នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ម្ចាស់ជ័យលាភីលេខ១ នៃសហគ្រិនថ្នាក់ជាតិឆ្នាំ២០២២នេះបានទៅលេីលោក ឈរ រិទ្ធី
CL និងកំពូលតារាចម្រៀងជាច្រើនប្រចាំប្រទេសកម្ពុជា នឹងមានវត្តមានក្នុងព្រឹត្តិការណ៍ដ៏ធំ Vattanac វ All in Festival នាចុងខែវិច្ឆិកានេះ
កម្មវិធីល្ខោនខ្មែរ ៖ រកឃើញហើយ កូនក្រុមទាំង៣ក្រុម របស់គ្រូបង្វឹកនីមួយៗ នៃកម្មវិធីល្ខោនខ្មែរ រដូវកាលទី១
ភាពយន្តចម្រៀង"ជីវិតក្មេងវត្ត"ស្នាដៃនិពន្ធដ៏ខ្ពង់ខ្ពស់របស់សម្តេចតេជោ

សិល្បៈកម្សាន្ត

ម្ចាស់ជ័យលាភីលេខ១ នៃសហគ្រិនថ្នាក់ជាតិឆ្នាំ២០២២នេះបានទៅលេីលោក ឈរ រិទ្ធី

2022/11/23 08:06:22 pm        100
Facebook Telegram Linkin
ភ្នំពេញ៖ ក្រោយឆ្លងកាត់ការវាយតម្លៃយ៉ាងសុក្រឹតរបស់គណៈកម្មការផ្តល់ពិន្ទុរដែលមានបទពិសោធន៍ខ្ពស់។ ទីបំផុតនៅល្ងាចថ្ងៃទី២៣ ខែវិច្ឆិកានេះ កម្មវិធីពានរង្វាន់សហគ្រិនថ្នាក់ជាតិឆ្នាំ២០២២ បានរកឃេីញម្ចាស់លាភីឆ្នេីមចំនួន ៤រូប ក្នុងចំណោមបេក្ខជនសរុប ២០រូប។សូមជម្រាបជូនថា ម្ចាស់ជ័យលាភីលេខ១ បានទៅលេី លោក ឈរ រិទ្ធី មកពីក្រុមហ៊ុន ហ្រ្វេស មិល ឯ.ក ទទួលបានទឹកប្រាក់ចំនួន ១ម៉ឺនដុល្លារអាម៉េរិក, លេខ២ បានទៅលេី លោកស្រី ទ្រី មួយគា មកពីសហគ្រាសផលិតឱសថ ប៉េប៉េអឹមទទួលបានទឹកប្រាក់ចំនួន ៥ពាន់ដុល្លារអាម៉េរិក, លេខ៣ បានទៅលេី លោកស្រី ងន វ៉ាន់ថា មកពី Color Silk Enterprise ទទួលបានទឹកប្រាក់ចំនួន ៣ពាន់ដុល្លារអាម៉េរិក និងលេខ៤ បានទៅលេី លោកស្រី ម៉ៅ សុធា មកពី SHE Agrocam Products.Co,Ltd ទទួលបានទឹកប្រាក់ចំនួន ២ពាន់ដុល្លារអាម៉េរិក។សូមបញ្ជាក់ទៀតថា កម្មវិធីប្រកួតប្រជែងពានរង្វាន់សហគ្រិនថ្នាក់ជាតិ រៀបចំឡើងដោយវិទ្យាស្ថានជាតិសហគ្រិនភាព និងនវានុវត្តន៍ ដែលជាគ្រឹះស្ថានសាធារណៈ កំពុងបំពេញការងារយ៉ាងសកម្មក្នុងការកសាងសហគ្រិនថ្មី អភិវឌ្ឍសហគ្រិនដែលមានស្រាប់ និងជាអ្នកអនុវត្តសហគ្រិនភាពសង្គម ដែលស្ថិតក្រោមការគ្រប់គ្រងរបស់ក្រសួងការងារ និងបណ្តុះបណ្តាលវិជ្ជាជីវៈ។ កម្មវិធីនេះដែរ ប្រព្រឹត្តទៅក្រោមកិច្ចសហការជាមួយសហគ្រិនខ្មែរ (Khmer Enterprise) តាមរយៈជំនួយរដ្ឋាភិបាលកម្ពុជា និងធនាគារព្រីនស៍ ដើម្បីធ្វើការងាររួមគ្នាជាមួយសហគ្រិន អ្នកបង្កើតគំនិតថ្មីៗ នវានុវត្តន៍ និងអ្នកដឹកនាំអាជីវកម្មក្នុងការរៀបចំការ​ប្រកួតប្រជែង​លើប្រធានបទជាក់លាក់ជារៀងរាល់ឆ្នាំ តាមរយៈការរៀបចំឲ្យមានការប្រកួតប្រជែងនៅថ្នាក់ខេត្ត និងថ្នាក់ជាតិក្នុងប្រទេសកម្ពុជា៕ អត្ថបទ ៖ បូរ៉ាវី

CL និងកំពូលតារាចម្រៀងជាច្រើនប្រចាំប្រទេសកម្ពុជា នឹងមានវត្តមានក្នុងព្រឹត្តិការណ៍ដ៏ធំ Vattanac វ All in Festival នាចុងខែវិច្ឆិកានេះ

