BTV NEWS

នៅឆ្នាំ២០២៥ មន្ទីរប្រឆាំងបទល្មើសគ្រឿងញៀនបង្ក្រាបបទល្មើសគ្រឿងញៀនជាង ៩ពាន់ករណី ឃាត់ខ្លួនជនសង្ស័យជាង ២ម៉ឺននាក់ និងចាប់យកសារធាតុញៀនជាង ៧តោន

រដ្ឋបាលរាជធានីភ្នំពេញ បង្ក្រាបទីតាំងហ្គេមអនឡាញខុសច្បាប់ក្នុងខណ្ឌចំការមនឃាត់ខ្លួនជនជាតិឥណ្ឌូណេស៊ី ២៤នាក់

សមត្ថកិច្ចចម្រុះបង្ក្រាបករណីបង្ខាំងមនុស្ស និងឆែកឆេរទីតាំងសង្ស័យ Online Scam សង្គ្រោះជនរងគ្រោះម្នាក់ និងឃាត់ខ្លួនជនសង្ស័យជាជនជាតិបង់ក្លាដេសដូចគ្នាចំនួន២នាក់នៅខណ្ឌសែនសុខ

ជនជាតិចិន ៣២៣នាក់ទៀត ត្រូវបានបណ្ដេញចេញពីកម្ពុជា ពាក់ព័ន្ធករណីឆបោកតាមប្រព័ន្ធអនឡាញ (Online Scams)

សន្តិសុខ និង សង្គម

ប្រជាជនហៃទី លក់ប្រេងឥន្ធនៈឡើងវិញដើម្បីចិញ្ចឹមជីវិត ខណៈរងភាពក្រីក្រ និងអំពើហិង្សា

ប្រជាជនហៃទី កំពុងងាកទៅរកការលក់ប្រេងឥន្ធនៈឡើងវិញ ជាមធ្យោបាយមួយដើម្បីដោះស្រាយជីវភាពរស់នៅ ដោយសារតែការកើនឡើងនៃឧក្រិដ្ឋកម្មនិងភាពក្រីក្រ បានធ្វើឲ្យប៉ះពាល់ដល់គ្រួសារ។ នៅទីក្រុង Cap-Haitien ស្ថានីយ៍ប្រេងនានា បានរឹតបន្តឹងម៉ោងធ្វើប្រតិបត្តិការរបស់ពួកគេ ហើយការខ្វះប្រេងឥន្ធនៈនៅក្នុងផ្នែកមួយចំនួនរបស់ប្រទេស ត្រូវបានគេរាយការណ៍។ អ្នកលក់ប្រេងរាយ បានបន្តលក់ប្រេងរបស់ខ្លួននៅតាមដងផ្លូវ ទៅឲ្យពលរដ្ឋដែលត្រូវការប្រើប្រាស់។លោក Sean James ធ្លាប់លក់គ្រឿងបន្លាស់ទូរសព្ទដៃ ប៉ុន្តែបានងាកទៅលក់ប្រេងវិញ នៅពេលដែលមានការខ្វះខាតខ្លាំង។ ប្រទេសហៃទី បានជួបប្រទះការកើនឡើងអំពើហិង្សាពីក្រុមជនអន្ធពាលចាប់តាំងពីខែកុម្ភៈ។ រដ្ឋធានីព័រអូប្រាំង(Port-au-Prince) ត្រូវបានកាត់ផ្តាច់ចេញពីផ្លូវសមុទ្រ និងផ្លូវអាកាស ខណៈសម្ព័ន្ធមិត្តរបស់ក្រុមជនអន្ធពាល ប្រដាប់ដោយអាវុធយ៉ាងច្រើន ត្រូវបានជួញដូរពីសហរដ្ឋអាមេរិក ដែលបានពង្រឹងការគ្រប់គ្រងរបស់ពួកគេ។ទិន្នន័យថ្មីៗពីការិយាល័យសមាហរណកម្មអង្គការសហប្រជាជាតិនៅប្រទេសហៃទី បង្ហាញថា មនុស្សជាង ២.៥០០នាក់ ត្រូវបានសម្លាប់ ឬរងរបួស ចាប់ពីខែមករា ដល់ខែមីនា ដែលកើនឡើង ៥៣ភាគរយ ពីរយៈពេលបីខែចុងក្រោយនៃឆ្នាំ២០២៣។ស្ថានភាពសន្តិសុខ បានជម្លៀសមនុស្សរាប់ពាន់នាក់ និងបង្កឱ្យមានភាពអត់ឃ្លានដ៏គ្រោះមហន្តរាយផងដែរ។

