BTV NEWS

គណៈបញ្ជាការឯកភាពរាជធានី ចុះរដ្ឋបាលបង្ក្រាប Online Scams នៅខណ្ឌពោធិ៍សែនជ័យ ឃាត់ជនបរទេស ២០នាក់

ភ្ជុំបិណ្ឌ៣ថ្ងៃ គ្រោះថ្នាក់ចរាចរណ៍សម្លាប់អ្នកដំណើរជាង ២០នាក់ របួសធ្ងន់ស្រាលជាង ១០០នាក់

គិតត្រឹមខែកញ្ញាឆ្នាំ២០២៦នេះ មន្ត្រីនគរបាល ៧៧នាក់ត្រូវវិន័យធ្ងន់ធ្ងរដោយសារ Online Scams ខណៈជនជាតិខ្មែរ និងបរទេសជិត ៥ពាន់ទៀតត្រូវជាប់ឃុំ

សមត្ថកិច្ចឃាត់ខ្លួនជនបរទេស៣នាក់ ក្រោយរកឃើញសារធាតុញៀនប្រភេទកញ្ឆាជាង ១០០ដុំ ពេលត្រៀមចាកចេញពីកម្ពុជាតាមយន្តហោះ

សន្តិសុខ និង សង្គម

ក្នុងខេត្តបាត់ដំបង ជិត១សប្ដាហ៍ ខ្យល់បំផ្លាញផ្ទះសម្បែងជិត៥០ខ្នង និងរន្ទះបាញ់សម្លាប់មនុស្សម្នាក់

បាត់ដំបង ៖ រយៈពេលជិត១សប្ដាហ៍ ដើមខែឧសភា នេះ គ្រោះធម្មជាតិ បង្កឡើងដោយភ្លៀងធ្លាក់លាយឡំខ្យល់កន្ត្រាក់ ធ្វើឲ្យផ្ទះសម្បែងប្រជាពលរដ្ឋ នៅតាមបណ្ដាស្រុកមួយចំនួន ក្នុងខេត្តបាត់ដំបង ជិត៥០ខ្នង បានរងការប៉ះពាល់ ហើយរន្ទះបាញ់សម្លាប់មនុស្សម្នាក់។របាយការណ៍ រដ្ឋបាលខេត្តបាត់ដំបង បានបង្ហាញថា គ្រោះធម្មជាតិភ្លៀងលាយខ្យល់កន្ត្រាក់ បានប៉ះពាល់ផ្ទះពលរដ្ឋ នៅស្រុកភ្នំព្រឹក ស្រុកសំពៅលូន និងស្រុកមោងឫស្សី ដោយផ្ទះខ្លះបានប៉ើងដំបូល និងខ្លះទៀត បានដួលរលំតែម្ដង ។ នៅក្នុងស្រុកភ្នំព្រឹក មនុស្សម្នាក់បានស្លាប់ដោយសាររន្ទះបាញ់។ភ្លៀងធ្លាក់លាយឡំ និងខ្យល់កន្ត្រាក់នេះ កាលពីម្សិលមិញ នៅខេត្តបាត់ដំបង ក៏មានកើតឡើងផងដែរ ប៉ុន្តែមិនទាន់មានការបញ្ជាក់របស់អាជ្ញាធរខេត្តនៅឡើយទេ ដោយមន្ត្រីជំនាញ បានឲ្យដឹងថា កំពុងចុះពិនិត្យ និងស្រង់ស្ថិតិការប៉ះពាល់ នៅតាមស្រុកមួយចំនួន ។បន្ទាប់ពីពលរដ្ឋ បានជួបនូវគ្រោះធម្មជាតិ រដ្ឋបាលខេត្តបាត់ដំបង សាខាកាកបាទក្រហមខេត្ត រួមទាំងអាជ្ញាធរតាមបណ្ដាស្រុក ក៏បានផ្ដល់នូវអំណោយសង្គ្រោះបន្ទាន់ភ្លាមៗជាបន្តបន្ទាប់ ដល់ពលរដ្ឋរងគ្រោះ ហើយនៅដើមឆ្នាំនេះដែរ បញ្ហាខ្យល់កន្ត្រាក់នេះ បានធ្វើឲ្យប៉ះពាល់ផ្ទះរបស់ពលរដ្ឋជាច្រើនរយខ្នង និងមានរន្ទះបាញ់ស្លាប់មនុស្សអស់ជាច្រើននាក់ផងដែរ ។បើតាមការព្យាករណ៍របស់ក្រសួងធនធានទឹក និងឧតុនិយម បានឲ្យដឹងថា ចាប់ពីថ្ងៃទី៥ ដល់ថ្ងៃទី១១ ខែឧសភា នេះ នឹងមានភ្លៀងធ្លាក់ពីកម្រិតខ្សោយទៅច្រើន ដោយក្រសួង បានអំពាវនាវដល់ប្រជាពលរដ្ឋ ឱ្យមានការប្រុងប្រយ័ត្ន ចំពោះបាតុភូតផ្គរ រន្ទះ និងខ្យល់កន្ត្រាក់ ដែលអាចកើតមាន ជាពិសេស តំបន់វាលទំនាបកណ្ដាល ខណៈខេត្តបាត់ដំបង ក៏ស្ថិតនៅតំបន់នេះផងដែរ៕អត្ថបទ៖ បាន សុខរិទ្ធ