2022/11/17 05:03:00 pm        32
Facebook Telegram Linkin
ភ្នំពេញ ៖ តើលោកអ្នក ត្រៀមខ្លួនហើយឬនៅសម្រាប់​ កម្មវិធីដ៏ធំប្រចាំឆ្នាំ “VATTANAC វ ALL IN FESTIVAL”?​ Queen of K-pop ដ៏ល្បីល្បាញឈ្មោះថា «CL» នឹងត្រលប់មកប្រទេសកម្ពុជាសារជាថ្មីម្តង ទៀតក្រោមការអញ្ជើញរបស់ ក្រុមហ៊ុន វឌ្ឃនៈ ប្រ៊ូវើរី ដែលនឹងប្រព្រឹត្តិទៅ នាថ្ងៃទី២៦ ខែវិច្ឆិកា ឆ្នាំ២០២២ រួមជាមួយនឹងវត្តមាន កំពូលតារាចម្រៀង​ជួរមុខ ក្នុងស្រុកជាច្រើនរូបទៀតដូចជា កញ្ញា មាស សុខសោភា ពូ ឃ្លាំង លោក នីកូ កញ្ញា រ៉ាប៊ី លោក G-Devith ព្រមទាំងអាយដលទាំង៤ ដែលកំពុងទទួលបានការគាំទ្រ យ៉ាងខ្លាំងពី ទស្សនិកជនគឺ អាយដល លឹម តិចម៉េង ស៊ឹមច័ន្ទពន្លឺ ថុល សុភិទិ និងនាង ដាវីន។ ព្រឹត្តិការណ៍ដ៏កក្រើករបស់ក្រុមហ៊ុន វឌ្ឍនៈ ប្រ៊ូវើរី មួយនេះ បានធ្វើឲ្យអ្នកគាំទ្រវិស័យ KPOP និងអ្នកគាំទ្រ​របស់ CL ផ្ទាល់ សប្បាយរីករាយ និងរំភើបជាខ្លាំងជាមួយនឹងវត្តមានជាលើកទី២របស់គាត់ ដោយពុំមាន​អ្នកនឹកស្មានដល់។ មិនត្រឹមតែប៉ុណ្ណោះ ការចូលរួមរបស់កំពូលតារាដ៏ពេញនិយមក្នុងស្រុក​ជាច្រើនរូប ការប្រគុំតន្ត្រី EDM ពី DJ ដ៏ល្បីនិងស្រស់ស្អាត DJ AviDa ព្រមទាំងសកម្មភាពកម្សាន្ត សប្បាយជាច្រើន​ដែលនឹងរៀបចំឡើងដោយម៉ាកយីហោទាំង៤ របស់ វឌ្ឍនៈ ប្រ៊ូវើរី មានដូចជា ស្រាបៀរ វឌ្ឍនៈ ដ្រាហ្គិន គ្រុឌ និងភេសជ្ជៈប៉ូវកម្លាំងគ្រុឌ នឺងបន្ថែមភាពអស្ចារ្យ និងមិនអាចខកខានបាន ក្នុងកម្មវិធីដ៏ធំបំផុតប្រចាំឆ្នាំមួយនេះ។ ក្រុមហ៊ុន វឌ្ឍនៈ ប្រ៊ូវើរី បង្កើតកម្មវិធី “VATTANAC វ ALL IN FESTIVAL” នេះឡើងក្នុងគោលបំណង​តបស្នងទៅដល់អ្នកគាំទ្រ និងបង្ហាញពីការខិតខំប្រឹងប្រែង ទឹកចិត្ត និងក្តីស្រលាញ់ ដែលខ្លួនបានបង្កើត និងដាក់អ្វីៗគ្រប់យ៉ាងនូវរាល់កិច្ចការងារ និងផលិតផល ដែលខ្លួនបានផលិតឡើងសម្រាប់អតិថិជន។ សម្រាប់សំបុត្រចូលរួមទស្សនាព្រឹត្តិការដ៏រំភើបអស្ចារ្យ និងកម្រប្លែកដែលមិនធ្លាប់មានពីមុនមកនេះ អ្នកអាចស្វែងរកបានតាមរយៈ​ភ្នាក់ងារលក់ផលិតផលរបស់ក្រុមហ៊ុន វឌ្ឍនៈ ប្រ៊ូវើរី ដែលបានកំណត់ ទូទាំងប្រទេស៕   

កម្មវិធីល្ខោនខ្មែរ ៖ រកឃើញហើយ កូនក្រុមទាំង៣ក្រុម របស់គ្រូបង្វឹកនីមួយៗ នៃកម្មវិធីល្ខោនខ្មែរ រដូវកាលទី១