នគរបាល បោសសម្អាតការតវ៉ាគាំទ្រប៉ាឡេស្ទីននៅសកលវិទ្យាល័យ Sorbonne ប្រទេសបារាំង

ក្រុមនិស្សិត បាននិយាយថា នគរបាលបានមានចំណាត់ការបោសសម្អាតក្រុមបាតុកររាប់សិបនាក់ ដែលបានមកបោះតង់នៅក្នុងទីធ្លាសកលវិទ្យាល័យ សបុន(Sorbonne) ក្នុងទីក្រុងប៉ារីស កាលពីថ្ងៃចន្ទ ក្នុងការតវ៉ាប្រឆាំងសង្គ្រាមនៅតំបន់ហ្កាហ្សា។បាតុកម្មនេះ បានធ្វើឡើងរយៈពេលបីថ្ងៃ បន្ទាប់ពីការតវ៉ានៅសកលវិទ្យាល័យ សាយអិន ប៉ូ(Sciences Po) និងបានកើតមានឡើង បន្ទាប់ពីមានការប្រមូលផ្តុំគ្នានៅតាមបរិវេណសាកលវិទ្យាល័យនានា នៅទូទាំងសហរដ្ឋអាមេរិកប្រឆាំងទៅនឹងជម្លោះ។និស្សិតសាកលវិទ្យាល័យ Sorbonne លោក លូអ៊ីស ម៉ាហ្ស៊ីរ៉េ(Louis Maziere) បាននិយាយថា យើងបានបង្កើតតង់ ដូចដែលនៅសាកលវិទ្យាល័យសហរដ្ឋអាមេរិកមួយចំនួន។ យើងកំពុងធ្វើអស់ពីសមត្ថភាពរបស់យើង ដើម្បីបង្កើនការយល់ដឹងអំពីអ្វីដែលកំពុងកើតឡើងនៅដែនដីប៉ាឡេស្ទីន អំពីអំពើប្រល័យពូជសាសន៍ដែលនៅបន្តនៅក្នុងតំបន់ហ្កាហ្សា។ និស្សិតម្នាក់ទៀតនិយាយថា អ្វីដែលយើងកំពុងជំរុញគឺសន្តិភាព ហើយពួកគេឆ្លើយដោយប្រើកម្លាំងនិងហឹង្សា។ ទូរទស្សន៍ BFM បានបង្ហាញវីដេអូ នគរបាលបានអូសសិស្សពីរនាក់ចេញ។ប្រភពព័ត៌មានពីនគរបាលបានបញ្ជាក់ថា នគរបាលបានធ្វើអន្តរាគមន៍ដើម្បីបោសសម្អាតទីធ្លាសាកលវិទ្យាល័យ Sorbonne ហើយប្រតិបត្តិការ ដែលមានរយៈពេលខ្លី ត្រូវបានអនុវត្តដោយសន្តិវិធី គ្មានឧបទ្ទវហេតុអ្វីឡើយ។

មនុស្ស ២៥ នាក់ស្លាប់នៅភាគខាងជើងប្រទេសប៉េរូ បន្ទាប់ពីរថយន្តក្រុងធ្លាក់ចូលជ្រោះ

អាជ្ញាធរបាននិយាយកាលពីថ្ងៃចន្ទ (២៩ មេសា) ថាមនុស្ស ២៥ នាក់បានស្លាប់ និង ១៣ នាក់ផ្សេងទៀតបានរងរបួស បន្ទាប់ពីរថយន្តក្រុងដឹកអ្នកដំណើរមួយគ្រឿងបានធ្លាក់ចូលទៅក្នុងជ្រោះជម្រៅ ៣០០ ម៉ែត្រនៅភាគខាងជើងប្រទេសប៉េរូ កាលពីយប់ថ្ងៃអាទិត្យ។លោក អ៊ូហ្គោ អ៊ូរីអាតេ (Hugo Uriarte) ប្រមុខនគរបាលក្នុងខេត្ត សេលែនឌីន (Celendin) បានប្រាប់ប្រព័ន្ធផ្សព្វផ្សាយក្នុងស្រុកថា រថយន្តក្រុងអន្តរខេត្តនោះ ដឹកអ្នកដំណើរប្រមាណ ៥០ នាក់ នៅពេលជួបគ្រោះថ្នាក់នៅវេលាម៉ោង ១០:១០ នាទីយប់ (ម៉ោងក្នុងស្រុក) តាមដងផ្លូវទៅកាន់ខេត្ត សេលែនឌីន ក្នុងតំបន់ ខាហាម៉ាកា (Cajamarca)។លោកបន្ថែមថា រថយន្តក្រុងនោះដំបូងមានអ្នកដំណើរចំនួន ៣៥ នាក់ ប៉ុន្តែបានយកអ្នកដំណើរបន្ថែមទៀតនៅតាមផ្លូវ។ ប្រតិបត្តិការជួយសង្គ្រោះនៅតែបន្ត ប៉ុន្តែមានភាពស្មុគស្មាញដោយសារជម្រៅនៃជ្រោះ និងឧបសគ្គផ្សេងៗ។អ្នកនៅរស់រានមានជីវិតមួយចំនួន រួមទាំងអ្នកបើកបរបានរងរបួសធ្ងន់ធ្ងរ ហើយត្រូវបានគេបញ្ជូនទៅមន្ទីរពេទ្យខេត្ត និងតំបន់ ហើយអាជ្ញាធរកំពុងប្រមូលព័ត៌មានពីជនរងគ្រោះដើម្បីកំណត់ពីមូលហេតុនៃគ្រោះថ្នាក់នេះ៕