ផ្ទះពលរដ្ឋ ៩៦ខ្នងនៅខេត្តកោះកុង រងការខូចខាតដោយសារខ្យល់កន្ត្រាក់ថ្ងៃម្សិលមិញ

កោះកុង៖ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) ឱ្យដឹងថា ផ្ទះសម្បែងពលរដ្ឋចំនួន ៩៦ខ្នងនៅក្នុងខេត្តកោះកុង បានរងការខូចខាតដោយសារខ្យល់កន្ត្រាក់កាលពីថ្ងៃម្សិលមិញនេះ។គ.ជ.គ.ម. បានបញ្ជាក់បែបនេះនៅក្នុងរបាយការណ៍របស់ខ្លួនដែលផ្ញើចេញតាមបណ្ដាញតេឡេក្រាមនៅថ្ងៃនេះ។បើតាម គ.ជ.គ.ម. ខ្យល់កន្ត្រាក់លាយឡំនឹងភ្លៀងធ្លាក់ម្សិលមិញនេះ បានបំផ្លាញផ្ទះសម្បែងពលរដ្ឋចំនួន ៩៦ខ្នង នៅក្នុងក្រុងខេមរភូមិន្ទ ស្រុកមណ្ឌលសីមា ស្រុកបុទុមសាគរ និងស្រុកស្រែអំបិល៕

ពលរដ្ឋបីនាក់រងរបួស ខណៈផ្ទះសម្បែងពលរដ្ឋ ៥៤៧ខ្នងនៅខេត្តស្វាយរៀង រងការខូចខាតដោយសារខ្យល់កន្ត្រាក់ថ្ងៃម្សិលមិញ

ស្វាយរៀង៖ គណៈកម្មាធិការជាតិគ្រប់គ្រងគ្រោះមហន្តរាយ (គ.ជ.គ.ម.) បានឱ្យដឹងថា មនុស្ស ០៣នាក់ បានរងរបួស ហើយផ្ទះសម្បែងពលរដ្ឋដល់ទៅ ៥៤៧ខ្នង នៅក្នុងខេត្តស្វាយរៀង បានរងការខូចខាតដោយសារខ្យល់កន្ត្រាក់លាយឡំនឹងទឹកភ្លៀងកាលពីថ្ងៃម្សិលមិញនេះ។គ.ជ.គ.ម. បានបញ្ជាក់ពីគ្រោះមហន្តរាយធម្មជាតិបែបនេះនៅក្នុងប្រព័ន្ធតេឡេក្រាមរបស់ខ្លួននៅថ្ងៃនេះ។គ.ជ.គ.ម. បញ្ជាក់ថា ខ្យល់កន្ត្រាក់លាយឡំនឹងភ្លៀងធ្លាក់ម្សិលមិញនេះ បានបក់បោកប៉ះឃុំចំនួន ១២ នៃស្រុក-ក្រុងចំនួន ៤នៃខេត្តស្វាយរៀង។គ.ជ.គ.ម. បានឱ្យដឹងទៀតថា គ្រោះថ្នាក់ធម្មជាតិនេះ បានបង្កឱ្យអ្នកភូមិ ០៣នាក់រងរបួស ហើយផ្ទះសម្បែងពលរដ្ឋ ៥៤៧ខ្នងរងការខូចខាត ក្នុងនោះ ៤២ខ្នងខូចខាតធ្ងន់ធ្ងរ ផ្ទះ ៣៦៥ខ្នងរងការខូចខាតមធ្យម និង ១៥០ខ្នងទៀត ខូចខាតកម្រិតស្រាល។បើគ.ជ.គ.ម. លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី និងជារដ្ឋមន្ត្រីក្រសួងទំនាក់ទំនងព្រឹទ្ធសភា-រដ្ឋសភា និងអធិការកិច្ច បានចុះសួរសុខទុក្ខ និងបានផ្ដល់ជំនួយសង្គ្រោះបន្ទាន់ដល់ពលរដ្ឋរងគ្រោះទាំងនោះផងដែរ៕ អត្ថបទ៖ សុធី

អគ្គីភ័យ ឆាបឆេះផ្សារត្រាំកក់ ខូចខាតទ្រព្យសម្បត្តិអស់ជិត៣០ម៉ឺនដុល្លា

តាកែវ ៖ អគ្គីភ័យដែលឆាបឆេះផ្សារត្រាំកក់ ដែលមានទីតាំង នៅក្នុងភូមិត្រពាំងរំពាក់ ឃុំត្រាំកក់ ស្រុកត្រាំកក់ ខេត្តតាកែវ កាលពីយប់ថ្ងៃទី ៥ ខែឧសភានេះ បានបណ្ដាលឲ្យខូចខាតទ្រសម្បសម្បត្តិប្រមាណជិត៣០ម៉ឺនដុល្លារ សហរដ្ឋអាមេរិក។លោក ឈូ សុធា អភិបាលរងខេត្តតាកែវ បានដឹកនាំមន្រ្តីពាក់ព័ន្ធចុះទៅពិនិត្យ និងវាយតម្លៃការខូចខាតដោយសារអគ្គីភ័យនៅផ្សារត្រាំកក់ បានថ្លែងប្រាប់ទូរទស្សន៍ BTV ថា ការឆាបឆេះផ្សារត្រាំកក់នេះ គឺបណ្ដាលមកទុស្សេខ្សែភ្លើងនៅតូបលក់ទូរស័ព្វមួយ ហើយបានរាលដាលឆេះតូបទាំងស្រុង អស់ចំនួន២២តូប និងតូបមួយចំនួនទៀតបានចេះអស់តិចតួច ហើយបើគិតជាទឹកប្រាក់ គឺអស់ប្រមាណ២៨ម៉ឺនដុល្លាអាមេរិក។លោក ឈូ សុធា បានបន្តថា អាជ្ញាធរខេត្តបានជជែកជាមួយអ្នកវិនិយោគផ្សារហើយ ម្ចាស់វិនិយោគបានសន្យាជាមួយអាជ្ញាធខេត្តថា និងជួយកសាងដំបូលផ្សារឡើងវិញ ហើយពេលកំពុងតែធ្វើដំបូល ម្ចាស់ផ្សារ និងរកទីតាំងអោយបងប្អូន អាជីវករលក់ជាបណ្ដោះអាសន្នសិន ។ដោយឡែកចំពោះសំណូមពររបស់បងប្អូនអាជីវករដែលស្នើអោយ អាជ្ញាធរជួយសាងសង់តូបអោយឡើងវិញ លោកនឹងយកបញ្ហានេះ ទៅជំរាបលោកអភិបាលខេត្ត ដើម្បីដោះស្រាយសំណូមពរនេះ។លោក ឃឹម ណុប អាជីវករដែលរងគ្រោះ ដោយភ្លើងឆេះតូប បានស្នើឲ្យរដ្ឋបាលខេត្តតាកែវ ជាពិសេសរាជរដ្ឋាភិបាល សូមជួយសាងសង់ដំបូលតូបដូចដើមនិងសូមជួយផ្ដល់ជាទុនដល់បងប្អូនអាជីវករមួយចំនួន ដើម្បីធ្វើជាដើមទុនរកស៊ីឡើងវិញ៕ ដោយ៖គុជ វិភាគ

