BTV NEWS

ពាក់ព័ន្ធករណី Online Scams៖ ជនជាតិចិនចំនួន ១៦២នាក់ត្រូវបានបណ្ដេញចេញពីកម្ពុជា

អគ្គនាយកដ្ឋានពន្ធនាគារ កំពុងសិក្សារៀបចំទីតាំងឃុំឃាំងថ្មីបន្ថែម ខណៈចំនួនជនជាប់ឃុំមានការកើនឡើងខ្លាំង

សមត្ថកិច្ចខេត្តព្រះសីហនុរកឃើញអ្នកបើកបររថយន្តធុនធ្ងន់មួយចំនួនមានសារធាតុគ្រឿងញៀននៅក្នុងខ្លួន

ឆេះខុនដូ Wealth Mansion តែសមត្ថកិច្ចជួយពន្លត់ទាន់ពេលដោយមិនរាលដាលទ្រង់ទ្រាយធំ

សន្តិសុខ និង សង្គម

សមត្ថកិច្ចកោះហៅ ម្ចាស់ហ្វេសបុកឈ្មោះឱសថស្ថានបុរាណភ្នំទ្រទ្រង់ មកធ្វើកិច្ចសន្យាទទួលកំហុសរបស់ខ្លួន

ភ្នំពេញ ៖ នៅរសៀលថ្ងៃទី១១ ខែឧសភា ឆ្នាំ២០២១នេះ ម្ចាស់ហ្វេសបុកឈ្មោះ«ឱសថស្ថានបុរាណភ្នំទ្រទ្រង់» ត្រូវបានសមត្ថកិច្ចហៅមកវាស់កម្ពស់ និងធ្វើកិច្ចសន្យាទទួលកំហុសរបស់ខ្លួន ។យោងតាមប្រភពពីស្នងការដ្ឋាននគរបាលរាជធានីភ្នំពេញ បានឲ្យដឹងទៀតថា បុរសម្នាក់ដែលបានប្រើប្រាស់គណនី ហ្វេសបុកឈ្មោះ «ឱសថស្ថានបុរាណ ភ្នំទ្រទ្រង់» ត្រូវបានសមត្ថកិច្ច នៃអធិការដ្ឋាននគរបាលខណ្ឌមានជ័យ កោះហៅឲ្យចូលខ្លួន មកបំភ្លឺ ធ្វើកិច្ចសន្យា ទទួលកំហុស និងបានថតជា វីដេអូសុំទោសជាសាធារណៈ នូវកំហុសរបស់ខ្លួន ដែលបានចោទប្រកាន់ខុសពីការពិតមកលើលោកអធិការនគរបាលខណ្ឌមានជ័យ ។ ប្រភពដដែល បានបន្ដទៀតថា ខណៈនេះសមត្ថកិច្ចជំនាញកំពុងតែស្រាវជ្រាវរកម្ចាស់លេខទូរស័ព្ទម្នាក់ទៀត ដែលបន្លំខ្លួនជាអធិការខណ្ឌមានជ័យ ដើម្បីចូលខ្លួនមកបកស្រាយបំភ្លឺលើករណីបន្លំខ្លួនជាអធិការនេះផងដែរ ៕

