BTV NEWS

ភ្ជុំបិណ្ឌ៣ថ្ងៃ គ្រោះថ្នាក់ចរាចរណ៍សម្លាប់អ្នកដំណើរជាង ២០នាក់ របួសធ្ងន់ស្រាលជាង ១០០នាក់

គិតត្រឹមខែកញ្ញាឆ្នាំ២០២៦នេះ មន្ត្រីនគរបាល ៧៧នាក់ត្រូវវិន័យធ្ងន់ធ្ងរដោយសារ Online Scams ខណៈជនជាតិខ្មែរ និងបរទេសជិត ៥ពាន់ទៀតត្រូវជាប់ឃុំ

សមត្ថកិច្ចឃាត់ខ្លួនជនបរទេស៣នាក់ ក្រោយរកឃើញសារធាតុញៀនប្រភេទកញ្ឆាជាង ១០០ដុំ ពេលត្រៀមចាកចេញពីកម្ពុជាតាមយន្តហោះ

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

សន្តិសុខ និង សង្គម

តុលាការបើកសវនការលើករណីលោក ឌួង ងៀប ឆបោកប្រាក់ជាង ៧លានដុល្លារ តែលោក មិនចូលរួមសេវនាការឡើយ

ភ្នំពេញ៖ នៅព្រឹកថ្ងៃទី៣០ ខែសីហា ឆ្នាំ២០២២ នេះចៅក្រមស៊ើបសួរនៃអយ្យការអមសាលាដំបូងរាជធានីភ្នំពេញ បានបើកការស៊ើបសួរជំនុំជម្រះ តែពុំឃើញមានវត្តមានលោក ឌួង ងៀប ចូលក្នុងសវនការឡើយ។ មានតែភាគីជនជាតិតៃវ៉ាន់ ជាជនរងគ្រោះ ចូលរួមក្នុងសវនាការជំនុំជម្រះនេះ។ជនជាតិតៃវ៉ាន់ ជាជនរងគ្រោះមានឈ្មោះ CHIH YU បានឲ្យដឹងថា ក្នុងសវនការជំនុំជម្រះនេះ មិនឃើញវត្តមានលោក ឌួង ងៀប ចូលរួមឡើយ។ ដូច្នេះលោកសំណូមពរដល់ អយ្យការអមសាលាដំបូងរាជធានីភ្នំពេញជួយរកយុតិធម៌ និងឲ្យលោក ឌួង ងៀប មានដំណោះស្រាយ។ជនរងគ្រោះ បានឲ្យដឹងថា ពាក់ព័ន្ធលុយចំនួនជាង ៧ លានដុល្លារនេះ គឺលោកជាដៃគូជំនួញ ជាមួយលោក ឌួង ងៀប ដោយក្រុមហ៊ុនមានការសហការគ្នាលោក ឌួង ងៀប បានឆបោក ជនរងគ្រោះ ពាក់ព័ន្ធករណីក្លែងអត្តសញ្ញាណប័ណ្ណឱ្យចិនច្រើននាក់ និងក្លែងលក់ដីខ្យល់ ដោយយកបានលុយច្រើនលានដុល្លារ ។ កន្លងមកលោក ឌួង ងៀប ក៏ធ្លាប់បានចេញសែក ឲ្យមកជនរងគ្រោះវិញផងដែរ តែជាសែកស្អុយ មិនមានទឹកប្រាក់ឡើយ។ជាចុងក្រោយជនរងគ្រោះ ជាដើមចោទសំណូមពរ ដល់អាជ្ញាធរពាក់ព័ន្ធ ជាពិសេសស្ថាប័ន តុលាការជួយរកយុត្តិធម៌សម្រាប់ជនរងគ្រោះផង។ ពាក់ព័ន្ធករណីនេះ BTV Newsពុំមានប្រភពណាអាចបញ្ជាក់ពីភាគីលោក ឌួង ងៀប បានឡើយ៕ អត្ថបទ៖ កុម្ភះ

អាជ្ញាធរមូលដ្ឋាន និងពលរដ្ឋ ព្រួយបារម្ភចំពោះកំណើននៃការបើកល្បែងផ្សងសំណាងឆ្នោតឡូតូ នៅតាមផ្ទះ

