ទូរទស្សន៍ CNN បានរាយការណ៍ថា លោក ឧត្តមនាវីឯក Brad Cooper ប្រធានទីបញ្ជាការកណ្តាលសហរដ្ឋអាមេរិក (CENTCOM) និងនាយសេនាធិការកងកម្លាំងការពារជាតិអ៊ីស្រាអែល (IDF) លោក Eyal Zamir បានពិភាក្សាអំពីកិច្ចខិតខំប្រឹងប្រែងបន្ថែមទៀតប្រឆាំងនឹងសហគ្រាសឧស្សាហកម្មយោធារបស់អ៊ីរ៉ង់ នៅក្នុងកិច្ចប្រជុំមួយ កាលពីថ្ងៃអាទិត្យ។  

យោងតាមប្រភពព័ត៌មានរបស់ទូរទស្សន៍នេះ ការពិភាក្សាបានធ្វើឡើងនៅក្នុងប្រទេសអ៊ីស្រាអែលដោយមានការចូលរួមពីមន្ត្រីយោធាអ៊ីស្រាអែលផ្សេងទៀត។ របាយការណ៍បានបញ្ជាក់ថា៖«កិច្ចប្រជុំនេះផ្តោតលើសង្គ្រាមប្រឆាំងនឹងអ៊ីរ៉ង់ និងកិច្ចខិតខំប្រឹងប្រែង ដើម្បីបញ្ឈប់ការផលិតអាវុធរបស់អ៊ីរ៉ង់»។

សហរដ្ឋអាមេរិក និងអ៊ីស្រាអែល បានចាប់ផ្តើមប្រតិបត្តិការយោធាប្រឆាំងនឹងអ៊ីរ៉ង់ នៅថ្ងៃទី២៨ ខែកុម្ភៈ ដោយវាយប្រហារទីក្រុងធំៗ រួមទាំងទីក្រុងតេអេរ៉ង់ផងដែរ។ សេតវិមានបានបង្ហាញភាពត្រឹមត្រូវនូវការវាយប្រហារនេះ ដោយលើកឡើងពីការគំរាមកំហែងដោយមីស៊ីល និងនុយក្លេអ៊ែរពីអ៊ីរ៉ង់។ កងឆ្មាំបដិវត្តន៍ឥស្លាមអ៊ីរ៉ង់ បានសងសឹកដោយការវាយប្រហារយ៉ាងទូលំទូលាយទៅលើអ៊ីស្រាអែល និងមូលដ្ឋានយោធារបស់សហរដ្ឋអាមេរិកនៅក្នុងប្រទេសបារ៉ែន ហ្ស៊កដានី កាតា គូវ៉ែត អេមីរ៉ាតអារ៉ាប់រួម និងអារ៉ាប៊ីសាអ៊ូ         ឌីត។ 

នៅថ្ងៃទី១១ ខែមីនា តំណាងទីស្នាក់ការកណ្តាល Khatam al-Anbiya បានរាយការណ៍ថា អ៊ីរ៉ង់នឹងមិនអនុញ្ញាតឲ្យនាវាដឹកប្រេងដែលមានសម្ព័ន្ធភាពជាមួយសហរដ្ឋអាមេរិកឆ្លងកាត់ច្រកសមុទ្រហ័រមូស         ឡើយ។ នៅថ្ងៃទី១៥ ខែមីនា លោកបានព្រមានថា ទីក្រុងតេអេរ៉ង់ នឹងប្រើប្រាស់មធ្យោបាយចាំបាច់ណាមួយ រួមទាំងការគ្រប់គ្រងការធ្វើនាវាចរណ៍របស់នាវា នៅក្នុងច្រកសមុទ្រហ័រមូស ដើម្បីបង្ខំឲ្យសត្រូវចុះចាញ់៕