នៅថ្ងៃព្រហស្បតិ៍នេះ ជនប៉ាឡេស្ទីនជម្លៀសខ្លួននៅទីក្រុង Khan Younis តំបន់ហ្កាហ្សា បាននិយាយរៀបរាប់ពីទុក្ខលំបាករបស់ពួកគេ ដោយសារភ្លៀងធ្លាក់ និងខ្យល់បក់ខ្លាំងកាលពីយប់កន្លងទៅ បណ្តាលឲ្យខូចខាតសំពត់តង់របស់ពួកគេ ។

លោក Yasser al-Masri គឺជាជនប៉ាឡេស្ទីនជម្លៀសខ្លួនមួយរូបនិយាយថា សំពត់តង់របស់លោកទាំងអស់ បានបាក់រលំ គ្មានជីវិតសមរម្យនោះទេនៅទីនេះ ។ តង់របស់ពួកយើងរហែកអស់ហើយ ។ ពួកយើងអត់អាចរស់នៅបានទៀតទេ ។

លោកបន្តថា យប់មិញលោកកំពុងដេកជាមួយកូនៗរបស់លោក ហើយតង់ក៏បានបាក់សង្កត់លើក្បាលរបស់ពួកយើង ពេលដែលពួកយើងកំពុងដេក ។ ទឹកភ្លៀងស្រោចជោកពួកយើង ។

លោក Al-Masriនិយាយទៀតថា ពួកយើងមិនដឹងថាគួររស់នៅតាមវិធីណានោះទេ ពីព្រោះថា ពូករបស់ពួកយើងទទឹកជោកអស់ហើយ សម្លៀកបំពាក់របស់ពួកយើងក៏ទទឹកជោកដូចគ្នា ។

ការវាយប្រហារកាលពីថ្ងៃទី ៧ ខែតុលា ឆ្នាំ ២០២៣ របស់ក្រុមហាម៉ាស បានសម្លាប់មនុស្ស ១.២០០នាក់ ហើយមនុស្ស ២៥១នាក់ផ្សេងទៀត ត្រូវបានចាប់ធ្វើជាចំណាប់ថ្នូរ ។ 

សង្រ្គាមរយៈពេល ២ឆ្នាំរបស់អ៊ីស្រាអែលនៅតំបន់ហ្កាហ្សា បានសម្លាប់ជនប៉ាឡេស្ទីនជាង ៧២.០០០នាក់ ដែលភាគច្រើននៃពួកគេគឺជាជនប៉ាឡេស្ទីន បង្កឲ្យមានការរីករាលដាលគ្រោះទុរ្ភិក្ស ការបំផ្លិចបំផ្លាញផ្ទះសម្បែង អគារ និងធ្វើឲ្យមនុស្សភាគច្រើននៃពលរដ្ឋក្នុងតំបន់មួយនេះ បានជម្លៀសខ្លួនច្រើនលើកច្រើនសារ ៕