អ្នកដំណើរ៧នាក់សង្ស័យ និងម្នាក់ទៀត រកឃើញវិជ្ជមានកូវីដ១៩ នៅស្រុកស្រែអំបិល

កោះកុង ៖ ក្រុមការងារចំពោះកិច្ចទប់ស្កាត់កូវីដ១៩ នៅប៉ុស្តិ៍ត្រួតពិនិត្យសុខភាព បានរកឃើញបុរសម្នាក់ វិជ្ជមានកូវីដ១៩ និងមនុស្ស៧នាក់ផ្សេងទៀត សង្ស័យដោយតម្រូវឱ្យធ្វើចត្តាឡីស័ក នៅមណ្ឌលដែលរៀបចំទុកដោយរដ្ឋបាលស្រុកស្រែអំបិល។បុរសវ័យកណ្តាលម្នាក់ ត្រូវបានធ្វើតេស្តរហ័សហើយរកឃើញកើតជំងឺកូវីដ១៩ភ្លាមៗ ក្រោយពិនិត្យរយៈពេល១៥នាទី ចំណែកអ្នកពាក់ព័ន្ធលើរថយន្តក្រុងចំនួន៧នាក់ ផ្សេងទៀត ក្នុងនោះស្ត្រី២នាក់ឋិតនៅក្នុងការសង្ស័យតម្រូវឱ្យធ្វើចត្តាឡីស័ក១៤ថ្ងៃ។លោក ហូ សុខហួន ប្រធានមន្ទីរពេទ្យបង្អែកស្រុកស្រែអំបិល ឱ្យដឹងនៅរសៀលថ្ងៃទី១១ ខែឧសភានេះថា ពិតជារកឃើញបុរសម្នាក់ដែលបានកើតជំងឺកូវីដ១៩ប៉ុស្តិ៍ពិនិត្យសុខភាព តាមបណ្តោយផ្លូវជាតិលេខ៤៨ ភូមិអូរជ្រៅ ឃុំបឹងព្រាវ ប្រាកដមែន ដោយបុរសរូបនេះ បានធ្វើដំណើរមកពីភូមិសំបូរ ឃុំសំបូរ ស្រុកបាធាយ ខេត្តកំពង់ចាម តាមរយៈរថយន្តក្រុងក្រុមហ៊ុនអូឡុងពេជ្រ ចូលមកកាន់ទឹកដីខេត្តកោះកុង កាលពីថ្ងៃទី១០ ឧសភា ម្សិលមិញ។លោកប្រធានមន្ទីរពេទ្យបង្អែកស្រុកស្រែអំបិល បន្ថែមទៀតថា បច្ចុប្បន្នបុរសឈ្មោះ ហៀក ហេង វ័យ៤២ឆ្នាំបញ្ជូន មកបន្ទប់ពិនិត្យព្យាបាលរួចរាល់ហើយ។ ដោយឡែកអ្នករួមដំណើរចំនួន៧នាក់ បូកនឹងអ្នកបើកឡាន ធ្វើតេស្តអវិជ្ជមាន ប៉ុន្តែតម្រូវឱ្យធ្វើចត្តាឡីស័ក នៅអតីតអគារការិយាល័យបរិស្ថានស្រុក។គួរកត់សម្គាល់ថា ប៉ុន្មានថ្ងៃនេះ មានមនុស្ស៣នាក់ហើយដែលរកឃើញកើតជំងឺកូវីដ ក្រោយធ្វើតេស្តរហ័សនៅប៉ុស្តិ៍ពិនិត្យសុខភាពផ្លូវជាតិលេខ៤៨ ឃុំបឹងព្រាវ ហើយពួកគេសុទ្ធតែទទួលបានការព្យាបាលយ៉ាងដិតដល់ក្រុមគ្រូពេទ្យ។ឯកឧត្តម វេជ្ជបណ្ឌិត ទៅ ម៉ឹង ទីប្រឹក្សាក្រសួង និងជាមន្ទីរសុខាភិបាលខេត្តកោះកុង ថ្លែងថា គោលដៅអ្នកដំណើរខាងលើមកកោះកុង ដើម្បីរកការងារធ្វើ និងមកលេងបងប្អូន។ ឯកឧត្តម នៅតែចាត់ទុកថារក្សាប៉ុស្តិ៍ត្រួតពិនិត្យសុខភាពអ្នកដំណើរតាមដងផ្លូវជាតិដើរតួនាទីយ៉ាងសំខាន់មិនអាចខ្វះបានលើវិធានការទប់ស្កាត់ជំងឺកូវីដឆ្លងរាលដាលក្នុងសហគមន៍។លោក ជា ច័ន្ទកញ្ញា អភិបាលស្រុកស្រែអំបិល ពន្យល់ថា តាមការសម្រេចរបស់សម្តេចតេជោ អនុញ្ញាតឱ្យធ្វើដំណើរឆ្លងខេត្ត និងបើកដំណើរការតំបន់ទេសចរណ៍កម្សាន្តឡើងវិញ ការដាក់ប៉ុស្តិ៍ពិនិត្យសុខភាពចំពោះអ្នកដំណើរដែលបានឆ្លងកាត់ភូមិសាស្ត្រស្រុក គឺមិនហាមឃាត់ការធ្វើដំណើររបស់បងប្អូនពលរដ្ឋទេ តែចាំបាច់អនុវត្តវិធានការសុខាភិបាលដោយវាស់កម្ដៅ លាងដៃនឹងអាល់ ពាក់ម៉ាស់ឱ្យត្រឹមត្រូវ ព្រមទាំងសួរនាំពីប្រវត្ថិ និងគោលដៅធ្វើដំណើរចូលមកខេត្តកោះកុង។បច្ចុប្បន្ន ខេត្តកោះកុង មានតែអ្នកជំងឺកូវីដ៧នាក់ ជាជនជាតិចិន កំពុងសម្រាកព្យាបាលជំងឺនៅក្នុងមន្ទីរពេទ្យស្រុកស្រែអំបិល ក៏តែមិនយូរនោះទេ ពួកគេនឹងជាសះស្បើយពីជំងឺហើយ ក្រោមការយកចិត្តទុកដាក់ពិនិត្យតាមដានព្យាបាល និងយកសំណាកទៅតេស្តជាបន្តបន្ទាប់គ្នា៕អត្ថបទ ៖ ឈឹម មករា

