នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ពាក់ព័ន្ធករណី Online Scams៖ ជនជាតិចិនចំនួន ១៦២នាក់ត្រូវបានបណ្ដេញចេញពីកម្ពុជា
អគ្គនាយកដ្ឋានពន្ធនាគារ កំពុងសិក្សារៀបចំទីតាំងឃុំឃាំងថ្មីបន្ថែម ខណៈចំនួនជនជាប់ឃុំមានការកើនឡើងខ្លាំង
សមត្ថកិច្ចខេត្តព្រះសីហនុរកឃើញអ្នកបើកបររថយន្តធុនធ្ងន់មួយចំនួនមានសារធាតុគ្រឿងញៀននៅក្នុងខ្លួន
ឆេះខុនដូ Wealth Mansion តែសមត្ថកិច្ចជួយពន្លត់ទាន់ពេលដោយមិនរាលដាលទ្រង់ទ្រាយធំ

សន្តិសុខ និង សង្គម

រក​ឃើញ​មនុស្ស​៣៨៨​នាក់​ទៀត​ឆ្លង​​កូវីដ-១៩ ខណៈ​អ្នកជាសះស្បើយ​ចំនួន​៤៨​នាក់​ទៀត​បន្ថែមទៀត

2021/05/01 05:41:09 am        227
Facebook Telegram Linkin
 ភ្នំពេញ៖ ក្រសួង​សុខាភិបាល​បាន​ប្រកាស​នៅ​ថ្ងៃ​នេះ​ថា មនុស្ស ៣៨៨​នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ ខណៈ​អ្នក​ជំងឺ ៤៨​នាក់​ទៀត ជាសះ​ស្បើយ​ឡើង​វិញ។ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា ករណី​ឆ្លង​ថ្មី​ដល់​ទៅ ៣៨៧​នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍ ២០​កុម្ភៈ ហើយ ១​ករណី​ទៀត គឺ​ជា​ករណី​នាំ​ចូល​ដែល​ត្រូវ​បាន​រក​ឃើញ​លើ​ពលករ​ខ្មែរ​វិល​ត្រឡប់​មក​ពី​ប្រទេស​ថៃ។បើតាមក្រសួងសុខាភិបាល ករណីឆ្លងថ្មីទាំងអស់នេះ ត្រូវបានរកឃើញច្រើនបំផុតនៅរាជធានីភ្នំពេញដែលមានចំនួនរហូតដល់ទៅ ៣៣១នាក់ បន្ទាប់មកខេត្តបន្ទាយមានជ័យរកឃើញអ្នកឆ្លងថ្មី ៣៥នាក់ ខណៈខេត្តព្រៃវែងរកឃើញអ្នកឆ្លងថ្មី ០៨នាក់។សម្រាប់ខេត្តកណ្ដាលវិញ ក្រសួងបញ្ជាក់ថា រកឃើញអ្នកឆ្លងថ្មី ០៤នាក់ បន្ទាប់មកខេត្តកំពង់ស្ពឺរកឃើញ អ្នកឆ្លងថ្មី ០៣នាក់ ហើយខេត្តតាកែវ និងកំពង់ចាម រកឃើញអ្នកឆ្លងថ្មី ០២នាក់ក្នុងខេត្តនីមួយៗ ខណៈដែលខេត្តសៀមរាប និងស្វាយរៀង រកឃើញត្រឹមតែ ០១នាក់ថ្មីនៅក្នុងខេត្តនីមួយៗ។គិតត្រឹមថ្ងៃនេះ កម្ពុជារកឃើញមនុស្សដល់ទៅ ១៣ ៧៩០នាក់ហើយបានឆ្លងមេរោគកូវីដ-១៩នៅទូទាំងប្រទេស ក្នុងនោះអ្នកឆ្លងមេរោគកូវីដ-១៩ដល់ទៅ ១៣ ២៣៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ។ទន្ទឹមគ្នានេះ ក្រសួងសុខាភិបាលក៏បញ្ជាក់ផងដែរថា អ្នកជំងឺកូវីដ-១៩សរុបចំនួន ៥ ២០០នាក់ហើយត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មីចំនួន ៤៨នាក់ដែលក្រសួងប្រកាសនៅថ្ងៃនេះផងដែរ ខណៈអ្នកជំងឺសរុប ៨ ៤៨៧នាក់ទៀត កំពុងស្ថិតក្រោមការព្យាបាលបន្ត៕

អាជ្ញារធរស្រុកឆ្លូង បិទហាងគោដុតមួយកន្លែង និងមនុស្ស​៤នាក់ ពាក់ព័ន្ធករណីវិជ្ជមានកូវីដ -១៩