កណ្ដាល៖ នៅពេលបច្ចុប្បន្ន នៅតាមផ្ទះដែលមានប្រកបរបររកស៊ីខ្នាតតូចនៅតាមមូលដ្ឋាននានា គឺមានការបើកល្បែងឆ្នោតផ្សងសំណាងទ្រង់ទ្រាយតូច និងទ្រង់ទ្រាយធំមានច្បាប់ មានអាជ្ញាបណ្ណអនុញ្ញាតឲ្យបើកត្រឹមត្រូវ ប៉ុន្តែសម្រាប់ការបើកនេះ អាជ្ញាធរមូលដ្ឋាន ក៏ដូចជាបណ្តាប្រជាពលរដ្ឋនៅភ្នំពេញ និងខេត្តកណ្តាល បានបង្ហាញការព្រួយបារម្ភចំពោះរីកដុះដាលការបើកល្បែងផ្សងសំណាងនេះលឿនពេក ដែលធ្វើឲ្យប៉ះពាល់ជីវភាព និងការរកចំណូលប្រចាំថ្ងៃរបស់ប្រជាពលរដ្ឋ។បើតាមលោកស្រី សឿង សេរី ចៅសង្កាត់ដង្កោ រាជធានីភ្នំពេញ ថ្លែងប្រាប់BTVនៅថ្ងៃទី៣០ខែសីហានេះថា នៅពេលបច្ចុប្បន្នអាជ្ញាធរមូលដ្ឋាន នៅក្នុងសង្កាត់របស់លោកស្រីបាននឹងកំពុងចុះត្រួតពិនិត្យ ច្បាប់អនុញ្ញាត និងសុពលភាពអាជ្ញាបណ្ណបើកអាជីវកម្មនានានៅក្នុងមូលដ្ឋានខ្លួន ប៉ុន្តែសម្រាប់ច្បាប់អនុញ្ញាត និងអាជ្ញាបណ្ណបើកល្បែងផ្សងសំណាងឆ្នោតឡូតូ ដែលមានដាក់បង្ហាញផ្ទាំងកញ្ចក់ទូរទស្សន៍នេះ យើងមានការពិបាកគ្រប់គ្រងទីតាំងរបស់គេឲ្យបានច្បាស់លាស់ ហើយពលរដ្ឋមួយចំនួនបានបើកល្បែងផ្សងសំណាងនោះ គឺបានកូពីអាជ្ញាបណ្ណនោះ ទៅបើកនៅទីតាំងថ្មីៗច្រើនទៀត ដោយមិនមានការសុំការអនុញ្ញាតពីសាលាសង្កាត់នោះទេ។ពលរដ្ឋ បានថ្លែងថា សម្រាប់ការបើកល្បែងផ្សងសំណាងស្របច្បាប់នេះគឺមានទីតាំងមួយចំនួនមានបើកល្បែងមិនស្របច្បាប់ទៅជាមួយគ្នាដូចជា ល្បែងឆ្នោតវៀតណាម និងល្បែងហ្គេមអនឡាញជាដើម ដែលបញ្ហានេះពលរដ្ឋសើ្នសុំអាជ្ញាធរ និងក្រុមហ៊ុនសាមីជួយចុះត្រួតពិនិត្យការបើកឲ្យបានត្រឹមត្រូវ ជាពិសេសត្រួតពិនិត្យការបើកនៅជិតសាលារៀនបង្កការរំខានសិស្សកំពុងសិក្សាជាដើម។បើតាមមន្ត្រីជំនាញអង្គភាពច្រកចេញចូលតែមួយ របស់រដ្ឋបាលខេត្តកណ្តាល បានថ្លែងថា នៅក្នុងអង្គភាពច្រកចេញចូលតែមួយខេត្តកណ្តាល មិនមានបើកសេវាផ្តល់ច្បាប់ ផ្តល់អាជ្ញាបណ្ណបើកអាជីវកម្មឆ្នោតឡូតូ និងល្បែងផ្សងសំណាងនោះទេ ខណៈការផ្តល់ច្បាប់អនុញ្ញាត និងផ្តល់អាជ្ញាបណ្ណសម្រាប់បើកអាជីវកម្មនានាទៀត គឺអង្គភាព មានផ្តល់អាជ្ញាបណ្ណដែលមានសុពលភាពរយៈពេល១ឆ្នាំនិង២ឆ្នាំម្តង ហើយមានទីតាំងមួយច្បាស់លាស់និងងាយស្រួលអាជ្ញាធរគ្រប់គ្រង។សូមបញ្ជាក់ថា តាមការឲ្យដឹងពីប្រភពក្រៅផ្លូវការពីពលរដ្ឋដែលបានបើកល្បែងផ្សងសំណាងនេះ គឺដំបូងមានតំណាងក្រុមហ៊ុនឡូតូ ធ្វើសកម្មភាពដោយចុះមកសាកសួរជួលផ្ទះ រួចហើយផ្តល់ការរៀបចំដំឡើងទូរទស្សន៍កុំព្យូទ័របំពាក់ internet និងមានការផ្តល់ប្រាក់ខែប្រមាណ ១៥០ដុល្លារទៅ២០០ដុល្លាអាមេរិចក្នុងមួយខែទៅតាមកម្រិតទីតាំងពលរដ្ឋចូលសេវាតិច ឬច្រើនផងដែរ៕ អត្ថបទ ស៊ុម សុខជា

នគរបាលប៉ុស្ដិ៍រដ្ឋបាលឈើទាល ស្រុកកៀនស្វាយ ដាក់កម្លាំងប្រចាំការទាំងថ្ងៃ-យប់ ដើម្បីពង្រឹងសន្តិសុខ និងសុវត្ថិភាពជូនពលរដ្ឋ