តុលាការខេត្តសៀមរាប ឃុំខ្លួនមនុស្សពីរនាក់ ពីបទនាំចេញពលករខុសច្បាប់

ភ្នំពេញ ៖ ចៅក្រមស៊ើបសួរ នៃសាលាដំបូងខេត្តសៀមរាប កាលពីម្សិលមិញ បានសម្រេចឃុំខ្លួនមនុស្សពីរនាក់ ដែលជាមេខ្យល់នាំពលករខ្មែរទៅធ្វើការនៅប្រទេសថៃ ដោយខុសច្បាប់។លោកស្រី យូ សុភា អភិបាលរងខេត្ត និងជាប្រធានលេខាធិការដ្ឋានប្រយុទ្ធប្រឆាំងការជួញដូរ មនុស្ស ខេត្តសៀមរាប បានឱ្យដឹងថា មនុស្សពីរនាក់ប្ដីប្រពន្ធ ដែលមានឈ្មោះ ឈឹង លី ភេទប្រុស អាយុ ៣៧ឆ្នាំ ជាប្ដី និងឈ្មោះ អាំ ទ្រោម ភេទស្រី អាយុ៣៦ឆ្នាំ ជាប្រពន្ធ មានទីលំនៅភូមិរវៀងថ្មី ឃុំស្រែខ្វាវ ស្រុកអង្គរជុំ ខេត្តសៀមរាប ត្រូវបានរកឃើញថា ជាមេខ្យល់នាំពលករខ្មែរទៅធ្វើការនៅប្រទេសថៃដោយ ខុសច្បាប់ កាលថ្ងៃទី២៦ ខែមេសា ឆ្នាំ២០២១នេះ នៅចំណុចម្ដុំច្រកចម្ការចេក ក្នុងខេត្តបន្ទាយមានជ័យ។លោកស្រី បានបន្តថា មេខ្យល់នេះ បានដឹកនាំពលករមួយចំនួន មានបំណងលួចឆ្លងដែនចូលក្នុង ទឹកដីថៃ ដើម្បីរកការងារធ្វើ ដូចជាការងាររើសពងមាន់ ដែលបានរកចំណូលបានមួយថ្ងៃ៣០០បាត។លោកស្រី អភិបាលរងខេត្ត បានបញ្ជាក់ថា ចម្លើយពីក្រុមពលករ និងចម្លើយរបស់ជនសង្ស័យ ទាំង ពីរនាក់ប្ដីប្រពន្ធនោះ សមត្ថកិច្ចបានពិនិត្យឃើញមានពិរុទ្ធភាពគ្រប់គ្រាន់ ក្នុងបទល្មើសការនាំយកចេញ ដោយមិនស្របច្បាប់ ដោយមានគោលដៅ ហើយសមត្ថកិច្ចជំនាញនគរបាលខេត្តសៀមរាប បានរៀបចំ កសាងសំណុំរឿងបញ្ជូនទៅតុលាការខេត្ត កាលពីថ្ងៃទី០៤ ខែឧសភា ឆ្នាំ២០២១ ដើម្បីចាត់ការតាមនីតិវិធី នៃច្បាប់។ ប៉ុន្តែដោយសារអ្នកទាំងពីរនាក់នេះ កំពុងធ្វើចត្តាឡីស័ក ដូច្នេះត្រូវរង់ចាំការធ្វើចត្តាឡីស័កចប់ នាថ្ងៃទី១០ ខែឧសភា ឆ្នាំ២០២១ ទើបធ្វើកំណត់ហេតុឃាត់ខ្លួនបញ្ជូនទៅតុលាការចាត់ការតាមច្បាប់។លោកស្រី យូ សុភាព បានឱ្យដឹងថា ក្រោមកិច្ចសហការល្អ រវាងអាជ្ញាធរខេត្តសៀមរាប និងអាជ្ញាធរ ខេត្ត ដែលមានព្រំប្រទល់ជាប់ជាមួយប្រទេសថៃ ទើបសមត្ថកិច្ចអាចទប់ស្កាត់ និងបង្ក្រាបទាន់ពេលវេលា នូវការឆ្លងដែនដោយខុសច្បាប់នេះ។ ករណីនេះ សមត្ថកិច្ចសម្រេចបានជាច្រើនករណី ហើយនឹងបាន បញ្ជូនជនជាប់សង្ស័យជាមេខ្យល់ទៅតុលាការ ដើម្បីចាត់ការតាមនីតិវិធីនៃច្បាប់។ឋិតក្នុងដំណាក់កាល ដែលប្រទេសជាប់ព្រំដែនមានការបិទខ្ទប់ ដោយសារការឆ្លងរាលដាលនៃជំងឺ កូវីដ-១៩នេះ លោកស្រីអភិបាលរងខេត្តសៀមរាប បានស្នើឱ្យអាជ្ញាធរមានសមត្ថកិច្ច បង្កើនការគ្រប់គ្រង ការស្រាវជ្រាវ និងការបង្ក្រាបបទល្មើស នៃការនាំចេញ នាំចូលប្រជាពលរដ្ឋដោយខុសច្បាប់ តាមរយៈមេ ខ្យល់ រួមទាំងការស្រាវជ្រាវរកមេខ្យល់ឲ្យឃើញ ដើម្បីនាំខ្លួនយកមកផ្ដន្ទាទោសតាមនីតិវិធីនៃច្បាប់៕អត្ថបទ៖ ឈិត សាវី

សមត្ថកិច្ចខេត្តបាត់ដំបង ឃាត់ខ្លួនមេខ្យល់៣នាក់ ប្រុងនាំពលករ១៤នាក់ លួចឆ្លងដែនទៅថៃ

បាត់ដំបង ៖ កម្លាំងនគបាលការពារព្រំដែនគោកលេខ៨១៩ បានចុះបង្ក្រាបបទល្មើសប្រុងលួចនាំពលករចំនួន ១៤នាក់ ឆ្លងដែនខុសច្បាប់ ទៅប្រទេសថៃ ចំនួន២ករណី នៅចំណុចភូមិសាស្ត្រស្រុកកំរៀង ខេត្តបាត់ដំបង បានឃាត់ខ្លួនមេខ្យល់ចំនួន ៣នាក់ ។លោកវរសេនីយ៍ឯក ឯក ម៉ង់ ស៊ី មេបញ្ជាការវរសេនាតូចនគរបាលការពារព្រំដែនគោកលេខ៨១៩ បានឲ្យដឹងថា ប្រតិបត្តិការ លួចនាំពលករឆ្លងដែនខុសច្បាប់នេះ ធ្វើឡើងនៅវេលាម៉ោងជាង១០ យប់ថ្ងៃទី១០ ខែឧសភា ឆ្នាំ២០២១ ។ លោកស្រី រស់ ជីវី ស្នងការរងនគបាលខេត្តបាត់ដំបង ទទួលបន្ទុកការងារជួញដូរមនុស្ស បានឲ្យដឹងថា ក្រោយទប់ស្កាត់បាន កម្លាំងការពារព្រំដែន បានបញ្ជូនមកកាន់ស្នងការនគបាលខេត្ត ដើម្បីរៀបចំសំណុំរឿងបញ្ជូនទៅកាន់តុលាការ ចាត់ការតាមច្បាប់ ៕អត្ថបទ ៖ សុខរិទ្ធ

