លោក Scott Ritter អតីតអ្នកវិភាគព័ត៌មានចារកម្មកងម៉ារីនអាមេរិក និងជាអតីតអ្នកត្រួតពិនិត្យអាវុធរបស់អង្គការសហប្រជាជាតិប្រចាំប្រទេសអ៊ីរ៉ាក់ បានប្រាប់សារព័ត៌មាន TASS ក្នុងបទសម្ភាសន៍មួយថា ការប្រកាសជ័យជម្នះលើអ៊ីរ៉ង់ដោយប្រធានាធិបតីអាមេរិក លោក ដូណាល់ ត្រាំ (Donald Trump) នឹងមើលទៅហាក់ដូចជាចម្លែក ប្រសិនបើអ៊ីរ៉ង់នៅបន្តវាយប្រហារដោយមីស៊ីលប្រឆាំងនឹងទឹកដីអ៊ីស្រាអែលនោះ។

ដោយឆ្លើយសំណួរអំពីថាតើប្រធានាធិបតីអាមេរិក អាចប្រកាសជ័យជម្នះក្នុងជម្លោះមជ្ឈិមបូព៌ាឆាប់ៗនេះឬអត់ លោកបាននិយាយថា «ជាការពិតណាស់ ខ្ញុំមិនដឹងថា លោក ត្រាំ អាចប្រកាសជ័យជម្នះដោយរបៀបណា នៅពេលដែលអ៊ីរ៉ង់បដិសេធមិនទទួលស្គាល់ការបរាជ័យនោះទេ។ ពិតមែន លោកអាចប្រកាសជ័យជម្នះផ្នែកយោធា បង្ហាញវាតាមវិធីណាដែលលោកចង់បាន៖ យើងបានវាយប្រហារពន្លិចកងនាវាអ៊ីរ៉ង់ យើងបានបំផ្លាញអគាររបស់ពួកគេស្ទើរតែទាំងស្រុង។ ប៉ុន្តែបន្ទាប់ពីប្រកាសជ័យជម្នះ ប្រសិនបើនៅថ្ងៃបន្ទាប់អ៊ីរ៉ង់បន្តបាញ់មីស៊ីលប្រឆាំងនឹងអ៊ីស្រាអែល តើនោះជាជ័យជម្នះដែរឬទ?»។ 

លោក Ritter ក៏បានកត់សម្គាល់ផងដែរថា ការប្រកាសជ័យជម្នះ នឹងនៅតែជាបញ្ហា ប្រសិនបើច្រកសមុទ្រហ័រមូស នៅតែត្រូវបានរារាំង។ «ប្រសិនបើលោក ដូណាល់ ត្រាំ ប្រកាសជ័យជម្នះ ប៉ុន្តែតម្លៃប្រេងឥន្ធនៈកើនឡើងជារៀងរាល់ថ្ងៃនៅអាមេរិក វានឹងច្បាស់ណាស់ថា ពុំមែនជាជ័យជម្នះនោះទេ វាគ្រាន់តែជាពាក្យសម្តីគ្មានន័យប៉ុណ្ណោះ»៕