អ្នកជំនាញUNនិយាយថា មីស៊ីលកូរ៉េខាងជើង បានធ្លាក់នៅទីក្រុង Kharkov ប្រទេសអ៊ុយក្រែន

កម្ទេចកម្ទីមីស៊ីល ដែលបានធ្លាក់នៅក្នុងទីក្រុង Kharkiv ប្រទេសអ៊ុយក្រែន កាលពីថ្ងៃទី២ ខែមករា គឺមកពីមីស៊ីលបាលីស្ទីករបស់ប្រទេសកូរ៉េខាងជើង។ នេះបើតាមរបាយការណ៍ ពីក្រុមអ្នកឃ្លាំមើលការដាក់ទណ្ឌកម្មរបស់អង្គការសហប្រជាជាតិ បញ្ជូនទៅកាន់គណៈកម្មាធិការក្រុមប្រឹក្សាសន្តិសុខ ហើយត្រូវបានមើលឃើញដោយទីភ្នាក់ងារសារព័ត៌មាន Reuters កាលពីថ្ងៃចន្ទ ទី២៩ ខែមេសា។ ការិយាល័យរដ្ឋអាជ្ញាក្នុងតំបន់ បានបង្ហាញបំណែកនៃមីស៊ីលដល់ប្រព័ន្ធផ្សព្វផ្សាយ ដោយបាននិយាយថា មីស៊ីលនេះអាចជាមីស៊ីលត្រូវបានផ្គត់ផ្គង់ដោយប្រទេសកូរ៉េខាងជើង។ នៅក្នុងរបាយការណ៍ ក្រុមអ្នកឃ្លាំមើល បានសន្និដ្ឋានថា កម្ទេចកម្ទីមកពីមីស៊ីលប្រភេទ Hwasong-11 ហើយស្ថិតក្នុងការបំពានលើការហាមប្រាមអាវុធដាក់បានទៅលើប្រទេសកូរ៉េខាងជើង ដែលស្ថិតនៅក្រោមការដាក់ទណ្ឌកម្មរបស់អង្គការសហប្រជាជាតិចាប់តាំងពីឆ្នាំ២០០៦ ជុំវិញកម្មវិធីមីស៊ីលបាលីស្ទីក និងនុយក្លេអ៊ែររបស់ប្រទេសកូរ៉េខាងជើង។នៅក្នុងរបាយការណ៍ ក្រុមអ្នកឃ្លាំមើល និយាយថា ពួកគេពុំអាចកំណត់អត្តសញ្ញាណដោយឯករាជ្យ ពីទីកន្លែង ដែលមីស៊ីលនេះត្រូវបានបាញ់ចេញ ឬដោយនរណាម្នាក់ឡើយ។បេសកកម្មរបស់ប្រទេសរុស្ស៊ី និងកូរ៉េខាងជើង ប្រចាំនៅអង្គការសហប្រជាជាតិ ក្នុងទីក្រុងញូវយ៉ក សហរដ្ឋអាមេរិក មិនបានឆ្លើយតបភ្លាមៗចំពោះសំណើសុំការអត្ថាធិប្បាយនោះទេ។ កន្លងមក សហរដ្ឋអាមេរិក និងប្រទេសមួយចំនួន បានចោទប្រកាន់ប្រទេសកូរ៉េខាងជើងពីបទផ្ទេរសព្វាវុធទៅឱ្យប្រទេសរុស្ស៊ី ដើម្បីប្រើប្រាស់ប្រឆាំងអ៊ុយក្រែន ដែលខ្លួនបានវាយលុកចូលរយៈពេលជាងពីរកន្លងទៅ។ ប៉ុន្តែភាគីទាំងពីរ បានបដិសេធការចោទប្រកាន់នេះ ខណៈកាលពីឆ្នាំមុន ប្រទេសរុស្ស៊ី និងកូរ៉េខាងជើង បានប្តេជ្ញាធ្វើឱ្យទំនាក់ទំនងយោធាកាន់តែស៊ីជម្រៅ។

