អ្នកជំនាញអង្គការសហប្រជាជាតិម្នាក់បាននិយាយថា ពិភពលោកបានផ្តល់ «អាជ្ញាប័ណ្ណ» ដល់អ៊ីស្រាអែលដើម្បីធ្វើទារុណកម្មពលរដ្ឋប៉ាឡេស្ទីន ដោយជីវិតនៅក្នុងដែនដីប៉ាឡេស្ទីន «ជាការបន្តនៃទុក្ខវេទនាខាងរាងកាយ និងផ្លូវចិត្ត»។ លោកស្រី Francesca Albanese អ្នករាយការណ៍ពិសេសរបស់អង្គការសហប្រជាជាតិស្តីពីស្ថានភាពសិទ្ធិមនុស្សនៅក្នុងដែនដីប៉ាឡេស្ទីនដែលត្រូវបានកាន់កាប់ចាប់តាំងពីឆ្នាំ១៩៦៧ បាននិយាយកាលពីថ្ងៃចន្ទថា «ការធ្វើទារុណកម្ម បានក្លាយជាគោលនយោបាយរដ្ឋយ៉ាងមានប្រសិទ្ធភាព» នៅក្នុងប្រទេសអ៊ីស្រាអែល។

លោកស្រីនិយាយថា «អ៊ីស្រាអែល ត្រូវបានផ្តល់អាជ្ញាប័ណ្ណយ៉ាងមានប្រសិទ្ធភាពក្នុងការធ្វើទារុណកម្មពលរដ្ឋប៉ាឡេស្ទីន ព្រោះរដ្ឋាភិបាលភាគច្រើនរបស់អ្នក រដ្ឋមន្ត្រីរបស់អ្នក បានអនុញ្ញាតឲ្យប្រទេសនេះធ្វើដូច្នេះ» ខណៈលោកស្រីបានបង្ហាញរបាយការណ៍ចុងក្រោយទៅកាន់ក្រុមប្រឹក្សាសិទ្ធិមនុស្សអង្គការសហប្រជាជាតិ។

លោកស្រី Albanese បាននិយាយនៅក្នុងរបាយការណ៍មានចំណងជើងថា «ការធ្វើទារុណកម្ម និងអំពើប្រល័យពូជសាសន៍» «អ្វីដែលធ្លាប់ដំណើរការនៅក្នុងស្រមោល បច្ចុប្បន្ននេះត្រូវបានអនុវត្តដោយបើកចំហ ជារបបនៃភាពអាម៉ាស់ត្រូវបានរៀបចំ ដោយការឈឺចាប់និងការបំផ្លិចបំផ្លាញត្រូវតែបានដាក់ទណ្ឌកម្មនៅកម្រិតនយោបាយខ្ពស់បំផុត»។ របាយការណ៍បាននិយាយបន្ថែមថា «តាមរយៈផលប៉ះពាល់រួមនៃការជម្លៀសប្រជាជនទ្រង់ទ្រាយធំ ការហ៊ុមព័ទ្ធ ការបដិសេធជំនួយនិងស្បៀងអាហារ អំពើហិង្សាដោយយោធា និងអ្នកតាំងលំនៅឋានដែលគ្មានការទប់ស្កាត់ ដែនដីកាន់កាប់ប៉ាឡេស្ទីនបានក្លាយជាកន្លែងនៃការដាក់ទណ្ឌកម្មរួម ដែលបានប្រែក្លាយជាអំពើហិង្សាប្រល័យពូជសាសន៍ ជាឧបករណ៍នៃការធ្វើទារុណកម្មរួមគ្នាជាមួយនឹងផលវិបាកផ្លូវចិត្ត និងរាងកាយរយៈពេលវែងសម្រាប់ប្រជាជន»។ លោកស្រី Albanese ដែលជាអ្នករិះគន់ឥតសំចៃចំពោះសកម្មភាពរបស់អ៊ីស្រាអែលនៅក្នុងតំបន់កាន់កាប់ West Bank និងសង្គ្រាមប្រល័យពូជសាសន៍របស់ខ្លួននៅតំបន់ Gaza បានប្រឈមនឹងប្រតិកម្មពីអ៊ីស្រាអែល និងសហរដ្ឋអាមេរិក ដោយមានការអំពាវនាវកាន់តែខ្លាំងឡើងសម្រាប់ការដកលោកស្រីចេញពីតំណែងជាអ្នករាយការណ៍ពិសេស។