2022/10/15 12:06:22 pm        96
Facebook Telegram Linkin
បន្ទាប់ពីទទួលបានបេក្ខជនផ្លូវការទាំង១២ក្រុម កាលពីសប្ដាហ៍កន្លងទៅ ពេលនេះកម្មវិធីល្ខោនខ្មែរ បានឈានមកដល់វគ្គជួបជាមួយគណៈកម្មការហើយ។គណៈកម្មការមេប្រយោគទាំងបួន នឹងដើរតួនាទីជាគ្រូបង្វឹក ដែលនឹងបង្ហាត់បង្រៀនកូនក្រុមរបស់ខ្លួន ដែលក្នុងនោះគ្រូបង្វឹកមួយរូបៗនឹងទទួលបានកូនក្រុមម្នាក់ ៣ក្រុមស្មើៗគ្នា។ ក្នុងនោះ៖ -កូនក្រុមរបស់លោកជំទាវសាស្ត្រាចារ្យ សុទ្ធ សុម៉ាលី មាន៖ (១). ក្រុមពន្លកថ្មីនៃវប្បធម៌ (២).ក្រុម ល្ខោនបុរាណស្រីវត្តកៀនស្វាយក្រៅ និង (៣). ក្រុម យុវជនមន្ទីវប្បធម៌ និងវិចិត្រសិល្បៈរាជធានីភ្នំពេញ។-កូនក្រុមរបស់លោកស្រីសាស្ត្រាចារ្យ សំ សត្យា មាន៖ (១). ក្រុម មន្ទីរវប្បធម៌ និងវិចិត្រសិល្បៈខេត្តបន្ទាយមានជ័យ (២). ក្រុម រស្មីនៃវប្បធម៌ (៣). ក្រុម ក្រឹស្ណរៈ។-កូនក្រុមរបស់ឯកឧត្តមសាស្ត្រាចារ្យ ព្រឿង ឈៀង មាន៖ (១). ក្រុម មន្ទីវប្បធម៌ និងវិចិត្រសិល្បៈខេត្តសៀមរាប (២).ក្រុម សិល្បៈបុរាណយុវជនល្ខោនខោល និងរបាំបុរាណជំនាន់ថ្មី (៣). ក្រុម ស្រលាញ់វប្បធម៌នៃ ស.ស.យ.ក ខេត្តកំពង់ស្ពឺ ។-កូនក្រុមរបស់លោកស្រីព្រឹទ្ធាចារ្យ ប៉ែន សុខហួន មាន៖ (១). ក្រុម នារីអង្គរ (២). ក្រុម វិទ្យាស្ថានគរុកោសល្យរាជធានីភ្នំពេញ (៣). ក្រុម ក្លឹបបណ្ដុះបណ្ដាលសិល្បៈវប្បធម៌ខ្មែរអង្គរខេត្តសៀមរាប។សូមបញ្ជាក់ផងដែរថា នៅវគ្គបន្ទាប់ កូនក្រុមរួមគ្រូ នឹងធ្វើការប្រកួតជាមួយគ្នាទៅវិញទៅមក ពោលគឺមិនប្រកួតឆ្លងក្រុមដែលមានគ្រូបង្វឹកផ្សេងៗនោះឡើយ។ មិនតែប៉ុណ្ណោះ គ្រូបង្វឹកទាំងអស់នឹងធ្វើការវាយតម្លៃទៅតាមការបញ្ចេញសមត្ថភាពជាក់ស្ដែង ហើយក្នុងនោះគ្រូបង្វឹកនីមួយៗនឹងសម្រេចចិត្តរើសបេក្ខជនតែ ២ ក្រុមប៉ុណ្ណោះ រីឯ ១ក្រុមទៀតនឹងត្រូវចាកចេញពីកម្មវិធី។ កម្មវិធីល្ខោនខ្មែរ រដូវកាលទី១ មានចាក់បញ្ចាំងនៅលើកញ្ចក់ទូរទស្សន៍ BTV រៀងរាល់ថ្ងៃសៅរ៍ វេលាម៉ោង ៦ ល្ងាចតទៅ។ ហើយក៏មានការចាក់ផ្សាយលើទំព័រហ្វេសប៊ុកផ្លូវការរបស់សហភាពសហព័ន្ធយុវជនកម្ពុជា ខេត្តស្វាយរៀងផងដែរ៕ “មិនត្រឹមតែជាការចូលរួមប្រកួត តែយើងទាំងគ្នា ចូលរួមគាំទ្រ អភិរក្ស និងលើកស្ទួយសិល្បៈបុរាណខ្មែរ”

ភាពយន្តចម្រៀង"ជីវិតក្មេងវត្ត"ស្នាដៃនិពន្ធដ៏ខ្ពង់ខ្ពស់របស់សម្តេចតេជោ

2022/09/27 09:40:44 pm        149
Facebook Telegram Linkin
ភ្នំពេញ៖ ថ្ងៃដែលបងប្អូនកូន ក្មួយ ចៅ ចៅទួត របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ទន្ទឹងរង់ចាំបានមកដល់ហើយ ភាពយន្តចម្រៀង "ជីវិតក្មេងវត្ត" ដែលជាស្នាដៃនិពន្ធដ៏ខ្ពង់ខ្ពស់របស់សម្តេចតេជោ។ សូមអញ្ជើញបងប្អូនជនរួមជាតិតាមដានទស្សនាកម្មវិធីបើកសម្ពោធក្រោមអធិបតីភាពដ៏ខ្ពង់ខ្ពស់របស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ចាប់ពីម៉ោង ១០:០០ នាទីតទៅ នៅអគារក្រសួងរៀបចំដែនដីនគរូបនីយកម្មនិងសំណង់ ដែលផ្សាយផ្ទាល់តាមរយៈទូរទស្សន៍ជាតិកម្ពុជា, បាយ័ន, ហង្សមាស, PNN, អប្សរា, ប៉ុស្តិ៍លេខ៥, អាស៊ីអាគ្នេយ៍, CTN, ប៉ុស្តិ៍ លេខ ៩, ប៉ុស្តិ៍លេខ ៣, Town, Fresh News និង Page Samdech Techo Hun Sen, Cambodian Prime Minister។ ភាពយន្តចម្រៀងដែលពោរពេញទៅដោយការតស៊ូ អត់ធន ពុះពារគ្រប់ឧបសគ្គដើម្បីក្រេបយកចំណេះ វិជ្ជា។ ផលិតដោយសមាគមសិល្បករខ្មែរ និងដឹកនាំសម្តែងដោយ លោក ហ្វៃ សំអាង។

“ពិធីជួបជុំបណ្តាញមិត្តយើង”ទទួលបានការបរិច្ចាគគាំទ្រយ៉ាងផុសផុលពីសប្បុរសជនជាង ៥ម៉ឺនដុល្លារ