ក្រុមជនអន្ធពាលហៃទី ទាមទារតំណែងក្នុងថ្នាក់ដឹកនាំរដ្ឋាភិបាលថ្មី ខណៈគំរាមបង្កចលាចល

ក្រុមប្រឹក្សាអន្តរកាលថ្មីរបស់ប្រទេសហៃទី គ្រោងនឹងជ្រើសរើសប្រធានាធិបតីបន្ទាប់របស់ប្រទេសនៅថ្ងៃអង្គារ (៣០ មេសា) នេះ ប៉ុន្តែមេដឹកនាំក្រុមជនអន្ធពាលដែលបានបង្កើនការគ្រប់គ្រងក្នុងប្រទេស កំពុងទាមទារឥទ្ធិពលនយោបាយ និងការលើកលែងទោស ហើយគំរាមកំហែងបង្កើតអំពើហិង្សាបន្ថែមទៀត ប្រសិនបើការទាមទាររបស់ពួកគេមិនត្រូវបានបំពេញ។កាលពីសប្តាហ៍មុន បន្ទាប់ពីអតីតនាយករដ្ឋមន្ត្រី លោក អារីយែល ហង់រី (Ariel Henry) បានលាលែងពីដំណែង ក្រុមប្រឹក្សាអន្តរកាលនេះត្រូវបានដំឡើងជាផ្លូវការ ដែលត្រូវបានគេមើលឃើញថាជាជំហានដ៏សំខាន់មួយក្នុងការបង្កើតសន្តិសុខឡើងវិញ បន្ទាប់ពីអំពើហិង្សារបស់ក្រុមជនអន្ធពាលជាច្រើនឆ្នាំដែលបានកើនឡើងយ៉ាងខ្លាំងក្លានាពេលថ្មីៗនេះ។ស្ថាប័នសហគមន៍សមុទ្រការ៉ាអ៊ីបក្នុងតំបន់ (CARICOM) ដែលដឹកនាំការតាក់តែងពង្រាងនៃក្រុមប្រឹក្សានេះ ហាមប្រាមសមាជិកក្រុមជនអន្ធពាល ឬអ្នកដែលរងទណ្ឌកម្មអន្តរជាតិមិនឱ្យចូលរួម ប៉ុន្តែបណ្ដាមេដឹកនាំក្រុមជនអន្ធពាលដ៏មានឥទ្ធិពលបំផុតមួយចំនួនរបស់ប្រទេសហៃទី កំពុងគំរាមកំហែងបង្កចលាចល និងអំពើហិង្សាបន្ថែមទៀត ប្រសិនបើពួកគេមិនត្រូវបានអនុញ្ញាតិឱ្យធ្វើនយោបាយ។យោងតាមការប៉ាន់ប្រមាណរបស់អង្គការសហប្រជាជាតិ មានមនុស្សលើសពីម្នាក់ត្រូវបានសម្លាប់នៅក្នុងអំពើហិង្សារបស់ក្រុមជនអន្ធពាលហៃទី រៀងរាល់មួយម៉ោងម្ដងក្នុងរយៈពេលបីខែដំបូងនៃឆ្នាំនេះ។ ក៏មានរបាយការណ៍រីករាលដាលនៃក្រុមជនអន្ធពាលដែលប្រើអំពើហិង្សាផ្លូវភេទទ្រង់ទ្រាយធំ ការចាប់ជំរិតយកប្រាក់លោះ និងការធ្វើទារុណកម្មដើម្បីជំរិតទារប្រាក់ពីប្រជាជនផងដែរ៕

ការវាយប្រហាររបស់អ៊ីស្រាអែល សម្លាប់ពលរដ្ឋហ្កាហ្សា ៤០ នាក់ ខណៈកិច្ចចរចាបទឈប់បាញ់ចាប់ផ្តើម

