មន្ត្រីជាន់ខ្ពស់ណាតូម្នាក់ បាននិយាយកាលពីថ្ងៃពុធថា ប្រទេសសមាជិកអង្គការណាតូ ត្រូវគិតឡើងវិញជាបន្ទាន់អំពីរបៀបដែលពួកគេធានាការការពាររបស់ពួកគេ ប៉ុន្តែពួកគេភាគច្រើន មិនទាន់យល់ច្បាស់ពីទំហំនៃបញ្ហាប្រឈមនោះទេ ជាពិសេសនៅពេលនិយាយអំពីការជំរុញការផលិតអាវុធ។ 

ចាប់តាំងពីលោក វ្ល៉ាឌីមៀ ពូទីន (Vladimir Putin) បានឈ្លានពានអ៊ុយក្រែន ក្នុងខែកុម្ភៈ ឆ្នាំ២០២២     រុស្ស៊ីបានដាក់សេដ្ឋកិច្ចរបស់ខ្លួននៅលើមូលដ្ឋានសង្គ្រាម និងបានជំរុញការផលិតអាវុធរបស់ខ្លួន។

លោក Pierre Vandier មេបញ្ជាការជាន់ខ្ពស់នៃអង្គភាពទំនើបកម្មយុទ្ធសាស្ត្ររបស់ណាតូ បានប្រាប់វេទិកាសន្តិសុខ និងការពារជាតិ នៅទីក្រុងប៉ារីសថា៖«រុស្ស៊ីបានផ្លាស់ប្តូរ»។

លោកបាននិយាយថា៖«យើងត្រូវត្រៀមខ្លួនសម្រាប់សត្រូវថ្មី ប្រសិនបើយើងមិនធ្វើទេ យើងនឹងប្រឈម នឹងអ្វីដែលឈូងសមុទ្របានជួបប្រទះ» ដោយសំដៅទៅលើការវាយប្រហារសងសឹករបស់អ៊ីរ៉ង់លើប្រទេសឈូងសមុទ្រ បន្ទាប់ពីសហរដ្ឋអាមេរិក និងអ៊ីស្រាអែល បានវាយប្រហារសាធារណរដ្ឋឥស្លាមនេះ នៅថ្ងៃទី២៨ ខែកុម្ភៈ។

លោក Vandier បានលើកឡើងថា ណាតូគួរតែសម្របខ្លួន ដើម្បីផលិតអាវុធបន្ថែមទៀត និងលឿនជាងមុន ដោយជំរុញឲ្យសម្ព័ន្ធមិត្តបង្កើត «ជម្រើសដ៏ត្រឹមត្រូវ»។

លោកបាននិយាយជាភាសាអង់គ្លេសថា៖«នេះគឺមិនមែនជាបញ្ហាលុយកាក់ទេ។ វាគឺជាបញ្ហាល្បឿន»៕

លោកបានសង្កត់ធ្ងន់លើតម្រូវការសម្រាប់អង្គការណាតូ ដើម្បីឆ្លើយតបទៅនឹងបញ្ហាប្រឈម ដូចជា រុស្ស៊ី និងអ៊ីរ៉ង់ ដែលផលិតយានដ្រូនទ្រង់ទ្រាយធំ ដែលសមត្ថភាពរបស់ពួកគេ កំពុងរីកចម្រើនយ៉ាងឆាប់             រហ័ស៕