2022/05/05 06:11:53 pm        221
Facebook Telegram Linkin
ភ្នំពេញ៖ សមាគមមិត្តយើង បន្ទាប់ពីបានរៀបពិធីជួបជុំបណ្តាញមិត្តយើង ដើម្បីរឹតចំណងមិត្តភាព និងសាមគ្គីភាព គឺទទួលបានការបរិច្ចាគគាំទ្រយ៉ាងផុសផុលពីសប្បុរសជននានាសរុបចំនួនជាង ៥០ ០០០ ដុល្លារអាម៉េរិក ដើម្បីប្រើប្រាស់ក្នុងសកម្មភាពសង្គម។ សមាគមមិត្តយើង នៅថ្ងៃទី៥ ខែឧសភា ឆ្នាំ២០២២នេះ បានឲ្យដឹងថា តាមរយៈឯកឧត្តម ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ សមាគមមិត្តយើង ទទួលបានការបរិច្ចាគជាទឹកប្រាក់ និងសម្ភារៈពីសប្បុរសជននានាមានចំនួនជាង ៥០ ០០០ដុល្លារ ដើម្បីគាំទ្រសកម្មភាពសមាគមមិត្តយើងសម្រាប់រយៈពេល ៣ឆ្នាំ។ ជាង ១ឆ្នាំកន្លងមកនេះ សមាគមមិត្តយើង បានចូលរួមសកម្មភាពសង្គម និងសប្បរសធម៌នានាសរុបជាទឹកប្រាក់ប្រមាណជាង ៥០ ០០០ដុល្លារ នៅតាមបណ្តាខេត្ត តាមរយៈការបរិច្ចាគអណ្តូងទឹក សម្ភារសិក្សា សម្ភារប្រើប្រាស់ គ្រឿងឧបភោគ-បរិភោគ សំលៀកបំពាក់និងសម្ភារផ្សេងៗទៀត ជូនដល់សាលារៀន មន្ទីរពេទ្យបង្អែក សិស្ស-និស្សិត ក្មេងកំព្រា លោកតាស៊ីក្លូ ជាពិសេសគ្រួសារ និងជនដែលជួបការលំបាកក្នុងជីវភាពរាប់រយគ្រួសារ ដែលបានទទួលការឧបត្ថម្ភទាំងថវិកា និងសម្ភារៈពីសប្បុរសជនដៃគូរសហការ៕ អត្ថបទ ៖ បូរ៉ាវី

កម្ពុជា​សង្ឃឹមថា នឹង​ដណ្ដើម​បាន​ម្កុដ​​បវរកញ្ញា​ចក្រវាល​នៅ​អាម៉េរិក​

2021/04/27 02:59:58 am        63
Facebook Telegram Linkin
​ភ្នំពេញ៖ កញ្ញា រ៉េត សារី​តា បង្ហាញ​ជំនឿ​ចិត្ត នឹង​ការ​ខំប្រឹង​ដើម្បី​ដណ្តើម​មកុដ​បវរកញ្ញា​ចក្រ​វា​ឡ​លើ​ឆាក​អន្តរជាតិ​ក្នុង​ពេល​ឆាប់ៗ​នេះ​។​​កាន់តែ​ខិត​ជិត​មកដល់​ហើយ សម្រាប់​ការប្រកួត​បវរកញ្ញា​ពិភពលោក miss universe international ២០២០ ដែល​នឹងត្រូវ​ប្រព្រឹត្ត​ឡើងលើ​ទឹកដី​សហរដ្ឋអាមេរិក​នា​ពេល​ដ៏​ខ្លី​ខាងមុខនេះ​។ សម្រាប់​ឆ្នាំនេះ​វិញ កម្ពុជា​ក៏បាន​ត្រៀម​បញ្ជូន​បេក្ខនារី ទៅ​ចូលរួម​ប្រកួត​ផងដែរ ហើយ​សម្រាប់​បេក្ខភាព​តំណាង​កម្ពុជា​រូប​នោះ គឺ​កញ្ញា រ៉េត សារី​តា ម្ចាស់​ម្កុដ​បវរកញ្ញា​កម្ពុជា​ឆ្នាំ២០២០។ ទាក់ទង​នឹង​ដំណើរការ​ប្រកួត​បវរ​កញ្ញា​ចក្រ​វា​ឡ​ពិភពលោក btv ក៏បាន​ទាក់ទង​ទៅ​កញ្ញា សារី​តា ផ្ទាល់​ផងដែរ ដើម្បី​សាកសួរ​ពី​ដំណើរ​ការប្រកួត​ ក្នុងនោះ ​កញ្ញា​បាន​បញ្ជាក់​ថា បច្ចុប្បន្ន កម្មវិធី ប្រកួត​បាន​ចាប់​ផ្តើម​ដំណើរការ​រួចមកហើយ​ គឺ​តាំងពី​ខែមីនា​មកម្ល៉េះ ប៉ុន្តែ​ ជា​ប្រកួត​តាមរយៈ online ដោយ​ក្នុង​នោះ​មានការ​សម្ភាសន៍​ឆ្លើយ​សំនួរ ការ​បញ្ចេញ​ទេពកោសល្យ​ផ្សេង បន្ទាប់ពី​ឆ្លងកាត់​វគ្គ​ទាំងអស់នោះ​ហើយ នៅ​ចុងខែ​មេសា ឆ្នាំ២០២១ នេះ កញ្ញា​នឹងធ្វើ​ដំណើរ​ទៅ​រដ្ឋ Florida សហរដ្ឋអាមេរិក ដើម្បី​ចូលរួម​ប្រកួត​ផ្ដាច់ព្រ័ត្រ​។​​កញ្ញា សារី​តា គឺជា​ស្ត្រី ខ្មែរ​ជំនា​ន់ទី៤ ហើយ ដែល​បាន​ចូល​ប្រលង​ក្នុង​កម្មវិធី​លំដាប់​ពិភពលោក​មួយ​នេះ សារី​តា បាន​បង្ហើប​ប្រាប់​អ្នកគាំទ្រ​តាមរយៈ btv ថា សម្រាប់​ជំនឿ​ចិត្ត​ក្នុង​ការ​ដណ្តើម​ម្កុដ នោះ​កញ្ញា ពិតជា​មាន ហើយ​កញ្ញា​នឹងធ្វើ​អោយអស់​ពីស​ម្ថ​ត​ភាព ដើម្បី​ប្រទេស​កម្ពុជា​យើង ។ កញ្ញា​ក៏បាន​សង្កត់ធ្ងន់​ផង​ដែរ​ថា មាន​ប្រទេស​ប្រមាណ​ជា ជាង 70 ប្រទេស​ដែល​ចូលរួម ដូច្នេះ​បេ​ក្ខ​នារី ផ្សេងទៀត ក៏​សុ​ទ​តែមាន​ជំនឿ​ចិត្ត​ដូចគ្នា ហេតុដូចនេះ ​យើង​ពុំ​អាច​មើលស្រាល​គូរ​ប្រកួត​បានឡើយ​។ ការ​បន្ទាបខ្លួន​គឺជា​ជ័យជំនះ​ធំ​បំផុត​សម្រាប់​កញ្ញា​៕ ​អត្ថបទ៖ អាណា​​