ការវាយប្រហារតាមអាកាសរបស់អ៊ីស្រាអែល បានសម្លាប់ជនជាតិប៉ាឡេស្ទីនយ៉ាងហោចណាស់ ៤០ នាក់កាលពីថ្ងៃចន្ទ (២៩ មេសា) នៅក្នុងទីក្រុង រ៉ាហ្វា (Rafah) និងផ្នែកជាច្រើនទៀតនៃតំបន់ហ៊ុមព័ទ្ធនេះ ខណៈបណ្ដាមេដឹកនាំក្រុមហាម៉ាស បានទៅទីក្រុងគែរ សម្រាប់កិច្ចចរចាបទឈប់បាញ់ថ្មី ស្របពេលដែលបណ្ដាមេដឹកនាំបរទេសបានជំរុញអ៊ីស្រាអែល កុំឱ្យបើកប្រតិបត្តិការជើងគោកលើក្រុងភាគខាងត្បូងជាប់ព្រំដែនមួយនេះ។ប៉ុន្មានម៉ោងបន្ទាប់ពីការវាយប្រហារលើក្រុងរ៉ាហ្វា ជាទីដែលស្ទើរតែពាក់កណ្តាលនៃចំនួនប្រជាជនសរុប ២,៣ លាននាក់នៅហ្កាហ្សា បានស្វែងរកការជ្រកកោនពីការទម្លាក់គ្រាប់បែករបស់អ៊ីស្រាអែលជាច្រើនខែ ទូរទស្សន៍រដ្ឋរបស់អេហ្ស៊ីបបាននិយាយថា គណៈប្រតិភូហាម៉ាស បានចាកចេញពីទីក្រុងគែរ ទៅកាន់ទីក្រុងដូហា ហើយនឹងត្រលប់មកវិញជាមួយនឹងការឆ្លើយតបជាលាយលក្ខណ៍អក្សរទៅកាន់សំណើបទឈប់បាញ់ថ្មី។ខណៈការចរចាបទឈប់បាញ់កំពុងបន្តដោយពុំមានលទ្ធផលជាក់ស្ដែង ស្លាបប្រដាប់អាវុធនៃក្រុមជីហាដអ៊ីស្លាម ដែលជាសម្ព័ន្ធមិត្តក្រុមហាម៉ាសបាននិយាយថា ខ្លួនបានបាញ់រ៉ូកែតចូលទៅក្នុងប្រទេសអ៊ីស្រាអែលកាលពីថ្ងៃចន្ទ ដែលជាសញ្ញាថាក្រុមនេះនៅតែអាចធ្វើការវាយប្រហារដោយគ្រាប់រ៉ូកែត បន្ទាប់ពីជិតប្រាំពីរខែនៃការវាយលុកតាមអាកាស និងជើងគោករបស់អ៊ីស្រាអែល។នៅពេលសាកសួរអំពីការវាយប្រហារតាមអាកាសក្រុងរ៉ាហ្វា អ្នកនាំពាក្យយោធាអ៊ីស្រាអែល (IDF) បាននិយាយថា យន្តហោះចម្បាំងបានវាយប្រហារគោលដៅភេរវករ ដែលកំពុងប្រតិបត្តិការនៅក្នុងតំបន់ជនស៊ីវិលនៅភាគខាងត្បូងហ្កាហ្សា ដោយបដិសេធមិនផ្តល់ព័ត៌មានលម្អិត៕

មនុស្ស៥នាក់ត្រូវបានចាប់ខ្លួន ខណៈអ៊ីស្រាអែល ប្រើហិង្សាលើអ្នកទាមទារឲ្យមានកិច្ចព្រមព្រៀងជាមួយក្រុមហាម៉ាស

មនុស្សរាប់ពាន់នាក់បានតវ៉ានៅទីក្រុង Tel Aviv របស់ប្រទេសអ៊ីស្រាអែល កាលពីយប់ថ្ងៃចន្ទ ដោយអំពាវនាវឱ្យរដ្ឋាភិបាលធ្វើកិច្ចព្រមព្រៀងជាមួយក្រុមភេរវករហាម៉ាស សម្រាប់ការដោះលែងចំណាប់ខ្មាំងដែលត្រូវបានឃុំខ្លួននៅដែនដី ហ្កាហ្សាស្ទ្រីប ចាប់តាំងពីថ្ងៃទី ៧ ខែតុលាឆ្នាំមុន ក្នុងការប្រមូលផ្តុំដែលក្រោយមកបានឈានដល់ការប៉ះទង្គិចជាមួយកងកម្លាំងនគរបាល ការចាប់ខ្លួន និងការអះអាងពីការប្រើអំពើហិង្សាទៅលើសមាជិកសភា និងសាច់ញាតិរបស់ចំណាប់ខ្មាំង។ស្របពេលមានការត្រៀមលក្ខណៈខ្ពស់សម្រាប់យោធាដើម្បីបើកការវាយប្រហារចូលទីក្រុងរ៉ាហ្វា (Rafah) ក្នុងដែនដីហ្កាហ្សា ក្រុមបាតុករបានដុតបំពួកភ្លើងនៅលើផ្លូវ ប៊ីហ្គីន (Begin) របស់ទីក្រុង Tel Aviv នៅជិតទីស្នាក់ការកណ្តាលរបស់កងកម្លាំងការពារអ៊ីស្រាអែល (IDF) ហើយស្រែកថា ទីក្រុង រ៉ាហ្វា អាចរង់ចាំ ប៉ុន្តែជីវិតចំណាប់ខ្មាំងមិនអាចរង់ចាំបានទេ។ សាច់ញាតិរបស់ចំណាប់ខ្មាំង និងចំណាប់ខ្មាំងដែលត្រូវបានដោះលែងនៅក្នុងបទឈប់បាញ់រយៈពេលមួយសប្តាហ៍កាលពីខែវិច្ឆិកា ឆ្នាំមុន បានចូលរួមក្នុងការតវ៉ានេះ ដោយអំពាវនាវឱ្យរដ្ឋាភិបាល របស់លោក Netanyahu បញ្ឈប់សង្រ្គាមដើម្បីនាំយកអ្នកដែលត្រូវបានចាប់ពង្រាត់ទៅនោះត្រឡប់ទៅផ្ទះវិញ។ ការប្រមូលផ្តុំនេះបានកើតឡើង ខណៈក្រុមហាម៉ាស គ្រោងឆ្លើយតបទៅនឹងសំណើរបស់អ៊ីស្រាអែលដែលនឹងមើលឃើញការផ្អាកការប្រយុទ្ធ រយៈពេល៤០ ថ្ងៃ និងការដោះលែងអ្នកទោសសន្តិសុខប៉ាឡេស្ទីនរាប់ពាន់នាក់ជាថ្នូរនឹងចំណាប់ខ្មាំងដែលកំពុងនៅមានជីវិតចំនួន៣៣ នាក់ និងដំណាក់កាលទីពីរនៃបទឈប់បាញ់ដែលអាចមាននិង ការឆ្លើយតបការសម្របសម្រួលរបស់អ៊ីស្រាអែលចំពោះការទាមទាររបស់ក្រុមហាម៉ាស់សម្រាប់បទឈប់បាញ់ជាអចិន្ត្រៃយ៍៕

