ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) កំពុងសង្ឃឹមថា ប្រទេសបារាំង នឹងក្លាយជាប្រទេសមួយក្នុងចំណោមប្រទេសដំបូងគេ នៅសហភាពអឺរ៉ុប ដែលហាមឃាត់ប្រព័ន្ធផ្សព្វផ្សាយសង្គមសម្រាប់កុមារអាយុក្រោម ១៥ឆ្នាំ បន្ទាប់ពីមានការសម្រេចស្រដៀងគ្នា នៅក្នុងប្រទេស  អូស្ត្រាលី និងឥណ្ឌូនេស៊ី។

សភាទាំងពីរហាក់ដូចជាមានចក្ខុវិស័យខុសគ្នាចំពោះការហាមឃាត់នេះ មានន័យថា ពួកគេទំនងជាត្រូវឈានដល់ការសម្របសម្រួល មុនពេលបម្រាមនេះ អាចក្លាយជាច្បាប់។

ប៉ុន្តែទោះបីជាច្បាប់នេះ ត្រូវបានអនុម័តក៏ដោយ នៅតែមានសំណួរជាច្រើនថាតើវាអាចត្រូវបានអនុវត្ត ឬ  អត់។

សភាជាន់ទាបកាលពីខែមករា បានអនុម័តច្បាប់ដែលទាមទារឲ្យវេទិកាប្រព័ន្ធផ្សព្វផ្សាយសង្គមទាំងអស់បដិសេធអ្នកប្រើប្រាស់ថ្មីដែលមានអាយុក្រោម ១៥ឆ្នាំ និងផ្អាកគណនីរបស់កុមារ ដែលមានអាយុ    ក្រោមអាយុនោះ។

អាជ្ញាធរចង់ឲ្យសេចក្តីព្រាងច្បាប់នេះ ដែលចែងអំពីការហាមឃាត់ទូរស័ព្ទចល័ត នៅក្នុងសាលាវិទ្យាល័យ ត្រូវបានអនុវត្ត ចាប់ពីខែកញ្ញា៕