នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អគ្គនាយកដ្ឋានពន្ធនាគារ កំពុងសិក្សារៀបចំទីតាំងឃុំឃាំងថ្មីបន្ថែម ខណៈចំនួនជនជាប់ឃុំមានការកើនឡើងខ្លាំង
សមត្ថកិច្ចខេត្តព្រះសីហនុរកឃើញអ្នកបើកបររថយន្តធុនធ្ងន់មួយចំនួនមានសារធាតុគ្រឿងញៀននៅក្នុងខ្លួន
ឆេះខុនដូ Wealth Mansion តែសមត្ថកិច្ចជួយពន្លត់ទាន់ពេលដោយមិនរាលដាលទ្រង់ទ្រាយធំ
ជនជាតិវៀតណាម និងជនជាតិចិនជាងពីររយនាក់ទៀតត្រូវបានអាជ្ញាធរបណ្តេញចេញពីកម្ពុជាក្រោយរក ឃើញជាប់ពាក់ព័ន្ធករណី Online Scams

សន្តិសុខ និង សង្គម

ថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៩លើក បណ្តាលឲ្យស្លាប់៦នាក់ របួស១២នាក់

2022/04/25 05:04:16 pm        376
Facebook Telegram Linkin
ភ្នំពេញ៖ គិតត្រឹមម៉ោង ៤រសៀល ថ្ងៃទី២៥ ខែមេសា ឆ្នាំ២០២២ នេះ គ្រោះថ្នាក់ចរាចរណ៍ ទូទាំងប្រទេសកើតឡើងចំនួន ៩លើក បណ្តាលឲ្យមនុស្សស្លាប់ចំនួន ៦នាក់ និងរងរបួសចំនួន ១២នាក់ ក្នុងនោះរបួសធ្ងន់ចំនួន ១១នាក់ និង ស្រាល ១នាក់។ គ្រោះថ្នាកចរាចរណ៍ កើតលើរាជធានី-ខេត្តចំនួន ៨ មានដូចជា៖ ខេត្តបន្ទាយមានជ័យ ស្លាប់ ១នាក់ និងរបួស ១នាក់ , កំពង់ ចាម ស្លាប់ ១នាក់ , កំពង់ស្ពឺ ស្លាប់ ១នាក់ , កំពត របួស ២នាក់ , ភ្នំពេញ របួស ២នាក់ , ព្រៃ វែង ស្លាប់ ១នាក់ , ពោធិសាត់ ស្លាប់ ១នាក់ របួស ៥នាក់ និងខេត្ត សៀមរាប ស្លាប់ ១នាក់ របួស ២នាក់៕

អាជ្ញាធរខេត្តកំពង់ឆ្នាំងបន្តយុទ្ធនាការរុះរើសំណង់អាណាធិបតេយ្យនៅលើផ្ទៃទឹក

2022/04/25 01:18:33 pm        109
Facebook Telegram Linkin
កំពង់ឆ្នាំង៖ យោងតាមបទបញ្ជារបស់ឯកឧត្តម ស៊ុន សុវណ្ណារិទ្ធ អភិបាលខេត្តកំពង់ឆ្នាំង រយ:ពេល២ថ្ងៃមកនេះ លោក ស្រ៊ន សំឫទ្ធី ប្រធានក្រុមចម្រុះបម្លាស់ទីផ្ទះបណ្ដែតទឹក ក្នុងខេត្តកំពង់ឆ្នាំង បានដឹកនាំកម្លាំងសមត្ថកិច្ចចុះរុះរើជញ្ជាំង ដំបូល និងបង្គន់ផ្ទះបណ្តែតទឹកបានប្រមាណ៨៥% ។យុទ្ធនាការនេះ នឹងបន្តរុះរើបន្ថែមទាល់តែអស់ រួមនិងហាមឃាត់មិនឱ្យចុះមករស់នៅលើផ្ទះបណ្តែតទឹក ជុះនោមដាក់ចូលទន្លេ នាំឱ្យខូចដល់បរិស្ថានទឹកទន្លេទៀតឡើយ៕

