉ាន់ ខកចិត្តដែលក្រុមពាណិជ្ជកម្មអន្តរប៉ាស៊ីហ្វិក មិនពិចារណាសមាជិកភាពរបស់ខ្លួន

ប្រទេសកូរ៉េខាងត្បូង បានបដិសេធសំណើសុំទិញអាវុធរបស់អ៊ុយក្រែន

អ្នកស្រុក តវ៉ាជុំវិញអំពើហិង្សា និងច្បាប់អំណាចពិសេសរបស់កងកម្លាំងប្រដាប់អាវុធ នៅរដ្ឋ Manipur ប្រទេសឥណ្ឌា

ចក្រភពអង់គ្លេស ចុះហត្ថលេខាលើកិច្ចព្រមព្រៀងសន្តិសុខព្រំដែនជាមួយអ៊ីរ៉ាក់ ដើម្បីប្រយុទ្ធប្រឆាំងការរត់ពន្ធមនុស្ស

លោក Biden សង្ឃឹមថា លោក Trump គិតឡើងវិញអំពីការដាក់ពន្ធលើប្រទេសម៉ិកស៊ិក និងកាណាដា

ក្រុងគីវ ស្ថិតក្នុងភាពងងឹត ខណៈប្រតិបត្តិករបណ្តាញអគ្គិសនីរដ្ឋ ប្រកាសការដាច់ចរន្តបន្ទាប់ពីការវាយប្រហាររបស់រុស្ស៊ី

WHO អំពាវនាវឱ្យមានការតាមដានចំពោះជំងឺផ្តាសាយបក្សី(H5N1) ក្នុងចំណោមសត្វពាហនៈ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877