រដ្ឋបាលខេត្តក្រចេះ សម្រេចបិទការចេញ-ចូលទីតាំងមួយចំនួន នៅក្នុងក្រុងក្រចេះ ក្រោយរកឃើញអ្នកវិជ្ជមានកូវីដ១៩ថ្មីម្នាក់ទៀត

ក្រចេះ ៖ រដ្ឋបាលខេត្តក្រចេះ នៅព្រឹកថ្ងៃទី០៦ ខែឧសភានេះ បានចេញសេចក្ដី សម្រេចបិទការចេញ-ចូលជាបណ្ដោះអាសន្ននូវទីតាំង បន្ទប់ពិគ្រោះព្យាបាលជំងឺ ទាវ ប៊ូ, ឱសថស្ថានរង សុខ ខេង, ហាងលីកាម៉ាត ២៥០០ និងហាងមីហិរសេអ៊ូល ៧កំរិត ស្ថិតនៅសង្កាត់ក្រចេះ និងសង្កាត់អូរឫស្សី ក្រុងក្រចេះ។ក្នុងសេចក្ដីសម្រេចរបស់ឯកឧត្តម វ៉ា ថន អភិបាលខេត្តក្រចេះ បានបញ្ជាក់ថា មូលហេតុដែលរដ្ឋបាលខេត្ត សម្រេចបិទការចេញចូលទីតាំងខាងលើនេះ ដោយសារពាក់ព័ន្ធជាមួយអ្នកជំងឺកូវីដ១៩ម្នាក់ កាលពីថ្ងៃទី២៩ ខែមេសា ឆ្នាំ២០២១ និងដើម្បីទប់ស្កាត់ការឆ្លងរាលដាល នៃជំងឺកូវីដ១៩។ពាក់ព័ន្ធជុំវិញការចេញសេចក្តីប្រកាសបិទ ទីតាំងមួយចំនួនខាងលើ គឺធ្វើឡើងបន្ទាប់ពី រដ្ឋបាលខេត្តក្រចេះ បានប្រកាសព័ត៌មានស្តីពីការរកឃើញអ្នកជំងឺកូវីដ១៩ ម្នាក់ទៀត។ អ្នកវិជ្ជមានជំងឺកូវីដ១៩រូបនេះ មានឈ្មោះ ប៉ូវ សុនិកា ភេទស្រី អាយុ ២៣ឆ្នាំ មានស្រុកកំណើតនៅភូមិអូរត្រូន ឃុំក្បាលដំរី ស្រុកសំបូរ។ក្នុងសេចក្តីប្រកាសព័ត៌មាននៅថ្ងៃទី០៥ ខែឧសភា ឆ្នាំ២០២១នេះ រដ្ឋបាលខេត្តក្រចេះ បានគូសបញ្ជាក់ថា ស្ត្រីកើតជំងឺកូវីដ១៩ម្នាក់នេះ បានធ្វើដំណើរតាមរថយន្តជាមួយឈ្មោះ តាំន វេងម៉េង មកពីភូមិប៉ឹស ឃុំប៉ឹស ស្រុកក្រូចឆ្មារ ខេត្តត្បូងឃ្មុំ ។ រដ្ឋបាលខេត្ត បានឱ្យដឹងដែថា នៅថ្ងៃទី៣០ ខែមេសា ឆ្នាំ២០២១ បន្ទាប់ពីទទួលបានព័ត៌មានឈ្មោះ តាំន វេងម៉េង មានផ្ទុកវីរុសកូវីដ១៩នោះ មន្ត្រីជំនាញសុខាភិបាល និងអាជ្ញាធរមូលដ្ឋាន បានបញ្ចូនឈ្មោះ ប៉ូវ សុនិកា មកធ្វើចត្តាឡីស័កនៅមន្ទីរពេទ្យបង្អែកខេត្តក្រចេះ ដោយបានយកសំណាកតេស្តរកមេរោគកូវីដ-១៩។ ជាលទ្ធផលឈ្មោះ ប៉ូវ សុនិកា គឺមានផ្ទុកជំងឺកូវីដ-១៩។ បច្ចុប្បន្នឈ្មោះ ប៉ូវ សុនិតា ត្រូវបានក្រុមគ្រូពេទ្យដាក់សម្រាកព្យាបាលនៅមន្ទីរ ពេទ្យបង្អែកខេត្ត។ រដ្ឋបាលខេត្ត ទទូចដល់សាធារណជន និងប្រជាពលរដ្ឋ ដែលបានពាក់ព័ន្ធដោយផ្ទាល់ សូមរួសរាន់មកជួបក្រុមគ្រូពេទ្យយកសំណាកពិនិត្យ និងធ្វើចត្តាឡីស័ក ។ ដោយឡែក អ្នកពាក់ព័ន្ធដោយប្រយោលជាមួយអ្នកវិជ្ជមានជំងឺកូវីដ-១៩ ខាងលើ សូមរួសរាន់ធ្វើ ចត្តាឡីស័កតាមផ្ទះក្នុងក្រុមគ្រួសាររៀងៗខ្លួន ដោយមិនត្រូវពាក់ព័ន្ធ និងប៉ះពាល់ជាមួយ អ្នកដទៃជាដាច់ខាត។ ករណីបងប្អូនប្រជាពលរដ្ឋ មានរោគសញ្ញា ផ្តាសាយ ក្អក ហៀសំបោរ ឈឺបំពង់ករ និងថប់ដង្ហើម ឬរោគសញ្ញាផ្សេងៗ សូមទៅមន្ទីរពេទ្យ ឬមណ្ឌលសុខភាព ដែលស្ថិតនៅកន្លែងបងប្អូនរស់នៅ និងរាយការណ៍ទៅអាជ្ញាធរមូលដ្ឋានជាបន្ទាន់។សូមបញ្ជាក់ថា ករណីវិជ្ជមានកូវីដ១៩ថ្មីនេះ គឺជាករណីទី៤ហើយសម្រាប់ខេត្តក្រចេះ ក្នុងព្រឹត្តិការណ៍សហគមន៍២០កុម្ភៈ។ អ្នកកើតជំងឺកូវីដ១៩ ចំនួន ៣នាក់នាពេលកន្លងទៅ បានព្យាបាលជាសះស្បើយ៕ ដោយ សេង ម័រ