កណ្ដាល៖ នគរបាលប៉ុស្ដិ៍រដ្ឋបាលឈើទាល ស្រុកកៀនស្វាយ បានដាក់កម្លាំងប្រចាំការទាំងថ្ងៃ-យប់ដើម្បីពង្រឹងសន្តិសុខ និងសុវត្ថិភាពជូនពលរដ្ឋ ខណៈបទល្មើសចោរកម្ម ហិង្សា និងគ្រឿងញៀន បង្ក្រាបបានជាបន្ដបន្ទាប់។ ដើម្បីពង្រឹងសន្តិសុខ និងសុវត្ថិភាពជូនពលរដ្ឋលោកវរសេនីយ៍ត្រី សឿន ផល្លី មេប៉ុស្ដិ៍រដ្ឋបាលឃុំឈើទាល បានដាក់គោលដៅប្រចាំការទាំងថ្ងៃ-យប់នៅតាមទីសាធារណៈ ដើម្បីបង្កលក្ខណៈងាយស្រួល ក្នុងការចុះអន្តរាគមន៍ដល់ប្រជាពលរដ្ឋ ឱ្យបានទាន់ពេលវេលា។លោកមេប៉ុស្ដិ៍នគរបាលប៉ុស្ដិ៍រដ្ឋបាលឈើទាល ស្រុកកៀនស្វាយ បានប្រាប់BTV Newsថា ដោយមានការណែនាំពីឧត្តមសេនីយ៍ទោ ឈឿន សុចិត្តស្នងការនគរបាលខេត្តកណ្តាល កម្លាំងសមត្ថកិច្ចប៉ុស្ដិ៍រដ្ឋបាលឈើទាល បានដាក់ប៉ុស្ដិ៍សាធារណៈប្រចាំការ២៤ម៉ោងលើ២៤ម៉ោង ព្រមទាំងការដើរល្បាត និងការផ្ដល់សេវាសាធារណៈផ្សេងៗ ដើម្បីបង្កលក្ខណៈងាយស្រួល ក្នុងការឆ្លើយតប ឬកិច្ចអន្តរាគមន៍ ជួយប្រជាពលរដ្ឋ ឱ្យបានទាន់ពេលវេលា ក្នុងពេលដែលមានបញ្ហាមិនប្រក្រតីផ្សេងៗ។លោកវរសេនីយ៍ត្រី សឿន ផល្លី បានថ្លែងថា រយៈពេលចុងក្រោយ១ខែ ក្នុងឆ្នាំ២០២២នេះ បទល្មើសដែលកម្លាំងសមត្ថកិច្ចបង្រ្កាបបាន មានការថយចុះដូចជា បទល្មើសចោរកម្ម លួច ប្លន់ គ្រឿងញៀន និងអំពើហិង្សាជាដើម។ លោក បានបន្ថែមឲ្យដឹងទៀតថា ដើម្បីឱ្យការពង្រឹងសន្តិសុខ និងសុវត្ថិភាពឱ្យមានប្រសិទ្ធភាពខ្ពស់នោះគឺ នគរបាលរបស់យើងតែងតែផ្សព្វផ្សាយយ៉ាងញឹកញាប់នៅតាមមូលដ្ឋាន ដើម្បីជំរុញឱ្យមានការចូលរួមរាយការណ៍ពីប្រជាពលរដ្ឋ។ជាមួយគ្នានេះដែរ បងប្អូនប្រជាពលរដ្ឋ មានការអបអរសាទរ និងសប្បាយចិត្តនៅពេលឃើញកម្លាំងសមត្ថកិច្ចដាក់ប៉ុស្ដិ៍ចុះដើរល្បាត និងបង្ក្រាបបទល្មើសបានជាបន្ដបន្ទាប់ដូចជា៖ ចោរកម្ម លួច ប្លន់ គ្រឿងញៀនផងដែរ។គួររម្លឹកផងដែរថា ក្នុងការផ្សព្វផ្សាយផែនការ ការពារសន្តិសុខ សណ្ដាប់ធ្នាប់ និងសុវត្ថិភាព លោកឧត្តមសេនីយ៍ទោ ឈឿន សុចិត្តស្នងការនគរបាលខេត្តកណ្តាល បានធ្វើការណែនាំដល់លោក លោកស្រីស្នងការរង និងលោកអធិការនគរបាលក្រុង/ស្រុកទាំង១១ ត្រូវយកចិត្តទុកដាក់ណែនាំ និងពិនិត្យទៅលើមន្ត្រីរបស់ខ្លួន ដែលឈរជើងនៅតាមគោលដៅត្រួតពិនិត្យតាមដងផ្លូវ ឱ្យយកចិត្តទុកដាក់ខ្ពស់ក្នុងការឆែកអាវុធជាតិផ្ទុះ។ល។ ដើម្បីធានាបាននូវសន្តិសុខ សណ្តាប់ធ្នាប់ និងសុវត្ថិភាពជូនបងប្អូនប្រជាពលរដ្ឋ ពិសេសថ្នាក់ដឹកនាំជាន់ខ្ពស់៕អត្ថបទ ៖ នុត សាវី