មនុស្ស៥នាក់ទៀតស្លាប់ដោយសារកូវីដ-១៩ ខណៈកម្ពុជារកឃើញអ្នកឆ្លងថ្មីចំនួន ៤៨០នាក់ទៀត

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៥នាក់ទៀត បានស្លាប់ដោយសារជំងឺកូវីដ-១៩ ខណៈដែលកម្ពុជាបានរកឃើញមនុស្សដល់ទៅ ៤៨០នាក់ទៀតឆ្លងមេរោគកូវីដ-១៩។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា មនុស្ស ៤៨០នាក់ទៀត ត្រូវបានរកឃើញឆ្លងមេរោគកូវីដ-១៩ ដែលនាំឱ្យតួលេខអ្នកឆ្លងសរុបកើនឡើងលើស ២០ ២២៣នាក់ហើយនៅត្រឹមថ្ងៃនេះ។បើតាមក្រសួងសុខាភិបាល ករណីឆ្លងថ្មីនៅថ្ងៃនេះដល់ទៅ ៤៧០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយ ១០ករណីទៀត គឺជាករណីនាំចូលពីក្រៅប្រទេស។ក្រសួងសុខាភិបាលបានឱ្យដឹងផងដែរថា មនុស្ស ៥នាក់ទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់ដោយសារជំងឺផ្លូវដង្ហើមមួយនេះ កើនដល់ ១៣១នាក់ហើយនៅក្នុងរយៈពេល ៦០ថ្ងៃចុងក្រោយនេះ។ក្រសួងសុខាភិបាលក៏បានឱ្យដឹងបន្ថែមផងដែរថា អ្នកជំងឺកូវីដ-១៩សរុបចំនួន ៨ ១៧០នាក់ ត្រូវបានព្យាបាលជាសះស្បើយហើយ ក្នុងនោះមានទាំងអ្នកជាសះស្បើយថ្មី ៣៥០នាក់ ដែលក្រសួងប្រកាសនៅថ្ងៃនេះផងដែរ៕

រយៈពេល ០៩ថ្ងៃ កងទ័ពចាក់វ៉ាក់សាំងជូនពលរដ្ឋនៅតំបន់ក្រហមបានជិត ៤០ម៉ឺននាក់

ភ្នំពេញ៖ ក្នុងរយៈពេល ៩ថ្ងៃនៃដំណើរការចាក់វ៉ាក់សាំងជូនប្រជាពលរដ្ឋនៅតំបន់ក្រហម ដែលជាតំបន់ប្រឈមនឹងការរីករាលដាលជំងឺកូវីដ១៩ ក្នុងរាជធានីភ្នំពេញ ក្រុមគ្រូពេទ្យយោធាបានចាក់ជូនប្រជាពលរដ្ឋជិត៤០ម៉ឺននាក់។ នេះបើតាមរបាយការណ៍របស់ក្រសួងការពារជាតិ។យោងតាមរបាយការណ៍របស់អនុគណៈកម្មការចំពោះកិច្ចចាក់វ៉ាក់សាំងបង្ការកូវីដ១៩នៃក្រសួងការពារជាតិ គិតត្រឹមថ្ងៃទី០៩ ខែឧសភា មានប្រជាពលរដ្ឋដែលរស់នៅតំបន់ក្រហមហើយបានចាក់វ៉ាក់សាំងចំនួន ៣៩៩,៦១៧នាក់។ ក្នុងនោះ ខណ្ឌមានជ័យ ចាក់បាន ៨៥,១១៧នាក់ ខណ្ឌដង្កោ ចាក់បាន ១០០,៩០៥នាក់ ខណ្ឌកំបូល ចាក់បាន ៧០,៨២៨នាក់ ខណ្ឌពោធិ៍សែនជ័យ ចាក់បាន ១៣២,៦៨០នាក់ ខណ្ឌឫស្សីកែវ ចាក់បាន ៨,៩១៩នាក់ និងខណ្ឌទួលគោក ចាក់បាន ១,១៦៨។លោកឧត្តមសេនីយ៍ទោ សែម រតនា ប្រធានក្រុមការងារចាក់វ៉ាក់សាំងនៅសង្កាត់បឹងសាឡាង ក្នុងខណ្ឌទួលគោក ជាទីតាំងមួយក្នុងចំណោមទីតាំងទាំង៦ដែលចាក់ដោយក្រុមគ្រូពេទ្យយោធា បានប្រាប់BTVថា ចំពោះបានអនុវត្តទៅដោយប្រក្រតី ក្រោមការសហការយ៉ាងល្អប្រសើរពីក្រុមការងារ អាជ្ញាធរមូលដ្ឋាន និងប្រជាពលរដ្ឋ ទើបធ្វើឱ្យទីតាំងនៃសង្កាត់បឹងសាឡាងអាចចាក់ជូនប្រជាពលរដ្ឋចំនួនជាង១ពាន់នាក់ក្នុងមួយថ្ងៃ។បន្ថែមពីលើនេះ លោកឧត្តមសេនីយ៍ទោ សែម រតនា បានអំណរគុណដល់ក្រុមការងារ អាជ្ញាធរមូលដ្ឋាន ដែលបានយកចិត្តទុកដាក់ចំពោះការផ្តល់វ៉ាក់សាំងជូនប្រជាពលរដ្ឋ ដើម្បីចូលរួមកាត់បន្ថយការឆ្លងបន្ថែមទៀតនូវជំងឺកូវីដ១៩ និងជាការការពារសុវត្ថិភាពបន្ថែមជូនបងប្អូនប្រជាពលរដ្ឋ។ លោកឧត្តមសេនីយ៍ទោ ក៏អំពាវនាវឱ្យអាជ្ញាធរមូលដ្ឋានចូលរួមសហការគ្នាឱ្យបានល្អបន្ថែមទៀត ដើម្បីធ្វើឱ្យការងារចាក់វ៉ាក់សាំងនេះ បានកាន់តែលឿន និងមានភាពល្អប្រសើរថែមទៀត ជាពិសេសប្រជាពលរដ្ឋដែលត្រូវទៅចាក់វ៉ាក់សាំង តម្រូវឱ្យបំពេញកម្រងព័ត៌មានអត្តសញ្ញាណនៅតាមលំនៅឋានជាមុន ហើយពេលទៅចាក់ត្រូវយកភ្ជាប់ទៅជាមួយឯកសារបញ្ជាក់អត្តសញ្ញាណ ដូចជាអត្តសញ្ញាណប័ណ្ណជាដើម ដើម្បីឱ្យកិច្ចការនេះប្រព្រឹត្តទៅដោយរហ័ស និងមានប្រសិទ្ធភាពខ្ពស់៕ អត្ថបទ៖ សេក ឧត្តម