មនុស្ស៤នាក់ទៀតបានស្លាប់ ដោយជំងឺកូវីដ-១៩ ហើយមនុស្ស៦៥០នាក់ទៀតរកឃើញឆ្លងមេរោគនេះ

ភ្នំពេញ ៖ ក្រសួងសុខាភិបាល បានប្រកាសនៅថ្ងៃនេះ មនុស្ស ៤នាក់ទៀត បានស្លាប់ដោយសារជំងឺកូវីដ-១៩ ខណៈមនុស្ស ៦៥០នាក់ទៀត ត្រូវបានរកឃើញឆ្លងមេរោគកូវីដ-១៩។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ករណីឆ្លងថ្មីទាំងអស់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ។ក្រសួងសុខាភិបាលឱ្យដឹងទៀតថា អ្នកជំងឺកូវីដ-១៩ចំនួន ៧៣៩នាក់ទៀត បានជាសះស្បើយពីជំងឺ ហើយត្រូវបានអនុញ្ញាតឱ្យចាកចេញពីមណ្ឌលព្យាបាល ដែលនាំឱ្យតួលេខអ្នកជាសះស្បើយឡើងដល់ ៦ ៨៤៣នាក់។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១៧ ៦២១នាក់ហើយបានឆ្លងមេរោគកូវីដ-១៩នៅទូទាំងប្រទេសចាប់តាំងពីប្រទេសនេះរកឃើញករណីឆ្លងដំបូងកាលពីចុងខែមករាឆ្នាំ២០២០មក៕

