ក្រសួងការពារជាតិអ៊ីស្រាអែល បានរាយការណ៍ថា ខ្លួនបានទទួលយន្តហោះដឹកជញ្ជូន និងនាវាចំនួន ២០០គ្រឿង ដែលផ្ទុកគ្រឿងយុទ្ធោបករណ៍ និងគ្រាប់រំសេវចំនួន ៨.000តោន ចាប់តាំងពីថ្ងៃទី ២៨ ខែកុម្ភៈ។

ក្រសួងបាននិយាយនៅក្នុងសេចក្តីថ្លែងការណ៍មួយថា៖«ជាផ្នែកមួយនៃការផ្គត់ផ្គង់ និងការដឹកជញ្ជូនជាបន្តបន្ទាប់ ចាប់តាំងពីការចាប់ផ្តើមនៃប្រតិបត្តិការតោគ្រហឹម យន្តហោះ និងនាវាជាង ២០០គ្រឿង បានមកដល់អ៊ីស្រាអែល ដោយដឹកជញ្ជូនគ្រឿងយុទ្ធោបករណ៍ អាវុធ និងគ្រាប់រំសេវចំនួន ៨.000 តោន»។

«ស្ពានអាកាស និងសមុទ្រ បានដំណើរការជាបន្តបន្ទាប់ពេញមួយយុទ្ធនាការ ក្រោមការដឹកនាំរបស់រដ្ឋ     បាលផ្គត់ផ្គង់ការពារជាតិរបស់ក្រសួងការពារជាតិអ៊ីស្រាអែល និងនាយកដ្ឋានដឹកជញ្ជូនអន្តរជាតិរបស់ខ្លួន ក៏ដូចជាបេសកកម្មរបស់ក្រសួងការពារជាតិអ៊ីស្រាអែល នៅសហរដ្ឋអាមេរិក និងអាល្លឺម៉ង់។ អាជ្ញាធរអាកាសយានដ្ឋានអ៊ីស្រាអែល និងអាជ្ញាធរអាកាសចរណ៍ស៊ីវិលអ៊ីស្រាអែល ក៏ចូលរួមក្នុងប្រតិបត្តិការនេះផងដែរ»៕