សាកលវិទ្យាល័យកូឡុំប៊ីរបស់អាមេរិក ចាប់ផ្តើមព្យួរឈ្មោះនិស្សិត ក្រោយក្រុមបាតុករគាំទ្រហ្កាហ្សា បំពានថ្ងៃកំណត់រុះរើជំរំ

សាកលវិទ្យាល័យ កូឡុំប៊ី (Columbia) បានចាប់ផ្តើមព្យួរឈ្មោះរបស់ក្រុមសកម្មជននិស្សិតគាំទ្រប៉ាឡេស្ទីន បន្ទាប់ពីក្រុមបាតុករគាំទ្រដែនដីរាប់រយនាក់បានបដិសេធមិនព្រមដកខ្លួនចេញពីជំរំក្នុងបរិវេណសាកលវិទ្យាល័យត្រឹមម៉ោង ២ រសៀលថ្ងៃចន្ទទី២៩ មេសាសប្ដាហ៍នេះ ។ បាតុកររាប់រយនាក់នៅតែប្រមូលផ្ដុំគ្នាក្នុងបរិវេណសាកលវិទ្យាល័យនេះ បន្ទាប់ពីកាលកំណត់ត្រឹមម៉ោង ២រសៀល បានកន្លងផុតទៅ។ការទាមទារសំខាន់មួយរបស់ក្រុមបាតុករគឺ សាកលវិទ្យាល័យកូឡុំប៊ី ត្រូវបញ្ឈប់ការផ្ដល់មូលនិធិ ដែលគាំទ្រយោធាអ៊ីស្រាអែល។ សាកលវិទ្យាធិការនៃសាកលវិទក្យាល័យកូឡុំប៊ី លោកស្រីណេម៉ាតមីណូឆេ ហ្សាហ្វីក (Nemat Minouche Shafik) បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា ការចរចារវាងសាកលវិទ្យាល័យ និងក្រុមបាតុករនិស្សិតបានបរាជ័យ ហើយសាកលវិទ្យាល័យបានបដិសេធមិនព្រមបញ្ឈប់ការផ្ដល់ជំនួយសម្រាប់ប្រទេសអ៊ីស្រាអែល។ លោកស្រីក៏បាននិយាយផងដែរថាលោកស្រីមិនចង់ ផ្អាកនិស្សិតរាប់ពាន់នាក់ និងក្រុមគ្រួសារ និងមិត្តភក្តិរបស់ពួកគេពីពិធីប្រគល់សញ្ញាបត្របញ្ចប់ការសិក្សាទេ ជាពិសេសនិស្សិតជាច្រើនដែលនឹងចាកចេញពីសាកលវិទ្យាល័យនៅឆ្នាំនេះ មិនបានចូលរួមពិធីទទួលសញ្ញាបត្របញ្ចប់ថ្នាក់វិទ្យាល័យដោយសារតែការរាតត្បាតនៃវីរុស Covid-19។មនុស្សយ៉ាងហោចណាស់៤០ នាក់ត្រូវបានចាប់ខ្លួននៅក្នុងបរិវេណសាកលវិទ្យាល័យ Texas នៅទីក្រុង Austin កាលពីថ្ងៃចន្ទ ខណៈសាកលវិទ្យាល័យ Northwestern បានប្រកាសថាខ្លួនបានឈានដល់កិច្ចព្រមព្រៀងជាមួយនិស្សិតដើម្បីរុះរើជំរំរបស់ពួកគេជាថ្នូរនឹងសម្បទានរដ្ឋបាលផ្សេងៗ។ក្រុមអ្នកតវ៉ា ប្ដេជ្ញា បន្តការបោះជំរំនៅក្នុងសាកលវិទ្យាល័យ New York City រហូតដល់សាកលវិទ្យាល័យ កូឡុំប៊ី សម្រេចបានការទាមទាររបស់ខ្លួន ៣ចំណុច គឺ ការបញ្ឈប់កញ្ចប់ជំនួយដល់អ៊ីស្រាអែល តម្លាភាពនៅក្នុងផ្នែកហិរញ្ញវត្ថុរបស់សាកលវិទ្យាល័យកូឡុំប៊ី និងការលើកលែងទោសដល់ក្រុមនិស្សិត និងវិន័យរបស់សាកលវិទ្យាល័យសម្រាប់ការចូលរួមរបស់ពួកគេក្នុងការតវ៉ាផ្សេងៗ៕