បាក់ដើមឈើ រលំតង់លក់អាហារ និងដាច់ចរន្តអគ្គិសនី នៅក្រុងខេមរភូមិន្ទ

កោះកុង៖ តាមការព្យាករណ៍របស់ក្រសួងធនធានទឹក និងឧតុនិយម ខេត្តកោះកុង បានរងសម្ពាធ ផលប៉ះពាល់ខ្លាំងគួរសម ក្រោមឥទ្ធិពលព្យុះភ្លៀង និងផ្គររន្ទះ កាលពីយប់ថ្ងៃទី៥ ខែឧសភា។លោក ឈេង សុវណ្ណ អភិបាលក្រុងខេរមភូមិន្ទ បានផ្តល់ព័ត៌មានបឋមនៅព្រឹកថ្ងៃទី៦ ឧភា នេះថា មានដើមឈើតូចធំមិនក្រោម៦ដើមបានបាក់ដួលរលំ និងរលំតង់លក់អាហារជាច្រើនកន្លែង នៅតាមសួនច្បាររងផលប៉ះពាល់ ព្រោះតែមិនអាចទ្រាំទ្របាននូវអំណាចគ្រោះថ្នាក់ធម្មជាតិ។ ចរន្តអគ្គិសនីបានដាច់ សម្រាប់ការផ្គត់ផ្គង់ពេញមួយយប់ ប៉ុន្តែមានភ្លើងដំណើរការឡើងវិញហើយ។លោកអភិបាលក្រុងខេមរភូមិន្ទ ក៏ចាត់ឱ្យមន្រ្តី និងអាជ្ញាធរមូលដ្ឋាន ចុះកាប់សម្អាតដើមឈើដែលដួលរលំជាបន្តបន្ទាប់ហើយ ព្រមទាំងរង់ចាំរបាយការណ៍ពីមេភូមិសង្កាត់ ករណីមានលំនៅដ្ឋានពលរដ្ឋរងគ្រោះ ដើម្បីផ្តល់នូវសម្ភារៈស្បៀងអាហារដោះស្រាយជីវភាព។ លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្ត បានឱ្យដឹងដែរថា ដើមស្រល់ធំមួយដើម ដែលដួលរលំមុខមន្ទីរពេទ្យ បង្កឱ្យបាក់របង និងរថយន្តបន្តិចប៉ុណ្ណោះ ពោលគឺមិនមានមនុស្សណាម្នាក់ស្លាប់ ឬ រងរបួសឡើយ។លោកប្រធានមន្ទីរពេទ្យ បន្ថែមថា កាលពីម៉ោង១១ យប់ថ្ងៃទី៥ ឧសភា ក្រុមសន្តិសុខមើលឃើញពីអាកាសធាតុមិនស្រួល ក៏នាំគ្នាដឹកជម្លៀសរថយន្ត ម៉ូតូ ឬសម្ភារៈសំខាន់ចេញពីទីតាំងដែលប្រឈម នឹងបាក់បែកធ្លាក់លើ ត្រៀមបង្ការគ្រោះថ្នាក់ជាយថាហេតុ។ នេះគ្រាន់តែផលប៉ះពាល់ដោយសារព្យុះភ្លៀងនៅក្នុងក្រុងខេមរភូមិន្ទប៉ុណ្ណោះទេ គិតមកទល់ម៉ោងនេះ មិនទាន់បូកសរុបពីគ្រោះធម្មជាតិនៅតាមបណ្តាឃុំស្រុកដ៏ទៃទៀតឡើយ ព្រោះអាជ្ញាធរខេត្តកំពុងណែនាំដល់អាជ្ញាធរស្រង់តួទិន្នន័យបញ្ចូនមកខេត្ត៕អត្តបទ ៖ ឈឹម មករា

នគរបាលបាត់ដំបង បង្ក្រាបករណីជួញដូរគ្រឿងញៀនទម្ងន់ ៣១៣២,២០ក្រាម និងឃាត់មនុស្ស ២នាក់

បាត់ដំបង៖ កម្លាំងនគរបាលខេត្តបាត់ដំបង បានបង្ក្រាបបទល្មើសជួញដូរគ្រឿងញៀន ១ករណី ដោយរឹបអូសបានគ្រឿងញៀនចំនួន ៣១៣២,២០ក្រាម នៅចំណុចក្រុមទី៤ ភូមិស្រះទឹកថ្មី ឃុំតាក្រី ស្រុកកំរៀង និងឃាត់ខ្លួនជនសង្ស័យ បានចំនួន ២នាក់ ។សមត្ថកិច្ច បានឲ្យដឹងថា ប្រតិបត្តិការណ៍បង្ក្រាបនេះ ធ្វើឡើងកាលពីរសៀលថ្ងៃទី៥ ខែឧសភា ឆ្នាំ២០២១ ជនសង្ស័យត្រូវបានឃាត់ខ្លួននោះ ទី១. ឈ្មោះ ឡេង សម្បត្តិ ហៅវេង ខ្លី ភេទប្រុសអាយុ៣៧ឆ្នាំ មានទីលំនៅភូមិស្វាយធំ ឃុំបឹងរាំង ស្រុកកំរៀង និងទី២. ឈ្មោះ គយ រដ្ឋា ហៅ ពយ ភេទប្រុស អាយុ៣១ឆ្នាំ មានទីលំនៅភូមិដូង ឃុំបឹងរាំង ។សមត្ថកិច្ចបន្តថា វត្ថុតាងដកហូត រួមមានថ្នាំញៀនប្រភេទមេតំហ្វេតាមីន ម៉ាទឹកកក ICE ចំនួន ៣កញ្ចប់ ទម្ងន់ ២៩៨៩,៣៤ក្រាម (ថ្នាំសុទ្ធ), ថ្នាំញៀនប្រភេទមេតំហ្វេតាមីនយ៉ាម៉ា WY ចំនួន១ ០០៦ក្រាប់ ទម្ងន់៨៧,៣២ក្រាម, ថ្នាំញៀនប្រភេទអ៊ិចស្តាស៊ី MDMA ចំនួន១៤៩ គ្រាប់ មានទម្ងន់៥១,៦២ក្រាម, ថ្នាំញៀនប្រភេទកេតាមីន KETTAMIN ចំនួន២០គ្រាប់ ទម្ងន់៣,៩២ក្រាម និងរថយន្ត ១គ្រឿង ម៉ាកបាឡែន ពណ៌ស្ករ សេរីឆ្នាំ២០០២ ពាក់ស្លាកលេខ បាត់ដំបង 2A- 8837 ។ ក្នុងករណីនេះបង្រ្កាបបានថ្នាំញៀនទម្ងន់សរុបចំនួន ៣១៣២,២០ក្រាម (ថ្នាំសុទ្ធ) ។បច្ចុប្បន្នសមត្ថកិច្ចនគរបាល កំពុងធ្វើការស្រាវជ្រាវ និងរៀបចំបញ្ជូនជនសង្ស័យ និងភស្តុតាងទៅសាលាដំបូងខេត្តបាត់ដំបង ដើម្បីចាត់វិធានការតាមផ្លូវច្បាប់៕អត្ថបទ ៖ សុខរិទ្ធ