សំបុត្រ​ទស្សនា​វគ្គ​ផ្ដាច់ព្រ័ត្រ​ពាន​សម្ដេច​តេ​ជោ ហ៊ុន សែន ចាប់ផ្ដើម​លក់​ថ្ងៃនេះ

2021/04/27 02:59:58 am        11
Facebook Telegram Linkin
បាល់ទាត់៖ ​នៅសល់​រយៈពេល ៤​ថ្ងៃ​ទៀត​ប៉ុណ្ណោះ ការប្រកួត​វគ្គ​ផ្ដាច់ព្រ័ត្រ​ពានរង្វាន់​សម្ដេច​តេ​ជោ ហ៊ុន សែន លើក​ទី​១៤ (​ថ្នាក់​ជាតិ​) ឆ្នាំ​២០២០ រវាង​ក្រុម​ណាហ្គា​វើ​ល​ដ៏ និង​ក្រុម​វិសាខានឹង​មកដល់​ហើយ ពោល​គឺ​នៅ​ថ្ងៃ​ទី​៧ ខែ​វិច្ឆិកា​ចុង​សប្ដាហ៍​នេះនៅ​ពហុ​កីឡដ្ឋាន​ជាតិ។​ដោយឡែក​សំបុត្រ​ចូល​ទស្សនាការ​ប្រកួត​បញ្ចប់​រដូវ​កាល សម្រាប់​ពានរង្វាន់​ប្រើប្រាស់​តែ​កីឡាករ​ក្នុងស្រុក​នេះ គណៈកម្មការ​ប្រកួត​បា​ល់​ទាត់​ជាតិ​កម្ពុជា ​(CNCC) បាន​ប្រកាស​ចាប់ផ្ដើម​លក់​ពី​ថ្ងៃ​ទី​០៣ ខែ​វិច្ឆិកា​នេះរហូតដល់​ថ្ងៃ​ទី​០៦ ខែ​វិច្ឆិកា នៅ​ការិយាល័យ​របស់​ខ្លួន​ដោយ​រក្សា​តម្លៃ ៤,០០០​រៀល​ដដែល។​ អ្វី​ដែល​គួរ​កត់​សម្គាល់​ជុំវិញ​ការ​លក់​សំបុត្រ​នេះ​ដែរ CNCC បាន​តម្រូវ​ឲ្យ​អ្នកគាំទ្រ​ត្រូវ​ភ្ជាប់​មក​ជា​មួយ​នូវ​អត្តសញ្ញាណប័ណ្ណ ឬ​ប័ណ្ណ​សម្គាល់​ខ្លួន​ទើប​អាច​ទិញ​សំបុត្រ​បាន។ ការ​ធ្វើ​បែប​នេះ​គឺ​ដើម្បី​ងាយស្រួល​ក្នុង​ការ​គ្រប់គ្រង ក្នុង​ន័យ​ចូលរួម​យុទ្ធនាការ​ទប់ស្កាត់​ការ​រីក​រាល​ជំងឺ​កូ​វីត​–១៩ ក្នុង​សហគមន៍ ស្របតាម​ការណែនាំ​របស់​ក្រសួងសុខាភិបាល។​ក្រឡេក​មក​ចាប់អារម្មណ៍ការប្រកួត​វគ្គ​ផ្ដាច់ព្រ័ត្រ​វិញ ណាហ្គា​វើ​ល​ដ៏ និង​វិសាខានឹង​ត្រូវ​ជួប​គ្នា​នា​វេលា​ម៉ោង ៦​ល្ងាច ក្នុងនាម​បេក្ខភាព​ដណ្ដើម​ជើងឯក​ពានរង្វាន់​សម្ដេច​តេ​ជោ ហ៊ុន សែន ឆ្នាំ​២០២០។ ប៉ុន្តែ​មុន​ឈាន​ដល់​ការប្រកួត​វគ្គ​ផ្ដាច់ព្រ័ត្រក៏​មាន​គូ​ជក់ចិត្ត​រវាង​ក្រុម​ភ្នំពេញ​ក្រោ​ន និង​ខេត្ត​ព្រៃវែងដើម្បី​ដណ្ដើម​ចំណាត់ថ្នាក់​លេខ​៣ ផង​ដែរ។ ការប្រកួត​វគ្គ​ផ្ដាច់ព្រ័ត្រ​នេះ​នឹង​មាន​ផ្សាយ​ផ្ទាល់​លើ​កញ្ចក់​ទូរទស្សន៍ BTV-News៕​អត្ថបទ៖ លី ឈុន​ឡា