បង្រ្កាបអ្នកជួញដូរវល្លិរមៀតជាង៧តោន នៅស្រុកបូទុមសាគរ

2022/04/22 05:55:35 pm        1627
Facebook Telegram Linkin
កោះកុង៖ អយ្យការអមសាលាដំបូងខេត្តកោះកុង សហការជាមួយមន្រ្តីជំនាញ ចុះបង្រ្កាបទីតាំងកែច្នៃជួញដូរវល្លិរមៀតជាង៧តោននៅឃុំអណ្តូងទឹក ស្រុកបូទុមសាគរ បច្ចុប្បន្នកំពុងកសាងសំណុំរឿងអនុវត្តតាមនីតិវិធី។លោក វ៉ៃ ភីរម្យ ព្រះរាជអាជ្ញារងខេត្តកោះកុង គូសបញ្ជាក់ប្រាប់ទូរទស្សន៍BTvនៅវេលាម៉ោង៤និង១៥នាទីរសៀលថ្ងៃទី២២ ខែមេសា ឆ្នាំ២០២២ថា ប្រតិបត្តិការបង្រ្កាបការកែច្នៃវល្លិ៍រមៀតទម្ងង់ជាង៧តោននេះ ធ្វើឡើងនៅលំនៅដ្ឋានរបស់ជនសង្ស័យមានឈ្មោះ ណាង ពៅ ភេទស្រី អាយុ៤៣ឆ្នាំ រស់នៅភូមិជីមាល ឃុំអណ្តូងទឹក កាលពីថ្ងៃទី២១ ខែមេសា ម្សិលមិញ។លោកព្រះរាជអាជ្ញារងខេត្តកោះកុង បន្ថែមទៀតថា តាមចម្លើយសារភាពរបស់ស្រ្តីជាជនសង្ស័យ ប្រាប់ថា រូបគាត់បានទិញវល្លិ៍រមៀតទាំងនេះពីប្រជាពលរដ្ឋក្នុងមូលដ្ឋានដែលពួកគេទៅកាប់ដឹកជញ្ចូនពីលើភ្នំមកលក់ឱ្យខ្លួនជាអ្នកទទួលទិញ។ ដោយតម្លៃគីឡូក្រាមថ្លៃ២០០រៀល ហើយកាប់ឱ្យល្អិតហាលថ្ងៃឱ្យស្ងួតបានមួយផ្នែកត្រៀមបម្រុងយកទៅលក់បន្តនៅរាជធានីភ្នំពេញ គ្រាមិនទាន់រកអ្នកទិញបន្តមិនទាន់បាននៅឡើយទេ។លោក វ៉ៃ ភីរម្យ ពន្យល់ដែរថា ប្រសិនបើជនសង្ស័យរកឈ្នួញទិញបាន គាត់នឹងផ្ញើតាមរថយន្តទៅលក់ក្នុង១គីឡូក្រាមថ្លៃ៦០០រៀល គ្រាដែរជនសង្ស័យប្រព្រឹត្តជាលើកដំបូង ហើយត្រូវបានសមត្ថកិច្ចបង្រ្កាបបានតែម្តង ដោយទាំងមិនដឹងថាការប្រកបមុខរបរនេះខុសច្បាប់នោះទេ។បច្ចុប្បន្នចំពោះវត្ថុតាងត្រូវបានដកហូត និងដឹកជញ្ចូនយកទៅរក្សាទុកជាបណ្តោះអាសន្ននៅស្នាក់ការល្បាតព្រែកតាអុក ស្ថិតនៅភូមិព្រែកតាអុក ឃុំអណ្តូងទឹក រីឯជនសង្ស័យ បានបញ្ចូនមកអនុវត្តតាមនីតិវិធីនៅសាលាដំបូងខេត្តកោះកុងរួចរាល់ហើយដែរ។គួរជម្រាបថា ការបង្រ្កាបបទល្មើសកែច្នៃវល្លិរមៀតកម្រនឹងបង្រ្កាបបានណាស់។ ដូច្នេះសាធារណជន ក៏មានដាក់ការសង្ស័យដែរថា ផ្ទះស្រ្តីជនសង្ស័យនៅក្បែរទីស្នាក់ការល្បាតបរិស្ថានឃុំអណ្តូងទឹក ហេតុអ្វីទើបតែមានការបង្រ្កាបនៅពេលនេះយ៉ាងដូច្នេះ។ទាក់ទិននឹងបញ្ហានេះ ត្រូវបានលោក វេត សុនីម អនុប្រធានមន្ទីរបរិស្ថានខេត្តកោះកុង ឱ្យដឹងដែរថា មុននឹងឈានដល់ការសុំគោលការណ៍តំណាងអយ្យការអមសាលាដំបូងចុះបង្រ្កាប គឺមន្រ្តីរបស់លោកបានតាមដានជាង១០ថ្ងៃមុន គ្រាឃើញមានម្ចាស់គោយន្តដឹកវល្លិ៍រមៀតស្រស់ចូលមូលដ្ឋានជនសង្ស័យរស់នៅ។ ទោះបីជាដឹងថា តំបន់គ្រប់គ្រងដោយមន្ទីរកសិកម្ម រុក្ខាប្រមាញ់ និងនេសាទខេត្ត ក៏ដោយ តែក្នុងនាមនគរបាលយុត្តិធម៌ ចាំបាច់បង្រ្កាបឱ្យបានទាន់ពេលវេលា ព្រោះតែវល្លិ៍រមៀតជាសារធាតុម៉្យាងទៅផ្សំធ្វើជាគ្រឿងញៀនខុសច្បាប់បាន។មន្រ្តីជំនាញបរិស្ថានខេត្តដដែល អះអាងថា កាលពីឆ្នាំ២០២០កន្លងទៅ ធ្លាប់បង្រ្កាបករណីកែច្នៃវល្លិ៍រមៀតជាង៨តោនផងដែរ និងឃាត់ខ្លួនជនសង្ស័យម្នាក់នៅស្រុកថ្មបាំង រួចបញ្ចូនមកតុលាការអនុវត្តតាមនីតិវិធី៕ ​អត្តបទ​ ៖ ឈឹម មករា