អ្នកជំងឺកូវីដ១៩ ចំនួន២៧៥នាក់ នៅស្វាយរៀង បានជាសះស្បើយ និងបញ្ចប់ការព្យាបាល

ស្វាយរៀង ៖ ពលរដ្ឋខ្មែរ និងជនបរទេស ចំនួន២៧៥នាក់ ដែលកើតជំងឺកូវីដ-១៩ ឆ្លងក្នុងព្រឹត្តិការណ៍សហគមន៍ ២០កុម្ភៈ នៅខេត្តស្វាយរៀង បានជាសះស្បើយ និងបន្តឱ្យធ្វើចត្តាឡីស័ក រយៈពេល១៤ថ្ងៃទៀត មុនពេលអនុញ្ញាតឱ្យពួកគេទៅជួបជុំគ្រួសារ ។ក្នុងនោះ ពលរដ្ឋខ្មែរ និងជនបរទេស ចំនួន៣៥នាក់ផ្សេងទៀត នៅបន្តសម្រាកព្យាបាល។លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀង នៅថ្ងៃទី៥ ខែឧសភា នេះ បានប្រាប់BTVថា គិតត្រឹមថ្ងៃទី៣ ខែឧសភា នេះ នៅក្នុងព្រឹត្តិការណ៍សហគមន៍ ២០ កុម្ភៈ នៅស្វាយរៀង ក៏ដូចខេត្តមួយចំនួន ពលរដ្ឋខ្មែរ និងជនបរទេស បានកើតជំងឺកូវីដ១៩ តាមរយៈការចម្លងបន្ត និងផ្ទាល់ ចំនួន៣១៥នាក់ ក្នុងនោះ អ្នកជំងឺជាជនជាតិខ្មែរ ចំនួន៣០១នាក់ ជនជាតិវៀតណាម ៩នាក់ ចិន៤ នាក់និងជនជាតិឥណ្ឌូស៊ី ១នាក់។តាមរបាយការណ៍វឌ្ឍនភាព របស់គណៈកម្មការទប់ស្កាត់ជំងឺកូវីដ១៩ខេត្ត ស្តីពីការងារទប់ស្កាត់ជំងឺ បញ្ចៀសចម្លងចូលសហគមន៍ តាមរយៈការបិទទីតាំងប្រកបរបរ ផ្ទះសំណាក់ ទីផ្សារ ក្លឹបកម្សាន្ត តំបន់សេដ្ឋកិច្ចពិសេសមួយចំនួន នៅក្នុងក្រុងបាវិត ក្រុងស្វាយរៀង និងទីប្រជុំជនស្រុកមួយចំនួន មួយរយៈចុងក្រោយនេះ សន្ទុះនៃជំងឺកូវីដ១៩ នៅស្វាយរៀង បានចាប់ផ្តើមបន្ថយឥទ្ធិពល ពីការរីករាលដាលជាបន្តបន្ទាប់ ខណៈដែលរដ្ឋបាលខេត្ត បានអនុវត្តវិធានការ ៣ការពារ និង ៣កុំ ពិសេស ការរឹតបន្តឹងការធ្វើដំណើរឆ្លងកាត់ពីខេត្តមួយទៅខេត្តមួយ និងការការទប់ស្កាត់ការលួចឆ្លងដែន រវាងកម្ពុជា និងវៀតណាមផងដែរ៕អត្ថបទ៖ ភា សារិត

អាជ្ញាធរខេត្តសៀមរាប សម្រេចបិទខ្ទប់ផ្សារចាស់ និងហាងថតរូបល្អពេញចិត្ត ជាបណ្តោះអាសន្ន ខណៈមានអ្នកជាប់ពាក់ព័ន្ធវិជ្ជមានកូវីដ១៩