2021/05/01 05:39:32 am        131
Facebook Telegram Linkin
ក្រចេះ ៖ អាជ្ញារធរមូលដ្ឋានស្រុកឆ្លូង សហការជាមួយមន្រ្តីសុខាភិបាល ដឹកនាំដោយលោក ធីម ស៊ាងឡេង អភិបាលរងស្រុកឆ្លូង បានចុះបិទហាងគោដុតមួយកន្លែង យីហោ ប៉ោលាង គោដុត១៦៨ ជាបណ្ដោះអាសន្ន និងអ្នកពាក់ពន្ធ័ប្រុសស្រីចំនួន ៤នាក់ ត្រូវធ្វើចត្តាឡីស័ក ចំនួន ១៤ថ្ងៃ នៅមន្ទីរពេទ្យបង្អែកស្រុកឆ្លូង ។ការចុះបិតទីតាំងលក់គោដុតខាងលើនោះដែរ គឺធ្វើឡើងកាលពី រសៀលថ្ងៃទី៣០ ខែមេសា ឆ្នាំ២០២១ នៅចំណុច​ភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ ដោយមូល ហេតុរកឃើញថា អ្នកមកហូបគោដុតនៅហាងនេះ បានធ្វើតេស្តសំណាករកឃើញ វិជ្ជមានជំងឺកូវីដ-១៩ ។តាមការបញ្ជាក់របស់លោក ធីម ស៊ាងឡេង អភិបាលរងស្រុកឆ្លូង កាលពីរសៀលថ្ងៃ ដដែលនោះដែរ បានបញ្ជាក់ឲ្យដឹងថា ការចុះបិទហាងនេះបណ្ដោះអាសន្ន ដោយមូលហេតុ កាលពីថ្ងៃទី២៧ ខែមេសា ឆ្នាំ២០២១ មានឈ្មោះ តាំង វេងម៉េង ភេទប្រុស អាយុ៥១ឆ្នាំ មានទីលំភូមិប៉ើស២ ឃុំប៉ើស ស្រុកក្រូចឆ្មា ខេត្តត្បូងឃ្មំ  បានមកហូបចុកនៅក្នុងហាង ប៉ោលាងគោដុតនេះ ហើយនៅថ្ងៃទី៣០ ខែមេសានេះ បុរសរូបនោះ ត្រូវធ្វើតេស្តសំណាក់ រកឃើញវិជ្ជមានកូវីដ១៩ នៅខេត្តត្បូងឃ្មុំ ។ដោយឈ្មោះ តាំង វេងម៉េង ជាមនុស្សម្នាក់ក្នុងចំណោមមនុស្ស៥នាក់ផ្សេងទៀត ដែលត្រូវបានរដ្ឋបាលខេត្តត្បូងឃ្មុំ ចេញសេចក្ដីប្រកាសព័ត៌មានស្ដីពី ការរកឃើញមនុស្ស ៥នាក់បន្ថែមទៀត កើតជំងឺកូវីដ-១៩ រស់នៅភូមិដីដុះ ឃុំប៉ើស២ ស្រុកក្រូចឆ្មា ខេត្តត្បូងឃ្មុំ ។ ដោយក្នុងនោះ រួមមាន ទី១- ឈ្មោះ តាំង វេងម៉េង ភេទប្រុស អាយុ៥១ឆ្នាំ, ទី២- ឈ្មោះ នៅ ផល ភេទប្រុស អាយុ៥៨ឆ្នាំ, ទី៣- ឈ្មោះ ឃាង រាង ភេទប្រុស អាយុ៣៦ឆ្នាំ,ទី៤- ឈ្មោះ ឡូត ម៉េងលី ភេទប្រុស អាយុ១៨ឆ្នាំ, និងទី៥- ឈ្មោះ ចន ផេង ភេទប្រុស អាយុ៤០ឆ្នាំ រស់នៅភូមិខាងលើជាមួយគ្នា ។ករណីនេះ ជំនាញសុខាភិបាលបានដាក់ខ្សែហ៊ុមព័ទ្ធមិនឲ្យមនុស្សចេញចូលដាក់កម្លាំងយាមច្បាស់លាស់ ហើយបាននាំអ្នកពាក់ព័ន្ធមនុស្សប្រុសស្រីចំនួន ៤នាក់ (ស្រី២នាក់) យកសំណាកធ្វើការពិនិត្យនៅមន្ទីរពេទ្យបង្អែកឆ្លូង។បច្ចុប្បន្នអ្នកទាំង ៤ នាក់ កំពង់ធ្វើចត្ដាឡីស័កនៅមន្ទីរពេទ្យបង្អែងឆ្លូង ដោយអនុវត្ដតាម វិធានការរបស់ក្រសួងសុខាភិបាល ៕ដោយ ៖ សេង ម័រ

ខេត្តកំពង់ធំរកឃើញអ្នកវិជ្ជមានកូវីដ១៩ ចំនួន១៥នាក់ ក្រោយធ្វើតេសត្តបន្ទាន់ (Rapit Test) នៅស្រុកស្ទោង