ស្លាប់ម្នាក់ និងខូចខាតត្រាក់ទ័រមួយគ្រឿង ដោយសារភ្ជួរដីកិនលើមីនតោន

2022/04/22 03:31:27 pm        2325
Facebook Telegram Linkin
ឧត្តរមានជ័យ៖ បុរសអ្នកបើកបរត្រាក់ទ័រម្នាក់បានស្លាប់ និងត្រាក់ទ័រមួយគ្រឿងរងការខូចខាត ដោយសារភ្ជួរដីកិនលើមីនតោន នៅថ្ងៃទី២២ ខែមេសា ឆ្នាំ២០២២នេះ លើដីចំការមួយកន្លែង នៅចំណុចភូមិស្វាយចេក ឃុំថ្លាត ស្រុកអន្លង់វែង ខេត្តឧត្តរមានជ័យ ។ជនរងគ្រោះ ឈ្មោះ ឈៀក លី ភេទប្រុស អាយុ ៣០ឆ្នាំ មុខរបរធ្វើស្រែ ។អាជ្ញាធរមីន​បានប្រកាសអំពាវនាវដល់បងប្អូនប្រជាពលរដ្ឋទាំងអស់ សូម​កុំចូលទៅតំបន់ណា​ដែល​មិន​ដឹង​ប្រវត្តិ​ច្បាស់លាស់ និងត្រូវសាកសួរអាជ្ញាធរមូលដ្ឋាន​មុនចូលតំបន់នោះ និង​សូម​កុំ​ប៉ះពាល់​នៅ​ពេលឃើញមីន ​និងគ្រាប់​មិនទាន់ផ្ទុះ ​ ហើយត្រូវរាយការណ៍ជា​បន្ទាន់​ដល់​អាជ្ញាធរ​មាន​សមត្ថកិច្ច និង​ប្រតិបត្តិការ​បោសសម្អាតមីន​ដែល​នៅជិតទីនោះ ​ដើម្បីយក​គ្រាប់​ទាំងនោះ​ទៅកម្ទេចចោល៕

ឆ្មក់បង្ក្រាបទីតាំងលក់សត្វព្រៃមួយកន្លែង ក្រោយសាលាខណ្ឌដង្កោ ដកហូតបានសាច់ជ្រូកព្រៃ និងសាច់ឈ្លូលមួយចំនួន