កីឡាករ​បំរុង Rashford​ ស៊ុត Hat-Trick ខណៈ Manchester United បំបាក់ RB Leipzig ៥-០

2021/04/27 02:59:58 am        7
Facebook Telegram Linkin
​បាល់ទាត់៖ ​ខ្សែប្រយុទ្ធ​អង់គ្លេស Marcus Rashford ត្រឹម​ជា​កីឡាករ​បំរុង​រកបាន​ ៣​គ្រាប់​ម្នាក់ឯង​ក្នុង​ជ័យជំនះ​របស់ Manchester United ៥–០ លើ​ក្រុម​ភ្ញៀវ​អាល្លឺម៉ង់ RB Leipzig​។ ​Mason Greenwood ជា​អ្នក​បើក​ការ​នាំ​មុខ​នៅ​នាទី​ទី​២១ ខណៈ​គ្រាប់​ដែល​នៅសល់​សុទ្ធតែ​សំរេច​នៅ​វគ្គ​ទី​២​។​​កីឡាករ​អង់គ្លេស Rashford ​ត្រូវ​បាន​ផ្លាស់ប្ដូរ​ចូល​អំឡុង​នាទី​ទី​៦០ ក៏​រក​បាន ២​គ្រាប់​ផ្ទួនៗ​នៅ​នាទី​ទី​៧៤ និង​៧៨ មុន​ពេល​ដែល Anthony Martial ស៊ុត​បាល់​ពិន័យ ១១ម៉ែត្រ​នៅ​នាទី​ទី៨៧ ហើយ Rashford​ ដដែល​ក៏​រក​បាន Hat-Trick នៅ​ចុង​ម៉ោង​នាទី​ទី​៩០+២​។ ​នេះ​ជា​ជ័យជំនះ​ ២​ប្រកួត​ជាប់​គ្នា​ហើយសំរាប់ Manchester United ដើម្បី​ឈរ​លើ​គេ​ក្នុង​ពូ​ល H មាន ៦ពិន្ទុ​ពេញ ​ស្រប​ពេល PSG ឈរ​លេខ២ មាន ៣ពិន្ទុ​ក្រោយ​ឈ្នះ​នៅ​ទឹកដី Istanbul Basaksehir ២–០​។​​ងាក​ទៅ​ជំនួប​រវាង Juventus​ និង Barcelona នៅ​ទីក្រុង Turin ប្រទេស​អ៊ីតាលី​ជា​ការ​ប្រកួត​ក្នុង​ពូ​ល G​។ ​​Juventus​ ដែល​បន្ត​គ្មាន Cristiano Ronaldo ដែល​នៅ​មិនទាន់​ជា​ពី Covid-19 នោះ​បាន​រង​បរាជ័យ​ក្នុង​ទឹកដី​ខ្លួនឯង ​ក្រោម​ថ្វី​ជើង​ក្រុម​ភ្ញៀវ​អេ​ស្ប៉ា​ញ ២–០​។ ​Ousmane Dembele​ ជា​អ្នករក​គ្រាប់​បាល់​នាំមុខ​នៅ​នាទី​ទី១៤ ខណៈ​គ្រាប់​ទី២ ​ត្រូវ​រង់ចាំ​ដល់​ចុង​ម៉ោង​ដោយ​ពិន័យ ១១ម៉ែត្រ​របស់ Lionel Messi​ ក្រោយ​កំហុស​របស់​ខ្សែ​ការពារ Juventus ​លើ Ansu Fati​។ ​Barcelona ចាប់ផ្ដើម ២ប្រកួត​ដំបូង​ឈ្នះ​ទាំង២ មាន ៦ពិន្ទុ​ឈរ​លើ​គេ​ក្នុង​ពូ​ល G ខណៈ Juventus​ លេខ២ មាន ៣ពិន្ទុ ឯ​លេខ៣ និងលេខ៤ គឺ Dynamo Kyiv និង Ferencvarosi​ ដែល​ស្មើគ្នា ១–១ យប់មិញ​៕​អត្ថបទ​៖​នាង សុភា​វុ​ធ

