អ៊ីរ៉ាក់កាលពីព្រហស្បតិ៍បានថ្កោលទោសចំព៉ការកំណត់គោលដៅទោលើរដ្ឋឈូងសមុទ្រ និងហ្ស៊កដានី មួយថ្ងៃបន្ទាប់ពីប្រទេសទាំងនេះ បានចេញសេចក្តីថ្លែងការណ៍រួមមួយដែលទាមទារឲ្យទីក្រុងបាកដាដធ្វើសកម្មភាព ដើម្បីទប់ស្កាត់ការវាយប្រហារពីទឹកដីរបស់ខ្លួន។

ក្រសួងការបរទេសអ៊ីរ៉ាក់ បាននិយាយនៅក្នុងសេចក្តីថ្លែងការណ៍មួយថា ប្រទេសនេះបញ្ជាក់ពីការថ្កោលទោសយ៉ាងដាច់អហង្ការរបស់រដ្ឋាភិបាលចំពោះការឈ្លានពានណាមួយ ឬការកំណត់គោលដៅទៅលើ ទេសឈូងសមុទ្រ និងព្រះរាជាណាចក្រហ្ស៊កដានី» ហើយបានត្រៀមរួចជាស្រេចដើម្បី «ធ្វើការរួមគ្នាដើម្បីដោះស្រាយការវាយប្រហារ ដោយមានការទទួលខុសត្រូវ និងឆាប់រហ័ស»។

ក្រសួងបានបន្ថែមថា អ៊ីរ៉ាក់បានប្តេជ្ញាចិត្តក្នុងការចាត់វិធានការចាំបាច់ ដើម្បីដោះស្រាយបញ្ហាប្រឈមផ្នែកសន្តិសុខ»។

កាលពីថ្ងៃពុធ (២៥ មីនា) អារ៉ាប៊ីសាអ៊ូឌីត អេមីរ៉ាតអារ៉ាប់រួម កាតា គូវ៉ែត បារ៉ែន និងហ្ស៊កដានី បានចេញសេចក្តីថ្លែងការណ៍រួមមួយដែលទាមទារឲ្យទីក្រុងបាកដាដធ្វើសកម្មភាពជាបន្ទាន់ ដើម្បីទប់ស្កាត់ការវាយប្រហារពីទឹកដីរបស់ខ្លួន ដោយក្រុមប្រដាប់អាវុធដែលគាំទ្រដោយអ៊ីរ៉ង់។

គួរបញ្ជាក់ផងដែរ ប្រទេសអ៊ីរ៉ាក់ត្រូវបានទាញចូលទៅក្នុងសង្គ្រាមដែលបង្កឡើងដោយការវាយប្រហាររបស់សហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់ នៅថ្ងៃទី ២៨ ខែកុម្ភៈ៕