2022/04/22 03:18:52 pm        4844
Facebook Telegram Linkin
ភ្នំពេញ៖ កម្លាំងអន្តរាគមន៍បង្ក្រាបសត្វព្រៃខណ្ឌរដ្ឋបាលព្រៃឈើភ្នំពេញ សហការជាមួយខណ្ឌរដ្ឋបាលរាជធានីភ្នំពេញ កាលពីព្រឹកថ្ងៃទី២២ ខែមេសា ឆ្នាំ២០២២ បានចុះឆែកឆេរ និងបង្ក្រាបទីតាំងលក់សាច់សត្វព្រៃមួយកន្លែង ស្ថិតនៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។លោក អ៊ុន វណ្ណារិទ្ធ នាយរងខណ្ឌរដ្ឋបាលព្រៃឈើភ្នំពេញ ប្រាប់ឲ្យដឹងថា មុនឈាន​ដល់​ការ​បង្ក្រាបគឺ​កម្លាំងសមត្ថកិច្ចចម្រុះ បានធ្វើការស្រាវជ្រាវរហូតកំណត់ច្បាស់ថា ទីតាំងនេះ​ពិតជា​មាន​លួចលក់សត្វព្រៃខុសច្បាប់ប្រាកដមែន ទើប​កម្លាំង​ចុះ​ត្រួត​ពិនិត្យ​ឆែកឆេរ​រកឃើញ​សាច់ជ្រូក​ព្រៃស្រល់ ចំនួន ៥,៥០គីឡូក្រាម សាច់សត្វឈ្លូស ចំនួន១០គីឡូក្រាម ។ក្រោមពិនិត្យឃើញជាក់ស្តែងសមត្ថកិច្ចបានដកហូតសាច់ព្រៃទាំងនោះ និងបានណែនាំ​ម្ចាស់​ទីតាំង​ រួមទាំងធ្វើការពិន័យទៅតាមផ្លូវច្បាប់​។លោក អ៊ុន វណ្ណារិទ្ធ នាយរងខណ្ឌរដ្ឋបាលព្រៃឈើភ្នំពេញ បញ្ជាក់ឱ្យដឹងថា ​មិន​មាន​ការ​ឃាត់​មនុស្សនោះទេ ​ពីព្រោះសត្វព្រៃប្រភេទនេះ​ មានដោយបង្គួរ ។​ ការបង្ក្រាបនេះ ដោយ​សារម្ចាស់​ទីតាំង Live លក់តាមOnline ៕ អត្ថបទ៖ តារាវុទ្ធី

អាជ្ញាធរខណ្ឌឬស្សីកែវ ចុះបង្ក្រាបទីតាំងហាងកាហ្វេបង្កប់ល្បែងស៊ីសង ជល់មាន់អនឡាញ

2022/04/22 01:39:45 pm        452
Facebook Telegram Linkin
ភ្នំពេញ៖ កម្លាំងគណៈបញ្ជាការឯកភាពខណ្ឌឬស្សីកែវ បានឆ្មក់ចុះបង្ក្រាប ហាងកាហ្វេបង្កប់ល្បែងស៊ីសង ជល់មាន់អនឡាញ និងឃាត់ខ្លួនមនុស្សម្នាក់ដែលជាម្ចាស់ទីតាំង ព្រមទាំងដកហូតវត្ថុតាងមួយចំនួន។ប្រតិបត្តិការនេះ បានធ្វើឡើងនៅវេលាម៉ោង១១និង២០នាទី នាថ្ងៃទី២២ ខែមេសា ឆ្នាំ២០២២ នៅចំណុចល្វែង តាមបណ្ដោយផ្លូវជាតិលេខ៥ ជិតស្តុបផ្សារតូច ភូមិផ្សារតូច សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។តាមប្រភពពីមន្រ្តីជំនាញ បានឲ្យដឹងថា ក្រោយទួលបានព័ត៌មាន និងសេចក្ដីរាយការ ហើយ​មាន​ការ​អនុញ្ញាតពីលោក ឯក ឃុនដឿន អភិបាលនៃគណៈអភិបាលខណ្ឌឬស្សីកែវ បានចាត់​ឲ្យ​មន្ត្រីជំនាញ​នៃ​គណៈបញ្ជាការឯកភាពខណ្ឌ ​បន្ត​ស្រាវជ្រាវ​ស៊ើបអង្កេត​ រហូតឆ្មក់​ចុះបង្ក្រាបជាក់ស្ដែងតែម្ដង ដោយ​ដកហូត​ទូរទស្សន៍ ​សម្ភារៈសម្រាប់ ​ចាក់​បញ្ចាំង​ល្បែងស៊ីសង​អនឡាញនេះ។ក្រោយប្រតិបត្តិការកម្លាំងបានឃាត់ខ្លួនម្ចាស់ទីតាំងម្នាក់​ជាបុរសនាំខ្លួន​ទៅ​នគរបាលប៉ុស្តិ៍ទួល​សង្កែទី១ ដើម្បីសួនាំនិងចាត់ការតាមនីតិវិធី។ ចំណែកអ្នកលេង និងផឹកកាហ្វេជាង ១០នាក់​ត្រូវបាន​អាជ្ញាធរ​ធ្វើការ​អប់រំ​និងឲ្យត្រឡប់​ទៅផ្ទះវិញ៕ អត្ថបទ៖ កុម្ភះ