2021/04/30 02:24:12 pm        225
Facebook Telegram Linkin
កំពង់ធំ ៖ អាជ្ញាធរខេត្តកំពង់ធំ រកឃើញករណីវិជ្ជមានកូវីដ១៩ថ្មីចំនួន១៥នាក់ ​ក្រោយធ្វើតេស្ដ​បន្ទាន់ (Rapit Test) លើប្រជាពលរដ្ឋចំនួន២១៩នាក់​ និងសម្រេចបិទភូមិលាបទង ឃុំកំពង់ចិនត្បូង និងផ្សារសេរីស្ទោង ឃុំកំពង់ចិនត្បូង ស្រុកស្ទោង ខេត្តកំពង់ធំ។នៅថ្ងៃទី២៩ ខែមេសា ឆ្នាំ២០២១, ឯកឧត្តម សុខ លូ អភិបាលខេត្តកំពង់ធំ ចុះពិនិត្យដំណើការនៃការសំណាកប្រជាពលរដ្ឋចំនួន១១៥នាក់ ក្នុងនោះវិជ្ជមានចំនួន២នាក់បន្ថែមទៀត ដែលសរុបនៃការធ្វើសំណាកប្រជាពលរដ្ឋ អាជីវករ និងកងកម្លាំងប្រដាប់អាវុទ្ធរយៈពេលពីរថ្ងៃ គឺថ្ងៃទី២៨ និងទី២៩ ខែមេសា ចំនួនមានលទ្ធផលវិជ្ជមានសរុបកើនឡើងដល់១៥នាក់ ក្នុងចំណោមអ្នកធ្វើតេស្ត២១៩នាក់។ ករណីបន្ទាន់នេះ ឯកឧត្តម សុខ លូ អភិបាលខេត្តកំពង់ធំ ប្រកាសបិទខ្ទប់ទាំងស្រុងភូមិលាបទង ឃុំកំពង់ចិនត្បូង និងផ្សារសេរីស្ទោង ឃុំកំពង់ចិនត្បូង ស្រុកស្ទោង ខេត្តកំពង់ធំ ដើម្បីរកប្រជាពលរដ្ឋដែល ប៉ះពាល់ផ្ទាល់ និងប្រយោលជាមួយអ្នកវិជ្ជមានបន្តទៀត។ឯកឧឧត្តម បញ្ជាក់ថា ករណីឆ្លងសហគមន៍នេះ គឺផ្តើមចេញពីឈ្មោះ ស៊ាង គឹមសាន អាយុ៤៧ឆ្នាំ រស់នៅភូមិលាបទង ឃុំកំពង់ចិនត្បូង ស្រុកស្ទោង ខេត្តកំពង់ធំ ដែលកាលពីថ្ងៃទី០៨ ខែមេសា ក្រុមគ្រួសារខាងលើចំនួន០៤នាក់ បានយកម្តាយទៅសម្រាក និងព្យាបាលជំងឺនៅមន្ទីរពេទ្យកេតុមាលា រាជធានីភ្នំពេញ! លុះដល់ថ្ងៃទី១៩ ខែមេសា ម្តាយបានស្លាប់ និងដឹកសពមកផ្ទះវិញ ដែលមានការបញ្ជាក់ពីមន្ទីរពេទ្យថា អវិជ្ជជំងឺកូវី១៩ ទើបអនុញ្ញាត​ឲ្យធ្វើបុណ្យតាមប្រពៃណី។ លុះដល់ថ្ងៃទី២៣ និងថ្ងៃទី២៦ ឈ្មោះ ស៊ាង គឹមសាន ​បានទៅលាងឈាមនៅមន្ទីរពេទ្យបង្អែកខេត្តសៀមរាប។ ​ដោយមានការសង្ស័យមន្ទីរពេទ្យបង្អែកខេត្តសៀមរាប បានយកសំណាកទៅពិនិត្យនៅមន្ទីរពិសោធន៍ភ្នំពេញ និងបានលទ្ធផលវិជ្ជមានកូវីដ១៩។ នៅថ្ងៃទី២៨ ខែមេសា រដ្ឋបាលខេត្តបានកំណត់អត្តសញ្ញាណអ្នកពាក់ព័ន្ធចំនួន១០៤នាក់ ធ្វើតេស្តបន្ទាន់ (Rapit Test) លទ្ធផលវិជ្ជមាន១៣នាក់ និងបន្តធ្វើតេស្តនៅថ្ងៃទី២៩ ខែមេសា ឃើញវិជ្ជមានពីរនាក់បន្ថែមទៀត។ ក្នុងនោះមានឈ្មោះ ចេង គឹមនៅ ប្រកបមុខរបរលក់សាច់ជ្រូកនៅផ្សារសេរីស្ទោងផងដែរ។ ឆ្លើយតមក្នុងករណីបន្ទាន់នេះ រដ្ឋបាលខេត្តកំពង់ធំ សម្រេចបិទខ្ទប់ភូមិលាបទង ឃុំកំពង់ចិនត្បូង និងផ្សារសេរីស្ទោង ឃុំកំពង់ចិនត្បូង ស្រុកស្ទោង ខេត្តកំពង់ធំ ដើម្បីទប់ស្កាត់ការឆ្លងរីករាលដាលជំងឺកូវីដ១៩ និងសូមអំពាវនាវដល់ប្រជាពលរដ្ឋទាំងអស់ដែលចូលរួមបុណ្យសពកាលពីថ្ងៃទី១៩ ខែមេសា និងប៉ះពាល់ផ្ទាល់ជាមួយឈ្មោះ ចេង គឹមនៅ មកយកសំណាកដើម្បីវិភាគរកជំងឺកូវីដ១៩ នៅសាលាបឋមសិក្សា ព្រះនាង ស្ថិតនៅឃុំកំពង់ចិនត្បូង ស្រុកស្ទោង ហើយចំពោះអ្នកធ្លាប់មានការពាក់ព័ន្ធ សូមពិនិត្យតាមដានសុខភាពខ្លួនជាប្រចាំ ក្នុងករណីមានការសង្ស័យ សូមរាយការណ៍ទៅកាន់អាជ្ញាធរ ឬហៅទៅកាន់លេខ១១៥ ជាបន្ទាន់ ដើម្បីការពារអាយុជីវិតបងប្អូន និងទប់ស្កាត់ការឆ្លងរីករាលដាលទៅកាន់សហគមន៍ទាំងអស់គ្នា៕អត្ថបទ ៖ ស៊ីន 

អាជ្ញាធរខេត្តព្រះសីហនុ រៀបចំនីតិវិធីបណ្តេញចេញ ​ជនជាតិចិន​២នាក់ ដែល​ផ្គើននឹងបំរាមណែនាំ​​លួចគេចចេញពីតំបន់បិទខ្ទប់

2021/04/30 02:13:42 pm        99
Facebook Telegram Linkin
ព្រះសីហនុ ​៖ ​បុរសជនជាតិ​ចិន​២នាក់ ​និង​ខ្មែរម្នាក់​ដែល​ផ្គើន​នឹង​បំរាមណែនាំ​​លួចគេច​ចេញ​ពីតំបន់បិទខ្ទប់ ​ត្រូវ​បាន​អាជ្ញាធរខេត្តព្រះសីហនុ ​រៀបចំនីតិវិធី ស្នើសុំ​បណ្ដេញចេញ​កម្ពុជា ចំណែក​បុរសជនជាតិខ្មែរ​ នឹង​កសាងសំណុំរឿង​តាមនីតិវិធីច្បាប់។នៅ​ថ្ងៃ៣០ ខែមេសា នេះ អ្នកនាំពាក្យសាលាខេត្តព្រះសីហនុ លោក ឃាង ភារម្យ  បាន​ឲ្យដឹងថា ឯកឧត្តម គួច ចំរើន អភិបាល​ នៃគណៈអភិបាលខេត្តព្រះសីហនុ និងជាប្រធានគណៈបញ្ជាការឯកភាពរដ្ឋបាលខេត្ត ​បានបញ្ជាឱ្យកម្លាំងសមត្ថកិច្ចរៀបចំនីតិវិធី ស្នើសុំបណ្តេញចេញជនជាតិចិន០២នាក់​ និងមិនអនុញ្ញាតឱ្យចូលទឹកដី នៃព្រះរាជាណាចក្រកម្ពុជា ជារៀងរហូត បន្ទាប់ពីជនជាតិចិទាំង០២នាក់នេះ ផ្គើននឹងបំរាមណែនាំ និងបានលួចគេចចេញពីតំបន់បិទខ្ទប់ក្រុងព្រះសីហនុ ។ ដោយឡែកបុរសជនជាតិខ្មែរម្នាក់ទៀត ដែលជាអ្នកបើកបរម៉ូតូ ដឹកជនជាតិចិនទាំង០២នាក់នេះ សមត្ថកិច្ច នឹងកសាងសំណុំរឿងចាត់ការតាមនីតិវិធីច្បាប់ ដោយគ្មានការលើកលែង៕

អាជ្ញាធរខេត្តកំពង់ធំ​ បន្តរកឃើញ​អ្នកវិជ្ជមានកូវីដ១៩ ចំនួន​១៣នាក់​បន្ថែមទៀត​​ និង​សម្រេច​បិទ​ផ្សារសេរីស្ទោង​