ក្រសួងសាធារណការ និងដឹកជញ្ជូន សូមបដិសេធទាំងស្រុងចំពោះការចុះផ្សាយនៅលើគេហទំព័រមួយចំនួនអំពីការទទួលរៀបចំធ្វើបណ្ណបើកបរគ្រប់ប្រភេទស្របច្បាប់ និងមានគល់បញ្ជីក្រសួង

ភ្នំពេញ ៖ ក្រសួងសាធារណការ និងដឹកជញ្ជូន សូមបដិសេធទាំងស្រុងចំពោះការចុះផ្សាយនៅលើគេហទំព័រទាំង ឡាយដែលមានខ្លឹមសារថា៖ អនុសាខាក្រសួងសម្រួលការងារតាមអនឡាញ ទទួលរៀបចំធ្វើបណ្ណបើក បរគ្រប់ប្រភេទស្របច្បាប់ មានគល់បញ្ជីក្រសួង ផុតកំណត់អាចបន្តសុពលភាពបានស្របច្បាប់ ដែលបង្ក ឱ្យមានការភ័ន្តច្រឡំដល់សាធារណជន ថ្ងៃចន្ទ ១៤រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី១០ ខែឧសភា ឆ្នាំ២០២១ ក្រសួងសាធារណការ និងដឹកជញ្ជូន សូមធ្វើការបដិសេធទាំងស្រុងចំពោះការចុះផ្សាយនៅលើគេហទំព័រទាំង ឡាយដែលមានខ្លឹមសារថា៖ អនុសាខាក្រសួងសម្រួលការងារតាមអនឡាញ ទទួលរៀបចំធ្វើបណ្ណបើក បរគ្រប់ប្រភេទស្របច្បាប់ មានគល់បញ្ជីក្រសួង ផុតកំណត់អាចបន្តសុពលភាពបានស្របច្បាប់ និងបានអះអាងថាជាអនុសាខារបស់ក្រសួងសាធារណការ និងដឹកជញ្ជូន អាចផ្ដល់សេវាសាធារណៈជូនប្រជា ពលរដ្ឋ។ក្រសួងសូមបញ្ជាក់ជូនសាធារណជនឱ្យបានជ្រាបថា៖ ព័ត៌មានដែលបានចុះផ្សាយក្នុងគេហទំព័រទាំង ឡាយខាងលើនេះជាព័ត៌មានមិនពិត មានចរិតបង្កការភ័ន្តច្រឡំដល់សាធារណជន ធ្វើឱ្យប៉ះពាល់ដល់កិត្តិ យស និងសេចក្តីថ្លៃថ្នូររបស់ថ្នាក់ដឹកនាំក្រសួងសាធារណការ និងដឹកជញ្ជូន ក៏ដូចជារាជរដ្ឋាភិបាលផងដែរ។ ក្រសួង ក៏សូមស្នើសុំអាជ្ញាធរមានសមត្ថកិច្ចចាត់វិធានការតាមផ្លូវច្បាប់ចំពោះជនខិលខូចខាងលើដែលបានផលិតបណ្ណសម្គាល់យានយន្ត ផ្លាកលេខយានយន្ត និងប័ណ្ណបើកបរយានយន្តក្លែងក្លាយ និងការផ្សព្វផ្សាយលក់ផ្លាកលេខយានយន្តតាមបណ្ដាញសង្គមក្នុងគេហទំព័រនានា ជាពិសេស ចាត់វិធានការចំពោះអំពើបោកប្រាស់ និងការក្លែងឯកសារសាធារណៈទាំងនេះ ដែលបង្កជាការភ័ន្តច្រឡំដល់ សាធារណជន ដើម្បីយកមកផ្តន្ទាទោសតាមផ្លូវច្បាប់ជាធរមាន។ ជាមួយគ្នានេះផងដែរ ក្រសួងសូមជំរុញលើកទឹកចិត្ត ក៏ដូចជាសូមអំពាវនាវដល់សាធារណជន និងបង ប្អូនប្រជាពលរដ្ឋមេត្តាចៀសវាងការប្រើប្រាស់សេវាសាធារណៈក្រៅផ្លូវការ ដែលងាយធ្លាក់ចូលក្នុងអំពើ បោកប្រាស់របស់ជនខិលខូច នាំឱ្យខាតបង់ថវិកា និងងាកមកប្រើប្រាស់មណ្ឌលផ្តល់សេវាសាធារណៈ ទាំងឡាយនៅតាមទីតាំងនានាដែលទទួលស្គាល់ដោយក្រសួងសាធារណការ និងដឹកជញ្ជូនវិញ។ ជាងនេះទៅទៀត ដើម្បីការពារការភ័ន្តច្រឡំដល់មហាជន ជាពិសេសដើម្បីទប់ស្កាត់ការផ្សព្វផ្សាយព័ត៌ មានមិនពិតរបស់ជនទុច្ចរិត និងក្រុមបុគ្គលខូចដែលបង្កឱ្យមានភាពអសន្តិសុខ និងចលាចលដល់សង្គម ក្រសួងសាធារណការ និងដឹកជញ្ជូន សូមស្នើសុំក្រសួង-ស្ថាប័ន និងអាជ្ញាធរមានសមត្ថកិច្ចចាត់វិធាន ការឱ្យបានតឹងរ៉ឹងបំផុត ដើម្បីបង្ក្រាបនិងចាប់ជនខិលខូចដែលបានប្រព្រឹត្តខាងលើយកមកផ្តន្ទាទោសតាមផ្លូវច្បាប់ឱ្យខាងតែបាន។បច្ចុប្បន្ននេះ ក្រសួងក៏កំពុងជំរុញ និងធ្វើឱ្យប្រសើរឡើងលើការធ្វើកំណែទម្រង់សេវាសាធារណៈឱ្យកាន់តែ មានប្រសិទ្ធភាព តម្លាភាព សុក្រឹត្យភាព គណនេយ្យភាព និងឆាប់រហ័ស ស្របតាមគោលនយោបាយដ៏ ត្រឹមត្រូវរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕អត្ថបទ ៖ វ់ាន់ដា

