អ៊ុយក្រែន៖ ក្រុមមន្ត្រីនៅក្នុងរដ្ឋធានីគីវបាននិយាយថា កងទ័ពរុស្ស៊ីទាំងអស់ដែលបានគ្រប់គ្រងស្ថានីយរោងចក្រនុយក្លេអ៊ែរ Chernobyl ពេលនេះបានចាកចេញពីតំបន់នោះហើយ ខណៈការវាយប្រយុទ្ធគ្នានៅតែបន្តកើនឡើងនៅតំបន់ដាច់ស្រយាលមួយចំនួននៃរដ្ឋធានីរបស់អ៊ុយក្រែន និងខ្សែត្រៀមជួរមុខផ្សេងទៀត។
ទីភ្នាក់ងាររដ្ឋទទួលបន្ទុកតំបន់ផ្ដាច់មុខ Chernobyl របស់អ៊ុយក្រែន Energoatom បាននិយាយនៅលើបណ្ដាញ Facebook ថា លែងមានអ្នកដទៃណានៅលើតំបន់រោងចក្រថាមពលនុយក្លេអ៊ែរ Chernobyl នេះទៀតហើយ។ ចំណែកទីភ្នាក់ងារឃ្លាំមើលអាវុធនុយក្លេអ៊ែររបស់អង្គការសហប្រជាជាតិ IAEA ក៏បានបញ្ជាក់ផងដែរថា ខ្លួនត្រូវបានក្រុមអាជ្ញាធរអ៊ុយក្រែនបញ្ជាក់ប្រាប់ថា កងកម្លាំងរុស្ស៊ីបានប្រគល់ការគ្រប់គ្រងរោងចក្រថាមពលនុយក្លេអ៊ែរឲ្យទៅខ្លួនវិញ និងបានដកក្បួនកងទ័ពចេញ។ យ៉ាងណាក៏ដោយរហូតមកដល់ពេលនេះនៅមិនទាន់មានការអត្ថាធិប្បាយភ្លាមៗ ពីក្រុមអាជ្ញាធររុស្ស៊ីនៅឡើយទេ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
