កម្មវិធីអវកាសរបស់អ៊ីរ៉ង់ ត្រូវបានបំផ្លាញដោយប្រតិបត្តិការយោធារបស់សហរដ្ឋអាមេរិក និងអ៊ីស្រាអែល នេះបើយោងតាមប្រធានទីបញ្ជាការភាគខាងជើងនៃកងកម្លាំងប្រដាប់អាវុធអាមេរិក លោក ឧត្តមសេនីយ៍ Gregory Guillot។

លោកបាននិយាយថា ឥឡូវនេះ អ៊ីរ៉ង់ហាក់ដូចជាគ្មានមធ្យោបាយណាមួយ ដើម្បីអភិវឌ្ឍន៍មីស៊ីលបាលីស្ទីកអន្តរទ្វីប (ICBM) ដែលមានសមត្ថភាពទៅដល់សហរដ្ឋអាមេរិកនោះទេ។ 

លោក Guillot បានប្រាប់គណៈកម្មាធិការសេវាកម្មប្រដាប់អាវុធនៃសភាតំណាងរាស្ត្រអាមេរិកថា៖«ផ្លូវដែលអាចធ្វើទៅបានរបស់ទីក្រុងតេអេរ៉ង់សម្រាប់ការអភិវឌ្ឍមីស៊ីលបាលីស្ទីកអន្តរទ្វីបដែលគំរាមកំហែងដល់ប្រទេសមួយទៀត ទំនងជាត្រូវបានបញ្ចប់ តាមរយៈការបំផ្លាញកម្មវិធីបាញ់បង្ហោះអវកាសរបស់ខ្លួន»។

លោក Guillot ក៏ដឹកនាំទីបញ្ជាការការពារអវកាសអាមេរិកខាងជើង (NORAD) ផងដែរ។

សហរដ្ឋអាមេរិក និងអ៊ីស្រាអែល បានចាប់ផ្តើមប្រតិបត្តិការយោធាប្រឆាំងនឹងអ៊ីរ៉ង់ នៅថ្ងៃទី២៨ ខែកុម្ភៈ ដោយវាយប្រហារទីក្រុងធំៗ រួមទាំងទីក្រុងតេអេរ៉ង់ផងដែរ។ សេតវិមានបានបង្ហាញភាពត្រឹមត្រូវនូវការវាយប្រហារនេះ ដោយលើកឡើងពីការគំរាមកំហែងដោយមីស៊ីល និងនុយក្លេអ៊ែរពីអ៊ីរ៉ង់។ សហរដ្ឋអាមេរិកបានអំពាវនាវដោយបើកចំហដល់ប្រជាជនអ៊ីរ៉ង់ឲ្យងាកមកប្រឆាំងនឹងរដ្ឋាភិបាលរបស់ពួកគេ និងដណ្តើមអំណាច។ លោក Ayatollah Ali Khamenei និងឥស្សរជនសំខាន់ៗរបស់អ៊ីរ៉ង់មួយចំនួនទៀត ត្រូវបាន    សម្លាប់។ អ៊ីរ៉ង់បានសងសឹកដោយការវាយប្រហារយ៉ាងទូលំទូលាយទៅលើអ៊ីស្រាអែល និងមូលដ្ឋានយោធារបស់សហរដ្ឋអាមេរិកនៅក្នុងប្រទេសបារ៉ែន ហ្ស៊កដានី កាតា គូវ៉ែត អេមីរ៉ាតអារ៉ាប់រួម និងអារ៉ាប៊ីសាអ៊ូឌីត៕