ខេត្តបន្ទាយមានជ័យ ប្រកាសថា អ្នកជំងឺកូវីដ១៩ចំនួន៣៦នាក់ ត្រូវបានព្យាបាលជាសះស្បើយ

បន្ទាយមានជ័យ ៖ អាជ្ញាធរសុខាភិបាលខេត្តបន្ទាយមានជ័យ ប្រកាសនៅថ្ងៃនេះថា មានករណីជាសះស្បើយចំនួន ៣៦នាក់ ដែលភាគច្រើនជាជនជាតិឥណ្ឌូនេស៊ី មានចំនួនរហូតដល់ ៣១នាក់។ ក្នុងរបាយការណ៍នៅថ្ងៃនេះ មន្ទីរសុខាភិបាល បញ្ជាក់ថា ខេត្តបន្ទាយមានជ័យ មានករណីព្យាបាលជាសះស្បើយចំនួន៣៦នាក់ ក្នុងនោះមានជនជាតិខ្មែរចំនួន០៤នាក់ ជនជាតិចិន ០១នាក់ និងជនជាតិឥណ្ឌូនេស៊ី ចំនួន ៣១នាក់។តាមរបាយការណ៍ដដែលនោះ ជនជាតិខ្មែរ និងជនជាតិចិនខាងលើសរុបចំនួន ០៥នាក់ បានព្យាបាលជាសះស្បើយនៅមន្ទីរពេទ្យបង្អែកមង្គលបូរី ជនជាតិឥណ្ឌូនេស៊ីចំនួន ២៧នាក់នៅមណ្ឌលសុខភាពប៉ោយប៉ែត១ និងជនជាតិឥណ្ឌូនេស៊ីចំនួន ០៤នាក់ផ្សេងទៀតនៅមន្ទីរពេទ្យបង្អែកប៉ោយប៉ែត។ គិតត្រឹមថ្ងៃនេះ កម្ពុជាព្យាបាលជាសះស្បើយសរុបចំនួន ៧ ៨២០នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក៕

ខេត្តកំពង់ចាម សម្រេចបិទខ្ទប់ភូមិមួយនៃស្រុកបាធាយចំនួន១៤ថ្ងៃ

កំពង់ចាម៖ ខេត្តកំពង់ចាមសម្រេចបិទខ្ទប់ជាបណ្ដោះនូវភូមិមួយនៅក្នុងស្រុកបាធាយ បន្ទាប់ពីរកឃើញករណីឆ្លងមេរោគកូវីដ១៩ ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្នុងសេចក្ដីសម្រេចនៅថ្ងៃនេះ រដ្ឋបាលខេត្តកំពង់ចាម បានបញ្ជាក់ថា អាជ្ញាធរសម្រេចបិទខ្ទប់រយៈពេល១៤ថ្ងៃនូវភូមិអកទៀង ស្ថិតក្នុងឃុំតាងក្រសាំង ដោយគិតចាប់ពីថ្ងៃនេះរហូតដល់ថ្ងៃទី២៣ ខែឧសភា បន្ទាប់ពីបានរកឃើញអ្នកឆ្លងជំងឺកូវីដ១៩ ។ក្នុងសេចក្ដីសម្រេចនោះ អាជ្ញាធរហាមឃាត់ការចូលចូលភូមិអកទៀង ហាមឃាត់សកម្មភាពអាជីវកម្មគ្រប់ប្រភេទ និងហាមឃាត់ការជួបជុំ ឬការប្រមូលផ្ដុំមនុស្ស។ទោះជាយ៉ាងណា អាជ្ញាធរក៏ផ្ដល់ការលើកលែងផងដែរសម្រាប់ករណីបន្ទាន់ និងចាំបាច់នានា ដែលត្រូវបានអនុញ្ញាតដោយអាជ្ញាធរមានសមត្ថកិច្ច។ គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ១៩ ៧៤៣នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០ មក៕

