សេវាសង្គ្រោះបន្ទាន់របស់អ៊ីស្រាអែល បាននិយាយនៅថ្ងៃអង្គារនេះថា មនុស្ស ៨នាក់ ដែលមានរបួសស្រាល ត្រូវបានជម្លៀសទៅកាន់មន្ទីរពេទ្យ នៅក្នុងតំបន់ Tel Aviv ជាកន្លែងដែលនគរបាលបានរាយការណ៍ពីបំណែកគ្រាប់ផ្លោងដែលធ្លាក់ បន្ទាប់ពីមានការជូនដំណឹងអំពីមីស៊ីលអ៊ីរ៉ង់ដែលចូលមក។

អ្នករងរបួសចំនួន ៦នាក់ ត្រូវបានព្យាបាល នៅក្នុងទីក្រុង Bnei Brak ដែលភាគច្រើនមានជនជាតិជ្វីហ្វ គ្រិស្តអូស្សូដក់។ នេះបើយោងតាមសេវាសង្គ្រោះ Magen David Adom ដែលជាដៃគូនៃកាកបាទក្រហមរបស់អ៊ីស្រាអែល។ 

សេវានេះ បានបញ្ជាក់ថា ពួកគេ គឺស្ថិតក្នុងស្ថានភាពស្រាលជាមួយនឹងរបួសដោយសារការផ្ទុះ។

បញ្ជាការដ្ឋានការពារពលរដ្ឋរបស់យោធា បាននិយាយថា ខ្លួនបានទទួល «របាយការណ៍អំពីការខូចខាត» នៅក្នុងតំបន់កណ្តាលនៃប្រទេសនេះ។

នៅព្រឹកថ្ងៃអង្គារនេះ យ៉ាងហោចណាស់មានការផ្ទុះចំនួន ១០ដង នៅក្នុងតំបន់ Jerusalem បន្ទាប់ពីការបាញ់មីស៊ីលពីអ៊ីរ៉ង់ ត្រូវបានគេរកឃើញ ទោះបីជាមិនមានការរាយការណ៍អំពីរបួស នៅពេលក្រោយមក  ក៏ដោយ៕