នៅក្នុងបទសម្ភាសន៍ជាមួយកាសែត Financial Times ដែលបានចុះផ្សាយកាលពីថ្ងៃអាទិត្យ ប្រធានាធិបតីសហរដ្ឋអាមេរិកលោក Donald Trumpនិយាយថា លោកចង់បានប្រេងនៅអ៊ីរ៉ង់ ហើយនិងអាចរឹបអូសយកកោះមជ្ឈមណ្ឌលនាំចេញ Kharg ។

កោះ Kharg នៅចម្ងាយប្រហែល ២៦គ.មពីតំបន់ឆ្នេរអ៊ីរង់នៅចុងផុតភាគខាងជើងតំបន់ឈូងសមុទ្រនោះ ស្ថិតនៅចម្ងាយប្រហែល ៤៨៣គ.មពីច្រកសមុទ្រ Hormuz ។ កោះមួយនេះស្ថិតក្នុងដែនទឹកជ្រៅល្មមអាចចូលចតរបស់នាវាដឹងប្រេងបានដែលធំខ្លាំងពេកមិនអាចចូលដែនទឹករាក់តំបន់ឆ្នេររបស់អ៊ីរ៉ង់ ។

កោះមួយនេះ ដោះស្រាយ ៩០ភាគរយនៃការនាំចេញប្រេងរបស់អ៊ីរ៉ង់ ហើយការរឹបអូសអាចនឹងធ្វើឲ្យសហរដ្ឋអាមេរិកមានសមត្ថភាពបង្អាក់ពាណិជ្ជកម្មថាមពលអ៊ីរ៉ង់ ដាក់សម្ពាធខ្លាំងលើសេដ្ឋកិច្ចទីក្រុងតេអេរ៉ង់ ។ អ៊ីរ៉ង់គឺជាប្រទេសផលិតប្រេងធំបំផុតទី ៣របស់អង្គការ OPEC ។

កងកម្លាំងសហរដ្ឋអាមេរិក បានបើកការវាយប្រហារលើកោះ Kharg កាលពីពាក់កណ្តាលខែមីនា ។ លោក Trumpនិយាយថា ពួកគេបានបំផ្លាញចោលទាំងស្រុងគោលដៅយោធាទាំងអស់នៅទីនោះ ហើយពួកគេអាចនឹងវាយប្រហារលើហេដ្ឋារចនាសម្ព័ន្ធប្រេងនៅទីនោះ ។

ទោះបីជាយ៉ាងណាក៏ដោយ ប្រទេសសម្ព័ន្ធមិត្តមួយចំនួននៅតំបន់ឈូងសមុទ្រ បានក្រើនរំឭកទីក្រុងវ៉ាស៊ីនតោនថាឲ្យជាន់ដីអ៊ីរ៉ង់ រួមទាំងទាហាននៅលើកោះ Kharg ស្របពេលដែលពួកគេមានជំនឿថា ការធ្វើបែបនេះ នឹងពង្រីកសង្រ្គាមកាន់តែធំ បង្កឲ្យមានការសងសឹកយ៉ាងខ្លាំងពីអ៊ីរ៉ង់ ហើយអាចនឹងលើហេដ្ឋារចនាសម្ព័ន្ធថាមពល និងស៊ីវិលនៅតំបន់ឈូងសមុទ្រទៀតផង ៕