Bata បន្ដ​នៅ​បឹងកេត ឬ​អត់ អាស្រ័យ​លើ​ប្រធាន​ក្លិប​

2021/04/27 02:59:58 am        7
Facebook Telegram Linkin
​បាល់ទាត់៖ បន្ទាប់ពី​ក្លាយ​ជា​វីរបុរស​របស់​ក្លិប​បឹងកេត ក្នុង​ការ​ស៊ុត​គ្រាប់​បាល់​សម្រេច​ជោគវាសនា ​លើក​ពាន​លី​គ​កំពូល​កម្ពុជា​ឆ្នាំ​២០២០ កាលពី​ថ្មីៗ ខ្សែប្រយុទ្ធ Dzarma Bata បាន​បង្ហើប​ថា ខ្លួន​នឹង​បន្ដ​រួមរស់​ជាមួយ​ក្រុម​នាគ​ខៀវ​នេះ​បន្ដ​ទៀត ប្រសិនបើ​ប្រធាន​ក្លិប​ចង់​ឲ្យ​រូបគេ​នៅ​បន្ដ។​កីឡាករ​នី​ហ្សេ​រី​យ៉ា​រូប​នេះបាន​សម្ដែង​នូវ​ការ​សប្បាយ​ចិត្ត ក្រោយ​បាន​ជួយ​បឹងកេត​គ្រង​ជើងឯក​លី​គ​កំពូល​កម្ពុជា​ជា​លើក​ទី​២ បើ​គិត​ចាប់ពី​ឆ្នាំ​២០១៦។ Bata បន្ដ​ថា ទោះ​បាន​លេង​ត្រឹម​ពាក់កណ្ដាល​រដូវ​កាល តែ​ខ្លួន​ពិតជា​ពេញចិត្ត ហើយ​បើ​មានឱកាស​ខ្លួន​ក៏​នឹង​នៅ​ជួយ​ក្រុម​បន្ដទៀត​ដែរ។​ គួរ​បញ្ជាក់​ថា Dzarma Bata គឺជា​កីឡាករ​មាន​បទពិសោធន៍​ជោគ​ជាំ​ម្នាក់ ​ក្នុង​ក្រប​ខណ្ឌ​លី​គ​កំពូល​កម្ពុជាដោយ​ធ្លាប់​លេង​ឲ្យ​ក្លិប​ជាច្រើន រួមមាន​ព្រះខ័ន​រាជ​ស្វាយរៀង, អាស៊ី​អឺរ៉ុប, កង​យោធពល​ខេមរភូមិន្ទ, ភ្នំពេញ​ក្រោ​ន និង​អង្គ​រថា​យ​ហ្គឺ​រ។ ពិសេស​គេ​ធ្លាប់​បាន​ជួយ​ក្រុម​បឹងកេត​ លើក​ពាន​លី​គ​កំពូល​កម្ពុជា​កាលពី​ឆ្នាំ​២០១៦ ម្ដង​រួច​មក​ហើយ មុន​ត្រូវ​បាន​ក្រុម​នាគ​ខៀវ​នេះ​ខ្ចី​ជើង​ពី​ក្លិប​អង្គ​រថា​យ​ហ្គឺ​រ មក​ជួយ​ក្រុម​ជាថ្មី​នៅ​ពាក់កណ្ដាល​រដូវ​កាល​ឆ្នាំ​២០២០ រហូត​រួមចំណែក​ជួយ​ក្រុម​លើក​ពាន​ម្ដង​ទៀត ដោយ​រក្សា​កំណត់ត្រា​មិន​ស្គាល់​ចាញ់​ម្ដង​ឡើយ៕​អត្ថបទ៖ លី ឈុន​ឡា

សមាគម និង​ក្លិប​ប៉េតង់​ជាង ៥០ នឹង​ចូលរួម​ប្រកួត​ពានរង្វាន់ «​គរុ​គុណ​» លើក​ទី​១

2021/04/27 02:59:58 am        7
Facebook Telegram Linkin
​​ប៉េតង់៖ សហព័ន្ធ​កីឡា​ប៊ូល និង​ប៉េតង់​កម្ពុជា​បាន​ប្រកាស​រៀបចំ​ពានរង្វាន់ «​គរុ​គុណ​» លើកដំបូងដើម្បី​រម្លឹក និង​​ការ​ដឹងគុណ​ចំពោះ​ឥស្សរជន​ឆ្នើម ២​រូប​គឺ​សម្ដេច​ក្រឡាហោម ស ខេង ប្រធាន​កិត្តិយស​សហព័ន្ធ និង​សម្ដេច​វិបុល​បញ្ញា សុខ អាន អតីត​ប្រធាន​សហព័ន្ធ​ដែល​បាន​ដឹកនាំ និង​អភិវឌ្ឍន៍​កីឡា​នេះ​ឲ្យ​រីកចម្រើន​រហូតមកដល់​បច្ចុប្បន្ន​។​ឯកឧត្ដម ស សុខា ប្រធាន​សហព័ន្ធ​កីឡា​ប៊ូល និង​ប៉េតង់​កម្ពុជាបាន​លើក​ឡើង ​ក្នុង​សន្និសីទ​សារ​ព័ត៌មាន​កាលពី​ម្សិលមិញ​ថា ការប្រកួត​កីឡា​ប៉េតង់​ពានរង្វាន់ «​គរុ​គុណ​» ធ្វើឡើង​ក្នុង​គោលបំណង​រម្លឹក​ពី​កិច្ច​ខិតខំ​ប្រឹងប្រែង លះបង់ កម្លាំងកាយ​ចិត្ត និង​ពេលវេលា​ដ៏​មានតម្លៃ​របស់​សម្ដេច​ក្រ​ឡា​ហោម ស ខេង និង​សម្ដេច​វិបុល​បញ្ញា សុខ អាន ក្នុង​ការ​ដឹកនាំ​ប្រភេទ​កីឡា​ប៊ូល និង​ប៉េតង់​រហូត​ទទួល​បាន​ភាព​ល្បីល្បាញ ការ​កោត​សរសើរ​ទាំង​ថ្នាក់​ជាតិ និង​ពិភពលោក​។ ដោយហេតុ​នេះ​ហើយ ទើប​សហព័ន្ធ​សម្រេច​ដាក់ឈ្មោះ​ព្រឹត្តិការណ៍​ខាងលើ​ថា ពានរង្វាន់ «​គរុ​គុណ​» ដែល​សំដៅ​ទៅលើ​គុណូបការៈ​ដ៏​ធំធេង ដែល​មិន​អាច​តបស្នង និង​បំភ្លេច​បាន​ចំពោះ​ការ​លះបង់ និង​ខិតខំ​ប្រឹងប្រែង​របស់​ស្ថាបនិក​សហព័ន្ធ​ទាំងពីរ​។​សម្រាប់​ការប្រកួត​កីឡា​ប៉េតង់​ពានរង្វាន់ «​គរុ​គុណ​» ឆ្នាំ​២០២០ នឹង​ធ្វើ​ការប្រកួត​រយៈ​ពេល ៣​ថ្ងៃ​ចាប់ពី​ថ្ងៃទី​០៦–០៨ ខែវិច្ឆិកាខាងមុខនេះនៅ​ពហុ​កីឡដ្ឋាន​ជាតិ ដោយមាន​ការចូលរួម​ប្រកួត​ពី​សមាគម​-​ក្លិប​ចំនួន ៥៥ ខណៈ​ដែល​សហព័ន្ធ​បាន​កំណត់​ឲ្យ​ប្រកួត​ចំនួន ៨​វិញ្ញាសា​។​ គួរ​រំលឹក​ដែរ​ថា ប៉េតង់​គឺជា​ប្រភេទ​កីឡា​មួយ​ដ៏​មាន​សក្ដានុពល​របស់​ក​ម្ពុ​ជា ក្នុង​ការ​ប្រកួត​នៅ​លើ​ថ្នាក់​អន្តរជាតិ​។ ក្រោម​ការដឹកនាំ​របស់​សម្ដេច​ក្រឡាហោម ស ខេង និង​សម្ដេច​វិបុល​បញ្ញា សុខ អាន រហូត​ដល់​ថ្នាក់ដឹកនាំ​បច្ចុប្បន្ន កីឡា​ប៉េតង់តែង​ដណ្ដើម​មេដាយ​ជូន​ជាតិ​ជា​បន្ដបន្ទាប់ ពិសេស​តាម​រយៈ​វីរៈ​កីឡា​ការិនី កែ ឡេង ដែល​ដណ្ដើម​បាន​មេដាយ​មាស​ពិភពលោក ៤​សម័យ​ជាប់​គ្នា ហើយ​ជា​កីឡា​ការិនី​ដំបូង​លើ​ពិភពលោក​ដែល​ជា​កំណត់ត្រា​ដ៏​អស្ចារ្យ​៕អត្ថបទ៖ ប៊ុនធឿន