កេនយ៉ា រំពឹងទុកថាមានភ្លៀងធ្លាក់កាន់តែខ្លាំង ខណៈទឹកជំនន់សម្លាប់មនុស្ស ៧០ នាក់

មនុស្សយ៉ាងហោចណាស់ ៧០ នាក់បានស្លាប់នៅក្នុងប្រទេសកេនយ៉ា ចាប់តាំងពីពាក់កណ្តាលខែមីនា មក ខណៈដែលភ្លៀងធ្លាក់ខ្លាំងត្រូវបានគេរំពឹងទុកកាន់ច្រើន និងទឹកជំនន់បានបន្តជាច្រើនសប្ដាហ៍នៅទូទាំងប្រទេស។ នៅតំបន់ ម៉ាគូនី (Makueni) ភាគខាងកើត សាកសពចំនួន ៨ នាក់ត្រូវបានគេស្រង់បានកាលពីថ្ងៃសៅរ៍ពីទន្លេមួយ បន្ទាប់ពីរថយន្តដែលពួកគេកំពុងធ្វើដំណើរត្រូវបានទឹកហូរចេញពីស្ពានដែលលិចទឹក។អ្នកស្រុកនិយាយថា ពួកគេកំពុងតែរង់ចាំទឹកស្រក ដើម្បីឱ្យក្រុមសង្គ្រោះពិនិត្យរកសាកសពដែលអាចជាប់គាំងក្នុងខ្សាច់ក្រោមទឹក ខណៈរថយន្តមានគេឃើញមួយគ្រឿងដឹកមនុស្សជាង ៣០ នាក់មុនពេលត្រូវទឹកហូរនាំទៅ។អ្នកស្រុកបន្ថែមថា មនុស្សជិត ២០ នាក់ត្រូវបានជន់លិចដោយទឹកជំនន់ចូលទៅក្នុងទន្លេ ហើយមនុស្ស ១១ នាក់ត្រូវបានជួយសង្គ្រោះ។ប្រទេសកេនយ៉ា បានជួបប្រទះភ្លៀងធ្លាក់ជាច្រើនសប្តាហ៍ និងទឹកជំនន់ធ្ងន់ធ្ងរ រួមទាំងនៅរដ្ឋធានីណៃរ៉ូប៊ី និងនៅតំបន់ភាគខាងលិច និងភាគកណ្តាលរបស់ប្រទេស ហើយប្រជាពលរដ្ឋត្រូវបានគេព្រមានឱ្យត្រៀមខ្លួនទប់ទល់នឹង «ភ្លៀងធ្លាក់កាន់តែខ្លាំង» បន្ថែមទៀត។ ភ្លៀងធ្លាក់លើសកម្រិតមធ្យម បានបង្កការបំផ្លិចបំផ្លាញយ៉ាងទូលំទូលាយនៅប្រទេសអាហ្រ្វិកខាងកើតមួយនេះ ដែលប៉ះពាល់ដល់មនុស្សជាង ១០០.០០០ នាក់ បំផ្លាញដំណាំ និងបំផ្លាញហេដ្ឋារចនាសម្ព័ន្ធ សាលារៀន ផ្ទះសម្បែង និងអាជីវកម្មខ្នាតតូចជាច្រើន៕