អគ្គិភ័យ​ឆេះ​ផ្ទះ​ប្រជាពលរដ្ឋ​ អស់​ជា​ច្រើន​ខ្នង​ផ្ទះ​ នៅសង្កាត់​ជ្រោយ​ចង្វារ​ ទាំងព្រឹកព្រលឹម

2022/04/22 10:02:51 am        406
Facebook Telegram Linkin
ភ្នំពេញ​៖​ អគ្គិភ័យបានឆាបឆេះ​យ៉ាង​សន្ធោសន្ធៅ​ បំផ្លាញ​ផ្ទះ​ប្រជាពលរដ្ឋ​អស់​ជា​ច្រើន​ខ្នង​ផ្ទះ​បង្ក​ការ​ភ្ញាក់ផ្អើល​ដល់ប្រជាពលរដ្ឋទាំងព្រឹកព្រលឹម។ ហេតុការណ៍​​នេះ​ដែរ​បាន​កើតឡើង​កាលពី​វេលា​៤និង៤០នាទី​ព្រឹក​ ថ្ងៃ​ទី​២២​ ខែ​មេសា​ ឆ្នាំ​២០២២​ នៅ​ផ្លូវ​មាត់​ទន្លេ​ ខាង​ជើង​គល់​ស្ពាន​ជ្រោយចង្វា​ ភូមិ​ដើម​មៀន​ សង្កាត់​ជ្រោយ​ចង្វារ​ ខណ្ឌ​ជ្រោយ​ចង្វារ​ រាជធានីភ្នំពេញ​ ។ យោងតាមតាមប្រភពព័ត៌មានពីម្ចាស់ផ្ទះ បានប្រាប់អោយដឹងថា​ មុន​កើត​ហេតុ​ ក្នុង​គ្រួសារ​គាត់​មាន​សមាជិក​០៤នាក់​ កំពុង​គេង​លង់​លក់​ ក៏​លឺ​សំឡេង​ផ្ទុះ​ ទើប​ភ្ញាក់​មកឃើញភ្លើង​ឆេះ​ដល់​ពូក​ក្នុង​បន្ទប់​គេង​ក្បែរខ្លួន​បាត់ទៅហើយ។ ភ្លាមៗ​ពួក​គាត់​បាន​ដាស់​សមាជិក​គ្រួសារនាំគ្នា​រត់​ចេញ​ពី​ផ្ទះ​ និង​ស្រែក​ឆោឡោ​ផ្អើល​ប្រជាពលរដ្ឋ​ក្បែរ​ខាង​អោយ​ភ្ញាក់​ពី​ដំណេក​។ ប្រភព​ដដែល​បន្តទៀត​ថា​ ដោយ​សារ​តែ​ភ្លើង​ឆេះ​ក្នុង​ផ្ទះ​ខ្លាំង​រហូត​ទប់​ទល់​លែង​ឈ្នះ​ ទើប​​បណ្តាល​ឲ្យ​ឆ្លង​រាលដាល​ដល់​ផ្ទះ​ប្រជាពលរដ្ឋ​ជិត​ខាង​លឿន មាន​អ្នក​ខ្លះ​រត់​ចេញ​ពី​ផ្ទះ​សឹងតែ​មិនទាន់​ និង​បាន​រាយការណ៍​ប្រាប់​សមត្ថកិច្ច​មូលដ្ឋាន​សុំ​រថយន្ត​ពន្លត់​អគ្គិភ័យ​ចេញ​អន្តរាគមន៍​ភ្លាមៗ​ផងដែរ​។ ក្នុង​ករណី​ហេតុការណ៍​នេះ​ដែ​រ​ អគ្គិភ័យបានឆាបឆេះ​ផ្ទះ​ប្រជាពលរដ្ឋ​អស់​ចំនួន​០៤ខ្នង​ផ្ទះ​ទាំង​ស្រុង​ និង​ឆ្លង​រាលដាល​ខូចខាត​ផ្ទះ​ប្រជាពលរដ្ឋអស់​០១ខ្នង​ផ្ទះ​ ។ ភាគ​ច្រើន​ជាប្រភេទ​ផ្ទះ​ឈើ​ ប្រកស័ង្កសី​ និងប្រើ​ប្រាស់​រថយន្ត​ពន្លត់​អគ្គិភ័យ​អស់​ចំនួន​០៨គ្រឿង​ ទើបអាចអាចគ្រប់គ្រងស្ថានការណ៍បាន។ ចំពោះ​ហេតុការណ៍​គ្រោះ​អគ្គិភ័យ​នេះ​ផងដែរ​ សមត្ថកិច្ច​មិន​ទាន់​ អាច​បញ្ជាក់​បាន​ថា​បង្ក​ឡើង​ដោយ​មូលហេតុ​អ្វីអោយ​ពិត​ប្រាកដ​នៅ​ឡើយ​ទេ​៕ អត្ថបទ៖ កុម្ភះ  