សៀមរាប ៖ នៅព្រឹកថ្ងៃទី០៥ ខែឧសភាឆ្នាំ២០២១នេះ រដ្ឋបាលខេត្តសៀមរាប បានដឹកនាំសមត្ថកិច្ចចុះទៅបិទផ្សារចាស់ និងហាងថតរូប និងផ្តិតរូប មានយីហោ ល្អពេញចិត្ត ស្ថិតនៅផ្លូវស៊ីវុត្ថា ក្នុងសង្កាត់ស្វាយដង្គំ ក្រុងសៀមរាប ខេត្តសៀមរាប ជាបណ្តោះអាសន្ន ខណៈដែលរកឃើញអ្នកឆ្លងជំងឺកូវីដ១៩នៅទីនោះ។លោក ពិន ប្រាកដ អភិបាលរងខេត្ដសៀមរាប បានមានប្រសាសន៍ថា ការសម្រេចបិទខ្ទប់ទីតាំងទាំងពីរនេះ ជាបណ្តោះអាសន្ន ក្រោពេលមន្រ្តីជំនាញរកឃើញថា អ្នកវិជ្ជមានកូវីដ១៩ ជាប់ពាក់ព័ន្ធទៅទីតាំងទាំង២នេះ។លោក បានបន្ដថា នៅថ្ងៃទី០៤ ខែឧសភា ឆ្នាំ២០២១ រដ្ឋបាលខេត្ត បានរកឃើញអ្នកវិជ្ជមានជំងឺកូវីដ-១៩ ថ្មី ចំនួន៤នាក់ និងបានកំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប។ក្នុងចំណោមអ្នកវិជ្ជមានជំងឺកូវីដ-១៩ ទាំង៤នាក់ នោះ មានអ្នកជំងឺម្នាក់ឈ្មោះ ហឿល សុភាព ភេទប្រុស អាយុ៤០ឆ្នាំ មានអាសយដ្ឋាននៅភូមិស្វាយដង្គំ សង្កាត់ស្វាយដង្គំ ក្រុងសៀមរាប ជាអ្នកលក់ថង់ប្លាស្ទិច និងទំនិញ នៅតូបលេខ២០ ផ្សារចាស់ ស្ថិតនៅភូមិមណ្ឌល១ សង្កាត់ស្វាយដង្គំ និងបានទៅថតចម្លងឯកសារនៅហាងថតរូប ល្អពេញចិត្ត ខាងត្បូងស្តុបសុខា ផ្លូវស៊ីវត្ថា ភូមិមណ្ឌល២ សង្កាត់ស្វាយដង្គំ ក្រុងសៀមរាប ថ្ងៃទី០២ ខែឧសភា ឆ្នាំ២០២១។ចំពោះករណីនេះ គណៈបញ្ជាការឯកភាពរដ្ឋបាលខេត្ត សម្រេចបិទខ្ទប់ការចេញ-ចូលជាបណ្ដោះ-អាសន្ន ក្នុងបរិវេណផ្សារចាស់ ដែលស្ថិតនៅភូមិមណ្ឌល១ សង្កាត់ស្វាយដង្គំ និងហាងថតរូប ល្អពេញចិត្ត ខាងត្បូងស្តុបសុខា ស្ថិតនៅភូមិមណ្ឌល២ សង្កាត់ស្វាយដង្គំ ក្រុងសៀមរាប ចាប់ពីកាលបរិច្ឆេទជូនដំណឹងនេះតទៅ រហូតដល់មានការជូនដំណឹងជាថ្មីឡើងវិញ។រដ្ឋបាលខេត្ដសៀមរាប ក៏បានអំពាវនាវឱ្យប្រជាពលរដ្ឋបង្កើនការប្រុងប្រយ័ត្នខ្ពស់ និងចូលរួមអនុវត្តវិធានការការពារ ៣ការពារ ៣កុំ ព្រមទាំងត្រូវអនុវត្តកាតព្វកិច្ចពាក់ម៉ាស រក្សាគម្លាតសុវត្ថិភាព ជាចំបងផងដែរ ពិសេសត្រូវអនុវត្តវិធានការរដ្ឋបាល និងវិធានការចត្តាឡីស័កចំពោះបុគ្គលពាក់ព័ន្ធដោយផ្ទាល់និងប្រយោល។ បុគ្គលទាំងឡាយណាដែលប្រព្រឹត្តល្មើសនឹងវិធានការនេះ នឹងប្រឈមការពិន័យអន្តការណ៍ ឬផ្តន្ទាទោសតាមច្បាប់ និងលិខិតបទដ្ឋានគតិយុត្តជាធរមាន។តាមការកត់សំគាល់ មួយរយៈចុងក្រោយនេះ គេសង្កេតឃើញមានការរីករាលជំងឺកូវីដ១៩ ចូលក្នុងសហគមន៍ខេត្ដសៀមរាប គួរឱ្យកត់សំគាល់ ដែលធ្វើអាជ្ញាធរខេត្តសៀមរាប បង្ហាញពីការព្រួយបារម្ភរបស់ខ្លួន ចំពោះវិបត្តិនៃការឆ្លងរាលដាលជម្ងឺកូវីដ-១៩ ក្នុងសហគមន៍នេះផងដែរ។បើតាមលោក នាក់ ណេរ៉ុន អភិបាលរងខេត្តសៀមរាប បានឲ្យដឹងនៅក្នុងកិច្ចប្រជុំ កាលពីរសៀលថ្ងៃទី០៣ខែឧសភានេះថា រយៈពេលប៉ុន្មានថ្ងៃចុងក្រោយនេះ ជម្ងឺកូវីដ-១៩ត្រូវបានចម្លងចូលមកពីខេត្តខាងក្រៅចូលមកក្នុងខេត្តសៀមរាប មានចំនួនកើនឡើងយ៉ាងឆាប់រហ័ស ដែលក្នុងនោះប្រមាណជា៤០% នាំចម្លងមកពីខេត្តព្រះសីហនុ ដែលក្នុងនោះជាការកត់សម្គាល់ផងដែរ គឺជាការវិលត្រប់ចូលស្រុកវិញ នៃប្រជាពលរដ្ឋខេត្តសៀមរាប ដែលកន្លងមកបានចេញទៅប្រកបមុខរបរ ឬទៅធ្វើការងារនៅខេត្តផ្សេងៗនោះ។សូមបញ្ជាក់ថា គិតត្រឹមព្រឹកថ្ងៃទី០៥ ខែឧសភាឆ្នាំ២០២១ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន៥១នាក់ បានព្យាបាលជាសះ-ស្បើយចំនួន១៦នាក់ ស្លាប់១នាក់ និង៣៤នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប៕អត្ថបទ ៖ សាវី

បណ្ដាញសង្គម

ព័ត៌មានថ្មីៗ

គណៈគ្រូពេទ្យជាតិជំរុញឱ្យសមាគមពង្រីកកិច្ចសហការ ដើម្បីទទួលយកបច្ចេកវិទ្យាវេជ្ជសាស្ត ដែលមានប្រសិទ្ធភាព

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញក្នុងពិធីសច្ចាបញ្ចូលសមាជិកថ្មី នៃសមាគមកាយឫទ្ធិនារីកម្ពុជា នៅខេត្តកំពង់ធំ

ឯកឧត្តម ហ៊ុន ម៉ានី បានផ្តល់ការពិនិត្យភ្នែក និងវ៉ែនតា ជូនមន្ត្រីរាជការកងកម្លាំង ក្នុងស្រុកបសេដ្ឋ ខេត្តកំពង់ស្ពឺ

