រដ្ឋមន្ត្រីការបរទេសអូម៉ង់ លោក Badr bin Hamad Al Busaidi បានថ្លែងកាលពីថ្ងៃចន្ទថា អ៊ីរ៉ង់មិនមែនជាអ្នកដែលត្រូវគេបន្ទោសចំពោះការកើនឡើងថ្មីៗនៃជម្លោះយោធានៅមជ្ឈិមបូព៌ាទេ។

ប្រមុខការទូតអូម៉ង់រូបនេះ បានបញ្ជាក់នៅលើគណនីបណ្តាញសង្គម X របស់ខ្លួនថា៖«ទោះបីជាទស្សនៈរបស់អ្នកចំពោះអ៊ីរ៉ង់ក៏ដោយ ពួកគេមិនមែនជាអ្នកបង្កសង្គ្រាមនេះទេ។

លោករដ្ឋមន្ត្រីការបរទេសអូម៉ង់ បានបន្តថា៖«ជម្លោះនេះ កំពុងបង្កបញ្ហាសេដ្ឋកិច្ចយ៉ាងទូលំទូលាយ ហើយខ្ញុំពិតជាព្រួយបារម្ភថា ស្ថានភាពនឹងកាន់តែអាក្រក់ឡើងៗ ប្រសិនបើសង្គ្រាមនេះ នៅតែបន្ត»។

លោករដ្ឋមន្ត្រីការបរទេស Badr bin Hamad Al Busaidi បានបន្ថែមថា៖«អូម៉ង់កំពុងធ្វើការយ៉ាងសកម្មដើម្បីរៀបចំការឆ្លងកាត់ច្រកសមុទ្រហ័រមូសដោយសុវត្ថិភាព»។

សហរដ្ឋអាមេរិក និងអ៊ីស្រាអែល បានបើកប្រតិបត្តិការយោធាប្រឆាំងនឹងអ៊ីរ៉ង់ នៅថ្ងៃទី ២៨ ខែកុម្ភៈ។ ទីក្រុងធំៗរបស់អ៊ីរ៉ង់ រួមទាំងទីក្រុងតេអេរ៉ង់ ត្រូវបានវាយប្រហារ។ សេតវិមានបានបង្ហាញភាពត្រឹមត្រូវនូវការវាយប្រហារនេះ ដោយលើកឡើងពីការគំរាមកំហែងដោយមីស៊ីល និងនុយក្លេអ៊ែរពីអ៊ីរ៉ង់។ កងឆ្មាំបដិវត្តន៍   ឥស្លាម បានប្រកាសពីប្រតិបត្តិការសងសឹក ដោយកំណត់គោលដៅទីតាំងនានានៅក្នុងប្រទេសអ៊ីស្រា     អែល។ មូលដ្ឋានយោធាអាមេរិកនៅបារ៉ែន ហ្ស៊កដានី គូវ៉ែត កាតា អារ៉ាប៊ីសាអ៊ូឌីត និងអារ៉ាប់រួម ក៏ត្រូវបានវាយប្រហារផងដែរ។ មេដឹកនាំកំពូល លោក Ayatollah Ali Khamenei និងមេដឹកនាំសំខាន់ៗរបស់អ៊ីរ៉ង់មួយចំនួនទៀត ត្រូវបានសម្លាប់ នៅក្នុងការវាយប្រហាររួមគ្នារបស់សហរដ្ឋអាមេរិក និងអ៊ីស្រាអែល៕