នគរបាល២នាក់ត្រូវក្រុមជួញដូរគ្រឿងញៀនបាញ់ស្លាប់ក្នុងប្រតិបត្តិការបង្រ្កាបនៅស្រុកអង្គស្នួល

2022/04/21 11:00:56 am        406
Facebook Telegram Linkin
កណ្ដាល ៖ នគរបាលចំនួន២នាក់បានបាត់បង់ជីវិតក្នុងប្រតិបត្តិការបង្ក្រាបក្រុមជួញដូរគ្រឿងញៀនក្នុងស្រុកអង្គស្នួល ដោយត្រូវក្រុមជួញដូរគ្រឿងញៀនបាញ់ពេលសម្រុកចូលទៅចាប់ខ្លួនពួកគេ។លោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាលបានប្រាប់ទូរទស្សន៍ BTV news នៅល្ងាចថ្ងៃទី២១ ខែមេសា ឆ្នាំ២០២២ថា ប្រតិបត្តិការបង្ក្រាបក្រុមជួញដូរគ្រឿងញៀននៅស្រុកអង្គស្នួល គឺបានបាត់បង់ជីវិតមន្ដ្រីនគរបាលចំនួន២រូប ហើយជនដៃដល់ម្នាក់ត្រូវបានចាប់ខ្លួន និងបក្ខពួកគេម្នាក់ទៀតក៏ត្រូវបានចាប់ខ្លួនផងដែរ។លោកឧត្ដមសេនីយ៍ទោ ឈឿន សុចិត្ត បានបន្ថែមថា ជនដៃដល់មិនស្លាប់ទេ គ្រាន់តែរបួសធ្ងន់ ឯបក្ខពួកគេម្នាក់ទៀតដែលចាប់ខ្លួនបានមិនមានរបួសអ្វីធ្ងន់ធ្ងរទេ ខណៈនេះកម្លាំងជំនាញកំពុងឆែកឆេរនៅតំបន់ប្រតិបត្តិការ។សូមជម្រាបជូនថា កាលពីវេលាម៉ោងជិត ១២ថ្ងៃត្រង់ ថ្ងៃទី២១ ខែមេសា ឆ្នាំ២០២២ កម្លាំងនគរបាលប៉ុស្តិ៍ទួលព្រេជ និងកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកអង្គស្នួល ខេត្តកណ្តាល បានបើកប្រតិបត្តិការបង្ក្រាបករណីជួញដូរគ្រឿងញៀននៅផ្ទះទៀមមួយកន្លែង ក្នុងភូមិចន្ទ្រាថ្មី ឃុំទួលព្រេជ ស្រុកអង្គស្នួល ក្រោយពីបានស្រាវជ្រាវ និងទទួលបានព័ត៌មាន ប៉ុន្តែនៅពេលកម្លាំងសមត្ថកិច្ចធ្វើការឡោមព័ទ្ធទីតាំងដែលក្រុមជនសង្ស័យកំពុងលាក់ខ្លួននោះ មានជនដៃដល់ម្នាក់បានបើកការបាញ់ប្រហារមកលើកម្លាំងសមត្ថកិច្ច