2021/04/29 03:17:04 pm        158
Facebook Telegram Linkin
កំពង់ធំ ៖ អាជ្ញាធរខេត្តកំពង់ធំ ​បាន​បន្តរកឃើញអ្នកឆ្លងជំងឺកូវីដ១៩ ចំនួន ១៣នាក់បន្ថែមទៀត ក្នុងចំណោមអ្នកមកយកសំណាកធ្វើតេស្តរហ័ស(Rapid Test) ១០៤នាក់ នៅស្រុកស្ទោង និងសម្រេចបិទផ្សារសេរីស្ទោង ក្នុងភូមិកំពង់ក្តី ឃុំកំពង់ចិនត្បូង។នៅព្រឹកថ្ងៃទី ២៩ ខែមេសា ឆ្នាំ២០២១ ឯកឧត្តម សុខ លូ អភិបាលខេត្តកំពង់ធំ និងសហការី អញ្ជើញចុះត្រួតពិនិត្យស្ថានភាពនៅក្នុងស្រុកស្ទោង ព្រមទាំង​បាន​អំពាវនាវ ដល់បងប្អូនប្រជាពលរដ្ឋទាំងអស់ ដែលបានប៉ះពាល់ផ្ទាល់ និងប្រយោល ជាមួយអ្នកកើតជំងឺកូវីដ១៩ ឈ្មោះ ស៊ាង គឹមសាន និងអ្នកចូលរួមបុណ្យស្ត្រីឈ្មោះ ប៉ិល ថេង កាលពីថ្ងៃទី ២០ ដល់ថ្ងៃទី ២៣ ខែ មេសា នៅភូមិលាភទង ឃុំកំពង់ចិនត្បូង សូមអញ្ជើញមកធ្វើតេស្តយកសំណាក នៅសាលាបឋមសិក្សា ព្រះនាង ដែលមានទីតាំងស្ថិតនៅភូមិលាបទង ឃុំកំពង់ចិនត្បូង ស្រុកស្ទោង ខេត្តកំពង់ធំ ដើម្បីរួមគ្នាទប់ស្កាត់ការឆ្លងរីករាលដាលនៃជំងឺកូវីដ១៩។ជាមួយគ្នានោះដែរ ឯកឧត្តម សុខ លូ បន្ថែមទៀតថា បន្ទាប់ពីទទួលបានព័ត៌មាននេះ រដ្ឋបាលខេត្តកំពង់ធំ បានចេញសេចក្តីសម្រេចស្តីពីការបិទខ្ទប់ភូមិលាបទង ឃុំកំពង់ចិនត្បូង ស្រុកស្ទោង ខេត្តកំពង់ធំ ដែលជាតំបន់មានការឆ្លងរាលដាលនៃជំងឺកូវីដ១៩ ក្នុងព្រឹត្តិការណ៍សហគមន៍ ២០កុម្ភៈ ចាប់ពីថ្ងៃទី២៨ ខែមេសា ឆ្នាំ២០២១ រហូតដល់មាន ការជូនដំណឹងជាថ្មី ក្នុងគោលបំណងធានាដល់ប្រសិទ្ធភាពនៃការគ្រប់គ្រងការឆ្លងរាលដាលនៃជំងឺកូវីដ១៩ ក្នុងភូមិសាស្ត្រ ដែលបានត្រូវបានបិទខ្ទប់ និងទប់ស្កាត់ជំងឺនេះមិនឲ្យឆ្លងរាលដាលទៅតំបន់ផ្សេងទៀត។ឆ្លៀតក្នុងឱកាសនោះដែរ ឯកឧត្តម សុខ លូ បានសំណូមពរដល់បងប្អូន ដែលធ្លាប់មានការពាក់ព័ន្ធ ហើយមានការសង្ស័យ សូមពិនិត្យ តាមដាន សុខភាពផ្ទាល់ខ្លួនជាប្រចាំ និងត្រូវសម្រាកនៅផ្ទះដាច់ដោយ​ឡែក​ ក្នុងករណីមានការប្រែប្រួលខុសប្រក្រតី ដូចជា ឡើងកម្ដៅលើស ៣៧អង្សាសេ ក្អក កណ្តាស់ ឈឺបំពង់ក ត្រូវប្រញាប់ទំនាក់ទំនង អាជ្ញាធរ ឬ មណ្ឌលសុខភាព ដែលនៅជិតបំផុត៕អត្ថបទ ស៊ីន

រកឃើញអ្នកជំងឺកូវីដ១៩ម្នាក់ នៅមន្ទីរពេទ្យខេត្តសៀមរាប, អាជ្ញាធរសម្រេចបិទអគារខ្លះ​ បណ្ដោះអាសន្ន ដើម្បីពិនិត្យអ្នកពាក់ព័ន្ធ

