ឧត្តមសេនីយ៍ Dan Caine មន្ត្រីយោធាជាន់ខ្ពស់សហរដ្ឋអាមេរិក បាននិយាយកាលពីថ្ងៃសុក្រ ទី១៣ ខែមីនា ថា ច្រកសមុទ្រ Hormuz មាន «ស្ថានភាពស្មុគស្មាញខាងយុទ្ធសាស្ត្រ» ដោយទទួលស្គាល់ពីការលំបាកក្នុងការធ្វើសកម្មភាពលើផែនការនានាដើម្បីអមការពារនាវាដោយសុវត្ថិភាពតាមរយៈផ្លូវទឹកយុទ្ធសាស្ត្រនេះ។

លោក Caine បាននិយាយថា «វាជាបរិយាកាសស្មុគស្មាញខាងយុទ្ធសាស្ត្រ។ កាលពីពេលមុន ខ្ញុំគិតថា យើងចង់ធ្វើអ្វីៗគ្រប់យ៉ាងឆ្លងកាត់ច្រកនោះក្នុងទ្រង់ទ្រាយធំ យើងចង់ធ្វើឱ្យប្រាកដថាយើងធ្វើការងារស្របតាមគោលបំណងយោធាបច្ចុប្បន្នរបស់យើង»។

នៅពេលត្រូវបានសួរថាតើ រដ្ឋបាល លោក Trump មានផែនការគ្រប់គ្រាន់សម្រាប់អ៊ីរ៉ង់ដែលបិទច្រកសមុទ្រនេះ ដែលត្រូវបានប្រើប្រាស់សម្រាប់ពាណិជ្ជកម្មប្រេងឆៅសកលមួយភាគប្រាំ ដែរឬយ៉ាងណា នោះ ប្រមុខមន្ទីរបញ្ចកោន លោក Pete Hegseth បាននិយាយថា ពិតណាស់ ប៉ុន្តែពុំបានផ្តល់ព័ត៌មានលម្អិតនោះទេ។ លោកបាននិយាយថា «យើងពិតជាកំពុងខិតជិត និងគ្រប់គ្រងអ្វីដែលជាគោលដៅ យើងចង់សម្រេចបាន និងរបៀបដែលយើងចង់សម្រេចបាន»។ រដ្ឋមន្ត្រីក្រសួងថាមពល លោក Chris Wright បាននិយាយកាលពីថ្ងៃមុនថា យោធាអាមេរិកបច្ចុប្បន្ន «មិនទាន់បានត្រៀមខ្លួន» ដើម្បីអមការពារនាវាដឹកប្រេងឆ្លងកាត់ច្រកសមុទ្រនោះទេ ព្រោះយុទ្ធោបករណ៍ទាំងអស់របស់ខ្លួនផ្តោតលើការវាយប្រហារលើអ៊ីរ៉ង់។ ប៉ុន្តែលោកបាននិយាយបន្ថែមថា វា «ទំនង» ដែលការអមការពារបែបនេះ នឹងកើតឡើងនៅចុងខែនេះ។ កាលពីដើមសប្តាហ៍នេះ លោក Wright បានបញ្ជូនការព្យាកតម្លៃប្រេង នៅពេលដែលលោកបាននិយាយថា នាវាអាមេរិកបានអនុវត្តការអមការពាររួចហើយមុនពេលការបង្ហោះនៅលើបណ្តាញសង្គមរបស់លោកដែលត្រូវបានលុបចោលវិញយ៉ាងឆាប់រហ័ស ហើយសេតវិមានបានបដិសេធថា ប្រតិបត្តិការបែបនេះមិនបានកើតឡើងទេ។