អគ្គីភ័យឆេះឃ្លាំងលក់រថយន្តនៅផ្លូវទំនប់៧០ ខូចខាតរថយន្តចំនួន ១០គ្រឿងទាំងស្រុង

ភ្នំពេញ ៖ អគ្គីភ័យឆាបឆេះយ៉ាងសន្ធោសន្ធៅ នៅឃ្លាំងលក់រថយន្តមួយកន្លែង បណ្ដាលឲ្យរថយន្តចំនួន ១០គ្រឿង ខូចខាតទាំងស្រុង ដែលហេតុការណ៍នេះបានកើតឡើងនៅវេលាម៉ោង០២យប់រំលងអធ្រាត្រ ឈានចូលថ្ងៃទី២៧ ខែសីហា ឆ្នាំ២០២២ នៅតាមបណ្ដោយផ្លូវទំនប់៧០ ហៅទំនប់ទួលគោក ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ ។ តាមប្រភពពីកន្លែងកើតហេតុបានឲ្យដឹងថា មុន ពេលកើតហេតុនោះគេឃើញមានផ្សែងហុយចេញពីរថយន្តនៅក្នុងឃ្លាំងដែលម្ចាស់បានចាក់សោររបងត្រឹមត្រូវដូចរាល់ថ្ងៃ បន្ទាប់មកក៏មានអណ្ដាតភ្លើងឆេះឡើងយ៉ាងសន្ធោសន្ធៅ និងរាលដាលពីរថយន្តមួយទៅរថយន្តផ្សេងទៀត ព្រមទាំងឆ្លងទៅឃ្លាំងមួយទៀតដែលនៅក្បែរគ្នា។ក្រោយទទួលបានព័ត៌មាន កម្លាំងនគរបាលការិយាល័យបង្ការ និងពន្លត់អគ្គីភ័យ នៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គីភ័យគ្រប់គោលដៅ ដើម្បីចេញជួយអន្តរាគមន៍បាញ់ពន្លត់ ជៀសវាងរាលដាលដល់ឃ្លាំងដទៃបន្ថែមទៀត ។ តែទោះជាយ៉ាងនេះក៏ដោយទំហំនៃការឆាបឆេះនេះលឿន ក្នុងហេតុការណ៍នេះ បណ្ដាលឲ្យរថយន្តខូចខាតសរុបចំនួន១០គ្រឿង ភាគច្រើន ម៉ាក ធុនត្រា ។តាមការសន្និដ្ឋានរបស់សមត្ថកិច្ចជំហានដំបូងគឺ បណ្ដាលមកពីឆ្លងប្រព័ន្ធភ្លើងពីអាគុយក្នុងរថយន្ត ទើបមានការឆាបឆេះបែបនេះ ។ ក្នុងហេតុការណ៍នេះមិនបណ្ដាលឲ្យមនុស្សណាម្នាក់រងរបួស ឬគ្រោះថ្នាក់អ្វីឡើយ ដោយប្រើពេលជាង១ម៉ោងក៏ពន្លត់ភ្លើងឲ្យរលត់ទៅវិញជាស្ថាពរ ៕ អត្ថបទ៖ កុម្ភៈ

សមត្ថកិច្ចកម្ពុជាឃាត់ខ្លួនជនជួញដូរមនុស្សបានមួយចំនួន ខណៈអ្នកពាក់ព័ន្ធកំពុងស្រាវជ្រាវបន្តទៀត

ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) បានថ្លែងថា សមត្ថកិច្ចកម្ពុជា បានធ្វើការឃាត់ខ្លួន ជសង្ស័យជួញដូរមនុស្សបានមួយចំនួន ហើយអ្នកពាក់ព័ន្ធដទៃទៀត កំពុងស្រាវជ្រាវដើម្បីចាប់ខ្លួនបន្ត ខណៈជនរងគ្រោះដែលជាជនជាតិអាមេរិក និងជនជាតិឥណ្ឌូនេស៊ីបានសង្រ្គោះ។ថ្លែងប្រាប់អ្នកសារព័ត៌មាន ក្រោយបញ្ចប់កិច្ចប្រជុំក្រុមការងារជំនាញអន្ដរក្រសួង-ស្ថាប័នទាំង៦ និងក្រសួង-ស្ថាប័នជាសមាជិក គ.ជ.ប.ជ ប្រចាំឆមាសទី១ ឆ្នាំ២០២២ នាព្រឹកថ្ងៃទី១៩ ខែសីហា នេះ សម្តេចក្រឡាហោម ស ខេង បានបញ្ជាក់ថា បន្ទាប់ពីមានបទបញ្ជាក្រុមប្រតិបត្តិការចុះឆែកឆេរជន បរទេសនៅតាមសណ្ឋាគារ កាស៊ីណូ និងកន្លែងមួយចំនួនទៀត ដោយធ្វើការឃាត់ខ្លួនមេការ និងមេខ្លោង ជួញដូរមនុស្សបានមួយចំនួន ដើម្បីយកមកផ្ដន្ទាទោសទៅតាមច្បាប់។ចំពោះករណីរត់ចេញពីកាស៊ីណូ នៅជ្រៃធំ ខេត្តកណ្ដាល សម្ដេច ស ខេង បានឲ្យដឹងថា តាមព័ត៌មានបឋម អ្នកទាំងនោះមកធ្វើការខុសច្បាប់នៅកម្ពុជា ខណៈពួកគេទាំងនោះជាជនវៀតណាម ហើយអាច ចូលមកធ្វើការងារនៅកម្ពុជាពុំមានច្បាប់ត្រឹមត្រូវផងដែរ។សូមរំលឹកថា ប្រតិបត្តិការត្រួតពិនិត្យ ការរស់នៅរបស់ជនបរទេសនៅកម្ពុជា លើកលែងតែមន្រ្តីទូត បែបនេះ បន្ទាប់ពីអាម៉េរិក ដាក់កម្ពុជាចូលក្នុងបញ្ជីខ្មៅ ជាប្រទេសជាប់ចំណាត់ថ្នាក់លេខ៣ នៃការជួញដូរមនុស្ស។ យ៉ាងណាក៏ដោយសម្តេចក្រឡាហោម ស ខេង បានបញ្ជាក់ថា របាយការណ៍ខ្លះត្រឹមត្រូវ និងខ្លះទៀត មិនមែនជាការពិតនោះឡើយ៕ អត្ថបទ៖ បាន ចក់

ពលរដ្ឋសម្ដែងការព្រួយបារម្ភនឹងល្បែងភ្នាល់បាញ់កាំជ្រួចនៅស្រុកអន្លង់វែងអាចបង្ករហានិភ័យកើតឡើងក្នុងមូលដ្ឋាន