2021/04/29 03:29:20 pm        110
Facebook Telegram Linkin
សៀមរាប ៖ រដ្ឋបាលខេត្តសៀមរាប បានរកឃើញជំងឺកូវីដ១៩ម្នាក់ទៀត​ ដែលជាអ្នកខេត្តកំពង់ធំ ទៅចូលសម្រាកព្យាបាលជំងឺ នៅមន្ទីរពេទ្យបង្អែកខេត្តសៀមរាប។លោក ក្រុស សារ៉ាត់ ប្រធានមន្ទីរសុខាភិបាលខេត្តសៀមរាប នៅព្រឹកថ្ងៃទី២៩ ខែមេសា ឆ្នាំ២០២១បានថ្លែងថា អ្នកវិជ្ជមានជំងឺកូវីដ១៩រូបនេះ អាយុ ៤៧ឆ្នាំ មានជំងឺខូចតម្រងនោម មានអាសយដ្ឋាននៅភូមិលាបទង ឃុំកំពង់ចិនត្បូង ស្រុកស្ទោង ខេត្តកំពង់ធំ។ គាត់មកទទួលសេវាលាងឈាមនៅក្នុងមន្ទីរពេទ្យបង្អែកខេត្តសៀមរាប។ ដោយមានការសង្ស័យ ក្រុមគ្រូពេទ្យបានយកសំណាកធ្វើតេស្ដរហ័ស ហើយរកឃើញវិជ្ជមានតែម្ដង។លោកប្រធានមន្ទីរសុខាភិបាល បានឱ្យដឹងទៀតថា អ្នកជំងឺរូបនេះ បានចូលសម្រាកនៅមន្ទីរពេទ្យខេត្ត តាំងពីយប់ថ្ងៃទី២៦ ខែមេសា។ លុះថ្ងៃទី២៧ ទើបធ្វើការលាងឈាម ប៉ុន្ដែពេលនោះដោយមានការសង្ស័យ ទើបនៅថ្ងៃទី២៨ ខែមេសា ក្រុមគ្រូពេទ្យធ្វើតេស្ដរហ័សតែម្ដង។លោក ក្រុស សារ៉ាត់ បានបញ្ជាក់ថា ក្រោយឃើញលទ្ធផលវិជ្ជមានបែបនេះ មន្ដ្រីសុខាភិបាលបានធ្វើតេស្ដភ្លាមៗបន្ដទៀត ទៅលើអ្នកពាក់ព័ន្ធជាង២០០នាក់ នៅក្នុងមន្ទីរពេទ្យ ហើយលទ្ធផលបង្ហាញថា អវិជ្ជមានទាំងអស់។ជាមួយគ្នានេះ មន្ដ្រីជំនាញក៏បានស្រាវជ្រាវ និងបិទទីតាំងផ្សេងមួយចំនួនទៀត ដែលក្រុមគ្រួសាររបស់អ្នកវិជ្ជមានជំងឺកូវីដ១៩នេះបានទៅដល់ នៅក្នុងមូលដ្ឋានខេត្តសៀមរាប ដើម្បីទប់ស្កាត់ការឆ្លងរីករាលដាលបន្ថែមទៀត។សូមបញ្ជាក់ថា ព្រឹត្តិការណ៍សហគមន៍២០កុម្ភៈ ខេត្តសៀមរាប បានរកឃើញអ្នកជំងឺកូវីដ១៩ សរុប ២១នាក់ហើយ ក្នុងនោះ ១២នាក់ បានព្យាបាលជាសះស្បើយ៕អត្ថបទ ៖ សាវី 

ពុល​ផ្សិត​ស្លាប់៣នាក់ ​និង​មនុស្ស​១១នាក់​ផ្សេងទៀត​កំពុង​ជួយសង្គ្រោះ​ នៅខេត្តកោះកុង

2021/04/29 02:34:19 pm        1376
Facebook Telegram Linkin
កោះកុង ៖ ប្រជាពលរដ្ឋរស់នៅស្រុកចំនួន៣ ក្នុងភូមិសាស្រ្តខេត្តកោះកុង និងខេត្តព្រះសីហនុ រងគ្រោះដោយសារការបរិភោគផ្សិតមិនស្គាល់ប្រភេទពុលស្លាប់៣នាក់ និង​​មនុស្ស​១១នាក់​ ផ្សេងទៀត​កំពុង​ជួយសង្គ្រោះ​​។ គិតចាប់ពីថ្ងៃទី២១ដល់ថ្ងៃទី២៨ ខែមេសា មន្ទីរពេទ្យបង្អែកស្រុកស្រែអំបិល ​បានទទួល​ពិនិត្យ និងព្យាបាលពលរដ្ឋពុលផ្សិតចំនួន១៤នាក់​ ដោយមានការដឹក​ជញ្ជូន​​មកសង្រ្គោះបន្ទាន់ភ្លាមៗ ក្រោយពួកគាត់បរិភោគ។លោកវេជ្ជបណ្ឌិត ហូរ សុខហួន ប្រធានមន្ទីរពេទ្យបង្អែកស្រុកស្រែអំបិល នៅថ្ងៃទី២៩ ខែមេសា បានឱ្យដឹងថា ករណីពុលផ្សិតនេះដែរ បណ្តាលឱ្យមនុស្ស៣នាក់បានស្លាប់ គ្រាអាការៈជំងឺធ្ងន់ធ្ងរខ្លាំងពេកពុំទាន់សង្រ្គោះបានទាន់ពេលវេលា។លោក បន្តថា អ្នកស្លាប់៣នាក់នោះ ទី១.ឈ្មោះ ជួន សំ អាយុ៨៣ឆ្នាំ ភេទស្រី រស់នៅឃុំជីផាត ស្រុកថ្មបាំង ស្លាប់ពេលបញ្ជូន​​ជិតទៅមន្ទីរពេទ្យរាជធានីភ្នំពេញ ទី២-ឈ្មោះ ប៊ុន ណាម៉ា អាយុ១០ឆ្នាំ ភេទប្រុស ស្លាប់នៅមន្ទីរពេទ្យគន្ធបុប្ឆា និងទី៣- ប៊ុនណា សៀវម៉ាន់ អាយុ១៣ភេទ ប្រុស ពុំព្រមទៅព្យាបាលនៅភ្នំពេញ (ទាំងពីរ២នាក់បងប្អូន) រស់នៅភូមិព្រះអង្គកែវ ឃុំដងពែង ស្រុកស្រែអំបិល។ប្រធានមន្ទីរពេទ្យបង្អែកស្រុកស្រែអំបិល បន្ថែមថា​ ក្រៅពីអ្នកស្លាប់ ក៏មានអ្នករងគ្រោះធ្ងន់ស្រាលចំនួន១១នាក់ ដោយទី១-ឈ្មោះង៉ែត អោន អាយុ៤៨ ឆ្នាំ ភេទប្រុស ទី២-ឈ្មោះសែម វង្ស អាយុ៤៥ឆ្នាំ ភេទស្រី រស់នៅឃុំអណ្តូងទឹក ស្រុកបូទុមសាគរ និងទី៣-ឈ្មោះ បាវ ឃា អាយុ៤២ឆ្នាំ ភេទប្រុស រស់នៅឃុំដងពែង ស្រុកស្រែអំបិល អាការៈសុខភាពបានធូរស្រាលចេញពីមន្ទីរពេទ្យហើយ។ ចំណែកឯឈ្មោះ មាស នី អាយុ៤១ឆ្នាំ ភេទ ស្រី រស់នៅឃុំស្ទឹងឆាយ ស្រុកកំពង់សិលា ខេត្តព្រះសីហនុ សា្ថនភាពជំងឺធូរស្រាល កំពុងសម្រាកនៅមន្ទីរពេទ្យស្រែអំបិល។ លោកវេជ្ជបណ្ឌិត ហូរ សុខហួន ពន្យល់ព្រោះតែមើលឃើញពីស្ថានភាពធ្ងន់ធ្ងរចំពោះអ្នកជំងឺ៧នាក់ផ្សេងៗទៀត ក្នុងនោះមាន២នាក់ឈ្មោះ យឹម ប៉ា អាយុ៥១ ភេទ ស្រី និងឈ្មោះ ថន សុខណៃ អាយុ១៦ឆ្នាំ ភេទ ប្រុស រស់នៅឃុំជ្រោយស្វាយ ស្រុកស្រែអំបិល ស្ថានភាពជំងឺធ្ងន់ធ្ងរ បញ្ជូន​ទៅព្យាបាលនៅខេត្តកំពង់ស្ពឺ​។ រីឯ៥នាក់ទៀតក៏បញ្ចូនមកកាន់មន្ទីរពេទ្យបង្អែកខេត្តកោះកុង ទាំងយប់ថ្ងៃទី២៨ មេសា ។អ្នកជំងឺពុលផ្សិត៥នាក់ ដែលបញ្ជូនពីមន្ទីរស្រុកស្រែអំបិល ត្រូវបានលោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យខេត្តកោះកុង ឱ្យដឹងអត្តសញ្ញាណទី១ឈ្មោះ ប៊ុនណា ធីតា អាយុ១៩ឆ្នាំ ភេទស្រី ទី២តាក់ ប៊ុណា អាយុ៥៥ឆ្នាំ ភេទ ប្រុស ទី៣ឈ្មោះ ឃុន ហាន អាយុ ៤៥ឆ្នាំ ភេទ ស្រី ទី៤ឈ្មោះ ប៊ុន ណាយ៉ា អាយុ២៥ឆ្នាំ ភេទប្រុស និងទី៥ ឈ្មោះ ប៊ុនណា សៀវមិន អាយុ ១៨ ឆ្នាំ ភេទ ប្រុស ។ ពួកគាត់ទាំង៥នាក់ រស់នៅភូមិព្រះអង្គកែវ ឃុំដងពែង ស្រុកស្រែអំបិលលោកវេជ្ជបណ្ឌិត ហៃ ឡៃសុន បញ្ជាក់ដែរថា នៅពេលនេះអាការៈសុខភាពរបស់អ្នកពុលផ្សិតទាំង៣នាក់ បានធូរស្រាលហើយដែរអាចនិយាយបាន ក៏ដូចជាដើរបាន។ នេះដោយកិច្ចប្រឹងប្រែងយកចិត្តទុកដាក់របស់ក្រុមគ្រូពេទ្យជួយសង្រ្គោះបន្ទាន់ ប៉ុន្តែ២នាក់ទៀតមានអាការៈធ្ងន់ធ្ងរដោយសារតែជាតិពុលក្នុងឈាម និងប៉ះពាល់ដល់ខួរក្បាល។ទោះយ៉ាងណា ក្រុមគ្រូពេទ្យនៅមន្ទីរពេទ្យខេត្ត នៅតែបន្តតាមដានពិនិត្យ និងព្យាបាលសុខភាពពួកគាត់ដោយយកចិត្តទុកដាក់ខ្ពស់ឈរលើក្រមសីលធម៌ និងគុណធម៌របស់គ្រូពេទ្យ។ ជាក់ស្តែងក្រុមពេទ្យក៏បានជួបសំណេះសំណាល និងផ្តល់ថវិកាលើកទឹកចិត្តរបស់ក្រុមជនរងគ្រោះផងដែរ៕អត្តបទ ៖  ឈឹម មករា  

