ក្រសួងការពារជាតិបាននិយាយថា ប្រទេសអារ៉ាប់រួម (UAE) បានស្ទាក់ចាប់មីស៊ីលបាលីស្ទីកចំនួន ១០ គ្រាប់ និងយានដ្រូនចំនួន២៦គ្រឿង ដែលបានបាញ់ចេញពីប្រទេសអ៊ីរ៉ង់កាលពីថ្ងៃព្រហស្បតិ៍។

ក្រសួងបាននិយាយថា ចំណាត់ការនេះគឺជាផ្នែកមួយនៃប្រតិបត្តិការការពារជាតិដែលកំពុងបន្ត ក្នុងការឆ្លើយតបទៅនឹងអ្វីដែលខ្លួនចាត់ទុកថាជាការវាយប្រហាររបស់អ៊ីរ៉ង់ដាក់គោលដៅលើប្រទេសអារ៉ាប់រួម ។

ចាប់តាំងពីការចាប់ផ្តើមជម្លោះររបស់សហរដ្ឋអាមេរិកនិងអ៊ីស្រាអែល ជាមួយអ៊ីរ៉ង់មក ប្រព័ន្ធការពារដែនអាកាសរបស់ប្រទេសអារ៉ាប់រួមបានស្ទាក់ចាប់មីស៊ីលបាលីស្ទីកចំនួន ២៧៨ គ្រាប់ មីស៊ីលស៊ីបគោលដៅចំនួន១៥គ្រាប់ និងយានដ្រូនចំនួន១.៥៤០គ្រឿង នេះបើយោងតាមតួលេខផ្លូវការ។

ក្រសួងបាននិយាយថា ការវាយប្រហារទាំងនេះបានបណ្តាលឱ្យមានមនុស្ស៦នាក់ស្លាប់ មានជនជាតិអារ៉ាប់រួម ប៉ាគីស្ថាន នេប៉ាល់ និងបង់ក្លាដែស និងរងរបួសស្រាលចំនួន១៣១ នាក់ ក្នុងចំណោមប្រជាជនមានសញ្ជាតិផ្សេងគ្នា។