បណ្ដាញសង្គម

ព័ត៌មានថ្មីៗ

សហភាពអឺរ៉ុប ផ្អាកការបោះឆ្នោតលើកញ្ចប់ជំនួយអ៊ុយក្រែន បន្ទាប់ពីរដ្ឋជាសមាជិក​មួយបាន​បដិសេធ
12/07/2022 09:12 AM
Facebook Telegram Linkin
មនុស្ស ៧នាក់ស្លាប់ និង១៥នាក់ រងរបួសក្នុងការបំផ្ទុះគ្រាប់បែក នៅប្រទេសអាហ្វហ្គានីស្ថាន
12/07/2022 09:12 AM
Facebook Telegram Linkin
ជប៉ុន៖ បើមិនមានកិច្ចខិតខំប្រឹងប្រែងរបស់កម្ពុជាទេនោះ ស្ថានភាពនៅមីយ៉ាន់ម៉ាអាចកាន់តែអាក្រក់ខ្លាំង
12/06/2022 05:12 PM
Facebook Telegram Linkin
ទីតាំងល្បែងស៊ីសងដ៏ធំមួយ ក្នុងខណ្ឌពោធិ៍សែនជ័យ ត្រូវអាជ្ញាធរចុះបង្ក្រាប
12/06/2022 06:12 PM
Facebook Telegram Linkin
កម្ពុជា និងជប៉ុន វាយតម្លៃខ្ពស់ចំពោះទំនាក់ទំនងដែលនឹងត្រូវលើកកម្ពស់ទៅដល់កម្រិតភាពជាដៃគូយុទ្ធសាស្រ្តគ្រប់ជ្រុងជ្រោយ នៅឆ្នាំ២០២៣
12/06/2022 05:12 PM
Facebook Telegram Linkin
ប្រធាន​គណៈកម្មាធិការ​សាខា​កាកបាទក្រហម​ខេត្តកំពង់ឆ្នាំង សុំឲ្យ​ប្រជាពលរដ្ឋ​ទាំង ​៦​គ្រួសារ ​ខិតខំ​កសាង និង​ជួសជុលផ្ទះ​ឡើងវិញ បន្ទាប់ពី​រង​ការឆេះ​ស្ទើរ​ទាំងស្រុង
12/06/2022 05:12 PM
Facebook Telegram Linkin
កម្ពុជា-ន័រវែស ពិភាក្សាលើគម្រោងបោសសម្អាតគ្រាប់បែកចង្កោម និងសំណល់ជាតិផ្ទុះនៅកម្ពុជា
12/06/2022 05:12 PM
Facebook Telegram Linkin
អាជ្ញាធរមីន៖ ភូមិចំនួន០៤ ស្ថិតក្នុងស្រុកបូទុមសាគរ នឹងត្រូវប្រកាសជាភូមិអស់មីន ក្នុងខែធ្នូ ឆ្នាំ២០២២នេះ
12/06/2022 04:12 PM
Facebook Telegram Linkin
ICC-Angkor នឹងបើកកិច្ចប្រជុំស្ដីពី ការងារស្រាវជ្រាវ និងអភិរក្សតំបន់អង្គរនៅសប្ដាហ៍ក្រោយ
12/06/2022 04:12 PM
Facebook Telegram Linkin
អារ៉ាប៊ីសាអ៊ូឌីត​នឹង​ជា​ម្ចាស់ផ្ទះ​បាល់ទាត់​ជើងឯក​អាស៊ី​ឆ្នាំ​២០២៧ ក្រោយ​ឥណ្ឌា​ដក​ខ្លួន​
12/06/2022 03:12 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.