ឧត្តរមានជ័យ៖ ប្រជាពលរដ្ឋរស់នៅក្បែរទីតាំងអូរថ្ម ស្ថិតនៅភូមិជាំ ឃុំត្រពាំប្រិយន៍ ស្រុកអន្លង់វែង ខេត្តឧត្តរមានជ័យ បានសម្ដែងការព្រួយបារម្ភនឹងល្បែងស៊ីសងភ្នាល់បាញ់កាំជ្រួចរបស់ជនជាតិថៃ ដែលអាចបង្ករប៉ះពាល់ច្រើន ដោយសារកម្ទេចគ្រាប់រំសេវបានធ្លាក់ជិតមូលដ្ឋានរបស់ពួកគាត់នៅពេលខ្លះ វាអាចបណ្តាលឱ្យមានការឆេះដល់ផ្ទះសម្បែង និងចំការក៏មានផងដែរ។ប្រជាពលរដ្ឋ បានបង្ហើបឱ្យដឹងថា កន្លងមកល្បែងស៊ីសងភ្នាល់បាញ់កាំជ្រួច ជ្រកក្រោមអាជ្ញាប័ណ្ណស្របច្បាប់របស់ក្រុមហ៊ុន«សាមនខេរៈអភិវឌ្ឍន៍» នៅពេលបាញ់កាំជ្រួចម្តងៗ តែងតែមានផលប៉ះពាល់ដោយសារកម្ទេចគ្រាប់រំសេវបានធ្លាក់ជិតមូលដ្ឋានរបស់ពួកគាត់វាបណ្តាឲ្យមានផលប៉ះពាល់ខ្លាំងដល់បញ្ហាសុខាភាពរបស់ប្រជាពលរដ្ឋពីចំហាយគ្រាប់រំសេវដោយការបាញ់កាំជ្រួចនេះផងដែរ។គួររម្លឹងថា ក្រុមហ៊ុន«សាមនខេរៈអភិវឌ្ឍន៍» ទទួលបានសិទ្ធបើកល្បែងស៊ីសងភ្នាល់បាញ់កាំជ្រួច នៅលើទឹកដីនៃស្រុកអន្លង់វែង ខេត្តឧត្តរមានជ័យ ដោយមិនខ្វល់ពីបញ្ហាប្រឈមទៅនឹងផលប៉ះពាល់ដល់ប្រជាពលរដ្ឋនោះឡើយ។ ពាក់ព័ន្ធបញ្ហានេះខាងក្រុមហ៊ុនBTV Newsមិនអាចសុំការបំភ្លឺបានទេ ដោយពុំមានលេខទូរស័ព្ទម្ចាស់ក្រុមហ៊ុន៕ អត្ថបទ៖ ឃិន សារិទ្ធ

ប្រជាពលរដ្ឋសំណូមពរអាជ្ញាធរខេត្ត ពិនិត្យលើការលក់ដូរអុសស្ទែនៅក្រុងកំពង់ឆ្នាំង

កំពង់ឆ្នាំង៖ អុសស្ទែដែលបានពីព្រៃឈើលិចទឹករាប់រយម៉ែត្រគូប ត្រូវបានឈ្មួញប្រមូលទិញជារៀងរាល់ថ្ងៃ និងគរទុក ពុះជ្រៀក ដឹកចេញយកទៅលក់នៅតាមបណ្តាខេត្តផ្សេងៗទៀត ដែលករណីនេះ ធ្វើអោយប្រជាពលរដ្ឋងឿងឆ្ងល់ ថាហេតុអ្វីបានជាពួកគេប្រមូលបានអុសឈើព្រៃលិចទឹកច្រើនម្លេះ? ថាតើពួកគេកំពុងកាប់បំផ្លាញព្រៃលិចទឹកដោយលួចលាក់ដែរឬទេ?ប្រជាពលរដ្ឋរស់នៅតាមដងទន្លេ បានប្រាប់ថា ដើមឈើព្រៃលិចទឹក មិនមែនចេះតែងាប់ច្រើន ដើម្បីអោយពួកគេប្រមូលយកទៅលក់អោយឈ្មួញនោះទេ។ កន្លងមក និងពេលថ្មីៗនេះ ក៏មានក្រុមជនខិលខូច ដើរគ្រៀវព្រៃឈើលិចទឹកធំៗ អោយងាប់ រួចហើយពួកគេទៅកាប់ និងដឹកយកឈើទាំងនោះមកលក់អោយឈ្មួញនៅក្រុងកំពង់ឆ្នាំងដែលជាអ្នកចាំទិញ ជារៀងរាល់ថ្ងៃ។ តំបន់ព្រៃលិចទឹកដែលមានប្រភេទឈើធំៗ តែងរងការកាប់បំផ្លាញពីក្រុមជនខិលខូចទាំងនោះ យកមកធ្វើជាអុសស្ទែសំរាប់លក់អោយឈ្មួញ។ប្រជាពលរដ្ឋបានសំណូមពរអាជ្ញាធរខេត្តកំពង់ឆ្នាំង និងជំនាញ មេត្តាពិនិត្យលើករណីខាងលើនេះផង បើពុំមានការទប់ស្កាត់នោះទេ ព្រឈើលិចទឹកធំៗ ត្រូវបានបំផ្លាញគ្មានសល់ឡើយ៕