អាជ្ញាធខេត្តតាកែវ សម្រេចបិទរោងចក្រមួយកន្លែង នៅស្រុកបាទី បន្ទាប់ពីរកឃើញជាតិចិន២នាក់ និងកម្មករខ្មែរម្នាក់វិជ្ជមានកូវីដ១៩

2021/04/28 05:22:33 am        214
Facebook Telegram Linkin
តាកែវ ៖ អាជ្ញាធខេត្តតាកែវ នៅព្រឹកថ្ងៃទី ២៨ ខែ មេសា នេះ បានសម្រេចបិទរោងចក្រដេកាបូប មួយកន្លែងនៅក្នុងឃុំឃ្លាំងសម្បត្តិ ស្រុកបាទី ខេត្តតាកែវ បន្ទាប់ពីមន្រ្តីសុខាភិបាលបានរកឃើញជនជាតិចិនពីរនាក់ និងកម្មករខ្មែរម្នាក់ដែលបំរើការនៅរោងចក្រនោះផ្ទុកវិជ្ជមានជំងឺកូវីដ១៩។បើយោងតាមប្រធានមន្ទីរសុខាភិបាលខេត្តតាកែវ លោកវេជ្ជបណ្ឌិត នុត ស៊ីណាត បានឲ្យដឹងថា ​មន្រ្តីសុខាភិបាលបានធ្វើតេស្តលើជនជាតិចិន២នាក់ ដែលបំរើការនៅរោងចក្រមួយខាងលើបន្ទាប់ពីពួកគេមានអាការៈក្អក់ និងក្ដៅខ្លួន ហើយលទ្ធផលចេញមកគឺពួកគេវិជ្ជមានជំងឺកូវីដ១៩ទាំង២នាក់ ហើយបច្ចុប្បន្នអ្នកជំងឺជនជាតិចិនទាំង២នាក់ ត្រូវដាក់អោយព្យាបាលនៅមន្ទីរពេទ្យបង្អែកបាទី ។លោកប្រធានមន្ទីរសុខាភិបាល បានបន្តថា ដោយឡែករោងចក្រដែលពួកគេបំរើការត្រូវបានអាជ្ញាធខេត្តសម្រេចបិតជាបណ្ដោះអាសន្ន ហើយកម្មករចំនួនជាង៧០០នាក់ដែលបំរើការនៅរោងចក្រនោះ ត្រូវបានយកសំណាកទៅធ្វើតេស្តរកជំងឺកូវីដ១៩ ហើយអាជ្ញាធរក៏ ​បានធ្វើការណែនាំដល់បងប្អូនកម្មករ​ទាំងអស់អោយ​ធ្វើចត្តាឡីស័ក​អោយបានត្រឹមត្រូវផងដែរ។លោក ម៉ឹង វីរីយ៉ា ប្រធានមន្ទីរការងារ នឹងបណ្ដុះបណ្ដាលវិជ្ជាជីវៈខេត្តតាកែវ​បានថ្លែងថា រោងចក្រនេះ ផលិតកាបូប មានកម្មករចំនួនជាង៧រយនាក់ ហើយបច្ចុប្បន្នរកឃើញអ្នកផ្ទុកជំងឺកូវីដ១៩ចំនួន៣នាក់ ក្នុងនោះជនជាតិចិន២នាក់ ​និងកម្មករខ្មែរម្នាក់ ហើយនៅថ្ងៃនេះ​មន្រ្តី​សុខាភិបាល​បានសំណាកកម្មករបានចំនួនជាង៧០នាក់​ទៅធ្វើតេស្ត​ ដោយឡែករោងចក្រត្រូវបានបិទជាបណ្ដោះអាសន្ន៕ដោយ៖គុជ វិភាគ