ខេត្តកំពង់ចាមរកឃើញអ្នកឆ្លងកូវីដ១៩ចំនួន១៦នាក់កាលម្សិលមិញ

កំពង់ចាម ៖ ខេត្តកំពង់ចាម ប្រកាសថា បានរកឃើញអ្នកឆ្លងជំងឺកូវីដ១៩ចំនួន ១៦នាក់ ដែលពាក់ព័ន្ធនឹងព្រឹត្តិការណ៍សហគមន៍ ២០កុម្ភៈទាំងអស់។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាម បញ្ជាក់ថា រកឃើញអ្នកឆ្លងជំងឺកូវីដ១៩ចំនួន ១៦នាក់ ដែលស្ថិតនៅក្នុងស្រុកចំនួន៥ ក្នុងនោះស្រុកបាធាយរកឃើញច្រើនជាងគេចំនួន ០៧នាក់ បន្ទាប់មកគឺស្រុកចំការលើចំនួន ០៤នាក់ ស្រុកស្រីសន្ធរចំនួន ០២នាក់ ស្រុកកងមាសចំនួន ០២នាក់ និងស្រុកកំពង់សៀមចំនួន ០១នាក់។ តាមសេចក្ដីប្រកាសដដែលនេះ ពលរដ្ឋឆ្លងកូវីដ១៩ទាំង ១៦នាក់ខាងលើនេះ បច្ចុប្បន្ន ត្រូវបានបញ្ជូនទៅសម្រាកព្យាបាលនៅមន្ទីរពេទ្យមេគង្គកំពង់ចាម។ គិតត្រឹមថ្ងៃនេះ កម្ពុជារកឃើញអ្នកឆ្លងសរុបកើនឡើងដល់ ១៩ ៧៤៣នាក់ គិតចាប់តាំងពីកម្ពុជារកឃើញករណីឆ្លងលើកដំបូងកាលពីថ្ងៃទី២៧ ខែមករា ឆ្នាំ២០២០មក៕

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីអង់គ្លេសថ្មី អនុញ្ញាតឱ្យអាមេរិកប្រើមូលដ្ឋានទ័ពអង់គ្លេសខ្លះ សម្រាប់ការវាយប្រហារ លើអ៊ីរ៉ង់

បណ្ដាក្រុមហ៊ុនអាម៉េរិកនៃគណៈប្រតិភូ USABC ដែលកំពុងមានវត្តមាននៅកម្ពុជា ប្ដេជ្ញាបន្តពង្រីក និងស្វែងរកនូវឱកាសក្នុងការវិនិយោគថ្មីៗបន្ថែមទៀត

«កិច្ចប្រជុំច្រកចេញ-ចូលតែមួយ» លើកទី៧ ក្នុងឆ្នាំ២០២៦ ត្រូវបានរៀបចំឡើងដើម្បីពិនិត្យពិភាក្សាលើសំណើសុំចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់ចំនួន ៩គម្រោង

លោក Rubio បញ្ជាក់ថា អាមេរិកនៅតែមានឆន្ទៈរកដំណោះស្រាយ តាមរយៈការចរចា ជុំវិញវិបត្តិអ៊ីរ៉ង់

ក្រុមសកម្មជនប៉ះទង្គិចគ្នាជាមួយនគរបាល អំឡុងជំនួបរដ្ឋមន្រ្តីការបរទេសអាស៊ាននៅទីក្រុងម៉ានីល

មេដឹកនាំថ្មីរបស់ក្រុមហាម៉ាស ប្រឈមនឹងបញ្ហាគ្រោះថ្នាក់ និងស្មុកស្មាញ»

កម្ពុជា-ហ្វីលីពីន រៀបចំវេទិកាផ្គូផ្គងធុរកិច្ចជំរុញការនាំចេញផលិតផលកសិកម្មកម្ពុជាទៅកាន់ទីផ្សារប្រទេសហ្វីលីពីន

ក្រសួងធម្មការ និងសាសនា បានបញ្ចប់ការធ្វើជំរឿនមន្ត្រីរាជការជាក់ស្តែង ដោយមានអ្នកចូលរួមជាង ៩០០នាក់

កម្ពុជានឹងលើកយកភាពជោគជ័យនៃថ្នាល «verify.gov.kh» បង្ហាញក្នុងកិច្ចប្រជុំ ACCSM លើកទី២៣ នៅខេត្តសៀមរាប

លោក TRUMP ស្នើឲ្យស៊ីរីដាក់ពង្រាយកងកម្លាំងទៅកាន់លីបង់ ដើម្បីប្រយុទ្ធប្រឆាំងនឹងក្រុមហេសបូឡា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

