រដ្ឋមន្ត្រីការបរទេសអ៊ីរ៉ង់លោក Abbas Araghchi បានបញ្ជាក់ថា សារត្រូវបានឆ្លងឆ្លើយជាមួយសហរដ្ឋអាមេរិក ទាំងដោយផ្ទាល់ ឬតាមរយៈប្រទេសនានាក្នុងតំបន់ អំឡុងពេលសង្គ្រាមអាមេរិក-អ៊ីស្រាអែលលើអ៊ីរ៉ង់ដែលកំពុងបន្ត។

ក្នុងអំឡុងពេលសម្ភាសន៍ជាមួយសារព័ត៌មាន Al Jazeera លោក Araghchi និយាយថា ការទាក់ទងជាមួយសហរដ្ឋអាមេរិកមិនមានន័យថា ទីក្រុងតេអេរ៉ង់កំពុងចរចាជាមួយទីក្រុងវ៉ាស៊ីនតោននោះទេ។

លោកថា រូបលោកទទួលបានសារពីប្រេសិតពិសេសអាមេរិកលោក Steve Witkoff ដោយផ្ទាល់ដូចពីមុន ហើយនេះមិនមានន័យថាពួកលោកកំពុងចរចានោះទេ។

ហើយលោកថា មិនមានការពិតចំពោះការអះអាងអំពីការចរចាជាមួយភាគីណាមួយនៅក្នុងប្រទេសអ៊ីរ៉ង់ទេ។ សារទាំងអស់ត្រូវបានបញ្ជូនតាមរយៈក្រសួងការបរទេស ឬទទួលបានដោយក្រសួងការបរទេស ហើយមានការទំនាក់ទំនងរវាងភ្នាក់ងារសន្តិសុខ។

លោក Araghchi បានពន្យល់ថា ពួកគេមិនដែលមាន “បទពិសោធន៍ល្អ” ក្នុងការចរចាជាមួយសហរដ្ឋអាមេរិកទេ ដោយបន្ថែមថា កាលពីប៉ុន្មានឆ្នាំមុន ពួកគេទទួលបានកិច្ចព្រមព្រៀងមួយ មានតែសហរដ្ឋអាមេរិកប៉ុណ្ណោះដែលដកខ្លួនចេញ ដោយសំដៅទៅលើផែនការសកម្មភាពរួមគ្រប់គ្រុងជ្រោយ(JCPOA) ឆ្នាំ២០១៥។

លោកបន្ថែមថា អ៊ីរ៉ង់មិនមានជំនឿថាការចរចាជាមួយសហរដ្ឋអាមេរិកនឹងផ្តល់លទ្ធផលណាមួយឡើយ។កម្រិតនៃទំនុកចិត្តគឺសូន្យ។ពួកលោកមិនដែលបានមើលឃើញភាពស្មោះត្រង់ទេ។

ចំណែកលោកប្រធានាធិបតីអ៊ីរ៉ង់ Masoud Pezeshkian ក៏បាននិយាយកាលពីថ្ងៃអង្គារផងដែរថា អាមេរិកពុំដែលជឿលើច្រកការទូតទេ ខណៈអ៊ីរ៉ង់ ត្រូវបានវាយប្រហារពីរលើកអំឡុងការចរចាជាមួយទីក្រុងវ៉ាស៊ីនតោន៕