ក្រុមការពារតំណែងជើងឯក Paris Saint Germain បានធានាជ័យជំនះជើងទីមួយរបស់ខ្លួន ៥-២ មិនឱ្យភ្លាត់នៅជើងទីពីរនេះ និងថែមទាំងបន្តយកឈ្នះនៅទឹកដី Chelsea ៣-០ បន្ថែមទៀត បន្តដំណើរឡើងវគ្គ ៨ ក្រុមចុងក្រោយតាមរយៈជ័យជំនះទាំងពីរជើង ៨-២។

កាន់បីគ្រាប់ចំណេញពីជើងទីមួយ ក្រុមរបស់លោក Luis Enrique នៅតែមានប្រៀបជើងទីពីរនេះនៅពេល Kvicha Kvaratskhelia រកបានគ្រាប់នាំមុខតាំងពីនាទីទី ៦ មុនពេលដែល Bradley Barcola បន្ថែមគ្រាប់ទីពីរនៅនាទីទី ១៤។

វគ្គទីពីរកីឡាករបម្រុង Senny Mayulu កាន់តែធ្វើឱ្យ Chelsea ផុងជ្រៅនិងតបតរមិនរួច ខណៈការប្រកួតបញ្ចប់ដោយ PSG យកឈ្នះ ៣-០ សរុបទាំងពីរជើង ៨-២ នេះ។

PSG នៅពេលនេះបន្តដំណើរទៅវគ្គ ៨ ក្រុមចុងក្រោយរង់ចាំជួបក្រុមឈ្នះរវាង Galatasaray រឺ Liverpool ខណៈក្រុមទួកគីកំពុងនាំមុខ ១-០៕ អត្ថបទ៖នាង សុភាវុធ