អាជ្ញាធរស្រុកកោះកុង តម្រូវឱ្យម្ចាស់ដីចំនួន៥ទីតាំងរុះរើកញ្ចុះ និងកាយដីចេញពីមាត់ព្រែកតាតៃឡើងវិញ

2021/04/28 04:30:42 am        175
Facebook Telegram Linkin
 កោះកុង៖ កញ្ចុះអង្គុយកម្សាន្តបែបអនាធិតេយ្យ សំណង់រឹងមាំ និងការចាក់ដីចូលចំណីមាត់ព្រែកនៅភូមិអន្លង់វ៉ាក់ ឃុំតាតៃ ត្រូវបានលោកអភិបាលរងស្រុកកោះកុង ទុកពេល៣០ថ្ងៃដើម្បីម្ចាស់ដីចំនួន៥ទីតាំងរុះរើ និងជីកកាយអាចម៍​ដីចេញ ក្រោយបំពានសម្បត្តិរដ្ឋ។នៅទីបំផុតទៅ លោក ណឹម ភិរម្យ អភិបាលរងស្រុកកោះកុង បានដឹកនាំក្រុមមន្រ្តីការិយាល័យជំនាញ សមត្ថកិច្ច និងអាជ្ញាធរភូមិឃុំចុះពិនិត្យវាស់វែងពីផលប៉ះពាល់សម្បត្តិសាធារណៈរបស់រដ្ឋនៅឃុំតាតៃ កាលពីព្រឹកថ្ងៃទី២៧ ខែមេសា ២០២១។បន្ទាប់ពីពិនិត្យលើទីតាំងឈូសឆាយជាក់ស្តែង ត្រូវបានលោក ណឹម ភិរម្យ អភិបាលរងស្រុកទទួលស្គាល់ថា គឺពិតជាមានសកម្មភាពរំលោភបំពានដីជើងព្រៃភ្នំ និងដីចំណីព្រែកប្រាកដមែន តែមិនច្រើនពេកនោះទេ ដោយបំពានចូលដីរដ្ឋទៅតាមចំណុចខ្លះៗទេដូចជា ដីជើងភ្នំបំពានចូលទទឹង៥ម៉ែត្រ ដីមាត់ព្រែករកឃើញថាបំពានទទឹង២ទៅ៣ម៉ែត្រលើដីសរុបរួមជាច្រើមម៉ែត្រ។ទាក់ទងនឹងការធ្វើឱ្យទ្រព្យសម្បត្តិរបស់រដ្ឋរងការបំពានប៉ះពាល់នេះ លោកអភិបាលរងស្រុកកោះកុងស​ម្រេចទុកពេលឱ្យម្ចាស់ដីចំនួន៥នាក់ត្រូវកាយអាចម៍ចេញពីមាត់ព្រែកធម្មជាតិ រុះរើកញ្ចុះសំណង់រឹងមាបែបអនាធិបតេយ្យចេញ និងដាំស្តារព្រៃឈើវិញ ក្នុងរង្វង់ពេល១ខែគិតចាប់ពីថ្ងៃទី២៧ ខែមេសានេះតទៅ។ កន្លងទៅ មុននឹងមានប្រព័ន្ធផ្សព្វផ្សាយសារព័ត៌មានបានចុះផ្សាយព័ត៌មានករណីខាងលើជាបន្តបន្ទាប់មក គឺអាជ្ញាធរស្រុកកោះកុង ធ្លាប់បញ្ជាឱ្យក្រុមខិលខូចទាំងនោះបញ្ឈប់សកម្មភាព ឈូសឆាយដីជាបណ្តោះអាសន្នសិន ចាំការចុះពិនិត្យវាយតម្លៃលក្ខណៈបច្ចេកទេសឱ្យច្បាស់លាស់ ខណៈអាជ្ញាធរពុំមានចេញលិខិតអនុញ្ញាតឱ្យជីកឈូសឆាយដីជើងភ្នំ និងចាក់អាចម៍ដីចូលចំណីព្រែកធម្មជាតិ។ ទោះបីជាតំបន់ដីធ្លីតំបន់ជាដីក្នុងសហគមន៍មានការទិញលក់ស្របច្បាប់ក៏ដោយចុះ។ អ្នកស្រី ប៊ុន មួយ ជាភរិយារបស់លោក តេង ប៊ុន និងលោក គិន ប៊ូកាន មន្ត្រីមន្ទីរទេសចរណ៍ខេត្តកោះកុង តំណាងឱ្យអ្នកស្រី ម៉ម សុថាវី សុំមិនបកស្រាយអ្វីដែលជាចំណាត់ការបែបរដ្ឋបាលស្រុកនោះទេ ទោះបីជាក្រុមអ្នកសារព័ត៌មានព្យាយាមសុំសម្ភាសន៍ពួកគាត់នៅទីតាំងផ្ទាល់ក៏ដោយ៕

កម្លាំងនគរបាល ចំណុចរង្វង់មូលគួចកាណុង ឃាត់រថយន្តទំនើបមួយគ្រឿងរួមទាំងមនុស្សប្រុសស្រី៤នាក់

