ក្រុមមេដឹកនាំបណ្តាប្រទេសនៅតំបន់បាល់ទិកនៅថ្ងៃព្រហស្បតិ៍នេះ បានបង្ហាញចំណាប់អារម្មណ៍ ក្នុងការសម្របសម្រួលជាមួយអ៊ុយក្រែន ដើម្បីជំរុញសមត្ថភាពយានដ្រូន ពេលដែលពួកគេមកដល់កិច្ចប្រជុំកងកម្លាំងបេសកកម្មរួម(JEF)នៅទីក្រុង Helsinki ប្រទេសហ្វាំងឡង់ ដើម្បីលើកឡើងពីក្តីបារម្ភសន្តិសុខក្នុងតំបន់ តម្លៃប្រេង និងភាពតានតឹងនៅតំបន់មជ្ឈិមបូព៌ា ។

នាយករដ្ឋមន្រ្តីឡាតវីលោកស្រី Evika Siliņa បានធ្វើការសង្កត់ធ្ងន់ពីភាពបន្ទាន់សម្រាប់បច្ចេកវិទ្យាយានដ្រូនល្អប្រសើរជាងមុន បន្ទាប់ពីការវាយប្រហារកាលពីពេលថ្មីៗនៅអ៊ុយក្រែន ។

លោកស្រីនិយាយថា ពួកយើងត្រូវការសម្រេចចិត្តថា ពួកយើងត្រូវការផលិតយានដ្រូនច្រើនជាងនេះ ហើយប្រទេសរបស់លោកស្រីនឹងរៀបចំជំនួបផ្តោតសំខាន់លើយានដ្រូន នៅថ្ងៃទី ២៧ ខែឧសភាខាងមុខនេះ ។

ខណៈពេលនោះដែរ នាយករដ្ឋមន្រ្តីអេស្តីនីលោក Kristen Michal បានឆ្លុះបញ្ចាំងពីភាពរីកចម្រើនរបស់អ៊ុយក្រែន ក្នុងនវានុវត្តន៍យានដ្រូន ។ លោកថា ពួកគេមាននវានុវត្តន៍ ពួកគេមានបច្ចេកវិទ្យាយានដ្រូនដែលប្រទេសដទៃទៀតមានដែរ ។

កិច្ចប្រជុំនេះដែរ បានកើតមានឡើង រយៈពេល ១ថ្ងៃប៉ុណ្ណោះ បន្ទាប់ពីអ៊ុយក្រែនវាយប្រហារលើរោងចក្រប្រេងសំខាន់ៗរបស់រុស្ស៊ី ៕