សមត្ថកិច្ចកោះហៅ ម្ចាស់ហ្វេសបុកឈ្មោះឱសថស្ថានបុរាណភ្នំទ្រទ្រង់ មកធ្វើកិច្ចសន្យាទទួលកំហុសរបស់ខ្លួន

អ្នកដំណើរ៧នាក់សង្ស័យ និងម្នាក់ទៀត រកឃើញវិជ្ជមានកូវីដ១៩ នៅស្រុកស្រែអំបិល

តុលាការខេត្តសៀមរាប ឃុំខ្លួនមនុស្សពីរនាក់ ពីបទនាំចេញពលករខុសច្បាប់

សមត្ថកិច្ចខេត្តបាត់ដំបង ឃាត់ខ្លួនមេខ្យល់៣នាក់ ប្រុងនាំពលករ១៤នាក់ លួចឆ្លងដែនទៅថៃ

មនុស្ស៥នាក់ទៀតស្លាប់ដោយសារកូវីដ-១៩ ខណៈកម្ពុជារកឃើញអ្នកឆ្លងថ្មីចំនួន ៤៨០នាក់ទៀត

រយៈពេល ០៩ថ្ងៃ កងទ័ពចាក់វ៉ាក់សាំងជូនពលរដ្ឋនៅតំបន់ក្រហមបានជិត ៤០ម៉ឺននាក់

ខេត្តបន្ទាយមានជ័យ ប្រកាសថា អ្នកជំងឺកូវីដ១៩ចំនួន៣៦នាក់ ត្រូវបានព្យាបាលជាសះស្បើយ

ខេត្តកំពង់ចាម សម្រេចបិទខ្ទប់ភូមិមួយនៃស្រុកបាធាយចំនួន១៤ថ្ងៃ

ខេត្តកំពង់ចាមរកឃើញអ្នកឆ្លងកូវីដ១៩ចំនួន១៦នាក់កាលម្សិលមិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

អ្នក​ដំណើរ​៧​នាក់​សង្ស័យ​ និង​ម្នាក់ទៀត​ រក​ឃើញវិជ្ជមាន​​កូ​វីដ​១៩​ នៅ​ស្រុក​ស្រែអំបិល​

តុលាការ​ខេត្តសៀមរាប ​ឃុំខ្លួន​មនុស្ស​ពីរ​នាក់​ ពី​បទ​នាំចេញ​ពលករ​ខុសច្បាប់

​សមត្ថកិច្ចខេត្តបាត់ដំបង ឃាត់ខ្លួនមេខ្យល់៣នាក់ ប្រុងនាំពលករ១៤នាក់ ​លួចឆ្លងដែនទៅថៃ

មនុស្ស​៥​នាក់​ទៀត​ស្លាប់​ដោយសារ​កូវីដ-១៩ ខណៈ​កម្ពុជា​រក​ឃើញ​អ្នក​ឆ្លង​ថ្មី​ចំនួន ៤៨០​នាក់​ទៀត

រយៈពេល​ ០៩​ថ្ងៃ កងទ័ព​ចាក់​វ៉ាក់សាំង​ជូន​ពលរដ្ឋ​នៅ​តំបន់​ក្រហម​បាន​ជិត​ ៤០​ម៉ឺន​នាក់

ខេត្តបន្ទាយ​មាន​ជ័យ ​ប្រកាស​ថា អ្នក​ជំងឺ​កូវីដ​១៩​ចំនួន​​៣៦នាក់ ​ត្រូវ​បាន​ព្យាបាល​ជា​សះ​ស្បើយ

ខេត្តកំពង់ចាម​ សម្រេច​បិទខ្ទប់​ភូមិ​មួយ​នៃ​ស្រុក​បាធាយ​ចំនួន​១៤ថ្ងៃ

ខេត្តកំពង់​ចាម​រក​ឃើញ​អ្នក​ឆ្លង​កូវីដ​១៩​ចំនួន​១៦នាក់​កាល​ម្សិល​មិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកដំណើរ៧នាក់សង្ស័យ និងម្នាក់ទៀត រកឃើញវិជ្ជមានកូវីដ១៩ នៅស្រុកស្រែអំបិល

តុលាការខេត្តសៀមរាប ឃុំខ្លួនមនុស្សពីរនាក់ ពីបទនាំចេញពលករខុសច្បាប់

សមត្ថកិច្ចខេត្តបាត់ដំបង ឃាត់ខ្លួនមេខ្យល់៣នាក់ ប្រុងនាំពលករ១៤នាក់ លួចឆ្លងដែនទៅថៃ

មនុស្ស៥នាក់ទៀតស្លាប់ដោយសារកូវីដ-១៩ ខណៈកម្ពុជារកឃើញអ្នកឆ្លងថ្មីចំនួន ៤៨០នាក់ទៀត

រយៈពេល ០៩ថ្ងៃ កងទ័ពចាក់វ៉ាក់សាំងជូនពលរដ្ឋនៅតំបន់ក្រហមបានជិត ៤០ម៉ឺននាក់

ខេត្តបន្ទាយមានជ័យ ប្រកាសថា អ្នកជំងឺកូវីដ១៩ចំនួន៣៦នាក់ ត្រូវបានព្យាបាលជាសះស្បើយ

ខេត្តកំពង់ចាម សម្រេចបិទខ្ទប់ភូមិមួយនៃស្រុកបាធាយចំនួន១៤ថ្ងៃ

ខេត្តកំពង់ចាមរកឃើញអ្នកឆ្លងកូវីដ១៩ចំនួន១៦នាក់កាលម្សិលមិញ