បង្ក្រាបទីតាំងត្រៀមប្រព្រឹត្តបទល្មើស Online Scams នៅក្រុងប៉ោយប៉ែត៖ ឃាត់មនុស្ស១៣៩នាក់ និងដកហូតសម្ភារជាច្រើន

Online Scams ៖ មុខសញ្ញាមេក្លោង និងអ្នកពាក់ព័ន្ធ ៦ពាន់នាក់ ត្រូវបានតុលាការចោទប្រកាន់ និងឃុំខ្លួន

ពិព័រណ៍កាហ្វេ២៦ រៀបចំឡើងដើម្បីលើកកម្ពស់ពាណិជ្ជកម្ម និងកៀរគរទុនវិនិយោគថ្មីៗក្នុងវិស័យកសិ-ស្បៀងអាហារ

សាខាកាកបាទក្រហមកម្ពុជាខេត្តកណ្ដាល នាំយកអំណោយមនុស្សធម៌ចែកជូនប្រជាពលរដ្ឋ ១៨៦គ្រួសារ ដែលបានរងផលប៉ះពាល់ដោយជំនន់ទឹកភ្លៀង

អភិបាលខេត្តកណ្តាល ចុះពិនិត្យស្ថានភាពជំនន់ទឹកភ្លៀង និងជំរុញការរំដោះទឹក នៅស្រុកពញាឮ

ទីភ្នាក់ងារUN៖ ថាមពលនុយក្លេអ៊ែរអាចកើនឡើងជាងបីដង នៅត្រឹមឆ្នាំ ២០៦០

UN៖ កម្ពុជាជាប្រទេសគំរូឆ្នើមនៃស្មារតីពហុភាគីនិយម និងការកសាងសន្ដិភាពពិភពលោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ក្នុងខេត្តបាត់ដំបង ជិត១សប្ដាហ៍ ខ្យល់បំផ្លាញផ្ទះសម្បែងជិត៥០ខ្នង និងរន្ទះបាញ់សម្លាប់មនុស្សម្នាក់

ផ្ទះពលរដ្ឋ ៩៦ខ្នងនៅខេត្តកោះកុង រងការខូចខាតដោយសារខ្យល់កន្ត្រាក់ថ្ងៃម្សិលមិញ

អគ្គីភ័យ ឆាបឆេះផ្សារត្រាំកក់ ខូចខាតទ្រព្យសម្បត្តិអស់ជិត៣០ម៉ឺនដុល្លា

មនុស្ស៤នាក់ទៀតបានស្លាប់ ដោយជំងឺកូវីដ-១៩ ហើយមនុស្ស៦៥០នាក់ទៀតរកឃើញឆ្លងមេរោគនេះ

បាក់ដើមឈើ រលំតង់លក់អាហារ និងដាច់ចរន្តអគ្គិសនី នៅក្រុងខេមរភូមិន្ទ

នគរបាលបាត់ដំបង បង្ក្រាបករណីជួញដូរគ្រឿងញៀនទម្ងន់ ៣១៣២,២០ក្រាម និងឃាត់មនុស្ស ២នាក់

អ្នកជំងឺកូវីដ១៩ ចំនួន២៧៥នាក់ នៅស្វាយរៀង បានជាសះស្បើយ និងបញ្ចប់ការព្យាបាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

ផ្ទះ​ពលរដ្ឋ ៩៦​ខ្នង​នៅ​ខេត្ត​កោះកុង រង​ការខូចខាត​ដោយសារ​ខ្យល់​កន្ត្រាក់​ថ្ងៃ​ម្សិលមិញ​

អគ្គីភ័យ ឆាបឆេះផ្សារត្រាំកក់ ខូចខាតទ្រព្យសម្បត្តិអស់ជិត៣០ម៉ឺនដុល្លា

មនុស្ស​៤​នាក់​ទៀត​បាន​ស្លាប់​ ដោយ​ជំងឺ​កូវីដ-១៩ ហើយ​មនុស្ស​៦៥០​នាក់​ទៀត​រក​ឃើញ​ឆ្លង​មេរោគ​នេះ

បាក់ដើមឈើ រលំតង់លក់អាហារ ​និងដាច់ចរន្តអគ្គិសនី នៅក្រុងខេមរភូមិន្ទ

នគរបាលបាត់ដំបង បង្ក្រាបករណីជួញដូរគ្រឿងញៀនទម្ងន់ ៣១៣២,២០ក្រាម និង​ឃាត់មនុស្ស ២នាក់

អ្នកជំងឺកូវីដ១៩ ចំនួន២៧៥នាក់ នៅស្វាយរៀង បានជាសះស្បើយ និងបញ្ចប់​ការព្យាបាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ផ្ទះពលរដ្ឋ ៩៦ខ្នងនៅខេត្តកោះកុង រងការខូចខាតដោយសារខ្យល់កន្ត្រាក់ថ្ងៃម្សិលមិញ

មនុស្ស៤នាក់ទៀតបានស្លាប់ ដោយជំងឺកូវីដ-១៩ ហើយមនុស្ស៦៥០នាក់ទៀតរកឃើញឆ្លងមេរោគនេះ

បាក់ដើមឈើ រលំតង់លក់អាហារ និងដាច់ចរន្តអគ្គិសនី នៅក្រុងខេមរភូមិន្ទ

នគរបាលបាត់ដំបង បង្ក្រាបករណីជួញដូរគ្រឿងញៀនទម្ងន់ ៣១៣២,២០ក្រាម និងឃាត់មនុស្ស ២នាក់

អ្នកជំងឺកូវីដ១៩ ចំនួន២៧៥នាក់ នៅស្វាយរៀង បានជាសះស្បើយ និងបញ្ចប់ការព្យាបាល