យន្តហោះដឹកជំនួយមួយគ្រឿងពីសហភាពអឺរ៉ុប បានទៅដល់ទីក្រុងឡាហាវ៉ាន កាលពីថ្ងៃពុធ ទី១៨ ខែមីនា ដោយនាំយកគ្រឿងផ្គត់ផ្គង់វេជ្ជសាស្ត្រ និងឧបករណ៍ថាមពលព្រះអាទិត្យ ខណៈប្រទេសគុយបា កំពុងប្រឈមនឹងការខ្វះខាត និងបញ្ហាប្រឈមថាមពលជាបន្តបន្ទាប់។

វីដេអូបង្ហាញពីសកម្មជន កំពុងរើចេញកេសសម្ភារៈពីយន្តហោះនៅអាកាសយានដ្ឋានអន្តរជាតិ José Martí និងដឹកជញ្ជូនឆ្លងកាត់ស្ថានីយ ជាផ្នែកមួយនៃដែលគេហៅថាក្បួនដង្ហែរសាមគ្គីភាពអឺរ៉ុប។

អាជ្ញាធរបាននិយាយថា ពួកគេបានស្តារឡើងវិញបណ្តាញអគ្គិសនីជាតិ បន្ទាប់ពីមានការដាច់ចរន្តអគ្គិសនី នៅទូទាំងប្រទេស ដែលបានធ្វើឱ្យប្រជាជន ១០ លាននាក់នៅប្រទេសកោះនេះគ្មានអគ្គិសនីប្រើប្រាស់ រយៈពេលជាង ២៩ ម៉ោង។

ការដាច់ចរន្តអគ្គិសនីបានបន្ត បន្ទាប់ពីការខ្វះប្រេងឥន្ធនៈកាន់តែធ្ងន់ធ្ងរ ក្រោយសហរដ្ឋអាមេរិក បានចាត់វិធានការរឹតត្បិតការផ្គត់ផ្គង់ប្រេងទៅកាន់ប្រទេសកោះមួយនេះ ដែលធ្វើឲ្យភាពតានតឹងរវាងទីក្រុងវ៉ាស៊ីនតោន និងទីក្រុងឡាហាវ៉ាកាន់តែខ្លាំងឡើង។