រដ្ឋមន្ត្រីក្រសួងយុត្តិធម៌ហូឡង់ លោក David van Weel បាននិយាយនៅថ្ងៃសុក្រ (ទី២០ ខែមីនា ឆ្នាំ២០២៦) នវថា ប្រទេសហូឡង់កំពុងបង្កើនសន្តិសុខ ចំពោះអ្នកប្រឆាំងអ៊ីរ៉ង់ដែលរស់នៅក្នុងប្រទេសនេះ បន្ទាប់ពីបុរសម្នាក់ដើមកំណើតអ៊ីរ៉ង់ ដែលត្រូវបានគេស្គាល់ថា ជាអ្នករិះគន់អាជ្ញាធរនៅទីក្រុងតេអេរ៉ង់ ត្រូវបានបាញ់ប្រហារ។

អ្នកនាំពាក្យរបស់លោក Van Weel បានបដិសេធមិនផ្តល់ព័ត៌មានលម្អិតបន្ថែមទេ។ ជនរងគ្រោះនៃការបាញ់ប្រហារនេះ គឺជាមន្ត្រីនគរបាលអាយុ ៣៦ឆ្នាំ ដែលបានរងរបួសយ៉ាងធ្ងន់ធ្ងរ កាលពីព្រឹកថ្ងៃព្រហស្បតិ៍។ គេនៅតែមិនទាន់ច្បាស់ទេថា អ្នកណាជាអ្នកទទួលខុសត្រូវ ចំពោះការបាញ់ប្រហារនោះ។ ការស៊ើបអង្កេតកំពុងបន្តមាន ហើយអាជ្ញាធរហូឡង់មិនទាន់បានកំណត់នៅឡើយទេថា តើមានទំនាក់ទំនងជាមួយអ៊ីរ៉ង់ដែរ ឬអត់។

លោក Van Weel បាននិយាយកាលពីថ្ងៃព្រហស្បតិ៍នៅលើវេទិកាបណ្ដាញសង្គម X ថា៖ «ទីភ្នាក់ងារសេវាអយ្យការសាធារណៈ កំពុងពិចារណាលើសេណារីយ៉ូដែលអាចកើតមានទាំងអស់»។

លោកបានបន្ថែមថា៖ «ដោយសារប្រវត្តិជាជនជាតិអ៊ីរ៉ង់របស់ជនរងគ្រោះ (អ្នកសម្របសម្រួលជាតិ ទទួលបន្ទុកសន្តិសុខ និងប្រឆាំងភេរវកម្ម) ទីភ្នាក់ងារសេវាអយ្យការសាធារណៈ នគរបាល និងអាជ្ញាធរមូលដ្ឋានកំពុងប្រុងប្រយ័ត្ន និងកំពុងចាត់វិធានការសន្តិសុខចាំបាច់»៕