បណ្ដាលឲ្យកម្លាំងសមត្ថកិច្ច២រូបបានត្រូវគ្រាប់កាំភ្លើង និងស្លាប់ក្នុងរង្វង់ប្រតិបត្តិការ។ ភ្លាមៗសមត្ថកិច្ចក៏បានព្យាយាមបង្ក្រាបក្រុមជនសង្ស័យដោយប្រើសិទ្ធស្វ័យការពារ ទើបចាប់ខ្លួនបានជនដៃដល់ជាខ្មាន់កាំភ្លើងបានម្នាក់ និងបក្ខពួកគេម្នាក់។មន្ត្រីនគរបាលដែលបាត់បង់ជីវិតក្នុងប្រតិបត្តិការនេះមាន លោក ជុច សុភា ជានាយនគរបាលប៉ុស្តិ៍ទួលព្រិច និងលោក រីម សុផាន់ណា ជានាយរងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកអង្គស្នួល ។ ដោយឡែកក្រុមជនសង្ស័យដែលចាប់ខ្លួនបានមានឈ្មោះ ធីម ឌឿន អាយុ២៣ឆ្នាំ ជាមុខសញ្ញាចាស់ដែលសកម្មជួញដូរគ្រឿងញៀន និងម្នាក់ទៀតឈ្មោះ ថេង ធឿន អាយុ១៦ ឆ្នាំ ក្នុងរង្វង់ប្រតិបត្តិការនេះដែរសមត្ថកិច្ចបានដកហូតកាំភ្លើងខ្លីមួយដើម និងវត្ថុតាងមួយចំនួនទៀត៕ អត្ថបទ ៖ ប្រាក់ វ៉ាន់ដា

ថ្ងៃនេះគ្រោះថ្នាក់ចរាចរណ៍ទូទាំងប្រទេសកើតឡើង៥លើក,ស្លាប់ ៣នាក់,របួស ៧នាក់

2022/04/20 05:17:38 pm        711
Facebook Telegram Linkin
ភ្នំពេញ៖ គិតត្រឹមម៉ោង ៤រសៀល ថ្ងៃទី២០ ខែ មេសា នេះ គ្រោះថ្នាក់ថ្នាក់ចរាចរណ៍ទូទាំងប្រទេស កើតឡើងចំនួន ៥លើក បណ្តាលឲ្យមនុស្សស្លាប់ចំនួន ៣នាក់ និងរងរបួស ៧នាក់ ក្នុងនោះរងរបួសធ្ងន់ ២នាក់ និងស្រាល ៥នាក់។គ្រោះថ្នាក់ចរាចរណ៍ កើតនៅលើរាជធានី-ខេត្ត ចំនួន ៤ មានដូចជាៈ ខេត្តកណ្តាល របួស ២នាក់ , ភ្នំពេញ ស្លាប់ ១នាក់,សៀមរាប ស្លាប់ ១នាក់ និងរបួស ២នាក់ និងខេត្ត ព្រះសីហនុ ស្លាប់ ១នាក់ និងរបួស ៣នាក់៕

នៅថ្ងៃនេះ គ្រោះថ្នាក់ចរាចរណ៍ទូទាំងប្រទេសកើតឡើង៥លើក បណ្តាលឲ្យស្លាប់២នាក់,របួស ៩នាក់