មនុស្ស ១៤ នាក់ ស្លាប់ក្នុងគ្រោះថ្នាក់ចរាចរណ៍រថយន្តក្រុងនៅភាគកណ្តាលប្រទេសម៉ិកស៊ិក

មន្ទីរសន្តិសុខក្នុងស្រុករបស់ប្រទេសម៉ិកស៊ិក បាននិយាយកាលពីថ្ងៃអាទិត្យ (២៨ មេសា) ថាមនុស្សយ៉ាងហោចណាស់ ១៤ នាក់បានស្លាប់ និងមនុស្ស ៣១ នាក់ផ្សេងទៀតបានរងរបួស នៅពេលដែលរថយន្តក្រុងមួយបានក្រឡាប់នៅក្នុងរដ្ឋភាគកណ្ដាល ម៉ាលីណាលខូ (Malinalco) របស់ម៉ិកស៊ិក។ ទីភ្នាក់ងារសន្តិសុខនោះបាននិយាយនៅក្នុងសេចក្តីថ្លែងការណ៍មួយថា ឧបទ្ទវហេតុនេះបានកើតឡើងកាលពីព្រឹកថ្ងៃអាទិត្យ នៅលើចំណុចផ្លូវហាយវេ ខាពូលីន-ឆាល់ម៉ា (Capulin-Chalma) ហើយនគរបាលរដ្ឋបានចុះប្រតិបត្តិឆ្លើយតបលើហេតុការណ៍នេះ។សេចក្តីថ្លែងការណ៍នោះបានបន្ថែមថា «យោងតាមរបាយការណ៍ រថយន្តក្រុងនេះកំពុងដឹកអ្នកដំណើរពីទីក្រុង សានលូអ៊ីស ដេឡាប៉ាស (San Luis de la Paz) រដ្ឋ វ័រណាហ័រតូ (Guanajuato)។ អង្គភាពពេទ្យក៏ប្រញាប់ចុះដល់កន្លែងកើតហេតុដឹកអ្នករបួសទៅមន្ទីរពេទ្យ»។យោងតាមវិទ្យាស្ថានស្ថិតិជាតិបានឱ្យដឹងថា គ្រោះថ្នាក់ចរាចរណ៍បានកើនឡើងខ្លាំងនៅក្នុងប្រទេសម៉ិកស៊ិក ចាប់តាំងពីឆ្នាំ២០២០ មក ខណៈអ្នកស្លាប់សរុបមានចំនួនរហូតដល់ទៅ ៣៧៧.២៣១ នាក់ត្រូវបានកត់ត្រាក្នុងឆ្នាំ២០២២៕

បណ្ដាញសង្គម

ព័ត៌មានថ្មីៗ

កម្ពុជានឹងធ្វើជាម្ចាស់ផ្ទះរៀបចំកិច្ចប្រជុំកំពូលហ្រ្វង់កូហ្វូនី នៅពាក់កណ្តាលខែវិច្ឆិកាខាងមុខ ខណៈមេដឹកនាំនៅលើពិភពលោកភាគច្រើនមកពីអឺរ៉ុបនឹងចូលរួមកិច្ចប្រជុំ

អគារសារមន្ទីរតេជោសន្ដិភាពសាងសង់ឡើងដោយក្រុមហ៊ុនជប៉ុនកាលពីដើមឆ្នាំ២០២៤ បានបញ្ចប់ការសាងសង់ និងប្រារព្ធពិធីផ្ទេរ-ប្រគល់នៅថ្ងៃនេះ

[UPDATE] ក្រោមស្រមោលសង្គ្រាមអ៊ីរ៉ង់ អ៊ីស្រាអែលស្វែងរកវិធីផ្សេងទៀតដើម្បីជំរុញទណ្ឌកម្មតំបន់ហ្កាហ្សា

រាជរដ្ឋាភិបាលយកចិត្តទុកដាក់ខ្ពស់ចំពោះពលរដ្ឋ និងនិស្សិតខ្មែរដែលកំពុងស្ថិតនៅក្នុងបណ្តាប្រទេសដែលមានសង្គ្រាមនៅមជ្ឈឹមបូព៌ា និងបានអំពាវនាវឱ្យភាគីជម្លោះមានការអត់ធ្មត់ជាអតិមរមា

[UPDATE] យន្តហោះចម្បាំង F-15 របស់អាមេរិក ធ្លាក់នៅគុយវ៉ែត ក្នុងអំឡុងពេលជម្លោះមជ្ឈិមបូព៌ាកាន់តែតានតឹង

កម្ពុជានឹងបន្តអភិវឌ្ឍស្តង់ដាជាតិ សម្រាប់ផលិតផលថ្មីៗក្នុងស្រុកដែលជាប្រភពកំណើនសេដ្ឋកិច្ច

ឆ្នាំ២០២៥ មជ្ឈមណ្ឌលមាត្រាសាស្រ្តជាតិ ផ្តល់សេវាសាធារណៈធ្វើព្យាសកម្មឧបករណ៍បាន ១.១២៤ គ្រឿង

អគ្គលេខាធិការអង្គការហ្វ្រង់កូហ្វូនីនឹងចុះសួរសុខទុក្ខពលរដ្ឋភៀសសឹកកម្ពុជា ខណៈសម្តេចតេជោចាត់ទុកដំណើរនេះបង្ហាញជំហរគាំទ្រសន្តិភាព

សម្តេចប្រមុខរដ្ឋស្ដីទីប្រាប់អគ្គលេខាធិការអង្គការហ្វ្រង់កូហ្វូនីថា បញ្ហាព្រំដែនកម្ពុជា-ថៃ មិនប៉ះពាល់ដល់ការរៀបចំកិច្ចប្រជុំកំពូលហ្វ្រង់កូហ្វូនីនៅកម្ពុជានោះទេ

[UPDATE]ប្រមុខសន្តិសុខអ៊ីរ៉ង់ បដិសេធការចរចាជាមួយអាមេរិក ខណៈបន្ទោសលោក Trump ថា បានបង្កភាពវឹកវរ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877