អ្នកស្លាប់ដោយសារគ្រោះថ្នាក់ចរាចរណ៍ក្នុងឆមាសទី១ ជិតមួយពាន់នាក់ ខណៈអ្នករបួសជិតបួនពាន់នាក់

ភ្នំពេញ៖ មនុស្សយ៉ាងតិចចំនួន៩៤២នាក់ បានស្លាប់បាត់បងជីវិត និងរងរបួសធ្ងន់ស្រាល ចំនួន៣៦៦៤នាក់ ខណៈយានយន្តចំនួន៨៨.៩៣២គ្រឿងត្រូវបានពិន័យនៅក្នុងឆមាសទី១ ឆ្នាំ២០២២នេះ។ នេះបើតាមរបាយការណ៍របស់គណៈកម្មាធិការជាតិសុវត្ថិភាពចរាចរណ៍ផ្លូវគោក (គ.ស.ច.គ.)។របាយការណ៍របស់គ.ស.ច.គ ដែលទូរទស្សន៍BTV ទទួលបាននាថ្ងៃទី១៨ ខែសីហា ឆ្នាំ២០២២នេះ បានបញ្ជាក់ឲ្យដឹងថា «ក្នុងឆមាសទី១ ឆ្នាំ២០២២ គ្រោះថ្នាក់កើតឡើងសរុប ១.៦០៩លើក (យប់៥៧%) បណ្ដាលឱ្យស្លាប់៩៤២ នាក់ និងរបួស២.២៣៥នាក់ (ធ្ងន់១.៤២៩នាក់)។ មូលហេតុបង្កគ្រោះថ្នាក់រួមមាន ល្មើសល្បឿន៣៨% បើកបរមិនគោរពសិទ្ធិ២៤% មិនប្រកាន់ស្តាំ១១% វ៉ាជែង១១% បត់១០%ស្រវឹង៣%កត្តាយាន២% និងងងុយ១%។ ក្នុងចំណោមអ្នកស្លាប់ជាអ្នកជិះម៉ូតូចំនួន៨១% (៧៥៩/៩៤២នាក់) មានអ្នកមិនពាក់មួកសុវត្ថិភាពចំនួន៧៤% (៥៥៨/ ៧៥៩នាក់ )។ គ្រោះថ្នាក់បានកើតឡើងច្រើននៅរាជធានីភ្នំពេញ ៤៥៨លើក ខេត្តកណ្តាល ១១៧លើក និងខេត្តព្រះ សីហនុ ៩៧លើក»។របាយការណ៍ដដែលបានឱ្យដឹងទៀតថា តាមរយៈការរឹតបន្តឹងការអនុវត្តច្បាប់ចរាចរណ៍ផ្លូវគោក សមត្ថកិច្ចបានពិន័យយានយន្តល្មើសច្បាប់ចំនួន ៨៨.៩៣២ គ្រឿង។ ដោយឡែក ការពិន័យប្រចាំឆមាសទី១ នៅទូទាំងប្រទេសបានទឹកប្រាក់ចំនួន ៧.៥៦០.២៦៥.០០០រៀល។ ជាមួយគ្នានេះ ក្រុមការងារត្រួតពិនិត្យយានយន្តកែច្នៃខុសលក្ខណបច្ចេកទេសរាជធានី-ខេត្ត ប្រចាំឆមាសទី១ ឆ្នាំ២០២២ បានធ្វើការត្រួតពិនិត្យយានយន្តចំនួន ៣០.១៥០គ្រឿង យានយន្តត្រឹមត្រូវចំនួន ២៤.៨៤៨គ្រឿង យានយន្តខុស លក្ខណបច្ចេកទេសចំនួន ៥.៣០២គ្រឿង៕ អត្ថបទ៖ បាន ចក់

នគរបាលធ្វើលំហាត់សមយុទ្ធជាក់ស្តែងជាមួយបុគ្គលិកផ្សារអេអន១ ទាក់ទងនិងរបៀបនៃការពន្លត់អគ្គិភ័យ និងសង្គ្រោះបឋម

ភ្នំពេញ៖ លោកឧត្តមសេនីយ៍ឯក នេត វន្ថា ប្រធាននាយកដ្ឋាននគរបាល បង្ការពន្លត់អគ្គិភ័យ និងសង្រ្គោះនៃអគ្គស្នងការដ្ឋាននគរបាលជាតិកម្ពុជា នៅព្រឹកថ្ងៃទី១៧ ខែសីហា ឆ្នាំ២០២២នេះ បានដឹកនាំមន្រ្តីនគរបាល នៃនាយកដ្ឋាន ធ្វើលំហាត់សមយុទ្ធជាក់ស្តែងជាមួយបុគ្គលិកផ្សារអេអនទី១ ទាក់ទង និងរបៀប នៃការពន្លត់អគ្គិភ័យ ដែលកើតចេញពីយថាហេតុណាមួយ ខណៈលំហាត់សមយុទ្ធនេះនឹងធ្វើឡើងគ្រប់ផ្សារធំៗ និងទំនើបៗទាំងអស់នៅទូទាំងប្រទេសកម្ពុជា៕