2022/04/19 01:08:34 pm        269
Facebook Telegram Linkin
ភ្នំពេញ៖ គ្រោះថ្នាក់ចរាចរណ៍ទូទាំងប្រទេសនៅថ្ងៃទី១៩ ខែមេសា ឆ្នាំ២០២២ កើតឡើងចំនួន ៥លើក បណ្តាលឲ្យមនុស្សចំនួន ២នាក់ស្លាប់ និងរបួសចំនួន ៩នាក់ ក្នុងនោះរងរបួសធ្ងន់ចំនួន ៤នាក់ និងរបួសស្រាលចំនួន ៥នាក់។ គ្រោះថ្នាក់ចរាចរណ៍កើតនៅរាជធានី ខេត្តចំនួន៤ មានដូចជា៖ ខេត្តក្រចេះ ស្លាប់១នាក់ និងរបួស ៤នាក់ , ភ្នំពេញ ស្លាប់ ១នាក់ និងរបួស ២នាក់ , សៀមរាប របួស ១នាក់ និងខេត្តស្វាយរៀង របួស២នាក់៕

បណ្ដាញសង្គម

ព័ត៌មានថ្មីៗ

សមាជិកសភា៖ អាល្លឺម៉ង់កំពុងបញ្ឆេះសង្គ្រាមលោកលើកតាមរយៈផ្តល់ជំនួយយោធាដល់អ៊ុយក្រែន
07/15/2026 06:07 PM
Facebook Telegram Linkin
ប្រធានាធិបតីស្តីទីវ៉េណេស៊ុយអេឡាថ្លែងអំណរគុណដល់ប្រទេសរុស្ស៊ីចំពោះជំនួយមនុស្សធម៌
07/15/2026 06:07 PM
Facebook Telegram Linkin
អ៊ីស្រាអែលនិងលីបង់ ចាប់ផ្តើមកិច្ចចរចាជុំថ្មីនៅទីក្រុងរ៉ូម ក្នុងបំណងពន្លឿនការអនុវត្តបទឈប់បាញ់
07/15/2026 06:07 PM
Facebook Telegram Linkin
អាមេរិក ចោទប្រទេសចិនថាមិនបានធ្វើអ្វីគ្រប់គ្រាន់ដើម្បីបញ្ឈប់លំហូរទំនិញទៅអ៊ីរ៉ង់ និងក្រុមហ៊ូទី
07/15/2026 06:07 PM
Facebook Telegram Linkin
អ៊ុយក្រែន ធ្វើបេសកកម្មវាយប្រហារដោយRobot លើដីគោកបញ្ជាដោយដ្រូនសមុទ្រលើកដំបូងរបស់ពិភពលោក
07/15/2026 05:07 PM
Facebook Telegram Linkin
ប្រជាជនគុយបា ខកចិត្តយ៉ាងខ្លាំងខណៈបណ្តាញអគ្គិសនីជាតិ ដួលរលំជាលើកទីបីនៅក្នុងខែកក្កដានេះ
07/15/2026 05:07 PM
Facebook Telegram Linkin
កងឆ្មំាIRGC៖ សកម្មភាពបង្កហេតុរបស់អាមេរិក នឹងពន្យារពេលការបើកច្រកសមុទ្រ Hormuz ឡើងវិញ
07/15/2026 05:07 PM
Facebook Telegram Linkin
ការវាយប្រហាររបស់រុស្ស៊ីលើតំបន់ Odesa សម្លាប់មនុស្ស ៣នាក់ ខណៈអ៊ុយក្រែនកំណត់គោលដៅលើនាវាក្នុងសមុទ្រខ្មៅ
07/15/2026 05:07 PM
Facebook Telegram Linkin
បាតុកម្មបានធ្វើឡើងនៅទូទាំងសហរដ្ឋអាមេរិក ដើម្បីបង្ហាញការគាំទ្រដល់ការធ្វើអន្តោប្រវេសន៍
07/15/2026 05:07 PM
Facebook Telegram Linkin
រលកកម្ដៅ​ហួត​ហែង​បំផុត​ កំពុង​មាន​ចាប់ពី​ភាគខាងលិច ទៅភាគខាងកើតអាមេរិក និងកាណាដា
07/15/2026 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.