2021/04/27 10:23:02 am        4391
Facebook Telegram Linkin
ភ្នំពេញ៖ កម្លាំងនគរបាលឈរជើងតំបន់បិទខ្ទប់ នៅចំណុចរង្វង់មូលគួចកាណុង ឃាត់រថយន្តទំនើបមួយគ្រឿងរួមទាំងមនុស្សប្រុសស្រី៤នាក់ (ជនជាតិចិន៣នាក់ ប្រុស០២នាក់) ពាក់ព័ន្ធករណីដឹកជញ្ជូនមនុស្សចេញពីកន្លែងមួយទៅកន្លែងមួយ មិនអនុវត្ត តាមសេចក្ដីសម្រេចរបស់រដ្ឋាភិបាល ក្នុងអំឡុងពេលទប់ស្កាត់រីករាលដាលការឆ្លងជំម្ងឺcovid19។ប្រតិបត្តិការនេះ ធ្វើឡើងកាលពីវេលាម៉ោង២រសៀលថ្ងៃទី២៧ ខែមេសា ឆ្នាំ២០២១ នៅចំណុចរង្វង់មូលគួចកាណុង ស្ថិតនៅមូលដ្ឋានសង្កាត់ស្រះចក ខណ្ឌដូនពេញ រាជធានីភ្នំពេញ។តាមប្រភពព័ត៌មានពីមន្រ្តីនគរបាលនៅគោលដៅ បានឲ្យដឹងថា កម្លាំងចម្រុះឈរជើងនៅគោលដៅបានឃាត់រថយន្តស៊េរីទំនើបមួយគ្រឿងម៉ាក Rolls Royce ពណ៌ខ្មៅ ពាក់ស្លាកលេខ កម្ពុជា BRS.7377 ដោយរួមដំណើរក្នុងរថយន្តមាន មនុស្សចំនួន០៤នាក់ ក្នុងនោះអ្នកបើករថយន្តជនជាតិខ្មែរ ជាមន្រ្តីយោធា ឋាន្តរសក្តិ អនុសេនីយ៍ឯក ឈ្មោះ មឿង សាមន ភេទប្រុស និងជនជាតិចិន០៣នាក់ ប្រុស០២ ស្រី០១នាក់។ ដោយមានការសង្ស័យត្រូវបានកម្លាំងចម្រុះឃាត់ខ្លួន រួចសួរនាំ បុរសអ្នកបើកបរ បានឲ្យដឹងថា ខ្លួនដឹកជនជាតិពីសណ្ឋាគារមួយកន្លែងពី មូលដ្ឋានសង្កាត់ទន្លេបាសាក់ ខណ្ឌចំកាមន គោលបំណងទៅសណ្ឋាគារសុខា ជ្រោយចង្វារ ទាំងដែលជនជាតិចិនទាំង០៣នាក់នោះ ពុំមានលិខិតអនុញ្ញាត​ ធ្វើដំណើរឡើយ។ក្រោយពេលប្រតិបត្តិការ កម្លាំង​នគរបាលបានបញ្ជូនខ្លួនមនុស្សទាំង០៤នាក់ រួមទាំងរថយន្ត ទៅស្នងការដ្ឋាននគរបាលរាជធានីភ្នំពេញ ដើម្បីសួរនាំ និងចាត់ការតាមនីតិវិធី៕អត្ថបទ ៖ កុម្ភះ

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីអង់គ្លេសថ្មី អនុញ្ញាតឱ្យអាមេរិកប្រើមូលដ្ឋានទ័ពអង់គ្លេសខ្លះ​ សម្រាប់ការវាយប្រហារ លើ​អ៊ីរ៉ង់
07/22/2026 04:07 PM
Facebook Telegram Linkin
បណ្ដាក្រុមហ៊ុនអាម៉េរិកនៃគណៈប្រតិភូ USABC ដែលកំពុងមានវត្តមាននៅកម្ពុជា ប្ដេជ្ញា​បន្តពង្រីក និង​ស្វែងរកនូវឱកាសក្នុងការវិនិយោគថ្មីៗបន្ថែមទៀត
07/22/2026 04:07 PM
Facebook Telegram Linkin
«កិច្ចប្រជុំច្រកចេញ-ចូលតែមួយ» លើកទី៧ ក្នុងឆ្នាំ២០២៦ ត្រូវ​បាន​រៀបចំ​ឡើង​ដើម្បី​ពិនិត្យ​ពិភាក្សា​លើ​សំណើ​សុំចុះប​ញ្ជីគ​ម្រោងវិ​និយោគមានលក្ខណៈសម្បត្តិគ្រប់គ្រាន់ចំនួន ៩គម្រោង
07/22/2026 04:07 PM
Facebook Telegram Linkin
លោក Rubio បញ្ជាក់​ថា អាមេរិកនៅតែមានឆន្ទៈរក​ដំណោះស្រាយ​ តាម​រយៈការ​ចរចា ជុំវិញ​វិបត្តិអ៊ីរ៉ង់
07/22/2026 04:07 PM
Facebook Telegram Linkin
ក្រុមសកម្មជនប៉ះទង្គិចគ្នាជាមួយនគរបាល អំឡុងជំនួបរដ្ឋមន្រ្តីការបរទេសអាស៊ាននៅទីក្រុងម៉ានីល
07/22/2026 04:07 PM
Facebook Telegram Linkin
មេដឹកនាំថ្មីរបស់ក្រុម​ហាម៉ាស ប្រឈមនឹងបញ្ហាគ្រោះថ្នាក់ និងស្មុក​ស្មាញ»
07/22/2026 03:07 PM
Facebook Telegram Linkin
កម្ពុជា-ហ្វីលីពីន រៀបចំវេទិកា​ផ្គូផ្គង​ធុរកិច្ច​ជំរុញ​ការ​នាំ​ចេញ​ផលិត​ផល​កសិកម្ម​កម្ពុជា​ទៅ​កាន់​ទីផ្សារ​ប្រទេស​ហ្វីលីពីន
07/22/2026 03:07 PM
Facebook Telegram Linkin
ក្រសួងធម្មការ និងសាសនា បានបញ្ចប់ការធ្វើជំរឿនមន្ត្រីរាជការជាក់ស្តែង ដោយ​មាន​អ្នក​ចូល​រួម​ជាង ៩០០នាក់
07/22/2026 03:07 PM
Facebook Telegram Linkin
កម្ពុជានឹងលើកយកភាពជោគជ័យនៃថ្នាល «verify.gov.kh» បង្ហាញក្នុងកិច្ចប្រជុំ ACCSM លើកទី២៣ នៅខេត្តសៀមរាប
07/22/2026 03:07 PM
Facebook Telegram Linkin
លោក TRUMP ស្នើឲ្យស៊ីរីដាក់ពង្រាយកងកម្លាំងទៅកាន់លីបង់ ដើម្បីប្រយុទ្ធប្រឆាំងនឹងក្រុមហេសបូឡា
07/22/2026 03:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.