មនុស្ស២នាក់ស្លាប់ ករណីបាក់ដីនៅក្រុមហ៊ុនវ៉ារីអគ្គិសនីតាទៃលើ

កោះកុង៖ មនុស្ស២នាក់បានស្លាប់ និង២នាក់ផ្សេងរបួសធ្ងន់ស្រាល ក្នុងករណីបាក់ដីនៅក្នុងរូងទី៣ របស់ក្រុមហ៊ុនវ៉ារីអគ្គិសនីតាទៃលើ ស្ថិតនៅចំណុចស្ទឹងកែប ឃុំតាទៃលើ ស្រុកថ្មបាំងខេត្តកោះកុង។លោក អន សុធារិទ្ធ អភិបាលស្រុកថ្មបាំង ឱ្យដឹងនៅរសៀលថ្ងៃទី១១ ខែសីហា នេះថា ករណីកម្រនឹងជួបប្រទះនេះ បានកើតឡើងវេលាម៉ោងជិត៧យប់ថ្ង្ងៃទី១០ ខែសីហា ម្សិលមិញ ដោយទីតាំងកើតហេតុឆ្ងាយដាច់ស្រយោលប្រមាណ ២០គីឡូម៉ែត្រពីទីរួមស្រុក។ លោកអភិបាលស្រុកថ្មបាំង បន្ថែមថា ៤ថ្ងៃនេះ ភ្លៀងធ្លាក់ជោគជាំស្ទើរគ្រប់មូលដ្ឋាន ដែលជាហេតុធ្វើចរន្តទឹកហូរពីលើខ្នងភ្នំច្រោះចុះក្រោមបង្កឱ្យបាក់ដីនៅរូងទី៣ របស់ក្រុមហ៊ុនវ៉ារីអគ្គិសនីតាទៃលើ បណ្តាលឱ្យស្លាប់មនុស្សចំនួន ២នាក់ប្រុស និងរងរបួសធ្ងន់ចំនួន២នាក់។ បច្ចុប្បន្នលោកបានណែនាំដល់ម្ចាស់ក្រុមហ៊ុនត្រូវដកកម្លាំងកម្មករមករកទីកន្លែងសុវត្ថិភាពរង់ចាំអាកាសធាតុអំណោយណាពេលទើបចុះធ្វើការតាមផែនការ ចៀសវាងបញ្ហាគ្រោះថ្នាក់បន្តកើតមានឡើង។ជនរងគ្រោះដោយសារការបាក់ដីសង្កត់លើស្លាប់២នាក់ ទី១.ឈ្មោះ នី វណ្ណៈ ភេទប្រុស អាយុ ៣៤ឆ្នាំ មានទីលំនៅភូមិមេចាន់ ឃុំថ្មី ស្រុកកំពត ខេត្តកំពត និងទី២.ឈ្មោះ អ៊ុត ចាន់ ភេទប្រុស អាយុ ៣១ឆ្នាំ មានទីលំនៅភូមិក្តាត់ ឃុំមេទឹក ស្រុកបាកាន ខេត្តពោធិ៍សាត់។សាកសពបានតម្កល់ទុកនៅវត្តថ្មបាំង រង់ចាំសាច់ញាតិមកទទួលយកធ្វើបុណ្យតាមប្រពៃណី ដោយក្រុមហ៊ុនអគ្គិសនីតាទៃលើ ក៏ត្រៀមដោះស្រាយសំណងទូទាត់ចំពោះសពជនរងគ្រោះ។ដោយឡែកអ្នករងគ្រោះរបួសវិញ ទី១.ឈ្មោះ ចេន ណាក់ ភេទប្រុស អាយុ ៣៣ឆ្នាំ មានទីលំនៅភូមិប៉ោឡោ ឃុំមេទឹក ស្រុកបាកាន ខេត្តពោធិ៍សាត់ (របួសធ្ងន់) និងទី២-ឈ្មោះ បៀន អាយ ភេទប្រុស អាយុ៣១ឆ្នាំ មានទីលំនៅភូមិកណ្តាល ឃុំពាមរោង ស្រុកស្វាយអន្ទរ ខេត្តព្រៃវែង (របួសស្រាល)។ ពួកគេត្រូវបានបញ្ជូនទៅមន្ទីរពេទ្យបង្អែកខេត្តកោះកុង៕ អត្ថបទ៖ ឈឹម មករា

បណ្ដាញសង្គម

ព័ត៌មានថ្មីៗ

កម្ពុជា-កាហ្សាក់ស្ថាន ស្វែងរកយន្តការថ្មីៗ ដើម្បីប្រែក្លាយការប្ដេជ្ញាចិត្តនៃការលើកកម្ពស់ទំនាក់ទំនង និងកិច្ចសហប្រតិបត្តិការទ្វេភាគី ឱ្យក្លាយជាសកម្មភាពជាក់ស្ដែង

កម្ពុជា-កាហ្សាក់ស្ថាន ឯកភាពបន្តពូនជ្រំទំនាក់ទំនងទ្វេភាគី និងគាំទ្រគ្នាទៅវិញទៅមក ក្នុងក្រខ័ណ្ឌតំបន់ និង អន្តរជាតិ

រដ្ឋមន្រ្តីសុខាភិបាល៖ «សុខភាពល្អ គឺជាទ្រព្យសម្បត្តិដ៏មានតម្លៃបំផុតរបស់មនុស្ស និងគ្រួសារ»

លទ្ធផលនៃដំណោះស្រាយតាមយន្តការ UNCLOS នឹងត្រូវប្រកាសឱ្យដឹងនៅក្នុងពេលឆាប់ៗនេះ

សម្ដេចធិបតី នាយករដ្ឋមន្ត្រី អនុញ្ញាតឲ្យអ្នកគ្រប់គ្រងទូទៅនៃក្រុមហ៊ុន Selfie Travel Asia ចូលជួបសម្តែងការគួរសម និងពិភាក្សាការងារ

