ចាប់តាំងពីការចាប់ផ្តើមប្រតិបត្តិការប្រឆាំងនឹងអ៊ីរ៉ង់មក កងទ័ពអាមេរិកបានវាយប្រហារគោលដៅជាង ៩.០០០កន្លែង។ នេះបើយោងតាមរបាយការណ៍របស់ទីបញ្ជាការកណ្តាលសហរដ្ឋអាមេរិក (CENTCOM)។

សេចក្តីថ្លែងការណ៍ដែលបានបង្ហោះនៅលើទំព័រ X របស់ទីបញ្ជាការនេះ បានបញ្ជាក់ថា៖«គោលដៅជាង ៩.០០០កន្លែង ត្រូវបានវាយប្រហារ។ ការហោះហើរប្រយុទ្ធជាង ៩.០០០លើក ត្រូវបានអនុវត្ត។ នាវាអ៊ី   រ៉ង់ជាង ១៤០គ្រឿង ត្រូវបានខូចខាត ឬបំផ្លាញ»។

សហរដ្ឋអាមេរិក និងអ៊ីស្រាអែល បានចាប់ផ្តើមប្រតិបត្តិការយោធាប្រឆាំងនឹងអ៊ីរ៉ង់ នៅថ្ងៃទី២៨ ខែកុម្ភៈ ដោយវាយប្រហារទីក្រុងធំៗ រួមទាំងទីក្រុងតេអេរ៉ង់ផងដែរ។ សេតវិមានបានបង្ហាញភាពត្រឹមត្រូវនូវការវាយប្រហារនេះ ដោយលើកឡើងពីការគំរាមកំហែងដោយមីស៊ីល និងនុយក្លេអ៊ែរពីអ៊ីរ៉ង់។ កងឆ្មាំបដិវត្តន៍ឥស្លាម អ៊ីរ៉ង់ បានសងសឹកដោយការវាយប្រហារយ៉ាងទូលំទូលាយទៅលើអ៊ីស្រាអែល និងមូលដ្ឋានយោធារបស់សហរដ្ឋអាមេរិកនៅក្នុងប្រទេសបារ៉ែន ហ្ស៊កដានី កាតា គូវ៉ែត អេមីរ៉ាតអារ៉ាប់រួម និងអារ៉ាប៊ីសាអ៊ូឌីត។ លោក Ayatollah Ali Khamenei និងឥស្សរជនសំខាន់ៗរបស់អ៊ីរ៉ង់មួយចំនួនទៀត ត្រូវបានសម្លាប់៕