សម្ដេចធិបតី ហ៊ុន ម៉ាណែត អនុញ្ញាតឲ្យប្រធានផលិតករក្រុមហ៊ុន Daubay Production ចូលជួបសម្ដែងការគួរសម និងពិភាក្សាការងារ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញទស្សនាសារមន្ទីរជាតិសាធារណរដ្ឋកាហ្សាក់ស្ថាន

អាជីករវៀតណាមបានបង្ហាញមោទនភាព និងថ្លែងអំណគុណដល់ពលរដ្ឋកម្ពុជា ដែលគាំទ្រផលិតផលរបស់ខ្លូន

ឯកឧត្តម ណាំ ទុំ សង្ឃឹមថាអ្នកជំនាន់ក្រោយនឹងរួមគ្នាបំពេញបេសកកម្មជាតិ គឺការពារសន្តិភាព មានជីវភាពរស់នៅសមរម្យ និងយុត្តិធម៌សង្គម

កម្ពុជា-កាហ្សាក់ស្ថាន ផ្លាស់ប្តូរឯកសារចំនួន៧ ដើម្បីជំរុញកិច្ចសហប្រតិបត្តិការទ្វេភាគី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

តុលាការបើកសវនការលើករណីលោក ឌួង ងៀប ឆបោកប្រាក់ជាង ៧លានដុល្លារ តែលោក មិនចូលរួមសេវនាការឡើយ

អាជ្ញាធរមូលដ្ឋាន និងពលរដ្ឋ ព្រួយបារម្ភចំពោះកំណើននៃការបើកល្បែងផ្សងសំណាងឆ្នោតឡូតូ នៅតាមផ្ទះ

អគ្គីភ័យឆេះឃ្លាំងលក់រថយន្តនៅផ្លូវទំនប់៧០ ខូចខាតរថយន្តចំនួន ១០គ្រឿងទាំងស្រុង

សមត្ថកិច្ចកម្ពុជាឃាត់ខ្លួនជនជួញដូរមនុស្សបានមួយចំនួន ខណៈអ្នកពាក់ព័ន្ធកំពុងស្រាវជ្រាវបន្តទៀត

ប្រជាពលរដ្ឋសំណូមពរអាជ្ញាធរខេត្ត ពិនិត្យលើការលក់ដូរអុសស្ទែនៅក្រុងកំពង់ឆ្នាំង

អ្នកស្លាប់ដោយសារគ្រោះថ្នាក់ចរាចរណ៍ក្នុងឆមាសទី១ ជិតមួយពាន់នាក់ ខណៈអ្នករបួសជិតបួនពាន់នាក់

មនុស្ស២នាក់ស្លាប់ ករណីបាក់ដីនៅក្រុមហ៊ុនវ៉ារីអគ្គិសនីតាទៃលើ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

តុលាការបើកសវនការលើករណីលោក ឌួង ងៀប ឆបោកប្រាក់ជាង ៧លានដុល្លារ តែលោក មិនចូលរួមសេវនាការឡើយ

អាជ្ញាធរមូលដ្ឋាន និងពលរដ្ឋ ព្រួយបារម្ភចំពោះកំណើននៃការបើកល្បែងផ្សង​សំណាងឆ្នោតឡូតូ នៅតាមផ្ទះ

អគ្គីភ័យឆេះឃ្លាំងលក់រថយន្តនៅផ្លូវទំនប់៧០ ខូចខាតរថយន្តចំនួន ១០គ្រឿងទាំងស្រុង

សមត្ថកិច្ចកម្ពុជាឃាត់ខ្លួនជនជួញដូរមនុស្សបានមួយចំនួន ​ខណៈអ្នកពាក់ព័ន្ធកំពុងស្រាវជ្រាវ​បន្តទៀត

ប្រជាពលរដ្ឋសំណូមពរអាជ្ញាធរខេត្ត ពិនិត្យលើការលក់ដូរអុសស្ទែនៅក្រុងកំពង់ឆ្នាំង

អ្នកស្លាប់ដោយសារ​គ្រោះថ្នាក់ចរាចរណ៍​ក្នុងឆមាសទី១ ជិតមួយ​ពាន់នាក់ ខណៈ​អ្នករបួសជិត​បួនពាន់នាក់

មនុស្ស២នាក់ស្លាប់ ករណីបាក់ដីនៅក្រុមហ៊ុនវ៉ារីអគ្គិសនីតាទៃលើ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាជ្ញាធរមូលដ្ឋាន និងពលរដ្ឋ ព្រួយបារម្ភចំពោះកំណើននៃការបើកល្បែងផ្សងសំណាងឆ្នោតឡូតូ នៅតាមផ្ទះ

សមត្ថកិច្ចកម្ពុជាឃាត់ខ្លួនជនជួញដូរមនុស្សបានមួយចំនួន ខណៈអ្នកពាក់ព័ន្ធកំពុងស្រាវជ្រាវបន្តទៀត

អ្នកស្លាប់ដោយសារគ្រោះថ្នាក់ចរាចរណ៍ក្នុងឆមាសទី១ ជិតមួយពាន់នាក់ ខណៈអ្នករបួសជិតបួនពាន់នាក់